(1)

An 30 Eanáir 2021, ghlac an Coimisiún Rialachán Cur Chun Feidhme (AE) 2021/111 (2) lena gcuirtear onnmhairiú vacsaíní COVID-19 mar aon le substaintí gníomhacha, lena n-áirítear máistir-chillbhainc agus cillbhainc infheidhme, a úsáidtear chun na vacsaíní sin a mhonarú, faoi réir údarú onnmhairiúcháin a thabhairt ar aird, de bhun Airteagal 5 de Rialachán (AE) 2015/479, ar feadh tréimhse 6 seachtaine. Ina dhiaidh sin, an 12 Márta 2021, ghlac an Coimisiún Rialachán Cur Chun Feidhme (AE) 2021/442 (3) lena gcuirtear onnmhairiú na dtáirgí céanna faoi réir údarú onnmhairiúcháin go dtí an 30 Meitheamh 2021, de bhun Airteagal 6 de Rialachán (AE) 2015/479.

(2)

An 24 Márta 2021, ghlac an Coimisiún Rialachán Cur Chun Feidhme (AE) 2021/521 (4) lena dtugtar isteach, mar fhachtóir breise a bhaineann leis an tráth a bhítear ag smaoineamh ar údarú onnmhairiúcháin a dheonú, an gá atá le measúnú a dhéanamh ar cé acu a chuireann nó nach gcuireann an t-údarú sin slándáil an tsoláthair earraí a chumhdaítear faoi Rialachán (AE) 2021/442 laistigh den Aontas i mbaol. Leis an Rialachán céanna, an díolúine a bhí ag tíortha cinn scríbe áirithe ó raon feidhme Rialachán (AE) 2021/442, chinn an Coimisiún an díolúine sin a chur ar fionraí go sealadach.

(3)

Rialachán Cur Chun Feidhme (AE) 2021/521 ón gCoimisiún, is Rialachán é a glacadh de bhun Airteagal 5 de Rialachán (AE) 2015/479 agus bhí feidhm aige ar feadh tréimhse 6 seachtaine. Na bearta a tugadh isteach leis an Rialachán sin, cuireadh síneadh leo ina dhiaidh sin go dtí an 30 Meitheamh 2021 le Rialachán Cur Chun Feidhme (AE) 2021/734 ón gCoimisiún (5).

(4)

I gcás Rialachán (AE) 2021/442 agus Rialachán (AE) 2021/521 araon, cuireadh síneadh breise leo, go dtí an 30 Meán Fómhair 2021 ar dtús trí bhíthin Rialachán Cur Chun Feidhme (AE) 2021/1071 ón gCoimisiún (6), agus ina dhiaidh sin go dtí an 31 Nollaig 2021 trí bhíthin Rialachán Cur Chun Feidhme (AE) 2021/1728 ón gCoimisiún (7).

(5)

Tá dlús curtha le táirgeadh agus seachadadh dháileoga na vacsaíní COVID-19 san Aontas agus faoi láthair tá laghdú ar an riosca go gcuirfeadh onnmhairí feidhmiú na gComhaontuithe Réamhcheannaigh idir an tAontas agus monaróirí na vacsaíní i mbaol, sin nó slándáil sholáthairtí na vacsaíní COVID-19 san Aontas mar aon leis na substaintí gníomhacha a ghabhann leo.

(6)

Faoi na cúinsí atá ann faoi láthair, sin agus staid an tsoláthair, maidir leis an gceanglas údarú onnmhairiúcháin a thabhairt ar aird le haghaidh onnmhairiúcháin vacsaíní in aghaidh coróinvíris a bhfuil gaol acu le SARS (speicis SARS-CoV) agus substaintí gníomhacha, lena n-áirítear máistir-chillbhainc agus cillbhainc infheidhme a úsáidtear chun na vacsaíní sin a mhonarú, is éard a mheas an Coimisiún nach gá an ceanglas sin a chur i bhfeidhm i ndiaidh an 31 Nollaig 2021.

(7)

Mar sin féin, is gá fós faireachas a dhéanamh tríd an bpróiseas atá bunaithe ar Airteagal 56(5) de Rialachán (AE) Uimh. 952/2013 ó Pharlaimint na hEorpa agus ón gComhairle (8) a úsáid, agus a cheangal go n-áirítear sa dearbhú onnmhairiúcháin nó athonnmhairiúcháin na cóid bhreise TARIC, dá bhforáiltear san Iarscríbhinn, maille le líon na ndáileog (i gcás coimeádáin ildáileog, líon na ndáileog le haghaidh daoine fásta) go ceann tréimhse 24 mhí ón 1 Eanáir 2022.

(8)

Leis an bhfaireachas sin, ba cheart go bhféadfadh an Coimisiún sonraí forlíontacha staidrimh onnmhairiúcháin a bhailiú ar leibhéal gach monaróra d’fhonn na rudaí seo a leanas a bhrath go tráthúil: (i) aon léiriú ar easpa comhlíontachta leis an gComhaontú Réamhcheannaigh a thug an Coimisiúin i gcrích (ii) aon chúinse eile a d’fhéadfadh slándáil soláthair an Aontais a chur i mbaol, agus (iii) inniúlacht an Aontais tuilleadh tabhartais a chur i ngeall agus a chur ar fáil. Leis sin ba cheart go bhféadfadh an Coimisiún, i gcás ina bhfuil údar ann, bearta breise a dhéanamh chun cosc a chur ar chás géibheannach de dheasca easpa na dtáirgí sin i gcomhréir le ceanglais Rialachán (AE) 2015/479,