|
21.9.2023 |
GA |
Iris Oifigiúil an Aontais Eorpaigh |
L 233/24 |
RIALACHÁN TARMLIGTHE (AE) 2023/1798 ÓN gCOIMISIÚN
an 10 Iúil 2023
lena leasaítear Rialachán Tarmligthe (AE) 2020/689 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le faireachas, cláir dhíothúcháin, agus stádas saor ó ghalair le haghaidh galair liostaithe áirithe agus galair áirithe atá ag teacht chun cinn
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 29, pointí (a) agus (d), Airteagal 37(5), Airteagal 39 agus Airteagal 41(3) de,
De bharr an mhéid seo a leanas:
|
(1) |
Le Rialachán (AE) 2016/429 leagtar síos rialacha maidir le cosc agus rialú galar ainmhithe atá in-tarchurtha chuig ainmhithe nó chuig daoine, lena n-áirítear rialacha maidir le faireachas, rialacha maidir le cláir faireachais an Aontais, rialacha maidir le formheas ón gCoimisiún ar stádas saor ó ghalair agus rialacha maidir leis an stádas saor ó ghalar a choinneáil. |
|
(2) |
Le Rialachán Tarmligthe (AE) 2020/689 ón gCoimisiún (2) déantar forlíonadh ar na rialacha a leagtar síos i Rialachán (AE) 2016/429 maidir le faireachas, cláir dhíothúcháin agus stádas saor ó ghalair le haghaidh galair liostaithe áirithe agus galair áirithe atá ag teacht chun cinn in ainmhithe talún, ainmhithe uisceacha agus ainmhithe eile. |
|
(3) |
Maidir leis na pobail ainmhithe ábhartha ar a ndírítear i ndáil le cineálacha éagsúla faireachais, ceanglaítear ar na húdaráis inniúla na pobail sin a shonrú i gcomhréir le Rialachán Tarmligthe (AE) 2020/689. Ina theannta sin, le Rialachán Tarmligthe (AE) 2020/689 sonraítear na catagóirí ainmhithe ar cheart a bheith faoi réir faireachais. I gcomhthéacs na ngalar eipeasótach fhliú éanúil ardphataiginigh (HPAI) atá ann faoi láthair, sa tuarascáil eolaíoch ón Údarás Eorpach um Shábháilteacht Bhia a foilsíodh an 20 Márta 2023, agus ina bhfuil forléargas ar an bhfliú éanúil ó Nollaig 2022 go Márta 2023 (3), moladh an faireachas i mamaigh fiáine, go háirithe feoiliteoirí, agus in ainmhithe feirme, go háirithe minceanna Meiriceánacha, a leathnú agus a fheabhsú i limistéir ardriosca a bhfuil HPAI i láthair iontu in éin fhiáine agus in éanlaith chlóis. Ní áirítear speicis mamach sna catagóirí atá faoi réir faireachais dá bhforáiltear i Rialachán Tarmligthe (AE) 2020/689. Dá bhrí sin, na forálacha atá ann cheana a bhaineann le speicis ar a ndírítear agus faireachas maidir le fliú éanúil, ba cheart iad a leasú chun aghaidh a thabhairt ar an moladh sin a mhéid a bhaineann leis an riosca HPAI H5N1 atá ann faoi láthair agus chun deis agus tacaíocht níos fearr a thabhairt do na húdaráis inniúla chun faireachas struchtúrtha a dhéanamh maidir le HPAI i speicis áirithe mamach de réir mar is iomchuí. |
|
(4) |
Le Rialachán Tarmligthe (AE) 2020/689 déantar foráil maidir le conairí éagsúla chun stádas saor ó ghalar a bhaint amach. I gcás roinnt galar, ní féidir an stádas sin a bhaint amach mura bhfuil clár díothúcháin curtha chun feidhme cheana, ós rud é nach féidir leis na Ballstáit an chonair atá bunaithe ar shonraí stairiúla agus faireachais a leanúint, toisc go bhfuil feidhm ag srianta áirithe maidir leis na galair a d’fhéadfadh a bheith faoi réir na conaire sin, agus toisc gur cheart na hiarratais sin ar an stádas a dhéanamh laistigh de thráthchlár teoranta. Ó bhí dáta chur i bhfeidhm Rialachán Tarmligthe (AE) 2020/689 ann léiríodh sa taithí a fuarthas nach leor an cur chuige sin ós rud é nach soláthraítear gealltanais bhreise leis i gcónaí maidir le stádas saor ó ghalar a dheonú. Dá bhrí sin, ba cheart Rialachán Tarmligthe (AE) 2020/689 a leasú chun go bhféadfaidh Ballstát stádas saor ó ghalar a bhaint amach le haghaidh na ngalar ábhartha uile ar bhonn sonraí stairiúla agus faireachais agus gan teorainn ama. |
|
(5) |
Le Rialachán Tarmligthe (AE) 2020/689 déantar foráil maidir le roinnt ceanglas chun an stádas saor ó ionfhabhtú le víreas ghalar Newcastle a choinneáil. Ó bhí dáta chur i bhfeidhm Rialachán Tarmligthe (AE) 2020/689 ann, léiríodh sa taithí a fuarthas gur gá na forálacha ábhartha a shoiléiriú tuilleadh a mhéid a bhaineann leis na critéir is infheidhme. |
|
(6) |
Dá bhrí sin, ar mhaithe le deimhneach dhlíthiúil agus soiléireacht, ba cheart Rialachán Tarmligthe (AE) 2020/689 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán Tarmligthe (AE) 2020/689
Leasaítear Rialachán Tarmligthe (AE) 2020/689 mar a leanas:
|
(1) |
in Airteagal 4, cuirtear an mhír 3 seo a leanas leis: ‘3. Sa phobal ainmhithe ar a ndírítear, áireoidh an t-údarás inniúil ainmhithe fiáine nó ar coimeád de speicis nach liostaítear maidir leis an ngalar liostaithe ábhartha nuair a mheasann an t-údarás inniúil gur riosca iad na hainmhithe sin do shláinte ainmhithe agus do shláinte an duine.’ |
|
(2) |
in Airteagal 70, scriostar míreanna 4, 5 agus 6. |
|
(3) |
in Airteagal 76, scriostar míreanna 3 agus 4. |
|
(4) |
Leasaítear Iarscríbhinní II go V a ghabhann le Rialachán Tarmligthe (AE) 2020/689 i gcomhréir leis an Iarscríbhinn a ghabhann leis an Rialachán seo. |
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 10 Iúil 2023.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1.
(2) Rialachán Tarmligthe (AE) 2020/689 ón gCoimisiún an 17 Nollaig 2019 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le faireachas, cláir dhíothúcháin agus stádas saor ó ghalair le haghaidh galair áirithe atá liostaithe agus galair áirithe atá ag teacht chun cinn (IO L 174, 3.6.2020, lch. 211).
(3) EFSA Journal [Iris EFSA] 2023;21(3):7917.
IARSCRÍBHINN
Leasaítear Iarscríbhinní II agus V a ghabhann le Rialachán Tarmligthe (AE) 2020/689 mar a leanas:
|
(1) |
in Iarscríbhinn II, leasaítear Cuid I mar a leanas:
|
|
(2) |
in Iarscríbhinn V, i gCuid IV, i Roinn 2, cuirtear an méid seo a leanas in ionad mhír 2:
|