(1)

Seħħew tifqigħat ta’ l-influwenza tat-tjur fid-Danimarka fl-2006. Il-feġġ ta’ din il-marda ppreżenta periklu serju għall-popolazzjoni tal-bhejjem tal-Komunità.

(2)

Għall-prevenzjoni tat-tixrid tal-marda u biex tingħata għajnuna għall-eradikazzjoni tagħha kemm jista’ jkun malajr, il-Komunità għandha tikkontribwixxi fin-nefqa eliġibbli mġarrba mill-Istat Membru skond il-miżuri ta’ emerġenza li ttieħdu fil-ġlieda kontra l-marda, kif inhu previst fid-Deċiżjoni 90/424/KEE.

(3)

Id-Deċiżjoni tal-Kummissjoni 2007/310/KE tas-27 ta’ April 2007 li tikkonċerna kontribuzzjoni finanzjarja mill-Komunità fil-kuntest tal-miżuri ta’ emerġenza meħuda biex tiġi miġġielda l-influwenza tat-tjur fid-Danimarka, fl-2006 (2) ikkonċediet kontribuzzjoni finanzjarja bir-rata ta’ 50 % tan-nefqa eliġibbli għall-iffinanzjar tal-Komunità għall-implimentazzjoni tal-miżuri meħuda biex tiġi miġġielda t-tifqigħa.

(4)

Skond din id-Deċiżjoni, il-kontribuzzjoni finanzjarja tal-Komunità għandha titħallas fuq il-bażi tat-talba magħmula mid-Danimarka fl-24 ta’ Ġunju 2007 u d-dokumenti ta’ evidenza kif stipulati fl-Artikolu 7 tar-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli dwar l-iffinanzjar mill-Komunità ta’ miżuri ta’ emerġenza u tal-kampanja biex jiġi miġġieled ċertu mard ta’ l-annimali skond id-Deċiżjoni tal-Kunsill 90/424/KEE (3).

(5)

Fid-dawl tal-kunsiderazzjonijiet imsemmija fuq, l-ammont totali tal-kontribuzzjoni finanzjarja Komunitarja għan-nefqa mġarrba fil-kuntest tal-qerda ta’ l-influwenza tat-tjur fid-Danimarka fl-2006 issa għandu jiġi ffissat.

(6)

Ir-riżultati ta’ l-ispezzjonijiet li saru mill-Kummissjoni f’konformità mar-regoli veterinarji Komunitarji u l-kondizzjonijiet għall-għoti ta’ l-appoġġ finanzjarju Komunitarju ifissru l-ammont kollu li tressaq ma jistax jiġi rikonoxxut bħala wieħed eliġibbli għall-kontribuzzjoni finanzjarja Komunitarja.

(7)

Il-kummenti tal-Kummissjoni, il-metodu għall-kalkolu tan-nefqa eliġibbli u l-konklużjonijiet finali ġew ikkomunikati lid-Danimarka f’ittra bid-data tad-9 ta’ Ottubru 2007.

(8)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,