|
Il-Ġurnal Uffiċjali |
MT Is-serje L |
|
2025/1236 |
20.6.2025 |
DEĊIŻJONI TAL-KUNSILL (PESK) 2025/1236
tas-16 ta’ Ġunju 2025
li taħtar il-Viċi President tal-Kumitat Militari tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 240 tiegħu,
Wara li kkunsidra d-Deċiżjoni tal-Kunsill 2001/79/PESK tat-22 ta’ Jannar 2001 li tistabbilixxi l-Kumitat Militari tal-Unjoni Ewropea (1),
Billi:
|
(1) |
Skont il-paragrafu 4 tal-Anness tad-Deċiżjoni 2001/79/PESK, meta jkun assenti, il-President tal-Kumitat Militari tal-Unjoni Ewropea (il-“Kumitat Militari”) irid jiġi sostitwit mill-Viċi President permanenti tal-Kumitat Militari tal-Unjoni Ewropea (il-“Viċi President”), jekk jiġi deċiż li tinħoloq u timtela din il-kariga. |
|
(2) |
Fil-15 ta’ Ottubru 2024, il-Kumitat Militari, imlaqqa’ fil-livell tal-Kapijiet tad-Difiża, qabel li joħloq il-kariga ta’ Viċi President. Jenħtieġ li l-Viċi President jinħatar mill-Kunsill fuq ir-rakkomandazzjoni tal-Kumitat Militari. |
|
(3) |
Fil-laqgħa tiegħu tat-30 ta’ April 2025, il-Kumitat Militari rrakkomanda li l-Maġġur Ġeneral Enrico BARDUANI jinħatar bħala l-Viċi President għal perjodu ta’ 3 snin, mill-1 ta’ Diċembru 2025 sat-30 ta’ Novembru 2028, |
ADOTTA DIN ID-DEĊIŻJONI:
Artikolu 1
Il-Maġġur Ġeneral Enrico BARDUANI huwa b’dan maħtur bħala l-Viċi President tal-Kumitat Militari tal-Unjoni Ewropea, għal perjodu ta’ 3 snin, mill-1 ta’ Diċembru 2025 sat-30 ta’ Novembru 2028.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, is-16 ta’ Ġunju 2025.
Għall-Kunsill
Il-President
P. HENNIG-KLOSKA
ELI: http://data.europa.eu/eli/dec/2025/1236/oj
ISSN 1977-074X (electronic edition)