<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-10-202510C102202402840-00-TRA-DOC-MT-ARRET-C-0284-24-202509768-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="14/10/2025 09:53:04" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="e2G+oYVEeO9k41mDXA3c5sSh/7CX4AdAXjvgmKz3OXCKstjPiNW8yLhLN3kxetam/amA1yyR6fSMfNHUcCZg7D8wlN7IxH3QwJhp7z38ZWlNuzhCNvJG7atTwPn9BjQc/yoTshZppYhALkjZzt7juIcZvzQJtWGpeAfk/n1Judk=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0284" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 22-09-25 11:32:27" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="c457f6b0623a47c8a4c91988e66a27f9" name="DocumentIdentifier"/>
    <meta content="0284" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat-2.10.2025 – Kawża C‑284/24</div>
      <div id="rId21" style="default">Criminal Injuries Compensation Tribunal et</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Il‑Ħames Awla)
    </p>
    <p class="C19Centre" id="para-2" title="page-1">
      2 ta’ Ottubru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Kooperazzjoni ġudizzjarja f’materji kriminali – Direttiva 2004/80/KE – Artikolu 12(2) – Kumpens lill-vittmi tal-kriminalità intenzjonali vjolenti – Kumpens ġust u xieraq – Leġiżlazzjoni nazzjonali li teskludi l-kumpens għall-uġigħ u għat-tbatija mġarrba”
    </p>
    <p class="C02AlineaAltA" id="para-4" title="page-1">
      Fil-Kawża C‑284/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-High Court (il-Qorti Għolja, l-Irlanda), permezz ta’ deċiżjoni tat‑12 ta’ April 2024, li waslet fil-Qorti tal-Ġustizzja fit‑23 ta’ April 2024, fil-proċedura
    </p>
    <p class="C02AlineaAltA" id="para-6" title="page-1">
      LD
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Criminal Injuries Compensation Tribunal,
    </p>
    <p class="C02AlineaAltA" id="para-9" title="page-1">
      Minister for Justice and Equality,
    </p>
    <p class="C02AlineaAltA" id="para-10" title="page-1">
      Ireland,
    </p>
    <p class="C02AlineaAltA" id="para-11" title="page-1">
      Attorney General,
    </p>
    <p class="C19Centre" id="para-12" title="page-1">
      IL‑QORTI TAL-ĠUSTIZZJA (Il‑Ħames Awla),
    </p>
    <p class="C02AlineaAltA" id="para-13" title="page-1">
      komposta minn M. L. Arastey Sahún, Presidenta tal-Awla, D. Gratsias (Relatur), E. Regan, J. Passer u B. Smulders, Imħallfin,
    </p>
    <p class="C02AlineaAltA" id="para-14" title="page-1">
      Avukat Ġenerali: L. Medina,
    </p>
    <p class="C02AlineaAltA" id="para-15" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-16" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-17" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal LD, minn C. Donnelly, SC, M. Lynn, SC, u J. MacGuill, SC, solicitor, minn D. Brady, BL, C. Donald, solicitor, kif ukoll E. Martin-Vignerte, avocate,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Criminal Injuries Compensation Tribunal, il-Minister for Justice and Equality, l-Irlanda u l-Attorney General, minn M. Browne, Chief State Solicitor, S. Finnegan, A. Joyce u J. Moloney, bħala aġenti, assistiti minn M. Reilly, SC, u M. Finan, BL,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ċek, minn M. Smolek, A. Pagáčová u J. Vláčil, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ġermaniż, minn J. Möller u P.-L. Krüger, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern tal-Pajjiżi l-Baxxi, minn E. M. M. Besselink, K. Bulterman, u H. S. Gijzen, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Pollakk, minn B. Majczyna, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn S. Noë u J. Tomkin, bħala aġenti,</p>
</td>
</tr>
</table>
    <p class="C02AlineaAltA" id="para-25" title="page-1">
      wara li rat id-deċiżjoni meħuda, wara li nstemgħet l-Avukata Ġenerali, li taqta’ l-kawża mingħajr konklużjonijiet,
    </p>
    <p class="C02AlineaAltA" id="para-26" title="page-1">
      tagħti l-preżenti
    </p>
    <p class="C75Debutdesmotifs" id="para-27" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 12(2) tad-Direttiva tal-Kunsill 2004/80/KE tad‑29 ta’ April 2004 li għandha x’taqsam ma’ kupens għal vittmi ta’ delitti (ĠU Edizzjoni Speċjali bil-Malti, Kapitolu 19, Vol. 7, p. 65). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn LD u l-Criminal Injuries Compensation Tribunal (il-Qorti għall-Kumpens lill-Vittmi ta’ Reati Kriminali, l-Irlanda) (iktar ’il quddiem iċ-“CICT”), il-Minister for Justice and Equality (il-Ministru għall-Ġustizzja u għall-Ugwaljanza, l-Irlanda), l-Irlanda u l-Attorney General (il-Prosekutur Ġenerali, l-Irlanda) dwar talba għal kumpens imressqa minn LD abbażi tas-Scheme of Compensation for Personal Injuries Criminally Inflicted (l-Iskema ta’ Kumpens lill-Vittmi ta’ Reati Kriminali għad-Danni Fiżiċi Mġarrba, iktar ’il quddiem l-“Iskema ta’ Kumpens lill-Vittmi Irlandiżi”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2004/80</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont il-premessi 2, 10 u 14 tad-Direttiva 2004/80:</p>
</td>
</tr>
</table>
    <p class="C09Marge0avecretrait" id="para-34" title="page-1">
      “(2) Il-Qorti tal-Ġustizzja żammet [fis-sentenza tat‑2 ta’ Frar 1989, Cowan, 186/87, EU:C:1989:47] li, fejn liġi Komunitarja tiggarantixxi għal persuna naturali l-liberta li tmur ġo Stat Membru ieħor, il-protezzjoni [tal-integrità]ta’ dik il-persuna mill-periklu fl-Istat Membru msemmi, fuq l-istess bażi bħal dik ta’ ċittadini nazzjonali u persuni li jgħixu hemm, hija corollary ta’ dik il-liberta ta’ ċaqliq. Miżuri sabiex jiġi faċilitat kumpens lil vittmi ta’ delitti għandhom jiffurmaw parti mir-rejalizzazzjoni ta’ dan l-għan.
    </p>
    <p class="C09Marge0avecretrait" id="para-35" title="page-1">
      [...] 
    </p>
    <p class="C09Marge0avecretrait" id="para-36" title="page-1">
      (10) Vittmi tad-delitti ħafna drabi ma jkunux jistgħu jiksbu kumpens minn min iwettaq id-delitt, minħabba li dak li jwettaq id-delitt jista’ ma jkollux il-meżżi meħtieġa biex jissodisfa ġudizzju fuq ħsarat jew minħabba li dak l-jwettaq id-delitt ma jkunx jista’ jiġi identifikat jew mixli.
    </p>
    <p class="C09Marge0avecretrait" id="para-37" title="page-1">
      [...]
    </p>
    <p class="C09Marge0avecretrait" id="para-38" title="page-1">
      (14) Din id-Direttiva tirrispetta d-drittijiet fondamentali u tosserva l-prinċipji affermati mill-ġdid b’mod partikolari mill-Karta ta’ Drittijiet Fundamentali ta’ l-Unjoni Ewropea bħala priċnipji ġenerali tal-liġi Komunitarja.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 1 ta’ din id-direttiva, intitolat “Dritt li ssir applikazzjoni fl-Istat Membru ta’ residenza”, jipprovdi: </p>
</td>
</tr>
</table>
    <p class="C02AlineaAltA" id="para-40" title="page-1">
      “L-Istati Membri għandhom jiżguraw li fejn delitt internazzjonali vjolenti jkun ġie kommess fi Stat Membru ieħor għajr l-Istat Membru fejn l-applikant għal kumpens ikun residenti abitwalment, l-applikant għandu jkollu d-dritt li jissottometti l-applikazzjoni lil awtorità jew kull korp ieħor fl-Istat Membru msemmi l-aħħar.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 12 tal-imsemmija direttiva, l-uniku artikolu li jaqa’ taħt il-Kapitolu II tagħha, intitolat “Skemi nazzjonali dwar il-kumpens”, jipprovdi fil-paragrafu 2 tiegħu: </p>
</td>
</tr>
</table>
    <p class="C02AlineaAltA" id="para-42" title="page-1">
      “L-Istati Membri kollha għandhom jiżguraw li r-regoli nazzjonali tagħhom jipprovdu għall-eżistenza ta’ skema ta’ kumpens lil vittmi ta’ delitti vjolenti internazzjonali kommessi fitterritorji rispettivi tagħhom, li tiggarantixxi kumpens bil-fier u xieraq għal vittmi.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 18 tal-istess direttiva, intitolat “Implimentazzjoni”, jipprevedi, fil-paragrafu 2 tiegħu: </p>
</td>
</tr>
</table>
    <p class="C02AlineaAltA" id="para-44" title="page-1">
      “L-Istati Membri jistgħu jipprovdu li l-miżuri meħtieġa sabiex jikkonformaw ma’ din id-Direttiva għandhom japplikaw biss għal applikanti li l-ħsarat tagħhom jirrisultaw minn delitti kommessi wara t-30 ta’ Ġunju 2005.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2012/29/UE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 2 tad-Direttiva 2012/29/UE tal-Parlament Ewropew u tal-Kunsill tal‑25 ta’ Ottubru 2012 li tistabbilixxi standards minimi fir-rigward tad-drittijiet, l-appoġġ u l-protezzjoni tal-vittmi tal-kriminalità, u li tissostitwixxi d-Deċiżjoni Qafas tal-Kunsill 2001/220/ĠAI (ĠU 2012, L 315, p. 57), intitiolat “Definizzjonijiet”, jipprovdi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-47" title="page-1">
      “Għall-finijiet ta’ din id-Direttiva għandhom japplikaw id-definizzjonijiet li ġejjin:
    </p>
    <p class="C09Marge0avecretrait" id="para-48" title="page-1">
      a) ‘vittma’ tfisser:
    </p>
    <p class="C11Marge1avecretrait" id="para-49" title="page-1">
      i) persuna fiżika li ġarrbet ħsara, inkluż [l-integrità ta’] dannu fiżiku, mentali jew emozzjonali jew telf finanzjarju, li kien direttament ikkawżat minn reat kriminali; 
    </p>
    <p class="C02AlineaAltA" id="para-50" title="page-1">
      [...]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Irlandiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-iskema ta’ kumpens lill-vittmi Irlandiżi hija skema amministrattiva, stabbilita fl‑1974, li hija intiża li tikkumpensa lill-vittmi ta’ reati kriminali għad-danni mġarrba. L-applikazzjoni tagħha hija fdata liċ-CICT. Hekk kif jirriżulta mid-deċiżjoni tar-rinviju, din l-iskema kienet tipprevedi, fil-verżjoni inizjali tagħha, il-ħlas tad-danni msejħa “ġenerali” (general damages), inkluż għall-uġigħ u għat-tbatija mġarrba (pain and suffering).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Wara emenda tal-imsemmija skema li seħħet fl‑1 ta’ April 1986, ma ngħata ebda kumpens għall-uġigħ u għat-tbatija mġarrba, bħala danni ġenerali, peress li, kif tirrileva, essenzjalment, il-qorti tar-rinviju, il-portata tad-dispożizzjonijiet ikkonċernati qabel l-emenda tagħhom kellhom konsegwenzi serji fuq il-finanzi tal-Istat Irlandiż li kien għaddej, f’dak iż-żmien, minn perijodu ta’ reċessjoni ekonomika gravi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Fit‑12 ta’ Lulju 2015, LD, imwieled fi Spanja u residenti fl-Irlanda, kien vittma ta’ aggressjoni kriminali vjolenti mwettqa minn grupp ta’ persuni quddiem ir-residenza tiegħu f’Dublin (l-Irlanda).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Fl‑1 ta’ Ottubru 2015, LD ressaq quddiem iċ-CICT talba għal kumpens taħt l-iskema ta’ kumpens lill-vittmi Irlandiżi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">F’din it-talba, LD indika li huwa kien sofra, minħabba din l-aggressjoni, minn trawma okulari sinjifikattiva li kienet wasslet għal telf parzjali tal-vista, u dan b’mod permanenti, kif ukoll minn diversi ġrieħi oħra, b’mod partikolari fil-livell tax-xedaq, tal-ispalla u tad-driegħ tax-xellug, tad-daqs u tat-torso. Barra minn hekk, huwa jbati minn disturbi psikoloġiċi u minn ansjetà. Wara li waqaf mix-xogħol sussegwentement għall-imsemmija aggressjoni, LD kien tkeċċa mill-persuna li kienet timpjegah u kien mingħajr impjieg fil-mument tat-tressiq tal-imsemmija talba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Wara li kkonstatat li LD kien ġarrab danni fiżiċi u danni materjali li jirriżultaw mir-reat intenzjonali vjolenti li kien vittma tiegħu u li dan tal-aħħar ma kienx kiseb kumpens min-naħa ta’ sorsi oħra, iċ-CICT tatu, ex gratia, somma ta’ EUR 645.62 għall-ispejjeż (out-of-pocket expenses) sostnuti minnu li jirriżultaw direttament minn dan ir-reat. Wara talba ta’ LD f’dan is-sens, din il-qorti pprovdietlu tqassim tal-ammont tal-kumpens mogħti, filwaqt li ppreċiżat li LD kien ingħata somma ta’ EUR 44.20 għas-sostituzzjoni tal-liċenzja tas-sewqan tiegħu, EUR 339 għas-sostituzzjoni tan-nuċċali tiegħu, EUR 28.82 għax-xiri ta’ prodotti mediċinali, EUR 100 bħala spejjeż tal-isptar u EUR 133.63 għall-ispejjeż tal-ivvjaġġar. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fit‑2 ta’ Awwissu 2019, LD ippreżenta rikors quddiem il-High Court (il-Qorti Għolja, l-Irlanda), li hija l-qorti tar-rinviju, li permezz tiegħu huwa jitlob b’mod partikolari, minn naħa, dikjarazzjoni li l-iskema ta’ kumpens lill-vittmi Irlandiżi hija inkompatibbli mad-Direttiva 2004/80 u/jew mal-Artikoli 1, 3, 4, 7 u 9 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”), sa fejn din l-iskema ma tipprevedix kumpens ġust u xieraq minħabba l-esklużjoni tad-danni ġenerali, inkluż għall-uġigħ u għat-tbatija mġarrba u, min-naħa l-oħra, dikjarazzjoni li, bħala vittma tal-kriminalità, huwa għandu dritt għal kumpens għal dan l-uġigħ u għal din it-tbatija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Il-qorti tar-rinviju tosserva, qabelxejn, li, ċertament, is-sentenza tas‑16 ta’ Lulju 2020, Presidenza del Consiglio dei Ministri (C‑129/19, EU:C:2020:566), tipprovdi preċiżazzjonijiet utli fir-rigward tal-interpretazzjoni tal-Artikolu 12(2) tad-Direttiva 2004/80. Madankollu, din is-sentenza ma tippermettix li tingħata risposta għad-domanda dwar jekk u sa fejn għandu jiġi previst kumpens ġust u xieraq, fis-sens ta’ din id-dispożizzjoni, għal kontribuzzjoni għal kumpens għad-dannu kemm materjali kif ukoll morali mġarrab mill-vittmi tal-kriminalità intenzjonali vjolenta, inklużi l-uġigħ u t-tbatija mġarrba. F’dan ir-rigward, mid-deċiżjoni tar-rinviju jirriżulta mingħajr ebda ambigwità li, fid-dritt Irlandiż, l-uġigħ u t-tbatija jaqgħu taħt il-kategorija usa’ tad-dannu morali (non-material loss). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Sussegwentement, filwaqt li tfakkar il-marġni ta’ evalwazzjoni wiesa’ li l-Istati Membri għandhom f’dan il-qasam, il-qorti tar-rinviju tesponi li hija għandha dubji, li huma kondiviżi mill-Court of Appeal (il-Qorti tal-Appell, l-Irlanda), dwar il-possibbiltà li jiġi limitat il-kamp ta’ applikazzjoni tal-iskemi nazzjonali dwar il-kumpens fir-rigward tad-dannu morali. Skont il-qorti tar-rinviju, is-sentenza tas‑16 ta’ Lulju 2020, Presidenza del Consiglio dei Ministri (C‑129/19, EU:C:2020:566), ċertament ma ppreċiżatx liema ħsara jew dannu jista’ jiġi kklassifikat bħala dannu morali. Madankollu, hija tenfasizza li, skont l-interpretazzjoni tagħha stess ta’ din is-sentenza, minn naħa, l-użu mill-Qorti tal-Ġustizzja tat-terminu “tbatija” jimplika obbligu ta’ kumpens għall-uġigħ u għat-tbatija mġarrba, tal-inqas sa ċertu punt. Min-naħa l-oħra, ikun diffiċli li tiġi ammessa l-esklużjoni ta’ tali kumpens meta, skont l-imsemmija sentenza, il-kumpens previst mid-Direttiva 2004/80 għandu jieħu inkunsiderazzjoni l-gravità tal-konsegwenzi għall-vittma tar-reat imwettaq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fl-aħħar nett, din il-qorti tirreferi għar-rapport tal-Kummissjoni lill-Kunsill, lill-Parlament Ewropew u lill-Kumitat Ekonomiku u Soċjali Ewropew, tal‑20 ta’ April 2009, dwar l-applikazzjoni tad-Direttiva tal-Kunsill 2004/80/KE dwar l-applikazzjoni tad-Direttiva tal-Kunsill 2004/80/KE dwar kumpens għal vittmi ta’ delitti [COM (2009) 170 finali], dwar il-perijodu inkluż bejn l‑1 ta’ Jannar 2006 u l‑31 ta’ Diċembru 2008, li jipprovdi li l-maġġoranza kbira tal-Istati Membri kienu jipprevedu, fil-kuntest tal-iskemi nazzjonali tagħhom, kumpens għall-mard u għall-ħsarat psikoloġiċi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">F’dawn iċ-ċirkustanzi, il-High Court (il-Qorti Għolja) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-64" title="page-1">
      “[1)] L-obbligu impost fuq l-Istati Membri permezz tal-Artikolu 12(2) tad-Direttiva [2004/80] li jipprovdu ‘kumpens ġust u xieraq’ lill-vittmi ta’ kriminalità intenzjonali vjolenti, jeħtieġ li l-vittma tiġi kkumpensata kemm għad-dannu materjali kif ukoll għad-dannu morali fis-sens tas-sentenza tas‑16 ta’ Lulju 2020, Presidenza del Consiglio dei Ministri (C‑129/19, EU:C:2020:566)?
    </p>
    <p class="C09Marge0avecretrait" id="para-65" title="page-1">
      [2)] Jekk ir-risposta [għall-ewwel domanda] (a) hija fl-affermattiv, liema forom ta’ danni jaqgħu taħt il-kunċett ta’ ‘dannu morali’?
    </p>
    <p class="C09Marge0avecretrait" id="para-66" title="page-1">
      [3)] B’mod partikolari, l-‘uġigħ u t-tbatija’ mġarrba minn vittma jaqgħu taħt il-kunċett ta’ ‘dannu morali’?
    </p>
    <p class="C09Marge0avecretrait" id="para-67" title="page-1">
      [4)] Jekk ir-risposta [għall-ewwel u għat-tielet domanda] hija fl-affermattiv, peress li l-Istati Membri huma obbligati jiżguraw li l-iskemi tagħhom ikunu finanzjarjament vijabbli, liema relazzjoni għandu jkollu l-‘kumpens ġust u xieraq’ li jingħata lil vittma skont id-Direttiva 2004/80 vis-à-vis d-danni kkawżati minħabba delitt li jingħataw lil din il-vittma kontra l-awtur rilevanti bħala l-awtur tad-delitt?
    </p>
    <p class="C09Marge0avecretrait" id="para-68" title="page-1">
      [5)] Il-kumpens stabbilit għall-vittmi ta’ kriminalità intenzjonali vjolenti taħt is-[Skema ta’ Kumpens lill-Vittmi Irlandiżi] jista’ jitqies bħala ‘kumpens ġust u xieraq lill-vittmi’ fis-sens tal-Artikolu 12(2) tad-Direttiva 2004/80 jekk vittma tingħata s-somma ta’ EUR 645.65 bħala kumpens għal ferita serja fl-għajnejn li tirriżulta f’insuffiċjenza permanenti fil-vista?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Permezz tad-domandi tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 12(2) tad-Direttiva 2004/80 għandux jiġi interpretat fis-sens li jipprekludi skema nazzjonali ta’ kumpens lill-vittmi tal-kriminalità intenzjonali vjolenti li, bħala prinċipju, teskludi, fir-rigward tad-dannu morali, kull kumpens għall-uġigħ u għat-tbatija mġarrba minn dawn il-vittmi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Għandu jiġi osservat, preliminarjament, li, permezz ta’ din id-direttiva, il-leġiżlatur ippreveda skema ta’ kumpens sussidjarja għall-kumpens li tali vittmi jistgħu jiksbu abbażi tar-responsabbiltà delittwali tal-awtur tar-reat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Fil-fatt, hekk kif jirriżulta mill-premessa 10 tal-imsemmija direttiva, hija ġiet adottata fid-dawl, fost l-oħrajn, tal-konstatazzjoni li dawn il-vittmi spiss ma jirnexxilhomx jiġu kkumpensati mill-awtur tiegħu, jew għaliex dan tal-aħħar ma jkollux ir-riżorsi neċessarji sabiex jikkonforma ruħu ma’ deċiżjoni ġudizzjarja li tagħti lill-vittma kumpens għad-danni, jew għaliex ma jistax jiġi identifikat jew mixli. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">B’mod partikolari, skont l-Artikolu 12(2) tad-Direttiva 2004/80, l-Istati Membri kollha huma obbligati jiżguraw li d-dispożizzjonijiet nazzjonali jipprevedu l-eżistenza ta’ skema ta’ kumpens lill-vittmi tal-kriminalità intenzjonali vjolenti mwettqa fit-territorji rispettivi tagħhom li tiggarantixxi kumpens ġust u xieraq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Fir-rigward tal-kamp ta’ applikazzjoni tal-Artikolu 12(2) tad-Direttiva 2004/80, il-Qorti tal-Ġustizzja ppreċiżat li din id-dispożizzjoni tagħti d-dritt li jinkiseb kumpens ġust u xieraq mhux biss lill-vittmi ta’ kriminalità intenzjonali vjolenti mwettqa fit-territorju ta’ Stat Membru li jinsabu f’sitwazzjoni transkonfinali, fis-sens tal-Artikolu 1 ta’ din id-direttiva, iżda wkoll lill-vittmi li jirrisjedu abitwalment fit-territorju ta’ dan l-Istat Membru (sentenza tas‑16 ta’ Lulju 2020, Presidenza del Consiglio dei Ministri, C‑129/19, EU:C:2020:566, punt 55).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fir-rigward tad-determinazzjoni ta’ dan il-kumpens, fid-dawl, minn naħa, tal-marġni ta’ evalwazzjoni rrikonoxxut lill-Istati Membri minn din id-dispożizzjoni f’dak li jirrigwarda kemm in-natura “ġusta u xierqa” tal-ammont tal-imsemmi kumpens kif ukoll il-modalitajiet tad-determinazzjoni tiegħu u, min-naħa l-oħra, in-neċessità li tiġi żgurata l-vijabbiltà finanzjarja tal-iskemi nazzjonali, l-istess kumpens ma għandux neċessarjament jikkorrispondi għad-danni li jistgħu jingħataw, mill-awtur ta’ reat li jaqa’ taħt il-kriminalità intenzjonali vjolenti, lill-vittma ta’ dan ir-reat. Konsegwentement, il-kumpens previst fl-Artikolu 12(2) tad-Direttiva 2004/80 ma għandux neċessarjament jiżgura kumpens sħiħ għad-dannu materjali u morali mġarrab minn din il-vittma (ara, f’dan is-sens, is-sentenza tas‑7 ta’ Novembru 2024, Burdene, C‑126/23, EU:C:2024:937, punt 57 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">F’dan il-kuntest, fl-aħħar mill-aħħar, hija l-qorti nazzjonali li għandha tiżgura, fid-dawl tad-dispożizzjonijiet nazzjonali li stabbilixxew l-iskema ta’ kumpens ikkonċernata, li s-somma allokata lil vittma ta’ kriminalità intenzjonali vjolenti bis-saħħa ta’ din l-iskema tikkostitwixxi kumpens ġust u xieraq, fis-sens tal-Artikolu 12(2) ta’ din id-direttiva (sentenzi tas‑16 ta’ Lulju 2020, Presidenza del Consiglio dei Ministri, C‑129/19, EU:C:2020:566, punt 61, u tas‑7 ta’ Novembru 2024, Burdene, C‑126/23, EU:C:2024:937, punt 58).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Madankollu, Stat Membru jmur lil hinn mill-marġni ta’ evalwazzjoni mogħti minn din id-dispożizzjoni jekk id-dispożizzjonijiet nazzjonali tiegħu kienu jipprevedu kumpens lill-vittmi tal-kriminalità intenzjonali vjolenti purament simboliku jew manifestament insuffiċjenti fid-dawl tal-gravità tal-konsegwenzi, lill-vittmi, tar-reat imwettaq (sentenzi tas‑16 ta’ Lulju 2020, Presidenza del Consiglio dei Ministri, C‑129/19, EU:C:2020:566, punt 63, u tas‑7 ta’ Novembru 2024, Burdene, C‑126/23, EU:C:2024:937, punt 59).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Fil-fatt, peress li l-kumpens mogħti lil tali vittmi jirrappreżenta kontribuzzjoni għall-kumpens għad-dannu materjali u morali mġarrab minnhom, tali kontribuzzjoni tista’ titqies li hija “ġusta u xierqa” biss jekk tikkumpensa, b’mod adegwat, it-tbatija li ġew esposti għaliha (ara, f’dan is-sens, is-sentenzi tas‑16 ta’ Lulju 2020, Presidenza del Consiglio dei Ministri, C‑129/19, EU:C:2020:566, punt 64, u tas‑7 ta’ Novembru 2024, Burdene, C‑126/23, EU:C:2024:937, punt 60).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Għalhekk, kumpens mogħti skont skema nazzjonali ta’ kumpens għal tali vittmi għandu, sabiex jiġi kklassifikat bħala “ġust u xieraq”, fis-sens tal-Artikolu 12(2) tad-Direttiva 2004/80, jiġi stabbilit b’teħid inkunsiderazzjoni tal-gravità tal-konsegwenzi, lill-vittmi, tar-reat imwettaq u, għaldaqstant, jirrappreżenta kontribuzzjoni adegwata għall-kumpens għal tali dannu materjali u morali mġarrab (ara, f’dan is-sens, is-sentenzi tas‑16 ta’ Lulju 2020, Presidenza del Consiglio dei Ministri, C‑129/19, EU:C:2020:566, punt 69, u tas‑7 ta’ Novembru 2024, Burdene, C‑126/23, EU:C:2024:937, punt 62).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fir-rigward, b’mod iktar speċifiku, tal-kumpens għad-dannu morali mġarrab minn dawn il-vittmi, għalkemm, ċertament, din id-dispożizzjoni ma tinkludix riferiment espliċitu għal tali dannu, għandu jiġi rrilevat li l-formulazzjoni wiesgħa tal-imsemmija dispożizzjoni bl-ebda mod ma tillimita l-portata tal-kumpens previst fiha fir-rigward tad-danni li hija tista’ tikkontribwixxi sabiex jiġu kkumpensati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Barra minn hekk, hekk kif indikat il-Qorti tal-Ġustizzja fil-punt 48 tas-sentenza tas‑7 ta’ Novembru 2024, Burdene (C‑126/23, EU:C:2024:937), il-portata tal-kunċett ta’ “vittmi” kif jinsab fl-Artikolu 12(2) tad-Direttiva 2004/80, hija ċċarata bid-definizzjoni tal-kunċett ta’ “vittmi” stabbilit fl-Artikolu 2(1)(a) tad-Direttiva 2012/29, li jkopri “persuna fiżika li ġarrbet ħsara, inkluż [l-integrità ta’] dannu fiżiku, mentali jew emozzjonali jew telf finanzjarju, li kien direttament ikkawżat minn reat kriminali”. Issa, mill-formulazzjoni ta’ din l-aħħar dispożizzjoni jirriżulta b’mod ċar li tkopri kemm il-vittmi li kienu ġarrbu danni materjali kif ukoll dawk li kienu ġarrbu danni morali. B’mod partikolari, il-fatt li l-imsemmija dispożizzjoni tkopri l-integrità tal-ħsara kemm fiżika kif ukoll mentali jew emozzjonali jikkonferma li d-danni mġarrba minn dawn il-vittmi jkopru, ukoll, l-uġigħ u t-tbatija mġarrba minnhom. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Għaldaqstant, mill-ġurisprudenza tal-Qorti tal-Ġustizzja jirriżulta li ma tista’ tiġi stabbilita ebda distinzjoni skont it-tipi ta’ danni li l-vittmi tar-reati mwettqa jistgħu jkunu ġarrbu jew il-konsegwenzi li għalihom dawn il-vittmi jistgħu jiġu esposti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Anki jekk jitqies li l-formulazzjoni tal-Artikolu 18(2) tad-Direttiva 2004/80 li, fil-verżjonijiet tiegħu b’mod partikolari bil-lingwa Franċiża u Rumena, jirreferi biss għal “danni fiżiċi”, tista’ tissuġġerixxi l-eżistenza ta’ tali distinzjoni, għandu jiġi rrilevat li, f’diversi verżjonijiet lingwistiċi oħra ta’ din id-dispożizzjoni, il-kelma “dannu” ma hija akkumpanjata minn ebda aġġettiv intiż li jillimita l-portata tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Issa, skont ġurisprudenza stabbilita, id-dispożizzjonijiet tad-dritt tal-Unjoni għandhom jiġu interpretati u applikati b’mod uniformi, fid-dawl tal-verżjonijiet redatti bil-lingwi kollha tal-Unjoni Ewropea u, fil-każ ta’ diverġenza bejn dawn id-diversi verżjonijiet, id-dispożizzjoni inkwistjoni għandha tiġi interpretata skont l-istruttura ġenerali u l-iskop tal-leġiżlazzjoni li tikkostitwixxi parti minnha (sentenza tas‑17 ta’ Jannar 2023, Spanja vs Il‑Kummissjoni, C‑632/20 P, EU:C:2023:28, punt 42 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">F’dan ir-rigward, minn naħa, ebda dispożizzjoni oħra tad-Direttiva 2004/80 ma tippermetti li jiġi kkunsidrat li għandha ssir distinzjoni bejn it-tipi ta’ ħsarat jew danni mġarrba mill-vittmi li jaqgħu taħt il-kamp ta’ applikazzjoni tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Min-naħa l-oħra, mill-premessa 2 ta’ din id-direttiva jirriżulta li l-miżuri intiżi sabiex jiffaċilitaw il-kumpens lill-vittmi tal-kriminalità għandhom jikkontribwixxu għat-twettiq tal-għan li tiġi żgurata l-protezzjoni tal-integrità tal-persuni kkonċernati. Barra minn hekk, hekk kif tindika l-premessa 14 tal-imsemmija direttiva, hija tirrispetta d-drittijiet fundamentali u tosserva l-prinċipji affermati mill-ġdid b’mod partikolari mill-Karta. Issa, hekk kif jirriżulta mill-Artikolu 3(1) tal-Karta, l-integrità tal-persuna għandha tinftiehem bħala kemm fiżika kif ukoll mentali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għaldaqstant, għandu jiġi kkunsidrat li l-kumpens previst fl-Artikolu 12(2) tad-Direttiva 2004/80 għandu jkun jista’, jekk ikun il-każ, jikkontribwixxi sabiex jiġi kkumpensat kull dannu morali, inkluż id-dannu għall-uġigħ u għat-tbatija mġarrba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">F’dan ir-rigward, hekk kif tirrileva, essenzjalment, il-qorti tar-rinviju fil-kuntest tal-ħames domanda preliminari, aggressjoni kriminali vjolenti bħal dik imġarrba minn LD tista’ tagħti lok għal konsegwenzi gravi, kemm mill-perspettiva tad-dannu materjali kif ukoll tad-dannu morali, b’mod partikolari minħabba l-uġigħ u t-tbatija mġarrba, fejn dan għandu jiġi rifless fl-ammont mogħti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Għalhekk, f’dan il-każ, il-kumpens għad-dannu mġarrab minn LD ma jistax, bla ħsara għal verifika mill-qorti tar-rinviju, jikkostitwixxi kumpens ġust u xieraq, fis-sens ta’ dan l-Artikolu 12(2), b’mod partikolari jekk dannu morali bħal dak imsemmi fil-punt preċedenti kien ġie eskluż minnu, sa fejn dan il-kumpens ikopri biss parzjalment id-danni mġarrba mill-vittma tar-reat inkwistjoni u ma jistax, għalhekk, jitqies bħala li jieħu inkunsiderazzjoni l-gravità tal-konsegwenzi tiegħu għal din il-vittma. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti kollha, ir-risposta għad-domandi magħmula għandha tkun li l-Artikolu 12(2) tad-Direttiva 2004/80 għandu jiġi interpretat fis-sens li jipprekludi skema nazzjonali ta’ kumpens lill-vittmi tal-kriminalità intenzjonali vjolenti li, bħala prinċipju, teskludi, fir-rigward tad-dannu morali, kull kumpens għall-uġigħ u għat-tbatija mġarrba minn dawn il-vittmi. Minkejja n-neċessità li tiġi żgurata l-vijabbiltà finanzjarja tal-iskemi nazzjonali dwar il-kumpens, b’mod li l-Istati Membri ma jkunux obbligati li jipprevedu kumpens sħiħ għad-dannu materjali u morali mġarrab mill-imsemmija vittmi, kumpens ġust u xieraq, fis-sens ta’ din id-dispożizzjoni, jeħtieġ, fid-determinazzjoni ta’ tali kumpens, li tittieħed inkunsiderazzjoni l-gravità tal-konsegwenzi, lill-vittmi, tar-reati mwettqa kif ukoll il-kumpens li tali vittmi jistgħu jiksbu abbażi tar-responsabbiltà delittwali tal-awtur tar-reat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-93" title="page-1">
      Għal dawn il-motivi, Il‑Qorti tal‑Ġustizzja (Il‑Ħames Awla) taqta’ u tiddeċiedi:
    </p>
    <p class="C30Dispositifalinea" id="para-94" title="page-1">
      L-Artikolu 12(2) tad-Direttiva tal-Kunsill 2004/80/KE tad‑29 ta’ April 2004 li għandha x’taqsam ma’ kupens għal vittmi ta’ delitti,
    </p>
    <p class="C30Dispositifalinea" id="para-95" title="page-1">
      għandu jiġi interpretat fis-sens li: 
    </p>
    <p class="C30Dispositifalinea" id="para-96" title="page-1">
      jipprekludi skema nazzjonali ta’ kumpens lill-vittmi tal-kriminalità intenzjonali vjolenti li, bħala prinċipju, teskludi, fir-rigward tad-dannu morali, kull kumpens għall-uġigħ u għat-tbatija mġarrba minn dawn il-vittmi. Minkejja n-neċessità li tiġi żgurata l-vijabbiltà finanzjarja tal-iskemi nazzjonali dwar il-kumpens, b’mod li l-Istati Membri ma jkunux obbligati li jipprevedu kumpens sħiħ għad-dannu materjali u morali mġarrab mill-imsemmija vittmi, kumpens ġust u xieraq, fis-sens ta’ din id-dispożizzjoni, jeħtieġ, fid-determinazzjoni ta’ tali kumpens, li tittieħed inkunsiderazzjoni l-gravità tal-konsegwenzi, lill-vittmi, tar-reati mwettqa kif ukoll il-kumpens li tali vittmi jistgħu jiksbu abbażi tar-responsabbiltà delittwali tal-awtur tar-reat.
    </p>
    <div class="signatures">
<p class="C77Signatures" id="para-97" title="page-1">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
