(1)

Tá an ceart eisiach ag an mBanc Ceannais Eorpach (BCE) líon na mbonn a eisíonn na Ballstáit a bhfuil an euro mar airgeadra acu (‘Ballstáit an limistéir euro’ anseo feasta) a fhormheas.

(2)

Chuir an 20 Ballstát limistéir euro agus an Bulgáir, a ghlacfaidh an euro mar an t-airgeadra aonair ón 1 Eanáir 2026, faoi bhráid an BCE a n-iarratais ar fhormheas líon na mbonn atá le heisiúint in 2026, arna fhorlíonadh le nótaí míniúcháin ar an modheolaíocht réamhaisnéise. Chuir cuid de na Ballstáit seo den limistéar euro faisnéis bhreise ar fáil freisin maidir le boinn atá ceaptha lena gcur i gcúrsaíocht, i gcás go bhfuil faisnéis den sórt sin ar fáil agus a measann na Ballstáit lena mbaineann sa limistéar euro a bheith riachtanach chun an t-iarratas ar fhormheas a fhíorú.

(3)

Toisc go bhfuil ceart na mBallstát sa limistéar euro chun bonn euro a eisiúint faoi réir fhormheas an BCE maidir le líon na heisiúna, de réir Airteagal 3(1) de Chinneadh (AE) 2015/2332 (BCE/2015/43), ní fhéadfaidh Ballstáit an limistéir euro an líon arna fhormheas ag an BCE a shárú tráth ar bith le linn na bliana 2026 gan cead a fháil roimh ré ón BCE.

(4)

De bhun Airteagal 2 (9) de Chinneadh (AE) 2015/2332 (BCE/2015/43), toisc nach gá aon mhodhnú ar líon eisiúintí bonn arna iarradh, tugtar de chumhacht don Bhord Feidhmiúcháin an Cinneadh seo a ghlacadh maidir leis na hiarrataí bliantúla ar fhormheas de líon eisiúintí bonn in 2026 a chuir Ballstáit an limistéir euro isteach agus an Bhulgáir,