(1)

In 2022, measadh nach raibh an comhar leis an Aetóip i réimse an athligean isteach leordhóthanach i gcomhréir le hAirteagal 25a(2) den Chód Víosaí. Bhí gá le feabhas mór ar an gcomhar maidir le gach céim den phróiseas i ndáil le hathligean isteach, go háirithe chun a áirithiú go gcomhoibríonn an Aetóip go héifeachtach leis na Ballstáit uile maidir leis an tsainaithint agus le heisiúint na ndoiciméad taistil chomh maith leis na n-oibríochtaí um fhilleadh ar bhealach tráthúil intuartha.

(2)

Agus na céimeanna arna nglacadh ag an gCoimisiún chun feabhas a chur ar an leibhéal comhair agus ar chaidreamh foriomlán an Aontais leis an Aetóip á gcur san áireamh, measadh go raibh gá le gníomhaíocht ón Aontas.

(3)

Le Cinneadh Cur Chun Feidhme (AE) 2024/1341 ón gComhairle (2) cuireadh cur i bhfeidhm forálacha áirithe den Chód Víosaí ar fionraí go sealadach i ndáil le náisiúnaigh den Aetóip. Ba é cuspóir na fionraí an Aetóip a spreagadh chun tabhairt faoi na gníomhaíochtaí is gá chun feabhas a chur ar an gcomhar maidir le hábhair athligean isteach.

(4)

Ba iad na forálacha a cuireadh ar fionraí na forálacha sin a leagtar amach in Airteagal 25a(5), pointe (a), den Chód Víosaí, eadhon; an fhéidearthacht atá ann ceanglais a tharscaoileadh i ndáil leis an bhfianaise dhoiciméadach a bhíonn le cur isteach ag iarratasóirí ar víosa dá dtagraítear in Airteagal 14(6) den Chód Víosaí, an fhéidearthacht an táille víosa a tharscaoileadh i gcás sealbhóirí pasanna taidhleoireachta agus pasanna seirbhíse i gcomhréir le hAirteagal 16(5), pointe (b) den Chód Víosaí, an ghnáth-thréimhse próiseála 15 lá féilire dá dtagraítear in Airteagal 23(1) den Chód Víosaí, agus le fionraí an Airteagail sin, d’fhágfadh go n-eisiafaí cur i bhfeidhm na rialach lena gceadaítear síneadh suas le 45 lá féilire ar a mhéad ar an tréimhse sin i gcásanna aonair amháin, agus dá réir sin go mba thréimhse 45 lá féilire a bheadh sa tréimhse phróiseála chaighdeánach; agus eisiúint víosaí dul isteach iolrach i gcomhréir le hAirteagal 24(2) agus (2c) den Chód Víosaí.

(5)

Sa mheasúnú leanúnach a rinne an Coimisiún ar an gcomhar ón Aetóip maidir le hábhair athligean isteach tar éis theacht i bhfeidhm Chinneadh Cur Chun Feidhme (AE) 2024/1341, léirítear go raibh feabhas substaintiúil marthanach ar an gcomhar maidir le hathligean isteach go háirithe i dtaobh náisiúnaigh den Aetóip atá ag fanacht go neamhdhleathach ar chríoch na mBallstát a shainaithint, doiciméid taistil éigeandála a eisiúint agus oibríochtaí um fhilleadh a bheith á n-eagrú go tráthrialta. Dá bhrí sin, ní gá cur i bhfeidhm forálacha áirithe den Chód Víosaí i ndáil leis an Aetóip a chur ar fionraí a thuilleadh agus ba cheart Cinneadh Cur Chun Feidhme (AE) 2024/1341 a aisghairm.

(6)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm. Ós rud é go gcuireann an Cinneadh seo le acquis Schengen, tá an Danmhairg le cinneadh a dhéanamh, i gcomhréir le hAirteagal 4 den Phrótacal sin, laistigh de thréimhse 6 mhí tar éis don Chomhairle cinneadh a dhéanamh maidir an gCinneadh seo, an gcuirfidh sí chun feidhme ina dlí náisiúnta é.

(7)

Is é atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (3); dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(8)

Maidir leis an Íoslainn agus an Iorua, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen (4) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE ón gComhairle (5).

(9)

Maidir leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (6) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE arna léamh i gcomhar le hAirteagal 3 de Chinneadh 2008/146/CE ón gComhairle (7).

(10)

Maidir le Lichtinstéin, is é atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (8) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe B, de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle (9).

(11)

Is é atá sa Chinneadh seo gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(2) d’Ionstraim Aontachais 2003,