<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.10-->
  <head>
    <title>2023-03-202303C130202106510-00-TRA-DOC-MT-ARRET-C-0651-21-202302222-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="8/06/2023 12:01:38" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="wyYogqul7SUQ7JOfXsuDMWVkAUaoVcnunBibF5GBp2Qmaan0MfBAHYLFuddFir+Pvgwz3A3U0Z/D2sVIoX1iXj3BH2DZieQGbkM26dzrDHgyBsk/x6Hs+q1czksAmJppIpNBOB6mXWHaOcrOEQmZnvKJo+1CPE8rfj9qupXaMiQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="674a7f6a-5790-4425-938f-e3419c735b44" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0651" name="NumeroOrdre"/>
    <meta content="2021" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 28/03/2023 10:23:52" name="Created"/>
    <meta content="" name="Canevas3_Vademecum"/>
    <meta content="2023-04-04T07:48:37Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="5270955e171a4f289a6935f3152a43d1" name="DocumentIdentifier"/>
    <meta content="0651" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId26" style="first"/>
      <div id="rId22" style="even">Sentenza tat‑30.3.2023 – Kawża C‑651/21</div>
      <div id="rId23" style="default">M. Ya. M. (Rinunzja għas-suċċessjoni ta’ kowerriet)</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (L-Għaxar Awla)
    </p>
    <p class="C19Centre" id="para-2" title="page-1">
      30 ta’ Marzu 2023  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Kooperazzjoni ġudizzjarja f’materji ċivili – Miżuri dwar id-dritt tas-suċċessjoni – Regolament (UE) Nru 650/2012 – Artikolu 13 – Dikjarazzjoni dwar ir-rinunzja għas-suċċessjoni magħmula minn werriet quddiem il-qorti tal-Istat Membru tar-residenza abitwali tiegħu – Reġistrazzjoni ulterjuri, fuq talba ta’ werriet ieħor, ta’ din id-dikjarazzjoni fir-reġistru ta’ Stat Membru ieħor”
    </p>
    <p class="C02AlineaAltA" id="para-4" title="page-1">
      Fil-Kawża C‑651/21,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mis-Sofiyski rayonen sad (il-Qorti Distrettwali ta’ Sofija, il-Bulgarija) permezz ta’ deċiżjoni tal‑25 ta’ Ottubru 2021, li waslet fil-Qorti tal-Ġustizzja fl-istess jum, fil-proċedura mibdija minn:
    </p>
    <p class="C02AlineaAltA" id="para-6" title="page-1">
      M. Ya. M.
    </p>
    <p class="C19Centre" id="para-7" title="page-1">
      IL-QORTI TAL-ĠUSTIZZJA (L-Għaxar Awla),
    </p>
    <p class="C02AlineaAltA" id="para-8" title="page-1">
      komposta minn M. Ilešič (Relatur), li qiegħed jaġixxi bħala President ta’ Awla, I. Jarukaitis u Z. Csehi, Imħallfin,
    </p>
    <p class="C02AlineaAltA" id="para-9" title="page-1">
      Avukat Ġenerali: M. Szpunar,
    </p>
    <p class="C02AlineaAltA" id="para-10" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-11" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-12" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn W. Wils u I. Zaloguin, bħala aġenti,</p>
</td>
</tr>
</table>
    <p class="C02AlineaAltA" id="para-14" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tal‑10 ta’ Novembru 2022,
    </p>
    <p class="C02AlineaAltA" id="para-15" title="page-1">
      tagħti l-preżenti
    </p>
    <p class="C75Debutdesmotifs" id="para-16" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 13 tar-Regolament (UE) Nru 650/2012 tal-Parlament Ewropew u tal-Kunsill tal-4 ta’ Lulju 2012 dwar il-ġuriżdizzjoni, il-liġi applikabbli, ir-rikonoxximent u l-infurzar ta’ deċiżjonijiet u l-aċċettazzjoni u l-infurzar ta’ strumenti awtentiċi fil-qasam tas-suċċessjonijiet u dwar il-ħolqien ta’ Ċertifikat Ewropew tas-Suċċessjoni (ĠU 2012, L 201, p. 107, rettifiki fil-ĠU 2012, L 344, p. 3 u fil-ĠU 2013, L 60, p. 140)).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba ġiet ippreżentata fil-kuntest ta’ proċedura mibdija minn M. Ya. M., fil-kwalità tiegħu ta’ werriet, fir-rigward ta’ talba għar-reġistrazzjoni ta’ dikjarazzjoni dwar ir-rinunzja għas-suċċessjoni, magħmula minn werriet ieħor quddiem qorti tal-Istat Membru tar-residenza abitwali tiegħu, fir-reġistru ta’ Stat Membru ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 7, 23, 32 u 67 tar-Regolament Nru 650/2012 jipprevedu:</p>
</td>
</tr>
</table>
    <p class="C09Marge0avecretrait" id="para-22" title="page-1">
      “(7) Hemm lok li jiġi ffaċilitat it-tħaddim tajjeb tas-suq intern billi jitneħħew l-ostakoli għall-moviment liberu ta’ persuni li llum il-ġurnata jiġu affaċċjati b’diffikultajiet biex jimplimentaw id-drittijiet tagħhom fil-kuntest ta’ suċċessjoni li għandha implikazzjonijiet transkonfinali. Fiż-żona Ewropea tal-ġustizzja, iċ-ċittadini għandhom ikunu fil-pożizzjoni li jorganizzaw is-suċċessjoni tagħhom bil-quddiem. Id-drittijiet tal-werrieta u l-legatarji, tal-persuni l-oħra qrib tad-deċedut kif ukoll tal-kredituri tas-suċċessjoni għandhom ikunu garantiti b’mod effettiv.
    </p>
    <p class="C02AlineaAltA" id="para-23" title="page-1">
      […]
    </p>
    <p class="C09Marge0avecretrait" id="para-24" title="page-1">
      (23) Minħabba l-mobbiltà taċ-ċittadini li qed tiżdied u sabiex tkun żgurata l-amministrazzjoni tajba tal-ġustizzja fl-Unjoni [Ewropea] u jkun żgurat li jeżisti fattur ġenwin ta’ konnessjoni bejn is-suċċessjoni u l-Istat Membru li fih hija eżerċitata l-ġuriżdizzjoni, dan ir-Regolament għandu jipprovdi li l-fattur ta’ konnessjoni ġenerali għall-finijiet li jiġu determinati kemm il-ġuriżdizzjoni kif ukoll il-liġi applikabbli għandu jkun ir-residenza abitwali tad-deċedut fil-mument tal-mewt. […]
    </p>
    <p class="C02AlineaAltA" id="para-25" title="page-2">
      […]
    </p>
    <p class="C09Marge0avecretrait" id="para-26" title="page-2">
      (32) Sabiex titħaffef il-ħajja tal-eredi u l-legatarji li għandhom ir-residenza abitwali tagħhom fi Stat Membru apparti minn dak li fih is-suċċessjoni qed tiġi jew ser tiġi ttrattata, dan ir-Regolament għandu jħalli lil kwalunkwe persuna intitolata skont il-liġi applikabbli għas-suċċessjoni tagħmel id-dikjarazzjonijiet dwar l-aċċettazzjoni jew ir-rinunzja għas-suċċessjoni, ta’ legat jew ta’ sehem riżervat jew dwar il-limitazzjoni tar-responsabbiltajiet tagħha għad-djun skont is-suċċessjoni tagħmel tali dikjarazzjonijiet fil-forma prevista mil-liġi tal-Istat Membru tar-residenza abitwali tagħha quddiem il-qrati ta’ dak l-Istat Membru. Dan ma għandux jipprekludi tali dikjarazzjonijiet milli jsiru quddiem awtoritajiet oħrajn f’dak l-Istat Membru li huma kompetenti li huma kompetenti biex jirċievu dikjarazzjonijiet taħt il-liġi nazzjonali. Persuni li jagħżlu li jiddisponu ruħhom mill-possibbiltà li jagħmlu dikjarazzjonijiet fl-Istat Membru tar-residenza abitwali tagħhom għandhom huma nfushom jinformaw lill qorti jew lill-awtorità li qed jew tkun ser tittratta s-suċċessjoni bl-eżistenza ta’ tali dikjarazzjonijiet fi kwalunkwe żmien stabbilit mil-liġi applikabbli għas-suċċessjoni.
    </p>
    <p class="C02AlineaAltA" id="para-27" title="page-2">
      […]
    </p>
    <p class="C09Marge0avecretrait" id="para-28" title="page-2">
      (67) Sabiex suċċessjoni b’implikazzjonijiet transkonfinali fl-Unjoni tiġi riżolta b’mod rapidu, mingħajr xkiel u effettiv, il-werrieta, il-legatarji, l-eżekuturi testamentarji jew l-amministraturi tal-patrimonju għandhom ikunu jistgħu juru faċilment l-istatus u/jew drittijiet u setgħat tagħhom fi Stat Membru ieħor, bħala eżempju, fi Stat Membru li fih tinsab il-proprjetà tas-suċċessjoni. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Il-Kapitolu II ta’ dan ir-regolament, dwar il-“Ġuriżdizzjoni”, jinkludi b’mod partikolari l-Artikoli 4 u 13 tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 4 tal-imsemmi regolament, intitolat “Ġuriżdizzjoni ġenerali”, jipprevedi:</p>
</td>
</tr>
</table>
    <p class="C02AlineaAltA" id="para-31" title="page-2">
      “Il-qrati tal-Istat Membru li fih id-deċedut kellu r-residenza abitwali tiegħu fil-mument tal-mewt għandu jkollhom ġuriżdizzjoni biex jiddeċiedu dwar is-suċċessjoni fl-intier tagħha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 13 tal-istess regolament, intitolat “Aċċettazzjoni jew rinunzja tas-suċċessjoni, ta’ legat jew ta’ sehem riżervat”, jipprevedi:</p>
</td>
</tr>
</table>
    <p class="C02AlineaAltA" id="para-33" title="page-3">
      “Minbarra l-qorti li jkollha ġuriżdizzjoni biex tiddeċiedi dwar is-suċċessjoni skont dan ir-Regolament, il-qrati tal-Istat Membru tar-residenza abitwali ta’ kwalunkwe persuna li, taħt il-liġi applikabbli għas-suċċessjoni, tista’ tagħmel, quddiem qorti, dikjarazzjoni li tirrigwarda l-aċċettazzjoni jew ir-rinunzja tas-suċċessjoni, ta’ legat jew ta’ sehem riżervat, jew dikjarazzjoni mfassla biex tillimita r-responsabbiltà tal-persuna kkonċernata fir-rigward tad-djun skont is-suċċessjoni, għandu jkollha ġuriżdizzjoni biex tirċievi dikjarazzjonijiet bħal dawn fejn, taħt il-liġi ta’ dak l-Istat Membru, dikjarazzjonijiet bħal dawn jistgħu jsiru quddiem qorti”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Il-Kapitolu III tar-Regolament Nru 650/2012, intitolat “Il-Liġi applikabbli”, jinkludi fih b’mod partikolari l-Artikoli 21 u 22 tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 21 tal-imsemmi regolament, intitolat “Regola ġenerali”, jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-36" title="page-3">
      “Dment li ma jkunx previst mod ieħor f’dan ir-Regolament, il-liġi applikabbli għas-suċċessjoni tad-deċedut fl-intier tagħha għandha tkun il-liġi tal-Istat li fih id-deċedut kellu r-residenza abitwali tiegħu fil-mument tal-mewt.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 22 tal-imsemmi regolament, intitolat “Għażla ta’ liġi”, jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-38" title="page-3">
      “Persuna tista’ tagħżel bħala l-liġi li tirregola s-suċċessjoni tagħha fl-intier tagħha l-liġi tal-Istat li hija jkollha ċ-ċittadinanza tiegħu fil-mument li fiha tkun qiegħda tagħmel l-għażla.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Bulgaru</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Iz-zakon za nasledstvo (il-Liġi dwar is-Suċċessjoni, DV Nru 22, tad‑29 ta’ Jannar 1949), fil-verżjoni tagħha applikabbli għall-kawża prinċipali (iktar ’il quddiem il-“Liġi dwar is-Suċċessjoni”), tipprevedi, fl-Artikolu 48 tagħha, li s-suċċessjoni tiġi akkwistata bl-aċċettazzjoni tagħha u li din is-suċċessjoni tipproduċi l-effetti tagħha sa mill-ftuħ tas-suċċessjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Skont l-Artikolu 49(1) ta’ din il-liġi, l-aċċettazzjoni tista’ ssir b’dikjarazzjoni bil-miktub indirizzata lir-Rayonen sad (il-Qorti Distrettwali, il-Bulgarija) tal-ġurisdizzjoni fejn infetħet is-suċċessjoni. F’dan il-każ, l-aċċettazzjoni għandha tiġi rreġistrata f’reġistru previst għal dan l-għan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Konformement mal-Artikolu 51(1) tal-imsemmija liġi, fuq talba ta’ kull persuna ikkonċernata, ir-Rayonen sad (il-Qorti Distrettwali) tistabbilixxi għall-persuna intitolata għas-suċċessjoni, wara li tkun sejħitilha, terminu sabiex tiddikjara taċċettax jew tirrinunzjax għas-suċċessjoni. Dan l-Artikolu 51(2) jipprevedi li, jekk il-werriet ma jweġibx fit-terminu mogħti, huwa jitlef id-dritt tiegħu li jaċċetta s-suċċessjoni. Skont l-imsemmi Artikolu 51(3), id-dikjarazzjoni tal-werriet tiġi rreġistrata fir-reġistru msemmi fl-Artikolu 49(1) ta’ din il-liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Skont l-Artikolu 52 tal-Liġi dwar is-Suċċessjoni, ir-rinunzja tas-suċċessjoni ssir skont il-modalitajiet previsti fl-Artikolu 49(1) ta’ din il-liġi u hija tiġi rreġistrata skont dawn l-istess modalitajiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-Artikolu 26(1) tal-Grazhdanski protsesualen kodeks (il-Kodiċi ta’ Proċedura Ċivili, DV Nru 59, tal‑20 ta’ Lulju 2007), fil-verżjoni tiegħu applikabbli għall-kawża prinċipali (iktar ’il quddiem il-“Kodiċi ta’ Proċedura Ċivili”), jipprevedi li l-partijiet fil-kawża ċivili huma l-persuni li għan-nom tagħhom u kontra tagħhom issir il-kawża. Dan l-Artikolu 26(2) jistabbilixxi li, ħlief fil-każijiet previsti mil-liġi, l-ebda persuna ma tista’ tinvoka f’isimha proprja quddiem qorti d-drittijiet ta’ ħaddieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Skont l-Artikolu 531(1) tal-Kodiċi ta’ Proċedura Ċivili, il-proċedura mhux kontenzjuża titnissel minn talba tal-persuna kkonċernata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Skont l-Artikolu 533 ta’ dan il-kodiċi, il-qorti għandha tistħarreġ ex officio jekk il-kundizzjonijiet humiex issodisfatti sabiex id-deċiżjoni mitluba tiġi adottata. Hija tista’, fuq inizjattiva tagħha stess, tiġbor il-provi u tieħu inkunsiderazzjoni fatti mhux imsemmija mir-rikorrent.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Il-pravilnik za administratsiata v sadilishtata (ir-Regolament dwar l-Amministrazzjoni Ġewwa l-Qrati, DV Nru 68, tat‑22 ta’ Awwissu 2017), fil-verżjoni tiegħu applikabbli għall-kawża prinċipali, jipprevedi, fil-punt 11 tal-Artikolu 39(1) tiegħu:</p>
</td>
</tr>
</table>
    <p class="C02AlineaAltA" id="para-48" title="page-4">
      “Il-lista ta’ reġistri miżmuma fir-reġistru li ġejjin għandhom jinżammu fir-reġistru fuq mezz elettroniku u/jew fuq karta:
    </p>
    <p class="C02AlineaAltA" id="para-49" title="page-4">
      […]
    </p>
    <p class="C02AlineaAltA" id="para-50" title="page-4">
      11. reġistru tal-aċċettazzjonijiet tas-suċċessjonijiet u ta’ rinunzji tas-suċċessjonijiet”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Ir-rikorrent fil-kawża prinċipali, M. Ya. M, ċittadin Bulgaru, jiddikjara li huwa l-werriet tan-nanna tiegħu, M. T. G., ċittadina Bulgara li mietet il-Greċja fid‑29 ta’ Marzu 2019.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Ir-rikorrent fil-kawża prinċipali mar quddiem is-Sofiyski rayonen sad (il-Qorti Distrettwali ta’ Sofija, il-Bulgarija), il-qorti tar-rinviju, b’talba intiża għar-reġistrazzjoni tad-dikjarazzjoni dwar ir-rinunzja għas-suċċessjoni mwettqa minn werriet ieħor, jiġifieri l-konjuġi tad-deċeduta. Dan tal-aħħar ipprovda, f’dan ir-rigward, ċertifikat tas-suċċessjoni stabbilit mill-awtoritajiet Bulgari, li jgħid li d-deċeduta ħalliet bħala werrieta lill-konjuġi tagħha, ċittadin Grieg, lit-tifla tagħha I.M., u lir-rikorrent fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fil-kuntest ta’ din il-proċedura, dan ir-rikorrent ipproduċa proċess verbal miktub mill-Eirinodikeio Athinon (il-Qorti Konċiljatorja ta’ Ateni, il-Greċja) li jindika li l-konjuġi tad-deċeduta deher quddiem din il-qorti fit‑28 ta’ Ġunju 2019 u ddikjara li rrinunzja għall-wirt tagħha. Barra minn hekk, il-konjuġi tad-deċeduta allegatament iddikjara li din kienet għexet l-aħħar fil-Greċja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Madankollu, il-qorti tar-rinviju tindika li ma ġiex speċifikat quddiemha fejn kienet tinsab l-aħħar residenza abitwali tad-deċeduta u li hija tista’ tiġbor informazzjoni dwar dan is-suġġett biss wara li tkun stabbilixxiet il-ġurisdizzjoni tagħha sabiex tirreġistra dikjarazzjoni dwar ir-rinunzja għas-suċċessjoni mwettqa qabel quddiem il-qorti tal-Istat Membru tar-residenza abitwali tal-werriet li jirrinunzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Barra minn hekk, mid-deċiżjoni tar-rinviju jirriżulta li r-rikorrent fil-kawża prinċipali ma jaġixxix bħala mandatarju tal-konjuġi tad-deċeduta, iżda jiddikjara li huwa fil-kwalità tiegħu ta’ werriet ieħor tal-istess grad li għandu interess fir-reġistrazzjoni tad-dikjarazzjoni tar-rinunzja għas-suċċessjoni, sa fejn din ir-reġistrazzjoni żżid is-sehem tiegħu tal-wirt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dawn iċ-ċirkustanzi, il-qorti tar-rinviju tistaqsi jekk għandhiex tiġi rreġistrata dikjarazzjoni ta’ rinunzja magħmula quddiem il-qorti li ġeneralment għandha ġurisdizzjoni sabiex tiddeċiedi dwar il-kwistjonijiet kollha tas-suċċessjoni inkwistjoni, ladarba din id-dikjarazzjoni kienet irreġistrata mill-qorti kompetenti, skont l-Artikolu 13 tar-Regolament Nru 650/2012. Barra minn hekk, hija għandha dubji dwar il-possibbiltà li d-dikjarazzjoni dwar ir-rinunzja ta’ wieħed mill-werrieta għas-suċċessjoni tiġi rreġistrata fuq talba ta’ werriet ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Skont il-qorti tar-rinviju, l-Artikolu 13 tar-Regolament Nru 650/2012 jista’ jikkawża kunflitt ta’ ġurisdizzjonijiet peress li, skont id-dispożizzjonijiet ġenerali ta’ dan ir-regolament, il-ġurisdizzjoni hija ddeterminata permezz tal-post ta’ residenza abitwali tad-deċedut, u mhux dak tal-werriet. Minkejja li l-qorti li għandha ġurisdizzjoni sabiex tiddeċiedi dwar is-suċċessjoni hija bħala prinċipju dik tal-Istat Membru tal-aħħar residenza abitwali tad-deċedut, madankollu huwa possibbli li din l-aħħar qorti ma tkunx taf bir-reġistrazzjoni ta’ dikjarazzjonijiet ta’ rinunzja jew ta’ aċċettazzjoni għal din is-suċċessjoni magħmula mill-werrieta quddiem qorti tal-Istat Membru tar-residenza abitwali tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">B’hekk, ir-Regolament Nru 650/2012 joħloq lakuna ġuridika billi jipprevedi ġurisdizzjoni konkorrenti ta’ qrati ta’ Stati Membri differenti, jiġifieri dik tal-qorti tal-Istat Membru tal-aħħar residenza abitwali tad-deċedut u dik tal-qorti tal-Istat Membru tar-residenza abitwali tal-werrieta, mingħajr madankollu ma jimponi fuq din tal-aħħar l-obbligu li tinforma lill-ewwel qorti bl-eżistenza ta’ tali dikjarazzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, il-qorti tar-rinviju tosserva li l-assenza ta’ tali obbligu ta’ informazzjoni ma jikkorrispondix għall-kunċett tal-leġiżlatur u tal-ġurisprudenza Bulgari, li jgħidu li d-dikjarazzjonijiet kollha ta’ aċċettazzjoni ta’ jew ta’ rinunzja għas-suċċessjoni jinżammu fl-istess post u f’reġistru ġudizzjarju wieħed, li fih jistgħu jsiru r-riċerki korrispondenti. Dan il-kunċett iservi sabiex jiżgura ċ-ċertezza legali, li, f’dan il-każ, tirriżulta mill-possibbiltà li l-informazzjoni kollha relatata mal-aċċettazzjonijiet ta’ jew mar-rinunzji tas-suċċessjoni tinżamm fl-istess post.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Sa fejn tali obbligu ta’ informazzjoni ma huwiex espressament previst mir-Regolament Nru 650/2012, il-qorti tar-rinviju tistaqsi dwar in-natura tal-proċedura li biha hija adita, li fil-kuntest tagħha r-rikorrent fil-kawża prinċipali ma jirrikjedix ir-reġistrazzjoni tar-rinunzja tiegħu stess għas-suċċessjoni tad-deċedut, iżda ta’ dik ta’ wieħed mill-werrieta l-oħra. Issa, tali proċedura ma hijiex prevista mid-dritt Bulgaru. Il-prinċipju li kull persuna għandha tiddefendi hija stess id-drittijiet tagħha quddiem il-qorti ma jippermettix li jiġu rreġistrati d-dikjarazzjonijiet ta’ ħaddieħor fir-reġistru ta’ aċċettazzjonijiet ta’ jew ta’ rinunzji għas-suċċessjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Għalhekk, din il-qorti tistaqsi, fl-ewwel lok, dwar jekk l-Artikolu 13 tar-Regolament Nru 650/2012 jipprojbixxix b’mod impliċitu li dikjarazzjoni ta’ rinunzja għas-suċċessjoni rreġistrata fl-Istat Membru tar-residenza abitwali ta’ werriet tiġi rreġistrata ukoll minn qorti ta’ Stat Membru ieħor, jiġifieri dak fejn allegatament id-deċedut kellu r-residenza abitwali tiegħu fid-data tal-mewt tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">F’dan ir-rigward, l-imsemmija qorti tesprimi preferenza favur is-soluzzjoni li tikkonsisti fl-awtorizzazzjoni tar-reġistrazzjoni ta’ diversi dikjarazzjonijiet ta’ rinunzja għas-suċċessjoni f’diversi Stati Membri. Hija ssostni li tali soluzzjoni ma taffettwax b’mod sinjifikattiv iċ-ċertezza legali ladarba, minn naħa, l-ordinamenti ġuridiċi tal-Istati Membri jipprevedu regoli fil-każ ta’ dikjarazzjonijiet konsekuttivi ta’ aċċettazzjoni jew ta’ rinunzja ta’ suċċessjoni u li, min-naħa l-oħra, f’każ ta’ kawżi dwar is-suċċessjoni, il-qorti adita b’talba tista’ tevalwa l-effett ġuridiku ta’ dawn id-dikjarazzjonijiet, skont id-dati li fihom ikunu saru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Fit-tieni lok, il-qorti tar-rinviju tistaqsi dwar liema persuna tista’ titlob, wara li dikjarazzjoni ta’ aċċettazzjoni jew ta’ rinunzja għas-suċċessjoni tkun ġiet irreġistrata fi Stat Membru, reġistrazzjoni ulterjuri ta’ din id-dikjarazzjoni fi Stat Membru ieħor. Dan il-punt huwa importanti għaliex id-dritt proċedurali Bulgaru ma jipprevedix il-possibbiltà li jiġu rreġistrati quddiem qorti Bulgara tali dikjarazzjoni diġà rreġistrata fi Stat Membru ieħor. Din id-dikjarazzjoni tista’ ssir biss mill-werriet ikkonċernat personalment. B’hekk, tqum il-kwistjoni dwar jekk werriet jistax jitlob, fl-Istat tar-residenza abitwali preżunta tad-deċedut ir-reġistrazzjoni tad-dikjarazzjoni ta’ rinunzja għas-suċċessjoni inkwistjoni magħmula minn werriet ieħor u rreġistrata fl-Istat Membru tar-residenza abitwali ta’ dan tal-aħħar, ladarba dan ma huwiex espressament previst mid-dritt tal-ewwel Stat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Skont il-qorti tar-rinviju, applikazzjoni tal-Artikolu 13 tar-Regolament Nru 650/2012 effettiva u konformi mal-għan ta’ dan il-artikolu, kif stabbilit fil-premessa 32 ta’ dan ir-regolament, jiġifieri li werriet ma għadux ikun rikjest jivvjaġġa lejn l-Istat ta’ residenza abitwali tad-deċedut jew iqabbad rappreżentant ad litem f’dan l-Istat sabiex tiddikjara aċċettata jew irrinunzjata suċċessjoni, timponi li kull werriet jista’ jitlob ir-reġistrazzjoni ta’ dikjarazzjoni ta’ rinunzja tas-suċċessjoni magħmula preċedentement fi Stat Membru ieħor. F’dan il-każ, dan ikun jippermetti li tiġi eskluża l-applikazzjoni tad-dritt proċedurali Bulgaru, fid-dawl tan-neċessità ta’ deroga mill-prinċipju ta’ awtonomija proċedurali tal-Istati Membri sabiex tiġi żgurata applikazzjoni effettiva tal-imsemmi Artikolu 13.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Mill-banda l-oħra, kieku r-reġistrazzjoni ta’ dikjarazzjoni ta’ rinunzja għas-suċċessjoni tkun possibbli kemm fl-Istat Membru tar-residenza abitwali tal-werriet ikkonċernat kif ukoll f’dak fejn id-deċedut kellu r-residenza abitwali tiegħu fid-data tal-mewt tiegħu, iżda dan biss jekk dan il-werriet huwa personalment jagħmel it-talba, din il-kundizzjoni jkollha l-effett li tneħħi s-sens tal-Artikolu 13 tar-Regolament Nru 650/2012.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">F’dan ir-rigward, il-qorti tar-rinviju żżid li r-Regolament Nru 650/2012 fih lakuna, sa fejn ma jimponix fuq il-qorti li għandha ġurisdizzjoni sabiex tirċievi dikjarazzjoni ta’ rinunzja għas-suċċessjoni l-obbligu li tinforma bl-eżistenza ta’ din id-dikjarazzjoni lill-qorti li għandha ġurisdizzjoni ġenerali sabiex tiddeċiedi dwar is-suċċessjoni fl-intier tagħha. Għalhekk, u sabiex tipprevjeni kunflitti bejn werrieta, iżda wkoll sabiex il-volontà tal-werriet li jirrinunzja tkun osservata, kull werriet għandu jkun awtorizzat jirreġistra din il-volontà fir-reġistri tal-Istat Membru post tal-aħħar residenza abitwali tad-deċedut.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">F’dawn iċ-ċirkustanzi, is-Sofiyski rayonen sad (il-Qorti Distrettwali ta’ Sofija) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-69" title="page-7">
      “1) L-Artikolu 13 tar-[Regolament (UE) Nru 650/2012], ikkunsidrat flimkien mal-prinċipju ta’ protezzjoni taċ-ċertezza legali, għandu jiġi interpretat fis-sens li, f’sitwazzjoni fejn il-werriet ikun għamel, quddiem qorti tal-Istat Membru tar-residenza abitwali tiegħu, dikjarazzjoni li tirrigwarda l-aċċettazzjoni jew ir-rinunzja tas-suċċessjoni ta’ deċedut li fid-data tal-mewt tiegħu kellu r-residenza abitwali tiegħu fi Stat Membru ieħor, jipprekludi li tintalab ir-reġistrazzjoni ulterjuri, f’dan l-aħħar Stat Membru, tal-imsemmija dikjarazzjoni ta’ rinunzja jew ta’ aċċettazzjoni?
    </p>
    <p class="C09Marge0avecretrait" id="para-70" title="page-7">
      2) Fil-każ li r-risposta għall-ewwel domanda tkun fis-sens li hija possibbli reġistrazzjoni ulterjuri, l-Artikolu 13 tar-Regolament [UE] Nru 650/2012, ikkunsidrat flimkien mal-prinċipji ta’ protezzjoni taċ-ċertezza legali u ta’ applikazzjoni effettiva tad-dritt tal-Unjoni Ewropea kif ukoll mal-obbligu ta’ kooperazzjoni bejn l-Istati Membri previst fl-Artikolu 4(3) TUE, għandu jiġi interpretat fis-sens li, f’sitwazzjoni fejn werriet ikun irrinunzja, fl-Istat Membru tar-residenza abitwali tiegħu, għas-suċċessjoni ta’ deċedut komuni, jippermetti li werriet ieħor, li jirrisjedi fl-Istat Membru fejn kellu r-residenza abitwali tiegħu d-deċedut fid-data tal-mewt tiegħu, jitlob ir-rikonoxximent ta’ din ir-rinunzja, minkejja l-fatt li d-dritt proċedurali ta’ dan l-aħħar Stat Membru ma jipprevedix il-possibbiltà li rinunzja għas-suċċessjoni tiġi rreġistrata f’isem ħaddieħor?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Osservazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Qabel kollox, għandu jiġi rrilevat li mid-deċiżjoni tar-rinviju jirriżulta li, skont l-indikazzjonijiet tal-konjuġi tad-deċeduta, l-aħħar residenza abitwali tagħha kienet tinsab fil-Greċja. Dan jimplika ġurisdizzjoni għal qrati Griegi sabiex jiddeċiedu dwar is-suċċessjoni fl-intier tagħha, peress li l-liġi applikabbli kienet, bħala prinċipju, il-liġi Griega, sakemm, skont l-Artikolu 22(1) tar-Regolament Nru 650/2012, id-deċeduta ma għażlitx il-liġi tal-Istat Membru li tiegħu kellha ċ-ċittadinanza bħala l-liġi applikabbli għas-suċċessjoni tagħha, jiġifieri l-liġi Bulgara.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Madankollu, il-qorti tar-rinviju tindika li hija ma għandhiex informazzjoni preċiża dwar l-aħħar residenza abitwali tad-deċeduta u li, sabiex tkun tista’ tiġbor tali informazzjoni, hija għandha qabel kollox tistabbilixxi l-ġurisdizzjoni tagħha sabiex tinkludi dikjarazzjoni dwar ir-rinunzja għas-suċċessjoni magħmula quddiem il-qorti tal-Istat Membru tar-residenza abitwali tal-werriet li jirrinunzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">L-Istat Membru li l-qrati tiegħu għandhom ġurisdizzjoni ġenerali skont l-Artikolu 4 tar-Regolament Nru 650/2012 ma jidhirx għalhekk, f’dan il-każ, li jista’ jiġi ddeterminat b’mod evidenti. Issa, kif indika, essenzjalment, l-Avukat Ġenerali fil-punt 39 tal-konklużjonijiet tiegħu, jekk jirriżulta li l-aħħar residenza abitwali tal-persuna mejta kienet tinsab fil-Greċja, huma l-qrati ta’ dan l-Istat Membru li għandhom, skont din id-dispożizzjoni, jiddeċiedu dwar il-kwistjonijiet kollha relatati mas-suċċessjoni kkonċernata, peress li l-qorti tar-rinviju għandha ġurisdizzjoni biss sabiex tirċievi dikjarazzjonijiet eventwali skont l-Artikolu 13 ta’ dan ir-regolament bħala qorti tal-Istat Membru ta’ residenza abitwali ta’ werriet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fid-dawl ta’ dawn il-kunsiderazzjonijiet, hija l-qorti tar-rinviju li għandha tivverifika qabel kollox il-post fejn id-deċeduta kellha r-residenza abitwali tagħha, qabel ma tevalwa l-kundizzjonijiet ta’ reġistrazzjoni f’reġistru, fuq talba ta’ werriet, għal dikjarazzjoni dwar ir-rinunzja għas-suċċessjoni mwettqa minn werriet ieħor fl-Istat Membru tar-residenza abitwali tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">F’dan ir-rigward, fl-ipoteżi fejn jirriżulta li d-dispożizzjonijiet tad-dritt Bulgaru jipprekludu l-eżami, mill-qorti tar-rinviju, tal-ġurisdizzjoni tagħha sabiex tiddeċiedi dwar is-suċċessjoni inkwistjoni, din il-qorti jkollha twarrabhom. Fil-fatt, skont il-ġurisprudenza stabbilita tal-Qorti tal-Ġustizzja, li l-qorti nazzjonali li għandha l-obbligu li tapplika, fil-kuntest tal-ġurisdizzjoni tagħha, id-dispożizzjonijiet tad-dritt tal-Unjoni, għandha l-obbligu li tiżgura l-effett sħiħ ta’ dawn ir-regoli u billi ma tapplikax, fejn huwa neċessarju, fuq awtorità tagħha stess, kwalunkwe dispożizzjoni li tmur kontra l-leġiżlazzjoni nazzjonali (ara, f’dan is-sens, is-sentenza tas‑26 ta’ Frar 2013, Åkerberg Fransson, C‑617/10, EU:C:2013:105, punt 45 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il‑mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Permezz tad-domandi tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 13 tar-Regolament Nru 650/2012 jipprekludix li, meta werriet ikun irreġistra ma’ qorti tal-Istat Membru tar-residenza abitwali tiegħu dikjarazzjoni ta’ aċċettazzjoni jew ta’ rinunzja għas-suċċessjoni ta’ deċedut li r-residenza abitwali tiegħu kienet tinsab, fid-data tal-mewt tiegħu, fi Stat Membru ieħor, werriet ieħor jitlob reġistrazzjoni ulterjuri ta’ din id-dikjarazzjoni mal-qorti li għandha ġurisdizzjoni ta’ dan l-aħħar Stat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Skont ġurisprudenza stabbilita tal-Qorti tal-Ġustizzja, mir-rekwiżiti kemm tal-applikazzjoni uniformi tad-dritt tal-Unjoni kif ukoll tal-prinċipju ta’ ugwaljanza jirriżulta li l-kliem ta’ dispożizzjoni tad-dritt tal-Unjoni, li ma jkun fiha ebda riferiment espliċitu għad-dritt tal-Istati Membri sabiex jiġi ddeterminat is-sens u l-portata tagħha, għandu normalment jingħata, fl-Unjoni kollha, interpretazzjoni awtonoma u uniformi, li għandha tieħu inkunsiderazzjoni mhux biss il-kliem tagħha, iżda wkoll il-kuntest ta’ din id-dispożizzjoni u tal-għan imfittex mil-leġiżlazzjoni inkwistjoni (sentenza tat‑2 ta’ Ġunju 2022, T.N. u N.N. (Dikjarazzjoni dwar ir-rinunzja għas-suċċessjoni), C‑617/20, EU:C:2022:426, punt 35, kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Fir-rigward, fl-ewwel lok, tal-kliem tal-Artikolu 13 tar-Regolament Nru 650/2012, għandu jitfakkar li, skont din id-dispożizzjoni, minbarra l-qorti li għandha ġurisdizzjoni sabiex tiddeċiedi dwar is-suċċessjoni skont l-imsemmi regolament, il-qrati tal-Istat Membru tar-residenza abitwali ta’ kull persuna li, skont il-liġi applikabbli għas-suċċessjoni, tista’ tagħmel, quddiem qorti, dikjarazzjoni dwar l-aċċettazzjoni ta’ jew rinunzja għas-suċċessjoni, ta’ legat jew ta’ sehem riżervat, jew ta’ dikjarazzjoni intiża li tillimita r-responsabbiltà tal-persuna kkonċernata fir-rigward tad-djun tas-suċċessjoni, għandhom ġurisdizzjoni sabiex jirċievu dawn id-dikjarazzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’dak li jirrigwarda, fit-tieni lok, il-kuntest tal-Artikolu 13 tar-Regolament Nru 650/2012, għandu jitfakkar li dan l-artikolu jagħmel parti mill-Kapitolu II ta’ dan ir-regolament, li jirregola l-kapijiet kollha ta’ ġurisdizzjoni fil-qasam tas-suċċessjoni. Dan l-Artikolu 13 jipprevedi b’hekk forum alternattiv ta’ ġurisdizzjoni li huwa intiż li jippermetti lill-werrieta, li ma għandhomx ir-residenza abitwali tagħhom fl-Istat Membru li l-qrati tiegħu għandhom ġurisdizzjoni sabiex jiddeċiedu dwar is-suċċessjoni, skont ir-regoli ġenerali stabbiliti fl-Artikoli 4 sa 11 tar-Regolament Nru 650/2012, li jagħmlu d-dikjarazzjonijiet tagħhom dwar l-aċċettazzjoni ta’ jew ir-rinunzja għas-suċċessjoni quddiem qorti tal-Istat Membru li fih għandhom ir-residenza abitwali tagħhom (sentenza tat‑2 ta’ Ġunju 2022, T.N. u N.N. (Dikjarazzjoni dwar ir-rinunzja għas-suċċessjoni), C‑617/20, EU:C:2022:426, punt 37)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Fir-rigward, fit-tielet lok, ta’ għanjiet segwiti mir-Regolament Nru 650/2012, għandu jitfakkar li, skont il-premessa 7 tiegħu, dan ir-regolament huwa intiż li jiffaċilita l-funzjonament tajjeb tas-suq intern billi jelimina l-ostakoli għall-moviment liberu tal-persuni li jridu jinvokaw id-drittijiet tagħhom li jirriżultaw minn suċċessjoni transkonfinali. B’mod partikolari, fiż-żona Ewropea ta’ ġustizzja, id-drittijiet tal-werrieta u tal-legatarji, tal-persuni l-oħra qrib tad-deċedut kif ukoll tal-kredituri tas-suċċessjoni għandhom jiġu ggarantiti b’mod effettiv (ara, f’dan is-sens, is-sentenza tat‑2 ta’ Ġunju 2022, T.N. u N.N. (Dikjarazzjoni dwar ir-rinunzja għas-suċċessjoni), C‑617/20, EU:C:2022:426, punt 42, kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja diġà ddeċidiet li l-Artikolu 13 tar-Regolament Nru 650/2012, moqri fid-dawl tal-premessa 32 ta’ dan ir-regolament, li jgħid li l-għan ta’ din id-dispożizzjoni huwa li jiffaċilita l-ħajja ta’ werrieta u ta’ legatarji li jirrisjedu abitwalment fi Stat Membru differenti minn dak li fih is-suċċessjoni hija jew ser tiġi rregolata, huwa intiż li jissemplifika l-passi tal-werrieta u tal-legatarji billi jidderoga mir-regoli ta’ ġurisdizzjoni stabbiliti fl-Artikoli 4 sa 11 ta’ dan ir-regolament (ara, f’dan is-sens, is-sentenza tat‑2 ta’ Ġunju 2022, T.N. u N.N. (Dikjarazzjoni dwar ir-rinunzja għas-suċċessjoni), C‑617/20, EU:C:2022:426, punt 41, kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Fir-rigward, b’mod partikolari, tal-kwistjoni dwar il-komunikazzjoni tad-dikjarazzjonijiet dwar l-aċċettazzjoni ta’ jew ir-rinunzja għas-suċċessjoni lill-qorti li għandha ġurisdizzjoni sabiex tiddeċiedi dwar is-suċċessjoni, għandu jiġi osservat li, skont l-aħħar sentenza tal-premessa 32 tar-Regolament Nru 650/2012 “[p]ersuni li jagħżlu li jiddisponu ruħhom mill-possibbiltà li jagħmlu dikjarazzjonijiet fl-Istat Membru tar-residenza abitwali tagħhom għandhom huma nfushom jinformaw lill qorti jew lill-awtorità li qed jew tkun ser tittratta s-suċċessjoni bl-eżistenza ta’ tali dikjarazzjonijiet fi kwalunkwe żmien stabbilit mil-liġi applikabbli għas-suċċessjoni”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">L-aħħar sentenza ta’ din il-premessa 32 tagħti x’tifhem, qabel kollox, li, skont il-leġiżlatur tal-Unjoni, huwa neċessarju li d-dikjarazzjoni dwar ir-rinunzja għas-suċċessjoni magħmula quddiem qorti tal-Istat Membru tar-residenza abitwali tal-werriet li jirrinunzja tiġi mgħarrfa lill-qorti li għandha ġurisdizzjoni sabiex tiddeċiedi dwar is-suċċessjoni. Madankollu, għandu jiġi kkonstatat li l-Artikolu 13 tar-Regolament Nru 650/2012 ma jipprevedix mekkaniżmu ta’ komunikazzjoni ta’ tali dikjarazzjonijiet mill-qorti tal-Istat Membru tar-residenza abitwali tal-werriet li jirrinunzja lill-qorti li għandha ġurisdizzjoni sabiex tiddeċiedi dwar is-suċċessjoni. Min-naħa l-oħra, l-imsemmija premessa 32 tippreżumi li l-persuni li użaw il-possibbiltà li jagħmlu tali dikjarazzjonijiet fl-Istat Membru tar-residenza abitwali tagħhom jassumu r-responsabbiltà li jikkomunikaw l-eżistenza ta’ dawn id-dikjarazzjonijiet lill-awtoritajiet inkarigati mis-suċċessjoni (ara, f’dan is-sens, is-sentenza tat‑2 ta’ Ġunju 2022, T.N. u N.N.(Dikjarazzjoni dwar ir-rinunzja għas-suċċessjoni), C‑617/20, EU:C:2022:426, punt 47)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">F’dan ir-rigward, għalkemm huwa minnu li l-werriet li jirrinunzja għandu kull interess li jinforma lill-qorti li għandha ġurisdizzjoni sabiex tiddeċiedi dwar is-suċċessjoni bl-eżistenza ta’ tali dikjarazzjoni, sabiex jiġi evitat li din il-qorti tieħu deċiżjoni materjalment żbaljata li tmur kontra r-rieda ddikjarata tiegħu, xorta jibqa’ l-fatt li d-dispożizzjonijiet tar-Regolament Nru 650/2012 ma jimponux fuqu obbligu vinkolanti f’dan ir-rigward. Għaldaqstant, ma jistax jitqies li werriet li jirrinunzja għandu dejjem, huwa stess, jinforma lill-imsemmija qorti bl-eżistenza ta’ din id-dikjarazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">F’dawn iċ-ċirkustanzi, għandha tingħata interpretazzjoni wiesgħa fir-rigward tat-trażmissjoni ta’ dikjarazzjonijiet magħmula konformement mal-Artikolu 13 tar-Regolament Nru 650/2012 lill-qorti li għandha ġurisdizzjoni sabiex tiddeċiedi dwar is-suċċessjoni. Fil-fatt, l-għan ta’ din it-trażmissjoni huwa li jippermetti lil din il-qorti tieħu konjizzjoni tal-eżistenza ta’ tali dikjarazzjoni u li teħodha inkunsiderazzjoni meta tiddeċiedi dwar is-suċċessjoni. Huwa irrilevanti, f’dan ir-rigward, il-mod li bih din id-dikjarazzjoni hija mgħarrfa lill-imsemmija qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Fil-fatt, ir-Regolament Nru 650/2012 ma jipprekludix li, meta werriet jirreġistra ma’ qorti tal-Istat Membru tar-residenza abitwali tiegħu dikjarazzjoni ta’ rinunzja għas-suċċessjoni ta’ deċedut li r-residenza abitwali tiegħu kienet tinsab, fid-data tal-mewt tiegħu, fi Stat Membru ieħor, reġistrazzjoni ulterjuri ta’ din id-dikjarazzjoni f’dan l-aħħar Stat Membru tintalab minn werriet ieħor. Għandu jitqies li werriet li jista’ jibbenefika minn tali dikjarazzjoni għandu jkun jista’ jinforma lill-qorti li għandha ġurisdizzjoni sabiex tiddeċiedi dwar suċċessjoni bl-eżistenza ta’ din id-dikjarazzjoni, meta l-werriet li jirrinunzja għalih ma jkunx għamel dan huwa stess, sabiex jiffaċilita l-likwidazzjoni ta’ tali suċċessjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Tali interpretazzjoni hija sostnuta mill-għanijiet segwiti mir-Regolament Nru 650/2012, imsemmija fil-punt 44 ta’ din is-sentenza, intiżi, b’mod partikolari, li jneħħu l-ostakoli għall-moviment liberu tal-persuni li jixtiequ jinvokaw id-drittijiet tagħhom fil-kuntest ta’ suċċessjoni li għandha implikazzjonijiet transkonfinali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Għandu jiġi enfasizzat, f’dan ir-rigward, li l-fatt li l-qorti li għandha ġurisdizzjoni sabiex tiddeċiedi dwar suċċessjoni tiġi informata bl-eżistenza ta’ dikjarazzjoni ta’ rinunzja għal din is-suċċessjoni, magħmula minn werriet quddiem il-qorti tal-Istat Membru tar-residenza abitwali tiegħu, fis-sens tal-Artikolu 13 tar-Regolament Nru 650/2012, ma jikkostitwixxix dikjarazzjoni f’isem ħaddieħor, iżda biss notifika ta’ din id-dikjarazzjoni ta’ rinunzja lil din l-ewwel qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Barra minn hekk, il-fatt li l-leġiżlazzjoni ta’ Stat Membru, bħal dik inkwistjoni fil-kawża prinċipali, tipprevedi reġistrazzjoni tal-imsemmija dikjarazzjoni ta’ rinunzja f’reġistru ġudizzjarju, sabiex id-dikjarazzjonijiet kollha ta’ aċċettazzjoni ta’ jew ta’ rinunzja għas-suċċessjoni jkunu kkonċentrati fl-istess post u f’reġistru ġudizzjarju wieħed li minnu jkunu jistgħu jsiru t-tfittxijiet korrispondenti, huwa irrilevanti f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Barra minn hekk, sa fejn il-qorti tar-rinviju tindika li d-dritt Bulgaru ma jippermettix li d-dikjarazzjonijiet ta’ ħaddieħor jiġu rreġistrati fir-reġistru ta’ aċċettazzjonijiet ta’ jew ta’ rinunzji għas-suċċessjonijiet, għandu jiġi kkonstatat, fid-dawl tal-ġurisprudenza tal-Qorti tal-Ġustizzja mfakkra fil-punt 39 ta’ din is-sentenza, li hija din il-qorti li għandha tiżgura l-effett sħiħ tal-Artikolu 13 tar-Regolament Nru 650/2012 billi taċċetta li d-dikjarazzjoni ta’ rinunzja għas-suċċessjoni inkwistjoni fil-kawża prinċipali tiġi trażmessa lilha minn werriet differenti minn dak li jkun għamel din id-dikjarazzjoni fl-Istat Membru tar-residenza abitwali tiegħu u billi, jekk ikun il-każ, ma tapplikax kwalunkwe dispożizzjoni kuntrarja tal-leġiżlazzjoni nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, ir-risposta għad-domandi magħmula għandha tkun li l-Artikolu 13 tar-Regolament Nru 650/2012 għandu jiġi interpretat fis-sens li ma jipprekludix li, meta werriet ikun irreġistra ma’ qorti tal-Istat Membru tar-residenza abitwali tiegħu dikjarazzjoni ta’ aċċettazzjoni ta’ jew ta’ rinunzja għas-suċċessjoni ta’ deċedut li r-residenza abitwali tiegħu kienet tinsab, fid-data tal-mewt tiegħu, fi Stat Membru ieħor, werriet ieħor jitlob reġistrazzjoni ulterjuri ta’ din id-dikjarazzjoni mal-qorti li għandha ġurisdizzjoni ta’ dan l-aħħar Stat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-97" title="page-12">
      Għal dawn il-motivi, Il-Qorti tal-Ġustizzja (L-Għaxar Awla) taqta’ u tiddeċiedi:
    </p>
    <p class="C30Dispositifalinea" id="para-98" title="page-12">
      L-Artikolu 13 tar-Regolament (UE) Nru 650/2012 tal-Parlament Ewropew u tal-Kunsill tal‑4 ta’ Lulju 2012 dwar il-ġuriżdizzjoni, il-liġi applikabbli, ir-rikonoxximent u l-infurzar ta’ deċiżjonijiet u l-aċċettazzjoni u l-infurzar ta’ strumenti awtentiċi fil-qasam tas-suċċessjonijiet u dwar il-ħolqien ta’ Ċertifikat Ewropew tas-Suċċessjoni,
    </p>
    <p class="C30Dispositifalinea" id="para-99" title="page-12">
      għandu jiġi interpretat fis-sens li:
    </p>
    <p class="C30Dispositifalinea" id="para-100" title="page-12">
      ma jipprekludix li, meta werriet ikun irreġistra ma’ qorti tal-Istat Membru tar-residenza abitwali tiegħu dikjarazzjoni ta’ aċċettazzjoni ta’ jew ta’ rinunzja għas-suċċessjoni ta’ deċedut li r-residenza abitwali tiegħu kienet tinsab, fid-data tal-mewt tiegħu, fi Stat Membru ieħor, werriet ieħor jitlob reġistrazzjoni ulterjuri ta’ din id-dikjarazzjoni mal-qorti li għandha ġurisdizzjoni f’dan l-aħħar Stat Membru.
    </p>
    <div class="signatures">
<p class="C77Signatures" id="para-101" title="page-12">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Bulgaru.</p>
</body>
</html>
