European flag

Il-Ġurnal Uffiċjali
tal-Unjoni Ewropea

MT

Is-serje C


C/2026/2830

26.5.2026

Riżoluzzjoni tal-Kunsill u tar-rappreżentanti tal-gvernijiet tal-Istati Membri mlaqqgħin fil-Kunsill dwar ir-reviżjoni tal-Pjan ta’ Ħidma tal-Istrateġija tal-UE għaż-Żgħażagħ 2025-2027

(C/2026/2830)

IL-KUNSILL U R-RAPPREŻENTANTI TAL-GVERNIJIET TAL-ISTATI MEMBRI MLAQQGĦIN FIL-KUNSILL,

FILWAQT LI JFAKKRU LI:

1.

L-Istrateġija tal-Unjoni Ewropea għaż-Żgħażagħ 2019-2027 (1) tistieden lill-Istati Membri u lill-Kummissjoni Ewropea, fl-oqsma ta’ kompetenza rispettivi tagħhom, jimplimentaw l-Istrateġija tal-UE għaż-Żgħażagħ b'mod effettiv fl-UE kollha u fl-Istati Membri permezz ta' strumenti speċifiċi, inkluż il-Pjanijiet ta' Ħidma tal-Istrateġija tal-UE għaż-Żgħażagħ.

2.

L-implimentazzjoni tal-Istrateġija tal-UE għaż-Żgħażagħ hija bbażata fuq perjodi ta’ ħidma ta’ tliet snin li kull wieħed minnhom ikopri żewġ Triji ta’ Presidenzi. Il-prijoritajiet u l-azzjonijiet għall-perjodi ta' ħidma rispettivi huma ppreżentati fil-Pjanijiet ta' Ħidma tal-Istrateġija tal-UE għaż-Żgħażagħ. Dawk il-pjanijiet għandhom ikunu bbażati fuq il-prinċipji gwida u l-prijoritajiet tal-Istrateġija tal-UE għaż-Żgħażagħ, kif ukoll jindirizzaw kwistjonijiet relatati maż-żgħażagħ f'konfigurazzjonijiet u korpi preparatorji oħra tal-Kunsill fl-oqsma politiċi rilevanti.

3.

Il-Pjanijiet ta' Ħidma tal-Istrateġija tal-UE għaż-Żgħażagħ huma strumenti maħsuba biex jiggwidaw lill-Istati Membri, lill-Kummissjoni u lill-partijiet ikkonċernati kollha lejn il-kisba tal-objettivi tal-Istrateġija tal-UE għaż-Żgħażagħ, f'konformità mal-prinċipju tas-sussidjarjetà, inkluż id-Djalogu tal-UE maż-Żgħażagħ (EUYD) u l-Għanijiet Ewropej dwar iż-Żgħażagħ, li huma parti integrali mill-Istrateġija tal-UE għaż-Żgħażagħ.

JIEĦDU NOTA LI:

4.

Il-Kunsill ifassal il-Pjan ta' Ħidma tal-Istrateġija tal-UE għaż-Żgħażagħ (2025-2027) abbażi tal-informazzjoni li jirċievi mit-Triju ta' Presidenzi attwali: il-Polonja, id-Danimarka u Ċipru, u t-Triju suċċessiv l-Irlanda, il-Litwanja u l-Greċja.

5.

Il-prijoritajiet u l-azzjonijiet ippreżentati f’dan il-Pjan ta’ Ħidma rivedut tal-Istrateġija tal-UE għaż-Żgħażagħta' tliet snin jirriflettu l-ħidma tat-Triju ta' Presidenzi attwali (il-Polonja, id-Danimarka u Ċipru) kif ukoll il-ħidma tat-Triju ta' Presidenzi li jmiss (l-Irlanda, il-Litwanja u l-Greċja). Dan il-pjan ta’ ħidma jkopri l-bqija tal-fażi ta’ implimentazzjoni tal-Istrateġija tal-UE għaż-Żgħażagħ 2019-2027.

6.

Il-Komunikazzjoni tal-Kummissjoni dwar il-legat tas-Sena Ewropea taż-Żgħażagħ 2022 (2), flimkien mal-konklużjonijiet tal-Kunsill (3) adottati b'rispons għal dik il-Komunikazzjoni, u r-rapport tal-Kummissjoni (4) dwar l-evalwazzjoni interim tal-Istrateġija tal-Unjoni Ewropea għaż-Żgħażagħ 2019 – 2027 ikkontribwew għat-tisħiħ ulterjuri tal-implimentazzjoni tal-Istrateġija tal-UE għaż-Żgħażagħ, b'mod partikolari billi aċċelleraw aktar il-ħidma favur il-kisba tal-objettivi ta' integrazzjoni taż-żgħażagħ u parteċipazzjoni taż-żgħażagħ, fost oħrajn permezz tal-EUYD u bl-implimentazzjoni tal-verifika taż-żgħażagħ fil-livell Ewropew.

7.

L-evalwazzjoni finali tal-programm Erasmus+ 2014-2020 u l-evalwazzjoni interim tal-programm Erasmus+ 2021-2027 (5) jenfasizzaw il-prestazzjoni tajba tal-programm fis-settur taż-żgħażagħ, fejn il-programm ikkontribwixxa għall-iżvilupp tal-ħiliet soċjali, ċiviċi u intraprenditorjali tal-parteċipanti u uża appoġġ immirat lejn il-parteċipanti żgħażagħ u l-organizzazzjonijiet taż-żgħażagħ, bis-saħħa ta’ strateġija ta’ inklużjoni ddedikata fil-perjodu 2014-2020 u tal-qafas tiegħu ta’ miżuri ta’ inklużjoni fil-perjodu 2021-2027.

8.

L-evalwazzjoni interim tal-programm tal-Korp Ewropew ta’ Solidarjetà 2021-2027 (6) tissottolinja l-impatt qawwi tiegħu f’termini tal-promozzjoni tal-inklużjoni, b’mod partikolari għaż-żgħażagħ b’inqas opportunitajiet, id-diversità u l-parteċipazzjoni demokratika, u b'hekk isaħħaħ il-valuri Ewropej u s-sens ta’ identità Ewropea.

9.

Dawn is-sejbiet tal-evalwazzjoni ta’ nofs it-terminu taż-żewġ programmi kkontribwew għat-tħejjijiet għall-proposta Erasmus+ 2028-2034.

10.

Il-Kummissjoni tista’ tappoġġa u tikkomplementa l-azzjonijiet mill-Istati Membri li jinsabu f’dan il-Pjan ta’ Ħidma tal-Istrateġija tal-UE għaż-Żgħażagħ billi:

a)

tħeġġeġ u tiffaċilita l-kooperazzjoni u l-iskambju ta’ esperjenzi u l-aħjar prattiki, tappoġġa l-mobbiltà taż-żgħażagħ u tal-persuni li jaħdmu maż-żgħażagħ, u trawwem il-parteċipazzjoni taż-żgħażagħ fil-ħajja demokratika u ċivika, filwaqt li tenfasizza wkoll l-importanza tal-konsultazzjonijiet maż-żgħażagħ;

b)

tappoġġa l-implimentazzjoni tal-Istrateġija tal-UE għaż-Żgħażagħ permezz ta’ għodod u strutturi eżistenti, fost oħrajn l-EUYD, il-Portal Ewropew taż-Żgħażagħ, il-Koordinatur tal-UE għaż-Żgħażagħ, u attivitajiet ta’ tagħlim reċiproku bħal gruppi ta’ esperti, attivitajiet ta’ tagħlim bejn il-pari (PLAs) u konsulenza bejn il-pari, kif ukoll permezz ta’ inizjattivi aktar reċenti, bħall-Grupp tal-Partijiet Ikkonċernati tal-UE fil-Qasam taż-Żgħażagħ (7), il-Bord Konsultattiv taż-Żgħażagħ għall-President tal-Kummissjoni Ewropea (8), in-Network taż-Żgħażagħ tal-Kummissjoni, id-Djalogi ta' Politika maż-Żgħażagħ mal-Kummissarji u l-verifika taż-żgħażagħ tal-Kummissjoni;

c)

tiffaċilita aġġornamenti regolari mill-Istati Membri u skambji magħhom dwar il-prijoritajiet, l-esperjenzi u l-aħjar prattiki nazzjonali relatati mal-politika dwar iż-żgħażagħ, bħal dwar il-konsultazzjonijiet maż-żgħażagħ, u l-ħtiġijiet ta’ kooperazzjoni, permezz tal-użu tal-Wiki taż-Żgħażagħ, it-Tabella tal-Indikaturi taż-Żgħażagħ tal-UE (9) u l-indikaturi taż-żgħażagħ, kif ukoll stħarriġ, studji u riċerka;

d)

tikkontribwixxi permezz tal-programmi attwali tal-Unjoni Ewropea li jindirizzaw iż-żgħażagħ, b'mod partikolari l-programmi Erasmus+ u l-Korp Ewropew ta’ Solidarjetà, u permezz ta' sħubijiet u kooperazzjoni ma’ organizzazzjonijiet internazzjonali oħra, b’mod partikolari l-Kunsill tal-Ewropa, l-OECD u n-Nazzjonijiet Uniti.

11.

L-EUYD jeħtieġ li jkompli jevolvi u jikber f’konformità mar-Riżoluzzjoni tal-Kunsill dwar il-governanza tal-EUYD (10), l-evalwazzjoni ta’ nofs it-terminu tal-Istrateġija tal-UE għaż-Żgħażagħ u l-proposti mill-Konferenzi tal-UE dwar iż-Żgħażagħ, b’mod partikolari billi:

a)

tissalvagwarda l-progress li sar fl-inklużjoni matul ċikli preċedenti, fost oħrajn billi tkompli żżid il-parteċipazzjoni ta’ gruppi sottorappreżentati ta' żgħażagħ, inkluż dawk b’inqas opportunitajiet;

b)

taqsam eżiti u rakkomandazzjonijiet ma’ dawk li jfasslu l-politika u ma' partijiet ikkonċernati oħra fil-livelli kollha u tqajjem kuxjenza dwar l-EUYD, anke billi timmobilizza aktar l-għodod ta’ informazzjoni u l-mezzi ta’ komunikazzjoni eżistenti għaż-żgħażagħ fil-livell tal-UE, biex iżżid l-impatt, il-viżibbiltà u l-komunikazzjoni;

c)

ittejjeb il-monitoraġġ fil-livelli kollha u tiżgura li l-parteċipanti u l-partijiet ikkonċernati jkunu infurmati aħjar dwar is-segwitu fil-livelli tal-UE, nazzjonali, reġjonali u lokali;

d)

tkompli bl-isforzi biex jiżdied l-impatt tal-EUYD, b'mod partikolari billi tallinja l-konsultazzjonijiet tal-EUYD mal-aġenda ta’ politika tal-Kummissjoni u tiżgura rabta qawwija mal-programm ta’ ħidma tal-Kummissjoni, kull meta jkun possibbli, biex jiġu massimizzati l-effettività u l-effiċjenza.

12.

Fl-2025 u l-2026, il-Kummissjoni qed tmexxi proċess ta’ smigħ u kokreazzjoni mal-partijiet ikkonċernati kollha taż-żgħażagħ għat-tħejjija tal-Istrateġija tal-UE għaż-Żgħażagħ lil hinn mill-2027, inkluż rieżami tal-Għanijiet Ewropej dwar iż-Żgħażagħ. Dan il-proċess ser jinvolvi l-mobilizzazzjoni tal-Grupp tal-Partijiet Ikkonċernati tal-UE fil-Qasam taż-Żgħażagħ, u ta' gruppi oħra, laqgħat u avvenimenti bħall-Ġimgħa Ewropea taż-Żgħażagħ 2026 u konsultazzjoni pubblika online, kif ukoll il-konsultazzjonijiet tal-11-il ċiklu tal-EUYD u l-11 u t-12-il ċiklu tal-Konferenzi tal-UE dwar iż-Żgħażagħ.

13.

L-eżiti tar-raba' Konvenzjoni Ewropea dwar il-Ħidma fost iż-Żgħażagħ (11) ospitata mill-Gvern ta' Malta f'Mejju 2025 – Aġenzija Żgħażagħ (l-aġenzija nazzjonali ta' Malta għaż-żgħażagħ) – u mill-Aġenzija għall-Programmi tal-Unjoni Ewropea (EUPA) għal Malta, flimkien mas-Sħubija taż-Żgħażagħ UE-Kunsill tal-Ewropa, jissottolinjaw il-valur u l-effettività tal-ħidma fost iż-żgħażagħ u jirrikonoxxuha bħala pilastru ewlieni għall-futur tal-Istrateġija tal-UE għaż-Żgħażagħ.

JISTIEDNU LILL-PRESIDENZI TAL-KUNSILL TAL-11 U T-12-IL ĊIKLI TAL-EUYD:

14.

Jipprovdu opportunitajiet għall-Istati Membri u l-partijiet ikkonċernati fil-qasam taż-żgħażagħ biex jiddiskutu l-futur tal-kooperazzjoni Ewropea fil-qasam taż-żgħażagħ wara l-2027, anke permezz tal-EUYD u b'appoġġ mill-Kummissjoni Ewropea, sabiex ikun hemm l-aħjar sinerġiji possibbli mal-ġenerazzjoni l-ġdida ta' programmi u biex jintlaħqu l-objettivi doppji ta' parteċipazzjoni sinifikattiva taż-żgħażagħ u l-integrazzjoni taż-żgħażagħ.

15.

Filwaqt li jibnu fuq l-istrutturi u l-għarfien espert eżistenti, jappoġġaw Strateġija tal-UE għaż-Żgħażagħ li tkun sempliċi, immirata u komprensiva għall-ministeri u l-partijiet ikkonċernati rilevanti kollha, inkluż iż-żgħażagħ infushom, filwaqt li jiżguraw effettività trażversali u jsejsuha fil-prinċipji tal-aċċessibbiltà, ir-rispett għad-diversità, l-inklużività, il-parteċipazzjoni fil-ħajja demokratika u l-involviment ċiviku.

JISTIEDNU LILL-ISTATI MEMBRI U LILL-KUMMISSJONI EWROPEA BIEX, F'KONFORMITÀ MAL-PRINĊIPJU TAS-SUSSIDJARJETÀ U FL-ISFERI TA' KOMPETENZA RISPETTIVI TAGĦHOM:

16.

Jiżguraw konsultazzjoni transsettorjali, meta jkun possibbli, fl-istadju bikri tat-tfassil tal-Istrateġija tal-UE għaż-Żgħażagħ li jmiss u tal-Għanijiet Ewropej dwar iż-Żgħażagħ, sabiex jiġi appoġġat aktar l-objettiv tal-integrazzjoni taż-żgħażagħ fl-oqsma kollha ta’ politika bħala pilastru ewlieni tal-Istrateġija tal-UE għaż-Żgħażagħ tal-futur.

Reviżjoni tal-Pjan ta' Ħidma tal-Istrateġija tal-UE għaż-Żgħażagħ 2025-2027 (1)

Data

Metodu ta' ħidma / strument

Mira indikattiva u riżultati

Għanijiet dwar iż-Żgħażagħ Relatati

Rabta mal-Qafas li jistabbilixxi Aġenda Ewropea għall-Ħidma fost iż-Żgħażagħ (2)

Propost minn

PL, DK, CY

Suġġett ġenerali: Konnessjoni bejn l-UE u ż-żgħażagħ

L-Għan Ewropew dwar iż-Żgħażagħ #1

2025 (l-ewwel nofs)

Konklużjonijiet tal-Kunsill dwar komunità ta’ żgħażagħ fl-Ewropa bbażata fuq il-valuri Ewropej għal Ewropa komuni u sikura

Approvazzjoni mill-Kunsill

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

fost oħrajn: § 2, § 4, § 5

PL

2025 (l-ewwel nofs)

Riżoluzzjoni tal-Kunsill li tirrieżamina l-linji gwida dwar il-governanza tad-Djalogu tal-UE maż-Żgħażagħ

Approvazzjoni mill-Kunsill

L-Għanijiet Ewropej kollha dwar iż-Żgħażagħ

 

PL

2025 (l-ewwel nofs)

Konferenza tal-UE dwar iż-Żgħażagħ

(Lublin, 2-5 ta' Marzu, 2025)

Tisħiħ tal-identità Ewropea fost iż-żgħażagħ Ewropej abbażi tal-valuri tat-Trattat, twettiq tal-proċess ta’ konsultazzjoni tad-Djalogu tal-UE maż-Żgħażagħ kif ukoll promozzjoni ta' rakkomandazzjonijiet minn delegati taż-żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

PL

2025 (l-ewwel nofs)

Laqgħa tad-DĠ għaż-Żgħażagħ

(Lublin, 5-6 ta' Marzu, 2025)

Diskussjonijiet dwar il-futur tal-programmi tal-UE għaż-żgħażagħ, jiġifieri l-Erasmus+ u l-KES; rieżami tal-Istrateġija tal-UE għaż-Żgħażagħ 2019-2027; integrazzjoni tal-perspettivi taż-żgħażagħ fit-tfassil ta' politika f'livell lokali, nazzjonali u Ewropew

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

PL

27-28 ta’ Marzu 2025, Brussell

L-ewwel laqgħa tal-Grupp tal-Partijiet Ikkonċernati tal-UE fil-Qasam taż-Żgħażagħ

Faċilitazzjoni tal-iskambji u l-konsultazzjonijiet maż-żgħażagħ dwar l-inizjattivi ta' politika li ġejjin.

Matul l-ewwel laqgħa ta’ jumejn, il-parteċipanti tgħallmu dwar inizjattivi ewlenin għaż-żgħażagħ u tal-ħiliet, qasmu prattiki tajbin, u kkontribwew għall-iżvilupp tal-Istrateġija li jmiss għall-Ekwità Interġenerazzjonali u għall-futur tal-Istrateġija tal-UE għaż-Żgħażagħ.

L-Għanijiet Ewropej kollha dwar iż-Żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

KUMM

2025 (l-ewwel nofs)

Adozzjoni tar-Rapport tal-UE dwar iż-Żgħażagħ

 

 

§ 35

KUMM

2025 (l-ewwel nofs)

Attività ta' tagħlim bejn il-pari dwar l-integrazzjoni taż-żgħażagħ

Tqajjim ta' kuxjenza u skambju ta' esperjenzi dwar approċċi u mekkaniżmi għall-integrazzjoni taż-żgħażagħ, u r-rabta ma' Djalogu tal-UE msaħħaħ maż-Żgħażagħ

 

§ 28

KUMM

2025 (l-ewwel nofs)

Ir-raba' Konvenzjoni Ewropea dwar il-Ħidma fost iż-Żgħażagħ “Youthwork Xcelerate”

(Malta, 28-30 ta' Mejju 2025)

Ħidma favur proposta għal qafas strateġiku Ewropew biex tiġi implimentata l-politika dwar il-ħidma fost iż-żgħażagħ u tiġi rikonoxxuta l-prattika ta' kwalità għolja fil-ħidma fost iż-żgħażagħ

 

§ 31

MT, Sħubija taż-Żgħażagħ UE-KtE, KUMM

2025 (it-tieni nofs)

Seminar/sessjoni ta' ħidma/webinar dwar ir-Rapport tal-UE dwar iż-Żgħażagħ

Tqajjim ta' kuxjenza dwar informazzjoni ewlenija dwar il-progress tal-Istrateġija tal-UE għaż-Żgħażagħ u s-sitwazzjoni taż-żgħażagħ

 

§ 35

KUMM

8 ta’ Lulju 2025, Online

It-tieni laqgħa tal-Grupp tal-Partijiet Ikkonċernati tal-UE fil-Qasam taż-Żgħażagħ

It-tieni laqgħa aġġornata dwar l-inizjattivi tal-UE għaż-żgħażagħ, inkluż id-Djalogu tal-UE maż-Żgħażagħ, il-verifika taż-żgħażagħ tal-Kummissjoni, id-Djalogi ta’ Politika maż-Żgħażagħ u l-Bord Konsultattiv taż-Żgħażagħ għall-President, filwaqt li jinġabar kontribut dwar il-Pjan ta’ Azzjoni għall-Pilastru Ewropew tad-Drittijiet Soċjali u l-Istrateġija tal-UE għas-Soċjetà Ċivili.

 

 

KUMM

2025 (it-tieni nofs)

Konferenza tal-UE dwar iż-Żgħażagħ li tiffoka fuq il-programm Erasmus+ għall-perjodu 2028-2034 u fuq il-parteċipazzjoni taż-żgħażagħ fid-demokrazija

(Copenhagen, 21-23 ta’ Settembru 2025)

Żieda fil-parteċipazzjoni taż-żgħażagħ fid-demokrazija

L-Għan Ewropew dwar iż-Żgħażagħ #9: Spazju u parteċipazzjoni għal kulħadd

L-Għan Ewropew dwar iż-Żgħażagħ #11: Organizzazzjonijiet taż-żgħażagħ u programmi Ewropej

§ 33

DK

2025 (it-tieni nofs)

Laqgħa tad-DĠ għaż-Żgħażagħ li tiffoka fuq il-programm Erasmus+ li jmiss (2028-2034) u fuq il-parteċipazzjoni taż-żgħażagħ fid-demokrazija

(Copenhagen, 22-23 ta’ Settembru 2025)

Żieda fil-parteċipazzjoni taż-żgħażagħ fid-demokrazija

L-Għan Ewropew dwar iż-Żgħażagħ #9: Spazju u parteċipazzjoni għal kulħadd

L-Għan Ewropew dwar iż-Żgħażagħ #11: Organizzazzjonijiet taż-żgħażagħ u programmi Ewropej

 

DK

2025 (it-tieni nofs)

Ħolqien ta’ taskforce mmexxija miż-żgħażagħ għar-reviżjoni tal-Għanijiet Ewropej dwar iż-Żgħażagħ

Żgurar li l-proċess tar-reviżjoni tal-Għanijiet Ewropej dwar iż-Żgħażagħ jitmexxa miż-żgħażagħ fl-istadji kollha, inkluż kemm l-abbozzar kif ukoll id-deċiżjonijiet dwar il-metodoloġija. It-taskforce inħolqot permezz ta’ sejħa miftuħa ġestita mill-Forum Ewropew taż-Żgħażagħ. Il-Kummissjoni tipprovdi finanzjament u appoġġ loġistiku. L-ewwel laqgħa saret f’Diċembru 2025.

L-Għanijiet kollha dwar iż-Żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

§ 29, § 36

KUMM

6 ta’ Novembru 2025, Online

It-tielet laqgħa tal-Grupp tal-Partijiet Ikkonċernati tal-UE fil-Qasam taż-Żgħażagħ

Konsultazzjoni fil-qafas tal-proċess ta' kokreazzjoni mal-partijiet ikkonċernati kollha għat-tħejjija tal-Istrateġija tal-UE għaż-Żgħażagħ li jmiss.

It-tielet laqgħa rrieżaminat il-progress fl-inizjattivi ewlenin tal-UE għaż-żgħażagħ u l-prijoritajiet li ġejjin, inkluż it-tħejjijiet għall-Istrateġija tal-UE għaż-Żgħażagħ għal wara l-2027.

Il-partijiet ikkonċernati tgħallmu dwar il-proċess tat-teħid ta' deċiżjonijiet tal-UE u ġew ikkonsultati dwar l-Inizjattiva dwar it-Trasferibbiltà tal-Ħiliet, li bħalissa għaddejja mill-proċess tal-Verifika taż-Żgħażagħ.

 

 

KUMM

2026 (l-ewwel nofs)

April

Ġimgħa Ewropea taż-Żgħażagħ 2026

Il-Kummissjoni Ewropea torganizza l-avveniment tal-Ġimgħa Ewropea taż-Żgħażagħ kull sentejn biex tiċċelebra u tippromwovi l-involviment, il-parteċipazzjoni u ċ-ċittadinanza attiva taż-żgħażagħ. Din ser tinkludi wkoll laqgħa bi preżenza fiżika tal-gruppi ta’ ħidma nazzjonali għad-Djalogu tal-UE maż-Żgħażagħ.

L-Għanijiet Ewropej kollha dwar iż-Żgħażagħ

§ 28

KUMM

2026 (l-ewwel nofs)

Riżoluzzjoni dwar il-Pjan ta' Ħidma tal-Istrateġija tal-UE għaż-Żgħażagħ 2025-2027 (reviżjoni)

Approvazzjoni mill-Kunsill

L-Għanijiet Ewropej kollha dwar iż-Żgħażagħ

§ 36

CY

2026 (l-ewwel nofs)

Riżoluzzjoni dwar l-eżiti tal-11-il ċiklu tad-Djalogu tal-UE maż-Żgħażagħ

Approvazzjoni mill-Kunsill

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

§ 13a, § 14, § 29, § 36

CY

2026

Laqgħa tal-Grupp tal-Partijiet Ikkonċernati tal-UE fil-Qasam taż-Żgħażagħ (mill-inqas laqgħa waħda f'sena)

Faċilitazzjoni tal-iskambji u l-konsultazzjonijiet maż-żgħażagħ dwar l-inizjattivi ta' politika li ġejjin

L-Għanijiet Ewropej kollha dwar iż-Żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

KUMM

2026 (l-ewwel nofs)

Djalogu ta’ Politika maż-Żgħażagħ “Young Voices for the Ocean” (Ayia Napa, 19 ta’ Marzu 2026)

Djalogu ta’ Politika maż-Żgħażagħ “Young Voices for the Ocean” mal-Kummissarji Kadis u Micallef fil-qafas tal-Konferenza tal-UE dwar iż-Żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

KUMM

2026 (l-ewwel nofs)

Konferenza tal-UE dwar iż-Żgħażagħ (Nikosija, 17-20 ta’ Marzu 2026 u online)

Konklużjoni tal-11-il ċiklu tad-Djalogu tal-UE maż-Żgħażagħ; diskussjoni dwar il-prijorità ta' CY (jiġifieri l-iżgurar li l-politiki jkunu adattati għaż-żgħażagħ) u l-futur tal-Istrateġija tal-UE għaż-Żgħażagħ. Il-parteċipazzjoni tal-Kummissarji Kadis u Micallef tirrifletti l-objettivi tal-Għan dwar iż-Żgħażagħ #1: Konnessjoni bejn l-UE u ż-żgħażagħ.

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

§ 10d, § 26

CY

2026 (l-ewwel nofs)

Laqgħa tad-DĠ għaż-Żgħażagħ (Nikosija, 19-20 ta’ Marzu 2026 u online)

Diskussjonijiet dwar l-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ, u primarjament kif jista' jiġi żgurat li l-politiki fil-livell nazzjonali u tal-UE, kif ukoll il-futur tal-Istrateġija tal-UE għaż-Żgħażagħ, ikunu adattati għaż-żgħażagħ

L-Għan Ewropew dwar iż-Żgħażagħ #1: Konnessjoni bejn l-UE u ż-żgħażagħ

 

CY

2026 (l-ewwel u t-tieni nofs)

Konsultazzjonijiet maż-żgħażagħ dwar l-Istrateġija tal-UE għaż-Żgħażagħ li jmiss

Diversi konsultazzjonijiet maż-żgħażagħ huma ppjanati għal Marzu-Ottubru 2026 biex jiggwidaw il-ħidma fuq il-Komunikazzjoni tal-Kummissjoni dwar l-Istrateġija tal-UE għaż-Żgħażagħ wara l-2027, billi jintuża wkoll il-proċess tal-EUYD

 

§ 36

KUMM

IE, LT, EL

Suġġett ġenerali: Informazzjoni u djalogu kostruttiv Għan Ewropew dwar iż-Żgħażagħ #4

2026 (it-tieni nofs)

Konklużjonijiet tal-Kunsill dwar l-għoti ta' setgħa liż-żgħażagħ biex jinnavigaw u jirnexxu f’ambjent saturat bl-informazzjoni li qed jevolvi u li jippreżenta sfida

Approvazzjoni mill-Kunsill

L-Għan Ewropew dwar iż-Żgħażagħ #4: Informazzjoni u djalogu kostruttiv

§ 29

IE

2026 (it-tieni nofs)

Konklużjonijiet tal-Kunsill dwar l-iżgurar li ż-żgħażagħ fl-Ewropa jkollhom spazji sikuri u aċċessibbli biex jiltaqgħu, jinvolvu ruħhom u jagħmlu konnessjonijiet

Approvazzjoni mill-Kunsill

L-Għan Ewropew dwar iż-Żgħażagħ #4: Informazzjoni u djalogu kostruttiv

§ 29

IE

2026 (it-tieni nofs)

Konferenza tal-UE dwar iż-Żgħażagħ

27-30 ta’ Settembru 2026

Konferenza tal-UE dwar iż-Żgħażagħ u laqgħa tad-DĠ

(poss.) Rakkomandazzjonijiet politiċi

Skambju tal-aħjar prattiki

L-Għanijiet Ewropej kollha dwar iż-Żgħażagħ

§ 26, § 28, § 34

IE, KUMM

2026 (it-tieni nofs)

Attività ta' tagħlim bejn il-pari dwar il-politika lokali dwar iż-żgħażagħ

Sensibilizzazzjoni u skambju ta' esperjenzi u l-aħjar prattiki dwar il-politika lokali dwar iż-żgħażagħ

L-Għan Ewropew dwar iż-Żgħażagħ #3: Soċjetajiet inklużivi

§ 28

BG

2027 (l-ewwel nofs)

Konklużjonijiet tal-Kunsill dwar l-Għoti ta' Setgħa liż-Żgħażagħ fl-Era Diġitali: Żvilupp ta' Reżiljenza Psikoloġika, Ċivika u Demokratika fl-Ewropa

Approvazzjoni mill-Kunsill

L-Għan Ewropew dwar iż-Żgħażagħ #4: Informazzjoni u djalogu kostruttiv

§ 6, § 34

LT

2027 (l-ewwel nofs)

Konferenza dwar l-iżgurar tar-reżiljenza taż-żgħażagħ fil-kuntest tad-diġitalizzazzjoni.

Konferenza tal-UE dwar iż-Żgħażagħ u laqgħa tad-DĠ

(poss.) Rakkomandazzjonijiet politiċi

Skambju tal-aħjar prattiki

L-Għan Ewropew dwar iż-Żgħażagħ #4: Informazzjoni u djalogu kostruttiv

§ 6, § 34

LT

2027

Laqgħa tal-Grupp tal-Partijiet Ikkonċernati tal-UE fil-Qasam taż-Żgħażagħ (mill-inqas laqgħa waħda f'sena)

 

 

 

KUMM

2027 (l-ewwel nofs)

Komunikazzjoni tal-Kummissjoni dwar l-Istrateġija tal-UE għaż-Żgħażagħ wara l-2027

 

 

§ 11, § 13(a), § 15, § 26, § 36

KUMM

2027

Attività ta' tagħlim bejn il-pari (is-suġġett għad irid jiġi deċiż)

 

 

§ 29

KUMM

2027 (it-tieni nofs)

(poss.) Riżoluzzjoni tal-Kunsill dwar it-12-il ċiklu tad-Djalogu tal-UE maż-Żgħażagħ

Approvazzjoni mill-Kunsill

L-Għan Ewropew dwar iż-Żgħażagħ #4: Informazzjoni u djalogu kostruttiv

Għanijiet sekondarji li għandhom jiġu deċiżi mill-ESG tat-12-il ċiklu

 

EL

2027 (it-tieni nofs)

Konferenza dwar l-għoti ta' setgħa liż-żgħażagħ biex ikunu utenti u produtturi kritiċi u responsabbli tal-informazzjoni (is-suġġett tal-konferenza għandu jiġi deċiż skont l-għanijiet sekondarji li għandhom jintgħażlu f’kollaborazzjoni mal-ESG tat-12-il ċiklu)

Rakkomandazzjonijiet politiċi

Skambju tal-aħjar prattiki

L-Għan Ewropew dwar iż-Żgħażagħ #4: Informazzjoni u djalogu kostruttiv

Għanijiet sekondarji li għandhom jiġu deċiżi mill-ESG tat-12-il ċiklu

§ 6, § 10(a), § 21

EL

2027 (it-tieni nofs)

Konferenza ministerjali informali jew laqgħa ta' livell għoli jew laqgħa tad-DĠ għaż-Żgħażagħ

Skambju ta' ideat bejn id-DĠs dwar il-prijoritajiet EL

It-tema tal-laqgħa tad-DĠ għandha tiġi deċiża skont il-prijoritajiet tal-Presidenza EL u tal-Għan Ewropew dwar iż-Żgħażagħ #4: Informazzjoni u djalogu kostruttiv (12-il ċiklu)

 

EL

2027 (it-tieni nofs)

(poss.) Riżoluzzjoni tal-Kunsill dwar l-Istrateġija tal-UE għaż-Żgħażagħ wara l-2027

Approvazzjoni mill-Kunsill

L-Għanijiet Ewropej kollha dwar iż-Żgħażagħ

§ 6, § 10(a), § 11, § 13(a), § 15, § 21,§ 26, § 36

EL

(1)  Ikkompilata mill-Presidenza CY abbażi tal-informazzjoni preliminari li rċeviet mill-Kummissjoni u mit-Triji ta' Presidenzi PL-DK-CY u IE-LT-EL.

(2)  Ara r-Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill dwar il-Qafas għall-istabbiliment ta' Aġenda Ewropea għall-Ħidma fost iż-Żgħażagħ (ĠU C 415, 1.12.2020, p. 1).


(1)  Ir-Riżoluzzjoni tal-Kunsill tal-Unjoni Ewropea u tar-Rappreżentanti tal-Gvernijiet tal-Istati Membri mlaqqgħin fil-Kunsill dwar qafas għall-kooperazzjoni Ewropea fil-qasam taż-żgħażagħ: L-Istrateġija tal-Unjoni Ewropea għaż-Żgħażagħ 2019-2027 (ĠU C 456, 18.12.2018, p. 1).

(2)  Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar is-Sena Ewropea taż-Żgħażagħ 2022, COM(2024) 1 final.

(3)  Il-Konklużjonijiet tal-Kunsill u tar-rappreżentanti tal-gvernijiet tal-Istati Membri mlaqqgħin fi ħdan il-Kunsill dwar il-legat tas-Sena Ewropea taż-Żgħażagħ 2022, (ĠU C, C/2024/3543, 31.5.2024, ELI: http://data.europa.eu/eli/C/2024/3543/oj).

(4)  Ir-Rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-evalwazzjoni interim tal-Istrateġija tal-UE għaż-Żgħażagħ 2019-2027, COM(2024) 162 final.

(5)  Ir-Rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-evalwazzjoni interim tal-programm Erasmus+ 2021-2027 u l-evalwazzjoni finali tal-programm Erasmus+ 2014-2020, COM(2025) 395 final; Id-Dokument ta' Ħidma tal-Persunal tal-Kummissjoni li jakkumpanja r-rapport tal-Kummissjoni dwar l-evalwazzjoni interim tal-programm Erasmus+ 2021-2027 u l-evalwazzjoni finali tal-programm Erasmus+ 2014-2020, SWD(2025) 186 final.

(6)  Ir-Rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-evalwazzjoni interim tal-Korp Ewropew ta' Solidarjetà 2021-2027 u l-evalwazzjoni finali tal-Korp Ewropew ta' Solidarjetà 2018-2020, COM/2025/144 final.

(7)  Il-Grupp tal-Partijiet Ikkonċernati tal-UE fil-Qasam taż-Żgħażagħ - Portal Ewropew taż-Żgħażagħ - https://youth.europa.eu/strategy/euyouthstakeholdersgroup_mt

(8)  Il-Bord Konsultattiv taż-Żgħażagħ għall-President - Portal Ewropew taż-Żgħażagħ - https://youth.europa.eu/strategy/pyab_mt

(9)  Eurostat, Tfal u żgħażagħ, Tabella tal-Indikaturi taż-Żgħażagħ tal-UE.

(10)  Riżoluzzjoni tal-Kunsill u tar-Rappreżentanti tal-Gvernijiet tal-Istati Membri mlaqqgħin fil-Kunsill li tirrieżamina l-linji gwida dwar il-governanza tad-Djalogu tal-UE maż-Żgħażagħ (ĠU C, C/2025/3130, 2.6.2025, ELI: http://data.europa.eu/eli/rd/C/2025/3130/oj).

(11)   https://pjp-eu.coe.int/en/web/youth-partnership/4th-european-youth-work-convention-


ELI: http://data.europa.eu/eli/C/2026/2830/oj

ISSN 1977-0987 (electronic edition)