AN COIMISIÚN EORPACH
An Bhruiséil,6.3.2024
COM(2024) 106 final
TUARASCÁIL ÓN gCOIMISIÚN CHUIG AN gCOMHAIRLE AGUS CHUIG PARLAIMINT NA hEORPA
Tuarascáil bhliantúil maidir le Rialachán (AE) 2022/1925 ó Pharlaimint na hEorpa agus ón gComhairle maidir le margaí inchoimhlinte agus cothroma san earnáil dhigiteach agus lena leasaítear Treoracha (AE) 2019/1937 agus (AE) 2020/1828 (An Gníomh um Margaí Digiteacha)
(I)Google Shopping, seirbhísí idirghabhála ar líne Alphabet;;
(II)Google Play, seirbhísí idirghabhála ar líne Alphabet;
(III)Google Maps, seirbhísí idirghabhála ar líne Alphabet;
(IV)Google Search, inneall cuardaigh ar líne Alphabet;
(V)YouTube, seirbhís ardáin comhroinnte físeán Alphabet;
(VI)Google Android, córas oibriúcháin Alphabet, lena n‑áirítear meánearraí ábhartha Alphabet a mhéid a rialaíonn sé bunfheidhmeanna tháibléid agus fhóin chliste Google Android agus a chumasaítear leis feidhmchláir bogearraí a rith orthu sin;
(VII)Google Chrome, brabhsálaí gréasáin Alphabet; agus
(VIII)Seirbhísí fógraíochta ar líne Alphabet, lena n‑áirítear Google Analytics agus AdSense for Search. Ina theannta sin, cé gur áitigh Alphabet go bhfuil taispeáint an fhógra mar chuid den tseirbhís a fhaigheann úsáideoirí deiridh ina ndéantar an fógra a thaispeáint, faightear leis an gCinneadh go bhfuil taispeáint na bhfógraí mar chuid de seirbhísí Alphabet d’úsáideoirí deiridh agus croísheirbhísí ardáin fógraíochta ar líne Alphabet araon.
(I)Appstore, seirbhísí idirghabhála ar líne Apple, gan beann ar an ngaireas ar a n‑úsáidtear é toisc go n‑úsáidtear App Store don chuspóir coiteann céanna ar fud na ngaireas uile ar a bhfuil sé le fáil (i.e. iOS, iPadOS, macOS, watchOS agus tvOS), is é sin chun idirghabháil a dhéanamh maidir le dáileadh na n‑aipeanna;
(II)Córas oibriúcháin Apple, iOS, i gcás ina meastar leis an gCinneadh, cé go bhfuil bunghnéithe agus saintréithe teicniúla iOS agus iPadOS comhchosúil le chéile agus go mbíonn timpeallachtaí comhchosúla i gceist leo dá thoradh sin, go bhfuil fíorais agus argóintí leordhóthanacha curtha ar fáil ag Apple sa deireadh, gur córais oibriúcháin éagsúla faoi seach iad faoi DMA, agus gurb é iOS amháin a chomhlíonann na tairseacha cainníochtúla le haghaidh ainmniúcháin; agus
(III)Brabhsálaí gréasáin Apple, Safari, gan beann ar an ngaireas ar a gcuirtear ar fáil é toisc go bhfreastalaíonn sé ar an gcuspóir coiteann céanna ar gach gaireas (i.e. iPhone, iPad agus Mac), is é sin uirlis a sholáthar d’úsáideoirí chun ábhar gréasáin a thairiscint, rochtain a fháil ar ábhar gréasáin agus chun idirghníomhú a dhéanamh le hábhar gréasáin.
(25)Rinne ByteDance achomharc i gcoinne an chinnidh chun diúltú dá argóintí frisnéise agus é a ainmniú mar gheatóir i ndáil le TikTok (Cás t‑1077/23, fós ar siúl).
(26)Thug Meta fógra don Choimisiún go gcomhlíonann sé na tairseacha i ndáil leis na croísheirbhísí ardáin seo a leanas: (i) a sheirbhís líonraithe shóisialta ar líne aonair arna thacú le fógraíocht ar líne lena gcuimsítear, i dtuairim Meta, Facebook, Instagram, Meta Ads, Messenger, Marketplace, Facebook Dating agus Facebook Gaming Play; agus (ii) a sheirbhís cumarsáide idirphearsanta neamhspleách ar uimhir, WhatsApp.
(27)D’ainmnigh an Coimisiún Meta mar gheatóir i ndáil leis na nithe seo a leanas
(i)
Facebook, ar seirbhís líonraithe shóisialta ar líne de chuid Meta í;
(ii)
Instagram, ar seirbhís líonraithe shóisialta ar líne de chuid Meta í;
(iii)
Meta Ads, ar seirbhís fógraíochta ar líne de chuid Meta í;
(iv)
WhatsApp, ar seirbhís cumarsáide idirphearsanta neamhspleách ar uimhir de chuid Meta í;
(v)
Messenger, ar seirbhís cumarsáide idirphearsanta neamhspleách ar uimhir de chuid Meta í agus
(vi)
Marketplace, ar seirbhísí idirghabhála ar líne de chuid Meta iad.
(28)Diúltaíodh leis an gCinneadh na hargóintí frisnéise a rinne Meta i ndáil le Messenger, a sheirbhís cumarsáide idirphearsanta neamhspleách ar uimhir, agus Marketplace, a sheirbhís idirghabhála ar líne. Contrártha do na hargóintí frisnéise sin, measann an Coimisiún go bhfuil Messenger ina seirbhís cumarsáide idirphearsanta neamhspleách ar uimhir atá ina croísheirbhís ardáin aonair agus nach féidir a mheas nach bhfuil ann ach feidhmiúlacht comhrá na croísheirbhís ardáin um líonrú sóisialta ar líne Facebook. Contrátha do na hargóintí frisnéise sin, breithníonn an Coimisiún go bhfuil úsáideoirí gnó ag Marketplace agus dá bhrí sin gur sheirbhís idirghabhála ar líne ó ghnólacht go tomhaltóir atá ann.
(29)Rinne Meta achomharc maidir le hainmniú a sheirbhíse cumarsáide idirphearsanta neamhspleách ar uimhir, Messenger, agus a sheirbhísí idirghabhála ar líne, Marketplace, mar thairseacha tábhachtacha d’úsáideoirí gnó chun rochtain a fháil ar úsáideoirí deiridh ina chinneadh ainmniúcháin (Cás t‑1078/23).
(30)Thug Microsoft fógra don Choimisiún go gcomhlíonann sé na tairseacha i ndáil leis na croísheirbhísí ardáin seo a leanas: (i) a chóras oibriúcháin Windows PC OS; (ii) a inneall cuardaigh ar líne Bing, (iii) a bhrabhsálaí gréasáin Edge; (iv) a sheirbhísí fógraíochta ar líne Microsoft Advertising; (v) a sheirbhís cumarsáide idirphearsanta neamhspleách ar uimhir Outlook.com; agus (vi) a sheirbhís líonraithe shóisialta ar líne LinkedIn. Ina fhógra, chuir Microsoft argóintí i láthair ina ndearnadh iarracht a léiriú cé go gcomhlíonann a inneall cuardaigh ar líne Bing, a bhrabhsálaí gréasáin Edge, a sheirbhísí fógraíochta ar líne Microsoft Advertising, agus a sheirbhís cumarsáide idirphearsanta neamhspleách ar uimhir Outlook.com na tairseacha a leagtar síos in Airteagal 3(2) DMA, nach gcomhlíonann na croísheirbhísí ardáin sin na ceanglais a liostaítear in Airteagal 3(1) DMA agus dá bhrí sin nár cheart iad a liostú i gcinneadh ainmniúcháin Microsoft.
(31)D’ainmnigh an Coimisiún Microsoft mar gheatóir i ndáil leis na nithe seo a leanas
(i)
Córais oibriúcháin do ríomhairí pearsanta Microsoft, lena n‑áirítear Windows PC OS; agus
(ii)
LinkedIn, ar seirbhís líonraithe shóisialta ar líne de chuid Microsoft í.
(32)Sa Chinneadh, ghlac an Coimisiún leis na hargóintí frisnéise a rinne Microsoft in ndáil lena sheirbhís cumarsáide idirphearsanta neamhspleách ar uimhir Outlook.com, mar gheall ar chumraíocht reatha na seirbhíse sin, ní tairseach thábhachtach í d’úsáideoirí gnó chun rochtain a fháil ar úsáideoirí deiridh. I gCinneadh ar leith, chuir an Coimisiún tús le himscrúduithe margaidh maidir leis an inneall cuardaigh Bing agus maidir leis an mbrabhsálaí gréasáin Edge; agus maidir leis na seirbhísí fógraíochta ar líne Microsoft Advertising, toisc gur mheas an Coimisiún nach raibh na hargóintí a chuir Microsoft i láthair cuí‑réasúnaithe go leordhóthanach chun na toimhdí a leagtar síos in Airteagal 3(2) DMA a thabhairt faoi cheist go follasach.
(33)Thug Samsung fógra don Choimisiún go gcomhlíonann sé na tairseacha i ndáil lena bhrabhsálaí gréasáin Samsung Internet Browser (‘SIB’). In éineacht lena fhógra, chuir Samsung iarratas frisnéise isteach ag iarraidh a léiriú, cé go gcomhlíonann SIB na tairseacha uile in Airteagal 3(2) DMA nach gcomhlíonann sé na ceanglais a leagtar síos in Airteagal 3(1) DMA agus dá bhrí sin nár cheart é a ainmniú mar gheatóir. Ghlac an Coimisiún leis na hargóintí frisnéise a rinne Samsung i ndáil lena bhrabhsálaí gréasáin SIB agus chinn sé gan Samsung a ainmniú mar gheatóir. Go sonrach, mheas an Coimisiún go raibh sciar íseal amharc leathanaigh gréasáin SIB agus an méid íseal úsáide a baineadh as SIB san Aontas mar tháscaire nach brabhsálaí gréasáin suntasach é san Aontas agus dá réir sin, nach tairseach thábhachtach í d’úsáideoirí gnó chun rochtain a fháil ar úsáideoirí deiridh.
(34)Ní mór do gheatóirí na hoibleagáidí a chomhlíonadh a leagtar síos in Airteagail 5, 6, 7 agus 15 DMA 6 mhí tar éis ainmniúcháin, ag tabhairt le tuiscint nach mór do na cuideachtaí a ainmníodh an 5 Meán Fómhair 2023 na hoibleagáidí sin a chomhlíonadh faoin 7 Márta 2024. Dá bhrí sin, ní thagann sé faoi raon feidhme na chéad tuarascála bliantúla seo faireachán a dhéanamh ar chomhlíonadh na n‑oibleagáidí sin.
(35)Na hoibleagáidí atá ar gheatóirí chun faisnéis a sholáthar faoi chomhchruinnithe de bhun Airteagal 14 DMA agus chun feidhm chomhlíonta a bhunú de bhun Airteagal 28 DMA, tá feidhm ag na hoibleagáidí sin ó thráth an ainmniúcháin agus dá bhrí sin áirítear sa tuarascáil seo gníomhaíochtaí an Choimisiúin a bhain leo in 2023. Tá measúnú á dhéanamh ag an gCoimisiún ar chomhlíonadh an n‑oibleagáidí sin agus d’fhéadfadh sé beart a dhéanamh i gcás ina meastar go bhfuil sé iomchuí.
(36)De bhun Airteagal 14 DMA, ceanglaítear ar gheatóirí an Coimisiún a chur ar an eolas faoi aon chomhchruinniú a bheartaíonn siad a déanamh, i gcás ina soláthraíonn na heintitis atá ag cumasc nó sprioc an chomhchruinnithe croísheirbhísí ardáin, seirbhísí eile san earnáil dhigiteach, nó i gcás ina gcumasaíonn siad bailiú sonraí.
(37)In 2023, fuair an Coimisiún trí iarratas maidir le comhchruinnithe a bhí beartaithe ag geatóirí, i mí Mheán Fómhair, mí Dheireadh Fómhair agus mí na Nollag 2023. Déantar achoimre neamhrúnda ar an bhfaisnéis a chuir na geatóirí isteach de bhun Airteagal 14 DMA, in éineacht le dáta an fhógra agus aitheantas na ngnóthas lena mbaineann a fhoilsiú ar shuíomh gréasáin an Choimisiúin ar bhonn atrátha agus tráth nach luaithe ná 4 mhí tar éis an fhaisnéis a fháil.
(38)De bhun Airteagal 28 DMA, ceanglaítear ar gheatóirí feidhm chomhlíonta a thabhairt isteach nach mór a bheith neamhspleách ar fheidhmeanna oibríochtúla an gheatóra agus nach mór oifigeach comhlíontachta amháin nó níos mó a bheith inti ag a bhfuil údarás leordhóthanach, stádas leordhóthanach, agus acmhainní leordhóthanacha chun bheith in ann faireachán a dhéanamh ar chomhlíontacht an gheatóra maidir le DMA agus comhairle a thabhairt dóibh ina leith.
(39)Tá faireachán á dhéanamh ag an gCoimisiún ar bhunú na feidhme comhlíonta sin ag gach geatóir ainmnithe chun a áirithiú go gcomhlíonann sé na ceanglais a leagtar síos in Airteagal 28 DMA. Tar éis pléití agus treoraíocht ón gCoimisiún maidir leis na ceanglais sin, tá oifigigh chomhlíontachta ceaptha ag na geatóirí ainmnithe uile i gcomhréir leis na prionsabail a leagtar síos in Airteagal 28 DMA agus cuireadh na mionsonraí in iúl don Choimisiún.
(40)Leagtar síos le DMA na prionsabail ghinearálta lena rialaítear an t‑idirghníomhú idir DMA agus dlíthe ábhartha eile an Aontais, amhail dlí na hiomaíochta, an dlí maidir le cosaint sonraí agus an dlí um chosaint tomhaltóirí. Leagtar amach na prionsabail sin in Airteagail 1(5) agus 1(6) DMA.
(41)Ina theannta sin, samhlaítear le hAirteagail 37 agus 38 go n‑oibreoidh an Coimisiún agus na Ballstáit i ndlúthchomhar agus go ndéanfaidh siad comhordú ar a ngníomhaíochtaí forfheidhmiúcháin chun forfheidhmiú comhleanúnach, éifeachtach agus comhlántach na n‑ionstraimí dlí atá ar fáil a áirithiú, ar ionstraimí dlí iad a chuirtear i bhfeidhm ar gheatóirí.
(42)Go dtí seo, tharla comhar idir an Coimisiún agus údaráis náisiúnta, agus go háirithe údaráis iomaíochta náisiúnta (NCAnna), tríd an nGréasán Eorpach Iomaíochta (ECN). Is comhar déthreo é an comhar sin:sholáthair an Coimisiún faisnéis agus nuashonruithe do na NCAnna maidir lena chinntí ainmniúcháin agus a imscrúduithe margaidh faoi DMA, agus sholáthair NCAnna faisnéis don Choimisiún agus rinneadh tuairimí a mhalartú eatarthu, mar a beartaíodh le DMA, maidir le gníomhaíochtaí forfheidhmiúcháin ábhartha faoina dhlíthe iomaíochta náisiúnta.
(43)Le linn na tréimhse tuairiscithe, níor chuir aon údarás náisiúnta inniúil an Choimisiún ar an eolas faoi chéad bhearta imscrúdaitheacha foirmiúla ná faoi a rún imscrúdú a sheoladh de réir an dlí iomaíochta náisiúnta a bhaineann le geatóir ainmnithe. Roimh dheireadh na tréimhse tuairiscithe, chuir údarás náisiúnta inniúil amháin an Coimisiún ar an eolas, faoi Airteagal 38(3) DMA, faoi na dréachtbhearta atá beartaithe aige a fhorchur ar gheatóir ainmnithe bunaithe ar an dlí iomaíochta náisiúnta. Ós rud é nach bhfuil feidhm ag na hoibleagáidí in Airteagail 5, 6 agus 7 DMA ach amháin ón 7 Márta 2024 ar aghaidh, níl aon imscrúdú déanta ag údarás náisiúnta inniúil dá bhforáiltear faoi Airteagal 38(7) DMA ar chás ina bhféadfadh neamh-chomhlíonadh a bheith ann maidir leis na hoibleagáidí seo ina chríoch.
(44)Bunaíodh an Grúpa Ardleibhéil le haghaidh an Ghnímh um Margaí Digiteacha le Cinneadh ón gCoimisiún an 23 Márta 2023 bunaithe ar Airteagal 40 DMA. Tá an grúpa comhdhéanta de na comhlachtaí agus gréasáin Eorpacha a sainaithníodh in DMA agus bunaíodh é mar ghrúpa saineolaithe, i gcomhréir leis an gCinneadh ón gCoimisiún lena mbunaítear rialacha cothrománacha maidir le cruthú agus oibriú ghrúpaí saineolaithe an Choimisiúin. Is é an Coimisiún a dhéanann cathaoirleacht ar an nGrúpa Ardleibhéal agus cuireann an Coimisiún tacaíocht rúnaíochta ar fáil don ghrúpa freisin. Is é is aidhm don ghrúpa tacú le cur chun feidhme comhleanúnach agus éifeachtach DMA agus rialacháin eile a bhaineann go sonrach leis an earnáil is infheidhme maidir le geatóirí.
(45)Tá an grúpa ábhartha freisin maidir le sainaithint agus meastóireacht ar aon idirghníomhaíocht idir forálacha DMA agus na rialacha a bhaineann go sonrach leis an earnáil. Thairis sin, is féidir leis an gCoimisiún úsáid a bhaint as saineolas agus taithí atá ag comhlachtaí agus líonraí earnála ábhartha freisin le linn imscrúduithe margaidh ar sheirbhísí agus cleachtais nua.
(46)Tháinig an Grúpa Ardleibhéil le chéile dá chruinniú tionscnaimh an 12 Bealtaine 2023, tar éis sé ionadaí a bheith ainmnithe ag gach duine dá chúig chomhalta. Le linn an chruinnithe tionscnaimh, chuir na comhaltaí forbairtí ina réimsí saineolais i láthair atá ábhartha maidir le forfheidhmiú DMA. Chuir an Coimisiún staid chur chun feidhme DMA i láthair, agus ina dhiaidh sin bhí seisiún tuairimíochta ann.
(47)Shocraigh an Grúpa Ardleibhéil Rialacha Nós Imeachta ag a dhara chruinniú an 27 Samhain 2023. Bhí an comhrá sa chruinniú sin dírithe ar an ullmhúchán maidir le fo-ghrúpaí an Ghrúpa Ardleibhéil a bhunú. Táthar ag coinne le dhá fho-ghrúpa a bhunú le linn 2024. Ní bheidh an Grúpa Ardleibhéil ná a fho-grúpaí rannpháirteach in imeachtaí nó imscrúduithe leanúnacha an Choimisiúin faoi DMA.