(1)

Ir-Regolament ta’ Implimentazzjoni tal-Kummissjoni (UE) Nru 1248/2012 (2) jistipula format uniformi għall-applikazzjonijiet għar-reġistrazzjoni tar-repożitorji tat-tranżazzjonijiet. L-użu tal-format uniformi previst f’dak ir-Regolament wera bil-provi l-effiċjenza tiegħu għar-repożitorji tat-tranżazzjonijiet biex jipprovdu informazzjoni lill-Awtorità Ewropea tat-Titoli u s-Swieq rigward l-applikazzjoni għar-reġistrazzjoni ta’ repożitorju tat-tranżazzjonijiet. Billi l-informazzjoni li trid tingħata fl-applikazzjoni għall-estensjoni tar-reġistrazzjoni bħala repożitorju tat-tranżazzjonijiet hija simili għall-informazzjoni ekwivalenti li trid tingħata meta ssir applikazzjoni għal reġistrazzjoni bħala repożitorju tat-tranżazzjonijiet, l-istess format uniformi huwa adattat għaż-żewġ applikazzjonijiet.

(2)

F’konformità mar-Regolament ta’ Delega tal-Kummissjoni (UE) Nru 150/2013 (3), fil-każijiet li fihom repożitorju tat-tranżazzjonijiet applikant iqis li rekwiżit ta’ dak ir-Regolament mhuwiex applikabbli għalih, irid jindika b’mod ċar dak ir-rekwiżit fl-applikazzjoni tiegħu u jipprovdi spjegazzjoni għalfejn dak ir-rekwiżit ma japplikax. Jenħtieġ li dawk ir-rekwiżiti u l-ispjegazzjonijiet jiġu identifikati b’mod ċar fl-applikazzjoni għar-reġistrazzjoni jew għall-estensjoni tar-reġistrazzjoni bħala repożitorji tat-tranżazzjonijiet. Jenħtieġ għalhekk li r-referenzi għall-att delegat fir-rigward tal-istandards tekniċi regolatorji li jispeċifikaw id-dettalji tal-applikazzjoni għar-reġistrazzjoni tar-repożitorji tat-tranżazzjonijiet fir-Regolament ta’ Implimentazzjoni (UE) Nru 1248/2012 jiġu sostitwiti b’referenzi għar-Regolament ta’ Delega (UE) Nru 150/2013.

(3)

Għaldaqstant jenħtieġ li r-Regolament ta’ Implimentazzjoni (UE) Nru 1248/2012 jiġi emendat skont dan.

(4)

Dan ir-Regolament huwa bbażat fuq l-abbozz tal-istandards tekniċi ta’ implimentazzjoni ppreżentat lill-Kummissjoni mill-Awtorità Ewropea tat-Titoli u s-Swieq. L-Awtorità Ewropea tat-Titoli u s-Swieq wettqet konsultazzjonijiet pubbliċi miftuħa dwar l-abbozz tal-istandards tekniċi ta’ implimentazzjoni li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Interessati tat-Titoli u s-Swieq stabbilit f’konformità mal-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (4),

1.

L-Artikolu 1 huwa sostitwit b’dan li ġej:

(*1)  Ir-Regolament ta’ Delega tal-Kummissjoni (UE) Nru 150/2013 tad-19 ta’ Diċembru 2012 li jissupplimenta r-Regolament (UE) Nru 648/2012 tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tad-data dwar it-tranżazzjonijiet rigward standards tekniċi regolatorji li jispeċifikaw id-dettalji tal-applikazzjoni għar-reġistrazzjoni bħala repożitorju tat-tranżazzjonijiet (ĠU L 52, 23.2.2013, p. 25)."

(*2)  Id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).”;"

2.

L-Anness huwa emendat f’konformità mal-Anness ta’ dan ir-Regolament.