European flag

Iris Oifigiúil
an Aontais Eorpaigh

GA

Sraith L


2024/2904

19.11.2024

CINNEADH CUR CHUN FEIDHME (AE) 2024/2904 ÓN gCOIMISIÚN

an 14 Samhain 2024

lena leasaítear Cinneadh Cur Chun Feidhme (AE) 2019/450 a mhéid a bhaineann le foilsiú tagairtí do Dhoiciméid um Measúnú Eorpach maidir le córacha dorais inmheánacha nach bhfuil dódhíonach ná nach bhfuil saintréithe rialaithe deataigh iontu agus atá déanta as próifílí miotail agus bulcábhar polaistiréine ceangailte le haghaidh insliú teirmeach, insliú fuaime nó an dá rud agus táirgí foirgníochta eile

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 305/2011 ó Pharlaimint na hEorpa agus ón gComhairle an 9 Márta 2011 lena leagtar síos coinníollacha comhchuibhithe maidir le táirgí foirgníochta a mhargú agus lena n-aisghairtear Treoir 89/106/CEE ón gComhairle (1), agus go hairithe Airteagal 22 de,

De bharr an mhéid seo a leanas:

(1)

I gcomhréir le hAirteagal 19 de Rialachán (AE) Uimh. 305/2011, ar iarrataí ó mhonaróirí ar Mheasúnuithe Teicniúla Eorpacha, ghlac eagraíocht na gComhlachtaí um Measúnú Teicniúil 26 Dhoiciméad um Measúnú Eorpach.

(2)

Is leis na tagairtí seo a leanas le haghaidh táirgí foirgníochta a bhaineann na Doiciméid um Measúnú Eorpach a ghlac eagraíocht na gComhlachtaí um Measúnú Teicniúil:

—

córacha dorais inmheánacha nach bhfuil dódhíonach ná nach bhfuil saintréithe rialaithe deataigh iontu agus atá déanta as próifílí miotail;

—

bulcábhar polaistiréine ceangailte le haghaidh insliú teirmeach, insliú fuaime nó an dá rud (a chuirtear in ionad na sonraíochta teicniúla ‘EAD 040635-00-1201’);

—

clár inslithe theirmigh atá déanta as aeraghlóthach shilice nó polúireatáin ar ábhar iompróra;

—

idirshraith sholúbtha chun fuaim indíreach agus tarchur creathaidh a laghdú;

—

leaca ilsraitheanna ceirmeacha le haghaidh cumhdaigh ballaí agus urlár;

—

lann-adhmad blocghliúáilte go speisialta;

—

ceanglóirí de chineál duail adhmadbhunaithe;

—

stroighin Portland ina bhfuil líonach pozzolana le haghaidh úsáid thrópaiceach (a chuirtear in ionad shonraíocht theicniúil ‘150007-00-0301’);

—

stroighin ardalúmana alúmanach bhán;

—

fearais chun boltaí carraige agus tairní ithreach a thógáil – fearais ina bhfuil barraí tolla le haghaidh tairne féindruileála – barraí tolla d’fheadáin chruach gan uaim nó táthaithe;

—

eilimintí treisithe ceann dúbailte de chruth s chun friotaíocht fiartha puinseála na mbonnra agus na leac talún a mhéadú;

—

fearais comhlaí cúluisce atá déanta as plaistigh atá le cur isteach i gcórais draenála domhantarraingthe;

—

deighilteoirí séarachais laistigh d’fhoirgnimh;

—

fearais aisfheistithe le haghaidh gléasraí beaga cóireála fuíolluisce;

—

aonaid pábhála féinbhlocála phlaisteacha athchúrsáilte;

—

líonta cábla a bhfuil comhpháirteanna ceangail iontu;

—

eangacha snáithín neamhorgánacha chun scrídeanna stroighne, ainhidríte nó roisínbhunacha a threisiú;

—

aonaid ghloine inslithe folúis;

—

aonaid ghloine inslithe bhrúchothromúcháin;

—

cainéil ancaire (a chuirtear in ionad shonraíocht theicniúil ‘EAD 330008-03-0601’)’;

—

fearais chlampála chun baill choincréite réamhtheilgthe a nascadh (a chuirtear in ionad shonraíocht theicniúil ‘EAD 332001-00-0602’);

—

lúbchóras sreinge chun eilimintí coincréite réamhtheilgthe agus in-situ a nascadh (a chuirtear in ionad shonraíocht theicniúil ‘EAD 332589-00-0601’);

—

scriúnna coincréite chun painéil srathaithe a cheangal;

—

fearais atá déanta as mogall snáithín gloine alcaildíonach, nascóirí agus moirtéal chun saoirseacht agus eilimintí coincréite treisithe a neartú trí nascadh seachtrach;

—

aonaid foirgnimh dhódhíonacha réamhdhéanta;

—

córais aerála déanta as olann charraige agus fásálacha ar an taobh amuigh agus ar an taobh istigh (a chuirtear in ionad shonraíocht theicniúil ‘EAD 360001-01-0803’).

(3)

Na Doiciméid um Measúnú Eorpach a ghlac eagraíocht na gComhlachtaí um Measúnú Teicniúil, comhlíonann siad na ceanglais atá le comhlíonadh maidir leis na buncheanglais i leith oibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí na tagairtí do na Doiciméid um Measúnú Eorpach sin a fhoilsiú in Iris Oifigiúil an Aontais Eorpaigh.

(4)

Is de bhun Chinneadh Cur Chun Feidhme (AE) 2019/450 ón gCoimisiún a fhoilsítear an liosta tagairtí do Dhoiciméid um Measúnú Eorpach le haghaidh táirgí foirgníochta (2). Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin.

(5)

Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir.

(6)

Chun bheith in ann na Doiciméid um Measúnú Eorpach a úsáid a luaithe is féidir ionas gur féidir leis na monaróirí a bhfuil Measúnú Teicniúil Eorpach acu cheana a dtáirge a chur ar an margadh, ba cheart an Cinneadh seo a theacht i bhfeidhm lá a fhoilsithe,

TAR ÉIS AN CINNEADH SEO A GHLACADH:

Airteagal 1

Leasaítear an Iarscríbhinn a ghabhann le Cinneadh Cur Chun Feidhme (AE) 2019/450 i gcomhréir leis an Iarscríbhinn a ghabhann leis an gCinneadh seo.

Airteagal 2

Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 14 Samhain 2024.

Thar ceann an Choimisiúin

Thar ceann an Uachtaráin

Kerstin JORNA

Ard-Stiúrthóir

An Ard-Stiúrthóireacht um an Margadh Inmheánach, Tionsclaíocht, Fiontraíocht agus FBManna/AS GROW


(1)   IO L 88, 4.4.2011, lch. 5, ELI: http://data.europa.eu/eli/reg/2011/305/oj.

(2)  Cinneadh Cur Chun Feidhme (AE) 2019/450 ón gCoimisiún an 19 Márta 2019 maidir le foilsiú na nDoiciméad um Measúnú Eorpach le haghaidh táirgí foirgníochta arna ndréachtú chun tacú le Rialachán (AE) Uimh. 305/2011 ó Pharlaimint na hEorpa agus ón gComhairle (IO L 77, 20.3.2019, lch. 78, ELI: http://data.europa.eu/eli/dec_impl/2019/450/oj).


IARSCRÍBHINN

Cuirtear na rónna seo a leanas isteach san Iarscríbhinn a ghabhann le Cinneadh Cur Chun Feidhme (AE) 2019/450 in ord seicheamhach de réir ord na n-uimhreacha tagartha:

‘020096-00-0405

Córacha dorais inmheánacha nach bhfuil dódhíonach ná nach bhfuil saintréithe rialaithe deataigh iontu agus atá déanta as próifílí miotail’

‘040635-01-1201

Bulcábhar polaistiréine ceangailte le haghaidh insliú teirmeach, insliú fuaime nó an dá rud (a chuirtear in ionad na sonraíochta teicniúla ‘EAD 040635-00-1201’)’

‘041669-00-1201

Clár inslithe theirmigh atá déanta as aeraghlóthach shilice nó polúireatáin ar ábhar iompróra’

‘042232-00-0503

Idirshraith sholúbtha chun fuaim indíreach agus tarchur creathaidh a laghdú’

‘090078-00-0504

Leaca ilsraitheanna ceirmeacha le haghaidh cumhdaigh ballaí agus urlár’

‘130647-00-0304

Lann-adhmad blocghliúáilte go speisialta’

‘130767-00-0603

Ceanglóirí de chineál duail adhmadbhunaithe’

‘150007-01-0301

Stroighin Portland ina bhfuil líonach pozzolana le haghaidh úsáid thrópaiceach (a chuirtear in ionad shonraíocht theicniúil ‘150007-00-0301’)’

‘150052-00-0301

Stroighin ardalúmana alúmanach bhán’

‘160088-00-0102

Fearais chun boltaí carraige agus tairní ithreach a thógáil – Fearais ina bhfuil barraí tolla le haghaidh tairne féindruileála – Barraí tolla d’fheadáin chruach gan uaim nó táthaithe’

‘160208-00-0301

Eilimintí treisithe ceann dúbailte de chruth s chun friotaíocht fiartha puinseála na mbonnra agus na leac talún a mhéadú’

‘180037-00-0706

Fearais comhlaí cúluisce atá déanta as plaistigh atá le cur isteach i gcórais draenála domhantarraingthe’

‘180040-00-0704

Deighilteoirí séarachais laistigh d’fhoirgnimh’

‘180041-00-0704

Fearais aisfheistithe le haghaidh gléasraí beaga cóireála fuíolluisce’

‘190021-00-0502

Aonaid pábhála féinbhlocála phlaisteacha athchúrsáilte’

‘200006-00-0302

Líonta cábla a bhfuil comhpháirteanna ceangail iontu’

‘260057-00-0303

Eangacha snáithín neamhorgánacha chun scrídeanna stroighne, ainhidríte nó roisínbhunacha a threisiú’

‘300021-00-0404

Aonaid ghloine inslithe folúis’

‘300031-00-0404

Aonaid ghloine inslithe bhrúchothromúcháin’

‘330008-04-0601

Cainéil ancaire (a chuirtear in ionad shonraíocht theicniúil ‘EAD 330008-03-0601’)’

‘332001-01-0602

Fearais chlampála chun baill choincréite réamhtheilgthe a nascadh

(a chuirtear in ionad na sonraíochta teicniúla ‘EAD 332001-00-0602’)

‘332589-01-0601

Lúbchóras sreinge chun eilimintí coincréite réamhtheilgthe agus in-situ a nascadh (a chuirtear in ionad shonraíocht theicniúil ‘EAD 332589-00-0601’)’

‘332700-00-0601

Scriúnna coincréite chun painéil srathaithe a cheangal’

‘340451-00-0104

Fearais atá déanta as mogall snáithín gloine alcaildíonach, nascóirí agus moirtéal chun saoirseacht agus eilimintí coincréite treisithe a neartú trí nascadh seachtrach’

‘340503-00-1106

Aonaid foirgnimh dhódhíonacha réamhdhéanta’

‘360001-02-0803

Córais aerála déanta as olann charraige agus fásálacha ar an taobh amuigh agus ar an taobh istigh (a chuirtear in ionad shonraíocht theicniúil ‘EAD 360001-01-0803’)’.


ELI: http://data.europa.eu/eli/dec_impl/2024/2904/oj

ISSN 1977-0839 (electronic edition)