European flag

Iris Oifigiúil
an Aontais Eorpaigh

GA

Sraith L


2026/2570

16.11.2026

CINNEADH (CBES) 2026/2570 ÓN gCOMHAIRLE

an 16 Samhain 2026

lena leasaítear Cinneadh (CBES) 2024/385 lena mbunaítear bearta sriantacha i gcoinne Hamas agus Jiohád Ioslamach na Palaistíne agus ina gcoinne siúd a thacaíonn lena ngníomhaíochtaí foréigneacha, nó a éascaíonn nó a chumasaíonn na gníomhaíochtaí sin

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, agus go háirithe Airteagal 29 de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 19 Eanáir 2024, ghlac an Chomhairle Cinneadh (CBES) 2024/385 (1).

(2)

I bhfianaise na bagartha leanúnaí ó Hamas agus ó Jiohád Ioslamach na Palaistíne, ba cheart duine amháin agus eintiteas amháin a chur le liostaí na ndaoine nádúrtha nó dlítheanacha, na ngrúpaí, na n-eintiteas agus na gcomhlachtaí a leagtar amach san Iarscríbhinn a ghabhann le Cinneadh (CBES) 2024/385.

(3)

Is iomchuí freisin a shoiléiriú go bhféadfaidh na Ballstáit díolúintí a dheonú ón toirmeasc taistil dá bhforáiltear i gCinneadh (CBES) 2024/385 i gcás inar gá dul isteach nó idirthuras chun próiseas breithiúnach a chomhlíonadh nó chun pianbhreith choimeádta a chur isteach i mBallstát ag duine liostaithe.

(4)

Ba cheart, dá bhrí sin, Cinneadh (CBES) 2024/385 a leasú dá réir,

TAR ÉIS AN CINNEADH SEO A GHLACADH:

Airteagal 1

Leasaítear Cinneadh (CBES) 2024/385 mar a leanas:

(1)

cuirtear an méid seo a leanas in ionad Airteagal 1(7):

‘Féadfaidh na Ballstáit díolúintí a dheonú freisin ó na bearta a fhorchuirtear faoi mhír 1 i gcás inar gá dul isteach nó idirthuras chun próiseas breithiúnach a chomhlíonadh nó chun pianbhreith choimeádta a chur isteach i mBallstát ag duine a liostaítear san Iarscríbhinn.’

;

(2)

leasaítear an Iarscríbhinn i gcomhréir leis an Iarscríbhinn a ghabhann leis an gCinneadh seo.

Airteagal 2

Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 16 Samhain 2026.

Thar ceann na Comhairle

An tUachtarán

K. KALLAS


(1)  Cinneadh (CBES) 2024/385 ón gComhairle an 19 Eanáir 2024 lena mbunaítear bearta sriantacha i gcoinne Hamas agus Jiohád Ioslamach na Palaistíne agus ina gcoinne siúd a thacaíonn lena ngníomhaíochtaí foréigneacha, nó a éascaíonn nó a chumasaíonn na gníomhaíochtaí sin (IO L, 2024/385, 19.1.2024, ELI: http://data.europa.eu/eli/dec/2024/385/oj).


IARSCRÍBHINN

Leasaítear an Iarscríbhinn a ghabhann le Cinneadh (CBES) 2024/385 mar a leanas:

(1)

faoin gceannteideal ‘A. Daoine nádúrtha’, cuirtear an iontráil seo a leanas leis:

 

Ainm

Faisnéis Aitheantais

Ráiteas ar chúiseanna

Dáta an liostaithe

‘23.

Mustafa Moin AYASH

مصطفى معين عياش

ar a dtugtar freisin

Mustafa Moen AYYASH,

Mustafa AIASH

Dáta breithe: 18.9.1992

Áit bhreithe: Gaza

Inscne: fireann

Doiciméad Taistil na hOstaire le haghaidh Dídeanaithe: uimh. K1518177

Pas Palaistíneach: uimh. 6080310

Pas Palaistíneach: uimh. 6214861

Is é Mustafa Moin Ayash bunaitheoir na heagraíochta nuachta meán sóisialta Gaza Now, a d’iarr tabhartais do Hamas, lena n-áirítear trí chriptea-airgeadra. Dá bhrí sin, bíonn sé rannpháirteach i maoiniú Hamas.

16.11.2026’;

(2)

faoin gceannteideal ‘B. Daoine dlítheanacha, grúpaí, eintitis agus comhlachtaí’, cuirtear isteach an iontráil seo a leanas:

 

Ainm

Faisnéis Aitheantais

Ráiteas ar chúiseanna

Dáta an liostaithe

‘4.

Gaza Now

غزة الآن

Príomháit ghnó: an Eoraip

Is ardán nuachta meán sóisialta é Gaza Now a bhunaigh Mustafa Moin Ayash, ar a n-iarrtar tabhartais do Hamas. Dá bhrí sin, bíonn sé rannpháirteach i maoiniú Hamas.

16.11.2026’


ELI: http://data.europa.eu/eli/dec/2026/2570/oj

ISSN 1977-0839 (electronic edition)