1.   

Fl-20 ta’ Marzu 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	MAIF 4 Investments India 2 Pte. Ltd. (“MAIF 4”, Singapore), fl-aħħar mill-aħħar ikkontrollata minn Macquarie Group Limited (“Macquarie Group”, l-Awstralja),

—	CDPQ Asia III (“CDPQ Asia”, il-Kanada), fl-aħħar mill-aħħar ikkontrollata minn Caisse de dépôt et de placement du Québec (“La Caisse”, il-Kanada),

—	Mamaple Infrastructure Trust, Maple Infra invit Investment Manager Private Limited, u Maple Highway Project Management Private Limited (flimkien “Maple”, l-Indja), ikkontrollati minn La Caisse.

Macquarie Group u La Caisse se jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Maple.

Il-konċentrazzjoni se ssir permezz ta’ xiri ta’ ishma u ta’ titoli.

2.   

L-attivitajiet kummerċjali tal-impriżi kkonċernati huma li ġejjin:

—	MAIF4 ma għandha l-ebda operazzjoni, assi jew dħul. Macquarie Group huwa grupp diversifikat ta’ servizzi finanzjarji,

—	CDPQ Asia III hija ffukata fuq l-investimenti fl-Asja. La Caisse hija investitur istituzzjonali fit-tul.

3.   

L-attivitajiet kummerċjali tal-impriża Maple huma dawn li ġejjin: sjieda u operazzjoni tal-konċessjonijiet tat-toroq fl-Indja permezz ta’ veikoli bi skop speċjali. Maple ma għandha l-ebda attività fiż-ŻEE.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12368 — MACQUARIE GROUP / LA CAISSE / MAPLE

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

Il-Kummissjoni Ewropea/European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË