|
6.11.2018 |
MT |
Il-Ġurnal Uffiċjali tal-Unjoni Ewropea |
L 275/10 |
REGOLAMENT TA' IMPLIMENTAZZJONI TAL-KUMMISSJONI (UE) 2018/1650
tal-5 ta' Novembru 2018
li jemenda l-Anness I tar-Regolament (KE) Nru 798/2008 dwar l-entrati għall-Kanada, ir-Russja u l-Istati Uniti tal-Amerka fil-lista ta' pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti tat-tjur lejn l-Unjoni jew isir tranżitu minnha fir-rigward tal-influwenza tat-tjur b'patoġeniċità għolja
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (1), u b'mod partikolari l-frażi introduttorja tal-Artikolu 8, l-ewwel subparagrafu tal-punt 1 tal-Artikolu 8, il-punt 4 tal-Artikolu 8, u l-Artikolu 9(4)(c) tagħha,
Wara li kkunsidrat id-Direttiva tal-Kunsill 2009/158/KE tat-30 ta' Novembru 2009 dwar il-kondizzjonijiet tas-saħħa ta' bhejjem li jirregolaw il-kummerċ intra-Komunitarju, u l-importazzjoni ta' tajr u bajd għat-tfaqqis minn pajjiżi terzi (2), u b'mod partikolari l-Artikoli 23(1), 24(2) u 25 tagħha,
Billi:
|
(1) |
Ir-Regolament tal-Kummissjoni (KE) Nru 798/2008 (3) jistabbilixxi r-rekwiżiti dwar iċ-ċertifikazzjoni veterinarja għall-importazzjonijiet fl-Unjoni u t-tranżitu minnha, inkluż il-ħżin waqt it-tranżitu, tat-tjur u l-prodotti tat-tjur (il-prodotti). Dan jistipula li dawk il-prodotti biss jistgħu jiġu impurtati fl-Unjoni u jgħaddu minnha bi tranżitu, mill-pajjiżi terzi, mit-territorji, miż-żoni jew mill-kompartimenti mniżżla fil-kolonni 1 u 3 tat-tabella fil-Parti 1 tal-Anness I tiegħu. |
|
(2) |
Ir-Regolament (KE) Nru 798/2008 jistipula li kunsinni tal-prodotti jistgħu jiġu impurtati biss fl-Unjoni u jgħaddu minnha bi tranżitu biss jekk jikkonformaw ma' ċerti kundizzjonijiet, inklużi l-kundizzjonijiet speċifiċi stabbiliti fil-kolonna 6 tat-tabella fil-Parti 1 tal-Anness I tiegħu, u fejn xieraq, id-“data tal-għeluq” u d-“data tal-ftuħ” stabbiliti fil-kolonni 6 A u 6B ta' dik it-tabella. Id-data tal-għeluq tindika d-data minn meta l-kunsinni tal-prodotti manifatturati f'pajjiż terz, territorju, żona jew kumpartiment li ma għadux awtorizzat għall-importazzjoni fl-Unjoni jew għat-tranżitu minnha, filwaqt li d-data tal-ftuħ tindika d-data minn meta kunsinni ta' prodotti manifatturati f'pajjiż terz, territorju, żona jew kumpartiment għal darba oħra huma awtorizzati għall-importazzjoni lejn l-Unjoni jew għat-tranżitu minnha. |
|
(3) |
L-entrati fil-kolonni 6 A u 6B jinżammu fit-tabella fil-Parti 1 tal-Anness I tar-Regolament (KE) Nru 798/2008 biex ma jitħallewx l-importazzjoni lejn l-Unjoni u t-tranżitu minnha tal-kunsinni tal-prodotti manifatturati f'żoni ristretti barra l-Unjoni matul il-perjodu meta l-importazzjoni lejn l-Unjoni u t-tranżitu minnha ta' kunsinni bħal dawn ma kinux awtorizzati skont ir-regoli stabbiliti f'dak ir-Regolament. |
|
(4) |
L-entrata għall-Kanada fit-tabella fil-Parti 1 tal-Anness I tar-Regolament (KE) Nru 798/2008 tinkludi żoni ta' dak il-pajjiż terz li, wara l-konferma tal-HPAI, applikaw l-eliminazzjoni, it-tindif u d-diżinfettar, u ġew awtorizzati mill-ġdid l-importazzjonijiet lejn l-Unjoni u t-tranżitu minnha ta' ċerti prodotti tat-tjur b'data tal-ftuħ ta' aktar minn sentejn ilu. Għalhekk, l-entrata għall-Kanada jenħtieġ li tiġi emendata skont dan. |
|
(5) |
L-entrata għall-Istati Uniti fit-tabella fil-Parti 1 tal-Anness I tar-Regolament (KE) Nru 798/2008 tinkludi żoni ta' dak il-pajjiż terz li, wara l-konferma tal-HPAI, applikaw l-eliminazzjoni, it-tindif u d-diżinfettar, u ġew awtorizzati mill-ġdid l-importazzjonijiet lejn l-Unjoni u t-tranżitu minnha ta' ċerti prodotti tat-tjur b'data tal-ftuħ ta' aktar minn sentejn ilu. Għalhekk, l-entrata għall-Istati Uniti jenħtieġ li tiġi emendata skont dan. |
|
(6) |
Ir-Regolament (KE) Nru 798/2008 jistabbilixxi wkoll il-kundizzjonijiet biex pajjiż terz, territorju, żona jew kumpartiment ikun jista' jitqies ħieles mill-HPAI. |
|
(7) |
Ir-Russja hija elenkata fit-tabella fil-Parti 1 tal-Anness I tar-Regolament (KE) Nru 798/2008 bħala pajjiż terz li għandu l-awtorizzazzjoni għat-territorju kollu tiegħu għal importazzjonijiet lejn l-Unjoni u t-tranżitu minnha ta' prodotti tat-tjur. |
|
(8) |
Fis-17 ta' Novembru 2016, ir-Russja kkonfermat il-preżenza tal-HPAI tas-sottotip H5N8 f'azjenda agrikola tat-tjur fit-territorju tagħha. Minn Novembru 2016, ir-Russja kkonfermat diversi tifqigħat tal-HPAI f'azjendi tat-tjur fit-territorju tagħha. Minħabba dawk it-tifqigħat li ġew ikkonfermati minn Novembru 2016, ir-Russja ma tistax titqies bħala ħielsa minn dik il-marda u l-awtoritajiet veterinarji tar-Russja mhumiex f'pożizzjoni li jiċċertifikaw kunsinni ta' laħam tat-tjur għall-konsum uman maħsuba għall-importazzjoni fl-Unjoni jew għat-tranżitu minnha. |
|
(9) |
L-awtoritajiet veterinarji tar-Russja bagħtu lill-Kummissjoni l-informazzjoni preliminari dwar it-tifqigħat tal-HPAI u kkonfermaw li mis-17 ta' Novembru 2016, huma kienu ssospendew il-ħruġ taċ-ċertifikati veterinarji għall-kunsinni ta' laħam tat-tjur għall-konsum uman maħsuba għall-importazzjoni fl-Unjoni jew għat-tranżitu minnha. |
|
(10) |
Għalhekk, ebda kunsinna ta' dawn il-prodotti oriġinarji mir-Russja ma ġiet introdotta fl-Unjoni minn dik id-data 'l hawn. Għal raġunijiet ta' ċarezza u ċertezza legali, huwa xieraq li tiġi ddokumentata din is-sitwazzjoni u tiġi introdotta d-data tal-għeluq rilevanti fit-tabella fil-Parti 1 tal-Anness I tar-Regolament (KE) Nru 798/2008. Dan jiżgura wkoll li meta r-Russja terġa' teħles mill-HPAI u tiġi stabbilita data tal-ftuħ, il-kunsinni ta' dawn il-prodotti manifatturati wara d-data tal-għeluq u qabel dik id-data tal-ftuħ ma jkunux eliġibbli għall-introduzzjoni fl-Unjoni. |
|
(11) |
Għalhekk jenħtieġ li l-entrata għar-Russja fit-tabella fil-Parti 1 tal-Anness I tar-Regolament (KE) Nru 798/2008 tiġi emendata biex tqis il-qagħda epidemjoloġika f'dak il-pajjiż terz sa minn Novembru 2016 u tindika d-data tal-għeluq li minnha dak il-pajjiż terz ma jistax jitqies bħala ħieles mill-HPAI. |
|
(12) |
Għaldaqstant, l-Anness I tar-Regolament (KE) Nru 798/2008 jenħtieġ li jiġi emendat skont dan. |
|
(13) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-Parti 1 tal-Anness I tar-Regolament (KE) Nru 798/2008 hija emendata skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Novembru 2018.
Għall-Kummissjoni
Il-President
Jean-Claude JUNCKER
(1) ĠU L 18, 23.1.2003, p. 11.
(2) ĠU L 343, 22.12.2009, p. 74.
(3) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1).
ANNESS
Il-Parti 1 tal-Anness I tar-Regolament (KE) Nru 798/2008 hija emendata kif ġej:
|
(1) |
l-entrata għall-Kanada hija sostitwita b'dan li ġej:
|
|||||||||||||||||||||||||||||||||||||||||||||||||||||||||||||||||||||||||||||||||
|
(2) |
l-entrata għar-Russja hija sostitwita b'dan li ġej:
|
||||||||||||||||||||||||||||||||||||||||||||
|
(3) |
l-entrata għall-Istati Uniti hija sostitwita b'dan li ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||