(1)

Tá liosta de rannóga an Líonra Sonraí um Chuntasaíocht Feirme (‘rannóga LSCF’) le haghaidh gach Ballstáit in Iarscríbhinn I a ghabhann le Rialachán (CE) Uimh. 1217/2009.

(2)

I gcomhréir leis an Iarscríbhinn sin, roinntear an Fhionlainn ina cheithre rannóg. Chun críocha Rialachán (CE) Uimh. 1217/2009, d’iarr an Fhionlainn rannóga LSCF Pohjanmaa, Sisä- agus Pohjois-Suomi a chumasc in aon rannóg LSCF amháin. D’fhanfadh an rannóg LSCF reatha Etelä-Suomi gan athrú. Is é an t-údar a thug an Fhionlainn leis an iarraidh gur fhan na rannóga gan athrú ó tháinig an Fhionlainn isteach san Aontas in 1995, agus idir an dá linn tá athrú struchtúrach tagtha ar an bhfeirmeoireacht agus laghdú ar líon na bhfeirmeacha. Leis an gcumasc sin, dhéanfaí na rannóga LSCF a oiriúnú don sainmhíniú atá cosúil leis na limistéir fóirdheontais a chuirtear i bhfeidhm sa tír. Mar thoradh air sin, is dhá réigiún a bheadh i líon na réigiún LSCF, agus thart ar an líon céanna feirmeacha i ngach ceann den dá chuid sin i réimse an tsuirbhé LSCF san Fhionlainn.

(3)

Ba cheart, dá bhrí sin, Iarscríbhinn I a ghabhann le Rialachán (CE) Uimh. 1217/2009 a leasú dá réir.

(4)

Chun am leordhóthanach a thabhairt chun an bailiú sonraí le haghaidh rannóga nua na Fionlainne a oiriúnú, ba cheart feidhm a bheith ag an liosta cothrom le dáta de rannóga LSCF dá bhforáiltear sa Rialachán seo amhail ón mbliain chuntasaíochta 2024,