|
Iris Oifigiúil |
GA Sraith L |
|
2024/2043 |
30.7.2024 |
RIALACHÁN CUR CHUN FEIDHME (AE) 2024/2043 ÓN gCOIMISIÚN
an 29 Iúil 2024
lena leasaítear Iarscríbhinn II a ghabhann le Rialachán Cur Chun Feidhme (AE) 2020/690 a mhéid a bhaineann leis na galair liostaithe a bhféadfar stádas saor ó ghalair do dheighleoga a bhunú ina leith
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (1) (‘Dlí maidir le Sláinte Ainmhithe’), agus go háirithe Airteagal 37(4), pointe (b), de,
De bharr an mhéid seo a leanas:
|
(1) |
Le Rialachán (AE) 2016/429 bunaítear, inter alia, liosta comhchuibhithe de ghalair in-tarchurtha ainmhithe (galair liostaithe), agus rialacha sonracha ó thaobh galair de chun na galair liostaithe sin a chosc agus a rialú. |
|
(2) |
Le hAirteagal 9(1) de Rialachán (AE) 2016/429 leagtar síos rialacha coiscthe agus rialaithe galar atá le cur i bhfeidhm maidir le catagóirí éagsúla galar liostaithe, lena n-áirítear rialacha maidir le roinnt i ndeighleoga. |
|
(3) |
Le hAirteagal 37 de Rialachán (AE) 2016/429, tugtar an ceart do na Ballstáit iarratas a chur faoi bhráid an Choimisiúin ar aitheantas ar stádas saor ó ghalair do dheighleoga i ndáil le galair liostaithe áirithe dá dtagraítear in Airteagal 9(1), pointí (a), (b) agus (c), den Rialachán sin. |
|
(4) |
Tá an cur chuige maidir le roinnt i ndeighleoga dá bhforáiltear i Rialachán (AE) 2016/429 i gcomhréir le caighdeáin idirnáisiúnta na hEagraíochta Domhanda um Shláinte Ainmhithe, agus go háirithe Caibidlí 4.4. agus 4.5. den Chód um Shláinte na nAinmhithe Talún (2) a bhaineann le criosú agus roinnt i ndeighleoga, agus le cur i bhfeidhm na roinnte i ndeighleoga, faoi seach, Caibidlí atá ceaptha lena n-úsáid ag Comhaltaí den Eagraíocht Dhomhanda um Shláinte Ainmhithe mar bhonn dá rialacháin maidir le galair ainmhithe a chosc agus a rialú. |
|
(5) |
Leagtar amach in Iarscríbhinn II a ghabhann le Rialachán Cur Chun Feidhme (AE) 2020/690 ón gCoimisiún (3) na galair liostaithe a bhféadfar stádas saor ó ghalair do dheighleoga a bhunú ina leith, i gcomhréir le hAirteagal 37 de Rialachán (AE) 2016/429. |
|
(6) |
I Rialachán Cur Chun Feidhme (AE) 2018/1882 ón gCoimisiún (4) sainmhínítear ‘galar chatagóir A’ mar ghalar liostaithe nach ann dó san Aontas de ghnáth agus nach mór bearta díothaithe láithreacha a dhéanamh ina leith a luaithe a bhraitear é, dá dtagraítear in Airteagal 9(1), pointe (a) de Rialachán (AE) 2016/429, agus liostaítear an fliú éanúil ardphataigineach agus ionfhabhtú le víreas ghalar Newcastle mar ghalair chatagóir A san Iarscríbhinn a ghabhann leis. |
|
(7) |
Cé go ndéantar foráil in Airteagal 37(1) de Rialachán (AE) 2016/429 maidir leis an bhféidearthacht atá ag Ballstát iarratas a chur faoi bhráid an Choimisiúin ar aitheantas ar stádas saor ó ghalair do dheighleoga i ndáil le galair liostaithe dá dtagraítear in Airteagal 9(1), pointe (a), de, ní áirítear in Iarscríbhinn II a ghabhann le Rialachán Cur Chun Feidhme (AE) 2020/690 galair chatagóir A in ainmhithe talún. |
|
(8) |
Mar gheall ar an staid eipidéimeolaíoch atá ag athrú ar fud an domhain maidir leis an bhfliú éanúil ardphataigineach agus víreas galar Newcastle, ba cheart an fhéidearthacht go ndéanfaí roinnt i ndeighleoga a bheith san áireamh sna rialacha maidir leis an dá ghalar liostaithe sin a chosc agus a rialú san Aontas. |
|
(9) |
Dá bhrí sin, ba cheart an dá ghalar liostaithe sin a chur le hIarscríbhinn II a ghabhann le Rialachán Cur Chun Feidhme (AE) 2020/690. |
|
(10) |
Dá bhrí sin, ba cheart Iarscríbhinn II a ghabhann le Rialachán Cur Chun Feidhme (AE) 2020/690 a leasú dá réir. |
|
(11) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn II a ghabhann le Rialachán Cur Chun Feidhme (AE) 2020/690 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 29 Iúil 2024.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1, ELI: http://data.europa.eu/ELI/reg/2016/429/oj.
(2) https://www.woah.org/en/what-we-do/standards/codes-and-manuals/terrestrial-code-online-access/
(3) Rialachán Cur Chun Feidhme (AE) 2020/690 ón gCoimisiún an 17 Nollaig 2019 lena leagtar síos rialacha maidir le cur i bhfeidhm Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann leis na galair liostaithe faoi réir cláir faireachais de chuid an Aontais, raon feidhme geografach na gclár sin agus na galair liostaithe a bhféadfar stádas saor ó ghalair do dheighleoga a bhunú ina leith (IO L 174, 3.6.2020, lch. 341, ELI: http://data.europa.eu/eli/reg_impl/2020/690/oj).
(4) Rialachán Cur Chun Feidhme (AE) 2018/1882 ón gCoimisiún an 3 Nollaig 2018 maidir le rialacha áirithe coisctheacha agus rialaithe galar a chur i bhfeidhm i leith catagóirí galar liostaithe agus lena mbunaítear liosta speiceas agus grúpaí speiceas a bhfuil riosca suntasach ag gabháil leo maidir le leathadh na ngalar liostaithe sin (IO L 308, 4.12.2018, lch. 21, ELI: http://data.europa.eu/eli/reg_impl/2018/1882/2024-02-01).
IARSCRÍBHINN
Cuirtear na rónna seo a leanas sa tábla in Iarscríbhinn II a ghabhann le Rialachán Cur Chun Feidhme (AE) 2020/690:
|
‘Fliú éanúil ardphataigineach |
|
Ionfhabhtú le víreas ghalar Newcastle’. |
ELI: http://data.europa.eu/eli/reg_impl/2024/2043/oj
ISSN 1977-0839 (electronic edition)