<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.12-->
  <head>
    <title>2024-09-202409T111202204940-00-TRA-DOC-MT-ARRET-T-0494-22-202406253-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="21/10/2024 13:14:21" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="3cWF1eOK2JgMpOeBNfVhyhr/WxgzWex9I2FBo5jiGxtJdygdDl5EviJlBGoB5BamfGsfWGcD1gUTHul/+DIimzKZ1fEmfEdSqCOrKkOye9TaGvSIEjhrW0F1qF1b20nsy/8aeq9QQxbyNeYFeJhITNZpcqf5YzVOQGD97aD5e2E=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="" name="Gendoc_GendocTemplateSubType"/>
    <meta content="OK" name="ReadyToPublish"/>
    <meta content="deliaca" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="a76a3a9f-2d9a-4af9-8bba-af4c211b3a12" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0494" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="deliaca" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_T" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 06-09-24 11:08:03" name="Created"/>
    <meta content="" name="Canevas3_Vademecum"/>
    <meta content="2024-09-17T13:52:39Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="T" name="Juridiction"/>
    <meta content="ba6ace9e114544a487ba27da4bb9b38f" name="DocumentIdentifier"/>
    <meta content="0494" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RD" name="NatureAff"/>
    <meta content="RD" name="Gendoc_CaseNature"/>
    <meta content="0001" name="NumSuite"/>
    <meta content="T" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑11.9.2024 – Kawża T‑494/22</div>
      <div id="rId21" style="default">NSD vs Il‑Kunsill</div>
    </div>
    <p class="C19Centre" id="para-1" title="page-1">
      SENTENZA TAL-QORTI ĠENERALI (L-Ewwel Awla Estiża)
    </p>
    <p class="C19Centre" id="para-2" title="page-1">
      11 ta’ Settembru 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Politika estera u ta’ sigurtà komuni – Miżuri restrittivi meħuda fir-rigward tal-azzjonijiet li jikkompromettu jew jheddu l-integrità territorjali, is-sovranità u l-indipendenza tal-Ukraina – Iffriżar ta’ fondi – Lista tal-persuni, tal-entitajiet u tal-korpi li għalihom japplika l-iffriżar tal-fondi u tar-riżorsi ekonomiċi – Inklużjoni u żamma ta’ isem ir-rikorrent fil-lista – Obbligu ta’ motivazzjoni – Żball ta’ evalwazzjoni – Kunċett ta’ ‘appoġġ materjali jew finanzjarju lill-Gvern tal-Federazzjoni Russa’ – Libertà ta’ intrapriża – Dritt għall-proprjetà – Proporzjonalità”
    </p>
    <p class="C02AlineaAltA" id="para-4" title="page-1">
      Fil-Kawża T‑494/22,
    </p>
    <p class="C02AlineaAltA" id="para-5" title="page-1">
      NKO AO National Settlement Depository (NSD), stabbilita f’Moska (ir-Russja), irrappreżentata minn N. Tuominen, M. Krestiyanova, J.-P. Fierens u minn C. Gieskes, avukati,
    </p>
    <p class="C72Alineadroite" id="para-6" title="page-1">
      rikorrenti,
    </p>
    <p class="C19Centre" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Il‑Kunsill tal‑Unjoni Ewropea, irrappreżentat minn M. Bishop, bħala aġent, assistit minn B. Maingain, avukat,
    </p>
    <p class="C72Alineadroite" id="para-9" title="page-1">
      konvenut,
    </p>
    <p class="C02AlineaAltA" id="para-10" title="page-1">
      sostnut minn
    </p>
    <p class="C02AlineaAltA" id="para-11" title="page-1">
      Il‑Kummissjoni Ewropea, irrappreżentata minn J.-F. Brakeland, G. von Rintelen, L. Mantl u M. Carpus Carcea, bħala aġenti,
    </p>
    <p class="C72Alineadroite" id="para-12" title="page-1">
      intervenjenti,
    </p>
    <p class="C19Centre" id="para-13" title="page-1">
      IL-QORTI ĠENERALI (L-Ewwel Awla Estiża),
    </p>
    <p class="C02AlineaAltA" id="para-14" title="page-1">
      komposta minn D. Spielmann, President, M. Brkan (Relatriċi), I. Gâlea, T. Tóth u S. L. Kalėda, Imħallfin,
    </p>
    <p class="C02AlineaAltA" id="para-15" title="page-1">
      Reġistratur: I. Kurme, Amministratriċi,
    </p>
    <p class="C02AlineaAltA" id="para-16" title="page-1">
      wara li rat il-fażi bil-miktub tal-proċedura, b’mod partikolari
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ir-rikors ippreżentat fir-Reġistru tal-Qorti Ġenerali fit‑12 ta’ Awwissu 2022,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-digrieti tal‑31 ta’ Marzu 2023, NSD vs Il‑Kunsill (T‑494/22, mhux ippubblikat, EU:T:2023:196), u tal‑31 ta’ Marzu 2023, NSD vs Il‑Kunsill (T‑494/22, mhux ippubblikat, EU:T:2023:197), li jiċħdu t-talba għal intervent ta’ A. Lipatov u dik ta’ Maritime Bank JSC,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">in-nota ta’ adattament ippreżentata fir-Reġistru tal-Qorti Ġenerali fil‑25 ta’ April 2023,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">in-nota ta’ adattament ippreżentata fir-Reġistru tal-Qorti Ġenerali fl‑24 ta’ Novembru 2023,</p>
</td>
</tr>
</table>
    <p class="C02AlineaAltA" id="para-21" title="page-1">
      wara s-seduta tat‑23 ta’ Jannar 2024,
    </p>
    <p class="C02AlineaAltA" id="para-22" title="page-1">
      tagħti l-preżenti
    </p>
    <p class="C75Debutdesmotifs" id="para-23" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tar-rikors tagħha bbażat fuq l-Artikolu 263 TFUE, ir-rikorrenti, NKO AO National Settlement Depository (NSD), titlob l-annullament, l-ewwel, tad-Deċiżjoni tal-Kunsill (PESK) 2022/883 tat‑3 ta’ Ġunju 2022 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (ĠU 2022, L 153, p. 92), u tar-Regolament ta’ Implimentazzjoni tal-Kunsill (UE) 2022/878 tat‑3 ta’ Ġunju 2022 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2022, L 153, p. 15, iktar ’il quddiem, meħuda flimkien, l-“atti inizjali”), it-tieni, tad-Deċiżjoni tal-Kunsill (PESK) 2023/572 tat‑13 ta’ Marzu 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 75I, p. 134), u tar-Regolament ta’ Implimentazzjoni tal-Kunsill (UE) 2023/571 tat‑13 ta’ Marzu 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 75I, p. 1, iktar ’il quddiem, meħuda flimkien, l-“atti ta’ żamma ta’ Marzu 2023”), u, it-tielet, tad-Deċiżjoni tal-Kunsill (PESK) 2023/1767 tat‑13 ta’ Settembru 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 104), u tar-Regolament ta’ Implimentazzjoni tal-Kunsill (UE) 2023/1765 tat‑13 ta’ Settembru 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 3) (iktar ’il quddiem l-“atti ta’ żamma ta’ Settembru 2023”), sa fejn dawn l-atti kollha (iktar ’il quddiem, l-“atti kkontestati”) jinkludu u jżommu isimha fil-listi annessi mal-imsemmija atti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Il‑fatti li wasslu għall‑kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Ir-rikorrenti hija kumpannija rregolata mid-dritt Russu li hija depożitarja awtorizzata li tipprovdi servizzi ta’ arkivjar u ta’ żamma ta’ titoli bħala depożitarju ċentrali u li tipprovdi wkoll servizzi finanzjarji, b’mod partikolari bħala korp ta’ kreditu mhux bankarju li għandu liċenzja li tagħtih id-dritt li jipprovdi servizzi ta’ ħlas bankarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Din il-kawża taqa’ fil-kuntest tal-miżuri restrittivi adottati mill-Unjoni Ewropea fid-dawl tal-azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Fis‑17 ta’ Marzu 2014, il-Kunsill tal-Unjoni Ewropea adotta, abbażi tal-Artikolu 29 TUE, id-Deċiżjoni tal-Kunsill 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 16).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Fl-istess jum, huwa adotta, abbażi tal-Artikolu 215 TFUE, ir-Regolament tal-Kunsill (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 6, rettifika fil-ĠU 2014, L 294, p. 64).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Fil‑25 ta’ Frar 2022, fid-dawl tal-gravità tas-sitwazzjoni fl-Ukraina, il-Kunsill adotta, minn naħa, id-Deċiżjoni (PESK) 2022/329 li temenda d-Deċiżjoni 2014/145 (ĠU 2022, L 50, p. 1), u, min-naħa l-oħra, ir-Regolament (UE) 2022/330 li jemenda r-Regolament Nru 269/2014 (ĠU 2022, L 51, p. 1), b’mod partikolari bl-għan li jiġu emendati l-kriterji li permezz tagħhom persuni fiżiċi jew ġuridiċi, entitajiet jew korpi setgħu jkunu suġġetti għall-miżuri restrittivi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 2(1) u (2) tad-Deċiżjoni 2014/145 kif emendata (iktar ’il quddiem id-“Deċiżjoni 2014/145 emendata”) jipprevedi li:</p>
</td>
</tr>
</table>
    <p class="C02AlineaAltA" id="para-32" title="page-2">
      “1. Il-fondi u r-riżorsi ekonomiċi kollha li jappartjenu lil, jew huma proprjetà ta’, jew huma miżmuma jew ikkontrollati minn:
    </p>
    <p class="C02AlineaAltA" id="para-33" title="page-2">
      […]
    </p>
    <p class="C02AlineaAltA" id="para-34" title="page-3">
      f) persuni fiżiċi jew ġuridiċi, entitajiet jew korpi li jappoġġaw, b’mod materjali jew finanzjarju, jew li jibbenefikaw mill-Gvern tal-Federazzjoni Russa, li huwa responsabbli għall-annessjoni tal-Krimea u għad-destabbilizzazzjoni tal-Ukrajna […]
    </p>
    <p class="C02AlineaAltA" id="para-35" title="page-3">
      2. L-ebda fond jew riżorsa ekonomika ma għandha ssir disponibbli, direttament jew indirettament, lil jew għal benefiċċju ta’ persuni fiżiċi jew ġuridiċi, entitajiet jew korpi elenkati fl-Anness.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Il-modalitajiet għal dan l-iffriżar ta’ fondi huma ddefiniti fil-paragrafi sussegwenti tal-Artikolu 2 tad-Deċiżjoni 2014/145 emendata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Ir-Regolament Nru 269/2014, fil-verżjoni tiegħu kif emendat bir-Regolament 2022/330 (iktar ’il quddiem ir-“Regolament Nru 269/2014 emendat”), jimponi l-adozzjoni tal-miżuri ta’ ffriżar ta’ fondi u jiddefinixxi l-modalitajiet ta’ dan l-iffriżar f’termini identiċi, essenzjalment, għal dawk tad-Deċiżjoni 2014/145 emendata. Fil-fatt, l-Artikolu 3(1)(a) sa (g) ta’ dan ir-regolament jirriproduċi essenzjalment l-Artikolu 2(1)(a) sa (g) tal-imsemmija deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Fit‑3 ta’ Ġunju 2022, fid-dawl tat-tkomplija mill-Federazzjoni Russa tal-gwerra tagħha ta’ aggressjoni kontra l-Ukraina, il-Kunsill adotta l-atti inizjali li permezz tagħhom huwa żied l-isem tar-rikorrenti fil-listi ta’ persuni, entitajiet u organi suġġetti għal miżuri restrittivi li jinsabu fl-Anness tad-Deċiżjoni 2014/145 emendata u fl-Anness I tar-Regolament Nru 269/2014 emendat (iktar ’il quddiem il-“listi kkontestati”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-motivi għall-inklużjoni tal-isem tar-rikorrenti fil-listi kkontestati huma li ġejjin:</p>
</td>
</tr>
</table>
    <p class="C02AlineaAltA" id="para-40" title="page-3">
      “[Ir-rikorrenti] hija istituzzjoni finanzjarja mhux bankarja Russa u depożitorju ċentrali ta’ titoli tar-Russja. Hija l-akbar depożitorju ta’ titoli fir-Russja skont il-valur tas-suq tat-titoli ta’ ekwità u ta’ dejn miżmuma f’kustodja u l-unika waħda li għandha aċċess għas-sistema finanzjarja internazzjonali.
    </p>
    <p class="C02AlineaAltA" id="para-41" title="page-3">
      [Ir-rikorrenti] [h]ija rikonoxxuta bħala istituzzjoni finanzjarja Russa sistemikament importanti mill-Gvern u l-Bank Ċentrali tar-Russja. Hija għandha rwol essenzjali fil-funzjonament tas-sistema finanzjarja tar-Russja u l-konnessjoni tagħha mas-sistema finanzjarja internazzjonali, u b’hekk tiffaċilita direttament u indirettament lill-Gvern Russu fl-attivitajiet, il-politiki u r-riżorsi tiegħu.
    </p>
    <p class="C02AlineaAltA" id="para-42" title="page-3">
      [Ir-rikorrenti] [h]ija kważi kompletament proprjetà tal-Borża ta’ Moska, li l-missjoni tagħha hija li tipprovdi aċċess eżawrjenti għas-swieq finanzjarji Russi. Min-naħa l-oħra, Moscow Exchange, permezz tar-rwol u l-azzjonisti tagħha, hija taħt livell għoli ta’ kontroll mill-Gvern Russu. Għalhekk [ir-rikorrenti] hija entità jew korp li jappoġġa, materjalment jew finanzjarjament, lill-Gvern tal-Federazzjoni Russa, li huwa responsabbli għall-annessjoni tal-Krimea u għad-destabbilizzazzjoni tal-Ukrajna.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Fit‑3 ta’ Ġunju 2022, il-Kunsill ippubblika f’Il-Ġurnal Uffiċjali tal-Unjoni Ewropea (ĠU 2022, C 219 I, p. 1), avviż għall-attenzjoni tal-persuni, tal-entitajiet u tal-korpi li kienu suġġetti għall-miżuri restrittivi previsti mill-atti inizjali. Dan l-avviż kien jindika, b’mod partikolari, li l-persuni kkonċernati setgħu jindirizzaw lill-Kunsill b’talba għall-eżami mill-ġdid tad-deċiżjoni li permezz tagħha isimhom kien ġie inkluż fil-listi kkontestati, billi jehmżu magħha dokumenti ta’ sostenn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Permezz ta’ ittra tal‑4 ta’ Awwissu 2022, ir-rikorrenti talbet lill-Kunsill jipprovdi l-motivazzjoni u l-provi li jiġġustifikaw l-inklużjoni tagħha fil-listi kkontestati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fl‑10 ta’ Awwissu 2022, il-Kunsill ikkomunika lir-rikorrenti l-fajl WK 7236/2022/EXT 1 (iktar ’il quddiem l-“ewwel fajl ta’ provi”), li fuqu huwa kien ibbaża d-deċiżjoni tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Fatti li seħħew wara l‑preżentata tar‑rikors</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fl‑14 ta’ Settembru 2022, il-Kunsill adotta d-Deċiżjoni (PESK) 2022/1530 li temenda d-Deċiżjoni 2014/145 (ĠU 2022, L 239, p. 149), u r-Regolament ta’ Implimentazzjoni (UE) 2022/1529 li jimplimenta r-Regolament Nru 269/2014 (ĠU 2022, L 239, p. 1). Mid-Deċiżjoni 2022/1530 jirriżulta li d-Deċiżjoni 2014/145 hija applikabbli sal‑15 ta’ Marzu 2023 u li l-miżuri restrittivi individwali applikabbli għar-rikorrenti huma b’hekk estiżi, u b’dan il-mod isimha inżamm fil-listi kkontestati għall-istess motivi bħal dawk esposti fil-punt 11 iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Permezz ta’ ittra tat-‑22 ta’ Diċembru 2022, il-Kunsill informa lir-rikorrenti li kien beħsiebu jżomm il-miżuri restrittivi meħuda fil-konfront tagħha, ikkomunikalha l-fajl WK 17708/2022 INIT (iktar ’il quddiem it-“tieni fajl ta’ provi”) u stedinha sabiex tippreżenta l-osservazzjonijiet tagħha sa mhux iktar tard mit‑12 ta’ Jannar 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fit‑13 ta’ Marzu 2023, il-Kunsill adotta l-atti ta’ żamma ta’ Marzu 2023. Mid-Deċiżjoni 2023/572 jirriżulta li d-Deċiżjoni 2014/145 hija applikabbli sal‑15 ta’ Settembru 2023 u li l-miżuri restrittivi individwali applikabbli għar-rikorrenti huma b’hekk estiżi, u b’dan il-mod isimha inżamm fil-listi kkontestati għall-istess motivi bħal dawk esposti fil-punt 11 iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Permezz ta’ ittra tal‑14 ta’ Marzu 2023, il-Kunsill informa lir-rikorrenti bid-deċiżjoni tiegħu li jżomm l-inklużjoni tagħha fil-listi kkontestati u stedinha sabiex tippreżenta l-osservazzjonijiet tagħha sa mhux iktar tard mill‑1 ta’ Ġunju 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Permezz ta’ ittra tal‑10 ta’ Lulju 2023, il-Kunsill informa lir-rikorrenti li kien beħsiebu jżomm il-miżuri restrittivi meħuda fil-konfront tagħha, ikkomunikalha l-fajl WK 7807/2023 REV2(iktar ’il quddiem it-“tielet fajl ta’ provi”) u stedinha sabiex tippreżenta l-osservazzjonijiet tagħha sa mhux iktar tard mill‑25 ta’ Lulju 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fit‑13 ta’ Settembru 2023, il-Kunsill adotta l-atti ta’ żamma ta’ Settembru 2023. Mid-Deċiżjoni 2023/1767 jirriżulta li d-Deċiżjoni 2014/145 hija applikabbli sal‑15 ta’ Marzu 2024 u li l-miżuri restrittivi individwali applikabbli għar-rikorrenti huma b’hekk estiżi, u b’dan il-mod isimha inżamm fil-listi kkontestati għall-istess motivi bħal dawk esposti fil-punt 11 iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">It‑talbiet tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Ir-rikorrenti titlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla l-atti kkontestati;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-Kunsill għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Il-Kunsill, sostnut mill-Kummissjoni Ewropea, jitlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad ir-rikors għal annullament;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lir-rikorrenti għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Id‑dritt </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Qabel ma tiġi eżaminata l-fondatezza tal-motivi invokati mir-rikorrenti, għandha tiġi eżaminata l-ammissibbiltà tar-rikors sa fejn dan jirrigwarda r-Regolament ta’ Implimentazzjoni 2023/1765. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq l‑ammissibbiltà tar‑rikors sa fejn jirrigwarda r‑Regolament ta’ Implimentazzjoni 2023/1765</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fl-osservazzjonijiet tagħha dwar it-tieni nota ta’ adattament tar-rikors, il-Kummissjoni ssostni li din hija manifestament inammissibbli sa fejn hija intiża għall-annullament tar-Regolament ta’ Implimentazzjoni 2023/1765, inkwantu n-nota ta’ adattament tar-rikors ma tissodisfax il-kundizzjonijiet tal-Artikolu 86(1) tar-Regoli tal-Proċedura tal-Qorti Ġenerali. Skont il-Kummissjoni, l-imsemmi regolament ta’ implimentazzjoni ma jissostitwixxix u ma jemendax l-atti kkontestati fir-rigward tar-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Ir-rikorrenti ssostni li t-tieni nota ta’ adattament tat-talbiet hija ammissibbli, sa fejn din għandha bħala għan, f’dak li jirrigwardaha, l-annullament tar-Regolament ta’ Implimentazzjoni 2023/1765.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, għandu jitfakkar li l-Artikolu 86(1) tar-Regoli tal-Proċedura jipprovdi li, meta att li jkun qiegħed jintalab l-annullament tiegħu jiġi ssostitwit jew emendat b’att ieħor li jkollu l-istess suġġett, ir-rikorrent jista’, qabel l-għeluq tal-fażi orali tal-proċedura jew qabel id-deċiżjoni tal-Qorti Ġenerali li taqta’ l-kawża mingħajr il-fażi orali tal-proċedura, jadatta r-rikors sabiex jittieħed inkunsiderazzjoni dan l-element ġdid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">L-evalwazzjoni tal-ammissibbiltà tar-rikors ippreżentat kontra r-Regolament ta’ Implimentazzjoni 2023/1765 għandha ssir fid-dawl tal-obbligu tal-Kunsill li jwettaq eżami mill-ġdid perijodiku tal-lista li tinsab fl-Anness I tar-Regolament Nru 269/2014, konformement mal-Artikolu 14(4) ta’ dan l-istess regolament. F’dan ir-rigward, għandu jiġi rrilevat li r-regolamenti ta’ implimentazzjoni adottati wara eżamijiet mill-ġdid, inkluż ir-Regolament ta’ Implimentazzjoni 2023/1765, isemmu biss emendi u tħassir għal-listi kkontestati wara dan l-eżami mill-ġdid, b’tali mod li, skont dawn ir-regolamenti ta’ implimentazzjoni, l-inklużjonijiet li ma ġewx emendati jew imħassra huma estiżi (ara, b’analoġija, is-sentenza tat‑28 ta’ April 2021, Sharif vs Il‑Kunsill, T‑540/19, mhux ippubblikata, EU:T:2021:220, punt 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Skont il-ġurisprudenza, anki fil-każ fejn il-persuna kkonċernata ma tissemmiex permezz ta’ att sussegwenti li jemenda l-lista li isimha ġie inkluż fiha, u anki jekk dan l-att sussegwenti ma jbiddilx il-motivi li għalihom l-isem ta’ din il-persuna ġie inkluż inizjalment, tali att għandu jinftiehem bħala li jikkostitwixxi manifestazzjoni tar-rieda tal-Kunsill li jżomm isem il-persuna kkonċernata fl-imsemmija lista, bil-konsegwenza taż-żamma tal-iffriżar tal-fondi tagħha, peress li l-Kunsill għandu l-obbligu li jwettaq eżami ta’ din il-lista f’intervalli regolari (ara s-sentenza tat‑8 ta’ Lulju 2020, Neda Industrial Group vs Il‑Kunsill (T‑490/18, mhux ippubblikata, EU:T:2020:318, punt 52 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Barra minn hekk, konformement mal-Artikolu 14(3) tar-Regolament Nru 269/2014, meta jiġu ppreżentati osservazzjonijiet jew provi sostanzjali ġodda, il-Kunsill għandu jirrevedi d-deċiżjoni tiegħu li jinkludi persuna fil-listi kkontestati. F’dan il-każ, permezz tal-ittra tal‑15 ta’ Settembru 2023, il-Kunsill indika lir-rikorrenti li, wara t-talba tagħha tal‑25 ta’ Lulju 2023 intiża sabiex l-inklużjoni tagħha fil-listi kkontestati tiġi eżaminata mill-ġdid, huwa kien iddeċieda li jżomm il-miżuri restrittivi meħuda fil-konfront tagħha permezz tal-adozzjoni tad-Deċiżjoni 2023/1767 u tar-Regolament Nru 269/2014 kif emendat bir-Regolament ta’ Implimentazzjoni 2023/1765. Għaldaqstant, għandu jitqies li, kemm id-Deċiżjoni 2023/1767 kif ukoll ir-Regolament ta’ Implimentazzjoni 2023/1765 jirriżultaw minn eżami mill-ġdid tas-sitwazzjoni tar-rikorrenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Barra minn hekk, għalkemm huwa minnu li l-motivi għall-inklużjoni tar-rikorrenti fil-listi kkontestati ma ġewx emendati fl-atti ta’ żamma ta’ Settembru 2023, għandu madankollu jiġi kkonstatat li dawn huma bbażati fuq provi addizzjonali prodotti mill-Kunsill fit-tielet fajl ta’ provi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, hemm lok li jiġi konkluż li dan ir-rikors huwa ammissibbli sa fejn huwa intiż li jikseb l-annullament tar-Regolament ta’ Implimentazzjoni 2023/1765 sa fejn dan jikkonċerna lir-rikorrenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq il‑mertu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Insostenn tar-rikors tagħha, ir-rikorrenti tqajjem erba’ motivi, ibbażati, l-ewwel wieħed, fuq ksur tal-obbligu ta’ motivazzjoni, it-tieni wieħed, fuq żball manifest ta’ evalwazzjoni, it-tielet wieħed, fuq ksur sproporzjonat tad-drittijiet fundamentali u, ir-raba’ wieħed, fuq l-insuffiċjenza tal-provi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Fuq l‑ewwel motiv, ibbażat fuq ksur tal‑obbligu ta’ motivazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Ir-rikorrenti ssostni li l-motivazzjoni tal-atti kkontestati ma hijiex konformi mar-rekwiżiti stabbiliti mill-ġurisprudenza dwar l-Artikolu 296 TFUE. Fil-fehma tagħha, il-Kunsill sempliċement ifformula mill-ġdid il-kriterju ta’ inklużjoni li abbażi tiegħu isimha kien ġie inkluż fil-listi kkontestati. Barra minn hekk, hija tqis li l-atti kkontestati ma jinkludux elementi preċiżi u konkreti u la jindikaw il-mument u lanqas iċ-ċirkustanzi tal-għajnuna mogħtija lill-Gvern Russu sabiex dan tal-aħħar ikun jista’ jwettaq l-attivitajiet u l-politiki tiegħu u juża r-riżorsi tiegħu, u ma jsemmux tranżazzjoni speċifika. Barra minn hekk, skont ir-rikorrenti, il-motiv ibbażat fuq l-aspett li hija indirettament taħt il-kontroll tal-Gvern Russu huwa żbaljat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Barra minn hekk, ir-rikorrenti tikkritika lill-Kunsill li ma esponiex ir-raġunijiet li għalihom il-miżuri restrittivi meħuda fil-konfront tagħha kienu jimplikaw iffriżar tal-assi tal-klijenti tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għandu jitfakkar li l-obbligu ta’ motivazzjoni ta’ att li jikkawża preġudizzju, li jikkostitwixxi korollarju għall-prinċipju tar-rispett tad-drittijiet tad-difiża, għandu l-għan, minn naħa, li jipprovdi lill-persuna kkonċernata indikazzjoni suffiċjenti sabiex tkun taf jekk l-att huwiex fondat jew jekk huwiex potenzjalment ivvizzjat b’difett li jippermetti li tiġi kkontestata l-validità tiegħu quddiem il-qorti tal-Unjoni u, min-naħa l-oħra, li jippermetti lil din tal-aħħar teżerċita l-istħarriġ tagħha tal-legalità ta’ dak l-att (sentenza tal‑15 ta’ Novembru 2012, Il‑Kunsill vs Bamba, C‑417/11 P, EU:C:2012:718, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Il-motivazzjoni meħtieġa mill-Artikolu 296 TFUE għandha tiġi adattata għan-natura tal-att inkwistjoni u għall-kuntest li fih dan ikun ġie adottat. Ir-rekwiżit ta’ motivazzjoni għandu jiġi evalwat fid-dawl taċ-ċirkustanzi tal-każ, b’mod partikolari tal-kontenut ta’ dan l-att, tan-natura tal-motivi invokati u tal-interess li jista’ jkollhom id-destinatarji jew persuni oħra kkonċernati direttament u individwalment mill-imsemmi att li jirċievu spjegazzjonijiet. B’mod partikolari ma huwiex meħtieġ li l-motivazzjoni tispeċifika l-punti ta’ fatt u ta’ liġi kollha rilevanti u lanqas li tissodisfa b’mod iddettaljat il-kunsiderazzjonijiet magħmula mill-parti kkonċernata meta din tiġi kkonsultata qabel l-adozzjoni tal-att innifsu, sa fejn in-natura suffiċjenti ta’ motivazzjoni għandha tiġi evalwata mhux biss fid-dawl tal-formulazzjoni tagħha iżda wkoll tal-kuntest tagħha kif ukoll tar-regoli ġuridiċi kollha li jirregolaw il-qasam ikkonċernat. Konsegwentement, att li jikkawża preġudizzju jkun motivat b’mod suffiċjenti meta dan ikun sar f’kuntest magħruf mill-persuna kkonċernata, li jkun jippermettilha tifhem il-portata tal-miżura meħuda fil-konfront tagħha (sentenza tal‑15 ta’ Novembru 2012, Il‑Kunsill vs Bamba, C‑417/11 P, EU:C:2012:718, punti 53 u 54; ara, wkoll, is-sentenza tat‑22 ta’ April 2021, Il‑Kunsill vs PKK, C‑46/19 P EU:C:2021:316, punt 48 u l-ġurisprudenza ċċitata). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Għalhekk, il-grad ta’ preċiżjoni tal-motivazzjoni ta’ att għandu jkun proporzjonali għall-possibbiltajiet materjali u għall-kundizzjonijiet tekniċi jew ta’ żmien li fih huwa għandu jintervjeni (ara s-sentenza tas‑27 ta’ Lulju 2022, RT France vs Il‑Kunsill, T‑125/22, EU:T:2022:483, punt 104 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Barra minn hekk, il-ġurisprudenza ċċarat li l-motivazzjoni ta’ att tal-Kunsill li jimponi miżura restrittiva ma kellhiex biss tidentifika l-bażi legali ta’ din il-miżura, iżda wkoll ir-raġunijiet speċifiċi u konkreti li għalihom il-Kunsill ikkunsidra, fl-eżerċizzju tas-setgħa diskrezzjonali ta’ evalwazzjoni tiegħu, li l-persuna kkonċernata kellha tkun is-suġġett ta’ tali miżura (ara s-sentenza tas‑27 ta’ Lulju 2022, RT France vs Il‑Kunsill, T‑125/22, EU:T:2022:483, punt 105 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dan il-każ, kemm l-atti inizjali kif ukoll l-atti ta’ żamma ta’ Marzu 2023 u ta’ Settembru 2023 jippreċiżaw il-kuntest, fil-qafas tal-premessi rispettivi tagħhom, u l-bażijiet legali li fuqhom ġew adottati. B’mod partikolari, mill-preamboli tal-atti kkontestati jsegwi li l-gravità tas-sitwazzjoni fl-Ukraina kif ukoll it-tkomplija tal-azzjonijiet li jipperikolaw jew jheddu l-integrità territorjali, is-sovranità u l-indipendenza ta’ dan il-pajjiż jiġġustifikaw l-inklużjoni tal-persuni indikati fil-listi kkontestati kif ukoll iż-żamma tagħhom fl-imsemmija listi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Barra minn hekk, id-dikjarazzjoni taċ-ċirkustanzi fattwali, kif imfakkra fil-punt 11 iktar ’il fuq, tikkostitwixxi motivazzjoni suffiċjentement ċara u preċiża sabiex tippermetti lir-rikorrent jifhem ir-raġunijiet li għalihom ismu ġie inkluż, u sussegwentement miżmum, fil-listi kkontestati u lill-Qorti Ġenerali sabiex teżerċita l-istħarriġ tagħha. Kuntrarjament għal dak li ssostni r-rikorrenti, mill-atti kkontestati jsegwi li dawn ma humiex limitati għal riformulazzjoni tal-kriterju ta’ inklużjoni previst fl-Artikolu 2(1)(f) tad-Deċiżjoni 2014/145 emendata. B’mod iktar partikolari, il-motivi ta’ inklużjoni jippreċiżaw li r-rikorrenti hija l-ikbar depożitarju ta’ titoli fir-Russja, li hija għandha aċċess għas-sistema finanzjarja internazzjonali u li hija rrikonoxxuta bħala istituzzjoni finanzjarja ta’ importanza sistemika li għandha rwol essenzjali fil-funzjonament tas-sistema finanzjarja Russa, b’tali mod li tippermetti direttament jew indirettament lill-Gvern Russu jwettaq l-attivitajiet u l-politiki tiegħu u juża r-riżorsi tiegħu. Barra minn hekk, il-motivi ta’ inklużjoni jsemmu wkoll il-fatt li r-rikorrenti hija taħt il-kontroll tal-Gvern Russu. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Barra minn hekk, peress li ma huwiex meħtieġ li l-motivazzjoni tispeċifika l-punti kollha ta’ fatt u ta’ liġi rilevanti, u lanqas li hija twieġeb b’mod iddettaljat għall-kunsiderazzjonijiet magħmula mill-parti kkonċernata waqt il-konsultazzjoni tagħha qabel l-adozzjoni tal-att, l-argument li l-atti kkontestati la jidentifikaw il-mument u lanqas iċ-ċirkustanzi tal-għajnuna mogħtija lill-Gvern u ma jsemmux tranżazzjoni speċifika ma jista’ jintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Fir-rigward tal-argument ibbażat fuq il-kwistjoni li d-dikjarazzjoni tal-motivi ta’ inklużjoni hija żbaljata sa fejn jingħad li r-rikorrenti hija indirettament taħt il-kontroll tal-Gvern Russu, għandu jitfakkar li l-obbligu ta’ motivazzjoni ta’ att jikkostitwixxi rekwiżit formali essenzjali li għandu jiġi distint mill-kwistjoni tal-fondatezza tal-motivi, li taqa’ taħt il-legalità fil-mertu tal-att ikkontestat. Fil-fatt, il-motivazzjoni ta’ att tikkonsisti fl-espressjoni formali tal-motivi li fuqhom huwa bbażat dan l-att. Jekk dawn il-motivi jkunu vvizzjati bi żbalji, huma jivvizzjaw il-legalità fil-mertu tal-imsemmi att, iżda mhux il-motivazzjoni tiegħu, li tista’ tkun suffiċjenti filwaqt li tesprimi motivi żbaljati (sentenzi tal‑5 ta’ Novembru 2014, Mayaleh vs Il‑Kunsill, T‑307/12 u T‑408/13, EU:T:2014:926, punt 96, u tat‑22 ta’ Ġunju 2022, Haswani vs Il‑Kunsill, T‑479/21, mhux ippubblikata, EU:T:2022:383, punt 57). Minn dan isegwi li l-argument tar-rikorrenti għandu jiġi miċħud. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Fir-rigward tal-argument tar-rikorrenti bbażat fuq l-aspett li l-Kunsill ma esponiex ir-raġunijiet li għalihom il-miżuri restrittivi inkwistjoni kienu jimplikaw iffriżar tal-assi tal-klijenti tagħha u fuq l-aspett li huwa kellu jidentifika dawk kollha li, fost dawn tal-aħħar, kienu affettwati mill-imsemmija miżuri kif ukoll jivverifika jekk kull wieħed minnhom kienx jissodisfa individwalment il-kundizzjonijiet previsti mill-kriterji ta’ inklużjoni, għandu jiġi rrilevat li, bħalma jsostni l-Kunsill, l-obbligu ta’ motivazzjoni ma jinkludix l-obbligu li jiġu esposti l-konsegwenzi kollha tal-adozzjoni tal-att ikkontestat fuq persuni oħra u lanqas ma jobbliga lill-Kunsill jidentifika lill-persuni kollha li jistgħu jiġu affettwati indirettament mill-miżuri restrittivi li jikkonċernaw lir-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Għalhekk, l-ewwel motiv għandu jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq it‑tieni u r‑raba’ motiv, ibbażati fuq żball manifest ta’ evalwazzjoni u fuq l‑insuffiċjenza tal‑provi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Għandu jiġi rrilevat li l-argument insostenn tar-raba’ motiv huwa limitat, essenzjalment, sabiex isostni li l-motivi ta’ inklużjoni ma humiex sostnuti minn provi suffiċjenti. Peress li l-eżami tal-iżball ta’ evalwazzjoni jimplika l-verifika tan-natura suffiċjenti tal-bażi fattwali tal-Kunsill, ir-raba’ motiv għandu jiġi eżaminat flimkien mat-tieni motiv, li huwa bbażat fuq żball manifest ta’ evalwazzjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">It-tieni motiv huwa maqsum fi tliet partijiet, ibbażati, l-ewwel waħda, fuq żball manifest ta’ evalwazzjoni sa fejn huwa kkonstatat li r-rikorrenti hija istituzzjoni importanti għas-sistema finanzjarja Russa li tippermetti lill-Gvern Russu jwettaq l-attivitajiet u l-politiki tiegħu u li juża r-riżorsi tiegħu, it-tieni waħda, fuq żball manifest ta’ evalwazzjoni sa fejn huwa kkonstatat li r-rikorrenti hija taħt il-kontroll tal-imsemmi gvern u, it-tielet waħda, fuq żball manifest ta’ evalwazzjoni sa fejn il-Kunsill ma stabbilixxiex l-eżistenza ta’ rabta suffiċjenti bejn ir-rikorrenti u l-Gvern Russu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">Kunsiderazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Fl-ewwel lok, għandu jiġi rrilevat li t-tieni motiv imqajjem mir-rikorrenti għandu jitqies bħala bbażat fuq żball ta’ evalwazzjoni, u mhux fuq żball manifest ta’ evalwazzjoni. Fil-fatt, għalkemm huwa veru li l-Kunsill għandu ċertu setgħa ta’ evalwazzjoni sabiex jiddetermina, fuq bażi ta’ każ b’każ, jekk humiex issodisfatti l-kriterji legali li fuqhom huma bbażati l-miżuri restrittivi inkwistjoni, xorta jibqa’ l-fatt li l-qrati tal-Unjoni għandhom iwettqu stħarriġ, bħala prinċipju sħiħ, tal-legalità tal-atti kollha tal-Unjoni (ara s-sentenza tal‑15 ta’ Novembru 2023, OT vs Il‑Kunsill, T‑193/22, EU:T:2023:716, punt 121 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Għandu jiġi rrilevat li l-effettività tal-istħarriġ ġudizzjarju ggarantit mill-Artikolu 47 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”) teżiġi, b’mod partikolari, li l-qorti tal-Unjoni tiżgura li d-deċiżjoni li permezz tagħha ġew adottati jew miżmuma miżuri restrittivi, li għandha portata individwali għall-persuna jew l-entità kkonċernata, hija bbażata fuq bażi fattwali suffiċjentement solida. Dan jimplika verifika tal-fatti allegati fl-espożizzjoni tal-motivi li l-imsemmija deċiżjoni hija bbażata fuqha, b’tali mod li l-istħarriġ ġudizzjarju ma jkunx limitat għall-evalwazzjoni tal-plawżibbiltà astratta tal-motivi invokati, iżda jkun jirrigwarda l-kwistjoni jekk dawn il-motivi, jew, għall-inqas, wieħed minnhom meqjus li huwa suffiċjenti fih innifsu sabiex isostni din l-istess deċiżjoni, humiex sostnuti (ara, f’dan is-sens, is-sentenzi tat‑18 ta’ Lulju 2013, Il‑Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punt 119, u tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 62).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Tali evalwazzjoni għandha ssir billi jiġu eżaminati l-provi u l-informazzjoni mhux b’mod iżolat, iżda fil-kuntest li jagħmlu parti minnu. Fil-fatt, il-Kunsill jissodisfa l-oneru tal-prova impost fuqu jekk jistabbilixxi quddiem il-qorti tal-Unjoni sensiela ta’ indizji suffiċjentement konkreti, preċiżi u konkordanti li jippermettu li tiġi stabbilita l-eżistenza ta’ rabta suffiċjenti bejn il-persuna jew l-entità suġġetta għal miżura ta’ ffriżar tal-fondi tagħha u r-reġim jew, b’mod ġenerali, is-sitwazzjonijiet miġġielda (ara s-sentenza tal‑20 ta’ Lulju 2017, Badica u Kardiam vs Il‑Kunsill, T‑619/15, EU:T:2017:532, punt 99 u l-ġurisprudenza ċċitata; sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punti 63 u 66).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Hija l-awtorità kompetenti tal-Unjoni li għandha tistabbilixxi, fil-każ ta’ kontestazzjoni, il-fondatezza tal-motivi invokati fil-konfront tal-persuna jew tal-entità kkonċernata, u mhux din tal-aħħar li għandha tipproduċi l-prova negattiva tal-assenza ta’ fondatezza tal-imsemmija motivi. Għal dan l-għan, ma huwiex meħtieġ li l-Kunsill jipproduċi quddiem il-qorti tal-Unjoni l-informazzjoni u l-provi kollha inerenti għall-motivi allegati fl-att li jkun intalab l-annullament tiegħu. Huwa importanti li l-informazzjoni jew l-elementi prodotti jsostnu l-motivi invokati fil-konfront tal-persuna jew tal-entità kkonċernata (sentenzi tat‑18 ta’ Lulju 2013, Il‑Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punti 121 u 122, u tat‑28 ta’ Novembru 2013, Il‑Kunsill vs Fulmen u Mahmoudian, C‑280/12 P, EU:C:2013:775, punti 66 u 67; ara, ukoll, is-sentenza tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 73 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">F’din l-ipoteżi, hija l-qorti tal-Unjoni li għandha tivverifika l-eżattezza materjali tal-fatti allegati fir-rigward ta’ din l-informazzjoni jew elementi u li għandha tevalwa s-saħħa probatorja ta’ dawn tal-aħħar skont iċ-ċirkustanzi tal-każ u fid-dawl tal-eventwali osservazzjonijiet ippreżentati, b’mod partikolari, mill-persuna jew mill-entità kkonċernata dwarhom (ara, f’dan is-sens, is-sentenza tat‑18 ta’ Lulju 2013, Il‑Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punt 124).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fir-rigward, b’mod iktar partikolari, tal-istħarriġ tal-legalità eżerċitat fuq l-atti ta’ żamma tal-isem tal-persuna kkonċernata fil-listi inkwistjoni, għandu jitfakkar li l-miżuri restrittivi huma ta’ natura kawtelatorja u, mid-definizzjoni tagħhom stess, provviżorja, li l-validità tagħhom hija dejjem suġġetta għall-kontinwazzjoni taċ-ċirkustanzi ta’ fatt u ta’ liġi li jkunu wasslu għall-adozzjoni tagħhom kif ukoll għall-ħtieġa taż-żamma tagħhom sabiex jintlaħaq l-għan relatat magħhom. Huwa għalhekk li l-Kunsill għandu jwettaq, matul l-eżami mill-ġdid perijodiku ta’ dawn il-miżuri, evalwazzjoni aġġornata tas-sitwazzjoni u jistabbilixxi bilanċ tal-effett ta’ tali miżuri, sabiex jiddetermina jekk dawn ippermettewx li jintlaħqu l-għanijiet imfittxija mill-inklużjoni inizjali tal-ismijiet tal-persuni u tal-entitajiet ikkonċernati fil-listi kkontestati jew jekk għadux possibbli li tinsilet l-istess konklużjoni fir-rigward tal-imsemmija persuni u entitajiet (ara s-sentenza tas‑27 ta’ April 2022, Ilunga Luyoyo vs Il‑Kunsill, T‑108/21, EU:T:2022:253, punt 55 u l-ġurisprudenza ċċitata; sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 67).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Minn dan jirriżulta li, sabiex tiġi ġġustifikata ż-żamma ta’ isem persuna f’lista ta’ persuni u ta’ entitajiet li huma suġġetti għal miżuri restrittivi, il-Kunsill ma huwiex ipprojbit milli jibbaża ruħu fuq l-istess provi li ġġustifikaw l-inklużjoni inizjali, l-inklużjoni mill-ġdid jew iż-żamma preċedenti ta’ isem ir-rikorrent fl-imsemmija lista, sakemm, minn naħa, il-motivi ta’ inklużjoni ma jkunux inbidlu u, min-naħa l-oħra, il-kuntest ma jkunx żviluppa b’tali mod li dawn il-provi jkunu saru obsoleti (ara, f’dan is-sens, is-sentenza tat‑23 ta’ Settembru 2020, Kaddour vs Il‑Kunsill, T‑510/18, EU:T:2020:436, punt 99). F’dan ir-rigward, l-evoluzzjoni tal-kuntest tinkludi t-teħid inkunsiderazzjoni, minn naħa, tas-sitwazzjoni tal-pajjiż li fir-rigward tiegħu ġiet stabbilita s-sistema ta’ miżuri restrittivi kif ukoll is-sitwazzjoni partikolari tal-persuna kkonċernata (sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 78; ara wkoll, f’dan is-sens, is-sentenza tat‑23 ta’ Settembru 2020, Kaddour vs Il‑Kunsill, T‑510/18, EU:T:2020:436, punt 101), u, min-naħa l-oħra, taċ-ċirkustanzi rilevanti kollha u, b’mod partikolari, il-kisba tal-għanijiet imfittxija mill-miżuri restrittivi (sentenza tas‑27 ta’ April 2022, Ilunga Luyoyo vs Il‑Kunsill, T‑108/21, EU:T:2022:253, punt 56; ara wkoll, f’dan is-sens u b’analoġija, is-sentenza tat‑12 ta’ Frar 2020, Amisi Kumba vs Il‑Kunsill, T‑163/18, EU:T:2020:57, punti 82 sa 84 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fit-tieni lok, għandu jiġi rrilevat li isem ir-rikorrenti ġie inkluż fil-listi kkontestati abbażi tal-kriterju previst fl-Artikolu 2(1)(f) tad-Deċiżjoni 2014/145 emendata, li jirrigwarda b’mod partikolari l-persuni ġuridiċi, entitajiet jew korpi li jagħtu sostenn materjali jew finanzjarju lill-Gvern tal-Federazzjoni Russa (iktar ’il quddiem il-“kriterju ta’ sostenn materjali jew finanzjarju lill-Gvern”). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">L-għan imfittex mill-miżuri restrittivi huwa li tiġi eżerċitata pressjoni massima fuq l-awtoritajiet Russi, sabiex dawn itemmu l-azzjonijiet u l-politiki tagħhom li jiddestabbilizzaw l-Ukraina kif ukoll l-aggressjoni militari f’dan il-pajjiż (ara, f’dan is-sens u b’analoġija, is-sentenza tas‑27 ta’ Lulju 2022, RT France vs Il‑Kunsill, T‑125/22, EU:T:2022:483, punt 163 u l-ġurisprudenza ċċitata), b’mod partikolari billi tikber l-ispiża tal-azzjonijiet tal-Federazzjoni Russa intiżi li jdgħajfu l-integrità territorjali, is-sovranità u l-indipendenza tal-Ukraina (ara, f’dan is-sens, is-sentenza tat‑13 ta’ Settembru 2018, Rosneft et vs Il‑Kunsill, T‑715/14, mhux ippubblikata, EU:T:2018:544, punt 157).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Għandu jiġi speċifikat li l-kriterju ta’ appoġġ materjali jew finanzjarju lill-Gvern ma jirrikjedix li l-persuni jew l-entitajiet ikkonċernati jagħtu appoġġ li jkun direttament jew indirettament marbut mal-annessjoni tal-Krimea jew mad-destabbilizzazzjoni tal-Ukraina. Fil-fatt, l-appoġġ materjali jew finanzjarju fis-sens ta’ dan il-kriterju għandu jinftiehem bħala kull appoġġ li jista’, minħabba l-importanza kwantitattiva jew kwalitattiva tiegħu, jipprovdi lill-imsemmi gvern riżorsi jew faċilitajiet ta’ natura materjali jew finanzjarja li jippermettulu jkompli l-azzjonijiet tiegħu ta’ destabbilizzazzjoni tal-Ukraina (ara, b’analoġija, is-sentenza tas‑7 ta’ April 2016, Central Bank of Iran vs Il‑Kunsill, C‑266/15 P, EU:C:2016:208, punt 44).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Huwa fid-dawl ta’ dawn il-prinċipji li għandu jiġi vverifikat jekk il-Kunsill wettaqx żball ta’ evalwazzjoni meta ddeċieda li jinkludi, u sussegwentement iżomm, isem ir-rikorrenti fil-listi kkontestati abbażi tal-kriterju ta’ appoġġ materjali jew finanzjarju lill-Gvern.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Fuq l‑elementi li jinsabu fil‑fajls tal‑provi tal‑Kunsill</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">F’dan il-każ, sabiex jiġġustifika l-inklużjoni u ż-żamma ta’ isem ir-rikorrenti fil-listi kkontestati, il-Kunsill ipproduċa tliet fajls ta’ provi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Sabiex jiġġustifika l-inklużjoni inizjali tar-rikorrenti fil-listi kkontestati, il-Kunsill ipprovda l-ewwel fajl ta’ provi li jinkludi informazzjoni pubblikament aċċessibbli, jiġifieri links lejn siti internet, screenshots u artikli ta’ informazzjoni. Dan jinkludi b’mod partikolari d-dokumenti li ġejjin:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">screenshot ta’ paġna ta’ preżentazzjoni tar-rikorrenti li tinsab fuq is-sit internet tagħha, ikkonsultata fid‑29 ta’ April 2022 (Dokument Nru 1);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">screenshot ta’ paġna oħra ta’ preżentazzjoni tar-rikorrenti li tinsab fuq is-sit internet tagħha, ikkonsultata fit‑12 ta’ Mejju 2022 (Dokument Nru 2);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">estratt minn nota teknika intitolata “Programm ta’ evalwazzjoni tas-settur finanzjarju tal-Federazzjoni Russa, infrastruttura finanzjarja”, ippubblikata f’Lulju 2016, disponibbli fuq is-sit internet “worldbank.org”, ikkonsultat fit‑12 ta’ Mejju 2022 (Dokument Nru 7); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">estratt minn rapport dwar il-prestazzjoni finanzjarja tar-rikorrenti fit-tieni trimestru tal‑2021, ippubblikat fit‑2 ta’ Settembru 2021 fuq is-sit internet tal-Assoċjazzjoni tad-depożitarji ċentrali tat-titoli Ewro-Ażjatiċi, ikkonsultat fit‑12 ta’ Mejju 2022 (Dokument Nru 8);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">osservazzjoni intitolata “Ir-Russja ħallset kupuni fuq seba’ istanzi ta’ ħruġ ta’ bonds tal-OFZ – Ministeru tal-Finanzi”, ippubblikata fil‑31 ta’ Marzu 2022 fuq is-sit internet ta’ informazzjoni “reuters.com”, ikkonsultat fit‑2 ta’ Mejju 2022 (Dokument Nru 11).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Sabiex jiġġustifika ż-żamma tal-inklużjoni tar-rikorrenti fil-listi kkontestati permezz tal-atti ta’ żamma ta’ Marzu 2023, il-Kunsill ibbaża ruħu wkoll fuq il-provi prodotti fit-tieni fajl ta’ provi li jinkludi informazzjoni pubblikament aċċessibbli, jiġifieri links lejn siti internet, screenshots u artikli ta’ informazzjoni. Dan jinkludi b’mod partikolari d-dokumenti li ġejjin:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">estratt mir-rapport annwali tal-Borża ta’ Moska (iktar ’il quddiem il-“MOEX”) għas-sena 2021, ippubblikat fl‑4 ta’ Marzu 2022, disponibbli fuq is-sit internet ta’ din l-impriża, ikkonsultat fit‑22 ta’ Novembru 2022 (Dokument Nru 2);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">stqarrija għall-istampa relatata mal-klassifikazzjoni finanzjarja tar-rikorrenti, ippubblikata fis-sit internet ta’ din tal-aħħar fil‑15 ta’ Novembru 2022, ikkonsultat fit‑22 ta’ Novembru 2022 (Dokument Nru 3);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">osservazzjoni intitolata “Il-Ministeru tal-Finanzi ttrasferixxa 4.9 biljuni rubil lill-NSD sabiex iħallas il-kupun fuq l-Ewro-bonds tar-Russja‑2042”, ippubblikata fil‑5 ta’ Ottubru 2022 fuq is-sit ta’ informazzjoni “interfax.ru”, ikkonsultat fil‑25 ta’ Novembru 2022 (Dokument Nru 5);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artikolu intitolat “Il-Ministeru tal-Finanzi ħallas kupuni bir-rubil għal żewġ istanzi ta’ ħruġ ta’ Ewro-bonds”, ippubblikat fis‑16 ta’ Settembru 2022 fuq is-sit internet ta’ informazzjoni “ria.ru”, ikkonsultat fis‑17 ta’ Novembru 2022 (Dokument Nru 8);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu intitolat “Il-Ministeru tal-Finanzi ħallas b’rubils il-kupun tal-Ewro-bonds li kellhom jiskadu fl‑2035”, ippubblikat fid‑29 ta’ Settembru 2022 fuq is-sit ta’ informazzjoni “ria.ru”, ikkonsultat fis‑17 ta’ Novembru 2022 (Dokument Nru 9);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">screenshot ta’ pubblikazzjoni li tinsab fuq is-sit internet uffiċjali tal-Ministru tal-Finanzi Russu relatat mas-suċċess tal-ħlas ta’ kupuni fuq Ewro-bonds, ikkonsultata fil‑25 ta’ Novembru 2022 (Dokument Nru 10). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">F’dan il-każ, peress li l-motivi ta’ inklużjoni u ta’ żamma tar-rikorrenti fil-listi kkontestati baqgħu ma nbidlux, ma hemmx lok li ssir distinzjoni bejn, minn naħa, l-atti inizjali u, min-naħa l-oħra, l-atti ta’ żamma ta’ Marzu 2023 u ta’ Settembru 2023, peress li l-verifika tal-informazzjoni inkluża fl-espożizzjoni tal-motivi kif ukoll fil-provi, li jinsabu fil-fajls ta’ prova, essenzjalment tikkonċerna l-istess ċirkustanzi fattwali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">c)</p>
</td>
<td valign="top">
<p class="normal">Fuq il‑provi annessi man‑noti tal‑Kunsill</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Matul is-seduta, ir-rikorrenti sostniet li l-provi prodotti mill-Kunsill, annessi mar-risposta u mal-kontroreplika, kellhom jiġu ddikjarati inammissibbli. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Fl-ewwel lok, fir-rigward tal-provi annessi mal-kontroreplika, ir-rikorrenti ssostni li dawn ġew prodotti tard bi ksur tal-Artikolu 85(1) tar-Regoli tal-Proċedura. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">F’dan ir-rigward, għandu jitfakkar li l-Artikolu 85(1) tar-Regoli tal-Proċedura jipprovdi li l-provi u l-offerti ta’ provi għandhom jiġu prodotti fil-kuntest tal-ewwel skambju ta’ noti. Il-paragrafu 2 ta’ dan l-artikolu jżid li l-partijiet prinċipali jistgħu jipproduċu provi jew jagħmlu offerti ta’ prova insostenn tal-argumenti tagħhom anki fir-replika u fil-kontroreplika, bil-kundizzjoni li d-dewmien fil-preżentata tagħhom ikun iġġustifikat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Barra minn hekk, l-Artikolu 85(2) tar-Regoli tal-Proċedura għandu jinqara fid-dawl tal-Artikolu 92(7) tal-imsemmija regoli, li jipprevedu espressament li l-prova kuntrarja u l-elaborazzjoni tal-offerti ta’ prova jibqgħu riżervati. Konsegwentement, bħalma jirriżulta minn ġurisprudenza stabbilita, il-prova kuntrarja u l-elaborazzjoni tal-offerti ta’ provi prodotti wara prova kuntrarja mill-kontroparti ma humiex koperti mir-regola ta’ dekadenza prevista mill-Artikolu 85(2) ta’ dan ir-regolament (sentenzi tat‑18 ta’ Settembru 2017, Uganda Commercial Impex vs Il‑Kunsill, T‑107/15 u T‑347/15, mhux ippubblikata, EU:T:2017:628, punt 72, u tat‑13 ta’ Settembru 2023, ITD u Danske Fragtmænd vs Il‑Kummissjoni, T‑525/20, EU:T:2023:542, punt 78).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">F’dan il-każ, mill-kontroreplika jsegwi li l-Annessi D.1 sa D.6 tal-imsemmija nota jikkostitwixxu provi dwar l-importanza tad-depożitarji ċentrali tat-titoli (iktar ’il quddiem id-“DĊT”) u tar-rikorrenti fil-funzjonament tajjeb tas-sistema finanzjarja. Għandu jiġi rrilevat li dawn il-provi ġew prodotti mill-Kunsill sabiex iwieġeb għall-argumenti tar-rikorrenti fir-replika intiżi sabiex jikkontestaw l-affidabbiltà tal-elementi prodotti fir-risposta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">L-Anness D.7 tal-kontroreplika, dwar is-sistemi ta’ ħlas ta’ importanza sistemika, ġie ppreżentat mill-Kunsill sabiex iwieġeb għall-argument tar-replika li permezz tiegħu r-rikorrenti tikkontesta li hija ffavorixxiet lill-Gvern Russu fil-kwalità tiegħu ta’ operatur ta’ sistema ta’ ħlas ta’ importanza sistemika. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">L-Annessi D.8 u D.9 tal-kontroreplika, dwar il-Bank Ċentrali tal-Federazzjoni Russa, huma intiżi sabiex iwieġbu għall-argumenti tar-replika li dik l-istituzzjoni finanzjarja hija indipendenti mill-awtoritajiet federali Russi. L-Anness D.10 tal-kontroreplika, relatat mal-bank Russu Sberbank, ġie ppreżentat sabiex iwieġeb għall-argument tar-replika li jsemmi l-indipendenza ta’ dik l-istituzzjoni finanzjarja fil-konfront tal-Gvern Russu. L-Annessi D.11 u D.12 tal-kontroreplika, li jirrigwardaw il-VEB.RF, huma intiżi sabiex iwieġbu għall-argument tar-replika li permezz tiegħu huwa sostnut li dik l-istituzzjoni finanzjarja tamministra l-assi tagħha b’mod indipendenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Għalhekk, għandu jitqies li l-annessi tal-kontroreplika, billi għandhom l-għan li jikkonfutaw l-argumenti jew il-provi prodotti mir-rikorrenti fir-replika, jikkostitwixxu prova kuntrarja fis-sens tal-Artikolu 92(7) tar-Regoli tal-Proċedura. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Għaldaqstant, l-annessi tal-kontroreplika huma ammissibbli. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Fit-tieni lok, ir-rikorrenti ssostni li l-Qorti Ġenerali ma tistax tieħu inkunsiderazzjoni l-provi annessi mar-risposta u mal-kontroreplika minħabba li dawn ma kinux jinsabu fl-ewwel fajl ta’ provi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Skont ġurisprudenza stabbilita, il-legalità ta’ att tal-Unjoni għandha tiġi evalwata skont punti ta’ fatt u ta’ liġi eżistenti fid-data tal-adozzjoni tal-att (sentenzi tat‑3 ta’ Settembru 2015, Inuit Tapiriit Kanatami et vs Il‑Kummissjoni, C‑398/13 P, EU:C:2015:535, punt 22, u tat‑8 ta’ Marzu 2023, Prigozhina vs Il‑Kunsill, T‑212/22, mhux ippubblikata, EU:T:2023:104, punt 80). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Għandu jitfakkar ukoll li l-istħarriġ tal-legalità fil-mertu li għandha twettaq il-Qorti Ġenerali għandu jitwettaq, f’dak li jirrigwarda b’mod partikolari l-kontenzjuż tal-miżuri restrittivi, fid-dawl mhux biss tal-elementi li jinsabu fl-espożizzjonijiet tal-motivi tal-atti kkontestati, iżda wkoll ta’ dawk li l-Kunsill jipprovdi, fil-każ ta’ kontestazzjoni, lill-Qorti Ġenerali sabiex tistabbilixxi l-fondatezza tal-fatti allegati f’dawn l-espożizzjonijiet (sentenza tat‑22 ta’ April 2021, Il‑Kunsill vs PKK, C‑46/19 P, EU:C:2021:316, punt 64). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Ċertament, bħalma tirrileva r-rikorrenti, fil-kawża li tat lok għas-sentenza tal‑1 ta’ Ġunju 2022, Prigozhin vs Il‑Kunsill (T‑723/20, mhux ippubblikata, EU:T:2022:317), il-Qorti Ġenerali kienet iddeċidiet li l-Kunsill kellu jkollu għad-dispożizzjoni tiegħu elementi sabiex jistabbilixxi l-fondatezza tal-fatti allegati fl-espożizzjoni tal-motivi fil-mument tal-adozzjoni tal-atti kkontestati (punt 52 ta’ dik is-sentenza). Madankollu, b’dan il-mod, il-Qorti Ġenerali ma kellhiex l-intenzjoni li teskludi kull possibbiltà li tieħu inkunsiderazzjoni, waqt l-istħarriġ tagħha tal-legalità tal-atti kkontestati, provi addizzjonali li ma kinux jinsabu fil-fajl tal-prova u li huma prodotti sabiex tiġi kkonfermata l-fondatezza tal-fatti allegati fil-motivi ta’ inklużjoni, peress li, minn naħa, dawn il-provi jikkorroboraw elementi li l-Kunsill kellu għad-dispożizzjoni tiegħu u, min-naħa l-oħra, l-imsemmija provi jirrigwardaw fatti preċedenti għall-adozzjoni tal-atti kkontestati inkwistjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">F’dan il-każ, fir-rigward tal-Annessi B.1 sa B.6 tar-risposta, jiġifieri l-elementi ta’ natura bijografika relatati ma’ ċerti membri tal-Bord tad-Diretturi tal-Borża ta’ Moska (iktar ’il quddiem il-“MOEX”), għandu jiġi rrilevat li diversi elementi huma relatati ma’ personalitajiet li ma kinux membri tal-Bord tad-Diretturi fil-kariga fil-mument tal-adozzjoni tal-atti inizjali. Konsegwentement, il-provi prodotti fl-Annessi B.1 sa B.6 tar-risposta ma jistgħux jittieħdu inkunsiderazzjoni sabiex tiġi vverifikata l-fondatezza tal-atti inizjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Fir-rigward tal-annessi tal-kontroreplika, bħalma jsegwi mill-punti 67 sa 69 iktar ’il fuq, dawn ġew prodotti mill-Kunsill, mhux sabiex tiġi ssostanzjata l-fondatezza tal-fatti allegati fil-motivi ta’ inklużjoni, iżda sabiex tingħata risposta għall-argumenti mqajma mir-rikorrenti fir-replika tagħha. Peress li dawn ma humiex provi prodotti insostenn tal-fondatezza tal-fatti esposti fil-motivi ta’ inklużjoni, il-prinċipji stabbiliti fil-punti 73 sa 75 iktar ’il fuq ma humiex applikabbli. Għalhekk, f’dan il-każ, il-provi prodotti fl-istadju tal-kontroreplika jistgħu jittieħdu inkunsiderazzjoni mill-Qorti Ġenerali sabiex tistħarreġ il-fondatezza tal-allegazzjonijiet tar-rikorrenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">d)</p>
</td>
<td valign="top">
<p class="normal">Fuq l‑ewwel parti tat‑tieni motiv, ibbażata fuq il‑fatt li r‑rikorrenti ma tippermettix lill‑Gvern juża r‑riżorsi tiegħu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Ir-rikorrenti ssostni li l-affermazzjoni li hija l-unika depożitarja ta’ titoli fir-Russja li għandha aċċess għas-sistema finanzjarja internazzjonali hija żbaljata, sa fejn depożitarji oħra fir-Russja jżommu kontijiet ta’ titoli ma’ DCT internazzjonali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Ir-rikorrenti tindika li, bħala DCT fis-sens tad-dritt Russu, hija tikkostitwixxi parti mill-katina internazzjonali tat-tranżazzjonijiet fuq titoli u tipparteċipa fl-użu, fiż-żamma, fil-ħlas u fil-pagamenti relatati ma’ diversi titoli. Hija ssostni li l-parti l-kbira tal-attivitajiet tagħha bħala DCT hija intiża għall-atturi privati tas-suq u mhux għall-Gvern Russu. F’dak li jirrigwarda l-bonds maħruġa mill-Ministeru għall-Finanzi Russu, hija ssostni li hija biss waħda mill-ħafna istituzzjonijiet finanzjarji li jipparteċipaw fil-ħruġ ta’ bonds. Barra minn hekk, ir-rikorrenti tippreċiża li, bħala DCT, hija taġixxi biss f’isem u fuq ordni tal-klijenti u li hija ma tpoġġix l-assi rispettivi tagħha fuq il-kontijiet tagħha miftuħa ma’ DCT barranin, li huma miżmuma minnha biss fuq bażi fiduċjarja għan-nom tal-klijenti tagħha. Ir-rikorrenti ssostni wkoll li, bħala DCT, ir-relazzjonijiet tagħha ma’ entitajiet marbuta mal-Gvern Russu huma relazzjonijiet kummerċjali kompetittivi li ma humiex differenti minn dawk mal-klijenti l-oħra tagħha tas-settur pubbliku u dak privat. Għaldaqstant, hija tikkontesta li r-relazzjonijiet tagħha mal-entitajiet marbuta mal-Gvern Russu huma kkunsidrati bħala appoġġ materjali jew finanzjarju lill-imsemmi Gvern. Barra minn hekk, fl-osservazzjonijiet tagħha dwar in-nota ta’ intervent tal-Kummissjoni, ir-rikorrenti ssostni li l-Ministeru għall-Finanzi Russu jista’ joħroġ bonds mingħajr ma juża s-servizzi tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Barra minn hekk, ir-rikorrenti tikkontesta l-importanza tas-sistema ta’ pagament li hija topera u, fi kwalunkwe każ, tikkunsidra li l-Kunsill ma pprovax li l-fatt li hija topera sistema ta’ pagament ta’ importanza nazzjonali u sistematika kien jimplika li hija tippermetti lill-Gvern Russu jwettaq l-attivitajiet u l-politiki tiegħu u juża r-riżorsi tiegħu. F’dan ir-rigward, ir-rikorrenti ssostni li, fil-kwalità tagħha ta’ amministratur ta’ sistema ta’ pagament, ir-relazzjonijiet tagħha mal-entitajiet marbuta mal-Gvern Russu jitwettqu f’kundizzjonijiet kompetittivi, b’tali mod li l-provvista ta’ servizzi f’din il-kwalità ma hijiex ekwivalenti għal sostenn materjali jew finanzjarju lill-imsemmi Gvern. Barra minn hekk, ir-rikorrenti tirrileva li l-għan li jiġi kompromess il-funzjonament tal-ekonomija Russa ma ntlaħaqx, sa fejn jeżistu diversi sistemi oħra ta’ pagament importanti li jistgħu jissodisfaw l-istess funzjonijiet. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Fl-ewwel lok, għandu jiġi vverifikat jekk il-Kunsill wettaqx żball ta’ evalwazzjoni meta kkunsidra li r-rikorrenti kienet istituzzjoni finanzjarja ta’ importanza sistemika li għandha rwol essenzjali fil-funzjonament tas-sistema finanzjarja Russa. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">F’dan ir-rigward, skont id-Dokument Nru 1 tal-ewwel fajl ta’ provi, ir-rikorrenti hija kkunsidrata bħala “komponent essenzjali tal-infrastruttura finanzjarja Russa”. Mid-dokument Nru 2 ta’ dan l-istess fajl isegwi li l-Bank Ċentrali tal-Federazzjoni Russa jqis li r-rikorrenti tikkostitwixxi “infrastruttura ta’ suq finanzjarju ta’ importanza sistematika: depożitarju ċentrali ta’ titoli ta’ importanza sistemika, depożitarju ta’ ħlas, parametru referenzjarju kummerċjali u reġistru tat-tranżazzjonijiet finanzjarji”. Barra minn hekk, fid-Dokument Nru 2 tal-ewwel fajl ta’ provi, huwa ppreċiżat li s-sistema ta’ pagament użata mir-rikorrenti hija ta’ importanza sistemika u nazzjonali. Din il-prova tirreferi wkoll għall-konnessjoni tar-rikorrenti mas-sistema finanzjarja internazzjonali peress li hija ppreżentata bħala li għandha kont ta’ titoli ma’ DCT oħra u ma’ DCT internazzjonali fi tmien pajjiżi, kontijiet ma’ banek depożitarji barranin kif ukoll kontijiet ta’ korrispondenti ma’ banek barranin u Russi kbar. Barra minn hekk, skont id-Dokument Nru 2 tal-ewwel fajl ta’ provi, fl‑2020, il-valur tal-attiv, li t-titoli tiegħu kienu miżmuma mir-rikorrenti, kien laħaq 63.6 biljuni rubil (jiġifieri madwar EUR 636 biljun). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Għandu jiġi rrilevat li d-Dokument Nru 7 tal-ewwel fajl ta’ provi jsemmi wkoll il-konnessjoni tar-rikorrenti mas-sistema finanzjarja internazzjonali u li d-Dokument Nru 8 ta’ dan il-fajl jikkonferma l-importanza tal-attiv, li t-titoli tiegħu huma miżmuma mar-rikorrenti, li kienu laħqu, fit-tieni trimestru tal‑2020, ammont ta’ 69.5 biljuni rubil (EUR 695 biljun). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Għalhekk, għandu jiġi kkonstatat li l-Kunsill kellu, sa mill-adozzjoni tal-atti inizjali, bażi fattwali suffiċjenti sabiex jikkunsidra li r-rikorrenti kienet istituzzjoni finanzjarja importanti għas-sistema finanzjarja Russa li għandha konnessjonijiet mas-sistema finanzjarja internazzjonali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Barra minn hekk, id-Dokument Nru 3 tat-tieni fajl ta’ provi jikkonferma, fl-istadju tal-adozzjoni tal-atti ta’ żamma ta’ Marzu 2023 u ta’ Settembru 2023, l-importanza tar-rikorrenti għas-sistema finanzjarja Russa peress li hija deskritta bħala li għandha “importanza kritika” bħala DCT u bħala li għandha “rwol eċċezzjonali fis-suq Russu tas-servizzi finanzjarji sabiex tiżgura l-funzjonament tajjeb tal-infrastruttura tas-suq”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">L-argumenti tar-rikorrenti ma humiex ta’ natura li jikkontestaw din il-konklużjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">L-ewwel, ir-rikorrenti tikkontesta l-importanza tad-DCT fis-sistema finanzjarja u r-rabtiet tagħhom mal-gvernijiet. Issa, mill-preċiżazzjonijiet mogħtija mill-Kunsill fin-noti tiegħu u mill-Kummissjoni matul is-seduta jsegwi li d-DCT huma kkunsidrati bħala entitajiet ta’ importanza sistemika li huma essenzjali b’mod partikolari għall-implimentazzjoni effikaċi tal-politika monetarja, għall-kredibbiltà ta’ programm ta’ ġestjoni tad-dejn pubbliku, għall-ġestjoni tal-garanziji kif ukoll għas-sigurtà u għall-effiċjenza tas-swieq tat-titoli. L-allegazzjonijiet tar-rikorrenti huma kontradetti mhux biss mid-dokumenti ta’ ħidma tal-Fond Monetarju Internazzjonali (Anness D.1 tal-kontroreplika), iżda wkoll mill-informazzjoni mill-Bundesbank (il-Bank Federali tal-Ġermanja) (Anness D.3 tal-kontroreplika) jew mill-Banka Slovenije (il-Bank Ċentrali tas-Slovenja) (Anness D.4 tal-kontroreplika). Għandu jiġi kkonstatat li r-rikorrenti ma pproduċiet ebda prova li tista’ tikkontesta l-affidabbiltà ta’ dawn il-provi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">It-tieni, fir-rigward tal-argument tar-rikorrenti intiż li jikkontesta l-importanza tas-sistema ta’ pagament li hija topera, għandu jiġi rrilevat li din tal-aħħar ma pproduċiet ebda prova li tippermetti li tiġi ssostanzjata l-affermazzjoni tagħha li, essenzjalment, is-sistema ta’ pagament tagħha ġiet irrikonoxxuta bħala ta’ importanza sistemika biss minħabba l-fatt li hija kienet tittratta tranżazzjonijiet ta’ pagament imwettqa fil-kuntest ta’ kummerċ organizzat. Fil-fatt, bħalma jirrileva ġustament il-Kunsill, l-Artikolu 22(1) tal-Liġi Federali Russa Nru 161‑FZ tas‑27 ta’ Ġunju 2011, dwar is-sistema ta’ pagament nazzjonali, ipprovdut mir-rikorrenti, jistabbilixxi l-kriterji sabiex tiġi indikata sistema ta’ pagament ta’ importanza sistemika, iżda ma jindikax li r-rikorrenti hija indikata bħala tali abbażi tal-kriterju dwar l-ipproċessar ta’ tranżazzjonijiet imwettqa fil-kuntest tal-kummerċ organizzat. Barra minn hekk, kuntrarjament għal dak li tallega r-rikorrenti, is-sistema ta’ pagament tagħha ma ġietx ikkunsidrata bħala ta’ importanza nazzjonali minħabba s-sempliċi fatt li l-infrastrutturi informatiċi li hija kienet tuża kienu jinsabu fir-Russja. Ċertament, skont l-Artikolu 22(13) tal-imsemmija liġi, moqri flimkien man-nota tal-Bank Ċentrali tal-Federazzjoni Russja tal‑25 ta’ Lulju 2014 dwar ir-rekwiżiti fil-qasam tat-teknoloġiji tal-informazzjoni użati mill-operaturi li joperaw servizzi ta’ pagament għall-finijiet tar-rikonoxximent bħala sistema ta’ pagament ta’ importanza nazzjonali, inkluża fil-fajl mir-rikorrenti, wieħed mill-kriterji sabiex tiġi rrikonoxxuta bħala istituzzjoni ta’ importanza nazzjonali huwa dovut għar-rekwiżit li l-infrastrutturi informatiċi għandhom ikunu jinsabu fir-Russja. Madankollu, din id-dispożizzjoni teżiġi wkoll li jiġi ssodisfatt kriterju ieħor relatat mad-dimostrazzjoni li l-Federazzjoni Russa, il-Bank Ċentrali tal-Federazzjoni Russa jew iċ-ċittadini tal-Federazzjoni Russa jikkontrollaw direttament jew indirettament l-operatur tas-sistema ta’ pagament u l-operaturi ta’ servizzi tal-infrastruttura ta’ pagament. Fi kwalunkwe każ, għandu jiġi kkonstatat li la l-Liġi Federali Russa Nru 161‑FZ tas‑27 ta’ Ġunju 2011 dwar is-sistema ta’ pagament nazzjonali u lanqas in-nota tal-Bank Ċentrali tal-Federazzjoni Russa msemmija iktar ’il fuq ma jistgħu jikkontestaw l-importanza tas-sistema ta’ pagament użata mir-rikorrenti jew il-fatt li din hija istituzzjoni finanzjarja ta’ importanza sistemika fir-Russja. Barra minn hekk, għandu jiġi rrilevat li mill-Anness C.6 tar-replika jsegwi li s-sistema ta’ pagament tar-rikorrenti hija użata b’mod partikolari mill-Bank Ċentrali tal-Federazzjoni Russa fil-kuntest tal-iffinanzjar mill-ġdid tal-istituzzjonijiet ta’ kreditu jew tat-tranżazzjonijiet ta’ “open market” li jippermettu li tiġi pprovduta jew ġestita l-likwidità fis-suq. Konsegwentement, ir-rikorrenti ma tistax issostni li s-sistema ta’ pagament li hija tuża hija irrilevanti, għaliex hija użata b’mod partikolari għall-implimentazzjoni tal-politika monetarja Russa. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Fir-rigward tal-argument tar-rikorrenti li l-għan li jiġi kompromess il-funzjonament tal-ekonomija Russa ma ntlaħaqx b’mod partikolari minħabba l-fatt li jeżistu 54 sistema ta’ pagament oħra li jistgħu jissodisfaw l-istess funzjonijiet bħal dawk li hija topera, għandu jiġi rrilevat li din tal-aħħar ma tipproduċi ebda prova tal-eżistenza ta’ dawn is-sistemi l-oħra ta’ pagament, u lanqas xi element li jippermetti li jiġi kkunsidrat li dawn huma sistemi ta’ pagament ta’ importanza sistemika. Barra minn hekk, l-allegat fatt li l-miżuri restrittivi ma laħqux l-għan tagħhom ma huwiex ta’ natura li jikkontesta l-konstatazzjoni li r-rikorrenti topera sistema ta’ pagament ta’ importanza sistemika. Fil-fatt, tali fatt ma għandux rabta mal-importanza sistemika tal-imsemmija sistema ta’ pagament. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">It-tielet, ir-rikorrenti ma tikkontestax li għandha konnessjonijiet mas-sistema finanzjarja internazzjonali, iżda ssostni li depożitarji oħra ta’ titoli Russi għandhom ukoll aċċess għas-sistema finanzjarja internazzjonali. B’mod partikolari, hija tirrileva li żewġ istituzzjonijiet finanzjarji oħra għandhom kontijiet ta’ titoli direttament ma’ Euroclear. Għaldaqstant, hija ssostni li l-Kunsill wettaq żball ta’ evalwazzjoni meta kkonstata fil-motivi ta’ inklużjoni li hija kienet tikkostitwixxi l-uniku depożitarju Russu li għandu aċċess għas-sistema finanzjarja internazzjonali. F’dan ir-rigward, għandu jiġi rrilevat li l-inklużjoni tar-rikorrenti fil-listi kkontestati hija ġġustifikata mir-rwol tagħha fil-funzjonament tas-sistema finanzjarja Russa, b’mod partikolari bħala depożitarju ċentrali ta’ titoli, u minħabba l-konnessjoni tagħha mas-sistema finanzjarja internazzjonali. Konsegwentement, anki jekk jitqies li l-Kunsill wettaq żball meta kkonstata li r-rikorrenti kienet l-unika depożitarja ta’ titoli fir-Russja li kellha konnessjoni mas-sistema finanzjarja internazzjonali, tali żball ma jistax, fih innifsu, jaffettwa l-legalità tal-atti kkontestati. Fil-fatt, iċ-ċirkustanza li jista’ jkun hemm depożitarji oħra ta’ titoli li għandhom aċċess għas-sistema finanzjarja internazzjonali ma jinvalidax il-konstatazzjoni li r-rikorrenti kienet l-uniku depożitarju ċentrali fir-Russja u li hija kellha rwol essenzjali fil-funzjonament tas-sistema finanzjarja Russa. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li r-rikorrenti ma wrietx li l-Kunsill kien wettaq żball ta’ evalwazzjoni meta kkonstata li hija kienet istituzzjoni finanzjarja ta’ importanza sistemika li għandha rwol essenzjali fil-funzjonament tas-sistema finanzjarja Russa. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Fit-tieni lok, għandu jiġi vverifikat jekk, fid-dawl tar-rwol importanti tar-rikorrenti fis-sistema finanzjarja Russa, il-Kunsill kienx żbaljat meta kkonstata li hija kienet tippermetti direttament jew indirettament lill-Gvern Russu jwettaq l-attivitajiet u l-politiki tiegħu u juża r-riżorsi tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">L-ewwel, mid-Dokument Nru 2 tal-ewwel proċess ta’ provi jsegwi li, fl‑2020, il-bonds maħruġa mill-Ministeru għall-Finanzi Russu kienu jirrappreżentaw sehem ta’ 22 % tal-assi kollha miżmuma mir-rikorrenti li b’hekk kienu jikkorrispondu għal ammont ta’ madwar 12.72 biljun rubil (jiġifieri madwar EUR 127.2 biljuni). Skont id-Dokument Nru 8 tal-istess fajl ta’ provi, fit-tieni simestru tal‑2021, il-valur tal-bilanċ tal-bonds federali miżmuma mir-rikorrenti kien żdied sabiex jilħaq 15.2 biljuni rubil (jiġifieri madwar EUR 152 biljun). Barra minn hekk, din tal-aħħar tiżgura l-ġestjoni tal-bonds federali peress li, bħalma jsegwi mid-Dokument Nru 11 tal-ewwel fajl ta’ provi, hija tirċievi ħlasijiet mill-Ministeru għall-Finanzi Russu sabiex tiżgura l-pagament tal-interessi lill-kredituri tal-bonds federali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Għalhekk, fir-rigward tal-atti inizjali, bl-ewwel fajl ta’ provi, il-Kunsill kellu bażi fattwali suffiċjenti sabiex jikkonstata li, mis-servizzi li hija kienet toffri lill-Gvern Russu bħala DCT fil-kuntest tal-ħruġ, tal-konservazzjoni u tal-ġestjoni tal-bonds federali, ir-rikorrenti kienet tippermettilu jwettaq l-attivitajiet u l-politiki tiegħu u juża r-riżorsi tiegħu. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">Din il-konklużjoni hija kkonfermata fl-istadju tal-adozzjoni tal-atti ta’ żamma ta’ Marzu 2023 u ta’ Settembru 2023. Fil-fatt, mid-Dokument Nru 2 tat-tieni fajl ta’ provi jsegwi li, fl-aħħar tas-sena 2021, il-valur tal-bilanċ tal-bonds federali miżmuma mir-rikorrenti kien laħaq 15.5 biljuni rubil (madwar EUR 155 biljun). Barra minn hekk, it-tieni fajl ta’ provi jinkludi dokumenti li jindikaw ammonti ta’ diversi biljuni ta’ rubil ittrasferiti lir-rikorrenti mill-Ministeru għall-Finanzi Russu sabiex jitħallsu l-kupuni fuq ċerti bonds, b’mod partikolari fuq l-Ewro-bonds “Russja‑2042” (Dokument Nru 5), kif ukoll fuq l-Ewrobonds li kellhom skadenzi fl‑2023 u fl‑2043 (Dokument Nru 8), fl‑2035 (Dokument Nru 9), kif ukoll fl‑2027 u fl‑2032 (Dokument Nru 10).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">L-argumenti tar-rikorrenti ma jistgħux jikkontestaw din il-konklużjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Qabelxejn, kuntrarjament għal dak li ssostni r-rikorrenti, il-fatt li hija ma takkwistax il-bonds maħruġa mill-Ministeru għall-Finanzi Russu f’isimha stess, iżda li hija taġixxi biss f’isem u fuq ordni ta’ klijenti, ma jikkontestax il-konstatazzjoni li, permezz tas-servizzi finanzjarji li hija toffri bħala DCT lill-Gvern tal-Federazzjoni Russa fil-kuntest tal-ħruġ tiegħu ta’ bonds, hija tikkontribwixxi, bħalma jsostnu ġustament il-Kunsill u l-Kummissjoni, għall-kredibbiltà tal-programm ta’ ġestjoni tad-dejn pubbliku. Għalhekk, permezz tar-rwol tagħha ta’ intermedjarju finanzjarju fil-kuntest tal-konservazzjoni u tal-ġestjoni tal-bonds federali, ir-rikorrenti tippermetti lill-Gvern Russu juża riżorsi finanzjarji. F’dan is-sens, għandu jitfakkar li, skont id-Dokument Nru 2 tal-ewwel fajl ta’ provi u d-Dokument Nru 2 tat-tieni fajl ta’ provi, ir-rikorrenti żżomm u tamministra ammont kwantitattivament sinjifikattiv ta’ bonds federali, li tagħhom hija tiżgura l-integrità u l-ħlas tal-kupuni lill-kredituri f’isem il-Gvern Russu. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Sussegwentement, għalkemm huwa minnu li fil-kuntest tal-ħruġ ta’ bonds tal-Ministeru għall-Finanzi Russu, ir-rikorrenti tipparteċipa fl-istanzi ta’ ħruġ imsemmija iktar ’il fuq flimkien ma’ istituzzjonijiet finanzjarji oħra u ma’ uffiċċji tal-avukati internazzjonali, għandu madankollu jittieħed inkunsiderazzjoni r-rwol kruċjali tas-servizzi li hija tipprovdi fil-kuntest tal-ġestjoni tad-dejn pubbliku tal-Federazzjoni Russa. Fil-fatt, il-monitoraġġ u ż-żamma tal-bonds federali kif ukoll l-involviment tar-rikorrenti fil-ħlas tal-interessi lill-kredituri jikkontribwixxu, bħalma ġie rrilevat fil-punt 98 iktar ’il fuq, għall-kredibbiltà tal-programm ta’ ġestjoni tad-dejn pubbliku, li jiddistingwiha mill-istituzzjonijiet finanzjarji l-oħra involuti fil-ħruġ tal-bonds federali. F’dan ir-rigward, fir-rigward tal-argument ibbażat fuq il-kwistjoni li l-Ministeru għall-Finanzi Russu jista’ joħroġ bonds billi jirrikorri għas-servizzi ta’ depożitarji oħra ta’ titoli Russi jew ta’ depożitarji ta’ titoli barranin, għandu jiġi kkonstatat li dan ma huwa sostnut minn ebda prova. Fi kwalunkwe każ, tali argument ma jistax jintlaqa’. Anki jekk jiġi preżunt li l-Gvern Russu jista’ jirrikorri għal operaturi oħra, dan is-sempliċi fatt ma huwiex ta’ natura li jikkontesta l-importanza miksuba mir-rikorrenti fil-kuntest tal-ħruġ u tal-ġestjoni tal-bonds federali peress li hija żammet fir-reġistri tagħha obbligi federali għal ammont ta’ diversi biljuni ta’ rubil, jiġifieri 15.5 biljuni rubil (jiġifieri madwar EUR 155 biljun) fl-aħħar tas-sena 2021. Barra minn hekk, mid-Dokument Nru 2 tal-ewwel fajl ta’ provi jsegwi li, fl‑2020, il-Gvern Russu kien irrikorra għas-servizzi tar-rikorrenti għall-ħruġ ta’ bonds federali għal ammont ta’ 4.7 biljuni rubil (jiġifieri madwar EUR 47 biljun). Skont id-Dokument Nru 2 tat-tieni fajl ta’ provi, bejn l‑2020 u l‑2021, l-ammont totali tal-bonds federali miżmuma mir-rikorrenti kien żdied bi 13.3 %. Issa, tali elementi kienu ta’ natura li jsostnu l-importanza tas-servizzi offruti mir-rikorrenti lill-Gvern Russu fil-kuntest tal-programm tiegħu ta’ ħruġ ta’ titoli ta’ dejn pubbliku. Barra minn hekk, iċ-ċirkustanza li r-rikorrenti, bħala DCT, ipprovdiet ukoll servizzi lil impriżi privati ma tikkontestax il-fatt li s-servizzi pprovduti lill-imsemmi Gvern fil-kuntest tal-amministrazzjoni tad-dejn pubbliku kienu jippermettu lil dan tal-aħħar li juża r-riżorsi tiegħu. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Fl-aħħar nett, fir-rigward tal-argument li jgħid li r-relazzjonijiet tar-rikorrenti mal-entitajiet marbuta mal-Gvern Russu jikkostitwixxu relazzjonijiet kummerċjali kompetittivi paragunabbli għar-relazzjonijiet mal-klijenti privati tagħha, hemm lok li jiġi rrilevat li, waħdu, tali fatt ma jistax jikkontesta l-importanza tas-servizzi offruti mir-rikorrenti fil-kuntest tal-ħruġ, taż-żamma u tal-ġestjoni tal-obbligi federali, peress li dan il-fatt ma huwiex relatat mal-importanza tal-imsemmija servizzi. Barra minn hekk, skont id-Dokument Nru 11 tal-ewwel fajl ta’ provi, fix-xahar ta’ Marzu 2022, ir-rikorrenti kienet informat lill-investituri li, konformement ma’ ordni tal-Bank Ċentrali tar-Russja, id-detenturi barranin ta’ bonds federali ma kinux għadhom awtorizzati jirċievu l-pagament tal-kupuni fuq l-imsemmija bonds. Għaldaqstant, peress li r-rikorrenti kellha tikkonforma ruħha mal-ordni tal-Bank Ċentrali, waqt l-adozzjoni tal-atti inizjali, il-Kunsill seta’ validament iqis li r-rikorrenti ma kinitx għadha topera f’kundizzjonijiet normali ta’ operat kummerċjali. Għandu jiġi rrilevat li r-rikorrenti ma tikkontestax dan il-fatt peress li, fl-osservazzjonijiet tagħha dwar in-nota ta’ intervent tal-Kummissjoni, hija kkonfermat li, fit‑28 ta’ Frar 2022, il-Bank Ċentrali tal-Federazzjoni Russa kien bagħat lid-depożitarji ta’ titoli ordni vinkolanti li talbithom jissospendu temporanjament it-tranżazzjonijiet intiżi sabiex jiġu ddebitati t-titoli ta’ emittenti Russi fuq il-kontijiet tat-titoli ta’ detenturi indikati barranin jew ta’ detenturi barranin. Minn dan isegwi li, sa mill-implimentazzjoni, mir-rikorrenti, tal-ordni tal-Bank Ċentrali tal-Federazzjoni Russa tat‑28 ta’ Frar 2022, din ma kinitx għadha fondata li ssostni li r-relazzjonijiet tagħha mal-entitajiet marbuta mal-Gvern Russu kienu relazzjonijiet kompetittivi paragunabbli għar-relazzjonijiet mal-klijenti privati tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">It-tieni, għandu jiġi rrilevat li, skont id-Dokument Nru 8 tal-ewwel fajl ta’ provi, it-Teżor Federali Russu uża l-Collateral Management System (is-Sistema ta’ ġestjoni tal-garanziji) tar-rikorrenti għall-investiment ta’ likwidità fil-kuntest ta’ tranżazzjonijiet ta’ pensjoni għal ammont li laħaq 40.8 biljuni rubil (jiġifieri madwar EUR 408 biljun) fl‑2021. Dan il-fatt huwa kkorroborat mid-Dokument Nru 2 tat-tieni fajl ta’ provi fil-kuntest tal-adozzjoni tal-atti ta’ żamma ta’ Marzu 2023. Bi tweġiba għal miżura ta’ organizzazzjoni tal-proċedura, ir-rikorrenti kkonfermat li t-Teżor Federali Russu kien juża s-sistema ta’ ġestjoni tal-garanziji tagħha. Fit-tweġiba tagħha, ir-rikorrenti għamlet riżerva intiża sabiex issostni li d-dokumenti prodotti mill-Kunsill ma humiex affidabbli. Issa, huwa biżżejjed li jiġi rrilevat li d-Dokument Nru 2 tat-tieni fajl ta’ provi huwa rapport tal-MOEX, jiġifieri l-kumpannija li għandha iktar minn 99 % tal-ishma tar-rikorrenti, b’tali mod li din tal-aħħar ma tistax issostni li l-informazzjoni inkluża fih ma hijiex affidabbli. Barra minn hekk, fir-rigward tal-indikazzjoni li t-Teżor Federali Russu juża s-sistema ta’ ġestjoni tal-garanziji tar-rikorrenti f’kundizzjonijiet kompetittivi paragunabbli għal dawk applikati għall-klijenti privati, għall-istess raġunijiet bħal dawk esposti fil-punt 100 iktar ’il fuq, ir-rikorrenti ma tistax tinvoka tali fatt sabiex tikkontesta l-importanza tas-servizzi li hija tipprovdi lill-Gvern Russu. Għalhekk, fid-dawl tal-ammont ta’ likwidità mqiegħda mit-Teżor Federali Russu billi uża s-sistema ta’ ġestjoni tal-garanziji tar-rikorrenti, il-Kunsill seta’ jikkunsidra, mingħajr ma jwettaq żball ta’ evalwazzjoni, li din tal-aħħar kienet tippermetti lill-Gvern Russu juża r-riżorsi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">It-tielet, mid-Dokument Nru 8 tal-ewwel fajl ta’ provi u mid-Dokument Nru 2 tat-tieni fajl ta’ provi jsegwi wkoll li l-Bank Ċentrali tal-Federazzjoni Russa uża s-sistema ta’ ġestjoni tal-garanziji tar-rikorrenti għal tranżazzjonijiet li laħqu l-ammont ta’ 2.3 biljuni rubil (jiġifieri madwar EUR 23 biljun) fl‑2021. Barra minn hekk, fid-Dokument Nru 8 tal-ewwel fajl ta’ provi, it-tranżazzjoni ta’ retroriakkwist tal-Bank Ċentrali tal-Federazzjoni Russa li jinvolvu l-użu ta’ servizzi finanzjarji pprovduti mir-rikorrenti huma deskritti bħala tranżazzjonijiet intiżi sabiex isostnu l-ekonomija nazzjonali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Barra minn hekk, bħalma jsegwi mill-punt 89 iktar ’il fuq, il-Bank Ċentrali tal-Federazzjoni Russa juża wkoll is-sistema ta’ ħlas tar-rikorrenti sabiex iwettaq tranżazzjonijiet ta’ politika monetarja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Issa, għandu jiġi kkonstatat, bħalma indikat il-Kummissjoni bi tweġiba għal mistoqsija tal-Qorti Ġenerali, li l-ġestjoni tal-likwidità hija komponent importanti tal-politika monetarja li għandha effett fuq il-prestazzjonijiet tal-ekonomija Russa u għalhekk indirettament fuq id-dħul tal-Federazzjoni Russa. Minn dan isegwi li s-servizzi pprovduti mir-rikorrenti lill-Bank Ċentrali tal-Federazzjoni Russa setgħu validament jitqiesu bħala li jippermettu indirettament lill-Gvern Russu juża r-riżorsi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Ir-raba’, bħalma jsostni ġustament il-Kunsill, fid-dawl tar-rwol importanti tar-rikorrenti fis-sistema finanzjarja Russa, li ssaħħaħ l-effikaċja tas-swieq finanzjarji, hija tikkontribwixxi sabiex tattira l-investimenti fir-Russja u b’dan il-mod tiffavorixxi t-tkabbir ekonomiku u, konsegwentement, hija tikkontribwixxi sabiex tippermetti indirettament lill-Gvern Russu juża r-riżorsi tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jiġi rrilevat li l-Kunsill ma wettaqx żball ta’ evalwazzjoni meta kkonstata li r-rikorrenti kienet tippermetti lill-Gvern Russu jwettaq l-attivitajiet u l-politiki tiegħu u juża r-riżorsi tiegħu. Fid-dawl tal-importanza tas-servizzi finanzjarji pprovduti mir-rikorrenti, kemm lill-imsemmi Gvern kif ukoll lill-Bank Ċentrali tal-Federazzjoni Russa u tal-kontribuzzjoni iktar ġenerali tagħha għall-funzjonament tajjeb tas-sistema finanzjarja Russa, għandu jiġi kkonstatat li l-Kunsill seta’ validament jikkunsidra li r-rikorrenti kienet tipprovdi appoġġ materjali jew finanzjarju sinjifikattiv, minn perspettiva kwantitattiva u kwalitattiva, lill-Gvern tal-Federazzjoni Russa li kien jippermettilu juża r-riżorsi finanzjarji tiegħu bl-għan li jkompli l-azzjonijiet tiegħu ta’ destabbilizzazzjoni tal-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Għaldaqstant, l-ewwel parti tat-tieni motiv għandha tiġi miċħuda </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">e)</p>
</td>
<td valign="top">
<p class="normal">Fuq it‑tieni parti tat‑tieni motiv, ibbażata fuq l‑aspett li r‑rikorrenti allegatament ma hijiex taħt il‑kontroll tal‑Gvern Russu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Ir-rikorrenti tikkontesta l-konstatazzjoni li hija kkontrollata mill-Gvern Russu. Hija ssostni li l-MOEX u hija stess huma entitajiet ġuridiċi distinti u li l-Kunsill ma stabbilixxiex li hija kienet ikkontrollata mill-MOEX. Barra minn hekk, ir-rikorrenti ssostni li l-imsemmi Gvern ma huwiex f’pożizzjoni li jeżerċita kontroll, la ta’ dritt u lanqas ta’ fatt, fuq il-MOEX. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Għandu jiġi rrilevat li l-kriterju tal-appoġġ materjali jew finanzjarju lill-Gvern, previst fl-Artikolu 2(1)(f) tad-Deċiżjoni 2014/145 emendata, ma jeħtieġx li jiġi stabbilit l-eżerċizzju ta’ kontroll mill-imsemmi Gvern fuq il-persuna, l-entità jew il-korp li jipprovdilu appoġġ. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">Għalhekk, peress li mill-eżami tal-ewwel parti jsegwi li l-Kunsill kellu bażi fattwali suffiċjenti u ma wettaqx żball ta’ evalwazzjoni meta kkonstata li r-rikorrenti kienet tipprovdi appoġġ materjali jew finanzjarju lill-Gvern tal-Federazzjoni Russa, il-konstatazzjoni li din tal-aħħar hija kkontrollata mill-imsemmi Gvern tikkostitwixxi element ta’ kuntest addizzjonali li ma jistax ikun ta’ natura determinanti sabiex jiġġustifika l-inklużjoni tagħha fil-listi kkontestati. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112</p>
</td>
<td valign="top">
<p class="normal">Minn dan jirriżulta li l-argumenti tar-rikorrenti intiżi sabiex jikkontestaw il-fondatezza ta’ din il-konstatazzjoni għandhom jiġu miċħuda bħala ineffettivi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113</p>
</td>
<td valign="top">
<p class="normal">Għaldaqstant, it-tieni parti tat-tieni motiv għandha tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">f)</p>
</td>
<td valign="top">
<p class="normal">Fuq it‑tielet parti tat‑tieni motiv, ibbażata fuq l‑assenza ta’ rabta suffiċjenti bejn ir‑rikorrenti u l‑Gvern Russu</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114</p>
</td>
<td valign="top">
<p class="normal">Ir-rikorrenti ssostni, essenzjalment, li l-atti kkontestati ma jurux kif il-miżuri restrittivi li hija s-suġġett tagħhom ittieħdu kontra l-Federazzjoni Russa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116</p>
</td>
<td valign="top">
<p class="normal">F’dan ir-rigward, għandu jiġi rrilevat li r-rikorrenti ġiet inkluża fil-listi kkontestati abbażi tal-kriterju ta’ appoġġ materjali jew finanzjarju lill-Gvern previst fl-Artikolu 2(1)(f) tad-Deċiżjoni 2014/145 emendata. Issa, mill-eżami tal-ewwel parti ta’ dan il-motiv jirriżulta li l-Kunsill kellu sensiela ta’ indizji suffiċjentement konkreti, preċiżi u konkordanti sabiex jiġġustifika l-inklużjoni tar-rikorrenti fl-imsemmija listi abbażi ta’ dan il-kriterju. Minn dan isegwi li l-Kunsill stabbilixxa rabta suffiċjenti bejn ir-rikorrenti u l-Federazzjoni Russa, u t-turija tal-eżistenza ta’ rabta addizzjonali li tmur lil hinn mill-appoġġ materjali jew finanzjarju previst mill-kriterju ta’ inklużjoni adottat fil-konfront tar-rikorrenti ma hijiex neċessarja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117</p>
</td>
<td valign="top">
<p class="normal">Għaldaqstant, it-tielet parti tat-tieni motiv għandha tiġi miċħuda. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118</p>
</td>
<td valign="top">
<p class="normal">Għaldaqstant, it-tieni motiv għandu jiġi miċħud u, fid-dawl tal-kunsiderazzjonijiet li jinsabu fil-punti 46 u 47 iktar ’il fuq, ir-raba’ motiv għandu jiġi miċħud kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Fuq it‑tielet motiv, ibbażat fuq ksur sproporzjonat tad-drittijiet fundamentali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119</p>
</td>
<td valign="top">
<p class="normal">Ir-rikorrenti ssostni li l-atti kkontestati jiksru l-libertà ta’ intrapriża tagħha u d-dritt għall-proprjetà tagħha ggarantiti mill-Artikoli 16 u 17 tal-Karta tad-Drittijiet Fundamentali. Hija tqis li l-atti kkontestati jipprekluduha milli teżerċita liberament attività ekonomika u milli tissodisfa l-obbligi tagħha lejn il-klijenti tagħha, u dan jippreġudika l-libertà ta’ intrapriża tagħha u d-dritt għall-proprjetà tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120</p>
</td>
<td valign="top">
<p class="normal">Barra minn hekk, ir-rikorrenti tqis li l-atti kkontestati ma josservawx il-kontenut essenzjali tad-drittijiet tagħha ggarantiti mill-Artikoli 16 u 17 tal-Karta. Hija tikkunsidra wkoll li l-miżuri inkwistjoni la huma xierqa u lanqas neċessarji sabiex jintlaħqu l-għanijiet imfittxija mill-Kunsill. Ir-rikorrenti ssostni wkoll li l-Kunsill ma weriex li l-miżuri restrittivi inkwistjoni kienu jikkostitwixxu l-miżura l-inqas restrittiva sabiex jintlaħaq l-għan imfittex u lanqas li ma setgħux jiġu adottati miżuri inqas restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121</p>
</td>
<td valign="top">
<p class="normal">Barra minn hekk, skont ir-rikorrenti, ma hemmx rabta suffiċjenti bejn il-miżuri restrittivi inkwistjoni u l-għanijiet imfittxija u ma jistax jiġi aċċettat li l-kumpanniji mhux ikkontrollati mill-Istat jistgħu jkunu milquta minn tali miżuri għas-sempliċi raġuni li huma jeżerċitaw l-attivitajiet tagħhom f’settur ekonomiku importanti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122</p>
</td>
<td valign="top">
<p class="normal">Ir-rikorrenti tinvoka wkoll li l-miżuri adottati fil-konfront tagħha jippreġudikaw id-drittijiet fundamentali tal-klijenti tagħha li ma jistgħux jiddisponu mit-titoli tagħhom, li hija għandha bħala fiduċjarja fuq il-kontijiet iffriżati tagħha ma’ depożitarji ta’ titoli stabbiliti fl-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124</p>
</td>
<td valign="top">
<p class="normal">Għandu jitfakkar li l-libertà ta’ intrapriża u d-dritt għall-proprjetà huma stabbiliti fl-Artikolu 16 u fl-Artikolu 17 tal-Karta, rispettivament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125</p>
</td>
<td valign="top">
<p class="normal">Għandu jitfakkar ukoll li d-drittijiet fundamentali invokati mir-rikorrenti ma jikkostitwixxux prerogattivi assoluti u li l-eżerċizzju tagħhom jista’ jkun suġġett għal restrizzjonijiet iġġustifikati mill-għanijiet ta’ interess ġenerali segwiti mill-Unjoni, sakemm tali restrizzjonijiet effettivament jilħqu l-imsemmija għanijiet ta’ interess ġenerali u ma jikkostitwixxux, fir-rigward tal-għan imfittex, intervent sproporzjonat u intollerabbli li jippreġudika s-sustanza stess tad-drittijiet hekk iggarantiti (sentenzi tat‑28 ta’ Marzu 2017, Rosneft, C‑72/15, EU:C:2017:236, punt 148, u tal‑25 ta’ Ġunju 2020, VTB Bank vs Il‑Kunsill, C‑729/18 P, mhux ippubblikata, EU:C:2020:499, punt 80).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126</p>
</td>
<td valign="top">
<p class="normal">Sabiex ikun konformi mad-dritt tal-Unjoni, ksur tad-drittijiet fundamentali inkwistjoni għandu jkun previst mil-liġi, jirrispetta l-kontenut essenzjali tal-imsemmija drittijiet, isegwi għan ta’ interess ġenerali, irrikonoxxut bħala tali mill-Unjoni, u ma jkunx sproporzjonat (ara s-sentenza tas‑27 ta’ Lulju 2022, RT France vs Il‑Kunsill, T‑125/22, EU:T:2022:483, punt 222 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127</p>
</td>
<td valign="top">
<p class="normal">Huwa fid-dawl ta’ dawn il-kunsiderazzjonijiet li għandu jiġi ddeterminat jekk l-atti kkontestati jikkostitwixxux ksur sproporzjonat tal-libertà ta’ intrapriża u tad-dritt għall-proprjetà. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128</p>
</td>
<td valign="top">
<p class="normal">Fl-ewwel lok, għandu jiġi eżaminat l-argument li permezz tiegħu r-rikorrenti ssostni li l-miżuri restrittivi meħuda fil-konfront tagħha wasslu għall-iffriżar ta’ fondi jew ta’ riżorsi ekonomiċi li jappartjenu lill-klijenti tagħha għal ammont ta’ madwar EUR 1 479 biljun, b’tali mod li l-imsemmija miżuri jiksru d-dritt għall-proprjetà tal-imsemmija klijenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129</p>
</td>
<td valign="top">
<p class="normal">F’dan ir-rigward, għandu jiġi rrilevat li r-rikorrenti ma tistax tinvoka, insostenn tar-rikors għal annullament tagħha, dritt għall-proprjetà li ma huwiex tagħha (ara, f’dan is-sens, is-sentenza tat‑22 ta’ Ġunju 2022, Anglo Austrian AAB u Belegging-Maatschappij “Far-East” vs BĊE, T‑797/19, taħt appell, EU:T:2022:389, punt 285). Fil-fatt, skont il-ġurisprudenza, il-ksur ta’ dritt suġġettiv jista’, bħala prinċipju, jiġi invokat biss mill-persuna li d-dritt tagħha allegatament inkiser u mhux minn terzi (ara, b’analoġija, is-sentenza tad‑19 ta’ Settembru 2019, Zhejiang Jndia Pipeline Industry vs Il‑Kummissjoni, T‑228/17, EU:T:2019:619, punt 36 u l-ġurisprudenza ċċitata). F’dan il-każ, bħalma rrikonoxxiet ir-rikorrenti waqt is-seduta, il-klijenti tagħha għandhom rimedji ġudizzjarji quddiem il-qrati nazzjonali, li quddiemhom huma jistgħu jinvokaw b’mod partikolari ksur tad-dritt għall-proprjetà tagħhom stabbilit fl-Artikolu 17 tal-Karta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130</p>
</td>
<td valign="top">
<p class="normal">Barra minn hekk, fir-rigward tal-argument tar-rikorrenti li d-deroga, li kienet prevista fl-Artikolu 2(15) tad-Deċiżjoni 2014/145 emendata u fl-Artikolu 6b(5) tar-Regolament Nru 269/2014 emendat, ma kinitx tippermetti lill-klijenti tagħha jiksbu r-rilaxx tal-fondi tagħhom jew tar-riżorsi ekonomiċi tagħhom minħabba n-nuqqas ta’ azzjoni tal-awtoritajiet nazzjonali jew minħabba kundizzjonijiet restrittivi wisq imposti mill-imsemmija awtoritajiet, għandu jiġi rrilevat li, permezz ta’ dan l-argument, ir-rikorrenti fir-realtà ma tikkontestax il-legalità tal-imsemmija deroga adottata mill-Kunsill, iżda l-legalità tal-miżuri adottati mill-awtoritajiet nazzjonali fil-kuntest tal-implimentazzjoni ta’ din id-dispożizzjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131</p>
</td>
<td valign="top">
<p class="normal">Issa, għandu jitfakkar li, skont ġurisprudenza stabbilita, fil-kuntest ta’ rikors għal annullament skont l-Artikolu 263 TFUE, il-Qorti Ġenerali ma għandhiex kompetenza sabiex teżerċita stħarriġ tal-legalità tad-deċiżjonijiet adottati mill-awtoritajiet nazzjonali jew ta’ sentenzi mogħtija mill-qrati nazzjonali (ara, f’dan is-sens, id-digrieti tal‑5 ta’ Ottubru 1983, Chatzidakis Nevas vs Caisse des juristes à Athènes, 142/83, EU:C:1983:267, punt 4, u tal‑24 ta’ Awwissu 2010, Grúas Abril Asistencia vs Il‑Kummissjoni, T‑386/09, mhux ippubblikat, EU:T:2010:331, punt 28). Fil-fatt, skont ġurisprudenza stabbilita sew, huma biss il-qrati nazzjonali kompetenti li għandhom jistħarrġu l-validità tal-miżuri nazzjonali ta’ implimentazzjoni tal-atti tal-Unjoni (ara, f’dan is-sens, is-sentenzi tal‑11 ta’ Lulju 1996, Branco vs Il‑Kummissjoni, T‑271/94, EU:T:1996:103, punt 53, u tal‑14 ta’ April 2016, Ben Ali vs Il‑Kunsill, T‑200/14, mhux ippubblikata, EU:T:2016:216, punt 268). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132</p>
</td>
<td valign="top">
<p class="normal">Barra minn hekk, għandu jitfakkar li, meta tiddeċiedi fuq talba għar-rilaxx ta’ fondi ffriżati konformement mad-derogi previsti mid-Deċiżjoni 2014/145 emendata u mir-Regolament Nru 269/2014 emendat, l-awtorità nazzjonali kompetenti tkun qiegħda timplimenta d-dritt tal-Unjoni. Minn dan isegwi li, fl-eżerċizzju tas-setgħa ta’ evalwazzjoni tagħha, hija obbligata tosserva l-Karta, konformement mal-Artikolu 51(1) tagħha (ara, f’dan is-sens, is-sentenzi tat‑12 ta’ Ġunju 2014, Peftiev, C‑314/13, EU:C:2014:1645, punt 24, u tal‑14 ta’ April 2016, Ben Ali vs Il‑Kunsill, T‑200/14, mhux ippubblikata, EU:T:2016:216, punt 266).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133</p>
</td>
<td valign="top">
<p class="normal">Minn dan jirriżulta li, għall-klijenti tar-rikorrenti li ma huma suġġetti għall-ebda miżura restrittiva u li l-fondi jew ir-riżorsi ekonomiċi tagħhom huma ffriżati minħabba miżuri restrittivi adottati fil-konfront tar-rikorrenti, fil-kuntest tal-eżami ta’ talba għar-rilaxx tal-imsemmija fondi jew tal-imsemmija riżorsi ekonomiċi, huma l-awtoritajiet nazzjonali li għandhom jiżguraw li l-indħil fid-dritt għall-proprjetà ta’ dawn il-klijenti josserva l-kundizzjonijiet previsti fl-Artikolu 52 tal-Karta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134</p>
</td>
<td valign="top">
<p class="normal">Fit-tieni lok, għandu jiġi rrilevat li l-libertà ta’ intrapriża tar-rikorrenti, l-istess bħad-dritt tagħha għall-proprjetà relatat mal-fondi proprji jew mar-riżorsi ekonomiċi li jappartjenu lilha ddepożitati ma’ istituzzjonijiet finanzjarji stabbiliti fl-Unjoni, huma ristretti mill-miżuri restrittivi li huma applikati għaliha. Għaldaqstant, għandu jiġi vverifikat jekk il-kundizzjonijiet sabiex jiġi ġġustifikat indħil fid-drittijiet fundamentali tagħha, imfakkra fil-punt 126 iktar ’il fuq, humiex issodisfatti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135</p>
</td>
<td valign="top">
<p class="normal">L-ewwel, għandu jiġi kkonstatat li l-miżuri restrittivi inkwistjoni huma previsti mil-liġi, peress li huma stabbiliti f’atti li għandhom, b’mod partikolari, portata ġenerali u li għandhom bażi legali ċara fid-dritt tal-Unjoni, jiġifieri fl-Artikolu 29 TUE u fl-Artikolu 215 TFUE, rispettivament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136</p>
</td>
<td valign="top">
<p class="normal">It-tieni, għandu jitfakkar li l-miżuri restrittivi adottati għandhom l-effett li jiffriżaw il-fondi proprji jew ir-riżorsi ekonomiċi li jappartjenu lir-rikorrenti b’mod kawtelatorju. Barra minn hekk, l-atti kkontestati japplikaw għal sitt xhur u huma suġġetti għal sorveljanza kostanti, bħalma huwa previst fl-Artikolu 6 tad-Deċiżjoni 2014/145. Peress li l-imsemmija miżuri huma temporanji u riversibbli, għandu jiġi kkunsidrat li dawn ma jippreġudikawx il-kontenut essenzjali tal-libertà ta’ intrapriża u tad-dritt għall-proprjetà tar-rikorrenti. Għandu jiġi kkonstatat li r-rikorrenti ma ressqet l-ebda argument li jista’ jikkontesta din il-konstatazzjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137</p>
</td>
<td valign="top">
<p class="normal">It-tielet, il-miżuri restrittivi inkwistjoni jissodisfaw għan ta’ interess ġenerali, irrikonoxxut bħala tali mill-Unjoni, ta’ natura li jiġġustifika konsegwenzi negattivi, anki kunsiderevoli, għal ċerti operaturi (ara, f’dan is-sens u b’analoġija, is-sentenza tat‑28 ta’ Marzu 2017, Rosneft, C‑72/15, EU:C:2017:236, punt 150). Fil-fatt, huma intiżi li jeżerċitaw pressjoni fuq l-awtoritajiet Russi sabiex dawn itemmu l-azzjonijiet u l-politiki tagħhom ta’ destabbilizzazzjoni tal-Ukraina. F’dan ir-rigward, fi Frar 2022, il-Kunsill xtaq idgħajjef strateġikament l-ekonomija Russa, minn naħa, billi jipprojbixxi b’mod partikolari l-finanzjament tal-Federazzjoni Russa, tal-Gvern tagħha u tal-Bank Ċentrali tagħha u, min-naħa l-oħra, billi japplika tali miżuri b’mod partikolari fil-qasam tal-finanzi, tad-difiża, u tal-enerġija. Barra minn hekk, mill-premessa 11 tad-Deċiżjoni 2022/329 isegwi li l-Kunsill qies li, fid-dawl tal-gravità tas-sitwazzjoni fl-Ukraina, il-kriterji ta’ klassifikazzjoni kellhom jiġu emendati. Għalhekk, jidher li l-Unjoni qiegħa tfittex li tnaqqas d-dħul tal-Istat Russu u li tqiegħed pressjoni fuq il-Gvern Russu, sabiex tnaqqas il-kapaċità tiegħu li jiffinanzja l-azzjonijiet tiegħu li jdgħajfu l-integrità territorjali, is-sovranità u l-indipendenza tal-Ukraina, u biex itemmhom bil-ħsieb li tiġi ppreservata l-istabbiltà Ewropea u globali. Issa, dan huwa għan li jaqa’ taħt dawk segwiti fil-kuntest tal-politika estera u ta’ sigurtà komuni msemmija fl-Artikolu 21(2)(b) u (ċ) TUE, bħaż-żamma tal-paċi, il-prevenzjoni tal-kunflitti u t-tisħiħ tas-sigurtà internazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138</p>
</td>
<td valign="top">
<p class="normal">Ir-raba’, għandu jiġi vverifikat jekk il-limitazzjoni tal-libertà ta’ intrapriża u tad-dritt għall-proprjetà tar-rikorrenti, relatat mal-fondi proprji jew mar-riżorsi ekonomiċi tagħha, hijiex proporzjonata mal-għan imfittex mill-miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139</p>
</td>
<td valign="top">
<p class="normal">Qabelxejn, fir-rigward tan-natura xierqa tal-miżuri restrittivi li jikkonċernaw lir-rikorrenti, għandu jiġi rrilevat li, fid-dawl tal-għanijiet ta’ interess ġenerali li huma daqstant fundamentali għall-komunità internazzjonali bħaż-żamma tal-paċi u tas-sigurtà internazzjonali, dawn il-miżuri ma jistgħux, bħala tali, jitqiesu bħala inadegwati (ara, f’dan is-sens u b’analoġija, is-sentenza tat‑2 ta’ Diċembru 2020, Kalai vs Il‑Kunsill, T‑178/19, mhux ippubblikata, EU:T:2020:580, punt 171 u l-ġurisprudenza ċċitata, u tat‑3 ta’ Frar 2021, Boshab vs Il‑Kunsill, T‑111/19, mhux ippubblikata, EU:T:2021:54, punt 150 u l-ġurisprudenza ċċitata). F’dan il-każ, ir-rikorrenti ma tistax issostni li l-miżuri restrittivi adottati kontriha ma humiex xierqa minħabba rabtiet insuffiċjenti mal-għan imfittex mill-atti kkontestati sa fejn hija ġiet inkluża fil-listi kkontestati minħabba li hija kienet teżerċita l-attivitajiet tagħha f’settur importanti tal-ekonomija Russa. Fil-fatt, peress li l-għan tal-atti kkontestati huwa li jitnaqqas id-dħul tal-Istat Russu u li titqiegħed pressjoni fuq il-Gvern Russu, sabiex titnaqqas il-kapaċità ta’ dan tal-aħħar li jiffinanzja l-azzjonijiet tiegħu li jdgħajfu l-integrità territorjali, is-sovranità u l-indipendenza tal-Ukraina, l-approċċ li jikkonsisti f’li jiġu mmirati l-operaturi ekonomiċi li, bħar-rikorrenti, jagħtu appoġġ materjali jew finanzjarju lill-Gvern Russu, jissodisfa b’mod koerenti l-imsemmi għan u ma jistax, konsegwentement, jitqies li ma huwiex xieraq fid-dawl tal-għan imfittex (ara, b’analoġija, is-sentenza tat‑28 ta’ Marzu 2017, Rosneft, C‑72/15, EU:C:2017:236, punt 147).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">140</p>
</td>
<td valign="top">
<p class="normal">Sussegwentement, f’dak li jirrigwarda n-natura neċessarja tal-miżuri restrittivi, għalkemm ir-rikorrenti ssostni li miżuri alternattivi inqas vinkolanti kienu jippermettu li jintlaħqu l-għanijiet imfittxija, għandu madankollu jiġi kkonstatat li hija ma tinvoka ebda miżura alternattiva inqas restrittiva u ma turix li l-Kunsill seta’ jikkunsidra li jadotta miżuri inqas vinkolanti daqstant xierqa bħal dawk previsti mill-atti kkontestati. Issa, bħalma jirrileva l-Kunsill, diġà ġie deċiż li miżuri alternattivi u inqas vinkolanti, bħal sistema ta’ awtorizzazzjoni minn qabel jew obbligu ta’ ġustifikazzjoni a posteriori tal-użu tal-fondi mħallsa, ma kinux jippermettu b’mod daqstant effettiv li jintlaħaq l-għan imfittex, b’mod partikolari fid-dawl tal-possibbiltà li jiġu evitati r-restrizzjonijiet imposti (sentenzi tat‑30 ta’ Novembru 2016, Rotenberg vs Il‑Kunsill, T‑720/14, EU:T:2016:689, punt 182, u tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 136).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">141</p>
</td>
<td valign="top">
<p class="normal">Fl-aħħar nett, l-ibbilanċjar tal-interessi inkwistjoni juri li l-inkonvenjenzi tal-miżuri restrittivi għar-rikorrenti ma humiex sproporzjonati fid-dawl tal-importanza primordjali taż-żamma tal-paċi u tas-sigurtà internazzjonali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">142</p>
</td>
<td valign="top">
<p class="normal">Fil-fatt, bħalma rrilevaw il-Kunsill u l-Kummissjoni, l-effetti tal-miżuri restrittivi huma limitati għat-territorju tal-Unjoni, b’tali mod li dawn jikkonċernaw l-iktar l-iktar parti biss mill-fondi proprji jew mir-riżorsi ekonomiċi li jappartjenu lir-rikorrenti u li ma jipprekludux lil din tal-aħħar milli teżerċita l-attivitajiet tagħha fil-pajjiż li hija stabbilita fih jew f’pajjiżi terzi oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">143</p>
</td>
<td valign="top">
<p class="normal">Għandu jiġi kkonstatat ukoll li, għalkemm huwa minnu li l-miżuri restrittivi jipprekludu lir-rikorrenti milli tuża l-fondi jew ir-riżorsi ekonomiċi li jappartjenu lilha, huma madankollu ma jċaħħduhiex mid-dritt li tiġbor, konformement mal-Artikolu 2(6)(a) tad-Deċiżjoni 2014/145 u mal-Artikolu 7(2)(a) tar-Regolament Nru 269/2014, l-interessi jew remunerazzjonijiet oħra tal-kontijiet iffriżati tagħha li fihom huma ddepożitati l-imsemmija fondi u l-imsemmija riżorsi, sakemm dawn l-interessi u remunerazzjonijiet oħra kollha huma ffriżati wkoll. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">144</p>
</td>
<td valign="top">
<p class="normal">Barra minn hekk, l-atti kkontestati jipprevedu derogi li jippermettu lill-awtoritajiet nazzjonali jawtorizzaw ir-rilaxx ta’ ċerti fondi jew ta’ ċerti riżorsi ekonomiċi. Fil-fatt, l-Artikolu 4(1) tar-Regolament Nru 269/2014 jipprevedi l-possibbiltà li jiġi awtorizzat l-użu ta’ fondi jew ta’ riżorsi ekonomiċi ffriżati sabiex jiġu ssodisfatti l-bżonnijiet essenzjali tal-persuni ġuridiċi, entitajiet jew korpi inklużi fil-listi kkontestati, għar-rimbors ta’ spejjeż sostnuti għal servizzi legali, għall-ħlas ta’ spejjeż jew ta’ kummissjonijiet marbuta mal-ħarsien jew mal-ġestjoni ta’ kuljum tal-fondi jew tar-riżorsi ffriżati kif ukoll sabiex jiġu koperti spejjeż straordinarji. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">145</p>
</td>
<td valign="top">
<p class="normal">Barra minn hekk, l-Artikolu 2(5) tad-Deċiżjoni 2014/145 u l-Artikolu 6(1) tar-Regolament Nru 269/2014 jipprevedu l-possibbiltà ta’ rilaxx ta’ ċerti fondi proprji jew ta’ ċerti riżorsi ekonomiċi ffriżati li jappartjenu lir-rikorrenti sabiex din tkun tista’ tagħmel pagament dovut taħt kuntratt jew ftehim konkluż qabel id-data tal-inklużjoni tagħha fil-listi kkontestati. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">146</p>
</td>
<td valign="top">
<p class="normal">Minn dan isegwi li l-indħil fil-libertà ta’ intrapriża u d-dritt għall-proprjetà tar-rikorrenti ma jistax jitqies li huwa sproporzjonat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">147</p>
</td>
<td valign="top">
<p class="normal">L-argumenti l-oħrajn tar-rikorrenti ma jistgħux jikkontestaw din il-konklużjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">148</p>
</td>
<td valign="top">
<p class="normal">L-ewwel, fir-rigward tal-argument ibbażat, essenzjalment, fuq l-aspett li l-preġudizzju għal-libertà ta’ intrapriża tar-rikorrenti huwa iktar u iktar importanti minħabba l-impossibbiltà allegata li tonora l-obbligi kuntrattwali tagħha fil-konfront tal-klijenti tagħha minħabba li d-derogi ma kinux jippermettulha tħallas lura lill-klijenti tagħha t-titoli tagħhom li hija kellha fil-kontijiet iffriżati tagħha, għandha tiġi eżaminata suċċessivament id-deroga prevista fl-Artikolu 2(5) tad-Deċiżjoni 2014/145 u fl-Artikolu 6(1) tar-Regolament Nru 269/2014 kif ukoll dik li kienet prevista fl-Artikolu 2(19) tad-Deċiżjoni 2014/145 emendata u fl-Artikolu 6b(5) tar-Regolament Nru 269/2014 emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">149</p>
</td>
<td valign="top">
<p class="normal">Minn naħa, għandu jiġi rrilevat li, skont id-deroga prevista fl-Artikolu 2(5) tad-Deċiżjoni 2014/145, li kienet applikabbli fil-mument tal-adozzjoni tal-atti inizjali, l-iffriżar ta’ fondi jew ta’ riżorsi ekonomiċi ta’ persuna, ta’ entità jew ta’ korp ma jipprojbixxix lil din il-persuna, entità jew korp milli twettaq pagament dovut taħt kuntratt konkluż qabel id-data li fiha din il-persuna, din l-entità jew dan il-korp ikunu ġew inklużi fil-lista li tinsab fl-anness ta’ dik id-deċiżjoni, minn meta l-Istat Membru kkonċernat ikun żgura ruħu li l-pagament ma jkunx irċevut, direttament jew indirettament, minn persuna fiżika jew ġuridika, entità jew korp inkluż fl-imsemmija lista. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">150</p>
</td>
<td valign="top">
<p class="normal">Għalhekk, konformement mal-Artikolu 6(1) tar-Regolament Nru 269/2014, l-awtoritajiet nazzjonali jistgħu jawtorizzaw ir-rilaxx ta’ ċerti fondi jew ta’ ċerti riżorsi ekonomiċi ffriżati ta’ persuna, ta’ entità jew ta’ korp bil-kundizzjoni li jistabbilixxu li, bħalma jsegwi mill-punt (a) ta’ din id-dispożizzjoni, dawn il-fondi jew dawn ir-riżorsi ekonomiċi ser jintużaw minn din il-persuna, din l-entità jew dan il-korp u li, bħalma jsegwi mill-punt (b) ta’ din l-istess dispożizzjoni, il-pagament li għandu jsir ma jiksirx il-projbizzjoni, prevista fl-Artikolu 2(2) tal-imsemmi regolament, li jitqiegħdu, direttament jew indirettament, fondi jew riżorsi ekonomiċi għad-dispożizzjoni ta’ persuni, ta’ entitajiet jew ta’ korpi inklużi fil-listi kkontestati jew ta’ persuni, ta’ entitajiet jew ta’ korpi assoċjati magħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">151</p>
</td>
<td valign="top">
<p class="normal">Għandu jiġi rrilevat li l-kunċett ta’ “fondi” huwa s-suġġett ta’ definizzjoni wiesgħa fl-Artikolu 1(g) tar-Regolament Nru 269/2014, sa fejn dan ikopri “assi finanzjarji u benefiċċji ta’ kull xorta”. L-istess japplika għal dak li jirrigwarda l-kunċett ta’ “riżorsi ekonomiċi”, iddefinit fl-Artikolu 1(d) tal-istess regolament, li jkopri “assi ta’ kwalunkwe tip, kemm dawk tanġibbli kif ukoll dawk intanġibbli, mobbli jew immobbli, li mhumiex fondi iżda jistgħu jintużaw biex jinkisbu fondi, oġġetti jew servizzi”. Peress li fondi jew riżorsi ekonomiċi jistgħu jiġu rrilaxxati sabiex persuna, entità jew korp ikunu jistgħu jagħmlu “pagament” abbażi ta’ kuntratt jew ta’ ftehim konkluż ma’ terz qabel l-inklużjoni fil-listi kkontestati, il-kunċett ta’ “pagament” għandu neċessarjament ikun suġġett għal interpretazzjoni wiesgħa u ma jistax jiġi limitat biss għall-pagamenti fil-forma ta’ trasferiment ta’ somma flus. Fil-fatt, bħalma rrilevat il-Kummissjoni waqt is-seduta, interpretazzjoni restrittiva tal-kunċett ta’ “pagament” tkun kontradittorja mal-possibbiltà li jiġu rrilaxxati fondi jew riżorsi ekonomiċi ddefiniti b’mod wiesa’ sabiex isir ħlas. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">152</p>
</td>
<td valign="top">
<p class="normal">Minn dan isegwi li, fil-mument tal-adozzjoni tal-atti inizjali, id-deroga prevista fl-Artikolu 2(5) tad-Deċiżjoni 2014/145 u fl-Artikolu 6(1) tar-Regolament Nru 269/2014 kienet tippermetti lill-awtoritajiet nazzjonali jawtorizzaw ir-rilaxx ta’ fondi jew ta’ riżorsi ekonomiċi tar-rikorrenti sabiex tkun tista’ tagħmel pagament fil-forma ta’ ħlas lura tat-titoli tal-klijenti tagħha li hija kellha fil-kontijiet iffriżati tagħha ma’ depożitarji ta’ titoli stabbiliti fl-Unjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">153</p>
</td>
<td valign="top">
<p class="normal">Kuntrarjament għal dak li jsostnu l-Kunsill u l-Kummissjoni, fil-kuntest tat-tranżazzjonijiet li għandhom jitwettqu mir-rikorrenti sabiex it-titoli li jappartjenu lill-klijenti tagħha jitqiegħdu għad-dispożizzjoni ta’ dawn tal-aħħar, skont id-deroga msemmija fil-punt 152 iktar ’il fuq, l-Artikolu 2(2) tar-Regolament Nru 269/2014 ma jipprekludix il-pagament, mill-imsemmija klijenti, ta’ kummissjonijiet jew ta’ spejjeż lir-rikorrenti sabiex hija twettaq l-imsemmija tranżazzjonijiet. Fil-fatt, il-possibbiltà għar-rikorrenti li tirċievi pagament bħala korrispettiv għal servizz mogħti fil-kuntest tal-eżekuzzjoni ta’ kuntratt jew ta’ ftehim, li ġie konkluż qabel l-inklużjoni tagħha fil-listi kkontestati, hija espressament prevista fl-Artikolu 7(2)(b) tar-Regolament Nru 269/2014, bil-kundizzjoni li dawn il-ħlasijiet magħmula mill-klijenti jiġu ffriżati konformement mal-Artikolu 2(1) tal-imsemmi regolament. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">154</p>
</td>
<td valign="top">
<p class="normal">Ċertament, l-Artikolu 6(1)(b) tar-Regolament Nru 269/2014, jipprevedi li l-pagament li għandu jsir mir-rikorrenti ma għandux jikser l-Artikolu 2(2) tal-istess regolament, jiġifieri l-projbizzjoni li jitqiegħdu, direttament jew indirettament, fondi jew riżorsi ekonomiċi għad-dispożizzjoni ta’ persuni, entitajiet jew korpi inklużi fil-lista li tinsab fl-Anness I tiegħu jew ta’ persuni, entitajiet jew korpi assoċjati magħhom. Madankollu, din il-projbizzjoni ma tkoprix il-pagamenti li jistgħu jsiru, mill-klijenti tar-rikorrenti, lil din tal-aħħar bħala korrispettiv għas-servizz mogħti għar-restituzzjoni tat-titoli tagħhom b’eżekuzzjoni ta’ kuntratt jew ta’ ftehim li ġie konkluż qabel l-inklużjoni tagħha fl-imsemmija lista. Din hija intiża li tipprojbixxi lir-rikorrenti milli tagħmel pagament, f’dan il-każ il-ħlas lura ta’ titolu, lil persuna suġġetta għal miżuri restrittivi. Fil-fatt, bħalma jsegwi mill-Artikolu 2(5) tad-Deċiżjoni 2014/145, li l-Artikolu 6(1)(b) tar-Regolament Nru 269/2014 għandu jiġi interpretat fid-dawl tiegħu (ara, f’dan is-sens, is-sentenza tat‑28 ta’ Marzu 2017, Rosneft, C‑72/15, EU:C:2017:236, punt 141), il-kundizzjoni prevista f’din id-dispożizzjoni tar-Regolament Nru 269/2014 tirrigwarda l-obbligu għall-awtoritajiet nazzjonali li jiżguraw li l-pagament imwettaq mir-rikorrenti ma jiġix irċevut, direttament jew indirettament, minn persuna, entità jew korp inkluż fil-listi kkontestati. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">155</p>
</td>
<td valign="top">
<p class="normal">Fir-rigward tal-argument ibbażat fuq in-nuqqas ta’ azzjoni tal-awtoritajiet nazzjonali wara t-talbiet tar-rikorrenti intiżi sabiex tintuża d-deroga prevista fl-Artikolu 2(5) tad-Deċiżjoni 2014/145 u fl-Artikolu 6(1) tar-Regolament Nru 269/2014, dan ma jistax jintlaqa’. Fil-fatt, bħalma tfakkar fil-punt 131 iktar ’il fuq, fil-kuntest tar-rikors għal annullament skont l-Artikolu 263 TFUE, il-Qorti Ġenerali ma għandhiex ġurisdizzjoni sabiex teżamina l-legalità tal-atti adottati mill-awtoritajiet nazzjonali fil-kuntest tal-implimentazzjoni tad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">156</p>
</td>
<td valign="top">
<p class="normal">Barra minn hekk, għandu jiġi rrilevat li, qabel l-adozzjoni tal-atti ta’ żamma ta’ Marzu 2023, permezz tal-adozzjoni tad-Deċiżjoni tal-Kunsill (PESK) 2022/1907 tas‑6 ta’ Ottubru 2022 li temenda d-Deċiżjoni 2014/145 (ĠU 2022, L 259 I, p. 98), u tar-Regolament tal-Kunsill (UE) 2022/1905 tas‑6 ta’ Ottubru 2022 li jemenda r-Regolament Nru 269/2014 (ĠU 2022, L 259 I, p. 76), ġiet introdotta deroga fl-Artikolu 2(19) tad-Deċiżjoni 2014/145 emendata u fl-Artikolu 6b(5) tar-Regolament Nru 269/2014 emendat, rispettivament, sabiex jiġi awtorizzat ir-rilaxx ta’ fondi jew ta’ riżorsi ekonomiċi ffriżati li jappartjenu lir-rikorrenti jew it-tqegħid għad-dispożizzjoni tagħha ta’ fondi jew ta’ riżorsi ekonomiċi sabiex jintemmu, sa mhux iktar tard mis‑7 ta’ Jannar 2023, it-tranżazzjonijiet, il-kuntratti jew il-ftehimiet l-oħra konklużi magħha jew li huma assoċjati magħha b’mod ieħor. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">157</p>
</td>
<td valign="top">
<p class="normal">Matul is-seduta, il-Kunsill indika li d-deroga msemmija fil-punt 156 iktar ’il fuq kienet ġiet introdotta sabiex jingħelbu d-diffikultajiet affaċċjati fl-implimentazzjoni tad-deroga prevista fl-Artikolu 2(5) tad-Deċiżjoni 2014/145 u fl-Artikolu 6(1) tar-Regolament Nru 269/2014 għat-tranżazzjonijiet intiżi sabiex jippermettu lir-rikorrenti tħallas lura lill-klijenti tagħha t-titoli tagħhom li hija kellha fil-kontijiet iffriżati tagħha ma’ depożitarji ta’ titoli stabbiliti fl-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">158</p>
</td>
<td valign="top">
<p class="normal">Mill-formulazzjoni tad-deroga prevista fl-Artikolu 2(19) tad-Deċiżjoni 2014/145 emendata u fl-Artikolu 6b(5) tar-Regolament Nru 269/2014 emendat isegwi li din tispeċifika l-kundizzjonijiet li fihom l-awtoritajiet nazzjonali jistgħu jawtorizzaw ir-rilaxx ta’ fondi jew ta’ riżorsi ekonomiċi tar-rikorrenti sabiex il-klijenti tagħha jkunu jistgħu jingħataw lura t-titoli tagħhom miżmuma fil-kontijiet iffriżati ta’ din tal-aħħar. F’dan ir-rigward, għandu jiġi rrilevat li r-rikorrenti ma tikkontestax il-legalità ta’ din id-deroga, iżda l-legalità tal-miżuri adottati mill-awtoritajiet nazzjonali fil-kuntest tal-implimentazzjoni tagħha. Fil-fatt, bħalma tfakkar fil-punt 131 iktar ’il fuq, fil-kuntest ta’ rikors għal annullament skont l-Artikolu 263 TFUE, il-Qorti Ġenerali ma għandhiex ġurisdizzjoni sabiex teżamina l-legalità tal-atti adottati mill-awtoritajiet nazzjonali sabiex tiżgura l-implimentazzjoni tad-dritt tal-Unjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">159</p>
</td>
<td valign="top">
<p class="normal">Barra minn hekk, għandu jiġi rrilevat li, bl-adozzjoni tad-Deċiżjoni tal-Kunsill (PESK) 2023/1218 tat‑23 ta’ Ġunju 2023 li temenda d-Deċiżjoni 2014/145 (ĠU 2023, L 159 I, p. 526), u tar-Regolament tal-Kunsill (UE) 2023/1215 tat‑23 ta’ Ġunju 2023 li jemenda r-Regolament Nru 269/2014 (ĠU 2023, L 159 I, p. 330), ġiet introdotta deroga addizzjonali fl-Artikolu 2(25) tad-Deċiżjoni 2014/145 emendata u fl-Artikolu 6b(5a) tar-Regolament Nru 269/2014 emendat, rispettivament. Konformement mal-Artikolu 2(25) tad-Deċiżjoni 2014/145 emendata, l-awtoritajiet nazzjonali setgħu, suġġett għall-osservanza ta’ ċerti kundizzjonijiet, jawtorizzaw il-konverżjoni, sa mhux iktar tard mill‑24 ta’ Diċembru 2023, minn ċittadini jew minn residenti ta’ Stat Membru jew minn entità stabbilita fl-Unjoni, ta’ ċertifikat ta’ ishma barranin b’titolu sottostanti Russu miżmuma mar-rikorrenti, għall-finijiet tal-bejgħ tat-titolu sottostanti u tat-tqegħid għad-dispożizzjoni ta’ fondi marbuta mal-konverżjoni taċ-ċertifikat ta’ ishma barranin u mal-bejgħ dirett jew indirett tat-titolu sottostanti tar-rikorrenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">160</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li, f’dak li jirrigwarda kemm l-atti inizjali kif ukoll l-atti ta’ żamma ta’ Marzu 2023 u ta’ Settembru 2023, ir-rikorrenti ma hijiex fondata ssostni eventwali ksur addizzjonali tal-libertà ta’ intrapriża tagħha bbażat fuq l-aspett li d-derogi previsti mid-Deċiżjoni 2014/145 u mir-Regolament Nru 269/2014 ma setgħux jippermettulha tirrestitwixxi t-titoli tal-klijenti tagħha, li hija kellha fil-kontijiet iffriżati tagħha ma’ depożitarji stabbiliti fl-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">161</p>
</td>
<td valign="top">
<p class="normal">It-tieni, ir-rikorrenti ma tistax issostni li l-applikazzjoni tal-miżuri restrittivi meħuda fil-konfront tagħha hija sproporzjonata minħabba li hija ma wettqet ebda ksur. Fil-fatt, għandu jitfakkar li l-miżuri restrittivi jikkostitwixxu miżuri preventivi mmirati, li huma intiżi b’mod partikolari, konformement mal-Artikolu 21(2)(c) TUE, għall-preżervazzjoni tal-paċi, għall-prevenzjoni tal-kunflitti u għat-tisħiħ tas-sigurtà internazzjonali. Barra minn hekk, id-dispożizzjonijiet tad-Deċiżjoni 2014/145 la huma intiżi li jissanzjonaw u lanqas li jipprekludu r-repetizzjoni ta’ kwalunkwe aġir. L-uniku għan ta’ dawn il-miżuri huwa li jiġu ppreżervati l-ishma miżmuma mill-persuni, mill-entitajiet u mill-korpi msemmija fl-Artikolu 2(1) tal-imsemmija deċiżjoni, konformement mal-għanijiet imsemmija fl-Artikolu 21(2)(ċ) TUE (ara, b’analoġija, is-sentenza tal‑15 ta’ Frar 2023, Belaeronavigatsia vs Il‑Kunsill, T‑536/21, EU:T:2023:66, punti 34 u 35). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">162</p>
</td>
<td valign="top">
<p class="normal">It-tielet, anki jekk jitqies li r-rikorrenti għandha l-intenzjoni li ssostni li, bl-adozzjoni tal-atti kkontestati, il-Kunsill daħal fuq il-kompetenzi tal-Unjoni fil-qasam tal-politika kummerċjali komuni, għandu jitfakkar li, sabiex jintlaħqu l-għanijiet imsemmija fl-Artikolu 21(2)(ċ) TUE, il-Kunsill għandu kompetenza, abbażi tad-dispożizzjonijiet tat-trattati dwar il-politika estera u ta’ sigurtà komuni, b’mod partikolari l-Artikolu 29 TUE u fl-Artikolu 215(2) TFUE, sabiex jadotta miżuri restrittivi fil-konfront ta’ persuni fiżiċi jew ġuridiċi, gruppi jew entitajiet mhux statali. Barra minn hekk, il-kompetenzi tal-Unjoni taħt il-politika estera u ta’ sigurtà komuni u taħt dispożizzjonijiet oħra tat-TFUE, bħal dawk li jaqgħu taħt il-politika kummerċjali komuni, ma jipprekludux lil xulxin, iżda jikkomplementaw lil xulxin, b’kull waħda minn dawn il-kompetenzi jkollha l-kamp ta’ applikazzjoni rispettiv tagħha u tkun intiża li tilħaq għanijiet differenti (ara, b’analoġija, is-sentenza tas‑27 ta’ Lulju 2022, RT France vs Il‑Kunsill, T‑125/22, EU:T:2022:483, punt 61). Issa, f’dan il-każ, l-għanijiet imfittxija mill-atti kkontestati ma jikkonċernawx il-politika kummerċjali komuni, iżda l-politika estera u ta’ sigurtà komuni. Għaldaqstant, ir-rikorrenti ma tistax issostni li l-Kunsill daħal fuq il-kompetenza tal-Unjoni fil-qasam tal-politika kummerċjali komuni meta adotta miżuri restrittivi fil-konfront tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">163</p>
</td>
<td valign="top">
<p class="normal">Għaldaqstant, it-tielet motiv għandu jiġi miċħud. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">164</p>
</td>
<td valign="top">
<p class="normal">Mill-kunsiderazzjonijiet preċedenti kollha jirriżulta li r-rikors għandu jiġi miċħud fl-intier tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">165</p>
</td>
<td valign="top">
<p class="normal">Skont l-Artikolu 134(1) tar-Regoli tal-Proċedura, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li r-rikorrenti tilfet, hemm lok li hija tiġi kkundannata tbati l-ispejjeż rispettivi tagħha kif ukoll dawk sostnuti mill-Kunsill, kif mitlub minn dan tal-aħħar. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">166</p>
</td>
<td valign="top">
<p class="normal">Skont l-Artikolu 138(1) tar-Regoli tal-Proċedura, l-istituzzjonijiet intervenjenti fil-kawża għandhom ibatu l-ispejjeż rispettivi tagħhom. F’dan il-każ, il-Kummissjoni għandha tbati l-ispejjeż rispettivi tagħha.</p>
</td>
</tr>
</table>
    <p class="C41DispositifIntroduction" id="para-228" title="page-34">
      Għal dawn il-motivi,
    </p>
    <p class="C19Centre" id="para-229" title="page-34">
      IL-QORTI ĠENERALI (L-Ewwel Awla Estiża)
    </p>
    <p class="C02AlineaAltA" id="para-230" title="page-34">
      taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Ir-rikors huwa miċħud. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">NKO AO National Settlement Depository (NSD) hija kkundannata għall-ispejjeż rispettivi tagħha kif ukoll għal dawk sostnuti mill-Kunsill tal-Unjoni Ewropea. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Il-Kummissjoni Ewropea għandha tbati l-ispejjeż rispettivi tagħha.</p>
</td>
</tr>
</table>
    <div class="signatures">
<p class="C77SignaturesComposition" id="para-234" title="page-34">
<span class="signatory">Spielmann</span>
<span class="signatory_separator"> </span>
<span class="signatory">Brkan</span>
<span class="signatory_separator"> </span>
<span class="signatory">Gâlea</span>
</p>
<p class="C77SignaturesComposition" id="para-235" title="page-34">
<span class="signatory">Tóth</span>
<span class="signatory_separator"> </span>
<span class="signatory_separator"> </span>
<span class="signatory">Kalėda</span>
</p>
<p class="C77SignaturesAlinea" id="para-236" title="page-34">
<span class="signatory">Mogħtija f’qorti bil-miftuħ fil-Lussemburgu, fil</span>
<span class="signatory">‑</span>
<span class="signatory">11</span>
<span class="signatory"> ta’</span>
<span class="signatory"> Settembru 2024.</span>
</p>
<p class="C77Signatures" id="para-237" title="page-34">
<span class="signatory">Firem</span>
</p>
</div>
    
    
    
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
