Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2562 |
27.9.2024 |
RIALACHÁN TARMLIGTHE (AE) 2024/2562 ÓN gCOIMISIÚN
an 3 Meitheamh 2024
lena leasaítear Rialachán Tarmligthe (AE) 2022/1644 a mhéid a bhaineann le critéir áirithe chun samplaí a roghnú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 19(2), pointe (a) de,
De bharr an mhéid seo a leanas:
|
(1) |
Leagtar amach in Iarscríbhinn II a ghabhann le Rialachán Tarmligthe (AE) 2022/1644 ón gCoimisiún (2) critéir chun teaglamaí sonracha grúpaí substaintí agus grúpaí tráchtearraí a roghnú le haghaidh na bpleananna rialaithe rioscabhunaithe náisiúnta i ndáil le táirgeadh sna Ballstáit. Bunaithe ar thaithí phraiticiúil ar chur i bhfeidhm Rialachán Tarmligthe (AE) 2022/1644, níl aon substaint ábhartha ó ghrúpa substaintí A(3), pointe (b) le haghaidh bainne amh bó-ainmhithe, caorach agus gabhair ná le haghaidh meala le seiceáil sna pleananna rialaithe rioscabhunaithe náisiúnta i ndáil le táirgeadh sna Ballstáit. Thairis sin, tar éis theacht i bhfeidhm Rialachán Tarmligthe (AE) 2022/1644, tháinig athrú ar ábhar na bhfoghrúpaí de shubstaintí toirmiscthe nó neamhúdaraithe atá gníomhach ó thaobh na cógaseolaíochta de i mbia-ainmhithe (‘substaintí Ghrúpa A’) dá dtagraítear in Iarscríbhinn I a ghabhann leis an Rialachán Tarmligthe sin. Mar thoradh air sin, i gcás tráchtearraí áirithe atá le seiceáil, níl aon substaint ábhartha ann a bhaineann le grúpa substaintí A(3), pointe (f). Dá bhrí sin, ba cheart an ceanglas sainordaitheach samplála a bhaint den tábla i bpointe A.1 d’Iarscríbhinn II a ghabhann le Rialachán Tarmligthe (AE) 2022/1644 le haghaidh na dteaglamaí grúpaí substaintí agus grúpaí tráchtearraí lena mbaineann. |
|
(2) |
In Iarscríbhinn IV a ghabhann le Rialachán Tarmligthe (AE) 2022/1644, tá foráil maidir le substaintí Ghrúpa A lena sonraítear critéir chun teaglamaí sonracha grúpaí substaintí agus grúpaí tráchtearraí a roghnú le haghaidh na bpleananna faireachais randamaithe náisiúnta i ndáil le táirgeadh sna Ballstáit. Chun soiléireacht na forála sin a fheabhsú, ba cheart í a athscríobh. |
|
(3) |
Bunaithe ar thaithí phraiticiúil ar chur i bhfeidhm Rialachán Tarmligthe (AE) 2022/1644, níl aon substaint ábhartha ó ghrúpa substaintí B(1), pointe (e) le haghaidh na ngrúpaí tráchtearraí uile ná aon substaint ábhartha ó ghrúpa substaintí B(2) le haghaidh bainne amh bó-ainmhithe, caorach agus gabhair le seiceáil sna pleananna faireachais randamaithe náisiúnta i ndáil le táirgeadh sna Ballstáit. Dá bhrí sin, ba cheart an ceanglas sainordaitheach samplála a bhaint den tábla in Iarscríbhinn IV a ghabhann le Rialachán Tarmligthe (AE) 2022/1644 le haghaidh na dteaglamaí grúpaí substaintí agus grúpaí tráchtearraí lena mbaineann. |
|
(4) |
Dá bhrí sin, ba cheart Rialachán Tarmligthe (AE) 2022/1644 a leasú dá réir sin. |
|
(5) |
Tá na rialacha a leagtar síos i Rialachán Tarmligthe (AE) 2022/1644 le háireamh sna pleananna rialaithe rioscabhunaithe náisiúnta agus sna pleananna faireachais randamaithe náisiúnta atá le cur faoi bhráid an Choimisiúin le go ndéanfaidh sé measúnú orthu go bliantúil i gcomhréir le Rialachán Cur Chun Feidhme (AE) 2022/1646 ón gCoimisiún (3), agus dá bhrí sin, ba cheart feidhm a bheith ag an Rialachán seo den chéad uair maidir leis na pleananna le haghaidh na bliana 2025. Dá bhrí sin, ba cheart feidhm a bheith ag an Rialachán seo ón 1 Eanáir 2025, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II agus IV a ghabhann le Rialachán Tarmligthe (AE) 2022/1644 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2025.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 3 Meitheamh 2024.
Thar ceann an Choimisiúin
An tUachtarán
Ursula VON DER LEYEN
(1) IO L 95, 7.4.2017, lch. 1, ELI: http://data.europa.eu/eli/reg/2017/625/oj.
(2) Rialachán Tarmligthe (AE) 2022/1644 ón gCoimisiún an 7 Iúil 2022 lena bhforlíontar Rialachán (AE) 2017/625 ó Pharlaimint na hEorpa agus ón gComhairle le ceanglais shonracha chun rialuithe oifigiúla a dhéanamh ar úsáid substaintí atá gníomhach ó thaobh na cógaseolaíochta de atá údaraithe mar tháirgí íocshláinte tréidliachta nó mar bhreiseáin bheathaithe agus ar úsáid substaintí toirmiscthe nó neamhúdaraithe atá gníomhach ó thaobh na cógaseolaíochta de agus ar úsáid iarmhar díobh (IO L 248, 26.9.2022, lch. 3, ELI: http://data.europa.eu/eli/reg_del/2022/1644/oj).
(3) Rialachán Cur Chun Feidhme (AE) 2022/1646 ón gCoimisiún an 23 Meán Fómhair 2022 maidir le socruithe praiticiúla aonfhoirmeacha maidir le feidhmiú rialuithe oifigiúla a mhéid a bhaineann le húsáid substaintí atá gníomhach ó thaobh na cógaseolaíochta de atá údaraithe mar tháirgí íocshláinte tréidliachta nó mar bhreiseáin bheathaithe agus le húsáid substaintí toirmiscthe nó neamhúdaraithe atá gníomhach ó thaobh na cógaseolaíochta de agus le húsáid iarmhar díobh, agus maidir le hábhar sonrach pleananna rialaithe náisiúnta ilbhliantúil agus socruithe sonracha chun iad a ullmhú (IO L 248, 26.9.2022, lch. 32, ELI: http://data.europa.eu/eli/reg_impl/2022/1646/oj).
IARSCRÍBHINN
Leasaítear Iarscríbhinní II agus IV a ghabhann le Rialachán Tarmligthe (AE) 2022/1644 mar a leanas:
|
(1) |
Leasaítear Iarscríbhinn II mar a leanas:
|
|
(2) |
Leasaítear Iarscríbhinn IV mar a leanas:
|
ELI: http://data.europa.eu/eli/reg_del/2024/2562/oj
ISSN 1977-0839 (electronic edition)