|
Il-Ġurnal Uffiċjali |
MT Serje L |
|
2024/566 |
15.2.2024 |
REGOLAMENT TA’ IMPLIMENTAZZJONI TAL-KUMMISSJONI (UE) 2024/566
tal-14 ta’ Frar 2024
li jemenda l-Anness VIII tar-Regolament ta’ Implimentazzjoni (UE) 2021/620 fir-rigward tal-approvazzjoni jew l-irtirar tal-istatus ta’ ħelsien mill-mard ta’ ċerti żoni tal-Ġermanja u ta’ Spanja fir-rigward tal-infezzjoni bil-virus tal-ilsien blu (is-serotipi 1–24) u l-approvazzjoni tal-estensjoni ta’ programm ta’ eradikazzjoni għall-infezzjoni b’dak il-virus
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 31(4), it-tieni subparagrafu, 36(4) u 42(4) tiegħu,
Billi:
|
(1) |
Ir-Regolament (UE) 2016/429 jistabbilixxi regoli speċifiċi għall-mard elenkat f’konformità mal-Artikolu 5(1) tiegħu, u kif dawk ir-regoli għandhom jiġu applikati għal kategoriji differenti ta’ mard elenkat. Barra minn hekk, jipprevedi li l-Istati Membri jistabbilixxu programmi ta’ eradikazzjoni obbligatorji għall-mard elenkat imsemmi fil-punt (b) tal-Artikolu 9(1) tiegħu, u għall-programmi ta’ eradikazzjoni fakultattivi għall-mard elenkat imsemmi fil-punt (c) tal-Artikolu 9(1) tiegħu, u għall-approvazzjoni ta’ tali programmi mill-Kummissjoni. Dak ir-Regolament jipprevedi wkoll li l-Kummissjoni tapprova jew tirtira l-istatus ta’ ħelsien mill-mard tal-Istati Membri jew taż-żoni jew tal-kompartimenti tagħhom rigward ċertu mard elenkat imsemmi fl-Artikolu 9(1), il-punti (b) u (c), tiegħu. |
|
(2) |
Ir-Regolament Delegat tal-Kummissjoni (UE) 2020/689 (2) jissupplimenta r-Regolament (UE) 2016/429 u jistabbilixxi l-kriterji għall-għoti, għaż-żamma, għas-sospensjoni u għall-irtirar tal-istatus ta’ ħelsien mill-mard għall-Istati Membri jew għaż-żoni jew għall-kompartimenti tagħhom, u r-rekwiżiti għall-approvazzjoni tal-programmi ta’ eradikazzjoni obbligatorji jew fakultattivi għall-Istati Membri jew għaż-żoni jew għall-kompartimenti tagħhom. |
|
(3) |
Ir-Regolament ta’ Implimentazzjoni tal-Kummissjoni (UE) 2021/620 (3) jistabbilixxi r-regoli ta’ implimentazzjoni għall-mard elenkat, imsemmi fil-punti (a), (b) u (c) tal-Artikolu 9(1) tar-Regolament (UE) 2016/429, tal-annimali, fir-rigward tal-istatus ta’ ħelsien mill-mard u tal-istatus ta’ mingħajr tilqim ta’ ċerti Stati Membri jew taż-żoni jew tal-kompartimenti tagħhom, u l-approvazzjoni ta’ programmi ta’ eradikazzjoni għal dak il-mard elenkat. B’mod aktar partikolari, jelenka fl-Annessi tiegħu, l-Istati Membri jew iż-żoni jew il-kompartimenti tagħhom bi status ta’ ħelsien mill-mard, u jelenka wkoll il-programmi ta’ eradikazzjoni obbligatorji jew fakultattivi approvati eżistenti. Is-sitwazzjoni epidemjoloġika li qed tinbidel fir-rigward tal-infezzjoni bil-virus tal-ilsien blu (serotipi 1–24) (BTV) f’ċerti Stati Membri tagħmilha neċessarja li jiġi emendat l-Anness VIII tar-Regolament ta’ Implimentazzjoni (UE) 2021/620 biex jirrifletti s-sitwazzjoni attwali. |
|
(4) |
Fir-rigward tal-infezzjoni bil-BTV, Spanja ppreżentat informazzjoni lill-Kummissjoni li turi li l-kundizzjonijiet għar-rikonoxximent tal-istatus ta’ ħelsien mill-mard mill-infezzjoni bil-BTV huma ssodisfati għall-Komunità Awtonoma tal-Gżejjer Baleariċi. Wara l-valutazzjoni mill-Kummissjoni, intwera li dik l-applikazzjoni tikkonforma mal-kriterji stipulati fil-Parti II, il-Kapitolu 4, tar-Regolament Delegat (UE) 2020/689 għall-għoti tal-istatus ta’ ħelsien mill-mard mill-infezzjoni bil-BTV. Għalhekk, jenħtieġ li dik iż-żona tiżdied mat-territorju ta’ Spanja li huwa elenkat bħala ħieles mill-infezzjoni bil-BTV, fil-Parti I tal-Anness VIII tar-Regolament ta’ Implimentazzjoni (UE) 2021/620, u jenħtieġ li titħassar mit-territorju ta’ Spanja li huwa elenkat bħala li għandu programm ta’ eradikazzjoni approvat għall-infezzjoni bil-BTV, fil-Parti II ta’ dak l-Anness VIII. |
|
(5) |
Fir-rigward tal-infezzjoni bil-BTV, il-Ġermanja nnotifikat lill-Kummissjoni dwar tifqigħa ta’ infezzjoni bis-serotip 3 tal-BTV li taffettwa l-istati tas-Sassonja t’Isfel u ta’ Bremen, u Spanja nnotifikat lill-Kummissjoni dwar diversi tifqigħat ta’ infezzjoni bis-serotip 4 tal-BTV fil-provinċja ta’ La Coruña u li jaffettaw ukoll il-provinċja ta’ Lugo fil-Komunità Awtonoma ta’ Galicia; fil-Komunità Awtonoma tal-Asturias u li jaffettwaw ukoll il-Komunità Awtonoma ta’ Cantabria; fil-Komunità ta’ Madrid u li jaffettwaw ukoll il-provinċja ta’ Ávila u l-muniċipalitajiet ta’ Cantalejo, Carbonero El Mayor, Santa María la Real de Nieva, Segovia u Villacastín fil-provinċja ta’ Segovia, fil-Komunità Awtonoma ta’ Castilla y León. Barra minn hekk, Spanja nnotifikat ukoll lill-Kummissjoni dwar diversi tifqigħat ta’ infezzjoni bis-serotip 4 tal-BTV fil-Komunità Awtonoma ta’ Murcia, u li jaffettwaw ukoll il-provinċji ta’ Almería u Granada fil-Komunità Awtonoma ta’ Andalusia. Peress li dawk l-istati fil-Ġermanja u dawk iż-żoni tal-komunitajiet awtonomi fi Spanja huma rikonoxxuti li għandhom status ta’ ħelsien mill-mard u huma elenkati fil-Parti I tal-Anness VIII tar-Regolament ta’ Implimentazzjoni (UE) 2021/620, tali status ta’ ħelsien mill-mard mill-infezzjoni bil-BTV jenħtieġ li jiġi rtirat, u l-entrati għall-Ġermanja u għal Spanja f’dik il-lista jenħtieġ li jiġu emendati skont dan. |
|
(6) |
Fir-rigward tal-infezzjoni bil-BTV, Spanja infurmat ukoll lill-Kummissjoni li estendiet il-kamp ta’ applikazzjoni territorjali tal-programm ta’ eradikazzjoni fakultattiv diġà approvat għaż-żona elenkata fil-Parti II tal-Anness VIII tar-Regolament ta’ Implimentazzjoni (UE) 2021/620 biż-żieda ta’ żona li tinkludi ċerti żoni tal-provinċja ta’ La Coruña, u l-provinċja ta’ Lugo fil-Komunità Awtonoma ta’ Galicia, il-Komunità Awtonoma tal-Asturias, il-Komunità Awtonoma ta’ Cantabria, ċerti żoni tal-Komunità ta’ Madrid, ċerti żoni tal-provinċja ta’ Ávila u tal-provinċja ta’ Segovia, fil-Komunità Awtonoma ta’ Castilla y León, il-provinċji ta’ Almería u Granada fil-Komunità Awtonoma ta’ Andalusia, u l-Komunità Awtonoma ta’ Murcia. Għalhekk, jenħtieġ li dawn iż-żoni jiżdiedu mal-entrata għal Spanja fil-Parti II tal-Anness VIII tar-Regolament ta’ Implimentazzjoni (UE) 2021/620, fiż-żona bi programm ta’ eradikazzjoni approvat għall-infezzjoni bil-BTV. |
|
(7) |
Għalhekk, jenħtieġ li l-Anness VIII tar-Regolament ta’ Implimentazzjoni (UE) 2021/620 jiġi emendat skont dan. |
|
(8) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness VIII tar-Regolament ta’ Implimentazzjoni (UE) 2021/620 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Frar 2024.
Għall-Kummissjoni
Il-President
Ursula VON DER LEYEN
(1) ĠU L 84, 31.3.2016, p. 1, ELI: http://data.europa.eu/eli/reg/2016/429/oj.
(2) Ir-Regolament Delegat tal-Kummissjoni (UE) 2020/689 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għas-sorveljanza, għall-programmi ta’ eradikazzjoni u għall-istat ta’ ħelsien mill-mard għal ċertu mard elenkat u emerġenti (ĠU L 174, 3.6.2020, p. 211, ELI: http://data.europa.eu/eli/reg_del/2020/689/oj).
(3) Ir-Regolament ta’ Implimentazzjoni tal-Kummissjoni (UE) 2021/620 tal-15 ta’ April 2021 li jistabbilixxi r-regoli għall-applikazzjoni tar-Regolament (UE) 2016/429 tal-Parlament Ewropew u tal-Kunsill rigward l-approvazzjoni tal-istatus ta’ ħelsien mill-mard u tal-istatus ta’ mingħajr tilqim ta’ ċerti Stati Membri jew taż-żoni jew il-kompartimenti tagħhom fir-rigward ta’ ċertu mard elenkat, u rigward l-approvazzjoni ta’ programmi ta’ eradikazzjoni għal dak il-mard elenkat (ĠU L 131, 16.4.2021, p. 78, ELI: http://data.europa.eu/eli/reg_impl/2021/620/oj).
ANNESS
L-Anness VIII tar-Regolament ta’ Implimentazzjoni (UE) 2021/620 huwa emendat kif ġej:
|
(1) |
Il-Parti I hija emendata kif ġej:
|
|
(2) |
il-Parti II hija sostitwita b’dan li ġej: “PARTI II L-Istati Membri jew iż-żoni tagħhom li għandhom programm ta’ eradikazzjoni approvat għall-infezzjoni bil-BTV
|
ELI: http://data.europa.eu/eli/reg_impl/2024/566/oj
ISSN 1977-074X (electronic edition)