|
27.7.2021 |
MT |
Il-Ġurnal Uffiċjali tal-Unjoni Ewropea |
C 299/17 |
Avviż minn qabel ta’ konċentrazzjoni
(Il-każ M.10369 — APG/Stockholms Stadshus/Stockholm Exergi Holding)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 299/08)
1.
Fid-19 ta’ Lulju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
APG Asset Management N.V., (“APG”, in-Netherlands), finalment ikkontrollata minn Stichting Pensioenfonds ABP (in-Netherlands), |
|
— |
Stockholms Stadshus AB (“Stockholms Stadshus”, l-Iżvezja), proprjetà tal-Muniċipalità ta’ Stokkolma (l-Iżvezja), |
|
— |
Stockholm Exergi Holding AB (publ) (“Stockholm Exergi Holding”, l-Iżvezja), attwalment ikkontrollata minn Stockholms Stadshus u Fortum Oyj (il-Finlandja). |
APG u Stockholms Stadshus jakkwistaw skont it-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Stockholm Exergi Holding.
Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi impriża konġunta.
2.
L-attivitajiet kummerċjali tal-impriżi kkonċernati huma:|
— |
għal APG: proveditur tal-pensjonijiet, attiv fil-forniment ta’ konsulenza eżekuttiva, ġestjoni tal-assi (inklużi assi fi ħdan l-enerġija u l-utilitajiet, telekomunikazzjonijiet, u infrastruttura tat-trasport), amministrazzjoni tal-pensjonijiet, komunikazzjoni tal-pensjonijiet u servizzi ta’ min iħaddem, |
|
— |
għal Stockholms Stadshus: attiva fil-kiri tad-djar, il-proprjetajiet tal-iskejjel, id-djar tal-kura, il-proprjetajiet tal-wirjiet u l-areni sportivi/ta’ divertiment, il-provvista tal-ilma u s-servizzi tal-iskart, il-faċilitajiet tal-port, it-tisħin distrettwali u n-netwerks tal-fibra, l-assigurazzjoni tal-ħajja u l-assigurazzjoni mhux tal-ħajja, |
|
— |
għal Stockholm Exergi Holding: attiva fil-produzzjoni u l-provvista tat-tisħin distrettwali u t-tkessiħ distrettwali għall-klijenti korporattivi u residenzjali f’seba’ muniċipalitajiet fil-Kontea ta’ Stokkolma, il-produzzjoni u l-bejgħ tal-elettriku, l-immaniġġjar u s-separazzjoni tal-iskart u l-akkwist tal-fjuwil. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jitqies għal trattament skont il-proċedura stabbilita fl-Avviż.
4.
Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Ir-referenza li ġejja trid tiġi dejjem indikata:
M.10369 — APG/Stockholms Stadshus/Stockholm Exergi Holding
Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).