Ainm

Faisnéis aitheantais

Cúiseanna

Dáta an liostaithe

‘13.

Joseph Nganzo Olikwa TIPI

ar a dtugtar freisin Coirnéal Tipi Ziro Ziro, Joseph Ngadjole, Joseph Nganzole Olikwa

Dáta breithe: 10.11.1977

Áit bhreithe: Bunia Fataki, PDC

Náisiúntacht: PDC

Inscne: fireann

Grád: Coirnéal de chuid FARDC

Post: Leas-Cheannasaí ar an 12ú Briogáid Mhearfhreagartha in Minembwe, iarcheannasaí an 312ú cathlán de 31ú Príomh-Bhriogáid Chosanta

Uimhir aitheantais mhíleata: 1-77-96-32692-76

Ba é Joseph Nganzo Olikwa Tipi Ceannasaí ar an 312ú cathlán den Príomh-Bhriogáid Chosanta de chuid Fhórsaí Armtha Phoblacht Dhaonlathach an Chongó (FARDC) go dtí mí Eanáir 2022.

Rinne fórsaí an 312ú cathlán, agus é faoina cheannas agus faoina fhreagracht, ionsaithe ar shibhialtaigh agus sáruithe tromchúiseacha chearta an duine, go háirithe éigniú ban idir mí an Mheithimh agus mí na Nollag 2021.

Tá Joseph Nganzo Olikwa Tipi fós ina oifigeach ardchéime in FARDC, is é an Coirnéal agus an Leas-Cheannasaí ar an 12ú Briogáid Mhearfhreagartha in Minembwe (Kivu Theas), i gceannas ar riarachán agus lóistíocht.

Agus na hardfheidhmeanna sin aige, tá sé freagrach as sáruithe chearta an duine a rinne FARDC le déanaí.

Dá bhrí sin, tá baint ag Joseph Nganzo Olikwa Tipi le gníomhartha a phleanáil, a stiúradh nó a dhéanamh arb ionann iad agus sáruithe nó mí-úsáidí tromchúiseacha chearta an duine i bPoblacht Dhaonlathach an Chongó.

8.12.2022

17.

Alain François Viviane GOETZ

Dáta breithe: 24.4.1965

Áit bhreithe: Deurne, Antuairp, an Bheilg

Náisiúntacht: Beilgeach

Inscne: fireann

Is fear gnó é Alain Goetz arb é iar-úinéir tairbhiúil agus iarstiúrthóir African Gold Refinery Ltd, atá cláraithe in Uganda. Bhí baint aige le African Gold Refinery Ltd mar chomhairleoir agus mar thionscnóir.

Ó 2016 i leith, tá ór aindleathach de thionscnamh mianaigh i bPoblacht Dhaonlathach an Chongó faighte, ceannaithe, scagtha agus trádáilte ag African Gold Refinery Ltd atá á rialú ag grúpaí armtha neamhrialtasacha, lena n-áirítear Mai-Mai Yakutumba agus Raia Mutomboki, a bhfuil baint acu le gníomhaíochtaí díchobhsúcháin i gcúige Kivu Theas.

Coinníonn Alain Goetz leasanna a bhaineann le hór sa réigiún freisin, go háirithe trí Aldabra, cuideachta a bhí á rialú aige roimhe seo agus a d’infheistigh i scaglann óir Aldango, in éineacht leis an gcuideachta Ngali Mining atá faoi úinéireacht Stát Ruanda. Tá leas airgeadais ag Alain Goetz in Aldabra i gcónaí a mhéid atá an t-éileamh ar dhamáistí a chomhdaigh sé leis an Lárionad Idirnáisiúnta chun Díospóidí Trádála a Shocrú fós ar feitheamh.

Ar na cúiseanna sin uile, tá Alain Geotz ag baint leas as an gcoinbhleacht armtha, an éagobhsaíocht agus an éiginnteacht i bPoblacht Dhaonlathach an Chongó trí shaothrú agus thrádáil aindleathach acmhainní nádúrtha.

8.12.2022

29.

Pierre Celestin RURAKABIJE

ar a dtugtar freisin Guillaume NGABO, Bagdad, Simba Guillaume, Samba Guillaume, Ngabo Simba

Feidhm/grád: Leas-Cheannasaí “Commando de recherche et d’action en profondeur” (CRAP) i bhFórsaí Daonlathacha na Saoirse i Ruanda/Forces Combattantes Abacunguzi (FDLR/FOCA), Leifteanantchoirnéal

Náisiúntacht: Ruanda

Inscne: fireann

Tá ról ceannasach mar Leas-Cheannasaí ag Pierre Celestin Rurakabije laistigh de Fhórsaí Daonlathacha na Saoirse i Ruanda – Forces Combattantes Abacunguzi (FDLR-FOCA), grúpa armtha neamhrialtasach atá ag feidhmiú in Oirthear Phoblacht Dhaonlathach an Chongó. Go háirithe, is é Leas-Cheannasaí “Commando de recherche et d’action en profondeur” (CRAP) de FDLR-FOCA – a mheastar a bheith ina aonad cománlach agus faisnéise den ghrúpa armtha.

Is grúpa armtha Hutu den chuid is mó é FDLR-FOCA, ar ghlac cuid dá cheannairí páirt i gcinedhíothú 1994 i Ruanda. Cuireann FDLR-FOCA, lena n-áirítear an t-aonad CRAP, leis an gcoinbhleacht armtha, leis an éagobhsaíocht agus leis an neamhshláine i bPoblacht Dhaonlathach an Chongó, go háirithe trí fhoréigean agus trí mhí-úsáidí tromchúiseacha chearta an duine, lena n-áirítear ionsaithe ar shibhialtaigh, maruithe, foréigean in aghaidh leanaí, éigniú agus gníomhartha eile foréigin ghnéasaigh.

Mar gheall ar a ról ceannasach in FDLR, tá baint ag Pierre Celestin Rurakabije, dá bhrí sin, le gníomhartha a phleanáil, a stiúradh nó a dhéanamh i bPoblacht Dhaonlathach an Chongó, ar sáruithe nó mí-úsáidí tromchúiseacha iad ar chearta an duine. Ina theannta sin, tá sé freagrach as an gcoinbhleacht armtha, an éagobhsaíocht agus an neamhshláine a choinneáil ar bun i bPoblacht Dhaonlathach an Chongó.

26.7.2024

30.

Gustave KUBWAYO

ar a dtugtar freisin Sirkoof, Surkoof, Sirkoff, Surcouf, Surcoff, Surcof, Surkouf, Syrkoff, Modeste, Slycove.

Feidhm/grád: Ceannasaí “Commando de recherche et d’action en profondeur” (CRAP) i bhFórsaí Daonlathacha na Saoirse i Ruanda/Forces Combattantes Abacunguzi (FDLR/FOCA), Coirnéal

Áit bhreithe: Bardas Karago, maoracht Gisenyi, Ruanda; nó Ceantar Nyabihu, Western province, Ruanda

Náisiúntacht: Ruanda

Inscne: fireann

Tá ról ceannasach mar cheannaire ag Gustave Kubwayo i bhFórsaí Daonlathacha na Saoirse i Ruanda – Forces Combattantes Abacunguzi (FDLR-FOCA), grúpa armtha atá ag feidhmiú in Oirthear Phoblacht Dhaonlathach an Chongó. Tá sé i gceannas ar aonad speisialta “Commando de recherche et d’action en profondeur” (CRAP) an FDLR-FOCA – a mheastar a bheith ina aonad cománlach agus faisnéise den ghrúpa armtha.

Is grúpa armtha Hutu den chuid is mó é FDLR-FOCA, ar ghlac cuid dá cheannairí páirt i gcinedhíothú 1994 i Ruanda. Rinne trodaithe FDLR-FOCA, lena n-áirítear aonad CRAP, éigniú agus gníomhartha eile foréigin ghnéasaigh agus mharaigh siad sibhialtaigh. Tá FDLR-FOCA páirteach go córasach i bhfuadaigh i gcomhair airgead fuascailte, coinneála agus básuithe treallacha sibhialtach agus in earcú comhraiceoirí leanaí. Tá baint ag an ngrúpa armtha freisin le lománaíocht neamhdhleathach, le saothrú acmhainní nádúrtha mar shampla fioghual, agus le cáin a bhailiú go neamhdhleathach ag seicphointí.

Ina cháil mar Cheannasaí ar aonad CRAP, tá baint ag Gustave Kubwayo le gníomhartha a dhéanamh i bPoblacht Dhaonlathach an Chongó, ar sáruithe nó mí-úsáidí tromchúiseacha iad ar chearta an duine. Ina theannta sin, tá sé freagrach as an gcoinbhleacht armtha a choinneáil ar bun i bPoblacht Dhaonlathach an Chongó.

26.7.2024’.