|
Iris Oifigiúil |
GA Sraith L |
|
2024/2090 |
30.7.2024 |
RIALACHÁN CUR CHUN FEIDHME (AE) 2024/2090 ÓN gCOIMISIÚN
an 29 Iúil 2024
lena n-údaraítear meascán de Lachta-N-fúcaipeantós agus 2’-Fúcaisiol-lachtós arna tháirgeadh agus úsáid á baint as tréithchineál díorthach de Escherichia coli K-12 DH1 a chur ar an margadh mar bhia núíosach agus lena leasaítear Rialachán Cur Chun Feidhme (AE) 2017/2470
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (1), agus go háirithe Airteagal 12(1) de,
De bharr an mhéid seo a leanas:
|
(1) |
Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear i liosta an Aontais de bhianna núíosacha a chur ar an margadh laistigh den Aontas. |
|
(2) |
De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2). |
|
(3) |
An 1 Márta 2021 chuir an chuideachta Glycom A/S (‘an t-iarratasóir’) iarratas ar údarú faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun meascán de Lachta-N-fúcaipeantós I agus 2’-Fúcaisiol-lachtós (‘an meascán LNFP-I /2’-FL’) a fhaightear trí choipeadh miocróbach agus úsáid á baint as tréithchineál géinmhodhnaithe de E. coli K-12 DH1, a chur ar mhargadh an Aontais mar bhia núíosach. D’iarr an t-iarratasóir go n-úsáidfí an meascán LNFP-I/2’-FL i mbainne foirmle do naíonáin agus i mbainne foirmle leantach mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (3), i dtáirgí bainne paistéartha neamhbhlaistithe agus táirgí bainne steirilithe neamhbhlaistithe (lena n-áirítear UTC), i dtáirgí bainnebhunaithe coipthe neamhbhlaistithe agus blaistithe lena n-áirítear táirgí teaschóireáilte, i mbarraí gránaigh, i ndeochanna bainnebhunaithe agus táirgí comhchosúla, i mbia gránachbhunaithe próiseáilte agus bia do naíonáin agus leanaí óga mar a shainmhínítear i Rialachán (AE) Uimh. 609/2013, i mbianna chun críoch speisialta míochaine mar a shainmhínítear i Rialachán (AE) Uimh. 609/2013, i ndeochanna (deochanna blaistithe, seachas deochanna a bhfuil pH níos lú ná 5 acu), i mbianna ionadacha ar an aiste bia iomlán chun meáchan a rialú mar a shainmhínítear i Rialachán (AE) Uimh. 609/2013, agus i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4) a cheaptar don phobal i gcoitinne. Ina dhiaidh sin, an 16 Eanáir 2024 mhodhnaigh an t-iarratasóir an iarraidh thosaigh san iarratas maidir leis an meascán LNFP-I /2’-FL a úsáid i bhforbhianna chun naíonáin agus leanaí faoi bhun 3 bliana d’aois a eisiamh ó raon feidhme an iarratais. Maidir leis na coinníollacha úsáide, mhol an t-iarratasóir freisin nár cheart forbhianna ina bhfuil an meascán LNFP-I /2’-FL a úsáid má itear bianna eile arna mbreisiú le LNFP-I /2’-FL ar an lá céanna. |
|
(4) |
An 1 Márta 2021 chuir an t-iarratasóir iarraidh faoi bhráid an Choimisiúin ar chosaint staidéar eolaíoch agus sonraí eolaíocha dílseánaigh a cuireadh isteach chun tacú leis an iarratas, is é sin staidéar ar chrómatagrafaíocht leachta in éineacht le mais-speictriméadracht (‘CL-MS’) agus staidéar ar crómatagrafaíocht leachta in éineacht le mais-speictriméadracht sraithe (‘CL-MS/MS’), staidéar ar athshondas maighnéadach núicléach (‘ANM’), agus staidéar ar bhailíochtú modha na Crómatagrafaíochta Leachta Ardfheidhmíochta in éineacht le Brath Aerasól Luchtaithe (‘CLAF-BAL’) agus na torthaí, chun aitheantas an mheascáin LNFP-I/2’-FL a chinneadh (5); miontuairisc ar an tréithchineál táirgthe géinmhodhnaithe den mheascán LNFP-I/2’-FL (6) agus na deimhnithe tréithchineáil táirgthe (7); na sonraíochtaí amhábhair agus áise próiseála (8); miontuairisc ar an bpróiseas táirgthe (9); anailísí mionsonraithe ar chomhdhéanamh (10); torthaí na staidéar cobhsaíochta (11); an anailís chainníochtúil ar na leibhéil LNFP-I agus 2’-FL i mbainne daonna (12); an measúnú ar iontógáil an mheascáin LNFP-I/2’-FL (13); tástáil bhaictéarach ais-sócháin leis an meascán LNFP-I/2’-FL (14); tástáil micreanúicléis in vitro i gcealla mamach leis an meascán LNFP-I/2’-FL (15); agus staidéar 90 lá ar thocsaineacht bhéil i bhfrancaigh leis an meascán LNFP-I/2’-FL (16). |
|
(5) |
An 1 Iúil 2021 d’iarr an Coimisiún ar an Údarás Eorpach um Shábháilteacht Bia (‘an tÚdarás’) measúnú a dhéanamh ar an meascán LNFP-I/2’-FL a fhaightear trí choipeadh miocróbach agus úsáid á baint as tréithchineál táirgthe géinmhodhnaithe a dhíorthaítear ón tréithchineál óstach E. coli K-12 DH1, mar bhia núíosach i gcomhréir le hAirteagal 10(3) de Rialachán (AE) 2015/2283. |
|
(6) |
An 26 Deireadh Fómhair 2023 ghlac an tÚdarás tuairim eolaíoch uaidh dar teideal ‘Sábháilteacht an mheascáin de Lachta-N-fúcaipeantós agus 2’-Fúcaisiol-lachtós (‘LNFP-I /2’-FL’) mar bhia núíosach de bhun Rialachán (AE) 2015/2283’ (17) i gcomhréir le hAirteagal 11 de Rialachán (AE) 2015/2283. |
|
(7) |
Sa tuairim eolaíoch uaidh, chinn an tÚdarás go raibh an meascán LNFP-I /2’-FL arna tháirgeadh agus úsáid á baint as tréithchineál díorthach de E. coli K-12 DH1 sábháilte faoi na coinníollacha úsáide atá beartaithe do na spriocghrúpaí atá beartaithe. Dá bhrí sin, is leor an foras sa tuairim eolaíoch sin chun a shuí go gcomhlíonann an meascán LNFP-I /2’-FL arna tháirgeadh agus úsáid á baint as tréithchineál díorthach de E. coli K-12 DH1 na coinníollacha maidir lena chur ar an margadh i gcomhréir le hAirteagal 12(1) de Rialachán (AE) 2015/2283, nuair a úsáidtear é i mbainne foirmle do naíonáin agus i mbainne foirmle leantach mar a shainmhínítear i Rialachán (AE) Uimh. 609/2013, i dtáirgí bainne paistéartha neamhbhlaistithe agus táirgí bainne steirilithe neamhbhlaistithe (lena n-áirítear UTC), i dtáirgí bainnebhunaithe coipthe neamhbhlaistithe agus blaistithe, lena n-áirítear táirgí teaschóireáilte, i mbarraí gránaigh, i ndeochanna bainnebhunaithe agus táirgí comhchosúla, i mbia gránachbhunaithe próiseáilte agus bia do naíonáin agus leanaí óga mar a shainmhínítear i Rialachán (AE) Uimh. 609/2013, i mbianna chun críoch speisialta míochaine mar a shainmhínítear i Rialachán (AE) Uimh. 609/2013, i ndeochanna (deochanna blaistithe, seachas deochanna a bhfuil pH níos lú ná 5 acu), i mbianna ionadacha ar an aiste bia iomlán chun meáchan a rialú mar a shainmhínítear i Rialachán (AE) Uimh. 609/2013, agus i bhforbhianna mar a shainmhínítear i dTreoir 2002/46/CE. |
|
(8) |
Sa tuairim eolaíoch sin, tháinig an tÚdarás ar an gconclúid freisin, cé nár mhol an t-iarratasóir uasleibhéil úsáide le haghaidh úsáid an mheascáin LNFP-I /2’-FL i mbianna chun críoch speisialta míochaine mar a shainmhínítear i Rialachán (AE) Uimh. 609/2013, nár cheart na huasleibhéil a úsáidtear sa chineál bia sin a bheith níos airde ná na huasleibhéil a shonraítear le haghaidh na n-úsáidí atá beartaithe ná na huasleibhéil úsáide atá beartaithe le haghaidh forbhianna mar a shainmhínítear i dTreoir 2002/46/CE. I bhfianaise go mbeartaítear úsáidí an bhia núíosaigh le haghaidh forbhianna atá beartaithe don phobal i gcoitinne seachas naíonáin agus leanaí óga, ba cheart idirdhealú a dhéanamh i gcoinníollacha úsáide an bhia núíosaigh idir bia chun críoch speisialta míochaine atá beartaithe do naíonáin agus do leanaí óga agus bia chun críoch speisialta míochaine atá beartaithe don phobal i gcoitinne os cionn 3 bliana d’aois. Dá bhrí sin, ba cheart uasleibhéil iomchuí an bhia núíosaigh atá beartaithe lena úsáid i bhforbhianna a áireamh sna coinníollacha úsáide de réir aois an daonra. |
|
(9) |
Sa tuairim eolaíoch uaidh, mheas an tÚdarás nach bhféadfadh sé teacht ar a chonclúidí maidir le sábháilteacht an mheascáin LNFP-I /2’-FL arna tháirgeadh agus úsáid á baint as tréithchineál díorthach de E. coli K-12 DH1 gan na staidéir agus na sonraí eolaíocha, is é sin na staidéir CL-MS agus CL-MS/MS, an staidéar ar AMN agus an staidéar ar bhailíochtú modha CLAF-BAL agus na torthaí chun aitheantas an mheascáin LNFP-I/2’-FL a chinneadh; miontuairisc ar an tréithchineál táirgthe géinmhodhnaithe den mheascán LNFP-I/2’-FL agus na deimhnithe tréithchineáil táirgthe; na sonraíochtaí amhábhair agus áise próiseála; miontuairisc ar an bpróiseas táirgthe; anailísí mionsonraithe ar chomhdhéanamh; torthaí na staidéar cobhsaíochta; an anailís chainníochtúil ar na leibhéil LNFP-I agus 2’-FL i mbainne daonna; an measúnú ar iontógáil an mheascáin LNFP-I/2’-FL; tástáil bhaictéarach ais-sócháin leis an meascán LNFP-I/2’-FL; tástáil micreanúicléis in vitro i gcealla mamach leis an meascán LNFP-I/2’-FL; agus staidéar 90 lá ar thocsaineacht bhéil i bhfrancaigh leis an meascán LNFP-I/2’-FL. |
|
(10) |
D’iarr an Coimisiún ar an iarratasóir soiléiriú breise a thabhairt maidir leis an réasúnú a cuireadh ar fáil i dtaca lena éileamh dílseánaigh ar na staidéir agus na sonraí eolaíocha sin, agus soiléiriú a thabhairt maidir lena éileamh ar cheart eisiach a bheith aige chun tagairt a dhéanamh dóibh i gcomhréir le hAirteagal 26(2), pointe (b) de Rialachán (AE) 2015/2283. |
|
(11) |
Dhearbhaigh an t-iarratasóir go raibh cearta dílseánaigh agus eisiacha aige chun tagairt a dhéanamh do na staidéir agus na sonraí eolaíocha, is é sin na staidéir CL-MS agus CL-MS/MS, an staidéar ar AMN agus an staidéar ar bhailíochtú modha CLAF-BAL agus na torthaí chun aitheantas an mheascáin LNFP-I/2’-FL a chinneadh; an mhiontuairisc ar an tréithchineál táirgthe géinmhodhnaithe den mheascán LNFP-I/2’-FL agus na deimhnithe tréithchineáil táirgthe; na sonraíochtaí amhábhair agus áise próiseála; an mhiontuairisc ar an bpróiseas táirgthe; na hanailísí mionsonraithe ar chomhdhéanamh; torthaí na staidéar cobhsaíochta; an anailís chainníochtúil ar na leibhéil LNFP-I agus 2’-FL i mbainne daonna; an measúnú ar iontógáil an mheascáin LNFP-I/2’-FL; an tástáil bhaictéarach ais-sócháin leis an meascán LNFP-I/2’-FL; an tástáil micreanúicléis in vitro i gcealla mamach leis an meascán LNFP-I/2’-FL; agus an staidéar 90 lá ar thocsaineacht bhéil i bhfrancaigh leis an meascán LNFP-I/2’-FL, faoin dlí náisiúnta an tráth a chuir sé an t-iarratas isteach, agus nach féidir le tríú páirtithe rochtain dhlíthiúil a fháil ar na sonraí ná na staidéir sin, iad a úsáid ná tagairt a dhéanamh dóibh. |
|
(12) |
Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé gur thug an t-iarratasóir bunús leordhóthanach gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, na staidéir agus na sonraí eolaíocha maidir leis na staidéir CL-MS agus CL-MS/MS, an staidéar ar AMN agus an staidéar ar bhailíochtú modha CLAF-BAL agus na torthaí chun aitheantas an mheascáin LNFP-I/2’-FL a chinneadh; miontuairisc ar an tréithchineál táirgthe géinmhodhnaithe den mheascán LNFP-I/2’-FL agus na deimhnithe tréithchineáil táirgthe; sonraíochtaí amhábhair agus áise próiseála; miontuairisc ar an bpróiseas táirgthe; anailísí mionsonraithe ar chomhdhéanamh; torthaí na staidéar cobhsaíochta; an anailís chainníochtúil ar na leibhéil LNFP-I agus 2’-FL i mbainne daonna; an measúnú ar iontógáil an mheascáin LNFP-I/2’-FL; an tástáil bhaictéarach ais-sócháin leis an meascán LNFP-I/2’-FL; tástáil micreanúicléis in vitro i gcealla mamach leis an meascán LNFP-I/2’-FL; agus staidéar 90 lá ar thocsaineacht bhéil i bhfrancaigh leis an meascán LNFP-I/2’-FL, ba cheart iad a chosaint i gcomhréir le hAirteagal 27(1) de Rialachán (AE) 2015/2283. Dá réir sin, níor cheart ach an t-iarratasóir a údarú chun an meascán LNFP-I/2’-FL arna tháirgeadh agus úsáid á baint as tréithchineál díorthach de E. coli K-12 DH1 a chur ar an margadh laistigh den Aontas ar feadh tréimhse 5 bliana ó theacht i bhfeidhm an Rialacháin seo. |
|
(13) |
Mar sin féin, srianadh an údaraithe i leith an mheascáin LNFP-I/2’-FL arna tháirgeadh agus úsáid á baint as tréithchineál díorthach de E. coli K-12 DH1 agus an tagairt do na staidéir agus na sonraí eolaíocha atá i gcomhad an iarratasóra ionas gur ag an iarratasóir amháin atá an ceart sin, ní rud é lena gcuirtear cosc ar iarratasóirí eile cur isteach ina dhiaidh sin ar údarú chun an bia núíosach céanna a chur ar an margadh, ar choinníoll go mbeidh a n-iarratas bunaithe ar fhaisnéis a fuarthas go dlíthiúil agus atá ina taca leis an údarú sin. |
|
(14) |
I gcomhréir le coinníollacha úsáide forbhianna ina bhfuil an meascán LNFP-I/2’-FL arna tháirgeadh agus úsáid á baint as tréithchineál díorthach de E. coli K-12 DH1 mar a mhol an t-iarratasóir agus a ndearna an tÚdarás measúnú orthu, is gá a chur in iúl do thomhaltóirí ar lipéad iomchuí nár cheart do naíonáin ná do leanaí faoi bhun 3 bliana d’aois forbhianna a bhfuil an bia núíosach sin iontu a thomhailt agus nár cheart na forbhianna sin a úsáid má itear bianna eile arna mbreisiú le LNFP-I/2’-FL ar an lá céanna. |
|
(15) |
Maidir leis an meascán LNFP-I/2’-FL arna tháirgeadh agus úsáid á baint as tréithchineál díorthach de E. coli K-12 DH1 a áireamh i liosta an Aontais de bhianna núíosacha, is iomchuí go mbeidh an fhaisnéis dá dtagraítear in Airteagal 9(3) de Rialachán (AE) 2015/2283 ann. |
|
(16) |
An meascán LNFP-I/2’-FL arna tháirgeadh agus úsáid á baint as tréithchineál díorthach de E. coli K-12 DH1, ba cheart é a áireamh i liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir. |
|
(17) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
(1) An meascán de Lachta-N-fúcaipeantós I agus 2’-Fúcaisiol-lachtós arna tháirgeadh agus úsáid á baint as tréithchineál díorthach de E. coli K-12 DH1, údaraítear é a chur ar an margadh laistigh den Aontas.
An meascán de Lachta-N-fúcaipeantós I agus 2’-Fúcaisiol-lachtós arna tháirgeadh agus úsáid á baint as tréithchineál díorthach de E. coli K-12 DH1, áireofar é i liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470.
(2) Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 i gcomhréir leis an Iarscríbhinn a ghabhann leis an Rialachán seo.
Airteagal 2
Ní údaraítear ach an chuideachta Glycom A/S (18) an bia núíosach dá dtagraítear in Airteagal 1 a chur ar an margadh laistigh den Aontas, ar feadh tréimhse 5 bliana ó dháta theacht i bhfeidhm an Rialacháin seo an 19 Lúnasa 2024, ach amháin má fhaigheann iarratasóir ina dhiaidh sin údarú i dtaobh an bhia núíosaigh sin gan tagairt do na sonraí eolaíocha atá faoi chosaint de bhun Airteagal 3 nó le comhaontú ó Glycom A/S.
Airteagal 3
Na staidéir agus na sonraí eolaíocha atá sa chomhad iarratais agus a chomhlíonann na coinníollacha a leagtar síos in Airteagal 26(2) de Rialachán (AE) 2015/2283, ní úsáidfear iad chun tairbhe iarratasóra ina dhiaidh sin ar feadh tréimhse 5 bliana ó dháta theacht i bhfeidhm an Rialacháin seo gan comhaontú ó ‘Glycom A/S’.
Airteagal 4
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 29 Iúil 2024.
Thar ceann an Choimisiúin
An tUachtarán
Ursula VON DER LEYEN
(1) IO L 327, 11.12.2015, lch. 1, ELI: http://data.europa.eu/eli/reg/2015/2283/oj.
(2) Rialachán Cur Chun Feidhme (AE) 2017/2470 ón gCoimisiún an 20 Nollaig 2017 lena mbunaítear liosta an Aontais de bhianna núíosacha i gcomhréir le Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO L 351, 30.12.2017, lch. 72, ELI: http://data.europa.eu/eli/reg_impl/2017/2470/oj).
(3) Rialachán (AE) Uimh. 609/2013 ó Pharlaimint na hEorpa agus ón gComhairle an 12 Meitheamh 2013 maidir le bia a cheaptar lena úsáid mar bhia do naíonáin agus do leanaí óga, maidir le bia chun críocha speisialta míochaine, agus maidir le hionadach ar an aiste bia iomlán chun meáchan a rialú agus lena n-aisghairtear Treoir 92/52/CEE ón gComhairle, Treoir 96/8/CE ón gCoimisiún, Treoir 1999/21/CE ón gCoimisiún, Treoir 2006/125/CE ón gCoimisiún, Treoir 2006/141/CE ón gCoimisiún, Treoir 2009/39/CE ó Pharlaimint na hEorpa agus ón gComhairle, Rialachán (CE) Uimh. 41/2009 ón gCoimisiún agus Rialachán (CE) Uimh. 953/2009 ón gCoimisiún (IO L 181, 29.6.2013, lch. 35, ELI: http://data.europa.eu/eli/reg/2013/609/oj).
(4) Treoir 2002/46/CE ó Pharlaimint na hEorpa agus ón gComhairle an 10 Meitheamh 2002 maidir le comhfhogasú dhlíthe na mBallstát a bhaineann le forbhianna (IO L 183, 12.7.2002, lch. 51, ELI: http://data.europa.eu/eli/dir/2002/46/oj).
(5) Glycom A/S 2020 agus 2022 (nár foilsíodh).
(6) Glycom A/S 2020 agus 2022 (nár foilsíodh).
(7) Glycom A/S 2020 (nár foilsíodh).
(8) Glycom A/S 2019 (nár foilsíodh).
(9) Glycom A/S 2020 agus 2022 (nár foilsíodh).
(10) Glycom A/S 2020 agus 2022 (nár foilsíodh).
(11) Glycom A/S 2020, 2022 agus 2023 (nár foilsíodh).
(12) Glycom A/S 2021 (nár foilsíodh).
(13) Glycom A/S 2022 (nár foilsíodh).
B. Gilby 2020a (nár foilsíodh).
(14) B. Gilby 2020a (nár foilsíodh).
(15) B. Gilby 2020b (nár foilsíodh).
(16) D. Sannard 2020 (nár foilsíodh)
(17) EFSA Journal [Iris EFSA]. 2023;21e8412; https://doi.org/10.2903/j.efsa.2023. 8412.
(18) Seoladh: Kogle Allé 4, 2970 Hørsholm, an Danmhairg.
IARSCRÍBHINN
Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 mar a leanas:
|
(1) |
i dTábla 1 (Bianna núíosacha údaraithe), cuirtear an iontráil seo a leanas isteach in ord aibítre:
|
||||||||||||||||||||||||||||||||||||||||||||||
|
(2) |
i dTábla 2 (Sonraíochtaí), cuirtear an iontráil seo a leanas isteach in ord aibítre:
|
ELI: http://data.europa.eu/eli/reg_impl/2024/2090/oj
ISSN 1977-0839 (electronic edition)