|
15.11.2018 |
MT |
Il-Ġurnal Uffiċjali tal-Unjoni Ewropea |
C 414/14 |
Notifika minn qabel ta’ konċentrazzjoni
(Il-Każ M.9156 — CMI/Hachette Filipacchi/Lagardère Publicité/Lagardère Digital France)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 414/16)
1.
Fit-8 ta’ Novembru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Czech Media Invest (“CMI”, ir-Repubblika Ċeka), |
|
— |
Hachette Filipacchi Associés, Lagardère Publicité, u Lagardère Digital France (Franza), li jappartjenu għal-Lagardère Group. |
CMI takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Hachette Filipacchi Associés, Lagardère Publicité, u Lagardère Digital kollha kemm huma.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:— CMI: (i) il-pubblikazzjoni ta’ ġurnali u rivisti u l-websajts editorjali relatati tagħhom, xandir bir-radju, u (ii) il-bejgħ ta’ spazji għar-reklamar f’dawn il-mezzi
— Hachette Filipacchi Associés, Lagardère Publicité, u Lagardère Franza Diġitali: (i) il-pubblikazzjoni ta’ rivisti u l-websajts editorjali relatati tagħhom u (ii) il-bejgħ ta’ spazji għar-reklamar f’dawn il-mezzi.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9156 — CMI/Hachette Filipacchi/Lagardère Publicité/Lagardère Digital France
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks: +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).