|
6.3.2020 |
MT |
Il-Ġurnal Uffiċjali tal-Unjoni Ewropea |
C 73/8 |
Avviż minn qabel ta’ konċentrazzjoni
(Il-Każ M.9764 — Red Rock Power/Capman Infra Lux Management/NH-Amundi Asset Management/JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 73/05)
1.
Fis-26 ta’ Frar 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Red Rock Power Limited (“Red Rock Power”), sussidjarja indiretta ta’ SDIC Power Holdings Co. Ltd (“SDIC Power”, iċ-Ċina), |
|
— |
Capman plc (“Capman”, il-Finlandja), |
|
— |
NH-Amundi Asset Management Co. Ltd (“NH-Amundi”, il-Korea), ikkontrollata bi sħab minn NongHyup Financial Group (li finalment hija proprjetà tal-Federazzjoni Nazzjonali Koreana tal-Kooperattivi tal-Bdiewa u Amundi Asset Management (li finalment hija proprjetà ta’ Crédit Agricole Group), |
|
— |
Cloud Snurran AB (“Cloud Snurran”, l-Isvezja). |
Re Rock Power, CapMan, NH-Amundi jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Cloud Snurran. Cloud Snurran bħalissa hija kkontrollata bi sħab minn CapMan, NH-Amundi and Macquarie.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
Red Rock Power hija l-kumpanija azzjonarja għal investimenti Ewropej fis-settur tar-riħ ta’ SDIC Power; SDIC Power hija kumpanija bbażata fiċ-Ċina prinċipalment involuta fl-investiment, il-kostruzzjoni, it-tħaddim u l-ġestjoni tal-impjanti tal-elettriku prinċipalment fiċ-Ċina, |
|
— |
CapMan hija investiment Nordiku u impriza speċjalizzata fil-ġestjoni tal-assi, |
|
— |
NH-Amundi hija kumpanija tal-ġestjoni tal-assi, li tipprovdi fiduċjarja ta’ investiment u ġestjoni ta’ fond reċiproku għat-tipi kollha ta’ investimenti, |
|
— |
Cloud Snurran hija l-joint venture (JV) li tiżviluppa, tibni u tħaddem park eoliku fuq l-art fl-Isvezja. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9764 — Red Rock Power/Capman Infra Lux Management/NH-Amundi Asset Management/JV
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).