21.12.2017   

MT

Il-Ġurnal Uffiċjali tal-Unjoni Ewropea

C 440/33

1.

Fit-8 ta’ Diċembru 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

Intu u LaSalle jakkwsitaw fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet il-kontroll konġunt ta’ Chapelfield.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   intu: fiduċjarja tal-investiment fil-proprjetà immobbli, iffukata l-aktar fuq is-sjieda, il-ġestjoni u l-iżvilupp ta’ ċentri kummerċjali madwar ir-Renju Unit, u sa ċertu punt fi Spanja,

—   LaSalle: ditta ta' ġestjoni tal-investimenti fil-proprjetà immobbli. Hija sussidjarja indiretta u proprjetà kollha kemm hi ta’ Jones Lang LaSalle Incorporated,

—   Chapelfied: ċentru kummerċjali msaqqaf f’Norwich, belt fil-lvant tal-Ingilterra, fir-Renju Unit.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8720 — Jones Lang LaSalle/Intu properties/The Chapelfield Partnership

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: