|
7.8.2018 |
MT |
Il-Ġurnal Uffiċjali tal-Unjoni Ewropea |
C 277/20 |
Notifika minn qabel ta' konċentrazzjoni
(Il-Każ M.8879 — JERA Trading/LNG Optimisation)
Każ li jista' jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 277/07)
1.
Fil-31 ta’ Lulju 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
JERA Trading Pte Ltd (“JERA Trading”, Singapore), ikkontrollata b’mod konġunt minn Jera Co. Inc. (“JERA”, il-Ġappun), u EDF Trading Limited (“EDFT”, IR-RENJU UNIT). |
|
— |
LNG Optimisation (ir-Renju Unit), tappartjeni għal EDFT, li min-naħa tagħha hija sussidjarja kompletament proprjetà ta’ Electricité de France SA (“EDF”, Franza). |
JERA Trading takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku tan-negozju fil-kummerċ u l-ottimizzazzjoni tal-LNG ta’ EDFT (“LNG Optimisation”).
Il-konċentrazzjoni titwettaq permezz tax-xiri ta’ assi.
2.
L-attivitajiet kummerċjali tal-impriżi kkonċernati huma:|
— |
JERA Trading hija attiva fil-kummerċ u l-ottimizzazzjoni tal-faħam u l-merkanzija, li jinvolvi faħam fiżiku u prodotti finanzjarji. Din hija kkontrollata b’mod konġunt minn JERA, li hija attiva fix-xiri ta’ LNG u komoditajiet oħra għall-kumpaniji prinċipali tagħha, Tepco Fuel & Power, Inc. u Chubu Electric Power Co., Inc., żewġ kumpaniji Ġappuniżi tal-utilitajiet, u EDFT, kumpanija li tagħmel kummerċ fl-LNG u komoditajiet oħrajn fis-suq bl-ingrossa u tottimizza l-assi għall-kumpanija prinċipali tagħha, EDF, |
|
— |
LNG Optimisation hija attiva fil-kummerċ u l-ottimizzazzjoni tal-LNG. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja tiġi dejjem speċifikata:
M.8879 — JERA Trading/LNG Optimisation
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).