(a)

Rialtas Phoblacht Chónaidhme na Somáile, Arm Náisiúnta na Somáile, an Ghníomhaireacht Náisiúnta Faisnéise agus Slándála, Fórsa Póilíneachta Náisiúnta na Somáile nó Cór Coimeádta na Somáile;

(b)

pearsanra na Náisiún Aontaithe, lena n-áirítear Misean Cúnaimh na Náisiún Aontaithe sa tSomáil (UNSOM) agus Oifig Tacaíochta na Náisiún Aontaithe sa tSomáil (UNSOS);

(c)

Misean Aistrithe an Aontais Afracaigh sa tSomáil (ATMIS) agus na tíortha a chuireann trúpaí agus póilíní ar fáil, chomh maith lena chomhpháirtithe straitéiseacha, agus iad ag feidhmiú faoin leagan is déanaí de Choincheap Straitéiseach um Oibríochtaí an Aontais Afracaigh, agus faoin gCoincheap sin amháin, agus i gcomhar agus i gcomhordú le ATMIS;

(d)

gníomhaíochtaí oiliúna agus tacaíochta an Aontais Eorpaigh, an Tuirc, Ríocht Aontaithe na Breataine Móire agus Thuaisceart Éireann agus Stáit Aontaithe Mheiriceá, chomh maith le haon fhórsa Stáit eile, a bhfuil comhaontú maidir le stádas fórsaí nó meabhrán tuisceana acu le Rialtas Phoblacht Chónaidhme na Somáile, ar choinníoll go gcuireann siad an Coiste Smachtbhannaí ar an eolas gur ann do chomhaontuithe den sórt sin.

(a)

i ndáil leis na hearraí agus an teicneolaíocht atá san áireamh in Iarscríbhinn IV, tá fógra faighte ag an gCoiste Smachtbhannaí ó Rialtas Phoblacht Chónaidhme na Somáile agus ní dhearna sé agóid in aghaidh an bhirt sin laistigh de 5 lá oibre;

(b)

i ndáil leis na hearraí agus an teicneolaíocht atá san áireamh in Iarscríbhinn V, tá réamhfhógra faighte ag an gCoiste Smachtbhannaí ó Rialtas Phoblacht Chónaidhme na Somáile chun críoch faisnéise 5 lá oibre roimh ré.

(a)

mionsonraí faoi mhonaróir agus soláthróir na n-arm, an armlóin agus an trealaimh mhíleata, lena n-áirítear cineál, luchtóg/baisc agus sraithuimhreacha;

(b)

tuairisc ar na hairm agus ar an armlón lena n-áirítear cineál, cailibre agus cainníocht;

(c)

an dáta atá beartaithe agus an áit seachadta atá beartaithe; agus

(d)

gach faisnéis ábhartha a bhaineann leis an aonad cinn scríbe atá beartaithe, nó leis an áit stórála atá beartaithe.

(a)

díol, soláthar, aistriú nó onnmhairiú éadaí cosanta, lena n-áirítear seaicéid philéardhíonacha agus clogaid mhíleata, arna n-onnmhairiú go sealadach chuig an tSomáil ag pearsanra na Náisiún Aontaithe, ionadaithe na meán, conraitheoirí slándála príobháideacha nó oibrithe daonnúla agus forbartha agus pearsanra gaolmhar dá n-úsáid phearsanta amháin;

(b)

díol, soláthar, aistriú nó onnmhairiú trealaimh mhíleata neamh-mharfaigh arna dhéanamh ag na Ballstáit nó eagraíochtaí idirnáisiúnta, réigiúnacha nó foréigiúnacha, ar trealamh é atá beartaithe d’úsáid dhaonnúil nó chosantach amháin;

(c)

teacht isteach i gcalafoirt na Somáile le haghaidh cuairteanna sealadacha soithí a bhfuil airm agus trealamh míleata á n-iompar acu chun críoch cosanta, ar choinníoll go bhfanann earraí den sórt sin ar bord na soithí sin i gcónaí.’