<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2020-11-202011C118201900770-00-TRA-DOC-MT-ARRET-C-0077-19-202008919-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="27/11/2020 11:48:28" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="GDGDseYfb/R9PtPJJ0QcQYQH1QQWrmwcKqB1TmPtA8ryIKShIqNKQQ0qSejMMm4uAdns4l8vUDVJTuGsuqzPp2xfOlKhZwftzhsDcsUqp+JvVTNv9cjLVKt8RXOc5Vb6nkVJEAfc/0ETHrAVudFg4d/ENwgI9KI8OpsvsfZH8TA=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="zammijo" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0077" name="NumeroOrdre"/>
    <meta content="2019" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="zammijo" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 05/11/2020 07:38:53" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="24c439d5722d491183b11b1cef004c0a" name="DocumentIdentifier"/>
    <meta content="0077" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat-18.11.2020 – Kawża C‑77/19</div>
      <div id="rId21" style="default">Kaplan International Colleges UK</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (It-Tieni Awla)
    </p>
    <p class="C19Centre" id="para-2" title="page-1">
      18 ta’ Novembru 2020  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Tassazzjoni – Taxxa fuq il-valur miżjud (VAT) – Direttiva 2006/112/KE – Artikolu 132(1)(f) – Eżenzjoni ta’ provvista ta’ servizzi pprovduti minn gruppi awtonomi ta’ persuni lill-membri tagħhom – Applikabbiltà għall-gruppi VAT – Artikolu 11 – Grupp VAT”
    </p>
    <p class="C02AlineaAltA" id="para-4" title="page-1">
      Fil-Kawża C‑77/19,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-First-tier Tribunal (Tax Chamber) (il-Qorti tal-Ewwel Istanza (Awla Fiskali), ir-Renju Unit), permezz ta’ deċiżjoni tat-30 ta’ Jannar 2019, li waslet fil-Qorti tal-Ġustizzja fl-1 ta’ Frar 2019, fil-proċedura
    </p>
    <p class="C02AlineaAltA" id="para-6" title="page-1">
      Kaplan International Colleges UK Ltd
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      The Commissioners for her Majesty’s Revenue and Customs,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (It-Tieni Awla),
    </p>
    <p class="C02AlineaAltA" id="para-10" title="page-1">
      komposta minn A. Arabadjiev, President tal-Awla, K. Lenaerts, President tal-Qorti tal-Ġustizzja, li qiegħed jaġixxi bħala Mħallef tat-Tieni Awla, A. Kumin, T. von Danwitz u P. G. Xuereb (Relatur), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: J. Kokott,
    </p>
    <p class="C02AlineaAltA" id="para-12" title="page-1">
      Reġistratur: C. Strömholm, Amministratur,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub u wara s-seduta tat-23 ta’ Jannar 2020,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Kaplan International Colleges UK Ltd, minn R. Woolich u M. Murcia, solicitors, kif ukoll minn R. Hill, barrister,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern tar-Renju Unit, minn S. Brandon, J. Kraehling u Z. Lavery, bħala aġenti, assistiti minn O. Thomas, QC,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn A. Armenia u R. Lyal, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukat Ġenerali fis-seduta tat-23 ta’ April 2020,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 132(1)(f) tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60), kif emendata bid-Direttiva tal-Kunsill 2008/8/UE tat-12 ta’ Frar 2008 (ĠU 2010, L 44, p. 1) (iktar ’il quddiem id-“Direttiva 2006/112”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ kawża bejn Kaplan International Colleges UK Limited (iktar ’il quddiem “KIC”) u l-Commissioners for Her Majesty’s Revenue and Customs (l-Amministrazzjoni Fiskali u Doganali tar-Renju Unit, iktar ’il quddiem l-“Amministrazzjoni Fiskali”) dwar ir-rifjut ta’ din tal-aħħar li tagħtiha l-eżenzjoni mit-taxxa fuq il-valur miżjud (VAT) prevista favur gruppi indipendenti ta’ persuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 25 u 35 tad-Direttiva 2006/112 jipprovdu:</p>
</td>
</tr>
</table>
    <p class="C09Marge0avecretrait" id="para-26" title="page-1">
      “(25) L-ammont taxxabbli għandu jkun armonizzat biex l-applikazzjoni tal-VAT għal transazzjonijiet taxxabbli twassal għal riżultati komparabbli fl-Istati Membri kollha.
    </p>
    <p class="C09Marge0avecretrait" id="para-27" title="page-1">
      […]
    </p>
    <p class="C09Marge0avecretrait" id="para-28" title="page-1">
      (35) Għandha titfassal lista komuni ta’ eżenzjonijiet sabiex ir-riżorsi tal-Komunitajiet infushom ikunu jistgħu jinġabru b’mod uniformi fl-Istati Membri kollha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 2(1)(ċ) ta’ din id-direttiva jipprovdi:</p>
</td>
</tr>
</table>
    <p class="C02AlineaAltA" id="para-30" title="page-2">
      “1. It-transazzjonijiet li ġejjin għandhom ikunu soġġetti għall-VAT:
    </p>
    <p class="C02AlineaAltA" id="para-31" title="page-2">
      […]
    </p>
    <p class="C09Marge0avecretrait" id="para-32" title="page-2">
      (ċ) il-provvista ta’ servizzi bi ħlas fit-territorju ta’ Stat Membru minn persuna taxxabbli li taġixxi bħala tali”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-ewwel subparagrafu tal-Artikolu 9(1) tal-imsemmija direttiva jipprevedi:</p>
</td>
</tr>
</table>
    <p class="C02AlineaAltA" id="para-34" title="page-2">
      “‘Persuna taxxabbli’ għandha tfisser kull persuna li, b’mod indipendenti, twettaq fi kwalunkwe post kwalunkwe attività ekonomika, ikun x’ikun l-iskop jew ir-riżultati ta’ dik l-attività.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Skont l-Artikolu 11 tad-Direttiva 2006/112:</p>
</td>
</tr>
</table>
    <p class="C02AlineaAltA" id="para-36" title="page-2">
      “Wara konsultazzjoni mal-Kumitat Konsultattiv tal-VAT, kull Stat Membru jista’ jikkunsidra bħala persuna taxxabbli waħedha kwalunkwe persuni stabbiliti fit-territorju ta’ dak l-Istat Membru li, filwaqt li huma indipendenti legalment, ikollhom x’jaqsmu mill-qrib ma’ xulxin b’rabtiet finanzjarji, ekonomiċi u organizzattivi.
    </p>
    <p class="C02AlineaAltA" id="para-37" title="page-2">
      Stat Membru li jeżerċita l-għażla prevista fl-ewwel paragrafu, jista’ jadotta kwalunkwe miżura meħtieġa biex jimpedixxi l-evażjoni jew l-evitar tat-taxxa permezz ta’ l-użu ta’ din id-dispożizzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 131 ta’ din id-direttiva jistabbilixxi li:</p>
</td>
</tr>
</table>
    <p class="C02AlineaAltA" id="para-39" title="page-2">
      “L-eżenzjonijiet ipprovduti fil-Kapitoli 2 sa 9 għandhom japplikaw mingħajr preġudizzju għal disposizzjonijet oħrajn tal-Komunità skond kondizzjonijiet li l-Istati Membri għandhom jistabilixxu għall-finijiet li jiżguraw l-applikazzjoni korretta u ċara ta’ dawk l-eżenzjonijet u tal-prevenzjoni ta’ kawlunkwe evażjoni, evitar jew abbuż possibbli.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 132(1) tal-imsemmija direttiva jipprevedi:</p>
</td>
</tr>
</table>
    <p class="C02AlineaAltA" id="para-41" title="page-2">
      “L-Istati Membri għandhom jeżentaw it-transazzjonijiet li ġejjin:
    </p>
    <p class="C02AlineaAltA" id="para-42" title="page-2">
      […]
    </p>
    <p class="C09Marge0avecretrait" id="para-43" title="page-2">
      f) il-provvista ta’ servizzi minn gruppi ta’ persuni indipendenti, li qed iwettqu attività li hi eżenti mill-VAT jew għaliha mhumiex persuni taxxabbli, għall–finijiet li jagħtu lill-membri tagħhom is-servizzi meħtieġa direttament għall-eżerċizzju ta’ dik l-attività, fejn dawk il-gruppi kemm jitolbu mill-membri tagħhom ħlas lura eżatt tas-sehem tagħhom ta’ l-ispejjeż konġunti, sakemm tali eżenzjoni mhux probabbli li tikkawża distorsjoni tal-kompetizzjoni;
    </p>
    <p class="C02AlineaAltA" id="para-44" title="page-2">
      […]
    </p>
    <p class="C09Marge0avecretrait" id="para-45" title="page-3">
      (i) il-provvista ta’ edukazzjoni tat-tfal jew taż-żgħażagħ, edukazzjoni skolastika jew universitarja, taħriġ vokazzjonali jew taħriġ mill-ġdid, inkluża l-provvista ta’ servizzi u ta’ merkanzija li hija relatata mill-qrib magħhom, minn korpi [organi] regolati mid-dritt pubbliku li jkollhom dan bħala l-għan tagħhom jew minn organizzazzjonijiet [organi] oħrajn rikonoxxuti mill-Istat Membru konċernat bħala li għandhom [għanijiet] simili;
    </p>
    <p class="C02AlineaAltA" id="para-46" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tar-Renju Unit</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Il-Grupp 16 tal-Anness 9 tal-Value Added Tax Act 1994 (il-Liġi tal-1994 dwar it-Taxxa fuq il-Valur Miżjud, iktar ’il quddiem il-“Liġi tal-1994”), li permezz tagħha l-Artikolu 132(1)(f) tad-Direttiva 2006/112 ġie traspost fid-dritt intern, jipprovdi li huma eżentati:</p>
</td>
</tr>
</table>
    <p class="C02AlineaAltA" id="para-49" title="page-3">
      “[…]
    </p>
    <p class="C09Marge0avecretrait" id="para-50" title="page-3">
      1 Is-servizzi pprovduti minn grupp awtonomu ta’ persuni meta tiġi ssodisfatta kull waħda mill-kundizzjonijiet li ġejjin:
    </p>
    <p class="C11Marge1avecretrait" id="para-51" title="page-3">
      (a) kull waħda minn dawn il-persuni hija persuna li teżerċita attività (l-‘attività rilevanti’) li hija eżentata mill-VAT jew li fir-rigward tagħha ma hijiex persuna taxxabbli skont l-Artikolu 9 tad-Direttiva [2006/112],
    </p>
    <p class="C11Marge1avecretrait" id="para-52" title="page-3">
      (b) is-servizzi huma pprovduti lill-membri tal-grupp għall-bżonnijiet diretti tal-eżerċizzju tal-attività rilevanti,
    </p>
    <p class="C11Marge1avecretrait" id="para-53" title="page-3">
      (c) il-grupp jillimita ruħu li jitlob mill-membri tiegħu r-rimbors eżatt tas-sehem rispettiv tagħhom fl-ispejjeż konġunti, u
    </p>
    <p class="C11Marge1avecretrait" id="para-54" title="page-3">
      (d) l-eżenzjoni tal-provvista ma hijiex mistennija li twassal għal distorsjoni tal-kompetizzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-Grupp 6 tal-Anness 9 tal-Liġi tal-1994 jipprovdi għall-eżenzjoni tas-servizzi ta’ tagħlim.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 7A ta’ din il-liġi, intitolat “Post tal-provvista ta’ servizzi”, jipprovdi:</p>
</td>
</tr>
</table>
    <p class="C09Marge0avecretrait" id="para-57" title="page-3">
      “(1) Dan l-artikolu japplika sabiex jiġi ddeterminat, għall-finijiet ta’ din il-liġi, il-pajjiż li fih jiġu pprovduti s-servizzi.
    </p>
    <p class="C09Marge0avecretrait" id="para-58" title="page-3">
      (2) Provvista ta’ servizz għandha titqies li seħħet —
    </p>
    <p class="C11Marge1avecretrait" id="para-59" title="page-3">
      (a) fil-pajjiż fejn il-benefiċjarju tas-servizzi huwa stabbilit meta dan huwa professjonist rilevanti, u,
    </p>
    <p class="C11Marge1avecretrait" id="para-60" title="page-4">
      (b) fil-każijiet l-oħra, fil-pajjiż fejn huwa stabbilit il-fornitur.
    </p>
    <p class="C09Marge0avecretrait" id="para-61" title="page-4">
      (3) Il-post tal-provvista ta’ dritt għall-provvista ta’ servizzi għandu jitqies li huwa l-post fejn il-provvisti ta’ servizzi jkunu kkunsidrati bħala mwettqa jekk jiġu pprovduti mill-fornitur tad-dritt lill-benefiċjarju ta’ dan id-dritt (irrispettivament minn jekk dan id-dritt ikunx eżerċitat jew le), u, għal dan il-għan, dritt għal provvista ta’ servizzi jinkludi kull dritt, għażla jew prijorità li jikkonċerna l-provvista ta’ servizzi kif ukoll dritt li jirriżulta minn dritt għall-provvista ta’ servizzi.
    </p>
    <p class="C09Marge0avecretrait" id="para-62" title="page-4">
      (4) Għall-finijiet ta’ din il-liġi, persuna hija professjonist rilevanti fir-rigward ta’ provvista ta’ servizzi jekk din il-persuna:
    </p>
    <p class="C11Marge1avecretrait" id="para-63" title="page-4">
      (a) hija persuna taxxabbli fis-sens tal-Artikolu 9 tad-Direttiva [2006/112],
    </p>
    <p class="C11Marge1avecretrait" id="para-64" title="page-4">
      (b) hija rreġistrata fir-reġistru skont id-dispożizzjonijiet ta’ din il-liġi,
    </p>
    <p class="C11Marge1avecretrait" id="para-65" title="page-4">
      (c) tkun identifikata għall-finijiet tal-VAT skont il-leġiżlazzjoni ta’ Stat Membru li ma huwiex ir-Renju Unit, […]
    </p>
    <p class="C10Marge1" id="para-66" title="page-4">
      […]
    </p>
    <p class="C02AlineaAltA" id="para-67" title="page-4">
      u jekk is-servizzi ma humiex ipprovduti lil din il-persuna għal finijiet esklużivament privati.
    </p>
    <p class="C02AlineaAltA" id="para-68" title="page-4">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-Artikolu 8 tal-imsemmija liġi, li jipprevedi l-mekkaniżmu ta’ awtolikwidazzjoni, jipprovdi:</p>
</td>
</tr>
</table>
    <p class="C09Marge0avecretrait" id="para-70" title="page-4">
      “(1) Meta s-servizzi huma pprovduti minn persuna stabbilita f’pajjiż li ma huwiex ir-Renju Unit fil-każijiet fejn japplika dan il-paragrafu, din il-liġi tipproduċi l-effetti tagħha bħallikieku (minflok ma jkollha provvista ta’ servizzi pprovduta minn din il-persuna)
    </p>
    <p class="C11Marge1avecretrait" id="para-71" title="page-4">
      (a) provvista ta’ servizzi kienet ipprovduta mill-benefiċjarju fir-Renju Unit matul jew għall-finijiet tal-attività ekonomika tiegħu, u
    </p>
    <p class="C11Marge1avecretrait" id="para-72" title="page-4">
      (b) dik il-provvista kienet provvista taxxabbli.
    </p>
    <p class="C02AlineaAltA" id="para-73" title="page-4">
      (2) Il-paragrafu (1) iktar ’il fuq japplika jekk
    </p>
    <p class="C11Marge1avecretrait" id="para-74" title="page-4">
      (a) il-benefiċjarju huwa professjonist rilevanti stabbilit fir-Renju Unit, u
    </p>
    <p class="C11Marge1avecretrait" id="para-75" title="page-4">
      (b) il-post tal-provvista tas-servizzi jkun jinsab fit-territorju tar-Renju Unit u, meta l-provvista ta’ servizzi taqa’ taħt il-partijiet 1 jew 2 tal-Anness 4A, il-benefiċjarju jiġi rreġistrat fir-reġistru skont din il-liġi.
    </p>
    <p class="C09Marge0avecretrait" id="para-76" title="page-5">
      (3) Is-servizzi li huma kkunsidrati bħala mwettqa mill-benefiċjarju skont il-paragrafu 1 iktar ’il fuq ma għandhomx jittieħdu inkunsiderazzjoni bħala provvista mwettqa minn dan tal-aħħar sabiex jiġi ddeterminat id-dritt tiegħu għat-tnaqqis tat-taxxa tal-input imħallsa b’applikazzjoni tal-Artikolu 26(1).
    </p>
    <p class="C09Marge0avecretrait" id="para-77" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fir-rigward tal-kunċett ta’ grupp ta’ persuni li jistgħu jitqiesu bħala persuna taxxabbli waħda għall-VAT (iktar ’il quddiem il-“grupp VAT”), ir-Renju Unit, bl-eżerċizzju tal-possibbiltà prevista fl-Artikolu 11 tad-Direttiva 2006/112, adotta l-Artikolu 43 tal-Liġi tal-1994 li jipprovdi:</p>
</td>
</tr>
</table>
    <p class="C09Marge0avecretrait" id="para-79" title="page-5">
      “(1) Jekk persuni ġuridiċi jitqiesu bħala membri ta’ grupp [skont l-Artikoli 43A sa 43D], kull attività kummerċjali ta’ membru tal-grupp għandha titqies li hija mwettqa mill-membru rappreżentattiv u
    </p>
    <p class="C11Marge1avecretrait" id="para-80" title="page-5">
      (a) hija eskluża kull kunsinna ta’ merkanzija jew servizzi minn membru tal-grupp lil membru ieħor tal-grupp; u
    </p>
    <p class="C11Marge1avecretrait" id="para-81" title="page-5">
      (b) kull kunsinna li għaliha ma japplikax il-punt (a) u li hija kunsinna ta’ merkanzija jew servizzi mwettqa minn jew għal membru tal-grupp għandha titqies bħala kunsinna mwettqa minn jew għall-membru rappreżentattiv; u
    </p>
    <p class="C11Marge1avecretrait" id="para-82" title="page-5">
      (c) il-VAT imħallsa jew li għandha titħallas minn membru tal-grupp mal-akkwist ta’ merkanzija minn Stat Membru ieħor jew mal-importazzjoni ta’ merkanzija minn post li ma jinsabx fl-Istati Membri għandha titqies li tħallset jew li għandha titħallas mill-membru rappreżentattiv u l-merkanzija għandha,
    </p>
    <p class="C14Marge2avecretrait" id="para-83" title="page-5">
      (i) fil-każ ta’ akkwist ta’ din il-merkanzija minn Stat Membru ieħor, għall-finijiet tal-Artikolu 73(7); u
    </p>
    <p class="C14Marge2avecretrait" id="para-84" title="page-5">
      (ii) fil-każ tal-importazzjoni tagħha minn post li ma jinsabx fl-Istati Membri għal dawn il-finijiet u għall-finijiet tal-Artikolu 38,
    </p>
    <p class="C13Marge2" id="para-85" title="page-5">
      titqies bħala akkwistata jew importata mill-membru rappreżentattiv, bil-kundizzjoni li l-membri kollha tal-grupp huma responsabbli in solidum għall-VAT dovuta mill-membru rappreżentattiv.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Skont l-Artikolu 43(1AA) ta’ din il-liġi, meta:</p>
</td>
</tr>
</table>
    <p class="C09Marge0avecretrait" id="para-87" title="page-5">
      “(a) għall-finijiet ta’ dispożizzjoni adottata f’din il-liġi jew bis-saħħa tagħha (iktar ’il quddiem id-‘dispożizzjoni rilevanti’), huwa rilevanti jekk il-persuna li tagħmel jew li tirċievi l-kunsinna jew il-persuna li takkwista jew li timporta l-merkanzija, hijiex persuna b’deskrizzjoni partikolari,
    </p>
    <p class="C09Marge0avecretrait" id="para-88" title="page-6">
      (b) il-punti (b) jew (c) tal-paragrafu 1 iktar ’il fuq ikunu japplikaw għal kunsinna, akkwist jew importazzjoni, u
    </p>
    <p class="C09Marge0avecretrait" id="para-89" title="page-6">
      (c) jekk teżisti differenza li tkun rilevanti għall-finijiet tad-dispożizzjoni rilevanti, bejn
    </p>
    <p class="C11Marge1avecretrait" id="para-90" title="page-6">
      (i) id-deskrizzjoni applikabbli għall-membru rappreżentattiv, u
    </p>
    <p class="C11Marge1avecretrait" id="para-91" title="page-6">
      (ii) id-deskrizzjoni applikabbli għall-persuna ġuridika li (minbarra dan l-artikolu) għandha titqies bħala l-persuna responsabbli għall-kunsinna, għall-akkwist jew għall-importazzjoni għall-finijiet ta’ din il-liġi, jew inkella bħala l-persuna li tirċievi l-kunsinna,
    </p>
    <p class="C02AlineaAltA" id="para-92" title="page-6">
      id-dispożizzjoni rilevanti għandha tapplika għal din il-kunsinna, għal dan l-akkwist jew għal din l-importazzjoni, bħallikieku l-unika deskrizzjoni applikabbli għall-membru rappreżentattiv kienet id-deskrizzjoni effettivament applikabbli għal din il-persuna ġuridika.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 43(1AB) tal-imsemmija liġi jipprevedi:</p>
</td>
</tr>
</table>
    <p class="C02AlineaAltA" id="para-94" title="page-6">
      “Il-paragrafu (1AA) ta’ dan l-artikolu ma huwiex intiż li japplika sa fejn, għall-finijiet tad-dispożizzjoni rilevanti, għandu jkun magħruf jekk persuna hijiex persuna taxxabbli”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">KIC hija l-kumpannija holding tal-grupp Kaplan, li tipprovdi servizzi ta’ tagħlim u ta’ żvilupp tal-karrieri. Dan il-grupp għandu disa’ sussidjarji, li huma kollha stabbiliti fir-Renju Unit (iktar ’il quddiem l-“istabbilimenti Kaplan”), fejn kull waħda minnhom tmexxi stabbiliment ta’ edukazzjoni ogħla fir-Renju Unit (iktar ’il quddiem l-“istabbilimenti internazzjonali”), fil-kuntest ta’ kooperazzjoni ma’ università Brittanika waħda jew iktar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">L-istabbilimenti Kaplan jibbenefikaw, għas-servizzi ta’ tagħlim li huma jipprovdu lill-istudenti, mill-eżenzjoni mill-VAT prevista fl-Artikolu 132(1)(i) tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fost l-istabbilimenti internazzjonali, tmienja huma miżmuma 100 % minn KIC. L-aħħar stabbiliment, il-University of York International Pathway College (iktar ’il quddiem l-“UYIPC”) huwa miżmum 55 % mill-Università ta’ York (ir-Renju Unit) u 45 % minn KIC.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Barra minn hekk, KIC hija l-membru rappreżentattiv ta’ grupp VAT li kull stabbiliment Kaplan jagħmel parti minnu, bl-eċċezzjoni tal-University of York International Pathway College, sa fejn din tal-aħħar ma hijiex sussidjarja 100 % jew maġġoritarja ta’ KIC.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Kull stabbiliment internazzjonali għandu struttura amministrattiva u governanza proprja li hija magħmula minn rappreżentanti tal-istabbiliment Kaplan u l-università kkonċernata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Qabel ix-xahar ta’ Ottubru 2014, ġew konklużi kuntratti bejn l-aġenti edukattivi ta’ reklutaġġ tal-istabbilimenti Kaplan u KIC fir-Renju Unit, u din il-kumpannija tal-aħħar kienet, b’hekk, direttament f’kuntatt ma’ dawn l-aġenti, sabiex tirrekluta barra mill-pajjiż studenti għall-istabbilimenti internazzjonali. L-imsemmija aġenti kienu jibbenefikaw mill-għajnuna ta’ uffiċċji ta’ rappreżentanza, li kienu jipprovdulhom sostenn operattiv u li kienu jinsabu fis-swieq prinċipali kkonċernati, jiġifieri ċ-Ċina, Hong Kong, l-Indja u n-Niġerja. Dawn l-uffiċċji ta’ rappreżentanza kienu membri tal-grupp Kaplan, bl-eċċezzjoni ta’ uffiċċju li jinsab fil-Vjetnam, u kienu jipprovdu servizzi lil KIC bi ħlas. KIC kienet, għall-provvista ta’ servizzi pprovduti mill-imsemmija uffiċċji ta’ rappreżentanza u mill-aġenti, suġġetta għall-VAT fir-Renju Unit, fil-kuntest tal-mekkaniżmu tal-awtolikwidazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">F’Ottubru 2014, il-grupp Kaplan ħoloq Kaplan Partner Services Hong Kong Limited (iktar ’il quddiem “KPS”), kumpannija b’responsabbiltà limitata stabbilita f’Hong Kong, miżmuma b’mod ugwali mid-disa’ stabbilimenti Kaplan bħala membri. Hija timpjega 20 impjegat u teżerċita l-attivitajiet tagħha fil-kuntest ta’ ftehim ta’ adeżjoni. Ħlief għal eċċezzjoni waħda, KPS ma tipprovdix servizzi lil dawk li ma humiex membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Sa mix-xahar ta’ Ottubru 2014, KPS qiegħda tassumi responsabbiltajiet li qabel kienu eżerċitati minn KIC u tiċċentralizza ċerti funzjonijiet li qabel kienu tal-uffiċċji ta’ rappreżentanza. KPS tamministra wkoll in-network tal-uffiċċji ta’ rappreżentanza fid-dinja kollha. Peress li dan in-network estenda ruħu u r-relazzjonijiet bejn KPS u dawn l-uffiċċji intensifikaw, dawn tal-aħħar minn issa ’l quddiem għandhom il-funzjoni li jiżguraw il-ġestjoni ta’ kuljum tal-aġenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Barra minn hekk, KPS hija responsabbli għall-ġestjoni ta’ aġenti fl-Asja tal-Lvant u tax-Xlokk, li jippermettilha tipprovdi servizz ta’ aġenti li jinsabu fl-istess żona ta’ ħin tas-swieq ta’ reklutaġġ ta’ stabbilimenti internazzjonali. Dawn l-aġenti ma għandhomx relazzjoni esklużiva ma’ KPS u huma awtorizzati jaħdmu, minn naħa, mal-kompetituri tal-istabbilimenti Kaplan u, min-naħa l-oħra, mal-universitajiet ikkonċernati. Sabiex jaqdu l-missjoni tagħhom, l-aġenti li jaħdmu għal KPS jibbenefikaw minn appoġġ intiż sabiex jinkoraġġihom jirrakkomandaw l-istabbilimenti internazzjonali amministrati mill-istabbilimenti Kaplan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">L-aġenti jiffatturaw il-provvista tas-servizzi tagħhom lil KPS, li tħallashom direttament. Il-provvista ta’ servizzi mill-aġenti lil KPS, mill-uffiċċji ta’ rappreżentanza lil KPS u minn KPS ma humiex suġġetti għall-VAT. KPS tistabbilixxi fattura separata fir-rigward tas-somom dovuti lill-aġenti għall-provvista ta’ servizzi pprovduti lil kull stabbiliment Kaplan ikkonċernat, minkejja li KIC hija l-membru rappreżentattiv tal-grupp VAT li tiegħu dawn l-istabbilimenti huma membri. Kull stabbiliment Kaplan iħallas għas-servizzi pprovduti minn KPS kif ukoll dawk mogħtija mill-uffiċċji ta’ rappreżentanza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">It-tilwima fil-kawża prinċipali tirrigwarda tliet tipi ta’ servizzi, li huma kkunsidrati, abbażi tad-dritt nazzjonali, bħala li huma pprovduti minn KPS lil KIC inkwantu membru rappreżentattiv tal-grupp VAT: l-ewwel nett, is-servizzi pprovduti mill-aġenti lil KPS, it-tieni nett, is-servizzi pprovduti mill-uffiċċji ta’ rappreżentanza lil KPS u, it-tielet nett, attivitajiet bħal, b’mod partikolari, is-sostenn lill-aġenti pprovdut minn KPS.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Permezz ta’ rikors ippreżentat quddiem il-First-tier Tribunal (Tax Chamber) (il-Qorti tal-Ewwel Istanza (Awla Fiskali), ir-Renju Unit), KIC tikkontesta żewġ deċiżjonijiet mogħtija mill-amministrazzjoni fiskali u doganali tar-Renju Unit, li skonthom is-servizzi li huma kkunsidrati bħala li ġew ipprovduti lilha minn KPS ma jaqgħux fil-kamp ta’ applikazzjoni tal-eżenzjoni mill-VAT prevista fl-Artikolu 132(1)(f) tad-Direttiva 2006/112 u huma, għaldaqstant, suġġetti għall-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">KIC issostni, fil-fatt, li dawn is-servizzi jaqgħu fil-kamp ta’ applikazzjoni tal-eżenzjoni prevista f’din id-dispożizzjoni u li, konsegwentement, hija ma hijiex obbligata, bħala membru rappreżentattiv tal-grupp tal-VAT, tħallas il-VAT dovuta għal dawn il-provvisti fil-kuntest tal-mekkaniżmu tal-awtolikwidazzjoni. Il-provvisti ta’ servizzi li qabel kienu pprovduti mill-membri tal-persunal u mill-uffiċċji ta’ rappreżentanza lil KIC u li kienu suġġetti għall-VAT minn issa ’l quddiem huma, skont KIC, eżenti mill-VAT minħabba l-ħolqien ta’ KPS.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Il-First-tier Tribunal (Tax Chamber) (il-Qorti tal-Ewwel Istanza (Awla Fiskali), ir-Renju Unit) tippreċiża li jeżistu raġunijiet kummerċjali li jiġġustifikaw il-ħolqien ta’ KPS f’Hong Kong u li ma huwiex allegat li din l-entità hija artifiċjali jew tagħti lok għal abbuż ta’ dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Din il-qorti tirrileva wkoll li ma huwiex ikkontestat li KPS tipprovdi lill-membri tagħha, jiġifieri l-istabbilimenti Kaplan, is-servizzi direttament neċessarji għall-eżerċizzju tal-attivitajiet eżenti tagħhom u li KPS sempliċement titlob mingħand il-membri tagħha r-rimbors eżatt tal-parti tal-ispejjeż inkorsi flimkien li hija responsabbiltà tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Issa, skont il-qorti tar-rinviju, il-kawża prinċipali tista’ tiġi riżolta biss permezz ta’ interpretazzjoni tal-Artikolu 132(1)(f) tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">F’dawn iċ-ċirkustanzi, il-First-tier Tribunal (Tax Chamber) (il-Qorti tal-Ewwel Istanza (Awla Fiskali), ir-Renju Unit), iddeċidiet li tissospendi l-proċeduri quddiemha u li tagħmel id-domandi preliminari li ġejjin lill-Qorti tal-Ġustizzja:</p>
</td>
</tr>
</table>
    <p class="C09Marge0avecretrait" id="para-113" title="page-9">
      “1. X’inhu l-kamp ta’ applikazzjoni territorjali tal-eżenzjoni prevista fl-Artikolu 132(1)(f) tad-Direttiva 2006/112[…]? B’mod partikolari […] din l-eżenzjoni tapplika għal grupp li jaqsam l-ispejjeż (CSG) li jkun stabbilit fi Stat Membru ieħor għajr dak jew dawk fejn ikunu stabbiliti l-membri taċ-CSG? Fil-każ ta’ risposta affermattiva, […] din l-eżenzjoni hija wkoll applikabbli għal CSG stabbilit barra mill-Unjoni Ewropea?
    </p>
    <p class="C09Marge0avecretrait" id="para-114" title="page-9">
      2. Jekk l-eżenzjoni favur iċ-CSG tapplika bħala prinċipju għal entità stabbilita fi Stat Membru ieħor għajr dak jew dawk fejn ikunu stabbiliti l-membri taċ-CSG kif ukoll għal CSG stabbilit barra mill-Unjoni [Ewropea], kif għandu jiġi applikat il-kriterju li jgħid li l-eżenzjoni ma għandhiex tkun tista’ tikkawża distorsjoni tal-kompetizzjoni? B’mod partikolari,
    </p>
    <p class="C11Marge1avecretrait" id="para-115" title="page-9">
      (a) dan il-kriterju japplika għal distorsjonijiet eventwali li jaffettwaw lil benefiċjarji oħra ta’ servizzi simili li ma humiex membri taċ-CSG jew japplika biss għad-distorsjonijiet eventwali li jaffettwaw lil fornituri eventwali oħra li jipprovdu servizzi lill-membri taċ-CSG?
    </p>
    <p class="C11Marge1avecretrait" id="para-116" title="page-9">
      (b) Fil-każ li dan il-kriterju japplika biss għal benefiċjarji oħra, tkun tista’ teżisti possibbiltà reali ta’ distorsjoni jekk benefiċjarji oħra li ma jkunux membri taċ-CSG ikunu jistgħu jitolbu li jingħaqdu maċ-CSG inkwistjoni jew joħolqu CSG tagħhom stess bil-għan li jinkisbu servizzi simili jew ekonomiji ekwivalenti tal-VAT permezz ta’ metodi oħra (bħall-ħolqien ta’ fergħa fl-Istat Membru jew fil-pajjiż terz inkwistjoni)?
    </p>
    <p class="C11Marge1avecretrait" id="para-117" title="page-9">
      (c) Fil-każ li dan il-kriterju japplika biss għal fornituri oħra, il-possibbiltà reali ta’ distorsjoni għandha tiġi evalwata billi jiġi ddeterminat jekk iċ-CSG huwiex żgur li ser iżomm il-klijentela tal-membri tiegħu, irrispettivament mill-applikazzjoni tal-eżenzjoni tal-VAT – u, konsegwentement, għandha tiġi evalwata fir-rigward tal-aċċess ta’ fornituri oħra għas-suq nazzjonali li fih ikunu stabbiliti l-membri taċ-CSG? Fil-każ ta’ risposta affermattiva, il-kwistjoni dwar jekk iċ-CSG huwiex żgur li ser iżomm il-klijentela tal-membri tiegħu, għaliex dawn tal-aħħar huma parti mill-istess grupp ta’ kumpanniji, hija rilevanti?
    </p>
    <p class="C11Marge1avecretrait" id="para-118" title="page-9">
      (d) Distorsjonijiet potenzjali għandhom jiġu evalwati fuq livell nazzjonali fir-rigward ta’ fornituri oħra li jeżerċitaw l-attività tagħhom fil-pajjiż terz li fih ikun stabbilit iċ-CSG?
    </p>
    <p class="C11Marge1avecretrait" id="para-119" title="page-9">
      (e) L-oneru tal-prova għal dak li jirrigwarda l-probabbiltà ta’ distorsjoni taqa’ fuq l-awtorità tat-taxxa tal-Unjoni li tamministra d-Direttiva [2006/112]?
    </p>
    <p class="C11Marge1avecretrait" id="para-120" title="page-9">
      (f) Huwa neċessarju li l-awtorità tat-taxxa tal-Unjoni tikkummissjona perizja speċifika tas-suq tal-pajjiż terz li fih ikun stabbilit iċ-CSG?
    </p>
    <p class="C11Marge1avecretrait" id="para-121" title="page-9">
      (g) L-eżistenza ta’ possibbiltà reali ta’ distorsjoni tista’ tiġi stabbilita permezz tal-identifikazzjoni ta’ suq kummerċjali fil-pajjiż terz?
    </p>
    <p class="C09Marge0avecretrait" id="para-122" title="page-10">
      3. L-eżenzjoni favur iċ-CSG tista’ tapplika f’sitwazzjoni bħal dik f’dan il-każ, li fiha l-membri taċ-CSG ikunu marbuta flimkien b’rabtiet ekonomiċi, finanzjarji u organizzattivi?
    </p>
    <p class="C09Marge0avecretrait" id="para-123" title="page-10">
      4. L-eżenzjoni favur iċ-CSG tista’ tapplika meta l-membri jkunu ħolqu grupp VAT li jikkostitwixxi persuna taxxabbli waħda? Huwa rilevanti l-fatt li KIC, il-membru rappreżentattiv li (fid-dritt nazzjonali) huwa l-benefiċjarju tas-servizzi, ma hijiex membru taċ-CSG? Fil-każ ta’ risposta affermattiva, din ir-rilevanza hija eskluża mid-dispożizzjonijiet tad-dritt nazzjonali li jipprevedu li l-membru rappreżentattiv għandu l-karatteristiċi u l-istatus ta’ membri taċ-CSG għall-finijiet tal-applikazzjoni tal-eżenzjoni favur iċ-CSG?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tielet u r-raba’ domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Permezz tat-tielet u r-raba’ domanda tagħha, li għandhom jiġu eżaminati flimkien u fl-ewwel lok, il-qorti tar-rinviju tistaqsi, essenzjalment, jekk l-Artikolu 132(1)(f) tad-Direttiva 2006/112 għandux jiġi interpretat fis-sens li l-eżenzjoni prevista f’din id-dispożizzjoni tapplika għall-provvisti ta’ servizzi pprovduti minn grupp awtonomu ta’ persuni li l-membri tiegħu jifformaw grupp VAT, fis-sens tal-Artikolu 11 ta’ din id-direttiva, meta dawn il-provvisti ta’ servizzi huma pprovduti lil dan il-grupp VAT. Fl-affermattiv, hija tistaqsi, minn naħa, jekk il-fatt li l-membru rappreżentattiv tal-imsemmi grupp VAT ma jkunx membru ta’ dan il-grupp awtonomu ta’ persuni għandux effett fuq l-applikazzjoni tal-eżenzjoni prevista fl-Artikolu 132(1)(f) tad-Direttiva 2006/112 u, min-naħa l-oħra, jekk dan l-effett jistax jiġi eskluż permezz ta’ dispożizzjonijiet tad-dritt nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Preliminarjament, għandu jiġi enfasizzat li mill-eżenzjoni prevista fl-Artikolu 132(1)(f) tad-Direttiva 2006/112 jirriżulta li l-grupp awtonomu ta’ persuni huwa persuna taxxabbli kompleta, distinta mill-membri tiegħu. Fil-fatt, mill-formulazzjoni stess ta’ din id-dispożizzjoni jirriżulta li l-grupp awtonomu ta’ persuni huwa awtonomu, u li huwa għalhekk iwettaq il-provvisti ta’ servizzi tiegħu b’mod indipendenti, fis-sens tal-Artikolu 9 tad-Direttiva 2006/112. Barra minn hekk, li kieku l-provvisti ta’ servizzi magħmula mill-grupp awtonomu ta’ persuni ma kinux provvisti ta’ servizzi magħmula minn persuna taxxabbli li taġixxi bħala tali, dawn is-servizzi ma kinux ikunu suġġetti għall-VAT, konformement mal-Artikolu 2(1)(ċ) tad-Direttiva 2006/112. Għaldaqstant, dawn is-servizzi ma jistgħux ikunu s-suġġett ta’ eżenzjoni bħal dik prevista fl-Artikolu 132(1)(f) ta’ din id-direttiva (sentenza tal-4 ta’ Mejju 2017, Il‑Kummissjoni vs Il‑Lussemburgu, C‑274/15, EU:C:2017:333, punt 61).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Għandu jitfakkar ukoll li, skont l-Artikolu 132(1)(f) tad-Direttiva 2006/112, l-Istati Membri għandhom jeżentaw il-provvisti ta’ servizzi mwettqa minn gruppi awtonomi ta’ persuni li jeżerċitaw attività eżentata jew li fir-rigward tagħha ma għandhomx il-kwalità ta’ persuna taxxabbli, sabiex jagħtu lill-membri tagħhom is-servizzi direttament neċessarji għall-eżerċizzju ta’ din l-attività, meta dawn il-gruppi jillimitaw ruħhom li jitolbu mill-membri tagħhom ir-rimbors eżatt tas-sehem tagħhom fl-ispejjeż konġunti, bil-kundizzjoni li din l-eżenzjoni ma tkunx tista’ tikkawża distorsjoni tal-kompetizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">F’dan ir-rigward, mid-disa’ u mill-ħdax‑il premessa tad-Direttiva 2006/112 jirriżulta li din tal-aħħar hija intiża li tarmonizza l-valur taxxabbli tal-VAT u li l-eżenzjonijiet minn din it-taxxa jikkostitwixxu kunċetti awtonomi tad-dritt tal-Unjoni li, kif il-Qorti tal-Ġustizzja diġà ddeċidiet, għandhom jitqiegħdu fil-kuntest ġenerali tas-sistema komuni tal-VAT stabbilita mill-imsemmija direttiva (ara, f’dan is-sens, is-sentenza tal-20 ta’ Novembru 2019, Infohos, C‑400/18, EU:C:2019:992, punt 29 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">F’dan ir-rigward, minn ġurisprudenza stabbilita tal-Qorti tal-Ġustizzja jirriżulta li t-termini użati sabiex jiġu stabbiliti l-eżenzjonijiet mill-VAT previsti fl-Artikolu 132 tad-Direttiva 2006/112 għandhom jiġu interpretati b’mod strett, peress li dawn l-eżenzjonijiet jikkostitwixxu eċċezzjonijiet għall-prinċipju ġenerali li kull servizz ipprovdut bi ħlas minn persuna taxxabbli huwa suġġett għal din it-taxxa. Madankollu, l-interpretazzjoni ta’ dawn it-termini għandha tkun konformi mal-għanijiet segwiti mill-imsemmija eżenzjonijiet u għandha tosserva r-rekwiżiti tal-prinċipju ta’ newtralità fiskali inerenti għas-sistema komuni tal-VAT. Għalhekk, din ir-regola ta’ interpretazzjoni stretta ma tfissirx li t-termini użati sabiex jiġu ddefiniti l-eżenzjonijiet previsti fl-imsemmi Artikolu 132 għandhom jiġu interpretati b’mod li jċaħħadhom mill-effetti tagħhom. L-għan tal-ġurisprudenza tal-Qorti tal-Ġustizzja ma huwiex li tiġi imposta interpretazzjoni li tagħmel l-eżenzjonijiet previsti kważi inapplikabbli fil-prattika (sentenza tal-4 ta’ Mejju 2017, Il‑Kummissjoni vs Il‑Lussemburgu, C‑274/15, EU:C:2017:333, punt 50 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fir-rigward tal-formulazzjoni tal-Artikolu 132(1)(f) tad-Direttiva 2006/112, hekk kif tfakkar fil-punt 35 ta’ din is-sentenza, l-eżenzjoni prevista f’din id-dispożizzjoni hija intiża għall-provvista ta’ servizzi magħmula mill-gruppi awtonomi ta’ persuni għall-benefiċċju tal-membri tagħhom. Issa, minn din il-formulazzjoni ma jirriżultax li l-provvisti ta’ servizzi li tali gruppi jipprovdu lill-membri tagħhom huma esklużi mill-kamp ta’ applikazzjoni ta’ din l-eżenzjoni meta dawn tal-aħħar jifformaw grupp VAT, fis-sens tal-Artikolu 11 tad-Direttiva 2006/112. Madankollu, fid-dawl tal-kliem stess tal-Artikolu 132(1)(f) tad-Direttiva 2006/112, il-formazzjoni ta’ tali grupp VAT ma jistax ikollha l-konsegwenza li testendi l-applikazzjoni tal-imsemmija eżenzjoni għal provvisti ta’ servizzi pprovduti lil entitajiet li ma humiex membri tal-grupp awtonomu ta’ persuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Barra minn hekk, skont ġurisprudenza stabbilita, hemm lok, għall-interpretazzjoni ta’ dispożizzjoni tad-dritt tal-Unjoni, li jittieħdu inkunsiderazzjoni mhux biss it‑termini tagħha, iżda wkoll il-kuntest tagħha u l-għanijiet li għandhom jintlaħqu mil-leġiżlazzjoni li tagħmel parti minnha (sentenza tal-20 ta’ Novembru 2019, Infohos, C‑400/18, EU:C:2019:992, punt 33 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fir-rigward tal-kuntest tal-Artikolu 132(1)(f) tad-Direttiva 2006/112, għandu jiġi enfasizzat li din id-dispożizzjoni tinsab fil-Kapitolu 2, intitolat “Eżenzjonijet għal ċertu attivitajiet fl-interess pubbliku”, tat-Titolu IX ta’ din id-direttiva. Dan it-titolu jindika li l-eżenzjoni prevista fl-imsemmija dispożizzjoni tkopri biss il-gruppi awtonomi ta’ persuni li l-membri tagħhom jeżerċitaw attivitajiet ta’ interess ġenerali (sentenza tal-21 ta’ Settembru 2017, Il-Kummissjoni vs Il-Ġermanja, C‑616/15, EU:C:2017:721, punt 44).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Issa, dan il-kuntest ma jurix elementi li jeskludu minn din l-eżenzjoni l-gruppi awtonomi ta’ persuni li l-membri tagħhom jifformaw grupp VAT, fis-sens tal-Artikolu 11 tad-Direttiva 2006/112, bil-kundizzjoni, madankollu, li l-membri kollha ta’ dawn il-gruppi jeżerċitaw attivitajiet ta’ interess ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">F’dak li jirrigwarda l-għan tal-Artikolu 132(1)(f) tad-Direttiva 2006/112, għandu jitfakkar li l-finalità tad-dispożizzjonijiet kollha tal-Artikolu 132 ta’ din id-direttiva hija l-eżenzjoni mill-VAT ta’ ċerti attivitajiet ta’ interess ġenerali, bil-għan li jiġu ffaċilitati l-aċċess għal ċerti prestazzjonijiet kif ukoll il-provvista ta’ ċerti oġġetti billi jiġu evitati l-ispejjeż addizzjonali marbuta mal-issuġġettar tagħhom għall-VAT (sentenza tal-21 ta’ Settembru 2017, Aviva, C‑605/15, EU:C:2017:718, punt 28 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Għaldaqstant, il-provvisti ta’ servizzi mwettqa minn grupp awtonomu ta’ persuni jaqgħu taħt l-eżenzjoni prevista fl-Artikolu 132(1)(f) tad-Direttiva 2006/112, meta dawn il-provvisti ta’ servizzi jikkontribwixxu direttament għall-eżerċizzju tal-attivitajiet ta’ interess ġenerali previsti fl-Artikolu 132 ta’ din id-direttiva (sentenza tal-21 ta’ Settembru 2017, Aviva, C‑605/15, EU:C:2017:718, punt 29 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">F’dawn iċ-ċirkustanzi, għandu jiġi kkonstatat li, bħala prinċipju, jaqgħu taħt l-eżenzjoni prevista fl-Artikolu 132(1)(f) tal-imsemmija direttiva l-provvisti ta’ servizzi li grupp awtonomu ta’ persuni jipprovdi lill-membri tiegħu li jifformaw grupp VAT, meta dawn il-provvisti jikkontribwixxu direttament għall-eżerċizzju tal-attivitajiet ta’ interess ġenerali msemmija fl-Artikolu 132 ta’ din id-direttiva. Min-naħa l-oħra, din l-eżenzjoni ma tistax tapplika għall-provvista ta’ servizzi li jibbenefikaw minnha l-membri ta’ grupp VAT li ma humiex, fl-istess ħin, membri tal-grupp awtonomu ta’ persuni li jeżerċitaw tali attivitajiet ta’ interess ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">F’dan ir-rigward, għandu jitfakkar li l-implimentazzjoni tas-sistema prevista fl-Artikolu 11 tad-Direttiva 2006/112 timplika li l-leġiżlazzjoni nazzjonali meħuda abbażi tagħha tawtorizza lill-persuni, b’mod partikolari lill-kumpanniji, li għandhom rabtiet fuq il-livell finanzjarju, ekonomiku u organizzattiv li ma jibqgħux ikkunsidrati bħala persuni taxxabbli distinti għall-VAT sabiex jitqiesu bħala persuna taxxabbli waħda. Għalhekk, meta Stat Membru japplika din id-dispożizzjoni, il-persuna jew il-persuni suġġetti fis-sens ta’ din id-dispożizzjoni ma jistgħux jiġu kkunsidrati bħala persuna jew persuni taxxabbli skont l-ewwel subparagrafu tal-Artikolu 9(1) tad-Direttiva 2006/112 (ara, f’dan is-sens is-sentenza tat-22 ta’ Mejju 2008, Ampliscientifica u Amplifin, C‑162/07, EU:C:2008:301, punt 19).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Minn dan isegwi li l-assimilazzjoni għal persuna taxxabbli waħda teskludi li l-membri tal-grupp VAT ikomplu jissottomettu separatament dikjarazzjonijiet tal-VAT u jibqgħu jiġu identifikati, fil-grupp jew barra l-grupp, bħala persuni taxxabbli, peress li hija l-persuna taxxabbli waħda li tista’ tissottometti l-imsemmija dikjarazzjonijiet. Minn dan isegwi li, f’tali sitwazzjoni, il-prestazzjoni ta’ servizzi magħmula minn terzi favur membru ta’ grupp VAT għandhom jiġu kkunsidrati, għall-finijiet tal-VAT, li saru favur mhux ta’ dan il-membru iżda tal-grupp VAT stess li jagħmlu parti minnu (sentenza tas-17 ta’ Settembru 2014, Skandia America (USA), filial Sverige, C‑7/13, EU:C:2014:2225, punt 29).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Għaldaqstant, għall-finijiet tal-VAT, is-servizzi pprovduti minn grupp awtonomu ta’ persuni lill-membri ta’ grupp tal-VAT ma jistgħux jitqiesu li huma pprovduti individwalment lill-membri tiegħu, iżda għandhom jitqiesu li huma pprovduti lill-grupp VAT kollu kemm hu (ara, b’analoġija, is-sentenza tas-17 ta’ Settembru 2014, Skandia America (USA), filial Sverige, C‑7/13, EU:C:2014:2225, punt 30).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Minn dan jirriżulta li tali servizzi jitqiesu li ġew ipprovduti favur il-grupp VAT ikkonċernat, kollu kemm hu, u għalhekk ukoll favur l-entità rappreżentattiva tal-grupp VAT. Għalhekk, fl-ipoteżi fejn din l-aħħar entità ma tkunx ukoll membru tal-grupp awtonomu ta’ persuni, l-applikazzjoni tal-eżenzjoni prevista fl-Artikolu 132(1)(f) tad-Direttiva 2006/112 tibbenefika lil persuni li ma humiex membri tal-grupp awtonomu ta’ persuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Issa, din id-dispożizzjoni ssemmi espressament biss il-provvisti ta’ servizzi li gruppi indipendenti ta’ persuni jagħtu lill-membri tagħhom. Dan ma huwiex il-każ tal-provvista ta’ servizzi li grupp awtonomu ta’ persuni jipprovdi lil grupp VAT li l-membri tiegħu ma humiex kollha membri ta’ dan il-grupp awtonomu ta’ persuni. Fid-dawl tal-formulazzjoni preċiża tal-kundizzjonijiet ta’ eżenzjoni, kull interpretazzjoni li twessa’ l-portata tal-Artikolu 132(1)(f) tad-Direttiva 2006/112 hija inkompatibbli mal-għan ta’ din id-dispożizzjoni (ara, f’dan is-sens, is-sentenza tal-15 ta’ Ġunju 1989, Stichting Uitvoering Financiële Acties, 348/87, EU:C:1989:246, punt 14).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">F’dan ir-rigward, għandu jiġi rrilevat li din il-konklużjoni ma tistax, fid-dawl tal-kunsiderazzjonijiet li jinsabu fil-punti 36 u 49 ta’ din is-sentenza, tiġi kkontestata permezz ta’ dispożizzjonijiet tad-dritt nazzjonali li jipprevedu li l-membru rappreżentattiv tal-grupp VAT għandu l-karatteristiċi u l-istatus tal-membri tal-grupp awtonomu ta’ persuni kkonċernat għall-finijiet tal-applikazzjoni tal-eżenzjoni prevista fl-Artikolu 132(1)(f) tad-Direttiva 2006/112. Fil-fatt, peress li din l-eżenzjoni tikkostitwixxi kunċett awtonomu tad-dritt tal-Unjoni, l-applikazzjoni tagħha hija suġġetta għall-kundizzjoni li l-membri kollha tal-grupp tal-VAT ikunu effettivament membri tal-imsemmi grupp awtonomu ta’ persuni. Fin-nuqqas li tiġi ssodisfatta din il-kundizzjoni, l-imsemmija dispożizzjonijiet tad-dritt nazzjonali ma jistgħux iwasslu għall-applikazzjoni tal-imsemmija eżenzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Konsegwentement, sa fejn mid-deċiżjoni tar-rinviju jirriżulta li l-grupp awtonomu ta’ persuni inkwistjoni fil-kawża prinċipali pprovda servizzi bi ħlas lil grupp VAT li wieħed mill-membri tiegħu ma kienx membru ta’ dan il-grupp awtonomu ta’ persuni, dan l-aħħar grupp ma jistax jibbenefika mill-eżenzjoni prevista fl-Artikolu 132(1)(f) tad-Direttiva 2006/112 u l-provvista ta’ tali servizzi tikkostitwixxi tranżazzjoni taxxabbli, skont l-Artikolu 2(1)(ċ) tad-Direttiva 2006/112.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Din il-konstatazzjoni ma hijiex ikkontestata permezz tas-sentenza tal-20 ta’ Novembru 2019, Infohos (C‑400/18, EU:C:2019:992), li fiha l-Qorti tal-Ġustizzja ddeċidiet, essenzjalment, fil-punti 42 sa 44 tagħha, li l-eżenzjoni mill-VAT prevista fl-Artikolu 13A(f) tas-Sitt Direttiva tal-Kunsill tas-17 ta’ Mejju 1977 fuq l-armonizzazzjoni tal-liġijiet ta’ l-Istati Membri dwar taxxi fuq id-dħul mill-bejgħ – Sistema komuni ta’ taxxa fuq il-valur miżjud: bażi uniformi ta’ stima (ĠU Edizzjoni Speċjali bil-Malti, Kapitolu 9, Vol. 1, p. 23), li tikkorrispondi għall-Artikolu 131 u għall-Artikolu 132(1)(f) tad-Direttiva 2006/112, ma hijiex suġġetta għall-kundizzjoni li l-provvista ta’ servizzi kkonċernati tkun offruta esklużivament lill-membri tal-grupp awtonomu ta’ persuni kkonċernati. Dan jimplika, minn naħa, li huma eżentati, skont din id-dispożizzjoni, biss il-provvisti ta’ servizzi pprovduti lill-membri ta’ dan il-grupp awtonomu ta’ persuni, sa fejn dawn is-servizzi jibqgħu pprovduti fil-kuntest tal-għanijiet li għalihom ġie stabbilit tali grupp u għalhekk huma offruti konformement mal-għan tiegħu. Min-naħa l-oħra, il-provvisti ta’ servizzi pprovduti lil persuni li ma humiex membri tal-imsemmi grupp awtonomu ta’ persuni ma jistgħux jibbenefikaw minn din l-eżenzjoni, peress li tali provvisti ta’ servizzi ma jaqgħux fil-kamp ta’ applikazzjoni tal-imsemmija eżenzjoni u jibqgħu suġġetti għall-VAT, konformement mal-Artikolu 2(1) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fil-fatt, fil-kawża li tat lok għas-sentenza tal-20 ta’ Novembru 2019, Infohos (C‑400/18, EU:C:2019:992), il-provvisti ta’ servizzi inkwistjoni kienu pprovduti, minn naħa, lill-membri tal-grupp awtonomu ta’ persuni kkonċernat u, min-naħa l-oħra, lil persuni li la kienu membri tiegħu, u lanqas ma kienu jifformaw, mal-membri ta’ dan il-grupp awtonomu ta’ persuni, grupp VAT, fis-sens tal-Artikolu 11 tad-Direttiva 2006/112. F’dik il-kawża, ma kien hemm ebda riskju li l-portata tal-eżenzjoni prevista fl-Artikolu 13A(1)(f) tas-Sitt Direttiva 77/388 tiġi estiża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Issa, fil-kawża preżenti, peress li l-provvisti ta’ servizzi mwettqa minn grupp indipendenti ta’ persuni favur membru ta’ tali grupp VAT għandhom jitqiesu, għall-finijiet tal-VAT, bħala li twettqu favur mhux dan il-membru, iżda favur il-grupp VAT li huwa jifforma parti minnu, il-portata tal-eżenzjoni prevista fl-Artikolu 132(1)(f) tad-Direttiva 2006/112 tirriskja li tiġi estiża sakemm il-membri kollha ta’ dan il-grupp VAT ma jkunux ukoll membri tal-grupp awtonomu ta’ persuni kkonċernat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, ir-risposta għat-tielet u għar-raba’ domanda għandha tkun li l-Artikolu 132(1)(f) tad-Direttiva 2006/112 għandu jiġi interpretat fis-sens li l-eżenzjoni prevista f’din id-dispożizzjoni ma hijiex applikabbli għall-provvisti ta’ servizzi pprovduti minn grupp awtonomu ta’ persuni lil grupp tal-VAT, fis-sens tal-Artikolu 11 ta’ din id-direttiva, peress li l-membri kollha ta’ dan l-aħħar grupp ma humiex membri tal-imsemmi grupp awtonomu ta’ persuni. L-eżistenza ta’ dispożizzjonijiet tad-dritt nazzjonali li jipprevedu li l-membru rappreżentattiv ta’ tali grupp VAT għandu l-karatteristiċi u l-istatus tal-membri tal-grupp awtonomu ta’ persuni kkonċernat, għall-finijiet tal-applikazzjoni tal-eżenzjoni prevista favur gruppi indipendenti ta’ persuni, ma għandha l-ebda effett f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel u t-tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Fid-dawl tar-risposta li ngħatat għat-tielet u għar-raba’ domanda, ma hemmx lok li tingħata risposta għall-ewwel u għat-tieni domanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, minbarra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-153" title="page-15">
      Għal dawn il-motivi, Il-Qorti tal-Ġustizzja (It-Tieni Awla) taqta’ u tiddeċiedi:
    </p>
    <p class="C30Dispositifalinea" id="para-154" title="page-15">
      L-Artikolu 132(1)(f) tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud, kif emendata bid-Direttiva tal-Kunsill 2008/8/KE tat-12 ta’ Frar 2008, għandu jiġi interpretat fis-sens li l-eżenzjoni prevista f’din id-dispożizzjoni ma hijiex applikabbli għall-provvisti ta’ servizzi pprovduti minn grupp awtonomu ta’ persuni lil grupp ta’ persuni li jistgħu jiġu kkunsidrati bħala persuna taxxabbli waħda, fis-sens tal-Artikolu 11 ta’ din id-direttiva, peress li l-membri kollha ta’ dan l-aħħar grupp ma humiex membri tal-imsemmi grupp awtonomu ta’ persuni. L-eżistenza ta’ dispożizzjonijiet tad-dritt nazzjonali li jipprevedu li l-membru rappreżentattiv ta’ tali grupp ta’ persuni li jistgħu jiġu kkunsidrati bħala persuna taxxabbli waħda għandu l-karatteristiċi u l-istatus tal-membri tal-grupp awtonomu ta’ persuni kkonċernat, għall-finijiet tal-applikazzjoni tal-eżenzjoni prevista favur gruppi indipendenti ta’ persuni, ma għandha l-ebda effett f’dan ir-rigward.
    </p>
    <div class="signatures">
<p class="C77Signatures" id="para-155" title="page-15">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
