1.   

Fid-19 ta’ Mejju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	KKR & Co. Inc. (“KKR”, USA),

—	T-Mobile USA, Inc. (“TMUS”, l-Istati Uniti tal-Amerka), ikkontrollata minn Deutsche Telekom AG (il-Ġermanja),

—	U.S. Internet Corp. (“USI”, l-Istati Uniti tal-Amerika), Ridgeview, Inc. (“Ridgeview”, l-Istati Uniti tal-Amerika), u JKT Holdings, Inc. (“JKT Holdings”, l-Istati Uniti tal-Amerka).

KKR u TMUS se jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ USI, Ridgeview u JKT Holdings.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—	KKR hija hija ditta tal-investiment globali li toffri l-ġestjoni tal-assi alternattivi kif ukoll soluzzjonijiet għas-swieq finanzjarji u tal-assikurazzjoni,

—	TMUs hija operatur tat-telekomunikazzjoni mingħajr fili li tagħti kopertura nazzjonali, servizzi tal-vuċi, messaġġi u ta’ data fl-Istati Uniti, Puerto Rico u l-Gżejjer Verġni tal-Istati Uniti,

3.   

L-attivitajiet kummerċjali tal-USI, Ridgeview u JKT Holdings huma dawn li ġejjin: il-forniment ta’ servizzi tal-fibra tal-internet u servizzi ta’ kolokazzjoni newtrali għat-trasportaturi fl-Istati Uniti.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11985 – KKR / TMUS / USI / RIDGEVIEW / JKT HOLDINGS

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË