Brussell, 20.9.2019

COM(2019) 424 final

ANNESS

tal-

Proposta għal DEĊIŻJONI TAL-KUNSILL

dwar il-pożizzjoni li għandha tittieħed f’isem l-Unjoni Ewropea fil-Kumitat tar-Regoli tal-Oriġini stabbilit bil-Ftehim dwar ir-Regoli tal-Oriġini (WTO-GATT tal-1994), anness mal-att finali ffirmat f’Marrakech fil-15 ta’ April 1994


It-titjib tat-Trasparenza fir-Regoli Mhux preferenzjali tal-Oriġini

_______________

ll-Membri tal-Organizzazzjoni Dinjija tal-Kummerċ,

Billi jixtiequ jiżguraw li r-regoli tal-oriġini nfushom ma joħolqux effetti li jirrestrinġu, ixekklu jew ifixklu l-kummerċ internazzjonali;

Billi jixtiequ jiżguraw li r-regoli tal-oriġini jitħejjew u jiġu applikati b’mod imparzjali, trasparenti, prevedibbli, konsistenti u newtrali;

Billi jirrikonoxxu li regoli tal-oriġini ċari u prevedibbli u l-applikazzjoni tagħhom jiffaċilitaw il-fluss tal-kummerċ internazzjonali;

Billi jirrikonoxxu li huwa mixtieq li tiġi pprovvduta t-trasparenza fil-liġijiet, ir-regolamenti u l-prattiki fir-rigward tar-regoli tal-oriġini;

Billi jixtiequ li jikkomplementaw l-obbligi ta’ notifika tal-Artikolu 5 tal-Ftehim dwar ir-Regoli tal-Oriġini;

Billi jaffermaw li t-titjib fit-trasparenza tal-liġijiet, ir-regolamenti u l-prattiki fir-rigward tar-regoli tal-oriġini jikkontribwixxi biex jitnaqqsu l-kostijiet ta’ konformità tal-operaturi ekonomiċi li jixtiequ jintegraw il-katini tal-valur globali, l-aktar l-intrapriżi mikro, żgħar u ta' daqs medju;

Jiddeċiedu, fir-rigward tar-regoli tal-oriġini, kif ġej:

1.Li huwa mixtieq li jinżamm u jiġi promoss livell għoli ta’ trasparenza u fehim reċiproku dwar ir-regoli tal-oriġini eżistenti u r-rekwiżiti dokumentarji relatati użati mill-Membri tad-WTO. Ir-regoli tal-oriġini huma mifhuma bħala dawk li jaqgħu taħt il-kamp ta’ applikazzjoni tal-Artikolu 1 tal-Ftehim dwar ir-Regoli tal-Oriġini.

2.Sabiex tiżdied it-trasparenza u jiġi promoss fehim aħjar tar-regoli tal-oriġini, il-Membri għandhom jinnotifikaw lis-Segretarjat tad-WTO, skont l-Anness 1 ta’ din id-Deċiżjoni, ir-regoli tal-oriġini li jużaw fl-applikazzjoni tat-trattament tal-aktar nazzjon iffavorit skont l-Artikoli I, II, III, XI u XIII tal-GATT tal-1994.

3.Il-Membri huma mħeġġa jimlew il-mudell ta’ notifika fl-Anness 1 meta jinnotifikaw lis-Segretarjat tad-WTO dwar kwalunkwe regola oħra tal-oriġini li jużaw għall-applikazzjoni ta’ strumenti oħra ta’ politika kummerċjali mhux preferenzjali kif previst fl-Artikolu 1.2 tal-Ftehim dwar ir-Regoli tal-Oriġini.

4.Barra minn hekk, il-Membri għandhom jiddeskrivu, skont l-Anness 2, il-prattiki tagħhom fir-rigward taċ-ċertifikazzjoni tal-oriġini u provi tal-oriġini dokumentarji obbligatorji oħra għal finijiet mhux preferenzjali li jkunu ġew innotifikati skont l-Anness 1 1 . Il-Membri li jirrapportaw li ma jimplimentawx ir-regoli tal-oriġini skont l-Anness 1 għandhom, madankollu, jimlew l-Anness 2.

5.In-notifiki skont il-paragrafi 2 u 4 ta’ din id-Deċiżjoni għandhom jiġu ppreżentati sa mhux aktar tard minn sena wara l-adozzjoni ta’ din id-Deċiżjoni.

6.L-informazzjoni nnotifikata skont din id-Deċiżjoni għandha ssir disponibbli għall-pubbliku mis-Segretarjat tad-WTO.

7.Kull Membru għandu, skont ir-riżorsi disponibbli tiegħu, jistabbilixxi jew iżomm punt ta' informazzjoni wieħed jew aktar sabiex iwieġeb għall-mistoqsijiet iġġustifikati tal-gvernijiet, tan-negozjanti u ta’ partijiet interessati oħra dwar kwistjonijiet li jirrigwardaw ir-regoli tal-oriġini u rekwiżiti dokumentarji relatati kif ukoll biex jipprovdu l-formoli u d-dokumenti meħtieġa 2 . Il-Membri għandhom jikkomunikaw id-dettalji ta' kuntatt tal-punti ta' informazzjoni rispettivi tagħhom lis-Segretarjat tad-WTO skont l-Anness 1. Il-membri tal-pajjiżi l-anqas żviluppati għandu jkollhom sentejn biex jikkomunikaw din l-informazzjoni lis-Segretarjat tad-WTO.

8.Il-Membri għandhom jagħmlu ħilithom biex jipprovdu referenzi legali, siti web, dokumenti ta' spjegazzjoni, jew kwalunkwe dokument ieħor, f’lingwa uffiċjali tad-WTO.

9.Il-Membri li jintroduċu bidliet sostantivi fir-regoli tal-oriġini tagħhom u rekwiżiti dokumentarji relatati li jkunu ġew innotifikati skont din id-Deċiżjoni, għandhom jinnotifikaw minnufih tali bidliet lis-Segretarjat tad-WTO skont din id-Deċiżjoni.

10.Il-Kumitat tar-Regoli tal-Oriġini (CRO) għandu jeżamina r-regoli tal-oriġini eżistenti u r-rekwiżiti dokumentarji relatati abbażi tal-informazzjoni nnotifikata skont din id-Deċiżjoni, bil-għan li jiġu identifikati prattiki li jiffaċilitaw il-kummerċ u li tiġi promossa d-diffużjoni internazzjonali tagħhom.

11.L-għajnuna mis-Segretarjat tad-WTO għandha tingħata fuq talba biex tgħin lill-Membri tal-pajjiżi li qed jiżviluppaw u dawk li huma l-anqas żviluppati jimplimentaw id-dispożizzjonijiet ta’ din id-Deċiżjoni.

12.Xejn f’din id-Deċiżjoni ma għandu jiġi interpretat li jaffettwa d-drittijiet u l-obbligi tal-Membri li jinsabu fl-Artikolu 5 tal-Ftehim dwar ir-Regoli tal-Oriġini jew fl-Artikolu 1 tal-Ftehim ta’ Faċilitazzjoni tal-Kummerċ.

13.Din id-Deċiżjoni, b’mod partikolari l-paragrafi 2 u 3, għandha tiġi riveduta tliet snin wara l-adozzjoni tagħha, u wara dan kull meta jkun meħtieġ, bil-għan li tittejjeb aktar it-trasparenza dwar regoli mhux preferenzjali tal-oriġini kif xieraq.

ANNESS 1

MUDELL TA’ NOTIFIKA GĦAL REGOLI MHUX PREFERENZJALI TAL-ORIĠINI

L-Anness 1 jista’ jiġi dduplikat kemm-il darba l-membri jqisu li dan ikun meħtieġ

I.    INFORMAZZJONI BAŻIKA

1)

Membru notifikatur

2)

Punt ta' informazzjoni

(Jekk possibbli, ipprovdi d-dettalji ta’ kuntatt li ġejjin: Isem, tel., posta elettronika, sit web)

3)

Hemm Regoli Mhux Preferenzjali tal-Oriġini fis-seħħ?

□

Iva

□

Le*

* Jekk it-tweġiba tiegħek hija "Le", mhuwiex meħtieġ li jimtlew il-mistoqsijiet sussegwenti ta’ dan l-Anness

4)

Jekk jogħġbok indika liema strumenti tal-politika kummerċjali jużaw dawn ir-regoli mhux preferenzjali tal-oriġini (irreferi għall-Artikolu 1.2 tal-Ftehim dwar ir-Regoli tal-Oriġini).

5)

Data tad-dħul fis-seħħ jew kwalunkwe modifika sostantiva tiegħu:

6)

Data tal-iskadenza, jekk applikabbli:

7)

Awtoritajiet governattivi jew mhux governattivi inkarigati mill-amministrazzjoni:

8)

Link tal-Internet għal-leġiżlazzjoni u kull dokument ieħor ta’ spjegazzjoni, jekk applikabbli:

9)

Kummenti, jekk applikabbli

II.    APPLIKAZZJONI TAR-REGOLI MHUX PREFERENZJALI TAL-ORIĠINI

10)

Japplikaw regoli mhux preferenzjali tal-oriġini għall-importazzjonijiet

□

Iva

□

Le

11)

Japplikaw regoli mhux preferenzjali tal-oriġini għall-esportazzjonijiet

□

Iva

□

Le

12)

Regola de minimis għall-applikazzjoni ta’ regoli mhux preferenzjali tal-oriġini

□

Iva

□

Le

Jekk Iva, jekk jogħġbok speċifika l-limitu de minimis u pprovdi r-referenzi legali rilevanti applikabbli għall-mistoqsijiet 10 sa 12.

III.    KRITERJI BIEX TIĠI DDETERMINATA T-TRASFORMAZZJONI SOSTANZJALI GĦALL-VALUTAZZJONI TAL-ORIĠINI TAL-OĠĠETT

13)

Kriterji ġenerali, jekk applikabbli għall-prodotti kollha:

14)

Regoli tal-oriġini speċifiċi għall-prodott fejn applikabbli:

15)

Definizzjoni ta’ materjal mhux oriġinarju u ta’ materjal oriġinarju, jekk applikabbli:

16)

Lista ta’ operazzjonijiet minimi li ma jagħtux l-oriġini, jekk applikabbli:

17)

Regoli residwi, jekk applikabbli:

18)

Kull informazzjoni oħra li l-membru jqis li hija meħtieġa (ipprovdi link tal-Internet, jekk xieraq)

IV.    DEĊIŻJONIJIET BIL-QUDDIEM

Jinħarġu deċiżjonijiet bil-quddiem dwar l-oriġini ta’ oġġett 3 ?

□

Iva

□

Le

Awtorità inkarigata mill-ħruġ ta’ deċiżjonijiet bil-quddiem (dwar l-oriġini)

Struzzjonijiet dwar l-applikazzjoni għal deċiżjoni bil-quddiem

Link tal-Internet għal-leġiżlazzjoni u kwalunkwe referenza legali oħra rilevanti:



ANNESS 2

MUDELL TA’ NOTIFIKA GĦAL REKWIŻITI DOKUMENTARJI RELATATI MA’

REGOLI MHUX PREFERENZJALI TAL-ORIĠINI

1)

Rekwiżiti obbligatorji għaċ-ċertifikat u/jew kwalunkwe prova tal-oriġini dokumentarja obbligatorja oħra għall-importazzjonijiet?

□

Iva

□

Le**

2)

Rekwiżiti obbligatorji għaċ-ċertifikat u/jew kwalunkwe prova tal-oriġini dokumentarja obbligatorja oħra għall-esportazzjonijiet?

□

Iva

□

Le**

3)

Hemm format standardizzat jew preskritt u/jew kontenut taċ-Ċertifikat u/jew kwalunkwe prova tal-oriġini dokumentarja obbligatorja oħra?

Jekk Iva, jekk jogħġbok ehmeż kopja jew ipprovdi d-dettalji rilevanti fl-Appendiċi ta’ dan l-Anness

 Iva        Le

** Jekk it-tweġibiet għall-mistoqsijiet 1 u 2 huma “Le”, mhuwiex meħtieġ li jimtlew il-mistoqsijiet sussegwenti ta’ dan l-Anness

4)

Jekk jintalab biss f’ċirkostanzi speċifiċi, jekk jogħġbok iddeskrivi l-każijiet li għalihom jintalab ċertifikat (jew provi tal-oriġini dokumentarji obbligatorji oħra) u l-format rispettiv (il-forma preskritta jew oħrajn).

5)

Jekk ir-rekwiżiti obbligatorji għaċ-ċertifikat u/jew kwalunkwe prova tal-oriġini dokumentarja obbligatorja oħra huma limitati għal ċerti prodotti, jekk jogħġbok speċifika għal liema Kapitoli tas-SA u l-format rispettiv (fil-forma preskritta jew oħrajn).

6)

Eżenzjonijiet għar-rekwiżiti obbligatorji ta’ preżentazzjoni ta’ ċertifikat u/jew ta’ kwalunkwe prova tal-oriġini dokumentarja obbligatorja oħra (eż. kunsinni b’valur baxx, kunsinni postali, …)

7)

Awtoritajiet governattivi jew mhux governattivi maħtura għall-ħruġ ta’ ċertifikat u/jew kwalunkwe prova tal-oriġini dokumentarja obbligatorja oħra, jekk applikabbli

8)

Jekk jogħġbok ipprovdi r-referenzi legali rilevanti applikabbli għall-Mistoqsijiet 1 sa 7

ANNESS 2 – APPENDIĊI

Jekk jogħġbok ehmeż il-formola preskritta u/jew il-link tal-Internet mal-formola preskritta taċ-Ċertifikat tal-oriġini (jew prova tal-oriġini dokumentarja obbligatorja oħra), jekk applikabbli

__________

(1)

Dan huwa mingħajr preġudizzju għal provi tal-oriġini oħra li jistgħu jkunu meħtieġa mill-awtoritajiet kompetenti għal finijiet ta’ kontroll.

(2)

Huwa mifhum li dan il-punt ta' informazzjoni jista’ jkun l-istess kif stabbilit jew miżmum skont l-Artikolu 1.3 (Punti ta' informazzjoni) tal-Ftehim ta’ Faċilitazzjoni tal-Kummerċ (TFA) u l-Membri mhumiex meħtieġa jipprovdu aktar informazzjoni jew jipprovdu aktar formoli u dokumenti minn dawk koperti mit-TFA.

(3)

Kif iddefinit fl-Artikolu 2(h) tal-Ftehim dwar ir-Regoli tal-Oriġini u fl-Artikolu 3 tal-Ftehim ta’ Faċilitazzjoni tal-Kummerċ.