L_202500920MT.000101.fmx.xml

ANNESS

L-Anness tar-Regolament ta’ Implimentazzjoni (UE) 2015/1998 huwa emendat kif ġej:

(1)

fil-lista fid-Dokument Mehmuż 3-B, jitħassru l-entrati li ġejjin:

“Greenland, fir-rigward tal-ajruport Kangerlussuaq

Guernsey

Isle of Man

Jersey

L-Istat ta’ Iżrael, fir-rigward tal-Ajruport Internazzjonali Ben Gurion ”;

(2)

fil-lista fid-Dokument Mehmuż 4-B, jitħassru l-entrati li ġejjin:

“Greenland, fir-rigward tal-ajruport Kangerlussuaq

Guernsey

Isle of Man

Jersey

L-Istat ta’ Iżrael, fir-rigward tal-Ajruport Internazzjonali Ben Gurion ”;

(3)

fil-lista fid-Dokument Mehmuż 5-A, jitħassru l-entrati li ġejjin:

“Greenland, fir-rigward tal-ajruport Kangerlussuaq

Guernsey

Isle of Man

Jersey ”;

(4)

fil-Kapitolu 6, jiżdiedu l-punti 6.0.7 u 6.0.8 kif ġej:

“6.0.7

Għall-finijiet ta’ dan l-Anness, “relazzjoni kummerċjali” tfisser l-assoċjazzjoni bejn persuni fiżiċi jew ġuridiċi involuti fi ftehim li jinvolvi t-twettiq ta’ operazzjonijiet bħat-twassil, l-aċċettazzjoni, l-ipproċessar, l-immaniġġar, it-tagħbija, il-ħatt u t-trasport ta’ merkanzija bl-ajru jew posta bl-ajru.

6.0.8

Għall-finijiet ta’ dan l-Anness, “relazzjoni kummerċjali stabbilita” tfisser:

(a)	relazzjoni kummerċjali stabbilita qabel l-1 ta’ Settembru 2024; jew

(b)

relazzjoni kummerċjali stabbilita wara l-1 ta’ Settembru 2024, fejn l-aġent regolat ikun talab, kiseb u żamm l-informazzjoni jew id-dokumentazzjoni li ġejja mingħand it-trasportatur jew l-ispeditur, jew mingħand id-destinatarju li jħallas il-merkanzija, kif applikabbli:

—	l-informazzjoni personali, kummerċjali jew korporattiva, inkluż l-isem, l-indirizz, in-numru tat-telefown u l-indirizz tal-posta elettronika;

—	l-informazzjoni dwar il-pagamenti, bħal kont bankarju jew numru tal-karta ta’ kreditu traċċabbli;

—	in-numru tal-VAT, iċ-ċertifikat ta’ reġistrazzjoni tal-kumpanija, jekk applikabbli;

—	ftehim kuntrattwali.”

(5)

fil-Kapitolu 6, il-punti 6.3.2.1 u 6.3.2.2 huma sostitwiti b’dan li ġej:

“6.3.2,1

Meta jaċċetta kwalunkwe kunsinna, aġent regolat għandu:

(a)	jistabbilixxi jekk l-entità li mingħandha jkun irċieva l-kunsinna hijiex aġent regolat jew speditur magħruf jew l-ebda wieħed minn dawk;

(b)	jeżamina l-parti ta’ barra ta’ kwalunkwe kunsinna riċevuta, inklużi l-konsolidazzjonijiet, għal sinjali ta’ interferenza, tbagħbis jew kwalunkwe anomalija li tista’ tqajjem suspett.

6.3.2.2

L-aġent regolat għandu jitlob lill-persuna li twassal kwalunkwe kunsinna biex tippreżenta karta tal-identità, passaport, liċenzja tas-sewqan jew dokument ieħor, li jkunu jinkludu ritratt tiegħu jew tagħha u li jkunu nħarġu jew li huma rikonoxxuti minn awtorità nazzjonali. Il-karta jew id-dokument għandhom jintużaw biex tkun stabbilita l-identità tal-persuna li twassal il-kunsinni.

In-nuqqas ta’ preżentazzjoni ta’ dokument validu li jistabbilixxi l-identità tal-persuna li twassal il-kunsinni għandu jirriżulta fir-rifjut u fl-immarkar tal-kunsinni u tad-dokumentazzjoni ta’ akkumpanjament f’konformità mal-punt 6.1.3, jew fl-obbligu li jiġu applikati d-dispożizzjonijiet addizzjonali stabbiliti fl-Anness tad-Deċiżjoni ta’ Implimentazzjoni C(2015) 8005.”;

(6)

fil-Kapitolu 6, il-punt 6.8.3.2 huwa sostitwit b’dan li ġej:

“6.8.3.2

Il-merkanzija u l-posta li jinġarru lejn l-Unjoni għandhom jiġu skrinjati permezz ta’ wieħed mill-mezzi u l-metodi elenkati fil-punt 6.2.1 skont standard li jkun biżżejjed biex jiġi żgurat b’mod raġonevoli li dawn ma jkun fihom l-ebda oġġett ipprojbit. Mill-1 ta’ Jannar 2026 ACC3 jew RA3 jistgħu jiġu approvati għall-użu ta’ klieb għall-individwazzjoni tal-isplussivi (EDD, explosive detection dogs) għall-iskrinjar tal-merkanzija u tal-posta destinati għall-Unjoni biss jekk matul il-proċess ta’ validazzjoni tas-sigurtà tal-avjazzjoni tal-UE l-awtorità xierqa jew il-validatur tas-sigurtà tal-avjazzjoni tal-UE, kif applikabbli tkun osservat il-proċess ta’ skrinjar tal-EDD u tkun ivvalutatu li jilħaq l-objettivi elenkati fil-lista ta’ kontroll stipulata fid-Dokument Mehmuż 6-M.”;

(7)

fil-Kapitolu 6, jiżdied id-Dokument Mehmuż 6-M li ġej:

“DOKUMENT MEHMUŻ 6-M

LISTA TA’ KONTROLL TAL-VALIDAZZJONI GĦALL-KLIEB GĦALL-INDIVIDWAZZJONI TAL-ISPLUSSIVI TA’ PAJJIŻI TERZI (EDD)

Noti u struzzjonijiet għall-mili

L-għan tal-validazzjoni huwa li jiġi vvalutat jekk il-programm EDD applikabbli f’pajjiż terz u l-proċess ta’ skrinjar relatat osservat f’post ACC3 jew RA3 humiex ekwivalenti għar-rekwiżiti regolatorji tal-UE, kif stabbilit fil-punt 6.8.3.2 ta’ dan l-Anness.

Din il-lista ta’ kontroll għandha tintuża esklużivament biex jiġu vvalutati u evalwati, jekk applikabbli, ir-rekwiżiti u l-operazzjonijiet li jappartjenu għall-EDD. Din ma tissostitwixxix, iżda tissupplimenta, l-obbligu eżistenti għall-validatur tal-UE li juża l-lista ta’ kontroll xierqa 6-C2 jew 6-C3 meta jwettaq il-validazzjoni tas-sigurtà tal-avjazzjoni tal-UE ta’ RA3 jew ACC3, rispettivament. Għalhekk, meta applikabbli, din il-lista ta’ kontroll għandha tkun parti integrali mir-rapport ta’ validazzjoni tas-sigurtà tal-avjazzjoni tal-UE u għandha tiġi ppreżentata lill-awtorità xierqa.

Matul il-validazzjoni tas-sigurtà tal-avjazzjoni tal-UE tal-RA3 jew tal-ACC3 fejn jintużaw l-EDD, il-mistoqsijiet 5.7 u 5.8 li jinsabu fil-lista ta’ kontroll 6-C2 u l-mistoqsijiet 7.7 u 7.8 li jinsabu fil-lista ta’ kontroll 6-C3, kif applikabbli, għandhom jiġu ssodisfati bl-użu ta’ din il-lista ta’ kontroll.

Meta timla din il-lista ta’ kontroll, jekk jogħġbok innota li jekk it-tweġiba għal kwalunkwe mistoqsija ppreżentata b’tipa grassa tkun LE, il-validazzjoni TRID tiġi vvalutata bħala RIŻULTAT NEGATTIV, sakemm il-mistoqsija ma tapplikax.

PARTI 1

Identifikazzjoni tal-operatur, tal-entità jew tal-awtorità li tuża l-EDD u tal-validatur tas-sigurtà tal-avjazzjoni tal-UE

1.1.	Id-data/i u l-post tal-validazzjoni tal-EDD

Uża l-format eżatt tad-data, bħal 01.10.2025 sa 02.10.2025

jj/xx/ssss

1.2.	Id-data tal-validazzjoni(jiet) preċedenti tal-EDD fejn applikabbli

jj/xx/ssss

1.3.	Informazzjoni dwar il-validatur tas-sigurtà tal-avjazzjoni tal-UE

Isem

Kumpanija/Organizzazzjoni/Awtorità Xierqa

Identifikatur Alfanumeriku Uniku (UAI)

Indirizz tal-posta elettronika

In-numru tat-telefon — inkluż il-kodiċi internazzjonali

1.4.	Isem l-operatur, l-entità jew l-awtorità tal-iskrinjar tal-EDD

Isem

Dettalji:

Speċifika n-natura tal-operatur, tal-entità jew tal-awtorità u pprovdi d-dettalji:

—	kumpanija privata tal-iskrinjar;

—	kumpanija regolata mill-gvern;

—	faċilità jew entità ta' skrinjar tal-gvern;

—

Oħrajn

Speċifika n-natura tal-ftehim jew il-kuntratt bejn l-entità vvalidata u l-entità li tapplika l-iskrinjar f'isimha.

In-numru tal-kumpanija (eż. numru ta’ identifikazzjoni tar-reġistru kummerċjali, fejn applikabbli)

Numru/Unità/Bini

Triq

Belt

Kodiċi postali

L-Istat (fejn ikun rilevanti)

Pajjiż

L-indirizz tal-Kaxxa Postali, fejn applikabbli

Identifikatur alfanumeriku uniku (UAI) tal-ACC3 jew tal-RA3, jekk diġà disponibbli

1.5.	Numru approssimattiv ta’ impjegati involuti f’attivitajiet tal-EDD (eż. handlers u persunal ieħor)

Numru

1.6.	L-isem u t-titlu tal-persuna responsabbli għall-iskrinjar tal-EDD

Isem

It-titolu tal-impjieg

Indirizz tal-posta elettronika

In-numru tat-telefon — inkluż il-kodiċi internazzjonali

1.7.	Dettalji tat-timijiet tal-klieb u tal-handlers li ġew approvati fil-bini li qed jiġi vvalidat.

Isem tal-EDD, tal-handler tal-kelb u n-numru tal-mikroċippa tal-EDD.

PARTI 2

Taħriġ inizjali u ċ-ċertifikazzjoni jew l-approvazzjoni tal-EDDs u tal-handlers

2.1.	L-EDDs u l-handlers tagħhom huma soġġetti għal taħriġ inizjali?

IVA jew LE

Jekk IVA, iddeskrivi l-programm ta’ taħriġ u s-suġġetti li huma koperti fil-programm ta’ taħriġ.

2.2.	Il-fornitur tal-EDD jippossjedi rekords ta’ taħriġ li jagħtu dettalji dwar it-taħriġ li jkun wettaq kull kombinazzjoni ta’ kelb u handler?

IVA jew LE

Jekk IVA, iddeskrivi l-evidenza li tingħata fir-rekords tat-taħriġ fir-rigward tat-taħriġ inizjali filwaqt li tikkummenta dwar il-frekwenza li biha t-tim (ijiet) tal-EDD jagħmlu taħriġ ta’ kontinwazzjoni.

2.3.	L-EDDs huma soġġetti għal proċess ta’ ċertifikazzjoni jew approvazzjoni fi tmiem it-taħriġ inizjali? Jekk iva, dan huwa proċess ta’ ċertifikazzjoni nazzjonali jew proċess rikonoxxut fil-livell nazzjonali?

IVA jew LE

Jekk IVA, iddeskrivi l-proċess ta’ ċertifikazzjoni sħiħ u d-dokumentazzjoni relatata li jsostnu l-valutazzjoni

2.4.	Iċ-ċertifikazzjoni jew l-approvazzjoni tinvolvi l-użu ta’ materjali fil-mira splussivi reali?

IVA jew LE

Jekk LE, jekk jogħġbok speċifika x’tip ta’ għajnuna għat-taħriġ qed tintuża

2.5.	Iċ-ċertifikazzjoni tinvolvi l-ħabi ta’ materjali fil-mira splussivi f’kunsinna tal-merkanzija reali jew simulata?

IVA jew LE

Jekk IVA, jekk jogħġbok iddeskrivi

2.6.	Tista’ tiġi pprovduta evidenza dokumentarja li turi li l-EDDs u l-handlers tagħhom għaddew mill-proċess ta’ ċertifikazzjoni, u l-validatur kellu aċċess għal dik l-informazzjoni?

IVA jew LE

Jekk IVA, jekk jogħġbok ehmeż eżempju tad-dokument

2.7.	Hemm awtorità responsabbli għall-proċess ta’ ċertifikazzjoni, eż. regolatur nazzjonali/tal-Istat?

IVA jew LE

Jekk IVA, agħti d-dettalji tal-awtorità responsabbli għall-proċess. Huwa proċess approvat mill-istat jew il-proċess ta’ ċertifikazzjoni tal-entitajiet privati stess?

2.8.	L-EDDs użati huma mħarrġa għad-detezzjoni tal-isplussivi biss u din hija limitata għall-iskrinjar tal-merkanzija u tal-posta bl-ajru, jew għal kategoriji usa’?

IVA jew LE

Jekk LE, jekk jogħġbok spjega għaliex.

2.9.	Jintużaw splussivi reali għaċ-ċertifikazzjoni tal-EDD?

IVA jew LE

Jekk LE, jekk jogħġbok spjega għaliex.

2.10.

Konklużjoni: Minħabba l-informazzjoni dwar it-taħriġ inizjali u l-proċess ta’ ċertifikazzjoni pprovduti, il-validatur huwa raġonevolment ċert li l-proċessi huma ekwivalenti għar-rekwiżiti regolatorji tal-UE? Jintużaw splussivi reali għaċ-ċertifikazzjoni tal-EDD.

IVA jew LE

Jekk LE, speċifika r-raġuni

PARTI 3

Materjal li jintuża fit-taħriġ

3.1.	Qed jintużaw diversi tipi ta’ materjali ta’ taħriġ u/jew għajnuniet għat-taħriġ tal-EDDs?

IVA jew LE

Jekk IVA, speċifika t-tipi differenti ta’ materjali u għajnuniet għat-taħriġ li qed jintużaw. Jekk jintuża materjal ta’ taħriġ, ipprovdi, pereżempju, l-awtorizzazzjoni għall-pussess tal-imsemmi materjal ta’ taħriġ.

3.2.	Il-materjali tat-taħriġ huma mġedda/aġġornati/sostitwiti ta’ spiss biex jiġi żgurat li jibqgħu effettivi u adattati għall-iskop tagħhom?

IVA jew LE

Jekk IVA, speċifika l-frekwenza li biha jinbidlu l-materjali u l-proċess biex jiġi deċiż meta jeħtieġ li jinbidlu l-materjali ta’ taħriġ.

3.3.	Il-klieb huma mħarrġa f’sitwazzjonijiet realistiċi bl-użu ta’ ħabi tipiku tal-merkanzija inkluża l-preżenza ta’ rwejjaħ tal-immaskjar?

IVA jew LE

Jekk LE, speċifika r-raġuni

3.4	Ġiet ipprovduta evidenza dokumentarja sabiex il-validatur tas-sigurtà tal-avjazzjoni tal-UE jivvaluta din il-Parti bħala ekwivalenti għar-rekwiżiti regolatorji tal-UE?

IVA jew LE

Jekk LE, speċifika r-raġuni

PARTI 4

Kontroll tal-kwalità

4.1.	L-EDDs u l-handlers tagħhom huma soġġetti għal programm estern ta’ kontroll tal-kwalità?

IVA jew LE

Jekk IVA, iddeskrivi l-programm estern ta’ kontroll tal-kwalità, inkluża l-frekwenza, u l-entità responsabbli għat-twettiq ta’ dan.

4.2.	L-entità tal-EDD għandha r-riżultati ta’ testijiet esterni ta’ kontroll tal-kwalità?

IVA jew LE

Jekk IVA, speċifika r-riżultati reċenti tat-testijiet esterni tal-assigurazzjoni tal-kwalità għal kull kombinazzjoni attiva ta’ kelb u handler.

4.3.	L-EDDs u l-handlers tagħhom huma soġġetti għal programm intern ta’ kontroll tal-kwalità kontinwu u regolari?

IVA jew LE

Jekk IVA, iddeskrivi l-programm intern ta’ kontroll tal-kwalità u l-frekwenza tiegħu.

4.4.	L-operatur, l-entità jew l-awtorità tal-EDD iżżomm rekords ta’ testijiet esterni ta’ kontroll tal-kwalità, kif applikabbli?

IVA jew LE

Jekk IVA, speċifika r-riżultati tat-testijiet esterni ta’ kwalità reċenti għal kull kombinazzjoni attiva ta’ kelb u handler.

4.5.	Konklużjoni: Il-validatur jista’ jkun ċert li kemm il-proċessi interni kif ukoll dawk esterni tal-kontroll tal-kwalità huma ekwivalenti għar-rekwiżiti tal-UE?

IVA jew LE

Jekk LE, speċifika r-raġuni

PARTI 5

Taħriġ kontinwu

5.1.	L-EDDs u l-handlers tagħhom huma soġġetti għal taħriġ kontinwu wara ċ-ċertifikazzjoni jew l-approvazzjoni?

IVA jew LE

Jekk IVA, iddeskrivi l-programm ta’ taħriġ u s-suġġetti li huma koperti fil-programm ta’ taħriġ, li jista’ jkun l-isess bħal f’ 2.1 u 2.2.

5.2.	It-taħriġ kontinwu qed isir bi frekwenza suffiċjenti biex tinżamm il-kompetenza tal-EDDs?

IVA jew LE

Jekk IVA, iddeskrivi l-frekwenza tat-taħriġ kontinwu. Idealment it-taħriġ jenħtieġ li jsir kuljum.

5.3.	Hemm xi evidenza ta’ miżuri ta’ rimedju fis-seħħ biex jirrettifikaw xi nuqqas fil-prestazzjoni waqt it-taħriġ jew l-ittestjar tal-kontroll tal-kwalità?

IVA jew LE

Jekk IVA, iddeskrivi l-proċess għall-identifikazzjoni ta’ miżuri ta’ rimedju adegwati.

5.4	Il-fornitur tal-EDD iżomm rekord sħiħ tat-taħriġ u ċ-ċertifikazzjoni ta’ kull EDD (u handler) (inkluż kwalunkwe taħriġ mill-ġdid jew ċertifikazzjoni mill-ġdid/approvazzjoni)?

IVA jew LE

Jekk LE, x’rekords ta’ taħriġ u ċertifikazzjoni jinżammu?

5.5.	Konklużjoni: Minħabba l-informazzjoni dwar it-taħriġ koninwu, il-validatur huwa raġonevolment ċert li l-proċess huwa ekwivalenti għar-rekwiżiti regolatorji tal-UE?

IVA jew LE

Jekk LE, speċifika r-raġuni

PARTI 6

Osservazzjoni tal-proċess ta’ skrinjar

6.1	Il-validatur osserva l-proċess ta’ skrinjar tal-merkanzija?

IVA jew LE

Jekk IVA, il-proċess ta’ skrinjar jikkonforma mar-rekwiżiti tal-UE?

Jekk LE, speċifika r-raġuni.

6.2.	Iddeskrivi l-benesseri ġenerali u l-attenzjoni tal-klieb. Jidhru b’saħħithom u komdi? Huma ffukati fuq il-kompitu tagħhom jew jidhru distratti?

6.3.	L-entità pprovdiet evidenza tal-protokoll ta’ riżoluzzjoni tal-allarm tal-EDD tagħha?

IVA jew LE

Jekk IVA, iddeskrivi l-proċess kollu fid-dettall.

6.4.	Konklużjoni: Il-verifika fuq il-post ipprovdiet biżżejjed evidenza li tippermetti li l-validatur ikun raġonevolment ċert li l-proċessi osservati u dokumentati juru konformità tal-iskrinjar tal-EDD mal-istandards tal-UE?

IVA jew LE

Jekk LE, speċifika r-raġuni.”

(8)

fil-Kapitolu 11, il-punt 11.0.2 huwa sostitwit b’dan li ġej:

“11.0.2

Għall-fini ta’ dan il-Kapitolu, “ċertifikazzjoni” u “ċertifikazzjoni mill-ġdid” ifissru evalwazzjoni formali u konferma mill-awtorità xierqa jew f’isimha li tindika li l-persuna wettqet b’suċċess it-taħriġ rilevanti u li l-persuna għandha l-kompetenzi meħtieġa biex twettaq il-funzjonijiet assenjati lilha f’livell aċċettabbli. Il-proċessi ta’ ċertifikazzjoni u ċertifikazzjoni mill-ġdid għandhom ikunu standardizzati fil-livell nazzjonali.”;

(9)	fil-Kapitolu 11, jitħassar il-punt 11.1.12;

(10)

fil-Kapitolu 11, il-punti 11.3.2 sa 11.3.5 huma sostitwiti bil-punti li ġejjin:

“11.3.2

Il-proċess ta’ ċertifikazzjoni mill-ġdid jew approvazzjoni inizjali għandu jinkludi:

(a)	test teoretiku jew intervista tal-bord li jivvaluta l-għarfien teoretiku tal-persuni meħtieġ biex jitwettqu l-funzjonijiet assenjati; u

(b)	test prattiku li jivvaluta l-kompetenzi meħtieġa biex jitwettqu l-funzjonijiet assenjati; u

(c)	test standardizzat tal-interpretazzjoni tal-immaġnijiet għall-persuni li joperaw tagħmir tar-raġġi X u tagħmir bl-EDS.

11.3.3

Il-proċess taċ-ċertifikazzjoni mill-ġdid jew tal-approvazzjoni mill-ġdid għandu jinkludi:

(a)	test teoretiku jew intervista tal-bord li jivvaluta l-għarfien teoretiku tal-persuni meħtieġ biex jitwettqu l-funzjonijiet assenjati; u

(b)	evalwazzjoni tal-prestazzjoni operattiva li tkopri l-funzjonijiet assenjati kollha jew test prattiku li jivvaluta l-kompetenzi meħtieġa biex jitwettqu l-funzjonijiet assenjati, kif definit mill-awtorità xierqa; u

(c)	test standardizzat tal-interpretazzjoni tal-immaġnijiet għall-persuni li joperaw tagħmir tar-raġġi X u tagħmir bl-EDS.

11.3.4

It-test teoretiku jew l-intervista tal-bord għandhom jikkonsistu f’għadd ta’ mistoqsijiet u/jew suġġetti diskussi, li jkunu biżżejjed biex jipprovdu valutazzjoni komprensiva u bir-reqqa tal-għarfien tal-kandidat.

11.3.5

It-test standardizzat tal-interpretazzjoni tal-immaġnijiet għandu jikkonsisti f’għadd ta’ immaġnijiet, f’diffikultà li tvarja, li jkunu biżżejjed biex jiġu vvalutati l-għarfien u l-ħiliet ta’ interpretazzjoni tal-kandidat fil-kategoriji kollha ta’ oġġetti pprojbiti rilevanti għall-funzjonijiet assenjati.”;

(11)

fil-Kapitolu 11, jiżdiedu l-punti 11.3.6 sa 11.3.9 kif ġej:

“11.3.6

L-awtorità xierqa tista’ tawtorizza struttur iċċertifikat involut fit-taħriġ tal-persunal tas-sigurtà biex iwettaq it-test prattiku kif imsemmi fil-punti 11.3.2 (b) u 11.3.3 (b), dment li:

(a)	il-proċedura tat-test u l-kontenut tiegħu jkunu ġew approvati mill-awtorità xierqa;

(b)	ir-riżultati tat-test ikunu preżentati lill-awtorità xierqa għall-evalwazzjoni bħala parti mill-proċess taċ-ċertifikazzjoni jew taċ-ċertifikazzjoni mill-ġdid; u

(c)	l-awtorità xierqa twettaq kontroll regolari tal-kwalità f’dan ir-rigward.

11.3.7

Bl-eċċezzjoni tal-evalwazzjoni tal-prestazzjoni operattiva li tkopri l-funzjonijiet assenjati kollha kif stabbilit fil-punt 11.3.3 (b), l-elementi kollha tal-proċessi taċ-ċertifikazzjoni u taċ-ċertifikazzjoni mill-ġdid iridu jitwettqu mill-awtorità xierqa, jew f’isimha.

L-istitut ta’ taħriġ jew simili, ingaġġat mill-awtorità xierqa biex iwettaq iċ-ċertifikazzjoni f’isimha, irid ikun kompletament indipendenti mill-operaturi u l-fornituri tas-sigurtà li jimpjegaw persunal tas-sigurtà u minn strutturi li jagħtu kwalunkwe taħriġ f’konformità mal-Kapitolu 11.2. Dan ma japplikax għall-għażla relatata mat-testijiet prattiċi indikati fil-punt 11.3.6.

11.3.8

Jekk wieħed jonqos milli jattendi jew itemm b’suċċess ċertifikazzjoni jew approvazzjoni mill-ġdid fi żmien raġonevoli, li normalment ma jaqbiżx 3 xhur, għandu jwassal sabiex id-drittijiet tas-sigurtà relatati jiġu rtirati.

11.3.9

Ir-reġistri taċ-ċertifikazzjoni jew tal-approvazzjoni għandhom jinżammu għall-persuni kollha ċertifikati jew approvati, rispettivament, tal-anqas għal tul il-kuntratt tagħhom.”;

(12)

fil-Kapitolu 11, il-punt 11.4.1, fl-aħħar tat-tieni paragrafu, tiżdied is-sentenza li ġejja:

“It-taħriġ u l-ittestjar għandhom preferibbilment jitqassmu b’mod ugwali fuq kull perjodu ta’ 6 xhur. Meta dan ma jkunx possibbli, it-taħriġ u l-ittestjar għandhom isiru fl-aħħar ta’ kull perjodu ta’ 6 xhur.”;

(13)

fil-Kapitolu 12, il-punt 12.0.1.2 huwa sostitwit b’dan li ġej:

“12.0.1.2

Għandu jkun hemm kemm test tal-aċċettazzjoni tas-sit ta’ kull biċċa tagħmir tas-sigurtà li tkun qed tiġi installata kif ukoll ittestjar ta’ rutina sussegwenti tagħha. L-ittestjar regolari għandu jitwettaq irrispettivament mill-manutenzjoni regolari u bi frekwenza li tiżgura l-identifikazzjoni f’waqtha b’mod raġonevoli ta’ kwalunkwe ħsara jew tnaqqis fil-prestazzjoni jew fil-kapaċità ta’ individwazzjoni tal-parti tat-tagħmir.”;

(14)	fil-Kapitolu 12, jitħassru l-punti 12.4.2.3 sa 12.4.2.5.