11.6.2008   

MT

Il-Ġurnal Uffiċjali ta’ l-Unjoni Ewropea

L 151/3


REGOLAMENT TAL-KUMMISSJONI (KE) Nru 516/2008

ta’ l-10 ta’ Ġunju 2008

li jemenda r-Regolamenti (KE) Nru 1200/2005, (KE) Nru 184/2007, (KE) Nru 243/2007, (KE) Nru 1142/2007, (KE) Nru 1380/2007 u (KE) Nru 165/2008 fir-rigward tat-termini ta’ l-awtorizzazzjoni ta’ ċerti addittivi għal użu ta’ nutriment għall-annimali

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf ta’ l-annimali (1), u partikolarment l-Artikolu 13(3) tiegħu,

Billi:

(1)

BASF Aktiengesellschaft bagħtet applikazzjoni skond l-Artikolu 13(3) tar-Regolament (KE) Nru 1831/2003 fejn tipproponi li jinbidel isem id-detentur ta’ l-awtorizzazzjoni fir-rigward tar-Regolamenti tal-Kummissjoni (KE) Nru 1200/2005 (2), (KE) Nru 184/2007 (3), (KE) Nru 243/2007 (4), (KE) Nru 1142/2007 (5), (KE) Nru 1380/2007 (6) u r-Regolament tal-Kummissjoni (KE) Nru 165/2008 (7).

(2)

Dawn ir-Regolamenti jawtorizzaw l-użu ta’ ċerti addittivi. L-awtorizzazzjoni hija marbuta mad-detentur ta’ l-awtorizzazzjoni. Fil-każijiet kollha d-detentur ta’ l-awtorizzazzjoni huwa BASF Aktiengesellschaft.

(3)

L-applikant isostni li BASF Aktiengesellschaft inbidel għal BASF SE b'effett mill-14 ta’ Jannar 2008 u li BASF SE hija l-istess intrapriża u issa hija l-proprjetarja tad-drittijiet ta’ kummerċjalizzazzjoni għal dawn l-addittivi. L-applikant bagħat dokumenti xierqa li jappoġġjaw il-pretensjonijiet tiegħu.

(4)

Il-bidla proposta tat-termini ta’ l-awtorizzazzjonijiet hija purament amministrattiva fin-natura tagħha u ma tirrikjedix valutazzjoni mill-ġdid ta’ l-addittivi kkonċernati. L-Awtorità Ewropea għas-Sigurtà fl-Ikel ġiet infurmata bl-applikazzjoni.

(5)

Biex l-applikant jisfrutta d-drittijiet ta’ kummerċjalizzazzjoni tiegħu taħt l-isem BASF SE mill-14 ta’ Jannar 2008, hemm bżonn li jinbidlu t-termini ta’ l-awtorizzazzjonijiet b'effett minn din id-data.

(6)

Ir-Regolamenti (KE) Nru 1200/2005, (KE) Nru 184/2007, (KE) Nru 243/2007, (KE) Nru 1142/2007 u (KE) Nru 1380/2007 għandhom għalhekk ikunu emendati skond dan.

(7)

Huwa xieraq li jiġi stipulat perjodu tranżitorju li matulu l-ħażniet eżistenti jkunu jistgħu jintużaw kollha.

(8)

Il-miżuri stipulati f'dan ir-Regolament huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali,

ADOTTAT DAN IR-REGOLAMENT:

Artikolu 1

1.   Fl-Anness I tar-Regolament (KE) Nru 1200/2005, fil-kolonna 2 ta’ l-annotazzjoni għal 1, il-kliem “BASF Aktiengesellschaft” jinbidlu bil-kliem “BASF SE”.

2.   Fl-Anness tar-Regolament (KE) Nru 184/2007, fil-kolonna 2 ta’ l-annotazzjoni għal 4d800, il-kliem “BASF Aktiengesellschaft” jinbidlu bil-kliem “BASF SE”.

3.   Fl-Anness tar-Regolament (KE) Nru 243/2007, fil-kolonna 2 ta’ l-annotazzjoni għal 4a1600, il-kliem “BASF Aktiengesellschaft” jinbidlu bil-kliem “BASF SE”.

4.   Fl-Anness tar-Regolament (KE) Nru 1142/2007, fil-kolonna 2 ta’ l-annotazzjoni għal 4a1600, il-kliem “BASF Aktiengesellschaft” jinbidlu bil-kliem “BASF SE”.

5.   Fl-Anness tar-Regolament (KE) Nru 1380/2007, fil-kolonna 2 ta’ l-annotazzjoni għal 4a62, il-kliem “BASF Aktiengesellschaft” jinbidlu bil-kliem “BASF SE”.

6.   Fl-Anness tar-Regolament (KE) Nru 165/2008, fil-kolonna 2 ta’ l-annotazzjoni għal 4a1600, il-kliem “BASF Aktiengesellschaft” jinbidlu bil-kliem “BASF SE”.

Artikolu 2

Il-ħażniet eżistenti li huma konformi mad-dispożizzjonijiet applikabbli qabel id-dħul fis-seħħ ta’ dan ir-Regolament jistgħu jibqgħu jitqiegħdu fis-suq u jintużaw sal-31 ta’ Ottubru 2008.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Huwa għandu japplika mill-14 ta’ Jannar 2008.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, 10 ta’ Ġunju 2008.

Għall-Kummissjoni

Androulla VASSILIOU

Membru tal-Kummissjoni


(1)   ĠU L 268, 18.10.2003, p. 29. Ir-Regolament kif emendat bir-Regolament tal-Kummissjoni (KE) Nru 378/2005 (ĠU L 59, 5.3.2005, p. 8).

(2)   ĠU L 195, 27.7.2005, p. 6. Ir-Regolament kif emendat bir-Regolament (KE) Nru 1445/2006 (ĠU L 271, 30.9.2006, p. 22).

(3)   ĠU L 63, 1.3.2007, p. 1.

(4)   ĠU L 73, 13.3.2007, p. 4.

(5)   ĠU L 256, 2.10.2007, p. 20.

(6)   ĠU L 309, 27.11.2007, p. 21.

(7)   ĠU L 50, 23.2.2008, p. 8.