Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/1724 |
17.6.2024 |
RIALACHÁN CUR CHUN FEIDHME (AE) 2024/1724 ÓN gCOMHAIRLE
an 17 Meitheamh 2024
lena gcuirtear chun feidhme Airteagal 12 de Rialachán (AE) Uimh. 356/2010 lena bhforchuirtear bearta sriantacha sonracha áirithe atá dírithe i gcoinne daoine nádúrtha nó dlítheanacha, eintitis nó comhlachtaí áirithe i bhfianaise na staide sa tSomáil
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 356/2010 ón gComhairle an 26 Aibreán 2010 lena bhforchuirtear bearta sriantacha sonracha áirithe atá dírithe i gcoinne daoine nádúrtha nó dlítheanacha, eintitis nó comhlachtaí áirithe i bhfianaise na staide sa tSomáil (1), agus go háirithe Airteagal 12 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 26 Aibreán 2010, ghlac an Chomhairle Rialachán (AE) Uimh. 356/2010. |
|
(2) |
An 21 Bealtaine 2024 d'fhormheas Coiste Chomhairle Slándála na Náisiún Aontaithe (UNSC) a bunaíodh de bhun Rún 2713 (2023) ó UNSC a bhaineann le Al-Shabaab triúr a chur le liosta na ndaoine agus na n-eintiteas atá faoi réir bearta sriantacha. |
|
(3) |
Ba cheart, dá bhrí sin, Rialachán (AE) Uimh. 356/2010 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) Uimh. 356/2010 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh i Lucsamburg, an 17 Meitheamh 2024.
Thar ceann na Comhairle
An tUachtarán
M. MARON
IARSCRÍBHINN
Cuirtear na daoine seo le liosta na ndaoine agus na n-eintiteas a leagtar amach i roinn ‘I. Daoine’ in Iarscríbhinn I a ghabhann le Rialachán (AE) Uimh. 356/2010:
I. Daoine
‘23. Abdikadir Mohamed Abdikadir (ar a dtugtar freisin: (a) Abdukadir (b) Abdukadir Mohamed Abdukadir (c) Abdulkadir (d) Abdulkadir Mohamed Abdulkadir (e) Ikrima)
Ainmniúchán: Ceannaire sinsearach Al-Shabaab
Dáta breithe: 1985
Náisiúntacht: an tSomáil, an Chéinia
Seoladh: an tSomáil
Dáta ainmniúcháin na Náisiún Aontaithe: an 21 Bealtaine 2024
Inscne: fireann
Faisnéis eile: Liostaithe de bhun mhír 26(b) de rún 2662 (2022): (i) páirt a ghlacadh i maoiniú, pleanáil, éascú, ullmhú, nó cur i gcrích gníomhartha nó gníomhaíochtaí atá á ndéanamh ag Al-Shabaab, i gcomhar le Al-Shabaab, faoi ainm Al-Shabaab, thar ceann Al-Shabaab, nó chun tacú le Al-Shabaab, agus (iii) earcú thar ceann Al-Shabaab, nó tacaíocht a thabhairt ar bhealach eile do ghníomhartha nó gníomhaíochtaí de chuid Al-Shabaab, nó de chuid aon chille, cleamhnaí, foghrúpa nó fréamhaí de.
24. Mohamed Mohamud Mire (ar a dtugtar freisin: Mohamed Mire)
Ainmniúchán: ball de Shura d’Al-Shabaab
Dáta breithe: (a) 1962 (b) 1960 (c) 1955
Áit bhreithe: Kismayo, an tSomáil
Náisiúntacht: an tSomáil
Seoladh: (a) Jilib, an tSomáil (b) Qunyo Barrow, an tSomáil
Dáta ainmniúcháin na Náisiún Aontaithe: an 21 Bealtaine 2024
Inscne: fireann
Faisnéis eile: Liostaithe de bhun mhír 26 de rún 2662 (2022): (a) a bheith páirteach i ngníomhartha nó tacaíocht a thabhairt do ghníomhartha ar bagairt iad ar shíocháin, slándáil nó cobhsaíocht na Somáile, lena n-áirítear gníomhartha ar bagairt iad ar an bpróiseas síochána agus athmhuintearais sa tSomáil, nó ar bagairt le forneart iad ar Rialtas Cónaidhme na Somáile ar Misean Aistrithe an Aontais Afracaigh sa tSomáil; agus (b)(i) páirt a ghlacadh i maoiniú, pleanáil, éascú, ullmhú nó cur i gcrích gníomhartha nó gníomhaíochtaí atá á ndéanamh ag Al-Shabaab, i gcomhar le Al-Shabaab, faoi ainm Al-Shabaab, thar ceann Al-Shabaab, nó chun tacú le Al-Shabaab.
25. Mohamed Omar Mohamed (ar a dtugtar freisin: (a) Ma’d Umurow (b) Mohamed Omar Haji (c) Mohamed Omar Ma’alin (d) Mohamed Haji Omar)
Ainmniúchán: Ceannaire (Wali) ar an ngrúpa Al-Shabaab in Diinsor
Dáta breithe: 1976
Áit bhreithe: Sráidbháile Taflow, Ceantar Berdaale, Réigiún Bay, an tSomáil
Náisiúntacht: an tSomáil
Seoladh: (a) Ceantar Diinsor, Réigiún Bay, an tSomáil (b) Ceantar Buur Hakaba, Réigiún Bay, an tSomáil
Dáta ainmniúcháin na Náisiún Aontaithe: an 21 Bealtaine 2024
Inscne: fireann
Faisnéis eile: Liostaithe de bhun mhír 26(b) de rún 2662 (2022): (i) páirt a ghlacadh i maoiniú, pleanáil, éascú, ullmhú nó cur i gcrích gníomhartha nó gníomhaíochtaí atá á ndéanamh ag Al-Shabaab, i gcomhar le Al-Shabaab, faoi ainm Al-Shabaab, thar ceann Al-Shabaab, nó chun tacú le Al-Shabaab; agus (iii) earcú thar ceann Al-Shabaab, nó tacaíocht a thabhairt ar bhealach eile do ghníomhartha nó gníomhaíochtaí de chuid Al-Shabaab, nó de chuid aon chille, cleamhnaí, foghrúpa nó fréamhaí de.’
ELI: http://data.europa.eu/eli/reg_impl/2024/1724/oj
ISSN 1977-0839 (electronic edition)