|
26.9.2009 |
MT |
Il-Ġurnal Uffiċjali tal-Unjoni Ewropea |
L 254/80 |
REGOLAMENT TAL-KUMMISSJONI (KE) Nru 890/2009
tal-25 ta’ Settembru 2009
li jemenda r-Regolament tal-Kummissjoni (KE) Nru 1385/2007 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 774/94 f’dak li jirrigwarda l-ftuħ u l-ġestjoni ta’ ċerti kwoti tariffarji tal-Komunità fis-settur tal-laħam tat-tjur, u li jidderoga mir-Regolament imsemmi
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u partikolarment l-Artikolu 144(1) tiegħu, flimkien mal-Artikolu 4 tiegħu,
Wara li kkunsidrat ir-Regolament tal-Kunsill (KE) Nru 774/94 tad-29 ta’ Marzu 1994 li jiftaħ u jipprovdi l-amministrazzjoni ta’ ċerti kwoti tat-tariffa Komunitarja għal-laħam taċ-ċanga ta’ kwalità għolja u għal-laħam tal-majjal, il-laħam tat-tjur, il-qamħ u l-maħlut, u tipi ta’ nuħħala, il-frak iebes u fdalijiet oħra (2), u b’mod partikolari l-Artikolu 7 tiegħu,
Wara li kkunsidrat id-Deċiżjoni tal-Kunsill 2009/718/KE dwar l-iffirmar u l-konklużjoni tal-ftehim fil-forma ta’ skambju ta’ ittri bejn il-Komunità Ewropea u l-Brażil (3), u b’mod partikolari l-Artikolu 2 tiegħu,
Billi:
|
(1) |
Il-kwoti tariffarji tal-grupp numru 1 u tal-grupp numru 4 pprovduti bl-Anness I għar-Regolament tal-Kummissjoni (KE) Nru 1385/2007 (4), li jġibu n-numri tas-serje 09.4410 u 09.4420 rispettivament u li huma koperti bil-kodiċijiet tan-NM 0207 14 10 (qatgħat iffriżati tat-tiġieġ) u 0207 27 10 (qatgħat iffriżati tad-dundjan), huma allokati speċifikament għall-Brażil. |
|
(2) |
Il-ftehim fil-forma ta’ skambju ta’ ittri bejn il-Kummissjoni Ewropea u l-Brażil, konkluż fil-kuntest tan-negozjati skont l-Artikolu XXIV(6) u l-Artikolu XXVIII tal-ftehim ġenerali dwar it-tariffi doganali u l-kummerċ (GATT) tal-1994 (5), approvat bid-Deċiżjoni tal-Kunsill 2009/718/KE, jipprovdi kwota tariffarja annwali tal-importazzjoni għal-laħam tat-tjur ta’ 2 500 tunnellata għal ċerti qatgħat iffriżati tat-tiġieġ (il-kodiċi tan-NM 0207 14 10 ), kif ukoll kwota tariffarja annwali tal-importazzjoni għal-laħam tad-dundjan ta’ 2 500 tunnellata għal ċerti qatgħat iffriżati tad-dundjan (il-kodiċi tan-NM 0207 27 10 ), bir-rata ta’ 0 %. Dan il-ftehim għandu jidħol fis-seħħ fl-1 ta’ Ottubru 2009. |
|
(3) |
Jeħtieġ li dawn il-kwantitajiet jiżdiedu mal-kwoti għall-gruppi numru 1 u 4. |
|
(4) |
Għaldaqstant, jeħtieġ li r-Regolament (KE) Nru 1385/2007 jkun emendat skont dan. |
|
(5) |
Ġaladarba ż-żmien normali għat-tressiq tal-applikazzjonijiet għar-raba’ subperjodu tal-kwota għas-sena 2009 kien laħaq skada meta l-ftehim daħal fis-seħħ, jeħtieġ li jkun ipprovdut żmien supplimentari għat-tressiq tal-applikazzjonijiet għall-kwantitajiet miżjuda mal-kwoti attwali. |
|
(6) |
Dan ir-Regolament għandu jibda japplika mid-data li fiha jidħol fis-seħħ il-ftehim mal-Brażil. |
|
(7) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni tal-organizazzjoni komuni tas-swieq agrikoli, |
ADOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 1385/2007 għandu jinbidel bit-test li jidher fl-Anness għal dan ir-Regolament.
Artikolu 2
B’deroga mill-Artikolu 5 tar-Regolament (KE) Nru 1385/2007, għar-raba’ subperjodu tas-sena 2009, għandu jinfetaħ żmien addizzjonali għat-tressiq tal-applikazzjonijiet mill-1 sal-5 ta’ Ottubru għall-gruppi numru 1 u 4.
Għal kull wieħed minn dawn il-gruppi, wara l-ewwel perjodu għat-tressiq tal-applikazzjonijiet, għandha tiżdied kwantità ta’ 625 tunnellata mal-kwantità disponibbli għar-raba’ subperjodu tas-sena 2009.
L-applikazzjonijiet għal-liċenzji għandhom jinvolvu, għall-grupp numru 1, minimu ta’ 10 tunnellati u massimu ta’ 298,3 tunnellati, u għall-grupp numru 4, minimu ta’ 10 tunnellati u massimu ta’ 107,5 tunnellati.
Artikolu 3
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu jkun applikabbli mill-1 ta’ Ottubru 2009.
Madankollu, l-Artikolu 1 għandu japplika mis-sena tal-kwota 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Settembru 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1.
(3) Ara paġna 104 ta’ dan il-Ġurnal Uffiċjali.
(4) ĠU L 309, 27.11.2007, p. 47.
(5) Ara paġna 104 ta’ dan il-Ġurnal Uffiċjali.
ANNESS
“ANNESS I
RATA TA’ TNAQQIS TAD-DAZJU FFISSAT FIL-LIVELL TA’ 100 %
Tiġieġ
|
(f’tunnellati) |
||||
|
Pajjiż |
Numru tal-Grupp |
Numru tas-serje |
Kodiċi NM |
Kwantitajiet annwali |
|
Il-Brażil |
1 |
09.4410 |
0207 14 10 0207 14 50 0207 14 70 |
11 932 |
|
It-Tajlandja |
2 |
09.4411 |
0207 14 10 0207 14 50 0207 14 70 |
5 100 |
|
Oħrajn |
3 |
09.4412 |
0207 14 10 0207 14 50 0207 14 70 |
3 300 |
Dundjan
|
(f’tunnellati) |
||||
|
Pajjiż |
Numru tal-Grupp |
Numru tas-serje |
Kodiċi tan-NM |
Kwantitajiet annwali |
|
Il-Brażil |
4 |
09.4420 |
0207 27 10 0207 27 20 0207 27 80 |
4 300 |
|
Oħrajn |
5 |
09.4421 |
0207 27 10 0207 27 20 0207 27 80 |
700 |
|
Erga omnes |
6 |
09.4422 |
0207 27 10 0207 27 20 0207 27 80 |
2 485 ” |