Ir-Regolament tal-Kunsill (KE) Nru 872/2004

tad-29 ta' April 2004

li jirrigwarda iktar miżuri restrittivi li għandhom x'jaqsmu mal-Liberja

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 60 u 301 tiegħu,

Wara li kkunsidra l-Posizzjoni Komuni tal-Kunsill 2004/487/CFSP tad-29 ta' April 2004 li tirrigwarda l-konġelament tal-fondi ta' dak li qabel kien il-President Liberjan Chales Taylor u ta' dawk il-persuni u entitajiet assoċjati miegħu [1],

Wara li kkunsidra l-proposta mill-Kummissjoni,

Billi:

(1) Fil-10 ta' Frar 2004, wara l-adozzjoni mill-Kunsill tas-Sigurtà tan-NU ta' l-UNSCR 1521 (2003), li tiddikjara l-miżuri rriveduti li jirrigardaw il-Liberja għalbiex iqisu l-evoluzzjoni tas-sitwazzjoni fil-Liberja u b'mod partikolari t-tluq ta' dak li qabel kien il-President Charles Taylor, u l-adozzjoni tal-Posizzjoni Komuni tal-Kunsill 2004/137/CFSP tal-10 ta' Frar 2004 li tirrigwarda miżuri restrittivi kontra l-Liberja [2], il-Kunsill adotta r-Regolament 234/2004 li jimponi miżuri restrittivi rigward il-Liberja [3].

(2) L-UNSCR 1532 (2004) tat-12 ta' Marzu 2004 tipprovdi illi l-fondi u r-riżorsi ekonomiċi ppossjeduti jew ikkontrollati minn dak li qabel kien il-President Liberjan Charles Taylor, minn Jewell Howard Taylor u minn Charles Taylor, Jr, membri immedjati oħra tal-familjha, l-uffdiċjali anzjani tiegħu ta' qabel u alleati oħra mill-qrib u assoċjati kif innominati mill-Kumitat tal-Kunsill tas-Sigurtà stabbiliti skond il-paragrafu 21 ta' l-UNSCR 1251 (2003) għandhom jiġu kkonġelati.

(3) L-azzjonijiet u l-politiki ta' dak li qabel kien il-President Liberjan Charles Taylor, u persuni oħra, b'mod partikolari t-tbattil tagħhom tar-riżorsi Liberjani u t-twarrib tagħhom mil-Liberja u t-tnixxija tal-fondi u tal-proprjetà Liberjani minn dan il-pajjiż, imminaw it-transizjoni tal-Liberja lejn id-demokrazija u l-iżvilupp bl-ordni ta' l-istituzzjonijiet u r-riżorsi politiċi, amministrattivi u ekonomiċi tagħha.

(4) Minħabba l-impatt negattiv fuq il-Liberja bit-trasferiment 'il barra mill-pajjiż ta' fondi u attivi miżapproprjati, u l-użu ta' dawn il-fondi miżapproprjati minn Charles Taylor u l-assoċjati tiegħu għalbiex jimminaw il-paċi u l-istabbiltà fil-Liberja u fir-reġjun, huwa meħtieġ il-konġelament ta' dawn il-fondi ta' Charles Taylor u ta' l-assoċjati tiegħu.

(5) Il-Posizzjoni Komuni 2004/487/CFSP tipprovdi li jiġi implimentat il-konġelament tal-fondi u tar-riżorsi ekonomiċi ta' dak li qabel kien il-President Liberjan Cħarles Taylor u tal-membri immedjati tal-familja tiegħu, ta' l-uffiċjali anzjani ta' qabel u alleati u assoċjati oħra mill-qrib.

(6) Il-miżuri jidħlu fl-iskop tat-Trattat u, għalhekk, għalbiex jiġi evitat kull tagħwiġ tal-kompetizzjoni, hija meħtieġa leġislazzjoni Komunitarja għalbiex timplimentahom safejn u sakemm jinteressaw lill-Komunità. Għall-għan ta' dan ir-Regolament, it-territoriju tal-Komunità għandu jitqies li jiġbor fih it-territorji ta' l-Istati Membri li għalihom japplika t-Trattat, skond il-kondizzjonijiet stabbiliti f'dan nit-Trattat.

(7) Il-Posizzjoni Komuni 2004/387/CFSP tipprovdi wkoll illi jistgħu jiġu konċessi ċerti eżenzjonijiet mill-ħtieġa tal-konġelament għal għanijiet umanitarji jew is-sodisfazzjon tar-rahnijiet jew is-sentenzi tal-qorti midħula għalihom qabel id-data ta' l-UNSCR 1532 (2004).

(8) Il-Kunsill tas-Sigurtà tan-NU esprima l-intenzjoni tiegħu li jikkunsidra jekk iridx jagħmel disponibbli lill-gvern tal-Liberja l-fondi u r-riżorsi ekonomiċi kkonġelati skond il-UNSCR 1532 (2004), ġaladarba dan il-Gvern stabbilixxa mekkaniżmu trasparenti tal-kontabbiltà u tal-verifika għalbiex jiżgura l-użu responsabbli tad-dħul tal-gvern għall-benefiċċju dirett tal-poplu tal-Liberja.

(9) Sabiex jiġi żgurat illi l-miżuri pprovvduti f'dan ir-Regolament ikunu effettivi, dan ir-Regolament irid jidħol fis-seħħ fil-jum tal-pubblikazzjoni tiegħu,

ADOTTA DAN IR-REGOLAMENT:

Artikolu 1

Għall-għanijiet ta' dan ir-Regolament għandhom japplikaw dawn id-definizzjonijiet:

1. "Kumitat tas-Sanzjonijiet" ifisser: il-Kumitat tal-Kunsill tas-Sigurtà tan-Nazzjonijiet Uniti li ġie stabbilit skond il-paragrafu 21 ta' l-UNSCR 1521 (2003);

2. "fondi" ifissru l-attivi u l-benefiċċji finanzjarji ta' kull kwalità, inklużi imma mhux limitati għal:

(a) il-flus fil-pront, iċ-ċekkijiet, il-pretensjonijiet fuq il-flus, il-ġbid tal-flus, il-money orders u strumenri oħra tal-ħlas;

(d) id-depożiti għand instituzzjonijiet finanzjarji jew entitajiet oħra, il-bilanċi akkont, id-djun u l-obbligi fuq id-djun;

(ċ) it-titoli ta' sigurtà u l-istrumenti tad-dejn nnegozjati b'mod pubbliku jew privat, inklużi l-istocks u l-ishma, iċ-ċertifikati li jirrappreżentaw titoli tas-sigurtà, kambjali, noti, mandati, obbligazzjonijiet u kuntratti tad-derivattivi;

(d) imgħax, dividendi jew dħul ieħor jew il-valur li jakkumula jew iġġenerati mill-attivi;

(e) il-kreditu, id-dritt għall-kumpens, il-garanziji, il-kambjali tat-twettiq tax-xogħol jew impenji finanzjarji oħra;

(f) l-ittri ta' kreditu, il-poloz tat-tagħbija, il-kontijiet tal-bejgħ;

(g) dokumenti li jixhdu interess fil-fondi jew fir-riżorsi finanzjarji;

(h) kull strument ieħor tal-finanzjament ta' l-esportazzjonijiet;

3. "il-konġelament tal-fondi" ifisser il-prevenzjoni ta' kull ċaqliq, trasferiment, bidla, użu tal-fondi, aċċess għalihom jew negozju fihom b'kull mod li jista' jirriżulta f;kull bidla fil-volum, l-ammont, il-post, il-pussess, il-karattru, id-destinazzjoni jew kull bidla oħra tagħhom li tista' tgħin li jintużaw il-fondi, inkluża l-ġestjoni tal-portafolli;

4. "riżorsi ekonomiċi" ifissru l-attivi ta' kull kwalità, sewwa jekk tanġibbli u sewwa jekk intanġibbli, mobbli jew immobbli, li mhumiex fondi imma jistgħu jintużaw għalbiex jinkisbu fondi, oġġetti jew servizzi;

5. "konġelament tar-riżorsi ekonomiċi" tfisser li jiġi pprevenut l-użu tagħhom għalbiex jinkisbu fondi, oġġetti jew servizzi f'kull mod, inklużi, imma mhux limitati għall-bejgħ, il-kiri jew l-ipoteki tagħhom.

Artikolu 2

1. Għandhom jiġu kkonġelati l-fondi u r-riżorsi ekonomiċi kollha possessi jew ikkontrollati, direttament jew indirettament, minn dak li qabel kien il-President Liberjan Charles Taylor, minn Jewell Howard Taylor u minn Charles Taylor Jr u mill-persuni u l-entitajiet li ġejjin, kif innominati mill-Kumitat tas-Sanzjonijiet u elenkati fl-Anness I:

(a) il-membri immedjati l-oħra tal-familja ta' dak li qabel kien il-President Liberjan Charles Taylor;

(b) l-uffiċjali anzjani ta' dak li qabel kien ir-reġim ta' Taylor, u alleati u assoċjati oħra mill-qrib;

(ċ) il-persuni legali, il-korpi jew l-entitajiet ippossjeduti jew ikkontrollati, direttament jew indirettament, mill-persuni rifeiti hawn fuq;

(d) kull persuna naturali jew legali li taġixxi f'isem jew fuq id-direzzjoni tal-persuni msemija hawn fuq.

2. L-ebda fondi jew riżorsi ekonomiċi ma għandhom jintgħamlu disponibbli, direttament jew indirettament, lill-persuni naturali jew legali, lill-entitajiet jew lill-korpi elenkati fl-Anness jew għall-benefiċċju tagħhom.

3. Għandha tiġi pprojbita l-parteċipazzjoni, konxjament u intenzjonalment, f'attivitajiet li l-għan jew l-effett tagħhom ikun, direttament jew indirettament, għalbiex jaħarbu mill-miżuri riferiti fil-paragrafi 1 u 2.

Artikolu 3

1. Bħala deroga mill-Artikolu 2, l-awtoritajiet kompetenti ta' l-Istati Membri, kif elenkati fl-Anness II, jistgħu jawtrorizzaw il-ħelsien ta' ċerti fondi jew riżorsi finanzjarji kkonġelati jew jagħmlu disponibbli ċerti fondi jew riżorsi ekonomiċi, jekk l-awtorità kompetenti tkun stabbiliet illi l-fondi jew ir-riżorsi ekonomiċi interessati jkunu:

tal-fondi jew tar-riżorsi ekonomiċi kkonġelati;

(a) l-ħlasijiet għall-oġġetti ta' l-ikel, il-kiri u l-ipoteki, il-mediċini u t-trattamenti mediċi, it-taxxi, il-premiums ta' l-assigurazzjonijiet, u l-imposti fuq utilitajiet pubbliċi;

(b) maħsuba b'mod esklussiv għall-ħlas tal-piżijiet professjonali raġjonevoli u r-rifużjoni ta' l-ispejjeż miġrura assoċjati mal-provvediment tas-servizzi legali;

(ċ) maħsuba b'mod esklussiv għall-ħlas tal-piżijiet jew ta' l-imposti fuq is-servizzi għaż-żamma jew il-manutenzjoni tar-rutina ifikaw l-intenzjoni li jawtorizzaw l-aċċess għal dawn il-fondi u riżorsi ekonomiċi lill-Kumitat tas-Sanzjonijiet u ma jkunux irċevew deċiżjoni negattiva mill-Kumitat tas-Sanzjonijiet fi żmien jumejn tax-xogħol minn din in-notifka.

basta tkun magħrufa l-intenzjoni li jiġi awtorizzat tali aċċess għal-fondi u r-riżorsi eknomiċi lill-Kumitat tas-Sanzjonijet u li ma jkunx irċieva tweġiba negattiva mill-Kumitat fi żmien jumejn tat-tali notifika.

2. Bħala deroga mill-Artikolu 2, l-awtoritajiet kompetenti ta' l-Istati Membri, kif elenkati fl-Anness II, jistgħu jawtrorizzaw il-ħelsien ta' ċerti fondi jew riżorsi finanzjarji kkonġelati jew jagħmlu disponibbli ċerti fondi jew riżorsi ekonomiċi, jekk l-awtorità kompetenti tkun stabbiliet illi l-fondi jew ir-riżorsi ekonomiċi interessati jkunu meħtieġa għal spejjeż straordinarji, u sakemm din l-awtorità kompetenti tkun innotifikat din id-determinazzjoni lill-Kumitat tas-Sanzjonijiet u li d-determinazzjoni kienet approvata minn dan il-Kumitat.

Artikolu 4

Bħala deroga mill-Artikolu 2, l-awtoritajiet kompetenti ta' l-Istati Membri, kif elenkati fl-Anness II, jistgħu jawtorizzaw il-ħelsien ta' ċerti forndi jew riżorsi ekonomiċi kkonġelati, jekk jiġu sodisfatti l-kondizzjonijiet li ġejjin:

(a) il-fondi jew ir-riżorsi ekonomiċi huma bla ħsara għal rahan ġudizzjali, amministrattiv jew arbitrali stabbiliti qabel it-12 ta' Marzu 2004 jew ta' sentenza tal-qorti, amministrattiva jew arbitrali mogħtija qabel din id-data;

(b) il-fondi jew ir-riżorsi ekonomiċi jridu jiġu wżati b'mod esklussiv għalbiex jissodisfaw il-pretensjonijiet żgurati b'dan il-għan jew ikkonoxxuti bħala validi f'din is-sentenza, ġewwa l-limiti ffissati bil-liġijiet u r-regolamenti applikabbli li jirregolaw id-drittijiet tal-persuni li jkollhom dawn il-pretensjonijiet;

(ċ) ir-rahan jew is-sentenza tal-qorti ma jkunux għall-benefiċċju ta' persuna, entità jew korp innominati mill-Kumitat tas-Sanzjonijiet u msemmija fl-Anness I;

(d) jikkonoxxu illi r-rahan jew is-sentenza tal-qorti ma jkunux kuntrarju għall-politika pubblika fl-Istat Membru interessat.

(e) l-awtorità kompetenti tkun inotifikat ir-rahan jew is-sentenza tal-qorti lill-Kumitat tas-Sanzjonijiet.

Artikolu 5

L-awtorità kompetenti rilevanti għandha tgħarraf lill-awtoritajiet kompetenti ta' l-Istati Membri l-oħra u lill-Kummisjoni dwar kull awtorizzazzjoni konċessa skond l-Artikoli 3 u 4.

Artikolu 6

L-Artikolu 2 ma għandux japplika maż-żieda mal-kontijiet ikkonġelati ta':

(a) l-imgħax jew qligħ ieħor fuq dawn il-kontijiet; jew

(b) il-ħlasijiet mistħoqqa skond kuntratti, ftehimijiet jew obbligi li kienu ġew konklużi jew inħolqu qabel id-data li fiha dawn il-kontijiet saru bla ħsara għal dan ir-Regolament,

sakemm kull imgħax minn dan jew qligħ ieħor jew ħlasijiet ikunu kkonġelati skond l-Artikolu 2(1).

Artikolu 7

L-Artikolu 2(2) ma għandux jipprevjieni li jiġu akkreditati l-kontijiet ikkonġelati mill-istituazzjonijiet finanzjarji li jirċievu l-fondi ttrasferiti minn partijiet terzi fil-kont tal-persuna jew ta' l-entità elenkati, sakemm kull żieda minn dawn tiġi kkonġelata wkoll. L-istituzzjoni finanzjarja għandha tgħarraf lill-awtoritajiet kompetenti dwar dawn it-transazzjonijiet mingħajr dewmien.

Artikolu 8

1. Mingħajr preġudizzju għar-regoli applikabbli li jirrigwardaw ir-rappurtaġġ, il-kunfidenzalità u s-segretezza professjonali u għad-disposizzjonijiet ta' l-Artikolu 284 tat-Trattat, il-persuni naturali u legali, l-entitajiet u l-korpi għandhom:

(a) ifornu minnufih kull tagħrif li jiffaċilita l-konformità ma' dan ir-Regolamnt, bħalma huma l-kontijiet u l-ammonti kkonġelati skond l-Artikolu 2, lill-awtoritajiet kompetenti ta' l-Istati Membri elenkati fl-Anness II fejn ikunu residentri jew lokati, u għandhom jittrasmettu dan it-tagħrif, dirett jew permezz ta' dawn l-awtoritajiet kompetenti, lill-Kummissjoni;

(b) jikkooperaw ma' l-awtoritajiet kompetenti elenkati fl-Anness II f'kull verifika ta' dan it-tagħrif.

2. Kull tagħrif addizzjonali rċevut b'mod dirett mill-Kummissjoni għandu jintgħamel disponibbli lill-awtoritajiet kompetenti ta' l-Istati Membri interessati.

3. Kull tagħrif ipprovvdut jew irċevut skond dan l-Artikolu għandu jiġi wżat biss għall-għanijiet li għalih ikun ġie pprovvdut jew irċevut.

Artikolu 9

Il-konġelament tal-fondi u tar-riżorsi ekonomiċi jew ir-rifjut li dawn il-fondi jew riżorsi ekonomiċi jintgħamlu disponibbli. imwettqa f'fidi tajba fuq il-bażi li dawn l-azzjonijiet huma skond dan ir-Regolament, ma għandhom joħolqu l-lijabbiltà ta' l-ebda kwalità min-naħa tal-persuna naturali jew legali jew ta' l-entità li timplimentahom, jew tad-diretturi jew l-impjegati tagħhom, għajr jekk jiġi ppruvat li l-fondi u r-riżorsi ekonomiċi kienu ġew ikkonġelati minħabba n-negliġenza.

Artikolu 10

Il-Kummissjoni u l-Istati Membri għandhom jgħarrfu minnufih lil xulxin bil-miżuri meħuda skond dan ir-Regolament u għandhom ifornu lil xulxin kull tagħrif ieħor rilevanti għad-disposizzjoni tagħhom f'konnessjoni ma' dan ir-Regolament, b'mod partikolari t-tagħrif rigward problemi ta' vjolazzjoni u infurzar u s-sentenzi mogħtija mill-qrati nazzjonali.

Artikolu 11

Il-Kummissjoni għandha tingħata s-setgħa li:

(a) temenda l-Anness I fuq il-bażi tad-determinazzjonijiet magħmula jew mill-Kunsill tas-Sigurtà tan-Nazzjonijiet Uniti jew mill-Kumitat tas-Sanzjonijiet; u

(b) temenda l-Anness II fuq il-bażi tat-tagħrif fornit mil-Istati Membri.

Artikolu 12

L-Istati Membri għandhom jistabbilixxu r-regoli dwar is-sanzjonijiet li japplikaw għall-ksur tad-disposizzjonijiet ta' dan ir-Regolament u għandhom jieħdu l-miżuri kollha meħtieġa sabiex jiżguraw li jiġu implimentati. Is-sanzjonijiet ipprovvduti jridu jkunu effettivi, ipproporzjonati u disswasivi. L-Istati Membri għandhom jinnotifikaw dawn ir-regoli lill-Kummissjoni mingħajr dewmien wara d-dħul is-seħħ ta' dan ir-Regolament u għandhom jinnotifikawha b'kull emenda sossegwenti.

Artikolu 13

Dan ir-Regolament għandu japplika:

(a) ġewwa t-trritorju tal-Komunità, inkluż l-ispazju ta' l-ajru tagħha;

(b) abbord kull vettura ta' l-ajru jew kull bastiment taħt il-ġurisdizzjoni ta' Stat Membru;

(ċ) kull persuna ġewwa jew barra mit-territorju tal-Komunità li huwa ċittadin ta' Stat Membru;

(d) kull persuna legali, grupp jew entità li jkunu inkorporati jew ikkostitwiti skond il-liġijiet ta' Stat Membru;

(e) kull persuna legali, grupp jew entità li jagħmlu n-negozju fil-Komunità.

Artikolu 14

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, fid-29 ta' April 2004.

Għall-Kunsill

Il-President

M. McDowell

[1] Ara l-paġna 116 ta' dan il-Ġurnal Uffiċjali.

[2] ĠU L 40, tat-12.2.2004, p. 35.

[3] ĠU L 40, tat-12.2.2004, p. 1.

--------------------------------------------------

ANNESS I

Il-Lista tal-persuni naturali u legali, il-korpi jew l-entitajiet riferiti fl-Artikolu 2

L-Isem | Id-Data tat-Twelid | Il-Post tat-Twelid | Oħrajn |

Charles Ghankay Taylor, Senior, dak li qabel kien il-President tal-Liberja | ta' l-1.9.1947 | Il-Liberja | |

Jewell Howard Taylor, mart dak li qabel kien il-President Taylor | tas- 17.1.1963 | Il-Liberja | |

Charles Taylor Junior, Bin dak li qabel kien il-President Taylor | | Il-Liberja | |

--------------------------------------------------

L-ANNESS II

Il-Lista ta' l-awtoritajiet kompetenti riferiti fl-Artikoli 3, 4, 5, 7 u 10

IL-BELĠJU

Is-Service Public Fédéral des Finances

Administration de la Trésorerie

30 Avenue des Arts

B-1040 Bruxelles

B-1040 Brussel (Bruxelles)Fax 00 32 2233 74 65

E-mail: Quesfinvragen.tf@minfin.fed.be

ID-DANIMARKA

L-Erhvervs-og Boligstyrelsen

Dahlerups Pakhus

Langelinie Allé 17

DK - 2100 Copenhagen (København) Ø

Tel. (45) 35 46 60 00

Fax (45) 35 46 60 01

IL-ĠERMANJA

Fejn jirrigwarda l-konġelament tal-fondi:

Id-Deutsche Bundesbank

Servicezentrum Finanzsanktionen

Postfach

D - 80281 Monaco (München)

Tel. (49-89) 28893800

Fax (45-89) 3501633800

Fejn jidħlu l-oġġetti

Il-Bundesamt für Wirtschafts-und Ausfuhrkontrolle (BAFA)

Frankfurter Strasse, 29-35

D-65760 ESCHBORN

Tel. (49-61) 969 08-0

Fax (49-61) 969 08-800

IL-GREĊJA

A. Il-Konġelament ta' l-Attivi

(Il-Ministeru ta' l-Ekonomija u l-Finanzi

(Id-Direttorat Ġenerali tal-Politika Ekonomika)

Address: 5 Nikis Str., 101 80

Indirizz: 5 Nikis Str., 101 80 (5, Triq Nikis, 101 80)

(Ateni). - Il-Greċja

Tel. + 30210 3332786

Fax: + 30210 3332810

A. Α. ΔΕΣΜΕΥΣΗ ΚΕΦΑΛΑΙΩΝ

Υπουργείο Οικονομίας και Οικονομικών

Γενική Δ/νση Οικονομικής Πολιτικής

Δ/νση: Νίκης 5, ΑΘΗΝΑ 101 80

Τηλ.: + 30210 3332786

Φαξ: + 30210 3332810

B. Restrizzjonijiet fuq l-Importazzjoni/l-Esportazzjonoi

(Il-Ministeru ta' l-Ekonomija u l-Finanzi)

(Id-Direttorat Ġenerali tal-Pjanifikazzjoni u l-Ġestjoni tal-Politika)

Indirizz: (Triq Kornaroy, 105 63 Ateni)

Tel. + 30210 3286401-3

Fax: + 30210 3286404

B. ΠΕΡΙΟΡΙΣΜΟΙ ΕΙΣΑΓΩΓΩΝ — ΕΞΑΓΩΓΩΝ

Υπουργείο Οικονομίας και Οικονομικών

Γενική Δ/νση Σχεδιασμού και Διαχείρισης Πολιτικής

Δ/νση: Κορνάρου 1, Τ.Κ. 105 63

Αθήνα — Ελλάς

Τηλ.: + 30210 3286401-3

Φαξ: + 30210 3286404

SPANJA

Id-Dirección General del Tesoro y Política Financiera

Subdirección General de Inspección y Control de Movimientos de Capitales

Ministerio de Economía

Paseo del Prado, 6

E- 28014 Madrid

Tel. (00-34) 912 09 95 11

Fax 00 -34 912 96 56

FRANZA

Il-Ministère de l'économie, des finances et de l'industrie

Direction générale des douanes et des droits indirects

Cellule embargo - Bureau E2

Tel. (33) 1 44 74 48 93

Télécopie: (33) 1 44 74 48 97

Il-Ministère de l'économie, des finances et de l'industrie

Direction du Trésor

Service des affaires européennes et internationales

Sous-direction E

139, rue du Bercy

75572 Paris (Pariġi) Cedex 12

Tel. (33) 1 44 87 72 85

Télécopie: (33) 1 53 18 96 37

Il-Ministère des Affaires étrangères

Direction de la coopération européenne

Sous-direction des relations extérieures de la Communauté

Tel. (33) 1 43 17 44 52

Télécopie: (33) 1 43 17 56 95

Id-Direction générale des affaires politiques et de sécurité

Service de la Politique Etrangère et de Sécurité Commune

Tel. (33) 1 43 17 45 16

Télécopie: (33) 1 43 17 45 84

L-IRLANDA

Is-Central Bank of Ireland (Il-Bank Ċentrali ta' l-Irlanda)

Financial Markets Department (Id-Dipartiment: tas-Swieq Finanzjarji)

Kaxxa Postali 559)

Dame Street

Dublin 2

Tel. (353-1) 671 66 66

Id-Department of Foreign Affairs (Id-Dipartiment ta' l-Affarijiet Barranin)

Bilateral Economic Relations Division (Id-Diviżjoni tar-Relazzjonijiet Ekonomiċi Bilaterali)

80 St. Stephen's Green

Dublin 2

Tel: (353-1) 408 2153

Fax: (353-1) 408 2003

L-ITALJA

Il-Ministero degli Affari Esteri

Piazzale della Farnesina, 1 – 00194 Roma (Ruma)

D.G.A.S. - Ufficio II

Tel. (39) 06 36917334

Fax: (39) 06 36915446

Il-Ministero degli Affari Esteri

Piazzale della Farnesina, 1 - 00194 Roma

D.G.A.O. - Ufficio II

Tel. (39) 06 36913820

Fax: (39) 06 36915161

Il-U.A.M.A.

Tel. (39) 06 36913605

Fax: (39) 06 36918815

Il-Ministero dell'Economia e delle finanze

Dipartimento del Tesoro

Comitato di Sicurezza Finanziaria

Via XX Settembre 97, I-00187 Roma (Ruma)

Tel. (39) 06 47613942

Fax: (39) 06 47613032

Il-Ministero della attività produttive

Direzione Generale Politica Commerciale

Viale Boston, 35 – 00144 Roma (Ruma)

Tel. (39) 06 59931

Fax: (39) 06 59647531

Firma e funzione: Ferdinando Nelli Feroci, Direttore Generale per l'Integrazione Europea

IL-LUSSEMBURGU

Il-Ministère des Affaires étrangères

Direction des Relations internationales

6, rue de la Congrégation

L-1352 LUXEMBOURG (Il-Lussemburgu)

Tel. (352) 478 23 46

Fax (352) 22 20 48

Il-Ministère des Finances

3, rue de la Congrégation

L - 1352 Lussemburgu (Il-Lussemburgu)

Tel. (352) 478 27 12

Fax (352) 47 52 41

L-OLANDA

Il-Ministerie van Financiën

Directie Financiële Markten, afdeling Integriteit

Postbus 20201

2500 EE Den Haag (L-Aja)

Tel 070-342 8997

Fax: 070-342 7984

L-AWSTRIJA

L-Oesterreichische Nationalbank

Otto Wagner Platz 3

A-1090 Wien (Vjenna)

Tel. (01-4042043 1) 404 20-0

Fax (431) 404 20 – 73 99.

IL-PORTUGALL

Il-Ministério das Finanças

Direcção Geral dos Assuntos Europeus e Relações Internacionais

Avenida Infante D. Henrique, n.o 1, C 2.o

P- 1100 Lisboa (Lisbona)

Tel. (351) 218 82 32 40/47

Fax (351) 218 82 32 49.

IL-FINLANDJA

L-Ulkoasiainministeriö/Utrikesministeriet

PL/PB 176

00161 Helsinki/Helsingfors (Helsinki)

Tel. (358) 9 16 05 59 00

Fax (358) 9 16 05 57 07

L-IŻVEZJA

Il-Finansinspektionen

Box 6750.

SE- 113 85 Stockholm (Stokkolma)

L-Isvezja

Tel. 46 +(0)8-787 80 00

Fax 46 +(0)8-24 13 35

Ir-Riksförsäkringsverket

SE-103 51 Stockholm (Stokkolma)

L-Isvezja

Tel. 46 +(0)8-786 90 00

Fax 46 +(0)8-411 27 89

IR-RENJU UNIT

HM Treasury (It-Teżorerija tal-Maestà Tagħha)

Financial Systems and International Standards (Is-Sistemi Finanzjarji u l-Istandards Internazzjonali)

1, Horse Guards Road

London (Londra) SW1A 2HQ

Ir-Renju Unit

Tel. (44-207) 270 5977

Fax (44-207) 270 5430

Il-Bank of England (Il-Bank ta' l-Ingilterra)

Financial Sanctions Unit (L-Unità tas-Sanzjonijiet Finanzjarji)

Threadneedle Street

London (Londra) EC2R 8AH

Ir-Renju Unit

Tel. (44-207) 601 4607

Fax (44207) 601 4309

--------------------------------------------------