(1)

Qabel l-1 ta’ Lulju 2013, il-kummerċ f’ċerti prodotti agrikoli bejn l-Unjoni u l-Kroazja huwa soġġett għall-preżentazzjoni ta’ liċenzja ta’ importazzjoni jew ta’ esportazzjoni. Mill-1 ta’ Lulju 2013, dawn il-liċenzji ma jistgħux jibqgħu jintużaw għal dan il-kummerċ.

(2)

Ċerti liċenzji u ċertifikati ta’ ffissar ta’ rati minn qabel li se jkunu għadhom validi wara t-30 ta’ Ġunju 2013 mhux se jkunu ntużaw jew se jkunu ntużaw biss parzjalment. L-obbligi li ddaħħlu fl-ambitu ta’ dawn il-liċenzji u ċertifikati għandhom jiġu onorati, u f’nuqqas ta’ dan il-garanziji mogħtija jintilfu. Peress li tali obbligi ma jistgħux jibqgħu jiġu onorati wara l-adeżjoni tal-Kroazja, jidher li huwa meħtieġ li jiġi stabbilit, b’effett mid-data ta’ dik l-adeżjoni, miżura tranżitorja li tipprovdi għar-rilaxx tal-garanziji mogħtija.

(3)

Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(a)

il-pajjiż esportatur jew il-pajjiż riċevitur indikat fuq il-liċenzji jew fuq iċ-ċertifikati ta’ ffissar minn qabel huwa l-Kroazja. Fejn l-indikazzjoni pajjiż esportatur jew pajjiż riċevitur mhiex obbligatorja fuq il-liċenzja jew ċertifikat ta’ ffissar ta’ rati minn qabel, l-operatur għandu jagħti prova għas-sodisfazzjoni tal-awtorità kompetenti illi l-pajjiż esportatur jew il-pajjiż riċevitur huwa l-Kroazja;

(b)

il-validità tal-liċenzji jew ċertifikati ta’ ffissar ta’ rati minn qabel ma tiskadix qabel l-1 ta’ Lulju 2013;

(c)

il-liċenzji jew iċ-ċertifikati tal-iffissar ta’ rati minn qabel se jkunu ntużaw biss parzjalment jew xejn affattu sal-1 ta’ Lulju 2013.