Brussell, 14.4.2023

COM(2023) 188 final

RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar il-bilanċ tad-dovuti tal-Iskema tal-Pensjoni għall-Uffiċjali tal-UE (PSEO) u l-implikazjonijiet baġitarji tal-Anness XII tar-Regolamenti tal-Persunal


RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar il-bilanċ tad-dovuti tal-Iskema tal-Pensjoni għall-Uffiċjali tal-UE (PSEO) u l-implikazjonijiet baġitarji tal-Anness XII tar-Regolamenti tal-Persunal

1.Il-bażi ġuridika

Skont l-Artikolu 14(1) tal-Anness XII tar-Regolamenti tal-Persunal, fl-2022 il-Kummissjoni għandha tippreżenta rapport lill-Parlament Ewropew u lill-Kunsill dwar il-bilanċ attwarju tal-Iskema tal-Pensjonijiet għall-Uffiċjali tal-UE (Pension Scheme for EU Officials, PSEO) u l-implikazzjonijiet baġitarji tal-Anness XII tar-Regolamenti tal-Persunal.

Dan ir-rapport jimplimenta d-dispożizzjoni msemmija hawn fuq billi jivvaluta l-bilanċ attwarju tal-iskema u janalizza l-implikazzjonijiet baġitarji tal-Anness XII fil-perjodu 2014 – 2021. Kull meta jkun possibbli u fejn rilevanti, dan ir-rapport jirreferi wkoll għall-iżviluppi mill-2022.

2.Karatteristiċi bażiċi tal-PSEO    

2.1.Il-bażi ġuridika tal-PSEO    

Skont l-Artikolu 83 tar-Regolamenti tal-Persunal:

-Il-benefiċċji mħallsa bl-iskema tal-pensjonijiet 1 jiġu ddebitati mill-baġit tal-Unjoni;

-L-Istati Membri għandhom jiggarantixxu bi sħab il-pagament tal-benefiċċji; u

-L-uffiċjali għandhom jikkontribwixxu terz tal-ispiża biex l-iskema tiġi ffinanzjata.

L-Artikolu 83a tar-Regolamenti tal-Persunal jipprevedi li l-bilanċ tal-iskema tal-pensjonijiet għandu jiġi żgurat permezz tal-età tal-irtirar u tar-rata ta’ kontribuzzjoni għall-iskema. Jistipula wkoll il-proċeduri biex ir-rata tal-kontribuzzjoni għall-iskema tal-pensjonijiet tkun aġġornata kull sena u kull ħames snin.

L-Anness XII tar-Regolamenti tal-Persunal jistabbilixxi r-regoli attwarji għall-komputazzjoni tar-rata ta’ kontribuzzjoni, biex jiġi żgurat li l-iskema tkun f’bilanċ.

2.2.Il-prinċipju tal-fond nozzjonali (virtwali)    

Il-PSEO hija fond nozzjonali (virtwali) b’benefiċċji definiti, li fih il-kontribuzzjonijiet tal-persunal iservu biex jiffinanzjaw il-pensjonijiet futuri tagħhom. Għalkemm ma hemm l-ebda fond ta’ investiment proprju, l-ammont li kieku kien jinġabar minn fond bħal dan jitqies li ġie investit fil-bonds fit-tul tal-Istati Membri u huwa rifless fl-obbligazzjoni tal-pensjoni li hija reġistrata fil-kontijiet annwali tal-Unjoni Ewropea. L-Istati Membri bi sħab jiggarantixxu l-pagament tal-benefiċċji skont l-Artikolu 83 tar-Regolamenti tal-Persunal u l-Artikolu 4(3) tat-Trattat dwar l-Unjoni Ewropea.

Billi l-PSEO hija mfassla bħala fond nozzjonali, il-kontribuzzjonijiet tal-persunal iservu biex jiffinanzjaw il-pensjonijiet futuri ta’ dawk li jikkontribwixxu. Il-kontribuzzjonijiet effettivament ikopru l-ispiża tad-drittijiet tal-pensjoni miksuba f’sena partikolari, u bl-ebda mod ma huma marbuta man-nefqa tal-pensjonijiet ta’ dik is-sena. Il-ġurisprudenza tal-UE kkonfermat li l-PSEO hija fond nozzjonali, minkejja li sabet li turi wkoll xi karatteristiċi ta’ skema ta’ solidarjetà 2 .

Il-PSEO hija differenti mill-biċċa l-kbira tal-iskemi tal-pensjonijiet tal-Istati Membri għall-uffiċjali pubbliċi, li fihom, ir-rata tal-kontribuzzjoni jew il-benefiċċji huma aġġustati biex ta’ kull sena jiġi żgurat bilanċ bejn il-kontribuzzjonijiet miġbura u n-nefqa tal-pensjonijiet. F’dan it-tip ta’ skemi li jorbtu l-kontribuzzjonijiet man-nefqa fuq il-pensjonijiet tal-istess perjodu (magħrufa bħala skemi Ħallas Waqt Li Tkun Għaddej), jekk ma jkunx possibbli li jinkiseb bilanċ, id-differenza tiġi koperta mill-baġit.

Il-fond tal-PSEO nozzjonali jiġi vvalutat kemm kull sena kif ukoll kull ħames snin daqslikieku kien jeżisti fond reali, u b’hekk tiġi ggarantita aktar is-sostenibbiltà fit-tul tiegħu.

2.3.Il-prinċipju ta’ bilanċ attwarju    

Il-bilanċ tal-PSEO jiġi żgurat regolarment permezz ta’ aġġornamenti tar-rati ta’ kontribuzzjoni u, fejn rilevanti, tal-età tal-irtirar.

Il-PSEO ssegwi l-prinċipju ta’ bilanċ attwarju fejn il-kontribuzzjonijiet annwali tal-persunal jridu jkopru terz tad-drittijiet miksuba matul is-sena inkwistjoni 3 , li jikkorrispondu għall-pensjonijiet futuri li l-istess persunal jkun se jirċievi wara li jirtira, flimkien ma’ (b’ċerti kundizzjonijiet) l-gratifiki għall-invalidità u l-pensjonijiet tas-superstiti u tal-orfni. Il-benefiċċji futuri tal-pensjoni jiġu evalwati f’kull data ta’ referenza 4 , li tinvolvi l-kalkolu tal-valur preżenti tagħhom bl-użu ta’ rata (ta’ skont) ta’ mgħax 5 . Din il-komputazzjoni hija valwazzjoni attwarja.

Ir-Rata ta’ Kontribuzzjoni tal-Pensjoni (Pension Contribution Rate, PCR) hija l-mekkaniżmu li jżomm l-iskema f’bilanċ minn sena għal sena. Tiġi aġġornata awtomatikament jekk il-valutazzjoni attwarja prevista mill-Artikolu 83a tar-Regolamenti tal-Persunal turi li dan huwa meħtieġ biex jiġu koperti kompletament id-drittijiet tal-pensjoni miksuba f’sena partikolari. Konsegwentement, meta l-membri tal-persunal iħallsu r-rata ta’ kontribuzzjoni aġġornata, huma jiksbu d-drittijiet tal-pensjoni għal sena partikolari, li tkun protetta mill-prinċipju tad-drittijiet miksuba.

3.Bilanċ attwarju tal-PSEO

Il-bilanċ attwarju tal-PSEO huwa żgurat permezz tal-aġġornament annwali tal-PCR, u, fejn xieraq, l-aġġornament tal-età tal-irtirar. Il-metodoloġija tal-kalkolu tal-PCR hija vvalidata minn esperti nazzjonali tal-Istati Membri tal-UE u minn attwarji esterni (3.1). Il-PCR tikkorrispondi għall-proporzjon bejn l-ispiża tas-servizz 6 fis-sena N u s-salarji/l-allowances bażiċi annwali totali fil-31 ta’ Diċembru tas-sena ta’ qabel għall-istess popolazzjoni. Biex tiġi kkalkolata l-ispiża tas-servizz, jintużaw għadd ta’ parametri u jiġi evalwat sett sħiħ ta’ suppożizzjonijiet demografiċi u finanzjarji (il-Kapitolu 3.2). Il-bilanċ attwarju tal-PSEO huwa garantit mill-PCR (il-Kapitolu 3.3) u mill-età tal-irtirar (il-Kapitolu 3.4).

3.1.L-implimentazzjoni teknika tar-regoli biex il-PSEO tinżamm f’bilanċ

Il-Eurostat huwa l-awtorità responsabbli għall-implimentazzjoni teknika tal-Anness XII tar-Regolamenti tal-Persunal.

Il-Eurostat huwa megħjun minn:

-esperti nazzjonali mill-Istati Membri (il-“Grupp ta’ Ħidma tal-Artikolu 83” li jiltaqa’ mill-anqas darba fis-sena) dwar mistoqsijiet dwar il-metodoloġija mqajma mill-implimentazzjoni tal-Anness XII, u

-espert wieħed indipendenti kwalifikat jew aktar, biex iwettaq il-valutazzjonijiet attwarji tal-PSEO 7 .

Din is-sistema tiżgura li l-metodoloġija u r-riżultati tal-valutazzjonijiet attwarji tal-PSEO jiġu rieżaminati u vvalidati kif xieraq. Dan huwa aspett ewlieni għar-robustezza tal-proċess.

3.1.1.L-attività tal-Grupp ta’ Ħidma tal-Artikolu 83 fil-perjodu 2014-2022

Fil-perjodu 2014-2022, il-Grupp ta’ Ħidma tal-Artikolu 83 ltaqa’ kull sena f’konformità mad-dispożizzjoni rilevanti tar-Regolamenti tal-Persunal 8 . Il-Grupp ta’ Ħidma tal-Artikolu 83 eżamina, iddiskuta u approva d-dokumenti metodoloġiċi mfassla mill-Eurostat.

Għal-laqgħat annwali tal-Grupp ta’ Ħidma tal-Artikolu 83 jattendu wkoll l-osservaturi li jirrappreżentaw organizzazzjonijiet internazzjonali bħall-ISRP (International Service for Remunerations and Pensions, is-Servizz Internazzjonali għar-Rimunerazzjoni u l-Pensjonijiet tal-Organizzazzjonijiet Koordinati, inklużi l-OECD, in-NATO, l-ESA, il-Kunsill tal-Ewropa), il-Bank Ċentrali Ewropew, il-Bank Ewropew tal-Investiment, il-Fond Ewropew tal-Investiment, l-Uffiċċju Ewropew tal-Privattivi u l-Eurocontrol. Il-Eurostat jiskambja informazzjoni rilevanti dwar kwistjonijiet attwarji ma’ dawn l-organizzazzjonijiet.

3.1.2.Valutazzjonijiet mill-espert indipendenti kwalifikat

F’konformità mal-Artikolu 13, il-paragarafu 2, tal-Anness XII tar-Regolamenti tal-Persunal, il-Eurostat huwa megħjun minn espert indipendenti kwalifikat wieħed jew aktar fir-rigward tal-implimentazzjoni metodoloġika ta’ dak l-Anness u għad-definizzjoni u l-kalkolu ta’ kwalunkwe suppożizzjoni attwarja involuta.

Wara l-eżiti ta’ sejħa miftuħa għall-offerti, il-Eurostat kien assistit minn:

-EY Actuaires Conseils għall-valutazzjojnijiet tal-PSEO mill-2014 sal-2016;

-Il-Konsorzju ta’ Agilis S.A. u Prudential Ltd, għall-valutazzjojnijiet tal-PSEO mill-2017 sal-2022.

Matul il-perjodu ta’ referenza, iż-żewġ attwarji rrieżaminaw u vvalidaw il-metodoloġija, il-kalkoli u r-rapporti relatati mal-valutazzjoni tal-PSEO. B’mod partikolari, l-inputs għall-kalkoli, bħall-popolazzjoni tal-PSEO u s-suppożizzjonijiet attwarji, ġew miftiehma ma’ dawn l-esperti esterni.

Il-Eurostat implimenta fir-rapporti ta’ valutazzjoni finali tiegħu r-rakkomandazzjonijiet magħmula mill-attwarji 9 .

3.2.Parametri u suppożizzjonijiet attwarji

Ir-regoli għall-valutazzjoni tal-bilanċ attwarju tal-PSEO huma stabbiliti fl-Anness XII tar-Regolamenti tal-Persunal. Dan jistabbilixxi sistema bbażata fuq parametri u suppożizzjonijiet sottostanti, li jiżguraw il-bilanċ attwarju tal-PSEO.

3.2.1.Parametri statutorji

Dawn huma valuri prinċipalment marbutin mal-applikazzjoni tar-Regolamenti tal-Persunal, inklużi r-regoli dwar il-kalkolu tal-benefiċċji tal-pensjoni. Xi wħud minn dawn il-parametri jinbidlu skont ċerti kundizzjonijiet relatati mas-sitwazzjoni individwali ta’ kull uffiċjal. L-Anness 1 jipprovdi l-lista tal-parametri statutorji prinċipali użati għall-aħħar valutazzjoni tal-pensjonijiet fl-2022.

3.2.2.Suppożizzjonijiet attwarji

Is-suppożizzjonijiet attwarji jinqasmu f’suppożizzjonijiet demografiċi u finanzjarji/ekonomiċi. Is-suppożizzjonijiet attwarji jeħtieġ li jiġu mmudellati u stmati f’konformità mad-dispożizzjonijiet rilevanti tar-Regolamenti tal-Persunal u l-aħjar prattiki attwarji.

Il-valuri tas-suppożizzjonijiet attwarji involuti jsir qbil fuqhom minn esperti nazzjonali mid-dipartimenti rilevanti tal-Istati Membri fil-laqgħat annwali tal-Grupp ta’ Ħidma tal-Artikolu 83.

F’konformità mad-dispożizzjonijiet tal-Anness XII tar-Regolamenti tal-Persunal u d-deċiżjonijiet meħuda mill-Grupp ta’ Ħidma, uħud minn dawn is-suppożizzjonijiet (pereż. it-tabella tal-mortalità) jiġu aġġornati fl-okkażjoni tal-valutazzjoni tal-iskema li ssir kull ħames snin, filwaqt li oħrajn jiġu aġġornati kull sena. L-aktar valutazzjoni reċenti ta’ kull ħames snin saret fl-2018.

3.2.2.1.Suppożizzjonijiet demografiċi

Is-suppożizzjonijiet demografiċi huma element essenzjali fil-kalkolu tal-bilanċ attwarju tal-PSEO. Fir-rigward tal-benefiċċji futuri tal-pensjoni, is-suppożizzjonijiet demografiċi attwarji huma fundamentali biex tiġi aġġornata l-istruttura tal-popolazzjoni, l-età medja tal-irtirar u t-tabella tal-invalidità, skont id-dispożizzjonijiet tal-Artikolu 9 tal-Anness XII tar-Regolamenti tal-Persunal.

Is-suppożizzjonijiet attwarji demografiċi ewlenin huma:

-It-tabelli tal-mortalità: It-Tabella tal-Ħajja tal-UE għall-2018 (EU Life Table, EULT), żviluppata mill-Eurostat, hija tabella prospettiva 10 li tinkorpora xejra ta’ stennija tal-għomor fuq perjodu ta’ 20 sena (l-istess medda ta’ żmien bħat-tul ta’ żmien tal-PSEO kif stmat fl-aħħar tal-2017) fuq il-bażi tal-evoluzzjoni tal-mortalità tal-popolazzjoni tal-PSEO. L-EULT tal-2018 hija għaldaqstant, tabella tal-ħajja mibnija fuq popolazzjoni li hija kompletament rilevanti għall-PSEO. L-Anness 2 huwa silta mil-EULT.

-It-tabelli dwar l-invalidità, żviluppati mill-Eurostat, huma bbażati fuq osservazzjonijiet tal-passat.

-L-età preżunta tal-irtirar; f’konformità mal-Artikolu 4, il-paragrafu 3, tal-Anness XII tar-Regolamenti tal-Persunal, huwa preżunt li l-irtirar se jseħħ b’rata medja fissa li tvarja fuq il-bażi tad-data tad-dħul fis-servizz ta’ kull membru tal-persunal.

-Il-probabbiltà li persuna tkun miżżewġa fid-data tal-irtirar.

-Il-koeffiċjenti għal orfni u konjuġi divorzjati, eċċ.

Is-suppożizzjonijiet demografiċi attwarji jintervjenu fil-kalkolu tal-ispiża tas-servizz li fuq il-bażi tagħha tiġi kkalkolata l-PCR biex jiġi żgurat il-bilanċ attwarju tal-PSEO. L-Anness 3 jipprovdi l-lista tas-suppożizzjonijiet demografiċi użati għall-aħħar valutazzjoni tal-pensjonijiet fl-2022.

3.2.2.2.Suppożizzjonijiet Finanzjarji 11  

Is-suppożizzjonijiet finanzjarji attwarji bħar-rata ta’ skont reali u t-tkabbir tas-salarju ġenerali għandhom impatt sinifikanti fuq il-funzjonament tal-PSEO.

Ir-rata ta’ skont reali tirrifletti r-rati tal-imgħax medji reali tad-dejn pubbliku fit-tul tal-Istati Membri, filwaqt li t-tkabbir ġenerali fis-salarju jħares lejn ir-rata tal-bidla annwali fl-iskali tas-salarju. Fiż-żewġ każijiet tintuża medja mobbli ta’ 30 sena tar-rati korrispondenti 12 . Fil-valutazzjoni annwali tal-PSEO tal-2022, il-valuri tar-rata ta’ skont reali u t-tkabbir ġenerali tas-salarju kienu rispettivament 2,7 % u -0,1 %.

It-tabella tal-progressjoni tas-salarju individwali hija suppożizzjoni finanzjarja attwarja ewlenija oħra. Il-progressjoni tas-salarju individwali tkopri l-effett taż-żieda fis-salarju marbuta mal-avvanz fil-karriera tal-persunal tal-UE minħabba promozzjonijiet u passi ta’ anzjanità. Ir-riforma tal-2014 tar-Regolamenti tal-Persunal saħħet ir-rabta bejn il-grad u l-funzjoni. Pereżempju, l-aċċess għall-ogħla gradi fil-gruppi ta’ funzjoni AD u AST kien ristrett b’mod sever. Barra minn hekk, ġiet introdotta kategorija ġdida ta’ persunal: Segretarji u Uffiċjali Klerikali (AST/SC). Dawn l-evoluzzjonijiet ġew riflessi mill-progressjoni tas-salarju individwali.

L-Anness 4 jipprovdi l-lista ta’ suppożizzjonijiet finanzjarji użati għall-aħħar valutazzjoni tal-pensjoni fl-2022 kif ukoll analiżi tas-sensittività tal-varjazzjoni ta’ dawn is-suppożizzjonijiet.

3.3.L-implimentazzjoni tal-prinċipju tal-bilanċ attwarju

Il-bilanċ tal-PSEO jiġi żgurat permezz tal-aġġornamenti tal-PCR skont id-dispożizzjonijiet tal-Anness XII tar-Regolamenti tal-Persunal u, fejn xieraq, l-età tal-irtirar. Fid-dawl ta’ dan, il-PSEO hija skont id-definizzjoni dejjem f’bilanċ attwarju. Filwaqt li l-età tal-irtirar tista’ tiġi aġġornata kull ħames snin, il-PCR tiġi vvalutata kull sena mill-Eurostat.

Ir-Regolamenti tal-Persunal jistabbilixxu sistema għall-aġġornament tal-PCR ibbażata fuq żewġ limiti: limitu “minimu” u limitu “massimu”. Il-limitu minimu jirreferi għad-distakk minimu bejn ir-rata fis-seħħ u r-rata meħtieġa biex jinżamm il-bilanċ attwarjui (0,25 punt). Din id-dispożizzjoni, minn naħa waħda tnaqqas b’mod sinifikanti l-piż amministrattiv billi taġġorna l-PCR biss meta l-bidliet tagħha jkollhom impatt sinifikanti fuq il-bilanċ attwarju tal-PSEO, u min-naħa l-oħra tiżgura li l-PCR tibqa’ stabbli u prevedibbli għall-persunal. Il-limitu massimu jistabbilixxi li l-PCR ma għandhiex tiġi aġġornata b’aktar minn punt perċentwali wieħed ’il fuq jew taħt ir-rata valida tas-sena ta’ qabel. Din id-dispożizzjoni tiżgura li l-persunal ikun protett minn bidliet f’daqqa tal-PCR f’perjodi qosra u li l-kontribuzzjoni għall-baġit tal-UE tibqa’ relattivament stabbli.

L-Anness 5 juri li l-PSEO nżammet f’bilanċ attwarju matul il-perjodu 2014-2022. Il-bilanċ ġie żgurat mill-valutazzjonijiet annwali tal-PSEO mwettqa mill-Eurostat u t-tibdil li jirriżulta fil-PCR, jiġifieri l-valur tal-PCR jikkorrispondi għal terz tal-proporzjon bejn it-total tal-ispiża tas-servizz u t-total tas-salarji/tal-allowances bażiċi annwali. Barra minn hekk, id-differenza bejn il-PCR ikkalkolata u dik applikata ma kinitx timplika konsegwenza materjali sinifikanti u għalhekk il-PSEO baqgħet f’bilanċ attwarju.

3.4.Valutazzjoni tal-età tal-irtirar

Is-sistema ta’ valutazzjonijiet regolari tal-età tal-irtirar stabbilita mill-koleġiżlatur fl-2014 tiżgura wkoll is-sostenibbiltà tal-PSEO. Billi jistabbilixxu rabta ċara bejn l-istennija tal-għomor tal-persunal tal-UE u l-età tal-irtirar tal-persunal tal-UE, ir-Regolamenti tal-Persunal jiżguraw li l-PSEO tkun adegwata f’kuntest ta’ popolazzjoni ġenerali li qed tixjieħ.

L-età normali tal-irtirar, li hija definita bħala l-età li tippermetti lill-membri tal-persunal jirtiraw mingħajr penali, hija stabbilita għal 66 sena mir-Regolamenti tal-Persunal. Skont l-Artikolu 77, il-paragrafu 7, tar-Regolamenti tal-Persunal, l-età tal-irtirar għandha tiġi rieżaminata kull ħames snin fuq il-bażi ta’ rapport tal-Kummissjoni li jivvaluta l-evoluzzjoni tal-età tal-irtirar għall-persunal fis-servizzi ċivili tal-Istati Membri u l-evoluzzjoni tal-istennija tal-għomor tal-uffiċjali tal-istituzzjonijiet tal-UE.

Fil-valutazzjoni tagħha tal-2021 tal-età tal-irtirar 13 , il-Kummissjoni osservat li l-istennija tal-għomor tal-popolazzjoni tal-PSEO, kif ivvalutata mit-Tabelli tal-Ħajja tal-Eurostat, ma żdiditx b’mod sinifikanti. Barra minn hekk, l-età tal-irtirar tal-uffiċjali tal-UE hija fost l-ogħla meta mqabbla mal-età tal-irtirar applikabbli fis-servizzi pubbliċi tal-Istati Membri tal-UE. B’riżultat ta’ dan, dan ir-rapport ikkonkluda li l-età tal-irtirar attwali ta’ 66 sena għall-persunal tal-UE kienet xierqa u kienet tikkorrispondi għall-ogħla standards applikabbli fis-servizzi ċivili nazzjonali tal-Istati Membri.

4.Implikazzjonijiet baġitarji tal-PSEO

4.1.Sfond

4.1.1.Il-kuntest storiku tal-PSEO

Fl-1960, il-Kunsill iddeċieda li l-kontribuzzjonijiet tal-persunal ma jitwarrbux f’fond tal-pensjoni reali, iżda minflok ikunu kkreditati lill-baġit tal-UE fil-mument meta dawn jinġabru u jintefqu f’konformità mad-deċiżjonijiet tal-awtorità baġitarja, jiġifieri ma jkunux assenjati għal xi qasam ta’ politika partikolari.

Fl-istess ħin, il-Kunsill iddeċieda li s-sehem mill-kontribuzzjoni ta’ min iħaddem ma jinġabarx. Minflok, l-istituzzjonijiet tal-UE ħadu l-impenn li jħallsu l-benefiċċji tal-pensjonijiet futuri (li għandhom jitħallsu mill-baġit tal-Unjoni) meta l-impjegati jirtiraw. Għalkemm ma hemm l-ebda fond ta’ investiment proprju, l-ammont li kieku kien jinġabar minn fond bħal dan jitqies li ġie investit fil-bonds fit-tul tal-Istati Membri u huwa rifless fl-obbligazzjoni tal-pensjoni li hija rreġistrata fil-kontijiet annwali tal-Unjoni Ewropea.

Billi l-Istati Membri jiggarantixxu bi sħab il-ħlas tal-benefiċċji skont l-Artikolu 83 tar-Regolamenti tal-Persunal u l-Artikolu 4(3) tat-Trattat dwar l-Unjoni Ewropea, il-baġit qiegħed jissellef dawn il-flus mill-membri tal-iskema, bi skambju għal garanzija biex jitħallsu benefiċċji futuri.

4.1.2.Il-ħolqien ta’ fond tal-pensjoni proprju

Fl-2012, il-Kummissjoni esplorat erba’ possibbiltajiet għall-istabbiliment ta’ fond tal-pensjoni proprju għall-istituzzjonijiet tal-UE 14 . Kull għażla kienet tinvolvi diversi spejjeż skont it-tranżizzjoni prevista. Madankollu, fl-2013, meta qabel fuq ir-riforma tal-2014 tar-Regolamenti tal-Persunal, il-koleġiżlatur iddeċieda li jżomm il-prinċipju ta’ fond tal-pensjoni nozzjonali għall-istituzzjonijiet tal-UE.

Biex jinħoloq fond tal-pensjoni proprju, il-baġit tal-UE jkollu jittrasferixxi parti mill-obbligazzjoni tal-PSEO fil-fond. Madankollu, il-valur attwali tal-obbligazzjoni, kif ikkalkolat fuq il-bażi tal-aħħar rati tal-imgħax, ma huwiex favorevoli ħafna għal din il-mossa. Barra minn hekk, il-ħolqien ta’ fond tal-pensjoni proprju neċessarjament iżid in-nefqa annwali tal-pensjoni u jnaqqas id-dħul għall-baġit tal-UE. Għalhekk, fid-dawl tad-disponibbiltajiet attwali skont il-qafas finanzjarju pluriennali (QFP), approċċ bħal dan ma huwiex fattibbli. Barra minn hekk, anki jekk jinħoloq fond tal-pensjoni proprju, il-volatilità tas-swieq finanzjarji tista’ tqajjem dubji dwar l-opportunità li tiġi investita r-riżerva ta’ fond bħal dan.

4.2.Il-popolazzjoni tal-PSEO

4.2.1.Persunal attiv

4.2.1.1.Evoluzzjoni tal-persunal

Fil-Ftehim Interistituzzjonali tat-2 ta’ Diċembru 2013 15 , l-istituzzjonijiet tal-UE qablu dwar tnaqqis ta’ 5 % tal-karigi fil-pjanijiet ta’ stabbiliment rispettivi. Fl-2017, il-Qorti Ewropea tal-Awdituri (QEA) kkonfermat li l-istituzzjonijiet u l-aġenziji kollha tal-UE implimentaw it-tnaqqis ta’ 5 % tal-persunal bejn l-2013 u l-2017, għalkemm b’xi dewmien 16 .

Fl-istess ħin, kif diġà ġie osservat mill-QEA fl-2017, l-awtorità baġitarja tat karigi u krediti ġodda għar-reklutaġġ ta’ aġenti kuntrattwali lill-istituzzjonijiet, lill-korpi u lill-aġenziji fil-qafas tal-proċedura baġitarja annwali. Dawn il-karigi saru disponibbli l-aktar biex jaqdu l-kompiti addizzjonali mogħtija lill-istituzzjonijiet tal-UE (dan jispjega ż-żieda sinifikanti fl-għadd ta’ karigi mogħtija lill-aġenziji), u l-adeżjoni tal-Kroazja.

Għalhekk, filwaqt li l-persunal tal-Kummissjoni naqas bi ftit bejn l-2014 u l-2021, il-popolazzjoni attiva ġenerali tal-istituzzjonijiet tal-UE żdiedet minn 58 567 għal 66 120 (l-Anness 6). Iż-żieda tirriżulta prinċipalment mill-aġenziji eżekuttivi u deċentralizzati u mill-Impriżi Konġunti bħala riżultat tad-deċiżjonijiet meħuda mill-awtorità baġitarja biex jiġu estiżi ċerti oqsma ta’ attività (pereż. il-Frontex) u biex jinħolqu korpi u aġenziji ġodda, pereż. il-Bord Uniku ta’ Riżoluzzjoni 17 , l-Uffiċċju tal-Prosekutur Pubbliku Ewropew 18 , l-Awtorità Ewropea tax-Xogħol 19 u l-Aġenzija Eżekuttiva Ewropea għas-Saħħa u għall-Qasam Diġitali 20 .

4.2.1.2.Kompożizzjoni tal-persunal

Iż-żieda fil-persunal osservata fl-aġenziji u f’korpi oħrajn taffettwa l-kompożizzjoni ġenerali tal-persunal tal-UE billi żżid is-sehem ta’ aġenti temporanji u kuntrattwali. Dawn l-aġenti, irrispettivament min-natura tal-kuntratti tagħhom, għandhom rimunerazzjoni aktar baxxa u/jew avvanz aktar bil-mod fil-karriera mill-uffiċjali. Barra minn hekk, l-aġenti kuntrattwali jaqgħu fi skeda tas-salarju differenti mill-uffiċjali 21 u d-drittijiet tal-pensjoni tagħhom jiġu aġġustati f’każ li jsiru uffiċjali 22 .

Iż-żewġ riformi tal-2004 u tal-2014 tar-Regolamenti tal-Persunal kienu soġġetti għal dispożizzjonijiet tranżizzjonali minħabba li d-drittijiet tal-pensjoni huma protetti fl-ambitu tal-prinċipju tad-drittijiet miksuba. Bl-istabbiliment tar-regoli ta’ tranżizzjoni fl-ambitu tal-Anness XIII tar-Regolamenti tal-Persunal, il-koleġiżlatur ippreveda l-eżistenza konġunta ta’ tliet gruppi ta’ membri tal-persunal. Pereżempju, filwaqt li r-rata tad-dovuti annwali awtomatika hija ta’ 1,8 % għall-persunal impjegat mill-1 ta’ Jannar 2014, din hija ta’ 1,9 % għal persunal li ġie impjegat bejn l-1 ta’ Mejju 2004 u l-31 ta’ Diċembru 2013 u ta’ 2 % għal dawk li ġew impjegati sat-30 ta’ April 2004.

Mir-riforma tal-2014 tar-Regolamenti tal-Persunal, is-sehem tal-membri attivi tal-persunal li jaqgħu taħt ir-regoli ta’ qabel l-2004 naqas minn 36 % għal 19 % filwaqt li l-membri attivi tal-persunal li jaqgħu taħt ir-regoli fis-seħħ mill-1 ta’ Jannar 2014 jirrappreżentaw kważi 48 % tal-membri attivi tal-persunal (l-Anness 7).

Fl-istess ħin, u minħabba li l-membri tal-persunal impjegati wara r-riformi tal-2004 u tal-2014 tar-Regolamenti tal-Persunal huma l-aktar membri attivi riċenti tal-PSEO, is-sehem tas-snin tal-pensjoni li kisbu – li se jkunu soġġetti għal kundizzjonijiet aktar stretti definiti fl-2004 u fl-2014 – qed jiżdied progressivament. Dan jirrappreżenta 60 % tad-drittijiet kollha tal-pensjoni miksuba. Meta wieħed iħares biss lejn id-drittijiet tal-pensjoni miksuba skont ir-regoli ta’ wara l-2014, dawn diġà jirrappreżentaw parti sinifikanti (22 %) tas-sehem ġenerali tas-snin tal-pensjoni miksuba mill-membri tal-persunal (l-Annessi 8 u 9). Dan jirrifletti l-effetti dejjem jiżdiedu li se jkollhom ir-riformi tal-2004 u tal-2014 tar-Regolamenti tal-Persunal fil-futur.

4.2.2.Pensjonanti

Mill-2014, l-għadd ta’ pensjonanti żdied. Dan jirriżulta mill-espansjoni progressiva tal-forza tax-xogħol tal-UE li tirriżulta mit-tkabbir suċċessiv tal-UE u mit-twessigħ tal-kompiti tagħha. Fit-terminu itwal, hekk kif il-persunal attiv jirtira, l-għadd ta’ pensjonanti neċessarjament se jiżdied. Iż-żieda se tkompli sakemm l-għadd ta’ persuni rtirati f’sena partikolari jibbilanċja l-għadd ta’ dawk attivi 23 .

L-Anness 10 juri li bħalissa l-koorti ta’ qabel l-2004 jirrappreżenta kważi 90 % tal-pensjonanti kollha, filwaqt li l-pensjonanti li jaqgħu fir-regoli ta’ qabel l-2014 jirrappreżentaw 9 %, u dawk li jaqgħu fir-regoli ta’ wara l-2014 jirrappreżentaw biss 1 % tal-pensjonanti kollha. Għal dawn tal-aħħar, dan huwa normali billi – bħala regola ġenerali – huma meħtieġa 10 snin ta’ servizz biex persuna tkun intitolata għal pensjoni tal-PSEO  24 . Minn dan isegwi li b’mod progressiv, il-membri tal-persunal li jaqgħu fir-regoli ta’ wara l-2004 u ta’ wara l-2014 se jirrappreżentaw il-maġġoranza tal-persunal irtirat, l-effetti taż-żewġ riformi suċċessivi introdotti mill-koleġiżlatur fl-2004 u fl-2014 se jkomplu jissaħħu b’mod sinifikanti.

4.3.Dħul mill-PSEO

Mill-2014, il-PSEO ġġenerat dħul ta’ EUR 5,8 biljun għall-baġit tal-UE. Dawn huma magħmula mill-kontribuzzjonijiet tal-pensjoni tal-membri tal-persunal, mit-trasferimenti tad-drittijiet tal-pensjoni tal-membri tal-persunal, mill-kontribuzzjonijiet imħallsa mir-Renju Unit fuq il-bażi tal-Ftehim dwar il-Ħruġ 25 u mill-kontribuzzjonijiet minn aġenziji deċentralizzati u minn organizzazzjonijiet internazzjonali li jieħdu sehem fil-programmi tal-UE.

4.3.1.Rikavati tar-rata ta’ kontribuzzjoni tal-pensjonijiet

Il-kontribuzzjonijiet tal-pensjonijiet huma bbażati fuq kalkoli attwarji magħmula mill-Eurostat biex jiġi żgurat il-bilanċ attwarju u s-sostenibbiltà tal-PSEO. Filwaqt li f’ċerti Stati Membri, l-impjegati taċ-ċivil nazzjonali ma jħallsu l-ebda rata ta’ kontribuzzjoni tal-pensjoni, il-PCR imħallsa mill-persunal tal-UE tirrappreżenta waħda mill-ogħla rati meta mqabbla mal-iskemi tal-pensjoni fis-servizzi pubbliċi tal-Istati Membri (l-Annessi minn 17 sa 20).

Il-kontribuzzjoni kkalkolata tagħmel li l-membri tal-persunal jiffinanzjaw terz tad-drittijiet tal-pensjoni miksuba kull sena. Ir-rikavati minn dawn il-kontribuzzjonijiet ma humiex assenjati għal xi linja baġitarja speċifika u jintużaw biex jiffinanzjaw il-politiki tal-UE, filwaqt li jillimitaw il-kontribuzzjonijiet meħtieġa mill-Istati Membri għall-appoġġ tal-istituzzjonijiet tal-UE biex iwettqu l-ħafna kompiti li ġew fdati bihom. Mill-2014, dan jammonta għal EUR 4,2 biljun li ntużaw biex jiffinanzjaw il-baġit. Fl-2022 biss, dan kien jirrappreżenta aktar minn EUR 500 miljun.

4.3.2.Dħul mit-trasferimenti tad-drittijiet tal-pensjoni tal-membri tal-persunal

Il-membri tal-persunal għandhom il-possibbiltà li jittrasferixxu skont il-PSEO d-drittijiet tal-pensjoni li kisbu bi skemi tal-pensjoni jew fondi tal-pensjoni nazzjonali 26 . Dan jinvolvi t-trasferiment ta’ kapital li jirrappreżenta d-drittijiet li jkunu kisbu permezz tal-attivitajiet professjonali tagħhom imwettqa qabel ma daħlu fis-servizz tal-UE. Il-kapital ekwivalenti għad-drittijiet tal-pensjoni jiġi ttrasferit mill-iskema tal-pensjoni oriġinali u jiġi kkonvertit fil-PSEO bħala snin ta’ servizz tal-pensjoni. Dawn is-snin ta’ servizz tal-pensjoni jitqiesu fil-kalkolu tal-pensjoni tal-irtirar bil-PSEO. Dawn it-trasferimenti jirrappreżentaw il-kapital kollu (3/3), li jikkorrispondi għall-ekwivalenti attwarju tad-drittijiet tal-pensjoni rikonoxxuti bil-PSEO. Dawn wasslu għall-baġit tal-UE ta’ EUR 950 miljun mill-2014 u bħala medja jġibu aktar minn EUR 100 miljun fis-sena għall-baġit tal-UE (l-Anness 12).

4.3.3.Kontribuzzjonijiet mir-Renju Unit

Il-Ftehim dwar il-Ħruġ 27 jipprevedi li l-partijiet kontraenti qablu li r-Renju Unit għandu jkun responsabbli għas-sehem tiegħu tal-obbligazzjoni tal-Unjoni għad-drittijiet tal-pensjoni u għad-drittijiet għal benefiċċji oħrajn relatati mal-impjiegi dovuti fi tmiem il-perjodu ta’ tranżizzjoni jew qabel it-tmiem tal-perjodu ta’ tranżizzjoni fil-31 ta’ Diċembru 2020. Din l-obbligazzjoni tkopri d-drittijiet tal-pensjoni tal-membri kollha tal-persunal irrispettivament min-nazzjonalità tagħhom.

Il-Ftehim dwar il-Ħruġ jipprevedi wkoll li r-Renju Unit għandu jikkontribwixxi kull sena għall-pagamenti netti magħmula mill-baġit tal-Unjoni lil kull benefiċjarju. Inkella, skont l-aħħar paragrafu tal-Artikolu 142(6), ir-Renju Unit jista’ jitlob li jħallas l-obbligazzjoni pendenti fil-31 ta’ Diċembru ta’ sena partikolari.

Fir-rigward tal-pensjonijiet tal-persunal, ir-Renju Unit mar għall-għażla tal-pagamenti annwali. Fl-2022, ir-Renju Unit ikkontribwixxa EUR 235 miljun għall-pagamenti netti li saru mill-baġit tal-Unjoni għall-pensjonijiet ta’ persunal tal-UE preċedenti. Fis-snin li ġejjin, ir-Renju Unit se jkompli jiffinanzja s-sehem tiegħu tan-nefqa fuq il-pensjonijiet ikkalkulat bħala perċentwal fiss tan-nefqa fuq il-pensjonijiet li qed tevolvi.

Billi jiżgura r-rikonoxximent tar-Renju Unit tal-obbligazzjoni tiegħu għad-drittijiet tal-pensjoni miksuba mill-persunal kollu tal-UE qabel tmiem il-perjodu ta’ tranżizzjoni, il-Ftehim dwar il-Ħruġ jiggarantixxi l-kontribuzzjoni kontinwa tar-Renju Unit għall-fond nozzjonali tal-PSEO. Għalhekk, id-deċiżjoni tar-Renju Unit li joħroġ mill-UE ma tinvolvi l-ebda spiża addizzjonali għall-baġit tal-UE.

4.3.4.Kontribuzzjonijiet minn aġenziji mhux sussidjati u terzi persuni li jieħdu sehem fil-programmi tal-UE

F’konformità mal-Artikolu 83a, il-paragrafu 2 tar-Regolamenti tal-Persunal, l-aġenziji li ma jirċevux sussidju mill-baġit ġenerali tal-Unjoni Ewropea għandhom iħallsu f’dak il-baġit l-ammont kollu tal-kontribuzzjonijiet meħtieġa għall-finanzjament tal-iskema.

Barra minn hekk, il-programmi u l-azzjonijiet tal-UE xi drabi jinvolvu l-parteċipazzjoni ta’ partijiet terzi (pereż. pajjiżi terzi). Minħabba li l-parteċipazzjoni tagħhom tista’ tirrikjedi r-reklutaġġ ta’ membri addizzjonali tal-persunal għall-implimentazzjoni ta’ programmi, il-Kummissjoni tiżgura li l-kontribuzzjonijiet ta’ partijiet terzi għall-baġit ikopru wkoll is-sehem ta’ min iħaddem tad-drittijiet futuri tal-pensjoni tal-persunal.

Dawn il-kontribuzzjonijiet jiġġeneraw dħul għall-baġit filwaqt li jiżguraw li jkunu ġew koperti l-ispejjeż futuri tal-pensjonijiet. Mill-2014, dan jirrappreżenta kważi EUR 400 miljun ta’ dħul għall-baġit (l-Anness 13).

4.4.Nefqa mill-PSEO

Matul l-ewwel snin tal-implimentazzjoni tagħha, l-iskema tal-pensjonijiet tal-UE pproduċiet – f’termini baġitarji – dħul nett, jiġifieri l-kontribuzzjonijiet minn persunal attiv li jikseb id-drittijiet tal-pensjoni kienu akbar mill-benefiċċji li nkisbu minn għadd limitat ta’ persuni rtirati. Id-dħul mill-iskema tal-pensjonijiet kien magħmul minn kontribuzzjonijiet tal-persunal u ta’' min iħaddem; dawn tal-aħħar ma tħallsux f’fond, iżda ġew riflessi biss fl-obbligazzjoni tal-pensjoni. B’dan il-mod, il-baġit tal-UE kien effettivament qed jissellef il-flus mingħand il-membri fl-iskema bil-garanzija li fil-futur iħallas il-benefiċċji.

L-Anness 14 juri l-evoluzzjoni tan-nefqa fuq il-pensjonijiet bejn l-2014 u l-2022. Dan żdied b’medja ta’ 6,2 % fis-sena. Dan jinkludi l-effetti tal-aġġornament tar-remunerazzjoni u tal-pensjonijiet.

Il-livell attwali tan-nefqa fuq il-pensjonijiet jirrifletti fil-biċċa l-kbira l-ħlas tad-drittijiet tal-pensjoni miksuba skont ir-regoli ta’ qabel l-2004, li japplikaw għal 90 % tal-pensjonanti. Dawn ir-regoli pprovdew b’mod partikolari għal rata ta’ dovuti tal-pensjoni annwali ta’ 2 %, l-applikazzjoni ta’ koeffiċjenti ta’ korrezzjoni tal-pensjoni, salarji tad-dħul ogħla, età tal-irtirar aktar baxxa u persunal magħmul minn uffiċjali u aġenti temporanji biss. L-Anness 15 juri l-evoluzzjoni tal-ispejjeż marbuta mal-ħlas tal-koeffiċjenti ta’ korrezzjoni tal-pensjoni.

Is-sehem tal-pensjonanti li jaqgħu fil-kamp ta’ applikazzjoni tar-regoli ta’ wara l-2004 żdied b’mod kostanti. Filwaqt li l-membri tal-persunal reklutati wara l-1 ta’ Mejju 2004 iżda qabel l-1 ta’ Jannar 2014 attwalment jirrappreżentaw 9 % tal-pensjonanti, il-membri tal-persunal attivi kollha li jaqgħu f'dawn ir-regoli se jkollhom intitolamenti tal-pensjoni aktar baxxi bħala riżultat ta’ gradi ta’ dħul aktar baxxi, rata tad-dovuti aktar baxxa u n-nuqqas ta’ koeffiċjenti tal-pensjoni. Dan se jiġi rifless bis-sħiħ fin-nefqa fuq il-pensjonijiet ladarba dawn il-membri tal-persunal jilħqu l-età tal-irtirar. Fit-tul, l-iffrankar li jirriżulta mir-riforma tal-2004 se jkompli jiżdied, sa biljun fis-sena fit-tul 28 .

Minħabba li 1 % biss tal-pensjonanti attwali jaqgħu fir-regoli ta’ wara l-2014, il-bidliet strutturali introdotti mill-koleġiżlatur fl-2014 (jiġifieri ż-żieda fl-età tal-irtirar, ir-rata tad-dovuti tal-pensjoni annwali mnaqqsa, it-tnaqqis fil-progressjoni tal-karriera, il-ħolqien ta’ skala ta’ salarju aktar baxxa għall-impjiegi segretarjali u klerikali) se jimmaterjalizzaw bis-sħiħ biss meta l-membri tal-persunal li jaqgħu fir-regoli tal-pensjoni ta’ wara l-2014 jieħdu l-pensjonijiet tagħhom. Dan ifisser li l-effetti fuq in-nefqa fuq il-pensjonijiet tal-bidliet strutturali l-aktar reċenti introdotti mill-koleġiżlatur fl-2014 se jiżdiedu gradwalment hekk kif sehem dejjem akbar ta’ membri tal-persunal reklutati wara l-2014 se jsiru pensjonanti 29 .

Fid-dawl ta’ dan ta’ hawn fuq, in-nefqa fuq il-pensjonijiet se tkompli tikber u dan jirrifletti ż-żieda fil-forza tax-xogħol tal-istituzzjonijiet tal-UE, speċjalment fl-aġenziji jew permezz tal-ħolqien ta’ korpi ġodda. Fl-istess ħin, iż-żewġ riformi suċċessivi tar-Regolamenti tal-Persunal diġà ġġeneraw iffrankar sinifikanti. Dan l-iffrankar se jkompli jiżdied hekk kif il-membri tal-persunal li jaqgħu fir-regoli aktar stretti tal-2004 u tal-2014 se jibdew jirċievu pensjoni.

4.5.Obbligazzjoni tal-PSEO

Il-PSEO hija fond nozzjonali (virtwali) b’benefiċċji definiti. Minħabba li ma hemm l-ebda fond ta’ investiment proprju, l-ammont li kieku kien jinġabar minn fond bħal dan jitqies li ġie investit fil-bonds fit-tul tal-Istati Membri u huwa rifless fl-obbligazzjoni tal-pensjoni li hija rreġistrata fil-kontijiet annwali tal-Unjoni Ewropea.

Il-kontijiet annwali tal-UE jitħejjew skont ir-regoli kontabilistiċi bbażati fuq Standards ta’ Kontabilità Aċċettati Internazzjonalment (IPSAS 39), l-ogħla standards disponibbli. Iċ-ċifra għall-obbligazzjonijiet tal-pensjoni u obbligazzjonijiet oħrajn ta’ wara l-impjieg ippreżentati fil-karta bilanċjali tal-UE tirrappreżenta l-valutazzjoni attwarja, fil-valuri monetarji attwali, tal-obbligazzjoni tal-UE li tħallas il-pensjonijiet futuri u drittijiet oħrajn, miksuba mill-persunal tagħha (attivitajiet, persuni invalidi u persuni rtirati). Din il-valutazzjoni hija bbażata fuq il-pagamenti previsti li għandhom isiru mill-baġit tal-UE għall-persuni rtirati attwali u futuri fuq perjodu ta’ żmien ta’ diversi deċennji.

Wieħed mill-varjabbli ewlenin meħtieġa għall-kalkoli huwa r-Rata ta’ Skont Proprja. Din ir-rata hija meħtieġa biex jiġi kkalkolat il-valur preżenti tal-benefiċċji futuri mistennija. Din ir-rata tal-imgħax tinkiseb mir-rati tal-imgħax nominali u mir-rati tal-inflazzjoni 30 , u b’hekk tinvolvi sors doppju ta’ volatilità. F’dak ir-rigward, iż-żidiet reċenti tal-obbligazzjoni rriżultaw kważi kompletament mit-tnaqqis qawwi tar-rata tal-imgħax fit-tul użata biex jiġu vvalutati l-obbligazzjonijiet tal-benefiċċji tal-impjegati: ir-rata ta’ skont reali dan l-aħħar saret saħansitra negattiva, li jfisser li kwalunkwe ammont partikolari jiswa aktar illum milli fil-futur. Pereżempju, fl-2021, ir-rata ta’ skont proprja għaddiet minn -0,2 % għal -0,8 %. Din il-bidla wasslet għal żieda fl-obbligazzjoni ta’ kważi
EUR 14-il biljun (+14,5 %) għal EUR 126 biljun
31 .

Iċ-ċifra għall-obbligazzjonijiet tal-pensjoni u obbligazzjonijiet oħrajn ta’ wara l-impjieg ippreżentati fil-karta bilanċjali tal-UE għandha skopijiet ta’ kontabilità ċari. Madankollu, din hija ċifra volatili ħafna soġġetta għall-kundizzjonijiet tas-suq u għall-fluttwazzjonijiet makroekonomiċi. Għalhekk, għandha valur limitat f’termini tal-valutazzjoni tal-implikazzjonijiet baġitarji reali tal-PSEO.

Il-konklużjoni ta’ hawn fuq hija spjegata aktar biż-żewġ kunsiderazzjonijiet li ġejjin:

L-ewwel nett, ta’ min jinnota li filwaqt li r-rata tal-imgħax tħalli impatt sinifikanti fuq il-valur attwali tal-obbligazzjonijiet futuri tal-pensjonijiet tal-UE kif ippreżentati fil-karta bilanċjali f’mument partikolari, din ma tbiddilx l-ammont ta’ pensjonijiet li se jkollhom jitħallsu – din tirrifletti biss il-valur attwali ta’ dawk l-ammonti f’mument partikolari fiż-żmien.

It-tieni, stima tal-istess obbligazzjoni kkalkolata bl-użu tar-rata tal-imgħax applikabbli għall-kalkolu tal-PCR skont ir-Regolamenti tal-Persunal tnaqqas drastikament l-ammont u l-volatilità tal-obbligazzjoni kif ikkalkolata skont l-istandards tal-IPSAS 39. Pereżempju, billi tiġi applikata r-rata tal-imgħax użata għall-kalkolu tal-PCR (+2,7 % fl-2021), li hija kkalkolata f’konformità mar-Regolamenti tal-Persunal 32 u skont l-aħjar standards attwarji fuq medja mobbli fit-tul fuq 30 sena tar-rati tal-imgħax ta’ dejn pubbliku fit-tul tal-Istati Membri, il-valur ipotetiku tal-obbligazzjoni tal-pensjoni bis-suppożizzjonijiet attwarji tal-valutazzjoni tal-pensjonijiet jonqos minn EUR 126 biljun għal EUR 62,6 biljun, tnaqqis ta’ aktar minn nofs (l-Anness 16).

5.Ir-riformi tal-2004 u l-2014 tar-Regolamenti tal-Persunal u l-effetti tagħhom

5.1.Ir-riformi tal-2004 u l-2014 tar-Regolamenti tal-Persunal

Bir-riforma tal-2004 tar-Regolamenti tal-Persunal, il-koleġiżlatur iddeċieda li jagħmel bidliet strutturali sinifikanti fir-regoli statutorji li jaffettwaw direttament l-intitolamenti għall-pensjonijiet. B’mod partikolari, dan kien jinvolvi:

-żieda fl-età tal-irtirar minn 60 għal 63 sena,

-livelli aktar baxxi ta’ salarju ta’ dħul – b’mod partikolari għall-amministraturi,

-rata tad-dovuti tal-pensjoni annwali aktar baxxa (1,9 %),

-kategorija ġdida tal-persunal bi skala ta’ salarju aktar baxxa (aġenti kuntrattwali),

-it-tneħħija gradwali tal-koeffiċjenti ta’ korrezzjoni applikabbli għall-pensjonijiet.

Bir-riforma tal-2014 tar-Regolamenti tal-Persunal, il-koleġiżlatur iddeċieda li jintroduċi bidliet addizzjonali li jaffettwaw b’mod sinifikanti l-intitolamenti tal-pensjonijiet tal-membri tal-persunal reklutati wara l-2014. Dan kien jinvolvi b’mod partikolari:

-żieda fl-età tal-irtirar għal 66 sena,

-rata tad-dovuti tal-pensjoni annwali aktar baxxa (1,8 %),

-perspettivi tal-karriera mnaqqsa biex tiġi żgurata korrelazzjoni aktar b’saħħitha bejn il-grad u l-funzjoni,

-kategorija ġdida tal-persunal bi skala ta’ salarju aktar baxxa (impjiegi segretarjali u klerikali).

Fl-istess ħin, il-koleġiżlatur ippreveda skala ta’ salarju aktar favorevoli għall-membri tal-persunal reklutati qabel l-2014, bħala kumpens għal-limitazzjonijiet tal-karrieri introdotti fl-okkażjoni tar-riforma tal-2014 tar-Regolamenti tal-Persunal 33 . Fl-aħħar nett, minbarra dawn il-bidliet strutturali, il-koleġiżlatur ippreveda l-iffriżar (fl-2011, fl-2013 u fl-2014) u aġġustament aktar baxx (fl-2012) tal-pagi u tal-pensjonijiet.

5.2.L-effetti tar-riformi tal-2004 u tal-2014 tar-Regolamenti tal-Persunal

5.2.1.Effetti fuq il-funzjonament tal-iskema

Iż-żewġ riformi suċċessivi tar-Regolamenti tal-Persunal iġġeneraw u se jkomplu jiġġeneraw iffrankar sinifikanti. Dawn ir-riformi poġġew lill-PSEO fuq quddiem nett meta mqabbla mal-iskemi tal-pensjonijiet nazzjonali. Fl-istess ħin, ir-riformi tal-PSEO kellhom impatt fuq l-attraenza tal-istituzzjonijiet tal-UE, billi l-PSEO tibqa’ karatteristika essenzjali tal-pakkett ta’ remunerazzjoni tal-impjegati taċ-ċivil tal-UE 34 .

5.2.1.1.L-aġġornament regolari tal-parametri ewlenin

Il-PSEO hija skema flessibbli ħafna mmonitorjata kontinwament, billi s-suppożizzjonijiet ewlenin bħall-PCR u l-età tal-irtirar jiġu vvalutati u aġġornati regolarment jekk ikun meħtieġ.

Il-PCR tiġi vvalutata kull sena u tiġi aġġornata jekk ikun meħtieġ. Kif muri fl-Anness 17, Stat Membru wieħed biss għandu sistema bbażata fuq aġġornament awtomatiku tal-PCR kif inhu l-każ fil-PSEO. Stati Membri oħrajn jaġġornawha biss b’mod okkażjonali, fuq il-bażi ta’ deċiżjonijiet politiċi, aktar milli kalkoli attwarji jew ma jaġġornawha xejn.

Dan il-mekkaniżmu ta’ aġġornament awtomatiku jiżgura li l-livell ta’ kontribuzzjoni mħallas mill-persunal tal-UE (jiġifieri 10,1 % fl-2022) huwa dak meħtieġ biex jiġu ffinanzjati d-drittijiet tal-pensjonijiet dovuti tagħhom, li jiżgura l-bilanċ attwarju tal-PSEO. Il-livell ta’ kontribuzzjonijiet huwa fost l-ogħla meta mqabbel ma’ dak imħallas mill-impjegati taċ-ċivil nazzjonali (l-Anness 18). Barra minn hekk, f’diversi Stati Membri, l-impjegati taċ-ċivil ma humiex soġġetti għal xi kontribuzzjoni biex jiffinanzjaw il-benefiċċji tal-pensjonijiet tagħhom.

F’konformità mal-Artikolu 77 tar-Regolamenti tal-Persunal, l-età tal-irtirar tal-persunal tal-UE tista’ tiġi aġġustata. Kif jidher fl-Anness 19, Stat Membru wieħed biss għandu età tal-irtirar ogħla mill-UE. Fil-biċċa l-kbira tal-Istati Membri, l-età tal-irtirar tiġi aġġornata, jew regolarment jew okkażjonalment, biex tirrifletti l-iżviluppi fl-istennija tal-għomor. Fl-istess ħin, għal terz tal-Istati Membri tal-UE, din ir-rabta ma teżistix. L-Anness 20 juri li l-PSEO mhux biss għandu tali rabta fis-seħħ, iżda wkoll li r-regoli li jirregolaw il-PSEO jipprevedu aġġornamenti regolari tal-età tal-irtirar, kif issottolinjat fil-Kapitolu 3.4. Dawn l-aġġornamenti huma bbażati fuq tabelli ta’ mortalità, u b’hekk jorbtu l-età tal-irtirar mal-istennija tal-għomor 35 .

Dawn l-adattamenti jiżguraw li l-PSEO tibqa’ sostenibbli filwaqt li tikkorrispondi għall-ogħla standards meta mqabbel mal-iskemi tal-pensjoni mill-Istati Membri.

5.2.1.2.Ir-rwol tal-PSEO fl-attraenza tal-istituzzjonijiet tal-UE

Meta jiġu offruti impjieg, professjonisti b’esperjenza bi kwalifiki għoljin li jkunu qed ifittxu impjieg x’aktarx jagħtu aktar kunsiderazzjoni lir-rwol tal-pensjonijiet fil-pakkett tal-għotja milli jagħtu kandidati iżgħar. Barra minn hekk, il-kandidati li preċedentement ħadmu fis-settur privat jew pubbliku kisbu xi esperjenza u sensittività fit-trattament ta’ kwistjonijiet ta’ rtirar. Il-kandidati li jitilqu mis-sistema li magħha huma familjari biex jidħlu f’sistema ġdida u mhux familjari x’aktarx li jagħtu attenzjoni partikolari għal din is-sistema l-ġdida. Fl-aħħar, il-kandidati li jiffavorixxu s-sigurtà (tal-impjieg) u karriera prevedibbli fuq l-ogħla salarji f’impjieg anqas stabbli se jagħtu aktar attenzjoni lill-iskema tal-pensjoni. Il-membru tal-persunal tipiku li għadu kif ġie rreklutat mill-istituzzjonijiet tal-UE x’aktarx li jaqa’ f’waħda minn dawn il-kategoriji. Billi l-istituzzjonijiet tipikament jimpjegaw persuni li bdew il-karriera tagħhom xi mkien ieħor u li għalhekk għandhom medja ta’ 36 sena, l-importanza tas-sistema tal-pensjonijiet fl-attraenza ġenerali tal-pakkett tal-għotja hija meqjusa li hija ogħla minn, pereżempju, għall-impjegati pubbliċi fl-Istati Membri li jibdew il-karrieri tagħhom fl-amministrazzjoni pubblika immedjatament wara li jiggradwaw. Il-fatt li kważi r-rekluti l-ġodda kollha ħadmu xi mkien ieħor qabel tingħata prova ta’ dan ukoll mill-għadd ta’ trasferimenti tad-drittijiet tal-pensjonijiet miksuba barra mill-istituzzjonijiet tal-UE lejn il-PSEO.

5.2.2.Iffrankar li jirriżulta mir-riformi tal-2004 u tal-2014 tar-Regolamenti tal-Persunal

Iż-żewġ riformi tar-Regolamenti tal-Persunal introduċew bidliet strutturali li jaffettwaw l-intitolamenti tal-pensjonijiet bħaż-żidiet tal-età tal-irtirar, it-tnaqqis tar-rata tad-dovuti, il-limitazzjonijiet tal-livelli ta’ remunerazzjoni billi jnaqqsu l-perspettivi tal-karriera u jintroduċu skali tas-salarju ġodda (pereż. aġenti kuntrattwali u segretarji u skrivani), u s-soppressjoni tal-koeffiċjenti tal-pensjonijiet. Dawn il-bidliet kienu soġġetti għal dispożizzjonijiet tranżizzjonali minħabba li d-drittijiet tal-pensjonijiet huma protetti skont il-prinċipju tad-drittijiet miksuba. Ir-riforma tal-2014 tar-Regolamenti tal-Persunal imponiet ukoll l-iffriżar li affettwa direttament il-livell tal-pensjonijiet.

L-effetti strutturali tar-riforma tal-2004 u tal-2014 tar-Regolamenti tal-Persunal jistgħu jiġu apprezzati aħjar jekk wieħed iħares lejn il-popolazzjoni attiva, minħabba li 9 % biss tal-benefiċjarji attwali jaqgħu fir-regoli ta’ wara l-2004 u 1 % biss huma koperti mir-regoli ta’ wara l-2014 (l-Anness 10).

Mill-2004, id-drittijiet medji tal-pensjonijiet dovuti mill-benefiċjarji ta’ pensjoni naqsu minn 64,6 % fl-2004 għal 61,7 % fl-aħħar tal-2021 (l-Anness 21). Dan irriżulta minn żewġ affarijiet:

·ir-rati aktar baxxi tad-dovuti introdotti fl-2004 u fl-2014 u

·l-età medja dejjem tiżdied tad-dħul fis-servizz ċivili tal-UE.

Minħabba li s-sehem tal-pensjonanti li jaqgħu fir-regoli ta’ wara l-2004 u ta’ wara l-2014 se jiżdied fil-futur, it-tnaqqis qawwi osservat tad-drittijiet medji tal-pensjonijiet miksuba mill-benefiċjarji se jkompli jonqos matul is-snin li ġejjin. Barra minn hekk, it-tneħħija gradwali progressiva tal-koeffiċjenti ta’ korrezzjoni tal-pensjonijiet se tirriżulta wkoll f’iffrankar konsiderevoli 36 (l-Anness 15).

Dawn il-bidliet strutturali huma riflessi wkoll mill-evoluzzjoni tas-salarju bażiku medju meta wieħed jidħol fis-servizz (-15 %) u meta jitlaq mis-servizz (-11 %). Dan jikkonferma l-effetti estensivi taż-żewġ riformi tar-Regolamenti tal-Persunal fuq il-livell ta’ remunerazzjoni, li jaffettwaw direttament il-livell ta’ benefiċċji tal-pensjoni li jirriżultaw.

Minbarra dawn il-bidliet strutturali, ir-riforma tal-2014 tar-Regolamenti tal-Persunal waħedha diġà ġġenerat madwar EUR 1,5 biljun fi ffrankar min-nefqa fuq il-pensjonijiet meta mqabbla mal-istimi baġitarji ta’ qabel ir-riforma tal-2014 tar-Regolamenti tal-Persunal (l-Anness 22).

Fl-aħħar, lil hinn mil-loġika attwarja li fuqha hija bbażata l-PSEO, mill-perspettiva baġitarja huwa interessanti li wieħed jinnota li l-livell attwali tal-ispiża tas-servizz (jiġifieri EUR 1 700 miljun li jirrappreżentaw it-total tal-valuri attwarji tad-drittijiet miksuba mill-membri kontribwenti tal-persunal f’sena partikolari) huwa anqas mil-livell attwali tan-nefqa fuq il-pensjoni (EUR 2 400 miljun). Fi kliem ieħor, jekk id-drittijiet kollha tal-pensjonijiet miksuba mill-membri tal-persunal fl-2022 jiġu riżervati f’fond tal-pensjoni ffinanzjat, dan ikun ammont aktar baxx minn dak tan-nefqa tal-pensjonijiet fi prezzijiet attwali. Dan huwa eżempju ieħor tal-effettività taż-żewġ riformi suċċessivi tar-Regolamenti tal-Persunal. B’riżultat ta’ dan, għalkemm aktar membri tal-persunal qed jiksbu drittijiet tal-pensjoni, huma qed jiksbu intitolamenti tal-pensjoni ferm aktar baxxi.

6.Konklużjonijiet

Is-sistema stabbilita mill-Anness XII tar-Regolamenti tal-Persunal żgurat l-implimentazzjoni korretta tar-regoli billi l-PSEO tinżamm f’bilanċ attwarju, billi tiġi pprovduta stabbiltà għall-persunal u jiġi żgurat fluss kontinwu progressiv tal-kontribuzzjonijiet tal-pensjonijiet fil-baġit tal-UE.

Filwaqt li l-PSEO għadha ma laħqitx il-maturità, kemm ir-riformi tal-2004 kif ukoll dawk tal-2014 tar-Regolamenti tal-Persunal diġà qed jiġġeneraw iffrankar sinifikanti fuq l-infiq attwali tal-pensjonijiet. Indikaturi ewlenin bħal-livell medju tad-drittijiet tal-pensjonijiet miksuba kif ukoll is-salarji bażiċi medji, jikkonfermaw li l-bidliet strutturali introdotti mir-riformi tal-2004 u tal-2014 tar-Regolamenti tal-Persunal se jiġġeneraw progressivament iffrankar dejjem akbar u b’hekk inaqqsu b’mod konsiderevoli l-evoluzzjoni tal-impatt tal-PSEO fuq il-baġit tal-UE.

Meta mqabbla mas-sistemi tal-pensjonijiet applikabbli għall-impjegati taċ-ċivil tal-Istati Membri, il-PSEO tibqa’ fuq quddiem nett fil-biċċa l-kbira tal-indikaturi ewlenin bħall-età tal-irtirar, il-livell tal-kontribuzzjonijiet tal-pensjonijiet, l-aġġustament għall-evoluzzjoni tal-parametri attwarji. Fl-istess ħin, l-effetti tar-riformi tal-2004 u tal-2014 tar-Regolamenti tal-Persunal fuq il-PSEO jippreżentaw sfida għall-attraenza tas-servizz pubbliku tal-UE.

Fid-dawl tal-valutazzjoni tal-bilanċ attwarju u tal-implikazzjonijiet baġitarji tal-PSEO minn dan ir-rapport, il-Kummissjoni, f’konformità mal-Artikolu 14(1) tal-Anness XII tar-Regolamenti tal-Persunal, ma tqisx li huwa xieraq f’dan l-istadju li jiġi propost li jiġi emendat l-Anness XII tar-Regolamenti tal-Persunal.



Annessi

Anness 1: Parametri statutorji ewlenin użati fil-valutazzjoni attwarja tal-2022

Parametru

Valur

Sors ġuridiku

Ir-Regolamenti tal-Persunal fis-seħħ mill-01.01.2014

Data ta’ referenza għall-popolazzjoni (l-Anness XII, l-Artikolu 1)

31.12.2021

Età massima tal-irtirar (l-Artikolu 52 tar-Regolamenti tal-Persunal)

65 sena (awtomatikament għall-uffiċjali fis-servizz qabel l-01.01.2014), 66 sena (awtomatikament għall-uffiċjali ġodda) jew 67 sena (b'talba tal-persunal) jew sa 70 sena (b’mod eċċezzjonali)

Età normali tal-irtirar (l-Artikolu 52 tar-Regolamenti tal-Persunal u l-Artikolu 22 tal-Anness XIII)

Minn 60 sa 66 sena skont is-snin ta’ servizz, l-età u data tad-dħul fis-servizz

Età minima tal-irtirar (l-Artikolu 52(b) tar-Regolamenti tal-Persunal, l-Artikolu 9 tal-Anness VIII, u l-Artikolu 23 tal-Anness XIII)

58

Kategorija u grad għaċ-ċifra minima ta’ sussistenza (l-Artikolu 6 tal-Anness VIII)

Grad AST 1 Skala 1

Pensjoni massima tal-irtirar (l-Artikolu 77 tar-Regolamenti tal-Persunal)

70 % tas-salarju bażiku fid-data tal-irtirar

Rata tad-dovuti annwali (l-Artikolu 77 tar-Regolamenti tal-Persunal u l-Artikolu 21 tal-Anness XIII)

1,8 % (uffiċjali fis-servizz mill-01.01.2014)

1,9 % (uffiċjali fis-servizz mill-01.05.2004), jew 2 % (uffiċjali fis-servizz qabel l-01.05.2004), tas-salarju bażiku

Bonus għal uffiċjali fis-servizz wara l-età normali tal-irtirar (l-Artikolu 5 tal-Anness VIII u l-Artikolu 22 tal-Anness XIII)

1,5 % (uffiċjali ġodda) jew 2,5 % tas-salarju bażiku, jew 5 % tal-ammont tad-drittijiet tal-pensjoni akkwistati fl-età ta’ 60 sena, skont id-data tad-dħul fis-servizz, is-snin ta’ servizz fl-1 ta’ Mejju 2004 u l-età tal-uffiċjal fl-1 ta’ Mejju 2004

Penali għall-irtirar bikri (l-Artikolu 9 tal-Anness VIII u l-Artikolu 22, il-punt 3 tal-Anness XIII)

3,5 % (uffiċjali ġodda) jew 1,75 % (uffiċjali preċedenti) tal-pensjoni, għal kull sena qabel l-età normali tal-irtirar

Pensjoni minima tal-irtirar (l-Artikolu 77 tar-Regolamenti tal-Persunal)

4 % taċ-ċifra minima ta’ sussistenza għal kull sena ta’ servizz

Allowance tal-invalidità (l-Artikolu 78 tar-Regolamenti tal-Persunal)

70 % tas-salarju bażiku

Allowance minimu tal-invalidità (l-Artikolu 78 tar-Regolamenti tal-Persunal)

100 % taċ-ċifra minima ta’ sussistenza

Pensjoni tar-riverżjoni (l-Artikolu 79 tar-Regolamenti tal-Persunal u l-Artikolu 18 tal-Anness VIII)

60 % tal-pensjoni tal-irtirar

Pensjoni minima tar-riverżjoni (l-Artikolu 79 tar-Regolamenti tal-Persunal u l-Artikolu 18 tal-Anness VIII)

35 % tal-aħħar salarju bażiku

Pensjoni tas-superstiti (l-Artikolu 79 tar-Regolamenti tal-Persunal u l-Artikolu 17 tal-Anness VIII)

60 % tal-pensjoni tal-irtirar li kienet tkun pagabbli lil uffiċjal

Pensjoni minima tas-superstiti (l-Artikolu 79 tar-Regolamenti tal-Persunal)

35 % tal-aħħar salarju bażiku jew iċ-ċifra minima ta’ sussistenza

Anness 2: Silta mit-Tabelli tal-Ħajja tal-UE

Età

Irġiel

Nisa

Probabbiltà li persuna tmut fl-età ta’ x

Stennija tal-għomor

Probabbiltà li persuna tmut fl-età ta’ x

Stennija tal-għomor

40

0,00048544

44

0,00037417

46

45

0,00083219

39

0,00064198

42

50

0,00140284

34

0,00110248

37

55

0,00236193

30

0,00189106

32

60

0,00398328

25

0,00324918

27

65

0,00643074

21

0,00558535

23

70

0,01187197

16

0,00864211

19

75

0,02186383

13

0,01470951

14

80

0,04016587

9

0,02826935

11

85

0,07362888

6

0,05429701

8

90

0,12980921

4

0,10494797

5

Anness 3: Suppożizzjonijiet demografiċi għall-valutazzjoni attwarja tal-2022

Suppożizzjonijiet demografiċi

Valutazzjoni tal-2022

Tabella tal-Ħajja (membri b’saħħithom)

2018 EULT

Tabella tal-Ħajja (membri b’diżabilità)

2018 EULT + 3 snin

Tabella tal-Invalidità

Tabella tal-Invalidità tal-UE għall-2018

Stat Ċivili Attwali

Stat Ċivili fid-data ta’ evalwazzjoni

Probabbiltà li persuna tkun miżżewġa fid-data tal-irtirar, għall-irġiel

82,0 %

Probabbiltà li persuna tkun miżżewġa fid-data tal-irtirar, għan-nisa

52,0 %

Differenza medja fl-età bejn uffiċjal u s-sieħeb/is-sieħba tiegħu/tagħha

sena

Età Preżunta tal-Irtirar

Minn 63 sa 66

Dħul

Dħul għall-2018

Koeffiċjent tat-Tagħbija għall-pensjonijiet tal-orfni u tal-konjuġi divorzjati

9,6 %

Anness 4: Suppożizzjonijiet finanzjarji għall-valutazzjoni attwarja tal-2022

Suppożizzjonijiet finanzjarji

Valutazzjoni tal-2022

Skeda tas-Salarji

Fis-seħħ mill-01.07.2021

Durata

23 sena

Rata ta’ Skont Nominali (NDR)

4,6 %

Rata tal-Inflazzjoni (IR)

1,8 %

Rata ta’ Skont Reali (RDR)

2,7 %

Tkabbir Ġenerali fis-Salarju (GSG)

-0,1 %

Rivalwazzjoni Ġenerali tal-Pensjoni (GPR)

-0,1 %

Avvanz Individwali tas-Salarju (ISP)

Tabella tal-ISP għall-2018

Koeffiċjenti ta’ Korrezzjoni (l-Artikolu 3.5 tal-Anness XI u l-Artikolu 20 tal-Anness XIII)

0,0 %

Anness 5: Kontribuzzjoni tal-pensjoni skont is-sena bejn l-2014 u l-2022

 

2014

2015

2016

2017

2018

2019

2020

2021

2022

Spiża tas-servizz għall-irtirar/Salarji bażiċi

28,3 %

28,2 %

27,2 %

27,1 %

27,4 %

26,9 %

27,8 %

27,5 %

28,6 %

Spiża tas-servizz għall-invalidità/Salarji bażiċi

1,2 %

1,3 %

1,3 %

1,3 %

1,6 %

1,7 %

1,7 %

1,7 %

1,7 %

Spiża tas-servizz għall-mewt/Salarji bażiċi

0,9 %

0,9 %

0,9 %

0,9 %

0,9 %

0,6 %

0,6 %

0,6 %

0,6 %

Spiża tas-Servizz/Salarji bażiċi

30,4 %

30,5 %

29,5 %

29,3 %

30,0 %

29,2 %

30,2 %

29,8 %

30,9 %

PCR ikkalkolata (sehem tal-persunal)

10,1 %

10,2 %

9,8 %

9,8 %

10,0 %

9,7 %

10,1 %

9,9 %

10,3 %

PCR applikata (sehem tal-persunal)

10,1 %

10,1 %

9,8 %

9,8 %

10,0 %

9,7 %

10,1 %

10,1 %

10,1 %

Anness 6: L-evoluzzjoni tal-persunal attiv fl-istituzzjonijiet tal-UE

Popolazzjoni attiva

2014

2015

2016

2017

2018

2019

2020

2021

Bidla

Il-Parlament

9 074

9 464

9 872

9 959

10 305

9 895

9 987

10 357

14,1 %

Il-Kunsill

2 985

3 026

3 162

3 162

3111

3 160

3 206

3 246

8,7 %

Il-Kummissjoni

31 015

31 359

30 889

30 448

30 765

31 248

31 115

31 005

0,0 %

QĠUE

2 101

2 244

2 273

2 311

2 293

2 327

2 303

2 309

9,9 %

QEA

902

931

934

938

943

943

945

950

5,3 %

KESE

741

739

739

738

737

737

730

727

-1,9 %

KtR

542

558

548

552

560

569

560

574

5,9 %

Ombudsman

73

73

76

82

78

75

73

74

1,4 %

EDPS

58

62

63

72

96

96

114

128

120,7 %

SEAE

1 988

1 983

2 035

2 016

2 095

2 149

2 234

2 326

17,0 %

Istituzzjonijiet oħrajn  
u aġenziji deċentralizzati

9 088

9 595

10 337

11 007

11 646

12 272

13 093

14 424

58,7 %

Total

58 567

60 034

60 928

61 285

62 629

63 471

64 360

66 120

12,9 %

Anness 7: Il-popolazzjoni attiva tal-PSEO skont il-koorti tad-dovuti

Rata tad-Dovuti

2013

2014

2015

2016

2017

2018

2019

2020

2021

1,8 %

0

6 438

11 280

14 972

18 250

21 618

25 280

27 815

31 671

1,9 %

36 985

32 226

29 827

27 978

25 998

24 896

23 217

22 576

21 653

2,0 %

20 989

19 903

18 928

17 978

17 037

16 115

14 974

13 969

12 796

Totali

57 974

58 567

60 034

60 928

61 285

62 629

63 471

64 360

66 120

Anness 8: Għadd ta’ snin tal-irtirar imwettqa minn diversi koorti ta’ persunal attiv

Rata tad-Dovuti

2014

2015

2016

2017

2018

2019

2020

2021

2022

1,8 %

0

19 476

39 805

57 077

81 336

107 914

139 360

161 680

198 108

1,9 %

209 337

221 645

238 790

253 246

300 615

320 554

326 371

343 688

354 837

2,0 %

464 097

453 572

440 828

436 240

433 162

424 344

403 373

387 626

365 418

Total

673 435

694 693

719 423

746 564

815 113

852 812

869 105

892 995

918 363

Anness 9: Sehem tas-snin tal-irtirar imwettqa minn diversi koorti ta’ persunal attiv

Rata tad-Dovuti

2014

2015

2016

2017

2018

2019

2020

2021

2022

1,8 %

0,00 %

2,8 %

5,5 %

7,7 %

10,0 %

12,7 %

16,0 %

18,1 %

21,6 %

1,9 %

31,1 %

31,9 %

33,2 %

34,0 %

36,9 %

37,6 %

37,6 %

38,5 %

38,6 %

2,0 %

68,9 %

65,3 %

61,3 %

58,4 %

53,1 %

49,8 %

46,4 %

43,4 %

39,8 %

Anness 10: Għadd ta’ pensjonanti għal kull koorti ta’ reklutaġġ (qabel l-2004, wara l-2004 u wara l-2014)

Data tar-reklutaġġ

Għadd ta’ pensjonanti

Sehem ta’ pensjonanti

Sat-30.04.2004

18 291

89,6 %

Mill-01.05.2004

1 883

9,2 %

Mill-01.01.2014

236

1,2 %

Anness 11: Rikavati mill-kontribuzzjonijiet tal-pensjoni tal-membri tal-persunal

Sena

Rikavati mill-kontribuzzjonijiet tal-pensjoni tal-membri tal-persunal  
(f’miljuni ta’ EUR)

2014

348,7

2015

425,6

2016

441,8

2017

449,2

2018

473,6

2019

485,7

2020

504,4

2021

535,2

2022

553,4

Total

4 217,6

Anness 12: Kontribuzzjonijiet minn trasferimenti ta’ drittijiet tal-pensjoni

Sena

Kontribuzzjonijiet minn trasferimenti ta’ drittijiet tal-pensjoni (f’miljuni ta’ EUR)

2014

109,4

2015

108,6

2016

139,5

2017

127,6

2018

107,3

2019

89,1

2020

82,3

2021

89,8

2022

95,5

Total

949,1

Anness 13: Kontribuzzjonijiet mill-aġenziji deċentralizzati u organizzazzjonijiet internazzjonali

Sena

Kontribuzzjonijiet minn aġenziji deċentralizzati u organizzazzjonijiet internazzjonali (f’miljuni ta’ EUR)

2014

17,6

2015

22,5

2016

40,3

2017

42,4

2018

52,6

2019

50,6

2020

52,1

2021

56,4

2022

58,2

Total

392,7

Anness 14: Nefqa totali fuq il-pensjonijiet

Sena

Nefqa fuq il-pensjonijiet  
(f’miljuni ta’ EUR)

2014

1 485,1

2015

1 541,2

2016

1 660,5

2017

1 774,5

2018

1 854,6

2019

1 964,5

2020

2 064,4

2021

2 173,2

2022

2 398,1

Żieda medja

+6,2 %

Anness 15: In-nefqa fuq il-pensjonijiet li tirriżulta mill-koeffiċjenti ta’ korrezzjoni tal-pensjonijiet

Sena

Parti min-nefqa fuq il-pensjonijiet li tikkorrispondi għall-koeffiċjenti ta’ korrezzjoni  
(f’miljuni ta’ EUR)

2014

39,3

2015

37,8

2016

42,5

2017

45,4

2018

47,2

2019

48,4

2020

50,7

2021

56,6

2022

57,6

Total

425,7

Anness 16: Obbligazzjoni tal-pensjonijiet bis-suppożizzjonijiet attwarji tal-valutazzjoni tal-pensjonijiet fil-31 ta’ Diċembru 2021

Suppożizzjoni tal-PCR

Obbligazzjoni tal-PSEO  
(f’miljuni ta’ EUR)

Impatt  
(f’miljuni ta’ EUR)

Impatt

Suppożizzjonijiet attwarji tal-obbligazzjoni

126 068

 

 

Suppożizzjonijiet attwarji tal-valutazzjoni

62 613

-63 455

-50,3 %

Anness 17: Aġġornament tar-rata tal-kontribuzzjoni tal-pensjonijiet fl-Istati Membri tal-UE 37

Il-kundizzjonijiet li taħthom jiġu aġġornati r-rati tal-kontribuzzjoni tal-pensjonijiet

Stati Membri

Aġġornamenti regolari bbażati fuq kalkoli attwarji

NL, EU

Aġġornamenti okkażjonali bbażati fuq kalkoli attwarji

AT, BE, HU, LU, PT, SI

Aġġornamenti regolari bbażati fuq deċiżjonijiet politiċi

FI, PL

Aġġornamenti okkażjonali bbażati fuq deċiżjonijiet politiċi

BG, FR, HR, IE, LT, LV, MT, RO, SE

L-ebda aġġornament

CY, CZ, DE, ES, EE, DK, IT, SK

Anness 18: Ir-rati tal-kontribuzzjoni tal-pensjonijiet applikabbli fl-Istati Membri fl-2021 38  

Anness 19: L-età normali tal-irtirar applikabbli għall-impjegati pubbliċi fl-2021 39

Anness 20: Aġġornament tal-età tal-irtirar fid-dawl tal-istennija tal-għomor 40

Rabta bejn l-età tal-irtirar u l-istennija tal-għomor

Stati Membri

L-ebda rabta

AT, BG, DE, EE, ES, HU, LU, RO, SE

Rabta dgħajfa: aġġornamenti okkażjonali

BE, CZ, FR, HR, IE, LT, LV, MT, PL, SI

Rabta b’saħħitha: Aġġornament regolari

CY, DK, EL, FI, IT, NL, PT, SK, EU

Anness 21: Evoluzzjoni tad-drittijiet medji tal-pensjonijiet dovuti mill-pensjonanti

Anness 22: Iffrankar fuq in-nefqa fuq il-pensjonijiet li jirriżulta mill-miżuri tal-2014 li jaffettwaw l-iskeda tas-salarji

Sena

Iffrankar li jirriżulta mill-miżuri tar-riforma tal-2014 tar-Regolamenti tal-Persunal li jaffettwaw l-iskeda tas-salarji (miljuni)

2011

24,9

2012

34,2

2013

59,6

2014

95,1

2015

116,6

2016

129,2

2017

141,4

2018

150,1

2019

162,0

2020

172,5

2021

184,0

2022

214,7

Total

1 484,4

(1)      Il-benefiċċji li għandhom jitħallsu bil-PSEO huma stipulati fit-Titolu V, il-Kapitolu 3, u fl-Anness VIII tar-Regolamenti tal-Persunal. Il-benefiċċji tal-PSEO jinkludu pensjonijiet tal-irtirar, trasferimenti tad-drittijiet għall-pensjoni, għotjiet għat-terminazzjoni tal-impjieg, pensjonijiet tas-superstiti u gratifiki għall-invalidità.
(2)      Ara pereżempju l-Kawża F-105/05, Wils vs il-Parlament, il-paragrafu 85, u l-Kawża T-439/09, Purvis vs il-Parlament, il-paragrafu 45.
(3)          L-Artikolu 83(2) tar-Regolamenti tal-Persunal.
(4)      Il-31 ta’ Diċembru tas-sena n.
(5)      Il-PCR tiġi kkalkolata skont il-metodu tal-“kreditu ta’ unità previst”, kif preskritt mill-Istandard Internazzjonali tal-Kontabilità tas-Settur Pubbliku IPSAS 39 “Benefiċċji tal-impjegati”. It-total tal-valuri attwarji tad-drittijiet miksuba minn membri tal-persunal li jikkontribwixxu (fil-prattika attwarja msejjaħ “l-ispiża tas-servizz”) huwa mqabbel mat-total annwali tas-salarji/allowances bażiċi tagħhom sabiex tiġi kkalkolata r-rata ta’ kontribuzzjoni.
(6)      It-total tal-valuri attwarji tad-drittijiet miksuba mill-membri kontribwenti tal-persunal (fil-prattika attwarja msejjaħ “spiża tas-servizz”).
(7)      L-Artikolu 13, il-paragrafu 2, tal-Anness XII tar-Regolamenti tal-Persunal.
(8)      L-Artikolu 13, il-paragrafu 4, tal-Anness XII tar-Regolamenti tal-Persunal.
(9)      L-attwarji jwettqu kalkoli paralleli indipendenti tal-PCR tal-PSEO u jagħtu opinjoni attwarja, li tista’ tkun jew “mhux kwalifikata” jew “kwalifikata” (din tal-aħħar isseħħ meta r-riżultati tal-attwarji jkunu differenti mir-riżultati tal-Eurostat b’aktar mil-livell limitu ta’ 3 % ta’ materjalità ttollerat). Fil-każ tar-rapporti ta’ valutazzjoni tal-PSEO kollha maħruġa bejn l-2014 u l-2022, l-attwarji taw opinjoni “mhux kwalifikata”.
(10)      It-tabelli tal-ħajja prospettivi użati mill-Eurostat jikkorrispondu għall-aħjar prattiċi attwarji billi jinkludu bidliet futuri fil-mortalità billi jqisu l-bidliet osservati u mbassra fil-mortalità għall-popolazzjoni tal-PSEO tul il-ħajja tagħha.
(11)      Xi drabi msejħa “suppożizzjonijiet attwarji ekonomiċi”.
(12)      L-Artikoli 10 u 11 tal-Anness XII tar-Regolamenti tal-Persunal.
(13)      Rapport tal-Kummissjoni lill-Parlament Ewropew u lill-Kunsill skont l-Artikolu 77 tar-Regolamenti tal-Persunal – COM(2021) 94.
(14)      Rapport mill-Kummissjoni lill-Parlament Ewropew u lill-Kunsill dwar l-Iskema tal-Pensjoni tal-Uffiċjali Ewropej u ta’ Aġenti Oħra tal-Unjoni Ewropea, COM(2012) 37 final.
(15)      Il-Ftehim Interistituzzjonali tat-2 ta’ Diċembru 2013, bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba.
(16)      Rieżami tal-każijiet Rapidu tal-Qorti Ewropea tal-Awdituri dwar l-implimentazzjoni tat-tnaqqis ta’ 5 % tal-karigi tal-persunal.
(17)      Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010.
(18)      Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”).
(19)      Ir-Regolament (UE) 2019/1149 tal-Parlament Ewropew u tal-Kunsill tal-20 ta’ Ġunju 2019 li jistabbilixxi Awtorità Ewropea tax-Xogħol, li jemenda r-Regolamenti (KE) Nru 883/2004, (UE) Nru 492/2011, u (UE) 2016/589 u li jħassar id-Deċiżjoni (UE) 2016/344.
(20)      Il-biċċa l-kbira tal-aġenziji deċentralizzati jew jinħolqu mill-Kunsill fuq il-bażi tal-Artikolu 352 tat-Trattat dwar il-Funzjonament tal-Unjoni Ewropea, jew mill-Parlament u mill-Kunsill fuq il-bażi ta’ dispożizzjoni speċifika tat-Trattat. Bħalissa, 35 aġenzija deċentralizzata ġew stabbiliti fuq din il-bażi, għal perjodu ta’ 40 sena.
(21)      L-Artikolu 93 tas-CEOS.
(22)      L-Artikolu 3(d) tal-Anness VIII tar-Regolamenti tal-Persunal jistabbilixxi li s-snin tal-irtirar tal-Aġenti Kuntrattwali li aktar tard isiru uffiċjali jridu jiġu kkalkolati fuq il-bażi tal-proporzjon bejn l-aħħar salarju bażiku riċevut bħala membru tal-persunal kuntrattwali u l-ewwel salarju bażiku riċevut bħala uffiċjal. Fi kliem ieħor, id-drittijiet tal-pensjoni miksuba minn Aġenti Kuntrattwali li jsiru uffiċjali huma anqas mill-persunal reklutat bħala uffiċjali mill-ewwel jum.
(23)      Din tikkorrispondi għal waħda mid-definizzjonijiet ta’ maturità għal skema tal-pensjoni.
(24)      Il-1 % tal-pensjonanti koperti mir-regoli ta’ wara l-2014 jirrappreżentaw dawk li jew laħqu l-età tal-irtirar filwaqt li għandhom anqas minn 10 snin ta’ servizz jew dawk li, filwaqt li jkunu lestew mill-anqas 10 snin ta’ servizz, biddlu l-kuntratt u – b’riżultat ta’ dan – waqgħu fir-regoli ta’ wara l-2014.
(25)      Il-Ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika 2019/C 384 I/01.
(26)      L-Artikoli 11 u 12 tal-Anness VIII tar-Regolamenti tal-Persunal.
(27)      Ara l-Artikoli 142(2) u 142(6) tal-Ftehim dwar il-Ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika 2019/C 384 I/01.
(28)      L-istudju tal-Eurostat tal-2010 dwar l-implikazzjonijiet fit-tul għall-baġit tal-ispejjeż tal-pensjonijiet.
(29)      Biex jieħdu pensjoni skont ir-Regolamenti tal-Persunal, il-membri tal-persunal għandhom ikunu affiljati għal mill-anqas 10 snin jew jilħqu l-età tal-irtirar waqt li jkunu fis-servizz.
(30)      Aspettattivi tas-suq f’termini ta’ rendiment tal-bonds tal-gvern, flimkien ma’ aspettattivi fir-rigward tal-inflazzjoni.
(31)      Il-Kapitolu 2.9 “Obbligazzjonijiet – Pensjonijiet u benefiċċji oħrajn tal-impjegati” tal-Kontijiet annwali konsolidati tal-Unjoni Ewropea.
(32)      L-Artikolu 10 tal-Anness XII tar-Regolamenti tal-Persunal.
(33)      L-Artikolu 30 tal-Anness XIII tar-Regolamenti tal-Persunal.
(34)      Ara r-Rapport Speċjali nru 15/2019 tal-Qorti tal-Awdituri: Implimentazzjoni tal-pakkett ta’ riformi tal-persunal tal-2014 fil-Kummissjoni - Iffrankar kbir iżda mhux mingħajr konsegwenzi għall-persunal.
(35)      Il-Eurostat uża tabelli tal-ħajja prospettivi. It-Tabelli tal-Ħajja prospettivi tal-UE żviluppati mill-Eurostat jinkorporaw xejra ta’ żieda kontinwa fl-istennija tal-għomor fuq 20 sena.
(36)      Mill-2014, il-koeffiċjenti ta’ korrezzjoni applikati għall-pensjonijiet kellhom spiża ta’ EUR 400 miljun. L-eliminazzjoni gradwali progressiva tagħhom se tirrappreżenta ffrankar sinifikanti fil-futur.
(37)      Id-data f’din it-tabella hija pprovduta mir-rappreżentanti tal-Istati Membri fil-Grupp ta’ Ħidma tal-Artikolu 83.
(38)      It-tabelli tal-Anness 18 jirreferu għad-data sottomessa mill-Istati Membri fil-forma ta’ skedi tal-pajjiżi għar-rapport tal-Kummissjoni tal-2021 dwar il-popolazzjoni li qed tixjieħ (ir-Rapport dwar it-Tixjiħ tal-2021: Proġettazzjonijiet Ekonomiċi u Baġitarji għall-Istati Membri tal-UE (2019-2070) mħejjija mid-DĠ ECFIN). Barra minn hekk, kull sena, l-Istati Membri tal-UE jipprovdu lill-Eurostat b’data dwar ir-rata tal-kontribuzzjoni tal-pensjonijiet rispettiva tagħhom: billi dik id-data tinġabar f’firxiet ta’ valuri, it-tabella tirrapporta l-valur medjan tal-medda fejn meħtieġ.
(39)      Id-data f’din it-tabella hija pprovduta mir-rappreżentanti tal-Istati Membri fil-Grupp ta’ Ħidma tal-Artikolu 83.
(40)      Id-data f’din it-tabella hija pprovduta mir-rappreżentanti tal-Istati Membri fil-Grupp ta’ Ħidma tal-Artikolu 83.