|
12.10.2021 |
GA |
Iris Oifigiúil an Aontais Eorpaigh |
L 361/50 |
CINNEADH (AE) 2021/1798 ÓN gCOMHAIRLE
an 7 Deireadh Fómhair 2021
lena gcuirtear síneadh le téarma oifige Stiúrthóir Feidhmiúcháin Europol
TÁ COMHAIRLE AN AONTAIS EORPAIGH,
Ag féachaint do Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (1), agus go háirithe Airteagal 54(3) go (5) de,
Ag gníomhú di mar an t-údarás a bhfuil an chumhacht aige Stiúrthóir Feidhmiúcháin Europol a cheapadh,
Ag féachaint don togra ó Bhord Bainistíochta Europol an 15 Márta 2021,
De bharr an mhéid seo a leanas:
|
(1) |
Ceapadh Catherine DE BOLLE mar Stiúrthóir Feidhmiúcháin Europol le Cinneadh ón gComhairle an 8 Márta 2018 (2). Rachaidh téarma oifige Catherine DE BOLLE in éag an 1 Bealtaine 2022. |
|
(2) |
Ceaptar Stiúrthóir Feidhmiúcháin Europol ar feadh tréimhse ceithre bliana, tréimhse ar féidir síneadh a chur léi uair amháin i gcomhréir le hAirteagal 54(4) de Rialachán (AE) 2016/794. |
|
(3) |
Le cinneadh Bhord Bainistíochta Europol an 1 Bealtaine 2017, leagtar amach an nós imeachta maidir le síneadh a chur le téarma oifige Stiúrthóir Feidhmiúcháin Europol. |
|
(4) |
Chuir an Bord Bainistíochta in iúl do Pharlaimint na hEorpa go molfadh sé don Chomhairle síneadh a chur le téarma oifige Catherine DE BOLLE. |
|
(5) |
Mhol an Bord Bainistíochta don Chomhairle síneadh a chur le téarma oifige Stiúrthóir Feidhmiúcháin Europol, Catherine DE BOLLE. |
|
(6) |
Ar bhonn an togra sin, is mian leis an gComhairle síneadh a chur le téarma oifige Catherine DE BOLLE mar Stiúrthóir Feidhmiúcháin Europol, |
TAR ÉIS AN CINNEADH SEO A GHLACADH:
Airteagal 1
Leis seo cuirtear síneadh le téarma oifige Catherine DE BOLLE mar Stiúrthóir Feidhmiúcháin Europol ón 2 Bealtaine 2022 go dtí an 1 Bealtaine 2026 ag grád AD 16.
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh i Lucsamburg, 7 Deireadh Fómhair 2021.
Thar ceann na Comhairle
An tUachtarán
M. DIKAUČIČ