|
10.9.2021 |
GA |
Iris Oifigiúil an Aontais Eorpaigh |
L 319/1 |
RIALACHÁN CUR CHUN FEIDHME (AE) 2021/1460 ÓN gCOIMISIÚN
an 9 Meán Fómhair 2021
lena leasaítear den 322ú huair Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe i gcoinne daoine agus eintitis áirithe atá bainteach leis na heagraíochtaí SIIL (Da'esh) agus Al-Qaida
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe i gcoinne daoine agus eintitis áirithe atá bainteach leis na heagraíochtaí SIIL (Da'esh) agus Al-Qaida (1), agus go háirithe Airteagal 7(1)(a) agus Airteagal 7a(5) de,
De bharr an mhéid seo a leanas:
|
(1) |
Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis arna gcumhdach ag reo cistí agus acmhainní eacnamaíocha faoin Rialachán sin. |
|
(2) |
An 6 Meán Fómhair 2021, chinn Coiste Smachtbhannaí Chomhairle Slándála na Náisiún Aontaithe iontráil amháin a bhaint de liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo. |
|
(3) |
Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (CE) Uimh. 881/2002 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 9 Meán Fómhair 2021.
Thar ceann an Choimisiúin,
Ar son an Uachtaráin,
An tArd-Stiúrthóir
An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil
IARSCRÍBHINN
In Iarscríbhinn I a ghabhann le Rialachán (CE) Uimh. 881/2002, scriostar an iontráil seo a leanas faoin gceannteideal “Daoine nádúrtha”:
“Khalifa Muhammad Turki Al-Subaiy (script bhunaidh: خليفة محمد تركي السبيعي) (ailiasanna láidre: (a) Khalifa Mohd Turki Alsubaie; (b) Khalifa Mohd Turki al-Subaie; (c) Khalifa Al-Subayi; (d) Khalifa Turki bin Muhammad bin al-Suaiy; ailiasanna neamhláidre: (a) Abu Mohammed al-Qatari; (b) Katrina). Dáta breithe: 1.1.1965. Áit bhreithe: Doha, Catar. Náisiúntacht: Catarach. Pas uimh.: (a) 1353275 (Pasuimhir Chatarach, arb é dáta a dul in éag an 12.6.2022); (b) 00685868 (Pasuimhir Chatarach arna heisiúint in Doha an 5.2.2006 agus a chuaigh in éag an 4.2.2011). Uimh. aitheantais náisiúnta: 26563400140 (Uimhir aitheantais Chatarach). Seoladh: Al-Waab, Catar. Faisnéis eile: Hamdah Ahmad Haidoos is ea ainm na máthar. Dáta an ainmniúcháin dá dtagraítear in Airteagal 7d(2)(i): 10.10.2008.”