(1)

An 18 Bealtaine 2006, ghlac an Chomhairle Rialachán (CE) Uimh. 765/2006 (2).

(2)

Le Rialachán (CE) Uimh. 765/2006, tugtar éifeacht do bhearta áirithe dá bhforáiltear i gCinneadh 2012/642/CBES ón gComhairle (3).

(3)

An 23 Iúil 2026, ghlac an Chomhairle Cinneadh (CBES) 2026/1847, lena leasaítear Cinneadh 2012/642/CBES.

(4)

Le Cinneadh Cur Chun Feidhme (CBES) 2026/1816 ón gComhairle (4), cuirtear ceithre eintiteas nua le liosta na ndaoine dlítheanacha, na n-eintiteas agus na gcomhlachtaí a leagtar amach in Iarscríbhinn II a ghabhann le Cinneadh 2012/642/CBES, is é sin liosta na ndaoine, na n-eintiteas agus na gcomhlachtaí atá faoi réir srianta maidir le húdaruithe chun earraí agus teicneolaíocht dé-úsáide, agus earraí agus teicneolaíocht a d’fhéadfadh rannchuidiú le feabhsú míleata agus teicneolaíoch na Bealarúise nó na Rúise, a dhíol, a sholáthar, a aistriú nó a onnmhairiú, nó le forbairt a n-earnálacha cosanta agus slándála.

(5)

Le Cinneadh (CBES) 2026/1847, meastar é a bheith iomchuí leathnú a dhéanamh ar liosta na n-earraí a d’fhéadfadh rannchuidiú le feabhsú míleata agus teicneolaíoch na Bealarúise nó le forbairt a hearnála cosanta agus slándála, trí earraí a liostú a d’úsáid an Rúis ina cogadh foghach ar an Úcráin chomh maith le hearraí a rannchuidíonn le forbairt nó táirgeadh chórais mhíleata na Bealarúise, lena n-áirítear: púdair nicile, miotal nicile agus cóimhiotail nicile a úsáidtear i mbratú frithchreimneach in scairdinnill; púdair Bheirilliam a úsáidtear i dtiomántáin agus i gcóimhiotail ardfheidhmíochta; scannáin, téipeanna agus stiallacha féinghreamaitheacha a úsáidtear sna hearnálacha cosanta agus aeraspáis; ítimí eitlíochta a bhaineann go sonrach le haerárthaí gan foireann amhail trealamh tacaíochta ar talamh, córais trasnaíochta/tascartha, córais lainseála, agus seirbheamhótair; agus córais foirceanta eitilte le haghaidh aerárthaí gan foireann nó diúracáin.

(6)

Le Cinneadh (CBES) 2026/1847, leasaítear maoluithe chun a áirithiú go leanfar d’earraí agus seirbhísí a sholáthar, arb earraí agus seirbhísí iad is gá chun an bonneagar idirlín sa Bhealarúis a chaomhnú don phobal i gcoitinne.

(7)

Ina theannta sin, le Cinneadh (CBES) 2026/1847, meastar gurb iomchuí tuilleadh srianta a thabhairt isteach ar allmhairiú earraí lena ligtear don Bhealarúis a foinsí ioncaim a éagsúlú, rud a chumasaíonn a rannpháirtíocht i gcogadh foghach na Rúise ar an Úcráin, lena n-áirítear srianta ar mhianta copair, mianta nicile, mianta luaidhe, mianta miotal lómhar, sinc neamhshaoirsithe, miotail chré-alcaileacha, ceimiceáin neamhorgánacha áirithe (ocsaídí since agus ocsaídí cróimiam), roisín leachtach, earraí gloine agus páirteanna gluaisteán.

(8)

Le Cinneadh (CBES) 2026/1847, leathnaítear an toirmeasc ar náisiúnaigh na Bealarúise nó ar dhaoine nádúrtha a bhfuil cónaí orthu sa Bhealarúis úinéireacht nó rialú a bheith acu ar dhaoine dhlítheanacha, eintitis nó comhlachtaí áirithe atá corpraithe nó comhdhéanta faoi dhlí Ballstáit, nó aon phost a bheith acu i gcomhlachtaí rialaithe daoine dlítheanacha, eintiteas nó comhlachta den sórt sin, sa chaoi go mbeidh feidhm ag an toirmeasc maidir le haon eintiteas a sholáthraíonn seirbhísí cripteashócmhainní, mar a shainmhínítear i Rialachán (AE) 2023/1114 ó Pharlaimint na hEorpa agus ón gComhairle (5).

(9)

Le Rialachán (AE) 2026/513 ón gComhairle (6), leathnaítear an toirmeasc i Rialachán (CE) Uimh. 765/2006 maidir le sásamh na n-éileamh arna dtabhairt ag daoine nádúrtha nó dlítheanacha, eintitis nó comhlachtaí atá bunaithe i dtríú tíortha seachas an Bhealarúis agus tíortha comhpháirtíochta a liostaítear san Iarscríbhinn ábhartha a ghabhann le Rialachán (CE) Uimh. 765/2006, i gcás ina bhfuil na daoine nádúrtha nó dlítheanacha, na heintitis nó na comhlachtaí sin ag díol, ag soláthar, ag aistriú nó ag onnmhairiú earraí, teicneolaíochta nó seirbhísí a bhfuil toirmeasc ar a ndíol, a soláthar, a n-aistriú nó a n-onnmhairiú faoi Rialachán (CE) Uimh. 765/2006, bídís de thionscnamh an Aontais nó ná bídís. Mar sin féin, is féidir leis na daoine sin éilimh a dhéanamh i ndlínsí tríú tír i ndáil le conarthaí agus idirbhearta dá ndéanann na toirmisc sin difear, rud is cúis le caillteanas do do náisiúnaigh Ballstáit nó do dhaoine dlítheanacha atá corpraithe faoi dhlí Ballstáit. Dá bhrí sin, is gá síneadh a chur leis an bhféidearthacht damáistí a aisghabháil os comhair cúirteanna Ballstáit.

(10)

Tagann na bearta sin faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais, go háirithe d’fhonn a áirithiú go gcuirfear i bhfeidhm iad go haonfhoirmeach i ngach Ballstát.

(11)

Ba cheart, dá bhrí sin, Rialachán (CE) Uimh. 765/2006 a leasú dá réir sin,

(1)

leasaítear Airteagal 1bb mar a leanas:

(2)

in Airteagal 1e(4), cuirtear an méid seo a leanas in ionad phointe (e):

;

(3)

in Airteagal 1f(4), cuirtear an méid seo a leanas in ionad phointe (e):

;

(4)

leasaítear Airteagal 1ra mar a leanas:

(5)

in Airteagal 1s, cuirtear an méid seo a leanas in ionad mhír 4a:

(6)

in Airteagal 1u, cuirtear an méid seo a leanas in ionad mhír 3:

(7)

in Airteagal 1y, cuirtear an méid seo a leanas in ionad mhír 2:

(8)

in Airteagal 8h, cuirtear an méid seo a leanas in ionad mhír 1:

(9)

leasaítear na hIarscríbhinní i gcomhréir leis an Iarscríbhinn a ghabhann leis an Rialachán seo.