<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-11-202511C113202305250-00-TRA-DOC-MT-CONCL-C-0525-23-202503208-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="2/06/2025 23:22:09" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="NSph7xsFkJUhG5bFqgvUs1qi2Cc9RnpFgkZFl1JpRWE1rVmG9ykaRdNgTBT72CkReouTLxHdSdj0r5BkpMbyXF1ozDnh0ickGVO/3U/fdC++4GvEYta2spPll/l7j4YhgpWXg3Fwnhr2exZlEd0RdzMGUo74CtQ9D/De9FkPyPI=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="azzopro" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="dd0270bf-aa4a-42aa-8095-17a491bc6c77" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0525" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="azzopro" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 26-03-25 15:46:52" name="Created"/>
    <meta content="" name="Canevas3_Vademecum"/>
    <meta content="2025-04-11T09:07:26Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="ac93bc8bf5f84d1ab6799388bd6671a7" name="DocumentIdentifier"/>
    <meta content="0525" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Konklużjonijiet Emiliou – Kawża C‑525/23</div>
      <div id="rId21" style="default">Oti</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      EMILIOU
    </p>
    <p class="C36Centre" id="para-3" title="page-1">
      ippreżentati fit-3 ta’ April 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑525/23 (Oti)  (<span class="note footnote notemarker">
<a id="c-2" href="#t-2">i</a>
</span>)
    </p>
    <p class="C37Centregras" id="para-5" title="page-1">
      OS
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Országos Idegenrendészeti Főigazgatóság
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mill-Fővárosi Törvényszék (il-Qorti tal-Belt ta’ Budapest, l-Ungerija))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Migrazzjoni – Direttiva (UE) 2016/801 – Kundizzjonijiet ta’ dħul u ta’ residenza ta’ ċittadini ta’ pajjiżi terzi għall-finijiet ta’ servizz volontarju – Rifjut ta’ tiġdid ta’ permess ta’ residenza – Artikolu 7(1)(e) – ‘Riżorsi suffiċjenti’ – Ġurisprudenza tal-qorti suprema nazzjonali li teżiġi li r-riżorsi jinkisbu fuq bażi permanenti u li d-dikjarazzjonijiet dwar in-natura tar-riżorsi jkunu koerenti – Kompatibbiltà ta’ dawn ir-rekwiżiti mad-dritt tal-Unjoni”
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Din il-kawża tikkonċerna l-interpretazzjoni tad-Direttiva (UE) 2016/801 dwar il-kundizzjonijiet ta’ dħul u residenza ta’ ċittadini ta’ pajjiżi terzi għall-finijiet ta’ riċerka, studji, taħriġ, servizz volontarju, skemi ta’ skambju ta’ skulari jew proġetti edukattivi u au pairing  (<span class="note footnote notemarker">
<a id="c-3" href="#t-3">2</a>
</span>). B’mod iktar speċifiku, il-Fővárosi Törvényszék (il-Qorti tal-Belt ta’ Budapest, l-Ungerija) titlob kjarifiki mill-Qorti tal-Ġustizzja fir-rigward tal-kundizzjoni ta’ dħul u ta’ residenza, previsti fl-Artikolu 7(1)(e) ta’ din id-direttiva, li ċ-ċittadin ta’ pajjiż terz jirċievi “riżorsi suffiċjenti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">F’dan ir-rigward, il-Fővárosi Törvényszék (il-Qorti tal-Belt ta’ Budapest) tistaqsi dwar il-kompatibbiltà mad-dritt tal-Unjoni ta’ prattiki nazzjonali li jimponu, min-naħa, li tali riżorsi jinkisbu fuq bażi permanenti mill-persuna kkonċernata u, min-naħa l-oħra, li din il-persuna tipprova n-natura ta’ tali riżorsi b’mod koerenti. Dawn il-kwistjonijiet jirriżultaw fil-kuntest ta’ tilwima bejn ċittadin ta’ pajjiż terz, OS, u l-Országos Idegenrendészeti Főigazgatóság (id-Direttorat Ġenerali Nazzjonali tal-Pulizija tal-Barranin, l-Ungerija, iktar ’il quddiem l-“awtorità nazzjonali tal-immigrazzjoni”) dwar iċ-ċaħda tal-applikazzjoni tiegħu għat-tiġdid ta’ permess ta’ residenza għall-finijiet ta’ servizz volontarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Qabelxejn, nosserva li l-kundizzjoni dwar “riżorsi suffiċjenti” ma hijiex, fiha nnifisha, mhux magħrufa mill-Qorti tal-Ġustizzja, peress li diġà teżisti ġurisprudenza dwar kif għandha tiġi interpretata fil-kuntest ta’ strumenti oħra tad-dritt tal-Unjoni dwar il-migrazzjoni u l-moviment liberu. Madankollu, din il-kawża tipprovdi lill-Qorti tal-Ġustizzja l-opportunità li tinterpretaha għall-ewwel darba fil-kuntest tal-applikazzjoni tad-Direttiva 2016/801.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Il-premessi 20, 21, 41 u 42 tad-Direttiva 2016/801 jipprovdu:</p>
</td>
</tr>
</table>
    <p class="C09Marge0avecretrait" id="para-18" title="page-3">
      “(20) Din id-Direttiva għandha tappoġġa l-għanijiet tas-Servizz Volontarju Ewropew li jiżviluppa s-solidarjetà, il-fehim reċiproku u t-tolleranza fost iż-żgħażagħ u s-soċjetajiet li jgħixu fihom, filwaqt li jikkontribwixxi għat-tisħiħ tal-koeżjoni soċjali u l-promozzjoni taċ-ċittadinanza attiva taż-żgħażagħ. Sabiex ikun żgurat l-aċċess għas-Servizz Volontarju Ewropew b’mod konsistenti mal-Unjoni kollha, l-Istati Membri għandhom japplikaw id-dispożizzjonijiet ta’ din id-Direttiva għaċ-ċittadini ta’ pajjiżi terzi li jkunu qed japplikaw għall-fini tas-Servizz Volontarju Ewropew.
    </p>
    <p class="C09Marge0avecretrait" id="para-19" title="page-4">
      (21) L-Istati Membri għandu jkollhom il-possibbiltà li japplikaw id-dispożizzjonijiet ta’ din id-Direttiva għall-iskulari, il-voluntiera ħlief dawk taħt is-Servizz Volontarju Ewropew u l-au pairs, sabiex jiġu ffaċilitati d-dħul u r-residenza tagħhom u jiġu żgurati d-drittijiet tagħhom.
    </p>
    <p class="C09Marge0avecretrait" id="para-20" title="page-4">
      […]
    </p>
    <p class="C09Marge0avecretrait" id="para-21" title="page-4">
      (41) Fil-każ ta’ dubji li jikkonċernaw ir-raġunijiet tal-applikazzjoni għal ammissjoni, l-Istati Membri għandhom ikunu jistgħu jwettqu l-verifiki xierqa jew jesiġu evidenza sabiex jivvalutaw, skont il-każ, ir-riċerka, l-istudji, it-taħriġ, is-servizz volontarju, l-iskema ta’ skambju ta’ skulari jew proġett edukattiv jew au pairing intenzjonat tal-applikant u jiġġieled kontra l-abbuż jew użu ħażin tal-proċedura stabbilita f’din id-Direttiva.
    </p>
    <p class="C09Marge0avecretrait" id="para-22" title="page-4">
      (42) Fejn l-informazzjoni pprovduta ma tkunx kompluta, l-Istati Membri għandhom jinfurmaw lill-applikant f’perijodu raġonevoli dwar l-informazzjoni addizzjonali meħtieġa u jistabbilixxu skadenza raġonevoli sabiex din tiġi pprovduta. Jekk l-informazzjoni addizzjonali ma tkunx ġiet ipprovduta fi żmien dik l-iskadenza, l-applikazzjoni tista’ tiġi rifjutata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Skont l-Artikolu 1 ta’ din id-direttiva, intitolat “Suġġett”:</p>
</td>
</tr>
</table>
    <p class="C02AlineaAltA" id="para-24" title="page-4">
      “Din id-direttiva tistabbilixxi:
    </p>
    <p class="C09Marge0avecretrait" id="para-25" title="page-4">
      (a) il-kundizzjonijiet ta’ dħul u residenza għal perijodu ta’ aktar minn 90 jum, fit-territorju tal-Istati Membri, u d-drittijiet, ta’ ċittadini ta’ pajjiżi terzi u, fejn applikabbli, tal-membri tal-familji tagħhom, għall-fini ta’ riċerka, studji, taħriġ jew servizz volontarju fis-Servizz Volontarju Ewropew, u fejn l-Istati Membri jiddeċiedu hekk, ta’ skemi ta’ skambju ta’ skulari jew proġetti edukattivi, servizz volontarju għajr is-Servizz Volontarju Ewropew jew au pairing;
    </p>
    <p class="C02AlineaAltA" id="para-26" title="page-4">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 2(1) tad-Direttiva 2016/801 jipprovdi:</p>
</td>
</tr>
</table>
    <p class="C02AlineaAltA" id="para-28" title="page-4">
      “Din id-Direttiva għandha tapplika għal ċittadini ta’ pajjiżi terzi li japplikaw biex ikunu ammessi jew li ġew ammessi fit-territorju ta’ Stat Membru għall-fini ta’ riċerka, studji, taħriġ jew servizz volontarju fis-Servizz Volontarju Ewropew. L-Istati Membri jistgħu jiddeċiedu wkoll li japplikaw id-dispożizzjonijiet ta’ din id-Direttiva għal ċittadini ta’ pajjiżi terzi li japplikaw biex jiġu ammessi għall-fini ta’ skema ta’ skambju ta’ skulari jew proġett edukattiv, servizz volontarju għajr is-Servizz Volontarju Ewropew jew au pairing.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">L-Artikolu 5 ta’ din id-direttiva, intitolat “Prinċipji”, jiddikjara illi:</p>
</td>
</tr>
</table>
    <p class="C02AlineaAltA" id="para-30" title="page-5">
      “1. L-ammissjoni ta’ ċittadin ta’ pajjiż terz taħt din id-Direttiva għandha tkun soġġetta għall-verifika ta’ evidenza dokumentata li turi li ċ-ċittadin ta’ pajjiż terz jilħaq:
    </p>
    <p class="C02AlineaAltA" id="para-31" title="page-5">
      (a) il-kundizzjonijiet ġenerali stabbiliti fl-Artikolu 7; u
    </p>
    <p class="C02AlineaAltA" id="para-32" title="page-5">
      (b) il-kundizzjoni speċifiċi rilevanti fl-Artikoli 8, 11, 12, 13, 14 jew 16.
    </p>
    <p class="C02AlineaAltA" id="para-33" title="page-5">
      2. L-Istati Membri jistgħu jesiġu li l-applikant jipprovdi l-evidenza dokumentata msemmija fil-paragrafu 1 b’lingwa uffiċjali tal-Istat Membru kkonċernat jew fi kwalunkwe lingwa uffiċjali tal-Unjoni determinata minn dak l-Istat Membru.
    </p>
    <p class="C02AlineaAltA" id="para-34" title="page-5">
      3. Fejn il-kundizzjonijiet ġenerali kollha u l-kundizzjonijiet speċifiċi rilevanti kollha għall-ammissjoni jintlaħqu, iċ-ċittadini ta’ pajjiż terz għandhom ikunu intitolati għal awtorizzazzjoni.
    </p>
    <p class="C02AlineaAltA" id="para-35" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">L-Artikolu 7 tad-Direttiva 2016/801, li huwa intitolat “Kundizzjonijiet ġenerali”, jipprovdi:</p>
</td>
</tr>
</table>
    <p class="C02AlineaAltA" id="para-37" title="page-5">
      “1. Fir-rigward tal-ammissjoni ta’ ċittadin ta’ pajjiż terz taħt din id-Direttiva, l-applikant għandu:
    </p>
    <p class="C02AlineaAltA" id="para-38" title="page-5">
      […]
    </p>
    <p class="C09Marge0avecretrait" id="para-39" title="page-5">
      (e) jipprovdi l-evidenza mitluba mill-Istat Membru kkonċernat li, matul il-permanenza ppjanata, iċ-ċittadin ta’ pajjiż terz ser ikollu riżorsi biżżejjed biex ikopri l-ispejjeż ta’ sussistenza mingħajr ma jkollu jirrikorri għas-sistema ta’ assistenza soċjali tal-Istat Membru, u l-ispejjeż tal-vjaġġ lura. Il-valutazzjoni tar-riżorsi suffiċjenti għandha tkun ibbażata fuq eżami individwali tal-każ u għandha tqis ir-riżorsi li jkunu ġejjin, fost l-oħrajn, minn għotja, borża ta’ studju jew fellowship, kuntratt tax-xogħol validu jew offerta vinkolanti ta’ impjieg jew impenn finanzjarju minn organizzazzjoni għal skema ta’ skambju ta’ skulari, entità li tospita t-trainees, organizzazzjoni għal skema ta’ servizz volontarju, familja ospitanti jew organizzazzjoni li sservi ta’ medjatur għall-au pairs.
    </p>
    <p class="C02AlineaAltA" id="para-40" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">L-Artikolu 20(1) ta’ dik id-direttiva, intitolat “Raġunijiet għal rifjut”, jgħid:</p>
</td>
</tr>
</table>
    <p class="C02AlineaAltA" id="para-42" title="page-5">
      “1. L-Istati Membri għandhom jirrifjutaw applikazzjoni fejn:
    </p>
    <p class="C09Marge0avecretrait" id="para-43" title="page-5">
      (a) il-kundizzjonijiet ġenerali stabbiliti fl-Artikolu 7 u l-kundizzjonijiet speċifiċi rilevanti stipulati fl-Artikoli 8, 11, 12, 13, 14 jew 16 ma jintlaħqux;
    </p>
    <p class="C09Marge0avecretrait" id="para-44" title="page-6">
      (b) id-dokumenti ppreżentati jkunu ġew akkwistati b’mod frodulenti, jew iffalsifikati, jew imbagħbsa;
    </p>
    <p class="C09Marge0avecretrait" id="para-45" title="page-6">
      (c) l-Istat Membru kkonċernat jippermetti biss l-ammissjoni permezz ta’ entità ospitanti approvata u l-entità ospitanti ma tkunx approvata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-dritt nazzjonali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">L-Artikolu 2(d) tal-a harmadik országbeli állampolgárok beutazásáról és tartózkodásáról szóló 2007. évi II. törvény (il-Liġi Nru II tal-2007 dwar id-Dħul u r-Residenza minn Ċittadini ta’ Pajjiżi Terzi; iktar ’il quddiem il-“Liġi Nru II tal‑2007”), fil-verżjoni tagħha applikabbli għat-tilwima fil-kawża prinċipali, jistabbilixxi liema qraba huma kkunsidrati “membri tal-familja” ta’ ċittadini ta’ pajjiżi terzi. Skont l-Artikolu 13(1)(f) ta’ din il-liġi, iċ-ċittadini ta’ pajjiżi terzi jistgħu jibqgħu fit-territorju tal-Ungerija għal perijodu li jeċċedi 90 jum f’perijodu ta’ 180 jum biss jekk, matul iż-żmien kollu taż-żjara tagħhom, ikollhom riżorsi suffiċjenti sabiex ikopru l-ispejjeż ta’ sussistenza u l-akkomodazzjoni tagħhom, inkluża l-ispiża tal-vjaġġ lura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">L-Artikolu 29(5) tal-a harmadik országbeli állampolgárok beutazásáról és tartózkodásáról szóló 2007. évi II. törvény végrehajtásáról szóló 114/2007. (V. 24.) Korm. rendelet (id-Digriet tal-Gvern 114/2007 tal-24 ta’ Mejju li Japprova r-Regolamenti ta’ Implimentazzjoni tal-Liġi Nru II tal-2007, iktar ’il quddiem id-“Digriet tal-Gvern 114/2007”) jipprovdi, essenzjalment, li ċittadin ta’ pajjiż terz jitqies li jkollu r-riżorsi finanzjarji meħtieġa għas-soġġorn tiegħu fl-Ungerija jekk din il-persuna jew “membru tal-familja” tagħha tkun f’pożizzjoni li tħallas l-ispejjeż ta’ sussistenza rilevanti, akkomodazzjoni, vjaġġar bir-ritorn u, fejn meħtieġ, kura medika, bi dħul jew kapital li tkun kisbet legalment u li jkollha għad-dispożizzjoni tagħha. L-Artikolu 29(6) ta’ dan id-digriet tal-Gvern jelenka kif tista’ tiġi pprovata l-eżistenza ta’ mezzi ta’ sussistenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-fatti fil-kawża prinċipali, il-proċedura quddiem il-Qorti tal-Ġustizzja u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Ir-rikorrent fil-kawża prinċipali, OS, huwa ċittadin ta’ pajjiż terz. Huwa kellu permess ta’ residenza għat-twettiq ta’ studji fl-Ungerija li kien validu sat-30 ta’ Ġunju 2020.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Fil-5 ta’ Ġunju 2020, ir-rikorrent ppreżenta talba għat-tiġdid ta’ dan il-permess ta’ residenza bil-għan li jwettaq xogħol volontarju fil-Mahatma Gandhi Emberi Jogi Egyesület (l-Organizzazzjoni tad-Drittijiet tal-Bniedem ta’ Mahatma Gandhi; iktar ’il quddiem “l-Organizzazzjoni”) fl-Ungerija. Huwa indika li, matul il-perijodu tal-volontarjat, huwa kellu l-intenzjoni li jiffinanzja s-sussistenza tiegħu bl-għajnuna ta’ zijuh, ċittadin Brittaniku. Barra minn hekk, huwa inkluda l-kuntratt tiegħu mal-Organizzazzjoni, dikjarazzjoni tal-kont bankarju f’ismu li turi tranżazzjonijiet ta’ sitt xhur, dikjarazzjoni ta’ responsabbiltà magħmula minn zijuh u dokumenti li jipprovdu evidenza tad-dħul ta’ zijuh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">L-awtorità reġjonali tal-immigrazzjoni kompetenti rrifjutat l-applikazzjoni għat-tiġdid tal-permess ta’ residenza u ddeċidiet li tkeċċi lir-rikorrent mit-territorju tal-Unjoni Ewropea. Din l-awtorità spjegat li, peress li z-ziju ta’ OS ma setax jitqies bħala “membru tal-familja”, fis-sens tal-Artikolu 2(d) tal-Liġi Nru II tal-2007, huwa ma setax ikopri l-ispejjeż ta’ sussistenza tar-rikorrent fl-Ungerija u, għaldaqstant, il-provi mehmuża mal-applikazzjoni ma setgħux jittieħdu inkunsiderazzjoni skont l-Artikolu 29(5) u (6) tad-Digriet tal-Gvern 114/2007.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Ir-rikorrent ikkontesta din id-deċiżjoni quddiem l-awtorità nazzjonali tal-immigrazzjoni. Huwa ddikjara li kien ikkonkluda ftehim ta’ self ma’ zijuh u għalaq dikjarazzjoni li fiha dan tal-aħħar impenja ruħu li jipprovdilu ċertu ammont, għat-tul tas-servizz ta’ volontarjat tiegħu, permezz ta’, inter alia, trasferimenti bankarji. Madankollu, l-awtorità nazzjonali tal-immigrazzjoni kienet tal-fehma wkoll li z-ziju tar-rikorrent ma kienx membru tal-familja u għalhekk ma setax ikopri l-ispejjeż ta’ sussistenza tiegħu fl-Ungerija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">OS ressaq azzjoni amministrattiva kontra din id-deċiżjoni quddiem il-Fővárosi Törvényszék (il-Qorti tal-Belt ta’ Budapest). Quddiem dik il-qorti, huwa sostna li zijuh seta’ jassistih finanzjarjament, mhux fil-forma ta’ self iżda ta’ rigal. Barra minn hekk, huwa argumenta li l-awtorità nazzjonali tal-immigrazzjoni aġixxiet illegalment meta ddeċidiet li ma tikkunsidrax ir-riżorsi pprovduti miz-ziju tar-rikorrent għas-sempliċi raġuni li dan tal-aħħar ma kienx “membru tal-familja”, fis-sens tad-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Fis-sentenza tagħha, il-Fővárosi Törvényszék (il-Qorti tal-Belt ta’ Budapest) qablet mar-rikorrent dwar dan il-punt. B’hekk hija annullat id-deċiżjonijiet tal-awtorità reġjonali u ta’ dik nazzjonali tal-immigrazzjoni u ordnat lill-awtorità reġjonali tal-immigrazzjoni tibda proċedura ġdida.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Madankollu, dik is-sentenza ġiet annullata mill-Kúria (il-Qorti Suprema, l-Ungerija). Din il-qorti qieset li, sabiex tiġi ssodisfatta l-kundizzjoni dwar “riżorsi suffiċjenti”, prevista fl-Artikolu 7(1)(e) tad-Direttiva 2016/801 u kif trasposta fid-dritt nazzjonali, ċittadin ta’ pajjiż terz għandu juri li huwa akkwista r-riżorsi rilevanti jew mingħand “membru tal-familja”, fis-sens tal-Artikolu 2(d) tal-Liġi Nru II tal-2007, jew bħala d-dħul u/jew l-assi tiegħu stess, jiġifieri, fuq bażi permanenti, u bil-kapaċità li jiddisponi minn dawn ir-riżorsi bħala tiegħu mingħajr ebda restrizzjoni. Barra minn hekk, huwa meħtieġ li d-dikjarazzjonijiet tar-rikorrent magħmula f’dan ir-rigward ikunu koerenti. Fid-dawl ta’ dawn l-elementi, il-Kúria (il-Qorti Suprema) ordnat lill-Fővárosi Törvényszék (il-Qorti tal-Belt ta’ Budapest) tiftaħ proċeduri ġodda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Fil-kuntest ta’ dawn il-proċeduri l-ġodda, il-Fővárosi Törvényszék (il-Qorti tal-Belt ta’ Budapest), li għandha dubji dwar il-kompatibbiltà mad-dritt tal-Unjoni tal-kriterji stabbiliti mill-Kúria (il-Qorti Suprema) fid-digriet tagħha, iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-58" title="page-8">
      “(1) Fid-dawl tal-għanijiet stabbiliti fil-premessi 2 u 41, kif ukoll tal-Artikolu 1(a) u l-Artikolu 4(1) tad-[Direttiva (UE) 2016/801], il-marġni ta’ evalwazzjoni mogħti lill-Istati Membri mill-Artikolu 7(1)(e) tad-Direttiva huwa konformi mal-prassi ta’ Stat Membru li, wara li tkun ġiet prodotta prova, fil-każ ta’ applikant ċittadin ta’ Stat terz li għandu l-intenzjoni li jwettaq xogħol volontarju, li persuna qariba tal-imsemmi applikant, iżda li ma titqiesx bħala membru tal-familja tiegħu, tista’, permezz tad-dħul tagħha miksub legalment, tiżgura li jkollu dħul jew riżorsi suffiċjenti sabiex tkopri l-ispejjeż ta’ sussistenza tiegħu u tal-ivvjaġġar ta’ ritorn tiegħu, u effettivament tiżgura dan lill-applikant permezz ta’ trasferimenti regolari ta’ ammonti neċessarji għas-sussistenza tiegħu, jeżiġi bħala kundizzjonijiet addizzjonali, sabiex tiġi ammessa l-eżistenza ta’ mezzi ta’ sussistenza, li l-applikant jindika bi preċiżjoni jekk l-ammont irċevut huwiex dħul jew kapital disponibbli u, barra minn hekk, li huwa jistabbilixxi, b’dokumenti ta’ sostenn, fuq liema bażi huwa kiseb dan id-dħul jew dan il-kapital disponibbli u li jista’ jiddisponi minnu b’mod definittiv u illimitat daqslikieku kien tiegħu?
    </p>
    <p class="C09Marge0avecretrait" id="para-59" title="page-8">
      (2) Fid-dawl tal-prinċipju ta’ supremazija tad-dritt tal-Unjoni, tat-trattament ġust previst fl-Artikolu 79 TFUE, tal-libertà ta’ residenza stabbilita fl-Artikolu 45 tal-Karta tad-Drittijiet Fundamentali tal-Unjoni Ewropea [iktar ’il quddiem il-‘Karta’], tal-prinċipji ta’ rimedju effettiv u ta’ proċess imparzjali stabbiliti fl-Artikolu 47 tal-Karta, kif ukoll tal-premessi 54 u 61 tad-Direttiva 2016/801, u b’mod partikolari tal-prinċipju ta’ ċertezza legali, il-fatt li l-kundizzjonijiet deskritti fl-ewwel domanda ma humiex inklużi fil-leġiżlazzjoni nazzjonali, li tirregola l-permessi ta’ residenza b’mod uniformi, minħabba l-fatt li ma huwiex il-leġiżlatur iżda l-qorti suprema tal-Istati Membru li stabbilixxiethom fil-kuntest tal-applikazzjoni tagħha tad-dritt, f’ġurisprudenza bi preċedent, jaffettwa r-risposta għall-ewwel domanda?
    </p>
    <p class="C09Marge0avecretrait" id="para-60" title="page-9">
      (3) Sa fejn jitqies li d-dikjarazzjoni u d-dokumenti ta’ sostenn relatati mal-osservanza tal-imsemmija kundizzjonijiet meħtieġa mil-liġi tal-Istati Membru huma wkoll neċessarji sabiex tiġi ammessa l-eżistenza ta’ mezzi ta’ sussistenza, hemm lok, fid-dawl tar-rekwiżit tat-trattament ġust previst fl-Artikolu 79 TFUE, tal-prinċipji ta’ rimedju effettiv u ta’ proċess imparzjali stabbiliti fl-Artikolu 47 tal-Karta, tar-rekwiżit ta’ ċertezza legali msemmi fil-premessa 2 tad-Direttiva 2016/801, kif ukoll tal-miżuri evokati bħala salvagwardji proċedurali fil-premessi 41 u 42 tagħha, li l-Artikolu 7(1)(e) tad-Direttiva 2016/801 jiġi interpretat fis-sens li prassi ta’ Stat Membru, li jeżiġi li applikant, filwaqt li jiġi avżat bil-konsegwenzi legali, għandu jiddikjara u jipproduċi prova b’mod koerenti u konsistenti li huwa jissodisfa r-rekwiżiti addizzjonali meqjusa bħala neċessarji u, fejn l-applikazzjoni għal permess ta’ residenza hija rrifjutata biss abbażi tal-fatt li huwa naqas milli jipproduċi prova dwar ir-rekwiżiti stabbiliti fil-ġurisprudenza, hija konsistenti mad-dispożizzjonijiet tal-leġiżlazzjoni biss jekk id-drittijiet tal-persuna kkonċernata u s-salvagwardji proċedurali jkunu ġew irrispettati?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">It-talba għal deċiżjoni preliminari, datata s-26 ta’ Ġunju 2023, ġiet ippreżentata fir-Reġistru tal-Qorti tal-Ġustizzja fl-14 ta’ Awwissu 2023. Il-Gvern Ungeriż u l-Kummissjoni Ewropea ppreżentaw osservazzjonijiet bil-miktub u kienu rrappreżentati fis-seduta li saret fl-20 ta’ Novembru 2024.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Id-Direttiva 2016/801, li tistabbilixxi l-kundizzjonijiet għad-dħul u r-residenza ta’ ċittadini ta’ pajjiżi terzi, hija bbażata fuq ir-raġunament li “[l]-immigrazzjoni minn barra l-Unjoni hija sors wieħed ta’ nies b’ħiliet għoljin” u li dawk in-nies “għandhom rwol importanti fil-formazzjoni tar-riżorsa prinċipali tal-Unjoni – il-kapital uman – għax jiżguraw tkabbir intelliġenti, sostenibbli u inklużiv”  (<span class="note footnote notemarker">
<a id="c-4" href="#t-4">3</a>
</span>). Kif inhu l-każ għal diversi direttivi oħra li jirregolaw il-migrazzjoni jew il-moviment liberu fl-Unjoni Ewropea  (<span class="note footnote notemarker">
<a id="c-5" href="#t-5">4</a>
</span>), waħda minn dawk il-kundizzjonijiet hija li l-persuna kkonċernata tirċievi riżorsi suffiċjenti sabiex tkopri l-ispejjeż tas-sussistenza u tal-ivvjaġġar bir-ritorn tagħha stess u ma tirrappreżentax piż finanzjarju fuq is-sistema ta’ assistenza soċjali tal-Istat Membru fejn toqgħod. Madankollu, filwaqt li f’xi wħud minn dawk l-istrumenti l-oħra, ir-rekwiżit ta’ “riżorsi suffiċjenti” huwa marbut ma’ kundizzjonijiet oħra, bir-riżultat li r-riżorsi mhux biss iridu jkunu suffiċjenti, iżda wkoll stabbli u regolari  (<span class="note footnote notemarker">
<a id="c-6" href="#t-6">5</a>
</span>), dan ma huwiex il-każ skont id-Direttiva 2016/801. Fil-fatt, l-Artikolu 7(1)(e) tiegħu jeżiġi biss li r-riżorsi jkunu “suffiċjenti”  (<span class="note footnote notemarker">
<a id="c-7" href="#t-7">6</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">F’dan il-kuntest, id-domandi tal-qorti tar-rinviju jirriżultaw mill-fatt li r-rikorrent fil-kawża prinċipali – ċittadin ta’ pajjiż terz li jitlob permess ta’ residenza għall-finijiet ta’ servizz volontarju – għamel dikjarazzjonijiet kunfliġġenti dwar in-natura tar-riżorsi sabiex ikopri l-ispejjeż ta’ sussistenza tiegħu matul is-soġġorn tiegħu fl-Ungerija. Inizjalment, huwa sostna li dawn ir-riżorsi ngħatawlu minn zijuh skont ftehim ta’ self, iżda iktar tard huwa ddikjara li fil-fatt kienu mogħtija lilu bħala rigal minn zijuh. Din il-qorti ngħatat struzzjonijiet mill-Kúria (il-Qorti Suprema) sabiex tikkunsidra li permess ta’ residenza ma jistax jingħata f’tali sitwazzjoni. Fil-fatt, il-Kúria (il-Qorti Suprema) tqis, fl-ewwel lok, li r-riżorsi ppreżentati mir-rikorrent għal permess ta’ residenza skont id-Direttiva 2016/801 għandhom jew ikunu ngħataw minn “membru tal-familja”, kif iddefinit skont id-dritt nazzjonali (li ma huwiex il-każ taz-ziju ta’ OS), jew ikunu nkisbu mir-rikorrent bħala dħul jew assi tiegħu stess, jiġifieri fuq bażi permanenti (li l-qorti tar-rinviju tifhem li jfisser li r-riżorsi jeħtieġu li jkunu nkisbu bħala rigal u mhux self, fil-każ li jkunu ngħataw minn terza persuna li, bħaz-ziju ta’ OS, ma tikkwalifikax bħala tali “membru tal-familja”) u bil-kapaċità li jiddisponi minnhom bħala tiegħu, mingħajr ebda restrizzjoni. Fit-tieni lok, ir-rikorrent għandu jipprova n-natura ta’ tali riżorsi b’mod koerenti (iktar ’il quddiem, flimkien, ir-“rekwiżiti kontenzjużi”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Speċifikament, permezz tal-ewwel u t-tielet domanda, il-Fővárosi Törvényszék (il-Qorti tal-Belt ta’ Budapest) tistaqsi, essenzjalment, dwar il-kompatibbiltà ta’ dawn ir-rekwiżiti mad-dritt tal-Unjoni. Dik il-qorti tirrileva li, fil-fehma tagħha, l-Istati Membri ma jistgħux jissupplimentaw il-kontenut tal-Artikolu 7(1)(e) tad-Direttiva 2016/801 b’kundizzjonijiet addizzjonali. Barra minn hekk, peress li ġie pprovat, in casu, li z-ziju ta’ OS huwa individwu solventi u jikseb id-dħul tiegħu legalment, ir-rilevanza ta’ jekk OS jirċevix il-fondi mingħandu fil-forma ta’ self jew fil-forma ta’ rigal u kisibhomx fuq bażi permanenti hija dibattibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Fit-taqsimiet ta’ wara, ser nibda billi nindirizza l-argumenti tal-Gvern Ungeriż dwar l-ammissibbiltà tad-domandi magħmula (A) qabel ma ngħaddi għall-kwistjonijiet imsemmija fil-punt preċedenti (B). Imbagħad ser nagħti risposta għat-tieni domanda, li tikkonċerna l-fatt li r-rekwiżiti inkwistjoni ġew imposti mhux fil-leġiżlazzjoni nazzjonali dwar il-permessi ta’ residenza, iżda fil-ġurisprudenza tal-ogħla qorti tal-Istat Membru kkonċernat (C).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">L-ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Il-Gvern Ungeriż isostni li d-domandi magħmula, li jirrigwardaw l-interpretazzjoni tad-Direttiva 2016/801, huma inammissibbli peress li t-tilwima fil-kawża prinċipali ma taqax fil-kamp ta’ applikazzjoni ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">F’dan ir-rigward, dan il-gvern jagħmel żewġ argumenti. Fl-ewwel lok, huwa jindika li, fir-rikors tiegħu, OS ma indikax li kien qiegħed japplika għal permess ta’ residenza għall-finijiet ta’ “servizz volontarju”, fis-sens tad-Direttiva 2016/801; minflok, huwa ppreżenta l-applikazzjoni tiegħu taħt “għanijiet oħra” (kif previst fid-dritt nazzjonali) – meta tali “għanijiet oħra” ma humiex koperti minn din id-direttiva  (<span class="note footnote notemarker">
<a id="c-8" href="#t-8">7</a>
</span>). Fit-tieni lok, huwa jsostni li, anki jekk OS kellu, fil-fatt, jitqies li ppreżenta l-applikazzjoni tiegħu għal permess ta’ residenza fis-sens ta’ “servizz volontarju”, huwa xorta waħda ma jaqax fil-kamp ta’ applikazzjoni ta’ din id-direttiva. F’dan ir-rigward, il-Gvern Ungeriż jinnota li l-Ungerija użat il-possibbiltà, prevista fl-Artikolu 1(a) u fl-Artikolu 2(1) tad-Direttiva 2016/801, moqrija fid-dawl tal-premessa 21 tagħha, li tapplika d-dispożizzjonijiet ta’ dan l-istrument mhux biss għaċ-ċittadini ta’ pajjiżi terzi li jixtiequ jipparteċipaw fis-Servizz Volontarju Ewropew, iżda wkoll għal dawk li, bħar-rikorrent, ifittex li jwettaq servizz volontarju ieħor. Madankollu, f’tali sitwazzjoni, huwa neċessarju li l-organizzazzjoni ta’ skema ta’ servizz volontarju inkwistjoni tikkwalifika bħala “entità ospitanti”, fis-sens tal-Artikolu 3(14) tad-Direttiva 2016/801. Madankollu, dan ma huwiex il-każ fil-każ tal-Organizzazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Fil-fehma tiegħi, l-argumenti magħmula mill-Gvern Ungeriż jistgħu faċilment jiġu miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Fl-ewwel lok, b’risposta għat-tieni argument ta’ dan il-gvern, nosserva li t-termini “entità ospitanti”, kif iddefiniti fl-Artikolu 3(14) tad-Direttiva 2016/801, ma jidhrux fl-Artikolu 2 ta’ din id-direttiva, intitolat “Kamp ta’ applikazzjoni”. Madankollu, dawn jintużaw fl-Artikolu 14 tiegħu, li jelenka l-kundizzjonijiet speċifiċi ta’ dħul u residenza għall-voluntiera.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Għall-kuntrarju tal-Gvern Ungeriż, nifhem li jekk l-organizzazzjoni ta’ skema ta’ servizz volontarju inkwistjoni tikkwalifikax bħala “entità ospitanti” hija għalhekk rilevanti għall-evalwazzjoni ta’ jekk dawn il-kundizzjonijiet humiex issodisfatti, u mhux għall-kwistjoni preliminari dwar jekk applikant jaqax fil-kamp ta’ applikazzjoni ta’ dan l-istrument.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Fit-tieni lok, infakkar li, skont ġurisprudenza stabbilita, fil-kuntest tal-kooperazzjoni bejn il-Qorti tal-Ġustizzja u l-qrati nazzjonali prevista fl-Artikolu 267 TFUE, il-Qorti tal-Ġustizzja hija, bħala prinċipju, marbuta li tiddeċiedi meta d-domandi magħmula jikkonċernaw l-interpretazzjoni tad-dritt tal-Unjoni u meta dawn id-domandi jibbenefikaw minn preżunzjoni ta’ rilevanza. Il-Qorti tal-Ġustizzja tista’ tirrifjuta li tiddeċiedi dwarhom biss meta jkun jidher li l-interpretazzjoni mitluba tad-dritt tal-Unjoni ma hijiex relatata mar-realtà jew mas-suġġett tal-kawża prinċipali, meta l-problema tkun ta’ natura ipotetika jew meta l-Qorti tal-Ġustizzja ma jkollhiex il-punti ta’ fatt u ta’ liġi neċessarji sabiex tirrispondi b’mod utli  (<span class="note footnote notemarker">
<a id="c-9" href="#t-9">8</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">L-ebda waħda minn dawn is-sitwazzjonijiet ma tapplika għal dan il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">B’mod partikolari, ma jidhirlix li l-interpretazzjoni mitluba, li tirrigwarda l-kundizzjoni dwar “riżorsi suffiċjenti”, fl-Artikolu 7(1)(e) tad-Direttiva 2016/801, ma hijiex relatata mal-fatti tal-kawża prinċipali jew tal-għan tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Fil-fatt, indipendentement mill-kategorija speċifika li taħtha OS ppreżenta l-applikazzjoni tiegħu għal permess ta’ residenza (kemm jekk din kienet il-kategorija ta’ “servizz volontarju” kif ukoll il-kategorija ta’ “skopijiet oħra”), din l-applikazzjoni kienet, fi kwalunkwe każ, meqjusa mill-awtoritajiet kompetenti tal-immigrazzjoni u mill-qrati nazzjonali bħala li saret għall-finijiet ta’ “servizz volontarju” u analizzata minn dawn l-awtoritajiet u qrati taħt il-priżma ta’, b’mod partikolari, il-kundizzjonijiet ġenerali elenkati fl-Artikolu 7 tad-Direttiva 2016/801, inkluża l-kundizzjoni dwar “riżorsi suffiċjenti” (Artikolu 7(1)(e)).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Barra minn hekk, waqt is-seduta, il-Gvern Ungeriż ammetta li l-fatt li l-organizzazzjoni ma setgħetx titqies bħala “entità ospitanti”, fis-sens tal-Artikolu 3(14) tad-Direttiva 2016/801, ma kienx ir-raġuni li għaliha l-applikazzjoni għal permess ta’ residenza ta’ OS kienet ġiet miċħuda, peress li d-deċiżjonijiet tal-awtoritajiet reġjonali u nazzjonali tal-immigrazzjoni kompetenti kienu bbażati esklużivament fuq il-fatt li huwa ma kienx wera li kellu “riżorsi suffiċjenti”, fis-sens tal-Artikolu 7(1)(e) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Minn dan isegwi li s-soluzzjoni tat-tilwima fil-kawża prinċipali tiddependi fuq l-interpretazzjoni ta’ din il-kundizzjoni u li d-domandi mressqa huma ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">L-evalwazzjoni tal-kompatibbiltà (Domandi 1 u 3)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Kif diġà spjegajt fil-punti 22 u 23 iktar ’il fuq, fit-talba tagħha għal deċiżjoni preliminari l-qorti tar-rinviju tistaqsi jekk, sabiex tipprova li r-rikorrent jirċievi “riżorsi suffiċjenti”, fis-sens tal-Artikolu 7(1)(e) tad-Direttiva 2016/801, huwiex biżżejjed li l-persuna responsabbli li tipprovdi tali riżorsi (in casu, iz-ziju tar-rikorrent) turi l-kapaċità tagħha li tipprovdihom u tiddikjara li huma maħsuba sabiex ikopru l-ispejjeż ta’ sussistenza tar-rikorrent matul iż-żjara tiegħu jew tagħha u kif ukoll l-ispejjeż tal-ivvjaġġar tar-ritorn tiegħu jew tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Min-naħa l-oħra, dik il-qorti tifhem li l-Kúria (il-Qorti Suprema) hija tal-fehma li, jekk ir-riżorsi joriġinaw minn terza persuna li ma tkunx “membru tal-familja”, fis-sens tad-dritt nazzjonali (bħal fil-każ taz-ziju ta’ OS), l-applikant għandu juri li dawn ir-riżorsi jkunu ġew effettivament miksuba minnu bħala dħul jew assi tiegħu, jiġifieri, fuq bażi permanenti (bħala rigal, mhux self) u li huwa jista’ jiddisponi minnhom bħala tiegħu mingħajr ebda restrizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Permezz tal-ewwel domanda, il-qorti tar-rinviju tqajjem dubji dwar il-kompatibbiltà ta’ dan ir-rekwiżit mal-għanijiet ta’ din id-direttiva (kif riflessi fil-premessi 2 u 41 u fl-Artikolu 4(1) tagħha).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">It-tielet domanda, min-naħa tagħha, tirriżulta mill-konstatazzjoni min-naħa tal-Kúria (il-Qorti Suprema) li, fil-kawża prinċipali, OS naqas milli jistabbilixxi, b’mod koerenti, in-natura tar-riżorsi disponibbli għalih, b’mod partikolari, kif dawn inkisbu u n-natura permanenti tagħhom. Il-qorti tar-rinviju, għal darb’oħra, tistaqsi jekk dan ir-rekwiżit huwiex konformi mad-dritt tal-Unjoni (b’mod partikolari, mal-Artikolu 79 TFUE  (<span class="note footnote notemarker">
<a id="c-10" href="#t-10">9</a>
</span>), l-Artikolu 47 tal-Karta  (<span class="note footnote notemarker">
<a id="c-11" href="#t-11">10</a>
</span>), u l-premessi 2, 41 u 42 tad-Direttiva 2016/801), peress li, matul il-proċedura amministrattiva, OS ma ġiex informat bil-fatt li l-applikazzjoni tiegħu għal permess ta’ residenza setgħet tiġi miċħuda jekk id-dikjarazzjonijiet tiegħu f’dan ir-rigward ma kinux koerenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Fit-taqsimiet li ġejjin, ser neżamina kull waħda minn dawn il‑kwistjonijiet wara xulxin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Ir-rekwiżit li r-riżorsi jinkisbu fuq bażi permanenti</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Id-Direttiva 2016/801 ma tiddefinixxix il-kunċett ta’ “riżorsi suffiċjenti”. L-Artikolu 7(1)(e) tagħha jsemmi biss li, sabiex jiġi stabbilit jekk persuna li tapplika għal permess ta’ residenza hijiex qiegħda tirċievi “riżorsi suffiċjenti”, dawn ir-riżorsi jinkludu dawk li “ġejjin, fost l-oħrajn, minn għotja, borża ta’ studju jew fellowship, kuntratt tax-xogħol validu jew offerta vinkolanti ta’ impjieg jew impenn finanzjarju minn organizzazzjoni għal skema ta’ skambju ta’ skulari, entità li tospita t-trainees, organizzazzjoni għal skema ta’ servizz volontarju, familja ospitanti jew organizzazzjoni li sservi ta’ medjatur għall-au pairs”. Barra minn hekk, l-Artikolu 7(3) ta’ din id-direttiva jipprovdi li “[l]-Istati Membri jistgħu jindikaw ammont ta’ referenza li huma jqisu li jikkostitwixxi ‘riżorsi suffiċjenti’”. Dawk id-dispożizzjonijiet jiċċaraw ukoll li l-evalwazzjoni tar-riżorsi suffiċjenti għandha tkun “ibbażata fuq eżami individwali tal-każ”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Sal-lum, żewġ sentenzi tal-Qorti tal-Ġustizzja biss kienu jikkonċernaw l-interpretazzjoni tad-Direttiva 2016/801 u l-ebda waħda minnhom ma kienet tikkonċerna speċifikament il-kunċett ta’ “riżorsi suffiċjenti” jew rekwiżiti sostantivi oħra skont din id-direttiva  (<span class="note footnote notemarker">
<a id="c-12" href="#t-12">11</a>
</span>). Madankollu, il-Qorti tal-Ġustizzja ddikjarat, fir-rigward tad-Direttiva 2004/114/KE  (<span class="note footnote notemarker">
<a id="c-13" href="#t-13">12</a>
</span>), li kienet tapplika qabel id-dħul fis-seħħ tad-Direttiva 2016/801, li l-Istati Membri huma, essenzjalment, obbligati joħorġu permess ta’ residenza għal wieħed mill-għanijiet elenkati lil applikant li jissodisfa l-kundizzjonijiet ġenerali u speċifiċi previsti fid‑Direttiva 2004/114, peress li dawn il-kundizzjonijiet huma eżawrjenti  (<span class="note footnote notemarker">
<a id="c-14" href="#t-14">13</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Huwa ċar għalija li l-istess japplika fir-rigward tad-Direttiva 2016/801, peress li l-Artikolu 5(3) tagħha jippreċiża li “[f]ejn il-kundizzjonijiet ġenerali kollha u l-kundizzjonijiet speċifiċi rilevanti kollha għall-ammissjoni jintlaħqu, iċ-ċittadini ta’ pajjiż terz għandhom ikunu intitolati għal awtorizzazzjoni”  (<span class="note footnote notemarker">
<a id="c-15" href="#t-15">14</a>
</span>). Minn dan isegwi li l-“kundizzjonijiet ġenerali” elenkati fl-Artikolu 7 ta’ din id-direttiva, inkluża l-kundizzjoni dwar “riżorsi suffiċjenti”, huma eżawrjenti u, għalhekk, ma jistgħux jiġu kkompletati b’kundizzjonijiet ġenerali oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Wara li ntqal dan, inqis li l-kunċett ta’ “riżorsi suffiċjenti” għandu dimensjoni doppja. Fil-fatt, jekk applikant jirċevix riżorsi suffiċjenti jiddependi, l-ewwel, mill-ammont ta’ dawn ir-riżorsi (li għandhom ikunu suffiċjenti sabiex ikopru l-ispejjeż ta’ sussistenza ta’ din il-persuna u l-ispejjeż tal-ivvjaġġar bir-ritorn) u, it-tieni, iż-żmien li matulu dawn ir-riżorsi jkunu disponibbli għalih (peress li huwa jew hija għandha turi li “matul is-soġġorn ippjanat (huwa jew hija) ser ikollu riżorsi suffiċjenti sabiex ikopri l-ispejjeż ta’ sussistenza mingħajr ma jirrikorri għall-ispejjeż ta’ sussistenza tal-Istat Membru sistema ta’ assistenza soċjali, u l-ispejjeż tal-ivvjaġġar bir-ritorn”)  (<span class="note footnote notemarker">
<a id="c-16" href="#t-16">15</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">F’dan ir-rigward, infakkar li l-Qorti tal-Ġustizzja diġà ddeċidiet, fir-rigward ta’ strumenti oħra tad-dritt tal-Unjoni dwar il-migrazzjoni, li l-awtoritajiet kompetenti tal-Istati Membri ma humiex preklużi milli jeżaminaw jekk il-kundizzjoni dwar “riżorsi suffiċjenti” hijiex issodisfatta billi jieħdu inkunsiderazzjoni jekk dawn ir-riżorsi humiex ser jinżammu lil hinn mid-data tal-preżentata tal-applikazzjoni  (<span class="note footnote notemarker">
<a id="c-17" href="#t-17">16</a>
</span>). Fil-fehma tiegħi, l-istess jgħodd fil-kuntest tal-applikazzjoni tad-Direttiva 2016/801. Hija meħtieġa evalwazzjoni prospettiva mmirata sabiex tiddetermina jekk, matul il-kors kollu tas-soġġorn tiegħu jew tagħha, il-persuna kkonċernata tkunx tista’ tkopri l-ispejjeż ta’ sussistenza tagħha. Fil-fatt, sabiex nieħdu eżempju estrem (li ma jikkorrispondix għall-fatti fil-kawża prinċipali), jekk ċittadin ta’ pajjiż terz japplika għal permess ta’ residenza abbażi tad-Direttiva 2016/801, billi jsostni li huwa jirċievi “riżorsi suffiċjenti”, filwaqt li fil-fatt ikun taħt l-obbligu li jħallas lura l-ammont korrispondenti immedjatament wara l-wasla tiegħu, huwa jissodisfa l-kundizzjoni prevista fl-Artikolu 7(1)(e) ta’ din id-direttiva? Naħseb li le.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Fil-fehma tiegħi, tali evalwazzjoni prospettiva hija iktar u iktar neċessarja peress li mill-Artikolu 7(1)(e) tad-Direttiva 2016/801 jirriżulta li l-kundizzjoni dwar “riżorsi suffiċjenti” hija essenzjali sabiex jiġi żgurat li ċ-ċittadini ta’ pajjiżi terzi li jingħataw permess ta’ residenza għal wieħed mill-finijiet elenkati f’din id-direttiva jkunu jistgħu jsostnu lilhom innifishom, matul iż-żjara tagħhom mingħajr ma jirrikorru għall-assistenza soċjali tal-Istati Membri  (<span class="note footnote notemarker">
<a id="c-18" href="#t-18">17</a>
</span>) u li ċerti kategoriji ta’ applikanti, bħal voluntiera mhux imħallsa (<span class="note footnote notemarker">
<a id="c-19" href="#t-19">18</a>
</span>), li jistgħu japplikaw għal permess ta’ residenza skont din id-direttiva, ma jaqilgħu l-ebda flus matul iż-żjara tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Madankollu, ma naqbilx mal-fehma tal-Kúria (il-Qorti Suprema) li r-riżorsi għandhom neċessarjament ikunu nkisbu b’mod permanenti minn ċittadin ta’ pajjiż terz li japplika għal permess ta’ residenza skont din id-direttiva. Fil-fehma tiegħi, l-impożizzjoni ta’ dan ir-rekwiżit tmur ferm lil hinn mill-kliem tal-Artikolu 7(1)(e) tad-Direttiva 2016/801 u mill-għanijiet ta’ dan l-istrument. Fil-fatt, dan ifisser essenzjalment (kif tissuġġerixxi l-qorti tar-rinviju fit-talba għal deċiżjoni preliminari tagħha) li tali persuna tista’ tiġi miċħuda permess ta’ residenza sempliċement minħabba li hija jkollha tħallas lura s-somma ta’ flus li tkun ġiet lilha mislufa minn persuna oħra sabiex tkopri l-ispejjeż tal-ivvjaġġar ta’ sussistenza u ta’ ritorn tagħha, anki jekk hija jkollha tagħmel dan biss wara t-tmiem taż-żjara tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">F’dan ir-rigward, infakkar li, kif indikajt fil-punt 21 iktar ’il fuq, id-Direttiva 2016/801 għandha l-għan li tippromwovi u tiffaċilita l-migrazzjoni ta’ ċittadini ta’ pajjiżi terzi għall-finijiet ta’ riċerka, studju, taħriġ, servizz volontarju, skemi ta’ skambju ta’ skulari jew proġetti edukattivi u au pairing. Il-premessa 6 ta’ din id-direttiva tindika li din għandha l-għan li “tinkoraġġixxi l-kuntatti bejn il-persuni kif ukoll il-mobilità” u l-premessa 7 tagħha tipprovdi li l-migrazzjoni skont din id-direttiva “tikkostitwixxi forma ta’ arrikkiment reċiproku għall-migranti kkonċernati, għall-pajjiż ta’ oriġini tagħhom u għall-Istat Membru kkonċernat, filwaqt li ssaħħaħ ir-rabtiet kulturali u tarrikkixxi d-diversità kulturali”. Il-premessa 8 tad-Direttiva 2016/801 tindika, min-naħa tagħha, li dak l-istrument għandu jmexxi ’l quddiem l-Unjoni Ewropea “fil-kompetizzjoni globali għat-talent”, filwaqt li l-premessa 21 tagħha tirreferi għall-għan li “jiġu ffaċilitati” d-dħul u r-residenza tal-voluntiera. Fil-fehma tiegħi, dawn il-premessi jikkonfermaw li l-għan ta’ din id-direttiva ma huwiex li toħloq ostakoli għall-kisba ta’ permess ta’ residenza għall-kategoriji ta’ ċittadini ta’ pajjiżi terzi li jaqgħu fil-kamp ta’ applikazzjoni tagħha, iżda sempliċement li tiżgura l-osservanza ta’ ċerti kundizzjonijiet eżawrjenti, li l-iktar importanti minnhom hija li dawn il-persuni jkollhom ir-riżorsi neċessarji sabiex ma jsirux piż fuq l-Istat Membru li jospitahom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Infakkar li, kuntrarjament għal ċerti strumenti oħra tad-dritt tal-Unjoni dwar il-migrazzjoni, jiġifieri d-Direttiva 2003/109 u d-Direttiva 2003/86, li jikkonċernaw soġġorni ta’ tul itwal, il-leġiżlatur tal-Unjoni ma qiesx neċessarju, fl-Artikolu 7(1)(e) tad-Direttiva 2016/801, li jeżiġi li r-riżorsi jkunu “stabbli” jew “regolari” b’żieda ma’ li jkunu “suffiċjenti”. Għaldaqstant, ma narax kif l-Istati Membri jistgħu jeżiġu li persuna li tapplika għal permess ta’ residenza skont din id-direttiva tipprova, f’termini assoluti (jiġifieri, lil hinn mit-tul reali tas-soġġorn ippjanat tagħha), l-istabbiltà jew ir-regolarità – aħseb u ara n-natura permanenti – tar-riżorsi li hija tirċievi  (<span class="note footnote notemarker">
<a id="c-20" href="#t-20">19</a>
</span>). Fil-fatt, kieku l-leġiżlatur tal-Unjoni kellu l-intenzjoni li japplikaw kundizzjonijiet differenti min-natura “suffiċjenti” tar-riżorsi, huwa kien jiddikjara dan espressament, kif għamel f’dawn id-direttivi l-oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Fi kwalunkwe każ, anki fil-kuntest tal-applikazzjoni ta’ dawn l-istrumenti l-oħra, l-applikant ma għandux ikun akkwista r-riżorsi rilevanti fuq bażi permanenti. Fil-fatt, il-Qorti tal-Ġustizzja ddeċidiet, pereżempju, fir-rigward tad-Direttiva 2003/86 (li tikkonċerna r-riunifikazzjoni tal-familja), li evalwazzjoni prospettiva tal-probabbiltà li l-isponsor iżomm, jew jonqos milli jżomm, ir-riżorsi stabbli u regolari neċessarji hija suffiċjenti  (<span class="note footnote notemarker">
<a id="c-21" href="#t-21">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Fil-fehma tiegħi, minn dawn l-elementi jirriżulta li l-għoti ta’ permess ta’ residenza skont id-Direttiva 2016/801 ma jistax jiġi miċħud għas-sempliċi raġuni li r-riżorsi tal-applikant ma jkunux ġew miksuba fuq bażi permanenti (pereżempju, minħabba li jkunu suġġetti għal self).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Qabel ma nikkonkludi dwar din it-taqsima, nixtieq nagħmel żewġ rimarki oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Fl-ewwel lok, naqbel mal-Gvern Ungeriż li, filwaqt li l-kundizzjonijiet ġenerali elenkati fl-Artikolu 7 tad-Direttiva 2016/801 huma eżawrjenti, it-tipi ta’ riżorsi elenkati fl-Artikolu 7(1)(e) ta’ din id-direttiva, sabiex jiġi vverifikat jekk il-kundizzjoni dwar “riżorsi suffiċjenti” hijiex issodisfatta, ma humiex. Naqbel ukoll li l-Istati Membri jistgħu, sabiex jiddeterminaw jekk din il-kundizzjoni hijiex issodisfatta, jirrikjedu li l-applikanti jindikaw in-natura tar-riżorsi li huma jiddikjaraw li qegħdin jirċievu jew kif dawn ikunu kisbuhom. Fil-fatt, kif indikaw kemm il-Gvern Ungeriż kif ukoll il-Kummissjoni waqt is-seduta, u kif tikkonferma l-premessa 41 ta’ dan l-istrument, l-Istati Membri huma awtorizzati li “jwettqu l-verifiki xierqa jew jesiġu evidenza sabiex jivvalutaw, skont il-każ, ir-riċerka, l-istudji, it-taħriġ, is-servizz volontarju, l-iskema ta’ skambju ta’ skulari jew proġett edukattiv jew au pairing intenzjonat tal-applikant u jiġġieled kontra l-abbuż jew użu ħażin tal-proċedura stabbilita f’din id‑Direttiva”  (<span class="note footnote notemarker">
<a id="c-22" href="#t-22">21</a>
</span>). Barra minn hekk, il-Qorti tal-Ġustizzja diġà ddeċidiet, f’kuntesti oħra, li n-natura tar-riżorsi tista’ tkun fattur rilevanti sabiex jiġi stabbilit jekk il-kundizzjoni dwar “riżorsi suffiċjenti” hijiex issodisfatta  (<span class="note footnote notemarker">
<a id="c-23" href="#t-23">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Madankollu, fil-fehma tiegħi, is-setgħa diskrezzjonali li għandhom l-Istati Membri f’dan ir-rigward ma tistax tiġi invokata sabiex jiġu elaborati rekwiżiti li jammontaw għal iktar minn sempliċi regoli tal-provi u, fil-fatt, iżidu kundizzjonijiet sostantivi ma’ dawk diġà stabbiliti b’mod eżawrjenti fl-Artikolu 7 tad-Direttiva 2016/801 (pereżempju, billi l-għoti ta’ permess ta’ residenza jiġi suġġett għall-fatt li r-riżorsi jinkisbu fuq bażi permanenti). F’dan ir-rigward, wieħed ma għandux jinsa l-fatt li l-Artikolu 7(1)(e) tad-Direttiva 2016/801 sempliċement jobbliga lir-rikorrent juri li “matul il-permanenza ppjanata, iċ-ċittadin ta’ pajjiż terz ser ikollu riżorsi biżżejjed biex ikopri l-ispejjeż ta’ sussistenza mingħajr ma jkollu jirrikorri għas-sistema ta’ assistenza soċjali tal-Istat Membru, u l-ispejjeż tal-vjaġġ lura”  (<span class="note footnote notemarker">
<a id="c-24" href="#t-24">23</a>
</span>). Kif spjegat il-Kummissjoni waqt is-seduta, l-elementi ta’ prova ppreżentati minn applikant għandhom jiġu analizzati fid-dawl tal-kundizzjonijiet eżawrjenti stabbiliti fid-Direttiva 2016/801 biss.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Fit-tieni lok, ninnota li rekwiżit bħal dan impost, in casu, mill-Kúria (il-Qorti Suprema) huwa fil-fatt ikkostitwit minn diversi komponenti. Fil-fatt, din il-qorti essenzjalment teżiġi li r-riżorsi li joriġinaw minn terz li ma huwiex “membru tal-familja”, fis-sens tad-dritt nazzjonali, mhux biss jinkisbu b’mod speċifiku (b’mod permanenti, jiġifieri, bħala rigal, mhux bħala self) minn tali persuna, iżda jkunu wkoll għad-dispożizzjoni tal-applikant, mingħajr ebda restrizzjoni, b’tali mod li jkunu effettivament jifformaw parti mill-“assi jew mid-dħul” tiegħu stess.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">B’mod konkret, in casu, dan ifisser li z-ziju ta’ OS ma jistax iħallas l-ispejjeż ta’ sussistenza ta’ OS huwa stess, direttament. OS kien ikollu juri li l-flus se jiġu ttrasferiti minn zijuh lilu u effettivament isiru tiegħu qabel ma jintużaw sabiex ikopru l-ispejjeż tas-sussistenza tiegħu. Tali rekwiżit jipprekludi, fil-prattika, li jittieħdu inkunsiderazzjoni riżorsi li joriġinaw minn partijiet terzi li ma jkunux “membri tal-familja”, kif iddefinit fid-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">F’dan ir-rigward, infakkar li, fir-rigward ta’ strumenti oħra (jiġifieri d-Direttiva 2003/109 dwar ir-residenti għat-tul u d-Direttiva 2003/86 dwar ir-riunifikazzjoni tal-familja), il-Qorti tal-Ġustizzja ddeċidiet li l-kunċett ta’ “riżorsi” msemmi f’dawn l-istrumenti ma jikkonċernax biss ir-“riżorsi proprji” tal-applikant, iżda jista’ jkopri wkoll ir-riżorsi mqiegħda għad-dispożizzjoni ta’ dan l-applikant minn terz  (<span class="note footnote notemarker">
<a id="c-25" href="#t-25">24</a>
</span>). Barra minn hekk, hija ppreċiżat li “interpretazzjoni tal-kundizzjoni dwar is-suffiċjenza tar-riżorsi fis-sens li l-persuna kkonċernata għandu jkollha dawn ir-riżorsi hija stess” iżżid rekwiżit dwar l-oriġini tar-riżorsi li ma huwiex neċessarju sabiex jintlaħaq l-għan segwit, jiġifieri l-protezzjoni tal-finanzi pubbliċi tal-Istati Membri  (<span class="note footnote notemarker">
<a id="c-26" href="#t-26">25</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Fil-fehma tiegħi, l-istess jgħodd fir-rigward tad-Direttiva 2016/801. L-impożizzjoni fuq l-applikant tar-rekwiżit li r-riżorsi rċevuti minn terz (li ma jkunx “membru tal-familja”) ikunu għad-dispożizzjoni tal-applikant, mingħajr ebda restrizzjoni, b’tali mod li effettivament ikunu jifformaw parti mid-dħul jew mill-assi tiegħu stess, la hija meħtieġa skont din id-direttiva (li telenka b’mod eżawrjenti l-kundizzjonijiet sostantivi li għandhom jiġu ssodisfatti), u lanqas meħtieġa sabiex jintlaħqu l-għanijiet tagħha. Fil-fatt, kif iddeċidiet il-Qorti tal-Ġustizzja, “it-telf ta’ riżorsi suffiċjenti huwa dejjem riskju sottostanti, kemm jekk dawn ir-riżorsi huma personali kif ukoll jekk ġejjin minn terz”  (<span class="note footnote notemarker">
<a id="c-27" href="#t-27">26</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Dwar ir-rekwiżit ta’ koerenza tad-dikjarazzjonijiet dwar in-natura tar-riżorsi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">It-tielet domanda tirrigwarda r-rekwiżit impost mill-Kúria (il-Qorti Suprema) li d-dikjarazzjonijiet magħmula minn ċittadin ta’ pajjiż terz li japplika għal permess ta’ residenza skont id-Direttiva 2016/801 ikunu koerenti fir-rigward tan-natura tar-riżorsi disponibbli għalih, b’mod partikolari, kif dawn ikunu nkisbu u n-natura permanenti tagħhom; inkella, l-applikazzjoni tiegħu tista’ tiġi miċħuda. Il-qorti tar-rinviju tistaqsi jekk dan ir-rekwiżit huwiex kompatibbli mad-dritt tal-Unjoni u, b’mod partikolari, mal-Artikolu 79 TFUE, mal-Artikolu 47 tal-Karta u mal-premessi 2, 41 u 42 tad-Direttiva 2016/801.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">F’dan ir-rigward, nibda billi nfakkar li, kif indikajt fil-punt 53 iktar ’il fuq, l-Istati Membri jistgħu “jwettqu kontrolli xierqa jew jirrikjedu provi” sabiex, b’mod partikolari, “jiġġieldu kontra l-abbuż u l-użu ħażin tal-proċedura prevista f’din id-Direttiva”. Barra minn hekk, l‑Artikolu 7 tad-Direttiva 2016/801 huwa ċar fir-rigward tal-fatt li huwa l-applikant għal permess ta’ residenza skont din id-direttiva li għandu jipproduċi l-provi neċessarji insostenn tal-applikazzjoni tiegħu. Fi kliem ieħor, ma huwiex il-kompitu tal-awtoritajiet nazzjonali li jwettqu kontrolli li jmorru lil hinn mill-provi pprovduti mill-applikant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Fil-fehma tiegħi, mid-dispożizzjonijiet hawn fuq imsemmija jirriżulta li, bil-għan li jiġu miġġielda l-abbuż u l-użu ħażin tal-proċedura prevista fid-Direttiva 2016/801, l-awtoritajiet nazzjonali għandhom id-dritt li jfittxu elementi li jistgħu jiżvelaw l-eżistenza ta’ tali abbuż jew użu ħażin. Dawn l-elementi jistgħu jinkludu l-fatt li l-applikant ikun għamel dikjarazzjonijiet inkoerenti quddiem l-awtoritajiet nazzjonali kompetenti; anki jekk dan il-fatt jista’ ma jkunx neċessarjament biżżejjed, fih innifsu, sabiex tiġi stabbilita l-eżistenza ta’ abbuż jew ta’ użu ħażin tal-proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Fl-istess ħin, u minkejja l-fatt li, kif indikajt fil-punt 60 iktar ’il fuq, huwa l-applikant li għandu jipproduċi l-provi neċessarji insostenn tat-talba tiegħu, mill-Artikolu 34(3) tad-Direttiva 2016/801, moqri fid-dawl tal-premessa 42 tagħha, jirriżulta li, jekk l-informazzjoni pprovduta ma tkunx kompleta, l-Istat Membru kkonċernat għandu jinforma lill-applikant u jipprovdilu opportunità raġonevoli sabiex jipprovdiha. Barra minn hekk, l-Artikolu 35 ta’ dan l-istrument jipprevedi, fl-ewwel paragrafu tiegħu, li “[l]-Istati Membri għandhom jagħmlu disponibbli faċilment għall-applikanti l-informazzjoni dwar il-evidenza dokumentarja kollha meħtieġa għal applikazzjoni u l-informazzjoni dwar il-kundizzjonijiet ta’ dħul u residenza, inklużi d-drittijiet, l-obbligi u s-salvagwardji proċedurali, taċ-ċittadini ta’ pajjiż terz li jaqgħu fil-kamp ta’ applikazzjoni ta’ din id-Direttiva u, fejn applikabbli, tal-membri tal-familja tagħhom”. Barra minn hekk, l‑Artikolu 20(4) tad-Direttiva 2016/801 jippreċiża li “kwalunkwe deċiżjoni li tiġi rifjutata applikazzjoni għandha tieħu kont taċ-ċirkostanzi speċifiċi tal-każ u tirrispetta l-prinċipju ta’ proporzjonalità”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Fil-fehma tiegħi, minn dawn id-diversi dispożizzjonijiet jirriżulta li, sakemm ma jkunx hemm prova ta’ abbuż jew ta’ użu ħażin tal-proċedura prevista f’dan l-istrument, iċ-ċirkustanza li r-rikorrent ikun għamel dikjarazzjonijiet inkoerenti għandha tiġi kkunsidrata mill-awtoritajiet nazzjonali kompetenti bħala indikazzjoni li l-informazzjoni li tinsab fil-fajl tal-applikant hija inkompleta u, għalhekk, jiskatta l-obbligu, previst fl-Artikolu 34(3) tad-Direttiva 2016/801, li l-applikant jiġi informat bl-inkoerenza u li jiġi pprovdut opportunità raġonevoli sabiex jikkjarifika s-sitwazzjoni tiegħu. Nemmen li deċiżjoni li tiġi miċħuda l-applikazzjoni mingħajr ma tingħata tali opportunità ma tosservax il-prinċipju ta’ proporzjonalità u, b’hekk, tikser l-Artikolu 20(4) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Naqbel ukoll mal-qorti tar-rinviju li, jekk, fil-mument tal-preżentazzjoni tal-applikazzjoni tiegħu jew qabel, l-applikant ma jkunx ġie informat bil-fatt li kwalunkwe inkoerenza fid-dikjarazzjonijiet tiegħu dwar in-natura tar-riżorsi disponibbli għalih, b’mod partikolari, kif dawn ikunu nkisbu u n-natura permanenti tagħhom, tista’ twassal għaċ-ċaħda tal-applikazzjoni tiegħu, sussegwentement, iċ-ċaħda tal-applikazzjoni tiegħu fuq din il-bażi mingħajr ma jkun ngħata l-ebda opportunità sabiex jikkjarifika s-sitwazzjoni tiegħu mhux biss tikser l-Artikolu 35 tad-Direttiva 2016/801, iżda wkoll il-prinċipji ta’ ċertezza legali u ta’ trasparenza, imsemmija fil-premessa 2 ta’ din id-direttiva. Fil-fatt, l-applikazzjoni tiġi miċħuda għal raġuni mhux prevista espressament mid-Direttiva 2016/801 u li l-applikant ma jkunx jaf biha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Minn dan isegwi li rekwiżit bħal dak impost mill-Kúria (il-Qorti Suprema), li jissuġġetta l-fatt li applikazzjoni għal permess ta’ residenza skont id-Direttiva 2016/801 tintlaqa’ għall-fatt li l-applikant ikun għamel dikjarazzjonijiet koerenti fir-rigward ta’ dawn l-elementi, huwa inkompatibbli mad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Ir-rilevanza tal-fatt li r-rekwiżiti kontenzjużi ġew deċiżi mill-ogħla qorti nazzjonali, fil-ġurisprudenza tagħha, u mhux mil-leġiżlazzjoni nazzjonali dwar il-permessi ta’ residenza (Domanda 2)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Jibqa’ f’idejja li nneħħi d-dubji tal-qorti tar-rinviju dwar jekk il-fatt li r-rekwiżiti kontenzjużi ġew stabbiliti mill-ogħla qorti nazzjonali, il-Kúria (il-Qorti Suprema), fil-ġurisprudenza tagħha, u mhux fil-leġiżlazzjoni nazzjonali dwar il-permessi ta’ residenza, għandux xi effett fuq il-kompatibbiltà tagħhom mad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Fil-fehma tiegħi, peress li mit-taqsima preċedenti jirriżulta li dawn ir-rekwiżiti huma, fihom innifishom, inkompatibbli mad-dritt tal-Unjoni, il-Qorti tal-Ġustizzja ma għandhiex għalfejn tindirizza din il-kwistjoni fis-sentenza tagħha. Fi kwalunkwe każ, infakkar li, skont ġurisprudenza stabbilita tal-Qorti tal-Ġustizzja, għalkemm it-traspożizzjoni ta’ direttiva fid-dritt intern ma teżiġix neċessarjament li d-dispożizzjonijiet ta’ tali direttiva jiġu riprodotti preċiżament bl-istess kliem f’dispożizzjoni speċifika u espliċita tad-dritt nazzjonali u kuntest ġuridiku ġenerali jista’ jkun suffiċjenti, huwa madankollu neċessarju li dan il-kuntest ġuridiku jkun ċar u preċiż biżżejjed sabiex jippermetti lill-partijiet ikkonċernati jkunu kompletament informati bid-drittijiet tagħhom u, jekk ikun meħtieġ, jagħmlu użu minn dawn id-drittijiet quddiem il-qrati nazzjonali  (<span class="note footnote notemarker">
<a id="c-28" href="#t-28">27</a>
</span>). Fil-passat, il-Qorti tal-Ġustizzja diġà sabet li r-rekwiżiti stabbiliti esklużivament fil-ġurisprudenza tal-qrati nazzjonali (u mhux fil-leġiżlazzjoni nazzjonali) jistgħu ma jilħqux dan il-limitu minimu  (<span class="note footnote notemarker">
<a id="c-29" href="#t-29">28</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Fir-rigward tal-fatt li, in casu, ir-rekwiżiti ġew stabbiliti fil-ġurisprudenza ta’ qorti, il-Kúria (il-Qorti Suprema), li hija l-ogħla qorti nazzjonali, infakkar li l-prinċipju tas-supremazija tad-dritt tal-Unjoni jistabbilixxi l-preminenza tad-dritt tal-Unjoni fuq id-dritt tal-Istati Membri. Skont dan il-prinċipju, l-invokazzjoni ta’ Stat Membru ta’ regoli tad-dritt nazzjonali, anki ta’ ordni kostituzzjonali, ma tistax titħalla tippreġudika l-unità u l-effettività tad-dritt tal-Unjoni  (<span class="note footnote notemarker">
<a id="c-30" href="#t-30">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Għaldaqstant, naqbel mal-Kummissjoni li l-fatt li regola nazzjonali partikolari ġiet stabbilita mill-ogħla qorti ta’ Stat Membru ma jistax ikollu effett fuq l-evalwazzjoni tal-kompatibbiltà tagħha mad-dritt tal-Unjoni. Fil-fatt, l-oriġini tar-regola jew tar-rekwiżit nazzjonali kontenzjuż hija kompletament irrilevanti għal din l-evalwazzjoni. Għalhekk, f’dan il-każ, il-fatt li r-rekwiżiti kontenzjużi ġew imposti mill-Kúria (il-Qorti Suprema) ma jistax jaffettwa r-risposta tal-Qorti tal-Ġustizzja għall-ewwel u għat-tielet domanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, nipproponi li l-Qorti tal-Ġustizzja tirrispondi għad-domandi preliminari magħmula mill-Fővárosi Törvényszék (il-Qorti tal-Belt ta’ Budapest, l-Ungerija) kif ġej:</p>
</td>
</tr>
</table>
    <p class="C02AlineaAltA" id="para-119" title="page-21">
      L-Artikolu 7(1)(e) tad-Direttiva (UE) 2016/801 tal-Parlament Ewropew u tal-Kunsill tal-11 ta’ Mejju 2016 dwar il-kondizzjonijiet ta’ dħul u residenza ta’ ċittadini ta’ pajjiżi terzi għall-finijiet ta’ riċerka, studju, taħriġ, servizz volontarju, skemi ta’ skambju ta’ skulari jew proġetti edukattivi u au pairing
    </p>
    <p class="C02AlineaAltA" id="para-120" title="page-21">
      għandu jiġi interpretat fis-sens li l-kunċett ta’ “riżorsi suffiċjenti” ma jippermettix lill-Istati Membri jintroduċu rekwiżit li jissuġġetta l-għoti ta’ permess ta’ residenza skont din id-direttiva għall-fatt li r-riżorsi li joriġinaw minn terza persuna li ma tkunx “membru tal-familja”, fis-sens tad-dritt nazzjonali, għandhom ikunu nkisbu fuq bażi permanenti mill-applikant, jiġifieri, bħala rigal, mhux self, u bil-kapaċità li jiddisponi minnhom bħala tiegħu jew tagħha, mingħajr ebda restrizzjoni, sabiex dawn ikunu effettivament jifformaw parti mid-dħul jew l-assi tiegħu jew tagħha stess. Din id-dispożizzjoni lanqas ma tippermetti lill-Istati Membri jirrifjutaw l-għoti ta’ permess ta’ residenza skont din id-direttiva għas-sempliċi raġuni li d-dikjarazzjonijiet magħmula mill-applikant fir-rigward tan-natura tar-riżorsi disponibbli għalih, b’mod partikolari, kif dawn ikunu nkisbu u n-natura permanenti tagħhom, ma kinux koerenti matul il-proċedura kollha, mingħajr ma jkun ingħata l-opportunità li jiċċara dawn l-elementi jew mingħajr ma jkun ġie informat li l-applikazzjoni tiegħu tista’ tiġi miċħuda fuq din il-bażi. Il-fatt li dawn ir-rekwiżiti huma imposti mill-ogħla qorti nazzjonali ma huwiex rilevanti f’dan ir-rigward.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: l-Ingliż.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) L-isem ta’ din il-kawża huwa fittizju. Dan l-isem ma jikkorrispondi għall-isem reali ta’ ebda waħda mill-partijiet fil-proċedura.</p>
<p class="note footnote">(<span class="note footnote notemarker">
<a id="t-3" href="#c-3">2</a>
</span>) Direttiva tal-Parlament Ewropew u tal-Kunsill tal-11 ta’ Mejju 2016 (ĠU 2016, L 132, p. 21).</p>
<p class="note footnote">(<span class="note footnote notemarker">
<a id="t-4" href="#c-4">3</a>
</span>) Ara l-premessa 3 ta’ din id-direttiva.</p>
<p class="note footnote">(<span class="note footnote notemarker">
<a id="t-5" href="#c-5">4</a>
</span>) Ara l-Artikolu 7(1)(c) tad-Direttiva tal-Kunsill 2003/86/KE tat-22 ta’ Settembru 2003 dwar id-dritt għar-riunifikazzjoni tal-familja (ĠU 2003, L 251, p. 12), l‑Artikolu 5(1)(a) tad-Direttiva tal-Kunsill 2003/109/KE tal-25 ta’ Novembru 2003 dwar l-istatus ta’ ċittadini ta’ pajjiżi terzi li jkunu residenti fit-tul (ĠU 2004, L 16, p. 44) u l-Artikolu 7(1)(b) tad-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li jemenda r-Regolament (KEE) Nru 1612/68 u li jħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU 2004, L 158, p. 77).</p>
<p class="note footnote">(<span class="note footnote notemarker">
<a id="t-6" href="#c-6">5</a>
</span>) Ara l-Artikolu 7(1)(c) tad-Direttiva 2003/86 u l-Artikolu 5(1)(a) tad-Direttiva 2003/109.</p>
<p class="note footnote">(<span class="note footnote notemarker">
<a id="t-7" href="#c-7">6</a>
</span>) L-istess japplika għall-Artikolu 7(1)(b) tad-Direttiva 2004/38, li jipprovdi li ċ-ċittadini tal-Unjoni għandu jkollhom id-dritt li jirrisjedu fit-territorju ta’ Stat Membru ieħor jekk ikollhom “biżżejjed riżorsi għalihom u għall-membri tal-familja tagħhom biex ma jkunux ta’ piż fuq is-sistema ta’ l-għajnuna soċjali ta’ l-Istat Membru ospitanti matul il-perjodu tagħhom ta’ residenza u [jkollhom] assigurazzjoni ta’ mard komprensiva fl-Istat Membru ospitanti”.</p>
<p class="note footnote">(<span class="note footnote notemarker">
<a id="t-8" href="#c-8">7</a>
</span>) Fil-fatt, id-Direttiva 2016/801 tapplika biss għall-migrazzjoni għall-finijiet ta’ riċerka, studji, taħriġ, servizz volontarju, skemi ta’ skambju ta’ skulari jew proġetti edukattivi u au pairing.</p>
<p class="note footnote">(<span class="note footnote notemarker">
<a id="t-9" href="#c-9">8</a>
</span>) Ara, f’dan is-sens, is-sentenza tal-4 ta’ Marzu 2021, Migrationsverket (C‑193/19, EU:C:2021:168, punti 25 u 26).</p>
<p class="note footnote">(<span class="note footnote notemarker">
<a id="t-10" href="#c-10">9</a>
</span>) L-Artikolu 79(1) TFUE jipprovdi li “[l]-Unjoni għandha tiżviluppa politika komuni ta’ immigrazzjoni maħsuba sabiex tassigura, fl-istadji kollha, l-amministrazzjoni effikaċi tal-flussi tal-migrazzjoni, it-trattament ġust ta’ ċittadini ta’ pajjiżi terzi residenti legalment fl-Istati Membri, kif ukoll il-prevenzjoni u l-ġlieda b’saħħa kontra l-immigrazzjoni illegali u t-traffikar tal-bnedmin”.</p>
<p class="note footnote">(<span class="note footnote notemarker">
<a id="t-11" href="#c-11">10</a>
</span>) It-tieni paragrafu tal-Artikolu 47 tal-Karta jipproteġi d-dritt għal smigħ xieraq.</p>
<p class="note footnote">(<span class="note footnote notemarker">
<a id="t-12" href="#c-12">11</a>
</span>) Ara s-sentenzi tal-10 ta’ Marzu 2021, Konsul Rzeczypospolitej Polskiej w N. (C‑949/19, EU:C:2021:186), u tad-29 ta’ Lulju 2024, Perle (C‑14/23, EU:C:2024:647).</p>
<p class="note footnote">(<span class="note footnote notemarker">
<a id="t-13" href="#c-13">12</a>
</span>) Direttiva tal-Kunsill 2004/114/KE tat-13 ta’ Diċembru 2004 dwar il-kondizzjonijiet ta’ ammissjoni ta’ ċittadini ta’ pajjiżi terzi għal skopijiet ta’ studju, skambju ta’ studenti, taħriġ bla ħlas jew servizz volontarju (ĠU 2004, L 375, p. 12).</p>
<p class="note footnote">(<span class="note footnote notemarker">
<a id="t-14" href="#c-14">13</a>
</span>) Ara s-sentenza tal-10 ta’ Settembru 2014, Ben Alaya (C‑491/13, EU:C:2014:2187, punt 31).</p>
<p class="note footnote">(<span class="note footnote notemarker">
<a id="t-15" href="#c-15">14</a>
</span>) Enfasi miżjuda minni. Inżid li l-premessa 2 ta’ dan l-istrument tindika li dan għandu l-għan li “[j]iżgura aktar trasparenza u ċertezza legali u sabiex [j]offri qafas legali koerenti għal kategoriji differenti ta’ ċittadini ta’ pajjiżi terzi li jiġu fl-Unjoni”.</p>
<p class="note footnote">(<span class="note footnote notemarker">
<a id="t-16" href="#c-16">15</a>
</span>) Artikolu 7(1)(e) tad-Direttiva 2016/801; enfasi miżjuda minni.</p>
<p class="note footnote">(<span class="note footnote notemarker">
<a id="t-17" href="#c-17">16</a>
</span>) Ara s-sentenza tal-21 ta’ April 2016, Khachab (C‑558/14, EU:C:2016:285, punt 31).</p>
<p class="note footnote">(<span class="note footnote notemarker">
<a id="t-18" href="#c-18">17</a>
</span>) Inżid li l-Kunsill tal-Unjoni Ewropea indika li huwa żied it-termini “mingħajr ma jkollu jirrikorri għas-sistema ta’ assistenza soċjali tal-Istat Membru” fl‑Artikolu 7(1)(e) tad-Direttiva 2016/801 bil-għan li din id-dispożizzjoni tiġi allinjata mad-dispożizzjonijiet korrispondenti tad-Direttiva 2014/66/UE tal-Parlament Ewropew u tal-Kunsill tal-15 ta’ Mejju 2014 dwar il-kondizzjonijiet għad-dħul u r-residenza ta’ ċittadini ta’ pajjiż terz fil-qafas ta’ trasferiment intra-azjendali (ĠU 2014, L 157, p. 1) u d-Direttiva 2014/36/UE tal-Parlament Ewropew u tal-Kunsill tas-26 ta’ Frar 2014 dwar il-kondizzjonijiet għad-dħul u s-soġġorn ta’ ċittadini ta’ pajjiżi terzi għall-fini ta’ impjieg bħala ħaddiema staġonali (ĠU 2014, L 94, p. 375) (ara “Stqarrija tar-raġunijiet tal-Kunsill: Pożizzjoni (UE) Nru 9/2016 tal-Kunsill fl-ewwel qari bil-ħsieb tal-adozzjoni ta’ Direttiva tal-Parlament Ewropew u tal-Kunsill dwar il-kundizzjonijiet ta’ dħul u residenza ta’ ċittadini ta’ pajjiżi terzi għall-finijiet ta’ riċerka, studju, taħriġ, servizz volontarju, skemi ta’ skambju ta’ skulari jew proġetti edukattivi u au pairing” (ĠU 2016, C 170, p. 40)).</p>
<p class="note footnote">(<span class="note footnote notemarker">
<a id="t-19" href="#c-19">18</a>
</span>) Min-naħa l-oħra, ċerti kategoriji oħra koperti mid-Direttiva 2016/801, bħall-au pairs, jistgħu jkunu intitolati li jirċievu pocket money matul iż-żjara tagħhom (ara l-Artikolu 16(6) ta’ din id-direttiva: “L-Istati Membri jistgħu jistabbilixxu somma minima ta’ flus bħala pocket money li għandha titħallas lill-au pair”).</p>
<p class="note footnote">(<span class="note footnote notemarker">
<a id="t-20" href="#c-20">19</a>
</span>) Inżid li għal soġġorni ta’ tul limitat bħal dawk koperti mid-Direttiva 2016/801, hemm, fi kwalunkwe każ, inqas ħtieġa li r-riżorsi jinkisbu fuq bażi permanenti milli taħt strumenti oħra, peress li ż-żmien li matulu jista’ jirrappreżenta piż fuq is-sistemi tas-sigurtà soċjali tal-Istati Membri huwa iqsar.</p>
<p class="note footnote">(<span class="note footnote notemarker">
<a id="t-21" href="#c-21">20</a>
</span>) Ara s-sentenza tal-21 ta’ April 2016, Khachab (C‑558/14, EU:C:2016:285, punti 46 u 48); enfasi miżjuda minni.</p>
<p class="note footnote">(<span class="note footnote notemarker">
<a id="t-22" href="#c-22">21</a>
</span>) L-Istati Membri setgħu, f’dan ir-rigward, jeżaminaw jekk ir-riżorsi magħmula disponibbli minn terz setgħux jispiċċaw taħt id-diskrezzjoni ta’ din il-parti terza.</p>
<p class="note footnote">(<span class="note footnote notemarker">
<a id="t-23" href="#c-23">22</a>
</span>) Ara s-sentenza tat-3 ta’ Ottubru 2019, X (Residenti għal perijodu twil – Riżorsi stabbli, regolari u suffiċjenti) (C‑302/18, EU:C:2019:830, punt 43). Ara, ukoll, il-konklużjonijiet tal-Avukat Ġenerali Saugmandsgaard Øe fil-kawża (Residenti għal perijodu twil – Riżorsi stabbli, regolari u suffiċjenti) (C‑302/18, EU:C:2019:469, punt 70).</p>
<p class="note footnote">(<span class="note footnote notemarker">
<a id="t-24" href="#c-24">23</a>
</span>) Enfasi miżjuda minni.</p>
<p class="note footnote">(<span class="note footnote notemarker">
<a id="t-25" href="#c-25">24</a>
</span>) Ara s-sentenza tat-3 ta’ Ottubru 2019, X (Residenti għal perijodu twil – Riżorsi stabbli, regolari u suffiċjenti) (C‑302/18, EU:C:2019:830, punt 44).</p>
<p class="note footnote">(<span class="note footnote notemarker">
<a id="t-26" href="#c-26">25</a>
</span>) Ara s-sentenza tas-16 ta’ Lulju 2015, Singh et (C‑218/14, EU:C:2015:476, punt 75).</p>
<p class="note footnote">(<span class="note footnote notemarker">
<a id="t-27" href="#c-27">26</a>
</span>) Ara s-sentenza tat-23 ta’ Marzu 2006, Il-Kummissjoni vs Il-Belġju (C‑408/03, EU:C:2006:192, punt 47).</p>
<p class="note footnote">(<span class="note footnote notemarker">
<a id="t-28" href="#c-28">27</a>
</span>) Ara s-sentenza tat-28 ta’ Jannar 2010, Il-Kummissjoni vs L-Irlanda (C‑456/08, EU:C:2010:46, punt 65 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-29" href="#c-29">28</a>
</span>) Ibid., punti 64 u 65. Ara, ukoll, is-sentenza tal-1 ta’ Lulju 2004, Il-Kummissjoni vs Franza (C‑311/03, EU:C:2004:405, punti 5 u 6).</p>
<p class="note footnote">(<span class="note footnote notemarker">
<a id="t-30" href="#c-30">29</a>
</span>) Ara, f’dan is-sens, is-sentenza tal-11 ta’ Jannar 2024, Global Ink Trade (C‑537/22, EU:C:2024:6, punt 23 u l-ġurisprudenza ċċitata).</p>
</body>
</html>
