1.   Leanfaidh an Coláiste Eorpach um Shlándáil agus um Chosaint (ESDC), arna bhunú le Cinneadh (CBES) 2020/1515 de bheith ag feidhmiú i gcomhréir leis an gCinneadh seo, lena ndéantar Cinneadh (CBES) 2020/1515 a aisghairm agus a ionadú.

2.   Leis an gCinneadh seo, ní dhéanfar difear do chearta, oibleagáidí, rialacha ná cinntí atá ann cheana arna nglacadh faoi Chinneadh (CBES) 2020/1515.

1.   Rannchuideoidh ESDC le feabhas a chur ar an comhchultúr Eorpach maidir le slándáil agus cosaint laistigh den Aontas agus leis na prionsabail a leagtar síos in Airteagal 21(1) den Chonradh ar an Aontas Eorpach (CAE) a chur chun cinn.. Beidh na cuspóirí seo a leanas aige go háirithe:

2.   Sa bhreis ar na cuspóirí a leagtar amach i mír 1, cuirfidh ESDC aon chúram eile i gcrích i gcomhréir lena mhisean, atá le cinneadh ag an gCoiste Stiúrtha, ar bhonn bliantúil, agus SEGS agus rúnaíocht ESDC ag gníomhú i gcáil tacaíochta.

1.   Is é an Coiste Stiúrtha a bheidh mar chomhlacht cinnteoireachta ESDC.

2.   Oibreoidh ESDC faoi fhreagracht fhoriomlán Ardionadaí an Aontais do Ghnóthaí Eachtracha agus don Bheartas Slándála (an tArdionadaí).

3.   Is í an Chomhairle atá freagrach as stiúradh foriomlán thosaíochtaí agus ghníomhaíochtaí ESDC. Cuirfidh ESDC an Chomhairle ar an eolas go tráthrialta faoina chuid gníomhaíochtaí. Cuirfidh sé tuarascáil faoi bhráid na Comhairle gach bliain maidir lena chuid gníomhaíochtaí don bhliain féilire roimhe sin.

1.   Beidh an inniúlacht dhlíthiúil is gá ag ESDC chun a chúraimí a chomhlíonadh agus a chuspóirí a bhaint amach, agus go háirithe chun conarthaí agus socruithe riaracháin is gá a thabhairt i gcrích le haghaidh a fheidhmithe, chun maoin shochorraithe agus dhochorraithe a fháil nó a dhiúscairt, chun seirbhísí agus soláthairtí a fháil agus a dhliteanais a urscaoileadh, chun cuntais bhainc a shealbhú, agus chun bheith ina pháirtí in imeachtaí dlíthiúla.

2.   Áiritheoidh na Ballstáit go mbeidh an inniúlacht dhlíthiúil a thugtar do dhaoine dlítheanacha faoina ndlíthe ag ESDC. Aon dliteanas a d’fhéadfadh ESDC a thabhú cumhdófar é leis na cistí a chuirtear ar fáil dó de bhun an Chinnidh seo.

1.   Eagrófar ESDC mar líonra lena dtabharfar le chéile soláthraithe gníomhaíochtaí ábhartha oiliúna agus oideachais, eadhon institiúidí sibhialta agus míleata, coláistí, acadaimh, ollscoileanna, institiúidí, ionaid barr feabhais agus gníomhaithe eile a bhíonn ag déileáil le saincheisteanna beartais slándála agus cosanta laistigh den Aontas, arna sainaithint ag na Ballstáit.

2.   Bunóidh ESDC dlúthnaisc le hinstitiúidí, comhlachtaí, oifigí agus gníomhaireachtaí ábhartha an Aontais, go háirithe Institiúid an Aontais Eorpaigh um Staidéar Slándála agus comhoibreoidh sé leo.

3.   Bainfidh ESDC leas as saineolas eagraíochtaí idirnáisiúnta, rialtasacha nó neamhrialtasacha agus gníomhaithe ábhartha eile, mar shampla institiúidí náisiúnta oiliúna agus oideachais tríú tíortha, de réir mar is iomchuí agus i gcomhréir le creat institiúideach an Aontais, a fhéadfaidh stádas ‘comhpháirtithe comhlacha den líonra’ a fháil, a gcomhaontóidh an Coiste Stiúrtha na socruithe mionsonraithe ina leith.

1.   Beidh an Coiste Stiúrtha comhdhéanta de chomhalta ionadaíoch amháin arna cheapadh ag gach Ballstát. Tiocfaidh sé le chéile ceithre huaire ar a laghad sa bhliain. Féadfaidh comhalta malartach ionadaíocht a dhéanamh d’aon comhalta den Choiste nó dul in éineacht le aon chomhalta. Glacfaidh ionadaí ó SEGS páirt i gcruinnithe an Choiste Stiúrtha ach ní bheidh ceart vótála acu.

2.   Is ionadaí don Ardionadaí a dhéanfaidh cathaoirleacht ar an gCoiste Stiúrtha. Éascóidh an Cathaoirleach an plé maidir le treoir straitéiseach, áiritheoidh sé comhleanúnachas beartais, agus stiúrfaidh sé iarrachtaí cothaithe comhdhearcaidh i measc na gcomhaltaí, chun rannchuidiú ESDC le CBSC éifeachtúil agus éifeachtach a threisiú.

3.   Déanfaidh an Coiste Stiúrtha na cinntí is gá maidir le comhlíonadh agus formhaoirseacht mhisean, chuspóirí agus fheidhmiú foriomlán ESDC. Déanfaidh an Coiste Stiúrtha an méid seo a leanas go háirithe:

4.   Cuirfidh an Coiste Stiúrtha treoraíocht fhoriomlán ar fáil d’obair an Bhoird Acadúil, an Chinn agus Rúnaíocht ESDC.

5.   Déanfaidh an Coiste Stiúrtha an méid seo a leanas:

6.   Féadfaidh Ceann ESDC, Rúnaíocht ESDC, Cathaoirleach an Bhoird Acadúil Feidhmiúcháin agus, nuair is iomchuí, Cathaoirligh fhoirmíochtaí éagsúla an Bhoird Acadúil Feidhmiúcháin, mar aon le hionadaithe ón gCoimisiún agus ó institiúidí eile de chuid an Aontais, ó SEGS, nó ó chomhlachtaí, oifigí nó gníomhaireachtaí eile de chuid an Aontais, a bheith rannpháirteach i gcruinnithe an Choiste Stiúrtha, ach ní bheidh ceart vótála acu.

7.   Gníomhóidh an Coiste Stiúrtha trí thromlach cáilithe, mar a shainítear in Airteagal 16(4) den Chonradh ar an Aontas Eorpach. Gníomhóidh sé trí thromlach simplí chun a rialacha nós imeachta agus cinntí eile nós imeachta a fhormheas.

8.   I gcás ina bhfaigheann ESDC ranníocaíocht ilbhliantúil ó bhuiséad ginearálta an Aontais Eorpaigh, formheasfaidh an Coiste Stiúrtha an togra maidir leis an mbuiséad bliantúil, ag gníomhú dó d’aon toil.

1.   Beidh an Bord Acadúil Feidhmiúcháin (BAF) comhdhéanta d’ionadaithe sinsearacha ó institiúidí sibhialta agus míleata, agus gníomhaithe ábhartha eile arna sainaithint ag na Ballstáit,, arna gcinneadh ag an gCoiste Stiúrtha, rud a áiritheoidh go ndéanfar léiriú iomchuí ar an gcothromaíocht shibhialta-mhíleata ina chomhdhéanamh agus ina fhoirmíochtaí.

2.   Tabharfar cuireadh d’ionadaithe SEGS agus an Choimisiúin freastal ar chruinnithe BAF.

3.   Féadfar cuireadh a thabhairt do shaineolaithe acadúla agus d’oifigigh shinsearacha ó institiúidí an Aontais agus ó institiúidí na mBallstát freastal ar chruinnithe an BAF, mar bhreathnóirí. Nuair is iomchuí agus ar bhonn cás ar chás, féadfar cuireadh a thabhairt do shaineolaithe acadúla ar ionadaithe iad, agus d’oifigigh shinsearacha a dhéanann ionadaíocht ar orgáin lasmuigh den líonra iad chun páirt a ghlacadh i gcruinnithe BAF.

4.   Is iad seo a leanas na cúraimí a bheidh ar BAF:

5.   Chun a chuid cúraimí a chomhlíonadh, féadfaidh BAF teacht le chéile i bhfoirmíochtaí tionscadal-dhírithe éagsúla, le tacaíocht ó Rúnaíocht ESDC de réir mar is iomchuí. Déanfaidh BAF téarmaí tagartha na bhfoirmíochtaí sin a tharraingt suas lena bhformheas ag an gCoiste Stiúrtha. Tuairisceoidh gach foirmíocht ar a gníomhaíochtaí do BAF uair amháin sa bhliain ar a laghad. Ar thogra ó BAF nó ó Rúnaíocht ESDC, féadfaidh an Coiste Stiúrtha a chinneadh sainordú cumraíochtaí sonracha a shíneadh nó deireadh a chur leis.

6.   Beidh feidhm mutatis mutandis ag Rialacha Nós Imeachta an Choiste Stiúrtha maidir le BAF agus le haon fhoirmíochtaí sonracha.

1.   Beidh Ceann ESDC freagrach as bainistiú riaracháin agus airgeadais ESDC agus is é a bheidh ina ionadaí dlíthiúil ar ESDC.

2.   Faoi fhreagracht fhoriomlán an Ardionadaí, áiritheoidh Ceann ESDC oibriú ESDC agus timpeallacht oibre shábháilte chuimsitheach, agus seasfaidh an té sin le hardleibhéal saineolais, gairmiúlachta agus caighdeán eiticiúil i mbainistiú Rúnaíocht ESDC ag an am céanna, agus áiritheoidh Ceann ESDC éifeachtúlacht agus éifeachtacht i gcur i gcrích ghníomhaíochtaí ESDC.

3.   Tuairisceoidh Ceann ESDC don Choiste Stiúrtha maidir le gníomhaíochtaí a bhaineann le misean, cuspóirí agus cúraimí ESDC a bhaint amach.

4.   Tabharfaidh Ceann ESDC comhairle agus cúnamh don Choiste Stiúrtha agus don Bhord Acadúil Feidhmiúcháin maidir le heagrú agus bainistiú foriomlán ghníomhaíochtaí oiliúna agus oideachais ESDC.

5.   Beidh Ceann ESDC i gceannas ar thuairisciú bliantúil ESDC, lena n-áirítear maidir leis an gcaiteachas airgeadais, ina mbeidh an staid mar atá maidir lena mhisean agus lena chuspóirí, agus beidh sé i gceannas freisin ar chur chun feidhme aon treorach straitéisí a d’fhéadfadh a bheith tugtha ag an gComhairle tar éis don Choiste Stiúrtha í a fhormhuiniú.

6.   Cuirfidh Ceann ESDC plean oibre bliantúil faoi bhráid an Choiste Stiúrtha ar bhonn na dtograí arna dtíolacadh ag comhaltaí an líonra dá bhforáiltear in Airteagal 7, i ndlúthchomhar le SEGS agus, de réir mar is iomchuí, i ndáil leis an maoiniú, leis an gCoimisiún.

7.   Cuirfidh Ceann ESDC meastachán ar ioncam agus ar chaiteachas ESDC faoi bhráid an Choiste Stiúrtha, tráth nach déanaí ná an 15 Meitheamh gach bliain. Tar éis formheas a fháil ón gCoiste Stiúrtha, tarchuirfidh Ceann ESDC an meastachán ar ioncam agus ar chaiteachas chuig an gCoimisiún.

1.   Is daoine a bhfuil saineolas agus taithí aitheanta acu ar oiliúint agus ar oideachas, chomh maith le taithí bhainistíochta ábhartha ar leibhéal iomchuí, a bheidh ina n-iarrthóirí ar an bpost mar Cheann ESDC. Féadfaidh gach Ballstáit iarrthóir amháin a chur ar aghaidh don phost mar Cheann ESDC. Féadfaidh foireann institiúidí, comhlachtaí, oifigí agus ghníomhaireachtaí an Aontais, lena n-áirítear SEGS, iarratas a dhéanamh ar an bpost sin freisin.

2.   Eagrófar an próiseas réamhroghnúcháin faoi fhreagracht an Ardionadaí. Is triúr ionadaithe ó SEGS a bheidh ar an bpainéal réamhroghnúcháin. Is é Cathaoirleach an Choiste Stiúrtha a bheidh ina chathaoirleach air. Ar bhonn thorthaí an réamhroghnúcháin, déanfaidh an tArdionadaí moladh a thíolacadh chuig an gCoiste sin agus gearrliosta ar a mbeidh triúr iarrthóirí ar a laghad, arna tharraingt suas in ord rogha an phainéil réamhroghnúcháin. Cuirfidh na hiarrthóirí a bhfís do ESDC i láthair an Choiste Stiúrtha, agus iarrfar ar an gCoiste Stiúrtha ina dhiaidh sin na hiarrthóirí a rangú i scríbhinn, le ballóid rúnda. Ceapfaidh an tArdionadaí an t-iarrthóir a gheobhaidh an líon is mó vótaí arna gcaitheamh, go ceann tréimhse nach faide ná 3 bliana. Má fhaigheann na hiarrthóirí ar an rangú is airde an líon céanna vótaí, caithfear vótaí idir na hiarrthóirí sin, de réir mar is gá, go dtí go bhfaighidh iarrthóir amháin an líon is mó vótaí.

3.   D’ainneoin chuntasacht pholaitiúil an Chinn don Choiste Stiúrtha faoi Airteagal 10(3) den Chinneadh seo, comhlíonfaidh Ceann ESDC a chuid nó a cuid dualgas mar chomhalta d’fhoireann SEGS faoi údarás an Ardionadaí mar Údarás Ceapacháin nó Údarás atá Údaraithe chun conarthaí fostaíochta faoi seach a thabhairt i gcrích (dá ngairtear ‘Údarás Ceapacháin’ anseo feasta).

4.   Agus 6 mhí roimh dheireadh na tréimhse dá dtagraítear i mír 2 den Airteagal seo, déanfaidh an Coiste Stiúrtha meastóireacht ar fheidhmíocht an Chinn ar a chúraimí nó a cúraimí, lena n-áirítear i ndáil le misean agus cuspóirí ESDC a bhaint amach, i ndáil leis an bhfís do ESDC a chuirtear i láthair le linn an phróisis roghnúcháin a leagtar amach i mír 2 agus na torthaí a bhaintear amach, agus ar bhonn aon ghnéithe arna dtabhairt chun cinn ag SEGS ina ról maidir le tacú leis an Ardionadaí, a bhaineann le feidhmíocht fhoriomlán na bainistíochta. Molfaidh an Coiste Stiúrtha don Ardionadaí síneadh a chur le sainordú Cheann ESDC, nó cinnfidh sé nós imeachta roghnúcháin a sheoladh do Cheann nua ESDC. I gcás fadú, ní rachaidh tréimhse iomlán shainordú Cheann ESDC thar chúig bliana.

5.   Féadfaidh an tArdionadaí a chinneadh tráth ar bith, le toiliú ón gCoiste Stiúrtha, sannadh an Chinn a fhoirceannadh, faoi Airteagal 47(b)(ii) agus (iii) de Choinníollacha Fostaíochta Seirbhíseach Eile nó faoi Airteagal 9 d’Iarscríbhinn IX de Choinníollacha Fostaíochta Seirbhíseach Eile (Rialacháin Foirne), tar éis, sa chás deireanach sin, imscrúdú riaracháin a sheol Údarás Ceapacháin SEGS faoi Airteagal 86 de na Rialacháin Foirne.

1.   Ar choinníoll go mbeidh acmhainní oiriúnacha ar fáil, tabharfaidh Leas-Cheann ESDC cúnamh do Cheann ESDC i bhfeidhmiú na bhfreagrachtaí uile atá ar an gCeann, mar a leagtar amach sa Chinneadh seo.

2.   Má thagann an Coiste Stiúrtha ar chomhaontú maidir le duine a cheapadh don fheidhm sin, beidh Leas-Cheann ESDC ina bhall foirne de chuid SEGS nó ina bhall foirne d’institiúid, de chomhlacht, d’oifig nó de ghníomhaireacht eile de chuid an Aontais a bheidh ar iasacht chuig SEGS, agus cuirfear faoi údarás an Ardionadaí é.

3.   Eagróidh Ceann ESDC an próiseas roghnúcháin i gcomhairle leis an Ardionadaí agus leis an gCoiste Stiúrtha. Comhlíonfaidh iarrthóirí na critéir a leagtar amach in Airteagal 11(1). Déanfaidh an Coiste Stiúrtha an t-iarrthóir a n-éireoidh leis nó léi a fhormhuiniú agus ceapfaidh an tArdionadaí é nó í ar feadh tréimhse bliana ar a laghad agus ar feadh tréimhse 3 bliana ar a mhéad, tréimhse ar féidir síneadh 2 bhliain bhreise a chur léi.

1.   Cuideoidh Rúnaíocht ESDC le Ceann ESDC cúraimí an Chinn a chomhlíonadh, agus tabharfaidh sí tacaíocht don Choiste Stiúrtha agus don Bhord Acadúil Feidhmiúcháin, lena n-áirítear cumraíochtaí éagsúla an Choiste.

2.   Déanfaidh an Rúnaíocht an méid seo a leanas:

1.   Íocfaidh SEGS na costais a eascróidh as fostú an Chinn agus as fostú baill foirne chúnta amháin, mar aon leis na costais a bhaineann leis an gCeann agus an Rúnaíocht a óstáil ag a háitreabh, lena n-áirítear costais teicneolaíochta faisnéise.

2.   Cuirfidh SEGS an tacaíocht riaracháin is gá ar fáil do ESDC chun a fhoireann a earcú agus a bhainistiú. Chun na críche sin, cuirfidh SEGS foireann de bhaill foirne reachtúla de chuid ESDC ar bun mar eintiteas riaracháin arna bhainistiú ag Ceann ESDC, ina cháil mar chomhalta d’fhoireann SEGS. Déanfaidh SEGS, arna iarraidh sin do Cheann ESDC agus faoi na Rialacháin Foirne agus Coinníollacha Fostaíochta Seirbhíseach Eile, gníomhairí ar conradh a chuirtear chuig foireann de bhaill foirne reachtúla ESDC a earcú agus a fhostú.

3.   Tabharfaidh ESDC cúiteamh do SEGS as tacaíocht riaracháin a chur ar fáil. I gcomhaontú ar leibhéal seirbhíse idir SEGS agus ESDC arna fhormheas ag an gCoiste Stiúrtha, leagfar amach na socruithe mionsonraithe maidir leis an gcúiteamh sin, nach rachaidh thar 6 % san iomlán den mhéid tagartha airgeadais, dá bhforáiltear in Airteagal 16(1).

1.   Beidh na daoine seo a leanas ar fhoireann ESDC:

2.   Féadfaidh ESDC oiliúnaithe a ghlacadh mar aon le saineolaithe agus comhaltaí ar cuairt.

3.   Cinnfidh an Coiste Stiúrtha líon na bpost a leithdháilfear chun tacú le ESDC i bhfianaise na riachtanas doiciméadaithe agus na n-acmhainní airgeadais a bheidh ar fáil mar aon leis an dréacht-togra don bhuiséad bliantúil.

4.   Beidh an Cinneadh ón Ardionadaí lena mbunaítear na rialacha is infheidhme maidir le saineolaithe náisiúnta a bheidh ar iasacht ag SEGS infheidhme mutatis mutandis maidir le saineolaithe náisiúnta a thugann na Ballstáit ar iasacht do ESDC agus a thagann faoi údarás Cheann ESDC. Baill foirne a earcófar mar bhaill foirne SEGS a chuirtear chuig foireann de bhaill foirne reachtúla ESDC, leanfaidh siad de na cearta uile dá bhforáiltear sna Rialacháin Foirne agus sna rialacha cur chun feidhme arna nglacadh ag SEGS a bheith acu agus leanfaidh siad a bheith faoi réir na n-oibleagáidí uile dá bhforáiltear sna rialacháin agus sna rialacha sin. Gníomhóidh an tArdionadaí mar Údarás Ceapacháin le haghaidh na foirne sin.

5.   I gcás inar mian le ball foirne ESDC a chuirtear chuig poist neamhbhainistíochta cúnamh a lorg i ndáil le gníomhartha nó iompar ball foirne neamhbhainistíochta eile, féadfaidh an ball foirne sin iarraidh a thaisceadh le Ceann ESDC nó le Leas-Cheann ESDC. Féadfaidh Ceann ESDC nó Leas-Cheann ESDC tacaíocht riaracháin a lorg ó SEGS chun na hiarrataí sin a láimhseáil, de bhun Airteagal 14(2) agus féadfaidh an té sin comhoibriú leis an údarás de chuid SEGS atá inniúil maidir leis an bhfoireann a chuirtear chuig foireann de bhaill foirne reachtúla ESDC. Sa chás sin, tabharfar de chumhacht do Cheann ESDC nó do Leas-Cheann ESDC aon bheart is gá a ghlacadh maidir leis na saineolaithe náisiúnta ar iasacht ach féadfaidh údarás ábhartha SEGS aon bheart is gá a ghlacadh maidir leis an bhfoireann a chuirtear chuig foireann de bhaill foirne reachtúla ESDC, faoi na rialacha is infheidhme laistigh de SEGS.

6.   I gcás inar mian le baill foirne neamhbhainistíochta cúnamh a lorg i ndáil le gníomhartha nó iompar na foirne bainistíochta, féadfaidh siad iarraidh a thaisceadh leis an Ard-Stiúrthóir um Bainistiú Acmhainní in SEGS, dá dtarmligtear an chumhacht is gá chun iarrataí mar sin a láimhseáil; sa chás sin, tuairisceoidh an tArd-Stiúrthóir um Bainistiú Acmhainní don Ardionadaí, a ghníomhaíonn mar Údarás Ceapacháin, agus molfaidh sé nó sí aon bheart a mheasann sé nó sí a bheith iomchuí agus i gcomhréir leis an staid. Cuirfear an Coiste Stiúrtha ar an eolas dá réir sin.

7.   I ngach cás, láimhseálfar iarrataí ar chúnamh de réir na hamlíne dá bhforáiltear in Airteagal 90(1) de na Rialacháin Foirne, arna léirmhíniú ag an gCúirt Bhreithiúnais iad.

1.   Is é EUR 2 933 303,62 a bheidh sa mhéid tagartha airgeadais atá beartaithe chun caiteachas ESDC a chumhdach le linn na tréimhse ón 1 Eanáir 2025 go dtí an 31 Nollaig 2025. Is í an Chomhairle a chinnfidh an méid nó na méideanna tagartha airgeadais a bheartófar chun cur chun feidhme chaiteachas ESDC a chumhdach maidir le tréimhsí ina dhiaidh sin.

2.   Déanfar an caiteachas ar fad a mhaoineofar leis na méideanna tagartha a leagtar amach i mír 1 a bhainistiú i gcomhréir leis na rialacha agus na nósanna imeachta is infheidhme maidir le buiséad ginearálta an Aontais. Déanfaidh an Coimisiún maoirseacht ar bhainistiú cuí an chaiteachais arna mhaoiniú leis an méid tagartha dá dtagraítear i mír 1. Chun na críche sin, tabharfaidh sé comhaontú deontais i gcrích le ESDC.

1.   Féadfaidh ESDC, i gcás ina gcomhaontóidh an Coiste Stiúrtha, ranníocaíochtaí deonacha ó na Ballstáit, ó institiúidí nó ó dheontóirí eile a fháil agus a bhainistiú. Déanfaidh ESDC foinse na ranníocaíochtaí deonacha sin a aithint.

2.   Is é ESDC a dhéanfaidh na socruithe teicniúla agus airgeadais maidir leis na ranníocaíochtaí dá dtagraítear i mír 1 a chaibidil agus a chomhaontú. Áireofar sna socruithe sin forálacha maidir leis na rialacha is infheidhme lena rialaítear bainistiú cuí an chaiteachais a mhaoinítear leis na ranníocaíochtaí deonacha sin.

1.   Féadfaidh ESDC iarratas a dhéanamh ar pháirt a ghlacadh i dtionscadail taighde agus i dtionscadail eile i réimse CBES. Beidh ESDC rannpháirteach mar chomhordaitheoir tionscadail nó mar chomhalta de thionscadal. Féadfaidh an Ceann, nó a ionadaí nó a hionadaí, a bheith ina chomhalta nó ina comhalta de ‘bhord comhairleach’ na dtionscadal sin, nó féadfaidh sé nó sí an cúram sin a tharmligean chuig duine de chathaoirligh fhoirmíochtaí an Bhoird Acadúil nó chuig comhalta den Rúnaíocht.

2.   Cuirfear ranníocaíochtaí ó na tionscadail sin san áireamh ar leithligh ón ranníocaíocht faoi na socruithe airgeadais dá dtagraítear in Airteagal 16 agus ó na ranníocaíochtaí airgeadais deonacha dá dtagraítear in Airteagal 17, agus úsáidfear iad i gcomhréir le cuspóirí ESDC.

1.   Beidh gach gníomhaíocht oiliúna agus oideachais ESDC oscailte do rannpháirtíocht náisiúnaigh na mBallstát.

2.   Féadfar gníomhaíochtaí oiliúna agus oideachais ESDC a chur ar fáil freisin do rannpháirtíocht náisiúnaigh tíortha ar iarrthóirí ar aontachas leis an Aontas iad agus, de réir mar is iomchuí, náisiúnaigh tríú Stáit eile, agus baill nó foireann eagraíochtaí idirnáisiúnta ar bhealach cómhalartach, chomh maith le heagraíochtaí neamhrialtasacha ábhartha, go háirithe na gníomhaíochtaí oiliúna agus oideachais dá dtagraítear in Airteagal 3(1)(h).