(1)

I gcás gach Ballstáit a bhfuil scéim na híocaíochta bunúsaí dá bhforáiltear i gCaibidil 1 de Theideal III de Rialachán (AE) Uimh. 1307/2013 á cur chun feidhme aige, ní mór don Choimisiún an uasteorainn náisiúnta bhliantúil dá dtagraítear in Airteagal 22(1) den Rialachán sin le haghaidh 2021 a shocrú trí na huasteorainneacha a shocraítear i gcomhréir le hAirteagail 42, 47, 49, 51 agus 53 den Rialachán sin a bhaint as an uasteorainn náisiúnta bhliantúil a leagtar amach in Iarscríbhinn II a ghabhann leis an Rialachán sin. I gcomhréir le hAirteagal 22(2) de Rialachán (AE) Uimh. 1307/2013, cuirfear san áireamh aon mhéadú a chuirfidh na Ballstáit i bhfeidhm de bhun na forála sin.

(2)

I gcás gach Ballstáit a bhfuil scéim na híocaíochta bunúsaí dá bhforáiltear i gCaibidil 1 de Theideal III de Rialachán (AE) Uimh. 1307/2013 á cur chun feidhme aige, ní mór don Choimisiún an uasteorainn náisiúnta bhliantúil dá dtagraítear in Airteagal 36(4) den Rialachán sin le haghaidh 2021 a shocrú trí na huasteorainneacha a shocraítear i gcomhréir le hAirteagail 42, 47, 49, 51 agus 53 den Rialachán sin a bhaint as an uasteorainn náisiúnta bhliantúil a leagtar amach in Iarscríbhinn II a ghabhann leis an Rialachán sin. I gcomhréir le hAirteagal 36(4), an dara fomhír, den Rialachán sin, agus an uasteorainn náisiúnta bhliantúil á socrú don scéim íocaíochta aonair limistéir, cuirfidh an Coimisiún san áireamh aon mhéadú a chuirfidh na Ballstáit i bhfeidhm de bhun na forála sin.

(3)

I gcás gach Ballstáit a bhfuil an íocaíocht athdháilte dá bhforáiltear i gCaibidil 2 de Theideal III de Rialachán (AE) Uimh. 1307/2013 á deonú aige, ní mór don Choimisiún an uasteorainn náisiúnta bhliantúil dá dtagraítear in Airteagal 42(2) den Rialachán sin le haghaidh 2021 a shocrú ar bhonn an chéatadáin arna lua san fhógra ó na Ballstáit sin de bhun Airteagal 42(1) den Rialachán sin.

(4)

Maidir leis an íocaíocht i leith na gcleachtas talmhaíochta chun leasa na haeráide agus an chomhshaoil dá bhforáiltear i gCaibidil 3 de Theideal III de Rialachán (AE) Uimh. 1307/2013 in 2021, ní mór na huasteorainneacha náisiúnta bliantúla dá dtagraítear in Airteagal 47(3) den Rialachán sin le haghaidh 2021 a ríomh i gcomhréir le hAirteagal 47(1) den Rialachán sin agus ag 30 % d’uasteorainn náisiúnta an Bhallstáit ábhartha mar a leagtar amach in Iarscríbhinn II a ghabhann leis an Rialachán sin.

(5)

I gcás na mBallstát a bhfuil an íocaíocht le haghaidh limistéir atá faoi shrianta nádúrtha dá bhforáiltear i gCaibidil 4 de Theideal III de Rialachán (AE) Uimh. 1307/2013 á deonú acu, ní mór don Choimisiún na huasteorainneacha bliantúla náisiúnta dá dtagraítear in Airteagal 49(2) den Rialachán sin le haghaidh 2021 a shocrú ar bhonn an chéatadáin arna lua san fhógra ó na Ballstáit ábhartha de bhun Airteagal 49(1) den Rialachán sin.

(6)

Maidir leis an íocaíocht d’fheirmeoirí óga dá bhforáiltear i gCaibidil 5 de Theideal III de Rialachán (AE) Uimh. 1307/2013, ní mór don Choimisiún na huasteorainneacha náisiúnta bliantúla dá dtagraítear in Airteagal 51(4) den Rialachán sin le haghaidh 2021 a shocrú ar bhonn an chéatadáin arna lua san fhógra ó na Ballstáit de bhun Airteagal 51(1) den Rialachán sin agus ní mór gan iad a bheith níos airde ná 2 % den uasteorainn náisiúnta a leagtar amach in Iarscríbhinn II a ghabhann leis an Rialachán sin.

(7)

I gcás ina rachaidh méid iomlán na híocaíochta d’fheirmeoirí óga a ndearnadh iarratas ina leith in 2021 i mBallstát thar an uasteorainn a shocraítear don Bhallstát sin de bhun Airteagal 51(4) de Rialachán (AE) Uimh. 1307/2013, ní mór don Bhallstát an difríocht a mhaoiniú i gcomhréir le hAirteagal 51(2) den Rialachán sin agus an t-uasmhéid a leagtar síos in Airteagal 51(1) den Rialachán sin á urramú aige. Ar mhaithe le soiléireacht, is iomchuí an t-uasmhéid sin a shocrú i gcás gach Ballstáit.

(8)

I gcás gach Ballstáit a bhfuil an tacaíocht chúpláilte dheonach dá bhforáiltear i gCaibidil 1 de Theideal IV de Rialachán (AE) Uimh. 1307/2013 á deonú aige in 2021, ní mór don Choimisiún an uasteorainn náisiúnta bhliantúil dá dtagraítear in Airteagal 53(7) den Rialachán sin le haghaidh 2021 a shocrú ar bhonn an chéatadáin arna lua san fhógra ón mBallstát ábhartha de bhun Airteagal 54(1) den Rialachán sin.

(9)

A mhéid a bhaineann leis an mbliain 2021, is ar an 1 Eanáir 2021 a cuireadh tús le cur chun feidhme na scéimeanna tacaíochta dírí dá bhforáiltear i Rialachán (AE) Uimh. 1307/2013. Ar mhaithe le comhsheasmhacht idir infheidhmeacht an Rialacháin sin le haghaidh bhliain éilimh 2021 agus infheidhmeacht na n-uasteorainneacha buiséid comhfhreagracha, ba cheart feidhm a bheith ag an Rialachán seo ón dáta céanna.

(10)

Na bearta dá bhforáiltear sa Rialachán seo, tá siad i gcomhréir leis an tuairim ón gCoiste um Íocaíochtaí Díreacha,