<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-05-202605C121202401980-00-TRA-DOC-MT-CONCL-C-0198-24-202510870-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="22/12/2025 11:40:32" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="U/9wFfPrpteZDmZbyOqSXBKrI15eSzwkF0eD9NEuuws2piABUCKl+9QUJwPFvOHgJs2rP0Oes68wPqX+TN+/y07E62nlFCB3rFXbTeiRMFZIWHLCr9HF3UW+xnuV4gxLHEEM0EzLeDsBMh3E1VA6orH1P/ws/7oKomBVUFf+S0A=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="a78aaabc-e782-4366-b665-a19d92113a16" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0198" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 31-10-25 09:44:58" name="Created"/>
    <meta content="" name="Canevas3_Vademecum"/>
    <meta content="2025-11-12T15:39:11Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="7ddcd758b85f4822a234c4dca45e03ae" name="DocumentIdentifier"/>
    <meta content="0198" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Konklużjoni Emiliou – Kawża C-198/24</div>
      <div id="rId21" style="default">Mr Green</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      EMILIOU
    </p>
    <p class="C36Centre" id="para-3" title="page-1">
      ippreżentati fit‑30 ta’ Ottubru 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑198/24
    </p>
    <p class="C37Centregras" id="para-5" title="page-1">
      TQ
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Mr Green Limited
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mil-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili, Vjenna, l-Awstrija)
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Kooperazzjoni ġudizzjarja f’materji ċivili u kummerċjali – Irkupru transkonfinali tad-dejn – Proċedura ta’ ordni Ewropea għas-sekwestru kawtelatorju ta’ kontijiet bankarji– Regolament (UE) Nru 655/2014 – Natura mhux kontradittorja tal-proċedura għall-għoti tal-ordni għas-sekwestru kawtelatorju – Artikolu 11 – Konsegwenzi ta’ talba għal deċiżjoni preliminari mressqa matul din il-proċedura – Kundizzjonijiet għall-għoti ta’ ordni għas-sekwestru kawtelatorju – Artikolu 7 – Periculum in mora – Riskju reali li, fin-nuqqas ta’ ordni għas-sekwestru kawtelatorju, l-eżekuzzjoni sussegwenti tal-pretensjoni tal-kreditur tiġi ostakolata jew issir sostanzjalment iktar diffiċli – Elementi li jistgħu jittieħdu inkunsiderazzjoni fl-evalwazzjoni ta’ din il-kundizzjoni”
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Din it-talba għal deċiżjoni preliminari, imressqa mil-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili, Vjenna, l-Awstrija), tagħmel parti minn sensiela ta’ kawżi  (<span class="note footnote notemarker">
<a id="c-2" href="#t-2">2</a>
</span>) dwar logħob tal-ażżard online offruti minn kumpanniji stabbiliti f’Malta. Normalment, is-siti tal-internet li joperaw mhux biss huma aċċessibbli minn, iżda wkoll diretti (permezz tal-ismijiet ta’ dawn is-siti, il-lingwa wżata fihom, ir-reklamar, eċċ.) lejn Stati Membri oħra (inkluż, f’dan il-każ, l-Awstrija). Dawn il-kumpanniji jipprovdu s-servizzi tagħhom abbażi ta’ liċenzji tal-logħob maħruġa mill-Awtorità Maltija għal-Logħob, skont id-dritt Malti. Madankollu, ħafna drabi ma jkunux awtorizzati mill-awtoritajiet tal-Istati Membri mmirati sabiex jipproponu tali logħob fit-territorju tagħhom, kif teżiġi l-leġiżlazzjoni dwar il-logħob tal-ażżard ta’ dawn l-Istati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Numru sinjifikattiv ta’ konsumaturi f’dawn l-Istati Membri mmirati jipparteċipaw f’dan il-logħob tal-ażżard online, u ħafna minnhom jitilfu ammonti konsiderevoli ta’ flus. Fi snin reċenti, ġugaturi fittxew li jirkupraw it-telf tagħhom billi fetħu proċeduri ċivili quddiem il-qrati lokali tagħhom  (<span class="note footnote notemarker">
<a id="c-3" href="#t-3">3</a>
</span>) kontra kumpanniji tal-logħob tal-ażżard Maltin. Normalment, l-azzjoni tkun li (i) il-konsumatur lagħab u tilef flus fil-logħob tal-ażżard taħt kuntratt tal-logħob tal-ażżard konkluż ma’ waħda minn dawn il-kumpanniji; (ii) minħabba li l-kumpannija inkwistjoni ma kinitx liċenzjata mill-awtoritajiet tal-Istat Membru mmirat, il-logħob tal-ażżard offert kien illegali u, konsegwentement dan il-kuntratt kien null u bla effett taħt il-liġi kuntrattwali lokali; (iii) għaldaqstant, din il-kumpannija hija meħtieġa tħallas lura tali mħatri taħt ir-regoli dwar l-arrikkiment indebitu. Milli jidher, eluf ta’ pretensjonijiet bħal dawn ġew ittrattati jew bħalissa huma pendenti fl-Awstrija u fil-Ġermanja. Jidher ukoll li, sa issa, fil-maġġoranza tal-każijiet, il-qrati f’dawn l-Istati Membri laqgħu il-pretensjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Kif wieħed jista’ jimmaġina, il-kumpanniji tal-logħob tal-ażżard Maltin jikkontestaw tali pretensjonijiet ta’ ħlas lura. Apparentement, huma jirrifjutaw ukoll li jikkonformaw mas-sentenzi mogħtija kontrihom mill-qrati “lokali” tal-konsumaturi, billi jqisu dawn id-deċiżjonijiet bħala manifestament żbaljati. Dawn il-kumpanniji jsostnu li, sa fejn is-servizzi tagħhom huma pprovduti skont awtorizzazzjonijiet ta’ logħob ta’ Malta — li ta’ spiss jippermettu l-offerta ta’ logħob tal-ażżard kemm f’Malta kif ukoll minn Malta — huma għandhom id-dritt li joffru tali servizzi fl-Unjoni kollha, konformement mal-libertà stabbilita fl-Artikolu 56 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Skont dawn il-kumpaniji, meta l-Istati Membri fil-mira japplikaw ir-regoli tagħhom tal-logħob tal-ażżard u r-rekwiżiti ta’ liċenzjar tagħhom, għal raġunijiet ta’ protezzjoni għall-ġugaturi bħall-prevenzjoni tal-frodi, tal-vizzju u tat-tħassib relatat), dawn l-Istati Membri jirrestrinġu l-libertà tagħhom li jipprovdu servizzi b’mod mhux iġġustifikat u/jew sproporzjonat. Dawn il-kumpanniji jsostnu li r-regoli Maltin fil-qasam tal-logħob tal-ażżard u s-sorveljanza eżerċitata mill-Awtorità Maltija għal-Logħob joffru protezzjoni adegwata lill-ġugaturi — kunsiderazzjoni importanti li l-qrati lokali ma jirrikonoxxux.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">L-operaturi Maltin tal-logħob tal-azzard ingħataw l-appoġġ tal-leġiżlatur Malti f’dan ir-rigward. Peress li qies, minn naħa, li l-Istati Membri fil-mira jostakolaw il-libertà li jiġu pprovduti servizzi ta’ dawn il-kumpanniji skont l-Artikolu 56 TFUE u, min-naħa l-oħra, li “l-politika pubblika [ordni pubbliku] ben stabbilita ta’ Malta li tinkoraġġixxi operaturi fis-settur tal-logħob sabiex jistabbilixxu ruħhom f’Malta u joffru l-provvista tas-servizzi tagħhom kemm lokalment kif ukoll f’pajjizi oħra, b’mod li jaderixxu mal-obbligi legali tagħhom skont il-liġijiet ta’ Malta, fil-kuntest tal-inkoraġġiment tal-intrapriża ekonomika privata a tenur tal-artikolu 18 tal-Kostituzzjoni ta’ Malta”  (<span class="note footnote notemarker">
<a id="c-4" href="#t-4">4</a>
</span>) il-leġiżlatur adotta, fit-12 ta’ Ġunju 2023, l-Abbozz ta’ Liġi 55, li introduċiet Artikolu 56a ġdid fl-Att Malti dwar il-Logħob  (<span class="note footnote notemarker">
<a id="c-5" href="#t-5">5</a>
</span>) Dan l-artikolu jistabbilixxi, essenzjalment, li kull azzjoni ġudizzjarja li tinvolvi l-legalità tal-logħob tal-ażżard propost minn kumpanniji Maltin abbażi ta’ liċenzja Maltija tal-logħob tal-ażżard hija kkunsidrata bħala inammissibbli mill-qrati Maltin. Barra minn hekk, huwa jipprevedi li kull sentenza barranija li tilqa’ tali azzjoni la għandha tiġi rrikonoxxuta u lanqas tiġi eżegwita f’Malta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">F’dan il-kuntest, din it-talba tirrigwarda l-kwistjoni speċifika dwar jekk ġugatur li jinvoka pretensjoni ta’ ħlas lura kontra kumpannija Maltija tal-logħob tal-ażżard jistax jikseb l-eżekuzzjoni futura tagħha skont l-ordni Ewropeja għas-sekwestru kawtelatorju tal-kontijiet bankarji (iktar ’il quddiem l-“ordni għas-sekwestru kawtelatorju” jew l-“ordni”) skont ir-Regolament (UE) Nru 655/2014  (<span class="note footnote notemarker">
<a id="c-6" href="#t-6">6</a>
</span>). Din il-miżura provviżorja għandha l-għan li tiżgura l-fondi allegatament miżmuma mill-kumpanija f’kontijiet bankarji f’diversi Stati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">F’dan ir-rigward, il-qorti tar-rinviju tixtieq tikseb kjarifiki dwar waħda mill-kundizzjonijiet għall-għoti ta’ ordni għas-sekwestru kawtelatorju (prevista fl-Artikolu 7 tar-Regolament OESK), jiġifieri l-obbligu għall-applikant li juri l-“ħtieġa urġenti” ta’ tali miżura (kundizzjoni komunement imsejħa “periculum in mora”, li l-Qorti tal-Ġustizzja qatt ma studjat sa issa). Il-qorti tar-rinviju tistaqsi dwar it-tip ta’ prova li kreditur, li jitlob tali miżura, għandu jipproduċi f’dan ir-rigward. Fost kwistjonijiet oħra, il-qorti tar-rinviju titlob kjarifika dwar jekk il-kundizzjonijiet għall-għoti ta’ ordni Ewropea għas-sekwestru kawtelatorju għandhomx ikunu limitati esklużivament għall-provi li juru l-intenzjoni suġġettiva tad-debitur li jevita l-eżekuzzjoni tad-dejn, bħal atti ta’ tberbiq, ta’ ħabi ta’ jew li bihom jiddisponi minn assi, jew jekk fatturi oġġettivi, inklużi l-interventi leġiżlattivi tal-leġiżlatur Malti kif muri f’dan il-każ, jistgħux ukoll jittieħdu inkunsiderazzjoni f’din l-evalwazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Ir-Regolament OESK</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">L-ordni għas-sekwestru kawtelatorju hija miżura protettiva ta’ “ffriżar”. B’mod iktar preċiż, skont l-Artikoli 2 u 5 tar-Regolament OESK tali miżura tista’ tintalab, f’“każijiet transkonfinali”, minn persuna (indikata bħala “il-kreditur” fir-Regolament OESK) li tinvoka kreditu pekunjarju” f’“materji ċivili u kummerċjali” kontra persuna oħra (li hemmhekk tissejjaħ id-“debitur”), jew qabel ma tinbeda proċedura fuq il-mertu, jew matul dawn il-proċeduri, jew wara li tkun kisbet sentenza (jew riżoluzzjoni tal-kawża jew att awtentiku) li teżiġi l-ħlas mingħand id-debitur. L-ordni tista’ tingħata mill-qorti li jkollha ġurisdizzjoni fuq il-mertu tal-kwistjoni jew mill-qorti li tkun tat is-sentenza dwar il-mertu tal-kwistjoni  (<span class="note footnote notemarker">
<a id="c-7" href="#t-7">7</a>
</span>). Mal-għoti, l-ordni għandha timponi fuq l-istituzzjoni jew l-istituzzjonijiet finanzjarji kkonċernati l-obbligu vinkolanti li “jippreservaw” il-fondi miżmuma f’kont bankarju wieħed jew iktar li jinsabu fit-territorju ta’ Stat Membru ieħor, u b’hekk tipprojbixxi lid-debitur jew lil kwalunkwe rappreżentant awtorizzat milli jiddisponi, jittrasferixxi jew b’xi mod ieħor jolqot dawk l-assi bl-għan li tiġi żgurata d-disponibbiltà tagħhom għall-irkupru tal-pretensjoni sottostanti mill-kreditur fi stadju aktar tard  (<span class="note footnote notemarker">
<a id="c-8" href="#t-8">8</a>
</span>). Sabiex tiġi żgurata l-implimentazzjoni rapida tagħha, l-ordni għas-sekwestru kawtelatorju għandha tiġi eżegwita (u mingħajr eċċezzjoni) fl-Istat Membru fejn jinżamm/jinżammu l-kont (i) fil-mira  (<span class="note footnote notemarker">
<a id="c-9" href="#t-9">9</a>
</span>). Dan ir-rimedju skont id-dritt tal-Unjoni huwa intiż li jtejjeb l-effettività tal-eżekuzzjoni transkonfinali tad-deċiżjonijiet, u b’hekk jiffavorixxi l-funzjonament tas-suq intern u jiggarantixxi lill-kredituri “aċċess effettiv għall-ġustizzja” fl-Unjoni  (<span class="note footnote notemarker">
<a id="c-10" href="#t-10">10</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Ir-Regolament OESK jistabbilixxi regoli uniformi li jirregolaw il-kwistjonijiet differenti li jikkonċernaw it-“twelid”, il-“ħajja” u l-“mewt” ta’ tali ordni għas-sekwestru kawtelatorju  (<span class="note footnote notemarker">
<a id="c-11" href="#t-11">11</a>
</span>). B’mod partikolari, l-Artikolu 7 ta’ dan ir-regolament jipprevedi kundizzjonijiet sostantivi għall-għoti ta’ tali ordni. Huwa jipprevedi, fil-paragrafu 1 tiegħu, li “Il-qorti għandha toħroġ l-Ordni ta’ Preservazzjoni [għas-sekwestru kawtelatorju] meta l-kreditur ikun ippreżenta evidenza suffiċjenti biex tissodisfaw il-qorti li hemm ħtieġa urġenti għal miżura protettiva fil-forma ta’ Ordni ta’ Preservazzjoni għax hemm riskju reali li, mingħajr tali miżura, l-eżekuzzjoni sussegwenti tal-pretensjoni tal-kreditur kontra d-debitur ser tkun ostakolata jew issir sostanzjalment aktar.”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-fatti, il-proċedura nazzjonali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Mr Green Limited (iktar ’il quddiem “Mr Green”) toffri logħob tal-ażżard online fuq is-sit internet www.mrgreen.com (b’mod partikolari) fl-Awstrija mis-sede tiegħu f’Malta. Din il-kumpannija għandha liċenzja tal-logħob tal-ażżard maħruġa mill-Awtorità Maltija għal-Logħob skont id-dritt Malti. Madankollu, hija ma għandhiex awtorizzazzjoni taħt il-Glücksspielgesetz Awstrijaka (il-Liġi dwar il-Logħob tal-Ażżard).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Bejn it‑3 ta’ Jannar 2017 u l‑25 ta’ April 2019, TQ, il-konsumatur, residenti abitwalment fi Vjenna (l-Awstrija), ipparteċipa f’logħob tal-ażżard online permezz tas-sit ta’ Mr Green. Matul dan il-perijodu, huwa lagħab u finalment tilef total ta’ EUR 62 878.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Sussegwentement, TQ ressaq azzjoni għal ħlas lura kontra Mr Green quddiem il-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili, Vjenna). TQ sostna li, peress li Mr Green ma kellhiex awtorizzazzjoni skont il-Liġi dwar il-Logħob tal-Ażżard, il-kuntratt sottostanti tal-logħob tal-ażżard kien null u bla effett, li kien jimplika l-obbligu, għal din il-kumpannija, li tirrimborsa l-ġugati mitlufa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Permezz ta’ sentenza tat‑2 ta’ Diċembru 2021, il-qorti Awstrijaka laqgħet din il-pretensjoni u, konsegwentement, ikkundannat lil Mr Green tħallas lura EUR 62 878 kif ukoll iħallas l-interessi u l-ispejjeż. Permezz ta’ sentenza tal‑21 ta’ Frar 2022, l-Oberlandesgericht Wien (il-Qorti Reġjonali Superjuri, Vjenna, l-Awstrija) ċaħdet l-appell minn din il-kumpannija. Dawn iż-żewġ sentenzi saru finali u eżegwibbli fit‑13 ta’ April 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Fit‑13 ta’ Frar 2024, TQ ressaq talba għal digriet li jordna s-sekwestru kawtelatorju quddiem il-Bezirksgericht Innere Stadt Wien (il-Qorti Distrettwali taċ-Ċentru tal-Belt ta’ Vjenna, l-Awstrija) dwar il-pretensjoni milqugħa f’dawn is-sentenzi, li jirrigwarda kontijiet bankarji allegatament miżmuma minn Mr Green fl-Irlanda, fil-Lussemburgu, f’Malta u fl-Isvezja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Fir-rigward tar-rekwiżit ta’ “periculum in mora” previst fl-Artikolu 7(1) tar-Regolament OESK, TQ sostna, essenzjalment, li (i) Mr Green ipprovat tostakola proċedura ta’ eżekuzzjoni forzata fl-Awstrija billi ttrasferixxiet assi barra minn din il-ġurisdizzjoni, b’mod partikolari billi xolja - f’data mhux speċifikata qabel is‑16 ta’ Frar 2021 –, ir-relazzjoni kuntrattwali li huwa kellu ma’ Dimoco Europe GmbH, fornitur ta’ servizzi ta’ ħlas li miegħu Mr Green kellha bilanċ ta’ kreditu u li, filwaqt li aġixxa bħala debitur terz, kien kompla jħallas lil Mr Green sal-bidu ta’ Frar 2021; kien hemm “riskju reali” (fis-sens ta’ din id-dispożizzjoni) li Mr Green tieħu miżuri simili fi Stati Membri oħra u tittrasferixxi l-attiv kollu tagħha f’Malta. Li kieku dan kien il-każ, l-irkupru tal-pretensjoni ta’ TQ ser ikun “ser tkun ostakolata [ikun ostakolat] jew issir [isir] sostanzjalment aktar diffiċli” fis-sens ta’ din id-dispożizzjoni, peress li (ii) l-Artikolu 56a introdott reċentement tal-Att Malti dwar il-Logħob jagħmel l-eżekuzzjoni ta’ tali pretensjonijiet kontra kumpannija tal-logħob tal-ażżard Maltija prattikament impossibbli f’Malta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Permezz ta’ digriet tal‑15 ta’ Frar 2024, il-Bezirksgericht Innere Stadt Wien (il-Qorti Distrettwali taċ-Ċentru tal-Belt ta’ Vjenna) ċaħdet it-talba ta’ TQ minħabba li l-kundizzjoni ta’ “periculum in mora” prevista fl-Artikolu 7(1) tar-Regolament OESK ma kinitx issodisfatta. B’mod iktar preċiż, din il-qorti qieset li ma kienx hemm “ħtieġa urġenti” ta’ tali miżura, peress li TQ kien dewwem it-talba tiegħu għal perijodu ta’ sentejn mid-data li fiha s-sentenzi li huwa ried iżomm saru eżekuttivi; (II) l-azzjonijiet meħuda min Mr Green fl‑2021 ma kinux suffiċjenti sabiex juru li kien jeżisti “riskju reali” (fis-sens ta’ din id-dispożizzjoni) li, fin-nuqqas ta’ tali ordni, l-eżekuzzjoni tal-pretensjoni ta’ TQ tkun “ostakolata jew issir sostanzjalment aktar diffiċli” fl-2024; (III) filwaqt li l-Prim’Awla tal-Qorti Ċivili (Malta) irrifjutat l-eżekuzzjoni ta’ sentenzi Awstrijaċi bbażati fuq l-Artikolu 56a tal-Liġi Maltija dwar il-Logħob, ma kienx ċar jekk il-qrati superjuri Maltin kinux taw deċiżjoni, jew kinux ser jagħti deċiżjoni, bl-istess mod.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Sussegwentement, TQ ippreżenta appell kontra dan id-digriet quddiem il-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili, Vjenna). Peress li qieset li s-soluzzjoni tal-appell inċidentali tiddependi minn interpretazzjoni tal-Artikolu 7(1) tar-Regolament OESK, dik il-qorti ddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejjin:</p>
</td>
</tr>
</table>
    <p class="C02AlineaAltA" id="para-32" title="page-7">
      “L-Artikolu 7(1) tar-Regolament [OESK] għandu jiġi interpretat fis-sens li l-azzjonijiet tad-debitur li jmorru lura għal tliet snin jew iktar u/jew l-ostakoli għall-eżekuzzjoni tad-deċiżjoni fl-Istat Membru tad-debitur ma għandhomx jittieħdu inkunsiderazzjoni?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Ġew ippreżentati osservazzjonijiet bil-miktub minn TQ, minn Mr Green, mill-Gvern Belġjan, mill-Gvern Malti kif ukoll mill-Kummissjoni Ewropea. L-istess persuni kkonċernati kienu rrappreżentati waqt is-seduta li nżammet fid‑19 ta’ Ġunju 2025.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Talba għal ordni Ewropea għas-sekwestru kawtelatorju bħal dak li TQ ippreżenta quddiem il-qrati Awstrijaċi huwa b’mod ċar ammissibbli. B’mod partikolari, is-sitwazzjoni taqa’ fil-kamp ta’ applikazzjoni tar-Regolament OESK. Fil-fatt, permezz tar-rikors tiegħu, TQ ifittex li jiggarantixxi l-eżekuzzjoni forzata ta’ “[kreditu] pekunjarju  (<span class="note footnote notemarker">
<a id="c-12" href="#t-12">12</a>
</span>) f’materji ċivili u kummerċjali” f’“[tilwima] transkonfinali” (<span class="note footnote notemarker">
<a id="c-13" href="#t-13">13</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Il-qorti tar-rinviju tiddubita, min-naħa l-oħra, li tali talba tista’ tiġi kkunsidrata bħala fondata f’ċirkustanzi bħal dawk f’dan il-każ. Kif indikat fl-introduzzjoni, dan jiddependi fuq jekk il-kundizzjonijiet għall-għoti ta’ ordni għas-sekwestru kawtelatorju (previsti fl-Artikolu 7 tar-Regolament OESK) humiex issodisfatti. Fit-Taqsima B, ser nindirizza l-kwistjoni ta’ dik il-qorti f’dan ir-rigward. Qabel ma nkompli, ser nindirizza, fit-Taqsima A, kwistjoni preliminari diskussa quddiem il-Qorti tal-Ġustizzja dwar l-aħjar mod kif jiġu rrikonċiljati l-proċedura għal deċiżjoni preliminari mal-proċedura tal-ordni għas-sekwestru kawtelatorju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq il-konċiljazzjoni bejn il-proċedura għal deċiżjoni preliminari u l-proċedura tal-ordni għas-sekwestru kawtelatorju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Sabiex il-miżuri ta’ “ffriżar” ikunu effettivi, dawn għandhom jinkorporaw l-element ta’ sorpriża. Il-fondi miżmuma f’kontijiet bankarji huma assi volatili ħafna. Debitur li ma jridx iħallas, meta jkun ġie informat minn qabel li l-kont tiegħu huwa s-suġġett ta’ tali miżura, jista’ jiżvojta malajr mill-fondi permezz ta’ sempliċi tranżazzjoni bankarja elettronika, qabel ma tkun tista’ tiġi eżegwita l-miżura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Sabiex jiġi ggarantit dan l-element ta’ sorpriża u, għaldaqstant, sabiex jiġi evitat li r-riskju deskritt iktar ’il fuq jimmaterjalizza, il-leġiżlatur tal-Unjoni qies li huwa essenzjali li t-talbiet għal ordni għas-sekwestru kawtelatorju jiġu ġġudikati (u, jekk ikun il-każ, mogħtija) mill-qrati nazzjonali fi proċeduri ex parte, abbażi biss tal-informazzjoni u tal-provi pprovduti mill-kreditur. Fir-rigward ta’ dan l-ewwel stadju tal-proċedura tal-ordni għas-sekwestru kawtelatorju (iktar il quddiem il-“fażi tal-għoti”), l-Artikolu 11 tar-Regolament OESK jipprevedi li “[i] d-debitur ma għandux jiġi nnotifikat bir-rikors […] jew jinstema’ qabel il-ħruġ tal-Ordni”. Fil-fatt, skont l-Artikoli 24, 25 u l-Artikolu 28(1) tar-regolament, in-notifika tad-debitur issir biss wara l-implimentazzjoni tal-ordni mill-bank ikkonċernat. Sussegwentement, id-debitur għandu d-dritt, skont l-Artikolu 33 ta’ dan ir-regolament, li jitlob ir-revoka tal-ordni quddiem il-qorti emittenti, u jinstema’ f’dan it-tieni stadju tal-Proċedura OESK (iktar ’il quddiem l-“istadju tar-reviżjoni”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Madankollu, f’dan il-kuntest iqumu kontestazzjonijiet fi ħdan dan il-qasam maħsub b’mod tajjeb meta qrati nazzjonali bħal-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili ta’ Vjenna) jiġu aditi b’talbiet għal digriet li jordna s-sekwestru kawtelatorju, iżda jibqgħu inċerti fir-rigward tal-interpretazzjoni tar-rekwiżiti stabbiliti fir-Regolament dwar l-ordni għas-sekwestru kawtelatorju, inklużi l-kundizzjonijiet stabbiliti fl-Artikolu 7 TFUE, u jixtiequ jiksbu kjarifiki min-naħa tal-Qorti tal-Ġustizzja dwar dan is-suġġett, permezz tal-proċedura għal deċiżjoni preliminari prevista fl-Artikolu 267 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Jidher kompletament loġiku li l-qrati nazzjonali jixtiequ, bħall-qorti tar-rinviju f’dan il-każ, jiksbu tali preċiżazzjonijiet fl-istadju tal-ħruġ, qabel ma jieħdu deċiżjoni dwar l-għoti tal-ordni għas-sekwestru kawtelatorju (iktar u iktar peress li għandhom l-obbligu, skont l-Artikolu 17(1) tar-Regolament dwar l-ordni għas-sekwestru kawtelatorju, li jeżaminaw jekk dawn ir-rekwiżiti humiex issodisfatti f’dan l-istadju). Barra minn hekk, dawn il-qrati huma perfettament intitolati jitolbu deċiżjoni preliminari f’tali stadju  (<span class="note footnote notemarker">
<a id="c-14" href="#t-14">14</a>
</span>). Madankollu, il-problema hija li l-introduzzjoni ta’ deċiżjoni preliminari f’dan l-istadju tista’ tippreġudika l-kunfidenzjalità neċessarja tat-talba pendenti għal ordni għas-sekwestru kawtelatorju pendenti, li tikkostitwixxi konsegwenza mhux intenzjonata tar-regoli proċedurali li jirregolaw il-proċedura għal deċiżjoni preliminari quddiem il-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">B’mod iktar preċiż, infakkar li, skont l-ewwel paragrafu tal-Artikolu 23 tal-Istatut tal-Qorti tal-Ġustizzja tal-Unjoni Ewropea, meta talba għal deċiżjoni preliminari titressaq minn qorti nazzjonali, id-deċiżjoni tar-rinviju għandha tiġi nnotifikata “lill-partijiet [fil-kawża prinċipali]” bid-digriet tar-rinviju mir-Reġistru tal-Qorti tal-Ġustizzja. Barra minn hekk, skont it-tieni paragrafu tal-Artikolu 23 tal-Istatut u l-Artikolu 96(1)(a) tar-Regoli tal-Proċedura tal-Qorti tal-Ġustizzja, dawn l-istess “partijiet” għandhom id-dritt li jippreżentaw osservazzjonijiet lill-Qorti tal-Ġustizzja. Fir-rigward tal-proċeduri nazzjonali li jikkonċernaw l-ordni għas-sekwestru kawtelatorju skont ir-Regolament OESK, it-terminu “partijiet fil-kawża prinċipali” jinkludi b’mod ċar lid-debitur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Fuq dan l-aħħar punt, jien konxju li, fir-rigward tal-proċeduri fuq livell nazzjonali, ġeneralment, l-identità tal-“partijiet [fil-kawża prinċipali]” fil-kawża prinċipali” hija ddeterminata fid-dawl tar-regoli proċedurali nazzjonali applikabbli u, loġikament (fir-rigward ta’ kwistjoni ta’ dritt nazzjonali), mill-qorti tar-rinviju (kif previst fl-Artikolu 97(1) tar-Regoli tal-Proċedura  (<span class="note footnote notemarker">
<a id="c-15" href="#t-15">15</a>
</span>). Madankollu, il-proċeduri relatati mal-ordni għas-sekwestru kawtelatorju huma kkaratterizzati mill-partikolarità li huma prinċipalment irregolati mir-regoli proċedurali uniformi stabbiliti mid-dritt tal-Unjoni fir-Regolament OESK. Għalhekk, l-identifikazzjoni ta’ dawk il-“partijiet” għandha tiġi ddeterminata skont dawk l-aħħar regoli. Peress li dawn ir-regoli jagħmlu parti mid-dritt tal-Unjoni, hija l-Qorti tal-Ġustizzja li għandha tipprovdi interpretazzjoni uniformi sabiex tiżgura l-koerenza bejn l-Istati Membri  (<span class="note footnote notemarker">
<a id="c-16" href="#t-16">16</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Minn qari sistematiku tar-regoli inkwistjoni jirriżulta li d-debitur huwa, sempliċement, il-konvenut f’tali proċedura, peress li huwa, skont id-definizzjoni li tinsab fl-Artikolu 4(7) tar-Regolament OESK, il-persuna “li fil-konfront tagħha” il-kreditur ifittex li jikseb ordni għas-sekwestru kawtelatorju. Il-fatt li d-debitur ma għandux jiġi informat (jew jinstema’ matul) il-fażi tal-għoti u li huwa ser jitħalla jiddefendi ruħu biss fl-istadju tar-reviżjoni ma jbiddel xejn minn dan il-fatt. Fil-fatt, dawn iż-żewġ fażijiet jistgħu jitqiesu bħala partijiet integrali ta’ qafas proċedurali wieħed, jiġifieri, il-proċedura OESK li timplika fundamentalment relazzjoni kontradittorja bejn il-kreditur u d-debitur fir-rigward tal-għoti ta’ miżura kawtelatorja  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Fil-qosor, meta talba għal deċiżjoni preliminari titressaq minn qorti nazzjonali fl-istadju tal-ħruġ, id-debitur normalment jiġi informat mill-Qorti tal-Ġustizzja b’din it-talba u jitħalla jipparteċipa fil-proċedura għal deċiżjoni preliminari. Dan jimplika neċessarjament l-iskoperta fi żmien mhux xieraq, mid-debitur, tat-talba għal ordni għas-sekwestru kawtelatorju li tirrigwarda l-kont jew il-kontijiet tiegħu pendenti quddiem il-qorti nazzjonali. Fil-fatt, dan huwa dak li ġara f’din il-kawża fir-rigward ta’ Mr Green.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Dan jikkostitwixxi, fil-fehma tiegħi, stat ta’ fatt sfortunat, peress li jintroduċi mill-ġdid ir-riskju stess li l-leġiżlatur fittex li jtaffi bl-Artikolu 11 tar-Regolament OESK — jiġifieri r-riskju li d-debitur jaħbi jew iberbaq l-assi mmirati qabel l-eżekuzzjoni tad-digriet. Il-kreditur li ressaq il-pretensjoni jista’ għalhekk isofri dannu irreparabbli, bi ksur tad-dritt tiegħu għal rimedju skont l-Artikolu 47 tal-Karta tad-Drittijiet Fundamentali tal-Unjoni Ewropea. L-effett utli tas-sistema stabbilita mill-Artikolu 267 TFUE huwa wkoll kompromess  (<span class="note footnote notemarker">
<a id="c-18" href="#t-18">18</a>
</span>) Fil-fatt, id-deċiżjoni preliminari mogħtija mill-Qorti tal-Ġustizzja tista’, b’mod definittiv, tirriżulta ta’ utilità limitata għall-qorti nazzjonali fil-kawża kkonċernata, b’mod partikolari jekk l-għoti ta’ ordni għas-sekwestru kawtelatorju jitqies leġittimu fid-dawl ta’ din is-sentenza, iżda d-debitur fil-frattemp ikun ħeba jew iddispona mill-assi tiegħu, u b’hekk iċaħħad it-talba mill-effett utli tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Tali sitwazzjoni ma għandhiex terġa’ sseħħ fil-futur. Għandha tinstab soluzzjoni pragmatika li (i) tippreserva d-dritt tal-qrati nazzjonali li jagħmlu talbiet għal deċiżjoni preliminari dwar ir-rekwiżiti tar-Regolament OESK(li huwa essenzjali wkoll sabiex tiġi żgurata l-applikazzjoni uniformi ta’ dan l-istrument fl-Unjoni kollha) u fl-istess ħin (ii) iżżomm l-effettività tar-Regolament OESK u l-interessi tal-kreditur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Soluzzjoni possibbli tista’ timplika li l-Qorti tal-Ġustizzja tinterpreta (mill-ġdid) l-Artikolu 23 tal-Istatut u l-Artikolu 96(1)(a) tar-Regoli tal-Proċedura fis-sens li, meta qorti nazzjonali tagħmel talba għal deċiżjoni preliminari dwar ir-Regolament OESK matul il-fażi ta’ ħruġ, id-debitur — għalkemm formalment “parti fil-kawża prinċipali” — la għandu jiġi nnotifikat b’din it-talba u lanqas, a fortiori, ma għandu jingħata s-setgħa li jippreżenta osservazzjonijiet lill-Qorti tal-Ġustizzja. Dan l-approċċ jissodisfa loġika “simetrika” fir-rigward tagħha, li mal-ewwel daqqa t’għajn hija attraenti: il-“partijiet” (bħad-debitur) jistgħu jipparteċipaw fil-proċedura preliminari jekk, u sa fejn, huma jistgħu jagħmlu dan fil-kawża prinċipali. Madankollu, ma naħsibx li tali soluzzjoni hija fattibbli jew xierqa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Huwa ċar li dan imur kontra l-formulazzjoni tal-Artikolu 23 tal-Istatut u tal-Artikolu 96(1)(a) tar-Regoli tal-Proċedura, li jagħtu lill-“partijiet” kollha fi proċedura nazzjonali d-dritt li jiġu nnotifikati b’talba għal deċiżjoni preliminari mressqa matul din il-proċedura u li jippreżentaw osservazzjonijiet lill-Qorti tal-Ġustizzja. Ebda deroga ma hija prevista għal dawk li ma humiex informati bil-proċedura fil-kawża prinċipali u/jew li ma għandhomx id-dritt li jidhru quddiem il-qorti tar-rinviju  (<span class="note footnote notemarker">
<a id="c-19" href="#t-19">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Barra minn hekk, infakkar li l-awturi tal-Artikolu 23 tal-Istatut u tal-Artikolu 96(1)(a) tar-Regoli tal-Proċedura awtorizzaw lill-“partijiet fil-kawża prinċipali” jipparteċipaw fil-proċedura għal deċiżjoni preliminari sabiex jiggarantixxu d-dritt tagħhom għal smigħ, bħala parti tad-dritt fundamentali tagħhom għal smigħ xieraq (protett mill-Artikolu 47 tal-Karta). Fil-fatt, l-interpretazzjoni tad-dritt tal-Unjoni pprovduta mill-Qorti tal-Ġustizzja b’risposta għal talba għal deċiżjoni preliminari ġeneralment għandha effett sinjifikattiv, jekk mhux determinanti, fuq l-eżitu tal-proċedura nazzjonali. Eċċezzjoni għall-“partijiet” fis-sitwazzjoni tad-debitur matul il-fażi tal-għoti hija kontestabbli fid-dawl ta’ dan l-għan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">B’mod iktar speċifiku, fil-kuntest tal-proċeduri f’livell nazzjonali dwar l-ordni għas-sekwestru kawtelatoarju, id-dritt tad-debitur li jinstema’ huwa biss imdewwem (għal wara li tiġi implimentata l-ordni). Fl-aħħar nett, id-debitur ikollu (fl-istadju ta’ reviżjoni) l-opportunità li jikkonvinċi lill-qorti nazzjonali li l-kundizzjonijiet għall-għoti tal-ordni ma kinux, fir-realtà, issodisfatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Min-naħa l-oħra, jekk il-qorti nazzjonali tagħmel talba għal deċiżjoni preliminari matul il-fażi tal-għoti u d-debitur la jkun innotifikat b’din it-talba u lanqas ma jkun awtorizzat jippreżenta osservazzjonijiet lill-Qorti tal-Ġustizzja, din tal-aħħar tagħti interpretazzjoni vinkolanti tar-Regolament OESK li, probabbilment, jiddetermina l-legalità tal-l-ordni għas-sekwestru kawtelatorju mitluba darba għal dejjem, mingħajr ma d-debitur jingħata l-possibbiltà li jippreżenta l-opinjoni tiegħu dwar dan is-suġġett. Din l-interpretazzjoni torbot lill-qorti nazzjonali għall-bqija tal-proċedura tal-l-ordni għas-sekwestru kawtelatorju. Jekk din l-interpretazzjoni tippreġudika l-interessi tad-debitur, dan tal-aħħar ma jkollux realment il-possibbiltà li jimmilita favur interpretazzjoni differenti quddiem il-qorti nazzjonali jew il-Qorti tal-Ġustizzja fl-istadju tar-reviżjoni (ħlief fil-każ improbabbli fejn huwa jikkonvinċi lill-qorti nazzjonali li tagħmel, f’dan l-istadju, rinviju għal deċiżjoni preliminari ġdid dwar l-istess punt jew il-punti tad-dritt tal-Unjoni). F’dan ir-rigward, id-dritt tad-debitur għal smigħ ser jiġi miċħud</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Fil-fehma tiegħi, approċċ preferibbli għall-qrati nazzjonali jkun li jastjenu milli jressqu talbiet għal deċiżjoni preliminari fl-istadju tal-ħruġ, iżda, jekk ikun il-każ, li jagħmlu dan biss wara l-eventwali implimentazzjoni tal-ordni għas-sekwestru kawtelatorju  (<span class="note footnote notemarker">
<a id="c-20" href="#t-20">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Fl-istadju tal-ħruġ, qorti nazzjonali ma hijiex obbligata li jkollha ċertezza assoluta li l-kundizzjonijiet stabbiliti fir-Regolament OESK huma kompletament issodisfatti. Fir-rigward tal-kundizzjoni stabbilita fl-Artikolu 7(1), pereżempju, kif ser jiġi żviluppat fit-taqsima li jmiss, il-qorti għandha tagħti l-ordni meta l-kreditur ikun ippreżenta provi suffiċjenti li juru riskju reali għall-irkupru tad-dejn tiegħu. F’dan l-istadju ma hijiex meħtieġa prova sħiħa, u jista’ jippersisti ċertu grad ta’ inċertezza. L-istess prinċipju japplika għall-interpretazzjoni ta’ din il-kundizzjoni: meta, fid-dawl tal-ġurisprudenza tal-Qorti tal-Ġustizzja relatata mal-Artikolu 7(1), l-interpretazzjoni proposta mill-kreditur tidher fondata u l-kundizzjoni tkun globalment issodisfatta, kull dubju residwu tal-qorti nazzjonali dwar it-tifsira preċiża tiegħu għandu jkun irriżervat għal eżami ulterjuri, u l-ordni għas-sekwestru kawtelatorju għandha tinħareġ  (<span class="note footnote notemarker">
<a id="c-21" href="#t-21">21</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Fil-fatt, id-deċiżjoni meħuda mill-qorti nazzjonali fl-istadju tal-għoti hija, fir-realtà, biss “provviżorja”. Fil-fatt, il-legalità tal-ordni għas-sekwestru kawtelatorju maħruġa ser tiġi eżaminata mill-ġdid mill-istess qorti nazzjonali fl-istadju tar-reviżjoni. F’dak l-istadju, ser isir dibattitu profond u kontradittorju inter partes dwar dawn ir-rekwiżiti. Jekk dan id-dibattitu jikkonferma d-dubji li kellha l-qorti nazzjonali, hija mbagħad ikollha l-possibbiltà li tressaq talba għal deċiżjoni preliminari f’dan ir-rigward, sabiex tikseb interpretazzjoni definittiva ta’ dawn ir-rekwiżiti. Huwa biss sussegwentement li l-qorti nazzjonali tadotta deċiżjoni definittiva u kompleta dwar il-legalità tal-ordni għas-sekwestru kawtelatorju, jekk ikun il-każ, fid-dawl tal-interpretazzjoni mogħtija mill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Kontro-argument jista’ jkun li l-fażi ta’ reviżjoni tal-ordni għas-sekwestru kawtelatorju ma hijiex awtomatika, iżda sseħħ biss jekk id-debitur jitlob ir-revoka ta’ din il-miżura skont l-Artikolu 33 tar-Regolament OESK. Qorti nazzjonali, b’mod partikolari waħda li taqa’ fil-kamp ta’ applikazzjoni tat-tielet paragrafu tal-Artikolu 267 TFUE, u għalhekk obbligata li tagħmel domandi tad-dritt tal-Unjoni, tista’ leġittimament tkun imħassba bil-fatt li, billi ma tressaqx talba għal deċiżjoni preliminari fl-istadju tal-ħruġ, tirriskja li tiġi mċaħħda mill-possibbiltà sussegwenti li tagħmel dan, jekk id-debitur ma jikkontestax l-ordni għas-sekwestru kawtelatorju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Madankollu, għandu jiġi nnotat, minn naħa, li l-probabbiltà li debitur ma jitlobx ir-revoka tal-ordni hija relattivament baxxa. Bħala regola ġenerali, l-iffriżar tal-kont bankarju ta’ xi ħadd ma huwiex miżura li d-debituri għandhom it-tendenza li jinjoraw. Barra minn hekk, meta tinħareġ ordni għas-sekwestru kawtelatorju, id-deċiżjoni kkomunikata lid-debitur għandha espressament tiġbed l-attenzjoni għall-fatt li huwa jista’ jitlob ir-revoka. Barra minn hekk, dan l-istrument jippermetti lid-debitur jagħmel dan b’mod partikolarment faċli. Ir-revoka tista’ tintalab fi kwalunkwe ħin permezz ta’ formola standard sempliċi  (<span class="note footnote notemarker">
<a id="c-22" href="#t-22">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">It-tieni, fil-każ improbabbli li qorti nazzjonali jkollha tħassib reali dwar il-passività potenzjali tad-debitur, applikazzjoni prudenti u kreattiva tad-dispożizzjonijiet tar-Regolament OESK tista’ toffri rimedju proċedurali effettiv. B’mod partikolari, l-Artikolu 35(2) ta’ dan ir-regolament jippermetti lill-qorti emittenti, meta d-dritt proċedurali nazzjonali tagħha jippermetti dan, li tirrevoka ex officio l-ordni għas-sekwestru kawtelatorju abbażi ta’ “bidla fiċ-ċirkostanzi”. Dan il-kunċett la huwa ddefinit u lanqas limitat fir-Regolament OESK u, fil-fehma tiegħi, huwa wiesa’ biżżejjed sabiex jinkludi sitwazzjonijiet li fihom il-Qorti tal-Ġustizzja, wara l-għoti tad-digriet, tagħti interpretazzjoni tar-Regolament OESK li għandha effett fuq il-legalità tal-miżura adottata. Konsegwentement, il-qorti nazzjonali tista’ (i) tagħti ordni għas-sekwestru kawtelatorju, imbagħad (ii) tressaq talba għal deċiżjoni preliminari, għall-finijiet tal-istħarriġ ex officio tal-legalità tal-ordni skont l-Artikolu 35(2) u (iii) tirrevoka jew tikkonferma din il-miżura fid-dawl tar-risposta tal-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Ċertament, is-soluzzjoni li nipproponi jista’ jkollha l-konsegwenza li d-debitur ikollu jdum perijodu estiż, li jikkorrispondi għat-tul tal-proċedura għal deċiżjoni preliminari, li matulu l-kont tiegħu jibqa’ ffriżat bis-saħħa ta’ digriet li jordna s-sekwestru kawtelatorju li jista’, fl-aħħar mill-aħħar, ikun ibbażat fuq interpretazzjoni tad-dritt tal-Unjoni li sussegwentement titqies li hija żbaljata. Madankollu, il-Qorti tal-Ġustizzja tista’ tieħu inkunsiderazzjoni s-sitwazzjoni prekarja tad-debitur u tagħti prijorità lit-talbiet għal deċiżjoni preliminari dwar ir-Regolament OESK. Barra minn hekk, fil-każ eċċezzjonali fejn ordni għas-sekwestru kawtelatorju tipperikola serjament il-kapaċità tad-debitur li jissodisfa bżonnijiet bażiċi ta’ għajxien, il-Qorti tal-Ġustizzja tista’ tirrikorri għall-proċedura b’urġenza għal deċiżjoni preliminari nza (PPU) jew, tal-inqas, għall-proċedura mħaffa għal deċiżjoni preliminari (PPA) li, b’diversi mezzi, tnaqqas it-tul tal-proċedura quddiem il-Qorti tal-Ġustizzja għal ftit ġimgħat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">L-Artikolu 7(1) tar-Regolament OESK</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">L-Artikolu 7 tar-Regolament OESK fih kundizzjonijiet sostantivi għall-għoti ta’ ordni għas-sekwestru kawtelatorju. Dawn il-kundizzjonijiet ivarjaw skont jekk il-kreditur kienx kiseb, fil-mument tat-tressiq tat-talba tiegħu, titolu eżekuttiv li jeżiġi mingħand id-debitur il-ħlas tal-pretensjoni sottostanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Meta, bħal TQ, il-kreditur ikun diġà kiseb tali titolu, japplika biss l-Artikolu 7(1). Skont din id-dispożizzjoni, il-qorti adita “għandha toħroġ” l-ordni għas-sekwestru kawtelatorju meta “l-kreditur ikun ippreżenta evidenza suffiċjenti biex tissodisfaw il-qorti li hemm ħtieġa urġenti għal [tali] miżura protettiva [.] għax hemm riskju reali li, mingħajr tali miżura, l-eżekuzzjoni sussegwenti tal-pretensjoni tal-kreditur kontra d-debitur ser tkun ostakolata jew issir sostanzjalment aktar diffiċli”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju tistaqsi jekk l-“azzjonijiet tad-debitur li jmorru lura għal tliet snin jew iktar” u l-“ostakoli għall-eżekuzzjoni tad-deċiżjoni fl-Istat Membru tad-debitur” jistgħux jittieħdu inkunsiderazzjoni f’dan il-kuntest. Din l-investigazzjoni speċifika tirrifletti ċ-ċirkustanzi invokati minn TQ insostenn tat-talba tiegħu għal ordni għas-sekwestru kawtelatorju, kif miġbura fil-qosor fil-punt 15 iktar ’il fuq, jiġifieri: (i) ix-xoljiment, minn Mr Green, fl‑2021, ta’ kuntratt ma’ fornitur ta’ servizzi ta’ ħlas Awstrijak (Dimoco Europe) u (ii) l-adozzjoni, mil-leġiżlatur Malti, tal-Artikolu 56a tal-Liġi Maltija dwar il-Logħob.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Minflok ma tagħti risposta xierqa għal tali sett speċifiku ta’ fatti, il-fehma tiegħi hija li l-Qorti tal-Ġustizzja għandha tittratta din id-domanda b’mod iktar ġenerali, speċjalment peress li għadha ma interpretatx l-Artikolu 7(1) tar-Regolament OESK. Konsegwentement, kif indikat fit-taqsimiet li ġejjin, nemmen li l-Qorti tal-Ġustizzja għandha tagħti preċiżazzjonijiet ġenerali dwar (1) it-tifsira tal-kundizzjoni stabbilita f’din id-dispożizzjoni u (2) it-tipi ta’ provi li l-kreditur jista’ jipproduċi sabiex juri li din il-kundizzjoni hija ssodisfatta. F’dan il-kuntest, għandha tiġi indirizzata wkoll ir-rilevanza potenzjali taċ-ċirkustanzi msemmija mill-qorti tar-rinviju fid-domanda tagħha. L-għoti ta’ tali risposta mhux biss ser jgħin lill-qorti tar-rinviju, iżda jnaqqas ukoll il-probabbiltà li fil-futur qrati oħra jressqu talbiet għal deċiżjoni preliminari dwar l-Artikolu 7(1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Il-“ħtieġa urġenti” għal ordni għas-sekwestru kawtelatorju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Ser nibda bl-ovvju. Peress li l-Artikolu 7(1) tar-Regolament OESK ma jirreferix għal-liġijiet nazzjonali tal-Istati Membri, din id-dispożizzjoni għandha tingħata interpretazzjoni awtonoma li tiggarantixxi l-applikazzjoni uniformi tagħha fl-Unjoni kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Ladarba dan ġie ċċarat, jidhirli li, fid-dawl tal-ispjegazzjonijiet previsti fid-deċiżjoni tar-rinviju u tad-dibattitu quddiem il-Qorti tal-Ġustizzja, żewġ kwistjonijiet interdipendenti — kruċjali għall-funzjonament effettiv tas-sistema stabbilita mir-Regolament OESK — għandhom jiġu indirizzati f’dak li jirrigwarda l-interpretazzjoni tal-Artikolu 7(1) ta’ dan l-istrument.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">L-ewwel nett, għall-kuntrarju tal-ipoteżi tal-qorti tar-rinviju u tal-osservazzjonijiet ta’ Mr Green u tal-Gvern Malti, l-Artikolu 7(1) ma jimponix żewġ kundizzjonijiet distinti, jiġifieri “ħtieġa urġenti” ta’ ordni għas-sekwestru kawtelatorju u “riskju reali” li, fl-assenza ta’ tali miżura, l-eżekuzzjoni sussegwenti tal-pretensjoni tal-kreditur tiġi ostakolata jew issir kunsiderevolment iktar diffiċli. Għall-kuntrarju, mill-formulazzjoni ta’ din id-dispożizzjoni jirriżulta mingħajr ambigwità li dawn il-kunċetti jikkostitwixxu żewġ aspetti inseparabbli ta’ kundizzjoni waħda: il-kreditur għandu juri li jeżisti “ħtieġa urġenti” tal-miżura bħala konsegwenza (“għaliex”) ta’ “riskju reali” għall-eżekuzzjoni sussegwenti tal-pretensjoni tiegħu. Essenzjalment, dan jirrifletti r-rekwiżit ta’ “periculum in mora” (“periklu fid-dewmien” jew “urġenza”), komuni għal diversi rimedji legali  (<span class="note footnote notemarker">
<a id="c-23" href="#t-23">23</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">It-tieni nett, kif ġustament tippreżumi l-qorti tar-rinviju, u kif sostnew ukoll il-partijiet ikkonċernati li ppreżentaw osservazzjonijiet quddiem il-Qorti tal-Ġustizzja (bl-eċċezzjoni tal-Gvern Belġjan), ir-“riskju reali” msemmi fl-Artikolu 7(1) tar-Regolament OESK għandu jinftiehem bħala li jirreferi, essenzjalment, għar-riskju li d-debitur jieħu miżuri — bħat-tberbiq, il-ħabi jew il-qerda ta’ assi jew li jiddisponi minnhom bi prezz inqas mill-valur tagħhom — intiżi sabiex jevitaw il-ħlas tad-dejn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Ċertament, il-formulazzjoni tal-Artikolu 7(1) tar-Regolament OESK huwa ambigwu f’dan il-qasam. Kif għidt iktar ’il fuq, hija tirreferi biss għal “riskju reali” li eżekuzzjoni sussegwenti tal-pretensjoni tal-kreditur “ser tkun ostakolata jew issir sostanzjalment aktar diffiċli”. Meqjusa waħedhom, dawn it-termini vagi jistgħu jkopru mhux biss ir-riskju li debitur (li ma jridx iħallas) jieħu miżuri sabiex jevita l-ħlas, iżda wkoll (kif isostni l-Gvern Belġjan) kull theddid “reali” ieħor għall-irkupru tal-pretensjoni, bħar-riskju li debitur (f’bona fide) isir insolventi qabel l-eżekuzzjoni, minħabba ċirkustanzi finanzjarji ħżiena jew li ddeterjoraw fil-kors normali tan-negozju jew minħabba li d-debitur ikollu diversi kredituri li għandu jissodisfa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Madankollu, il-premessa 14 tar-Regolament OESK tiċċara li l-interpretazzjoni iktar stretta esposta fil-punt 50 iktar ’il fuq tirrifletti l-intenzjoni tal-leġiżlatur. B’mod iktar speċifiku, it-tielet paragrafu ta’ din il-premessa jippreċiża li ordni għas-sekwestru kawtelatorju hija ġġustifikata biss jekk, fin-nuqqas ta’ tali miżura, l-eżekuzzjoni sussegwenti jew l-irkupru tal-pretensjoni tal-kreditur tista’ tiġi ostakolata jew issir sostanzjalment iktar diffiċli “għar-raġuni li jkun hemm riskju reali li, saż-żmien meta s-sentenza eżistenti jew futura tkun tista’ tiġi eżegwita favur il-kreditur, id-debitur jista’ ikun berbaq, ħeba jew qered l-assi tiegħu jew ikun iddispona minnhom bi prezz inqas mill-valur tagħhom, fi kwantità mhux normali jew permezz ta’ azzjoni mhux tas-soltu”. Ir-raba’ paragrafu isaħħaħ dan l-approċċ billi jagħmilha ċara li “is-sempliċi fatt li d-debitur għandu aktar minn kreditur wieħed” jew “s-sempliċi fatt li ċ-ċirkostanzi finanzjarji tad-debitur ikunu ħżiena jew sejrin għall-agħar”, fihom infushom, ikunu raġunijiet biżżejjed għall-għoti ta’ ordni għas-sekwestru kawtelatorju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">L-istorja u x-xogħlijiet preparatorji tar-Regolament OESK jikkonfermaw l-intenzjoni tal-leġiżlatur f’dan ir-rigward. Inizjalment, dak li kien l-Artikolu 7(1)(b) tal-proposta tal-Kummissjoni għar-Regolament OESK fformula l-kundizzjoni tal-“periculum in mora” f’termini ġenerali, billi ppreveda li “l-eżekuzzjoni konsegwenti […] x’aktarx tiġi imblukkata jew inkella tkun sostanzjalment aktar diffiċli, inkluż minħabba l-fatt li jkun hemm riskju reali li l-konvenut jista’ jneħħi, jiddisponi minn jew inkella jaħbi l-assi miżmuma fil-kont jew kontijiet bankarji li jridu jiġu preżervati”. Matul in-negozjati fil-Kunsill tal-Unjoni Ewropea, xi delegazzjonijiet appoġġaw li jinżamm dan l-approċċ wiesa’; madankollu, il-maġġoranza tad-delegazzjonijiet qiesu li, minħabba l-effetti potenzjalment “drakonjani” ta’ ordni għas-sekwestru kawtelatorju fuq debitur — peress li tirrestrinġi d-dritt fundamentali tad-debitur għall-proprjetà u tista’ wkoll tipparalizza l-attività ekonomika tiegħu — għandu jinstab “bilanċ xieraq” bejn l-interessi tal-kreditur u dawk tad-debitur. B’riżultat ta’ dan, ġie miftiehem li tali miżura għandha tingħata biss meta jkun hemm “riskju reali” li d-debitur jieħu miżuri sabiex jevita l-ħlas  (<span class="note footnote notemarker">
<a id="c-24" href="#t-24">24</a>
</span>). Il-kundizzjoni “periculum in mora” ġiet ifformulata konsegwentement. Wara diversi verżjonijiet tal-abbozzi tal-Artikolu 7(1) tar-Regolament OESK, ġie finalment deċiż li (i) id-dispożizzjoni nnifisha tibqa’ konċiża, billi tirreferi biss għall-eżistenza ta’ “riskju reali” ta’eżekuzzjoni, filwaqt li ii) “kjarifiki speċifiċi ta’ spjegazzjoni ” dwar in-natura ta’ dan ir-riskju ikunu inklużi fi premessa, li finalment saret il-premessa 14  (<span class="note footnote notemarker">
<a id="c-25" href="#t-25">25</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jiġi konkluż li l-Artikolu 7(1) tar-Regolament OESK jistabbilixxi kundizzjoni unika, li tikkorrispondi għall-kunċett tradizzjonali ta’ periculum in mora. Moqrija fid-dawl tal-premessa 14 tiegħu, din id-dispożizzjoni għandha tinftiehem fis-sens li l-kundizzjoni inkwistjoni hija ssodisfatta meta l-kreditur ikun ipproduċa provi biżżejjed sabiex jissodisfa lill-qorti adita bil-ħtieġa urġenti ta’ ordni għas-sekwestru kawtelatorju, sa fejn ikun jeżisti riskju reali li, jekk din il-miżura ma tinħariġx, id-debitur ikun berbaq, ħeba jew qered l-assi tiegħu, jew ikun iddispona bihom bi prezz inqas mill-valur tagħhom, u b’hekk jostakola jew, għall-inqas, irrenda sostanzjalment iktar diffiċli l-irkupru tal-pretensjoni tal-kreditur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">X’tista’ turi tali “ħtieġa urġenti”?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Kif enfasizzat fl-Artikolu 7(1) tar-Regolament OESK, il-kreditur għadu l-oneru li jipproduċi “evidenza suffiċjenti” sabiex juri li hemm, fil-każ inkwistjoni, “riskju reali” li, jekk l-ordni għas-sekwestru kawtelatorju ma jinħariġx, id-debitur ikun berbaq, ħeba jew qered l-assi tiegħu jew ikun iddisponi minnhom bi prezz inqas mill-valur tagħhom, fil-mument li jista’ jeżegwixxi sentenza eżistenti jew futura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">L-oneru tal-prova li jaqa’ fuq il-kreditur għandu madankollu josserva l-“bilanċ xieraq” imsemmi fil-punt 53 iktar ’il fuq. Minn naħa, kuntrarjament għal dak li jsostni l-Gvern Malti, il-kreditur ma jistax jiġi rikjest jipproduċi l-prova kompleta tal-intenzjoni tad-debitur li jevadi l-ħlas jew li attwalment qiegħed jipprova jew jipprova jagħmel dan. Fil-prattika, tali rekwiżit spiss ikun impossibbli li jiġi ssodisfatt u jippreġudika serjament l-utilità tar-Regolament OESK. Min-naħa l-oħra, sabiex jiġi evitat li ordni għas-sekwestru kawtelatorju tingħata kontra debitur li ma għandux l-intenzjoni li jevita l-ħlas, it-talba tal-kreditur lanqas ma tista’ tkun ibbażata fuq sempliċi konġetturi jew affermazzjonijiet ġenerali. Fil-fehma tiegħi, l-approċċ “ibbilanċjat” huwa li l-kreditur jintalab jippreżenta indizji konkreti li jagħtu lok għal probabbiltà raġonevoli li, jekk l-ordni ma tkunx ingħatat, id-debitur ikun elimina, ħeba jew qered l-assi tiegħu jew ikun iddispona minnhom bi prezz inqas mill-valur tagħhom, fil-mument tal-eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Ir-raba’ paragrafu tal-premessa 14 tar-Regolament OESK jistabbilixxi lista ta’ ċirkustanzi li jistgħu jikkostitwixxu tali indizji. Loġikament, din il-lista tirreferi, b’mod partikolari, għall-atti tad-debitur fir-rigward tal-assi tiegħu li jidhru “mhux tas-soltu”, jiġifieri mingħajr ġustifikazzjoni ekonomika jew kummerċjali — pereżempju, l-“ġbid ta’ flus minn kontijiet u każijiet ta’ nfiq” mid-debitur li ma jidhrux neċessarji “biex isostni l-proċess normali tan-negozju tiegħu jew l-ispejjeż rikorrenti tal-familja bħala normali”. Tali aġir jista’ jagħti lok għal suspett raġonevoli li d-debitur effettivament jieħu passi sabiex jaħbi jew jeżawrixxi l-assi tiegħu. Din il-lista ser tiġi eżaminata fid-dettall iktar ’il quddiem. Għal issa, huwa biżżejjed li jiġi kkonstatat li, kif tindika l-espressjoni “pereżempju” użata f’dan il-paragrafu, il-lista ma hijiex eżawrjenti, iżda purament indikattiva. Kif tirrileva ġustament il-Kummissjoni, kull element li, meħud individwalment jew flimkien ma’ oħrajn, jista’ jindika “riskju reali” li d-debitur jista’ jipprova jevadi l-ħlas jista’ jikkostitwixxi prova rilevanti. Kif jippreċiża wkoll l-istess paragrafu, il-qrati nazzjonali huma obbligati li jwettqu, fuq bażi ta’ każ b’każ, “evalwazzjoni globali” taċ-ċirkustanzi kollha invokati mill-kredituri f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Ma hijiex il-Qorti tal-Ġustizzja, iżda l-qorti tar-rinviju li għandha twettaq tali “evalwazzjoni globali” fil-kawża prinċipali, abbażi tal-provi prodotti minn TQ insostenn tar-rikors tiegħu. Madankollu, peress li din il-kawża hija l-ewwel waħda li tikkonċerna l-Artikolu 7(1) tar-Regolament OESK, il-qorti tar-rinviju għandha tingħata l-elementi kollha ta’ interpretazzjoni tad-dritt tal-Unjoni li jistgħu jkunu utli għaliha għal din l-evalwazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Ser nibda bl-iktar ċirkustanza impressjonanti invokata minn TQ, jiġifieri l-adozzjoni mil-leġiżlatur Malti tal-Artikolu 56a tal-Att Malti dwar il-Logħob — ħaġa li l-qorti tar-rinviju ssejjaħ, fid-domanda tagħha, “l-ostakoli għall-eżekuzzjoni tad-deċiżjoni fl-Istat Membru tad-debitut”. Kuntrarjament għal dak li jsostnu Mr Green u l-Gvern Malti, dan l-element huwa, fil-fehma tiegħi, manifestament rilevanti fil-kuntest tal-“evalwazzjoni globali” li għandha ssir mill-qorti nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Bħala regola ġenerali, is-sempliċi fatt li d-debitur iżomm assi fi Stat Membru differenti minn dak tal-qorti li ħarġet l-istrument ta’ dejn, jew li d-debitur jista’ jkun ittrasferixxa — jew qed jittrasferixxi — l- assi tiegħu minn Stat Membru għal ieħor, fih innifsu ma huwiex biżżejjed biex tiġi stabbilita l-eżistenza ta’ “riskju reali” għall-irkupru tal-pretensjoni tal-kreditur. Fil-fatt, irrispettivament mill-intenzjoni tal-kreditur f’dan ir-rigward, ma jistax normalment jevadi ħlas tad-dejn tiegħu f’dan ir-rigward. Fil-fatt, il-kreditur jista’, bħala prinċipju, jinvoka dan it-titolu f’dan l-Istat Membru l-ieħor, kważi b’mod faċli daqs kemm ikun jista’ jagħmel fl-Istat Membru ta’ oriġini, skont il-mekkaniżmi previsti mir-Regolament Brussell Ia  (<span class="note footnote notemarker">
<a id="c-26" href="#t-26">26</a>
</span>). Skont ir-regoli stabbili f’dak ir-regolament, u konformement mal-prinċipju ta’ fiduċja reċiproka li fuqu huma bbażati, sentenza jew strument awtentiku mogħti fi Stat Membru huwa, bħala prinċipju, eżegwibbli ipso jure fl-Istati Membri l-oħra kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Madankollu, kif isostnu l-Gvern Belġjan u l-Kummissjoni, is-sitwazzjoni hija differenti meta Stat Membru jadotta, bħal Malta, att leġiżlattiv (f’dan il-każ, l-Artikolu 56a tal-Liġi Maltija dwar il-Logħob) li jobbliga lill-qrati tiegħu jiċħdu l-eżekuzzjoni, fit-territorju tiegħu, ta’ deċiżjonijiet barranin bħal dik li tilqa’ l-pretensjoni tal-kreditur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Il-kwistjoni dwar jekk l-Artikolu 56a tal-Liġi Maltija dwar il-logħob huwiex kompatibbli mar-Regolament Brussell Ia, kwistjoni li tat lok għal dibattitu kunsiderevoli quddiem il-Qorti tal-Ġustizzja, hija irrilevanti għall-finijiet ta’ din l-analiżi  (<span class="note footnote notemarker">
<a id="c-27" href="#t-27">27</a>
</span>). Dak li hu rilevanti huwa li, fil-preżent, il-Prim’Awla tal-Qorti Ċivili tidher li qed tosserva din id-dispożizzjoni. L-appelli kontra s-sentenza ta’ dik il-qorti jingħad li jinsabu pendenti quddiem il-Qorti tal-Appell, li tista’, fi żmien xieraq, tadotta perspettiva differenti. Madankollu, xorta jibqa’ l-fatt li, skont din il-liġi, teżisti tal-inqas possibbiltà raġonevoli li l-eżekuzzjoni tal-pretensjoni ta’ TQ tirriżulta impossibbli f’Malta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Peress li ebda miżura ta’ eżekuzzjoni ma tista’ tittieħed kontra d-debitur fl-Istat Membru inkwistjoni, l- assi tad-debitur li jinsabu (li, fir-rigward tal-kumpanniji tal-logħob tal-ażżard stabbiliti u li joperaw mill-Istat Membru kkonċernat, probabbilment ifisser il-parti l-kbira tagħhom) huma fil-fatt “moħbija” lill-kreditur. Barra minn hekk, filwaqt li, kif isostni l-Gvern Malti, l-Artikolu 56a tal-Att Maltija dwar il-Logħob. ma jaffettwax il-possibbiltà għall-kreditur li jeżegwixxi s-sentenza tiegħu fi Stati Membri oħra, joħloq ukoll, kif issostni TQ, inċentiv għad-debitur biex jittrasferixxi l-assi potenzjali li jista’ jkollu f’dawk l-Istati Membri l-oħra lill-Istat Membru kkonċernat, u b’hekk “jaħbi” l-patrimonju tiegħu kompletament mill-kreditur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Kuntrarjament għal dak li jsostnu Mr Green u l-Gvern Malti, it-teħid inkunsiderazzjoni ta’ tali element ma jqiegħedx inkwistjoni l-“bilanċ xieraq” bejn l-interessi tal-kreditur u dawk tad-debitur li l-leġiżlatur fittex li jilħaq. Għalkemm, kif indikat iktar ’il fuq, ir-Regolament OESK ma huwiex intiż li jipproteġi lill-kreditur mhux kontra kull riskju għall-irkupru tal-pretensjoni tiegħu, iżda r-riskju li d-debitur jevadi l-eżekuzzjoni, ma jsegwix li huma biss l-azzjonijiet passati jew attwali tad-debitur li jistgħu jittieħdu inkunsiderazzjoni fl-evalwazzjoni ta’ dan ir-riskju. Għalkemm l-elementi indikati fir-raba’ paragrafu tal-premessa 14 tar-Regolament OESK huma bbażati  (<span class="note footnote notemarker">
<a id="c-28" href="#t-28">28</a>
</span>), fil-parti l-kbira tagħhom, loġikament fuq l-aġir tad-debitur, dawn huma biss illustrattivi, kif indikat iktar ’il fuq. Sabiex l-ordni għas-sekwestru kawtelatorju jissodisfa l-għan tiegħu, ir-riskju li d-debitur milli jevadi l-ħlas għandu jiġi evalwat b’mod realistiku. B’hekk, kull indizju li jista’ juri tali riskju għandu jittieħed inkunsiderazzjoni  (<span class="note footnote notemarker">
<a id="c-29" href="#t-29">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Madankollu, kif tirrileva l-Kummissjoni, tali ċirkustanza ma tistax, waħedha, turi li l-kundizzjoni tal-“periculum in mora” prevista fl-Artikolu 7(1) tar-Regolament OESKhija ssodisfatta. Fil-fatt, hawnhekk, ma jistax jiġi raġonevolment preżunt, b’mod astratt, li kull kumpannija Maltija tal-logħob tal-azzard ser tieħu vantaġġ mill-opportunità offruta mill-Artikolu 56A tal-Att Malti dwar il-Logħob u “taħbi” l-assi kollha tagħha f’Malta sabiex tevadi l-ħlas tat-talbiet tal-ġugaturi għal ħlas lura – bħal dik miżmuma minn T. Fil-fehma tiegħi, dan jiddependi fuq “evalwazzjoni globali” każ b’każ ta’ elementi oħra li jindikaw probabbiltà raġonevoli li, jekk l-ordni għas-sekwestru kawtelatorju ma jinħariġx, il-kumpannija kkonċernata tista’ tagħmel dan (li, min-naħa tiegħu, jiġġustifika l-‘iffriżar’ tal-fondi potenzjali li dik il-kumpannija żżomm fi Stati Membri oħra sabiex tikkumbatti dak ir-riskju). Din il-kunsiderazzjoni twassalni għaċ-ċirkustanzi l-oħra tal-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">L-ewwel nett, kif tissuġġerixxi r-raba’ paragrafu tal-premessa 14 tar-Regolament OESK, “l-imġiba tad-debitur fir-rigward tal-pretensjonijiet tal-kreditur” hija rilevanti f’dan ir-rigward. F’dan il-każ, Mr Green irrifjutat espressament li tikkonforma ruħha mas-sentenzi finali mogħtija mill-qrati Awstrijaċi favur TQ u hemm lok li wieħed jemmen — b’mod partikolari għaliex Mr Green iddikjarat dan quddiem il-Qorti tal-Ġustizzja — li din il-kumpannija ser tibbaża ruħha fuq l-Artikolu 56a tal-Att Malti dwar il-Logħob sabiex topponi l-eżekuzzjoni ta’ dawn is-sentenzi f’Malta. Kif ġustament jenfasizza l-Gvern Belġjan, tali elementi jistgħu, fil-kuntest tal-“evalwazzjoni globali”, jikkontribwixxu sabiex tintwera l-eżistenza tar-“riskju reali” meħtieġ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">It-tieni nett, kif tindika r-raba’ paragrafu ta’ din il-premessa, “in-natura tal-assi tad-debitur” u “kwalunkwe azzjoni reċenti meħuda mid-debitur fir-rigward tal-assi tad-debitur” jistgħu jkunu rilevanti wkoll. Kumpanniji li, pereżempju, iżommu proprjetà immobbli f’ħafna Stati Membri ma jkunux neċessarjament f’pożizzjoni li jiddisponu minnha faċilment u, għaldaqstant, li “jaħbu” kompletament l- assi tagħhom f’Malta. Min-naħa l-oħra, dan iktar jista’ jseħħ fejn il-pretensjoni tal-kreditur tikkonċerna kumpannija li topera online, mill-Istat Membru inkwistjoni, b’assi jew limitat jew mingħajr ebda assi. F’dan il-kuntest, passi meħuda minn din il-kumpannija fir-rigward ta’ dawn l-assi potenzjali, bħat-trasferiment ta’ fondi minn kontijiet bankarji li l-kumpannija tista’ żżomm fi Stati Membri oħra, jew l-għeluq ta’ tali kontijiet bankarji, jistgħu jkunu indizji ta’ tali riskju ta’ “ħabi”, sa fejn tali tranżazzjonijiet jidhru “mhux tas-soltu”, jiġifieri mingħajr ġustifikazzjoni ekonomika jew kummerċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Bl-istess mod, hawnhekk, ix-xoljiment, minn Mr Green, tar-relazzjoni kummerċjali li kellha ma’ fornitur ta’ servizzi ta’ ħlas (Dimoco Europe) fl-Awstrija, li rriżultat fit-trasferiment tal-bilanċ ta’ kreditu li dik il-kumpanija kellha ma’ dak il-fornitur tas-servizz, hija wkoll rilevanti. B’mod partikolari fir-rigward ta’ kumpanniji li joperaw online, li l-assi fiżiku tagħhom huma limitati jew ma jeżistux fl-Istati Membri fil-mira, il-bilanċ ta’ kreditu ma’ tali operatur ta’ pagament jista’ jkun wieħed mill-ftit assi li għandhom barra mill-Istat Membru tagħhom ta’ stabbiliment. Sa fejn jidher “mhux tas-soltu”, kif issostni l-Kummissjoni, tali xoljiment jista’ jindika strateġija usa’ tad-debitur li “jaħbi” l-assi kollha tiegħu f’Malta. Madankollu, għandu jkun hemm rabta temporali bejn it-tnejn. Huwa għalhekk li l-premessa 14 tar-Regolament OESK tirreferi għal “kwalunkwe azzjoni reċenti” meħuda mid-debitur fir-rigward tal- assi tiegħu. Azzjoni mbiegħda wisq fiż-żmien ma tistax tindika iktar li r-riskju jippersisti fil-mument meta tiġi eżaminata t-talba għal ordni għas-sekwestru kawtelatorju. Madankollu, dan għandu jiġi ddeterminat fid-dawl ta’ ċirkustanzi oħra meħuda inkunsiderazzjoni fil-kuntest tal-evalwazzjoni globali”. Hija l-qorti tar-rinviju li għandha tivverifika dan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Qabel ma nikkonkludi, nixtieq nindirizza l-aħħar punt, li wassal għal diversi dibattiti quddiem il-Qorti tal-Ġustizzja, jiġifieri dak tal-mument li fih TQ qiegħed jitlob ordni għas-sekwestru kawtelatorju. Il-pretensjoni ta’ TQ mingħajr dubju toriġina mill‑2019 (meta pparteċipa fil-logħob tal-ażżard offrut minn Mr Green). Fi Frar 2021, Green xoljiet il-kuntratt ma’ Dimoco; is-sentenzi tal-qrati Awstrijaċi li laqgħu l-pretensjoni ta’ TQ saru definittivi u eżekuttivi fit‑13 ta’ April 2022; u l-Artikolu 56a tal-Att Malti dwar il-Logħob ġie adottat fit‑12 ta’ Ġunju 2023. Madankollu, TQ ippreżenta t-talba fit‑13 ta’ Frar 2024. Mr Green u l-Gvern Malti jsostnu li dan id-dewmien jiġġustifika, fih innifsu, li ma jingħatax id-digriet li jordna s-sekwestru kawtelatorju mitlub  (<span class="note footnote notemarker">
<a id="c-30" href="#t-30">30</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Madankollu, xejn fir-Regolament OESK ma jimponi fuq kreditur l-obbligu li jressaq it-talba tiegħu fil-mument stess meta jinħoloq “riskju reali” għall-eżekuzzjoni tal-pretensjoni tiegħu. L-unika kunsiderazzjoni rilevanti hija jekk dak ir-“riskju” jippersistix fil-mument li l-kreditur jagħmel dan. Jekk setax iressaq it-talba tiegħu qabel, fih innifsu, ma huwiex materjali. Ċertament, kif indikat iktar ’il fuq, il-fatt li ċerti elementi jmorru lura għal diversi snin jista’, skont iċ-ċirkustanzi, jindika li r-riskju rilevanti ma għadux jeżisti — jew minħabba li ma hemm xejn li jindika li d-debitur ser ikompli jieħu miżuri sabiex jevita l-eżekuzzjoni, jew minħabba li d-debitur diġà ħa tali miżuri u li issa huwa tard wisq sabiex ordni għas-sekwestru kawtelatorju tkun effettiva. Madankollu, hija l-qorti tar-rinviju li għandha tiddetermina dan il-punt f’din il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, nipproponi li l-Qorti tal-Ġustizzja tirrispondi għad-domandi magħmula mil-Landesgericht für Zivilrechtssachen Wien (il-Qorti Reġjonali għal Kwistjonijiet Ċivili, Vjenna, l-Awstrija) kif ġej:</p>
</td>
</tr>
</table>
    <p class="C02AlineaAltA" id="para-93" title="page-22">
      L-Artikolu 7(1) tar-Regolament (UE) Nru 655/2014 tal-Parlament Ewropew u tal-Kunsill tal‑15 ta’ Mejju 2014 li jistabbixxi proċedura ta’ Ordni Ewropea tal-Preservazzjoni tal-Kontijiet sabiex jiġi ffaċilitat l-irkupru transkonfinali tad-dejn f’materji ċivili u kummerċjali,
    </p>
    <p class="C02AlineaAltA" id="para-94" title="page-23">
      għandu jiġi interpretat fis-sens li l-kundizzjoni stabbilita f’din id-dispożizzjoni hija ssodisfatta meta l-kreditur ikun ipprovda biżżejjed elementi sabiex jikkonvinċi lill-qorti adita bil-ħtieġa urġenti ta’ ordni għas-sekwestru kawtelatorju, għar-raġuni li jkun hemm riskju reali li, jekk din il-miżura ma ssirx, id-debitur ikun seta’ berbaq, ħeba jew qered l-assi tiegħu jew iddispona minnhom bi prezz inqas mill-valur tagħhom sakemm il-kreditur ikun jista’ jeżegwixxi sentenza eżistenti jew futura, u b’hekk jostakola jew, għall-inqas jagħmel sostanzjalment iktar diffiċli l-irkupru tal-pretensjoni tal-kreditur.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Ara diġà l-konklużjonijiet tiegħi fil-kawżi Wunner (C‑77/24, EU:C:2025:432) kif ukoll European Lotto and Betting and Deutsche Lotto and Sportwetten (C‑440/23, EU:C:2025:668). Hawnhekk ser nirrepeti spjegazzjoni kuntestwali li tirrifletti l-osservazzjonijiet tal-partijiet ikkonċernati f’dawk il-kawżi.</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Il-ġurisdizzjoni ta’ dawn il-qrati tirriżulta mir-regola tal-“forum actoris” prevista favur il-konsumaturi skont l-Artikolu 18(1) tar-Regolament (UE) Nru 1215/2012 tal-Parlament Ewropew u tal-Kunsill tat‑12 ta’ Diċembru 2012 dwar il ġurisdizzjoni u r-rikonoxximent u l-eżekuzzjoni ta’ sentenzi fi kwistjonijiet ċivili u kummerċjali (ĠU 2012, L 351, p. 1), (iktar ’il quddiem ir-“Regolament Brussell Ia”)</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Ara https://parlament.mt/14th-leg/acts/act-xxi-of-2023/ (aċċessat l-aħħar fis‑7 ta’ Settembru 2025).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Ara l-Att tal-2023 sabiex jemenda l-Att dwar il-Logħob (Suppliment għall-Gazzetta Maltija Nru 21,071, tas 16 ta’ Ġunju 2023) – Taqsima A, p. 473). L-Att dwar il-Logħob (Suppliment għall-Gazzetta Maltija, Nru 19,991, tal 15 ta’ Mejju 2018 – Taqsima A, p. 509, iktar ’il quddiem l-“Att Malti dwar il-Logħob”).</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Regolament (UE) Nru 655/2014 tal-Parlament Ewropew u tal-Kunsill tal‑15 ta’ Mejju 2014 li jistabbixxi proċedura ta’ Ordni Ewropea tal-Preservazzjoni tal-Kontijiet sabiex jiġi ffaċilitat l-irkupru transkonfinali tad-dejn f’materji ċivili u kummerċjali (ĠU 2014, L 189, p. 59) (iktar ’il quddiem ir-Regolament OESK”).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Ara l-Artikolu 6 tar-Regolament OESK.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Ara l-premessi 4, 5, 7 u 47 kif ukoll l-Artikolu 1(1) tar-Regolament OESK.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Ara l-Artikolu 22 tar-Regolament OESK.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Ara l-premessa 1 sa 5 tar-Regolament OESK.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Ara l-Artikolu 1(1) tar-Regolament OESK. Kwistjonijiet proċedurali li ma humiex ittrattati f’dan ir-regolament jaqgħu taħt id-dritt nazzjonali tal-qorti adita (ara l-Artikolu 46(1)).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) L-ewwel nett, il-pretensjoni ta’ TQ hija “pekunjarja” peress li hija “għall-ħlas ta’ ammont speċifiku ta’ flus” (ara l-Artikolu 4(5) tar-Regolament OESK). It-tieni nett, din il-pretensjoni tikkonċerna “materji ċivili u kummerċjali”, peress li hija mressqa minn individwu kontra parti privata oħra, skont ir-regoli ordinarji tad-dritt ċivili. Fl-aħħar nett, l-ebda waħda mill-esklużjonijiet elenkati fl-Artikolu 2(2) sa (4) ta’ dan ir-regolament ma tapplika.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Peress li l-kontijiet bankarji li għandhom jiġu ikunu suġġetti għall-ordni għas-sekwestru kawtelatorju jinżammu fi Stati Membri għajr dak tal-qorti li quddiemha tressqet l-applikazzjoni (ara l-Artikolu 3(1)(a) tar-Regolament OESK).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Ara, b’analoġija, is-sentenza tal‑21 ta’ Diċembru 2023, European Superleague Company (C‑333/21, EU:C:2023:1011, punt 58 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Ir-Reġistru tal-Qorti tal-Ġustizzja sa issa segwa dan l-approċċ. Fis-sentenza tas-7 ta’ Novembru 2019, K.H.K. (Preżervazzjoni tal-kontijiet) (C‑555/18, EU:C:2019:937), id-debitur kien meqjus bħala “parti fil-kawża prinċipali”. Min-naħa l-oħra, fis-sentenza tal‑20 ta’ April 2023, Starkinvest (C‑291/21, EU:C:2023:299), id-debitur ma kienx. Din id-differenza tirriżulta minn informazzjoni diverġenti pprovduta mill-qrati tar-rinviju fkull wieħed minn dawn il-kawżi.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Il-fatt li din il-kwistjoni tiġi rregolata skont ir-regoli proċedurali nazzjonali skont l-Artikolu 46(1) tar-Regolament OESK jkollu l-konsegwenza li d-dritt tad-debitur għal smigħ quddiem il-Qorti tal-Ġustizzja jvarja, skont l-Istat Membru tal-qorti tar-rinviju.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Diversi dispożizzjonijiet tar-Regolament OESK jikklassifikaw kemm il-“kreditur” kif ukoll id-“debitur” bħala “partijiet” fil-proċedura tal-Ordni ta’ Preservazzjoni (ara l-Artikolu 36(2) u (3) u l-Artikolu 37). Huwa interessanti li jiġi nnotat li t-termini “rikorrent” u “konvenut” intużaw, flimkien ma’ dawk ta’ “kreditur” u ta’ “debitur”, fil-Proposta għal regolament tal-Parlament Ewropew u tal-Kunsill li joħloq Ordni Ewropea tal-Preservazzjoni tal-Kontijiet, intiża sabiex tiffaċilita l-irkupru transkonfinali tad-dejn f’materji ċivili u kummerċjali (COM (2011) 445 final, iktar ’il quddiem il-“proposta għal Regolament OESK”). Fil-Kunsill tal-Unjoni Ewropea, dehret il-preferenza għaż-żamma ta’ sett wieħed ta’ termini u t-termini “kreditur” u “debitur” ġew ipprivileġġati sempliċement minħabba li dehru iktar wiesgħa (ara, b’mod partikolari, “Il-Grupp ta’ Ħidma dwar Materji ta’ Dritt Ċivili” (ordni għas-sekwestru kawtelatorju tal-kontijiet), dok. 16427/11, 7 ta’ Novembru 2011, p. 4. Ara wkoll Cuniberti, G., Migliorini, S., The European Accounting prosecuity Ordonnance Regulation. A Commentary, Cambridge University Press, Cambridge – New York, 2018, p. 32 u 278.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Ara s-sentenza tal‑21 ta’ Frar 1991, Zuckerfabrik Süderdithmarschen u Zuckerfabrik Soest (C‑143/88 u C‑92/89, iktar ’il quddiem is-“sentenza Zuckerfabrik”, EU:C:1991:65, punti 17 sa 19).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Fil-fatt, kull darba li l-Qorti tal-Ġustizzja jkollha quddiemha talba għal deċiżjoni preliminari magħmula fil-kuntest ta’ proċedura nazzjonali mhux kontradittorja u sommarja (pereżempju, għall-għoti ta’ ordnijiet ta’ ħlas), il-konvenut huwa awtorizzat jipparteċipa fil-proċedura għal deċiżjoni preliminari (ara, pereżempju, is-sentenzi tal‑14 ta’ Diċembru 1971, Politi (43/71, EU:C:1971:122, p. 1042 u 1043)); tat‑18 ta’ Ġunju 1998, Corsica Ferries France (C‑266/96, EU:C:1998:306, punt 17; u tal‑21 ta’ Diċembru 2023, European Superleague Company (C‑333/21, EU:C:2023:1011, punti 53 u 54).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ma nikkritikax lill-qorti tar-rinviju li tat id-deċiżjoni tagħha f’dan il-każ, peress li hija la kienet taf u lanqas setgħet raġonevolment tantiċipa li meta tagħmel talba għal deċiżjoni preliminari inevitabbilment kien ser iwassal sabiex id-debitur jiġi informat.</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Min-naħa l-oħra, meta t-talba tal-kreditur tkun frivola, il-qorti tar-rinviju għandha sempliċement tiċħadha, f’liema każ ma jidhirx li huwa neċessarju li ssir talba għal deċiżjoni preliminari.</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Ara, rispettivament, l-Artikolu 19(3)(f) kif ukoll l-Artikolu 36(1) tar-Regolament OESK.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Ara s-sentenza tas‑7 ta’ Novembru 2019, K.H.K. (Preżervazzjoni tal-kontijiet) (C‑555/18, EU:C:2019:937, punt 40), u Silverstri, E., ‘Article 7: Conditions for issuing a Preservation Order’, fi Gascón Inchausti, F. u D’Alessandro, E. (ed.), The European Account Preservation Order – A Commentary on Regulation (EU) No 655/2014, Edward Elgar Publishing, 2022, p. 81 u 82, §§ 7.05 u 7.06. Ara, b’mod analogu, is-sentenza Zuckerfabrik (punt 28). Ċertament, il-premessa 14 tar-Regolament dwar l-Ordni ta’ Preservazzjoni tiddikjara li l-kreditur għandu juri li “l-pretensjoni tiegħu teħtieġ b’mod urġenti protezzjoni ġudizzjarja u li, mingħajr l-Ordni, l-eżekuzzjoni tas-sentenza eżistenti jew futura tista’ tiġi ostakolata jew issir sostanzjalment aktar diffiċli” (korsiv miżjud minni). Madankollu, fil-fehma tiegħi, dan jirrifletti sempliċement każ ta’ formulazzjoni impreċiża min-naħa tal-leġiżlatur (qabbel mal-punti 28 u 33 tas-sentenza Zuckerfabrik). Barra minn hekk, infakkar li l-premessi ta’ strument tal-Unjoni, għalkemm jistgħu jiċċaraw partijiet ambigwi tad-dispożizzjonijiet konkreti tiegħu (ara, pereżempju, il-punt 52 iktar ’il quddiem), ma għandhomx valur legali vinkolanti u ma jistgħux jiġu validament invokati sabiex dawn id-dispożizzjonijiet jiġu interpretati f’sens kuntrarju għall-formulazzjoni tagħhom (ara s-sentenza tat‑2 ta’ April 2009, Tyson Parketthandel, C‑134/08, EU:C:2009:229, punt 16 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara Kunsill tal-Unjoni Ewropea, delegazzjoni tar-Renju Unit għall-“Grupp ta’ Ħidma dwar Materji ta’ Dritt Ċivili (ordni għas-sekwestru kawtelatorju tal-kontijiet)”, Dok. 13140/12, 13 ta’ Awwissu 2012, p. 5 u 6; Delegazzjoni tal-Isvezja għall-“Grupp ta’ Ħidma dwar Materji ta’ Dritt Ċivili (ordni għas-sekwestru kawtelatorju tal-kontijiet)”, Dok. 13140/12, 27 ta’ Awwissu 2012, p. 2; Delegazzjoni tal-Ġermanja għall-“Grupp ta’ Ħidma dwar Materji ta’ Dritt Ċivili (ordni għas-sekwestru kawtelatorju tal-kontijiet)”, Dok. 13140/12, 28 ta’ Awwissu 2012, p. 8; Delegazzjoni tal-Irlanda għall-“Grupp ta’ Ħidma dwar Materji ta’ Dritt Ċivili (ordni għas-sekwestru kawtelatorju tal-kontijiet)”, Dok. 13140/12, 5 ta’ Settembru 2012, p. 4, Delegazzjoni tal-Finlandja għall-“Grupp ta’ Ħidma dwar Materji ta’ Dritt Ċivili (ordni għas-sekwestru kawtelatorju tal-kontijiet)”, Dok. 13140/12, ADD 11, 7 ta’ Settembru 2012.</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Ara l-Presidenza tal-“Grupp ta’ Ħidma dwar Materji ta’ Dritt Ċivili” (ordni għas-sekwestru kawtelatorju tal-kontijiet), Dok. 8806/13 LIMITE, 26 ta’ April 2013, p. 2 sa 4; Segretarjat Ġenerali tal-Kunsill, 6 ta’ Frar 2014, dok. 6215/14, p. 7 u 21. Ara wkoll Parlament Ewropew, Pożizzjoni adottata fl-ewwel qari fil‑15 ta’ April 2014 għall-adozzjoni tar-[Regolament OESK] (EP-PE_TC1-COD(2011)0204), p. 8 u 35.</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Ara, b’analoġija, is-sentenza tal-10 ta’ Frar 1994, Mund &amp; Fenster (C-398/92, EU:C:1994:52, punti 18 sa 22).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Għaldaqstant, il-Qorti tal-Ġustizzja ma għandhiex tipprovdi indikazzjonijiet dwar dan is-suġġett f’din il-kawża.</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Fil-fatt, il-premessa 14 tirreferi wkoll għan-“natura tal-assi tad-debitur”.</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Jekk, hawnhekk, l-Artikolu 56A tal-Att Malti dwar il-Logħob huwiex kompatibbli mar-Regolament Brussell Ia u, għalhekk, il-kumpanniji Maltin tal-logħob tal-azzard humiex intitolati, skont id-dritt tal-Unjoni, li jopponu l-eżekuzzjoni tat-talbiet tal-ġugaturi għal ħlas lura f’Malta – kif isostnu Mr Green u l-Gvern Malti – huwa, għal darb’oħra, irrilevanti f’dan il-kuntest. Anki kieku dan kien il-każ, kumpannija bħal din ma tkunx intitolata li tevadi l-ħlas ta’ dawk il-pretensjonijiet fl-Unjoni Ewropea kollha permezz tar-rilokazzjoni tal-assi fl-Istat Membru inkwistjoni. Ordni għas-sekwestru kawtelatorju tista’ tinħareġ sabiex tikkumbatti dak ir-riskju.</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Ara, fl-istess sens, il-punt 16 iktar ’il fuq.</p>
</body>
</html>
