|
12.10.2021 |
MT |
Il-Ġurnal Uffiċjali tal-Unjoni Ewropea |
L 361/50 |
DEĊIŻJONI TAL-KUNSILL (UE) 2021/1798
tas-7 ta’ Ottubru 2021
li testendi l-mandat tad-Direttur Eżekuttiv tal-Europol
IL-KUNSILL TAL-UNJONI EWROPEA,
Wara li kkunsidra r-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (1), u b’mod partikolari l-Artikolu 54(3), sa (5) tiegħu,
Filwaqt li jaġixxi bħala l-awtorità mogħtija s-setgħa li taħtar id-Direttur Eżekuttiv tal-Europol,
Wara li kkunsidra l-proposta tal-Bord ta’ Amministrazzjoni tal-Europol tal-15 ta’ Marzu 2021,
Billi:
|
(1) |
Is-Sa Catherine DE BOLLE nħatret Direttur Eżekuttiv tal-Europol b’Deċiżjoni tal-Kunsill tas-8 ta’ Marzu 2018 (2). Il-mandat tas-Sa Catherine DE BOLLE ser jiskadi fl-1 ta’ Mejju 2022. |
|
(2) |
Id-Direttur Eżekuttiv tal-Europol jinħatar għal perijodu ta’ erba’ snin, li jista’ jiġi estiż darba f’konformità mal-Artikolu 54(4) tar-Regolament (UE) 2016/794. |
|
(3) |
Id-deċiżjoni tal-Bord ta’ Amministrazzjoni tal-Europol tal-1 ta’ Mejju 2017 tistipula l-proċedura għall-estensjoni tal-mandat tad-Direttur Eżekuttiv tal-Europol. |
|
(4) |
Il-Bord ta’ Amministrazzjoni informa lill-Parlament Ewropew li kien ser jipproponi lill-Kunsill li l-mandat tas-Sa Catherine DE BOLLE jiġi estiż. |
|
(5) |
Il-Bord ta’ Amministrazzjoni ppropona lill-Kunsill li l-mandat tad-Direttur Eżekuttiv tal-Europol, is-Sa Catherine DE BOLLE, jiġi estiż. |
|
(6) |
Abbażi ta’ dik il-proposta, il-Kunsill jixtieq jestendi l-mandat tas-Sa Catherine DE BOLLE bħala Direttur Eżekuttiv tal-Europol, |
ADOTTA DIN ID-DEĊIŻJONI:
Artikolu 1
Il-mandat tas-Sa Catherine DE BOLLE bħala Direttur Eżekuttiv tal-Europol huwa estiż mit-2 ta’ Mejju 2022 sal-1 ta’ Mejju 2026 fil-grad AD 16.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fil-Lussemburgu, is-7 ta’ Ottubru 2021.
Għall-Kunsill
Il-President
M. DIKAUČIČ