|
5.5.2023 |
GA |
Iris Oifigiúil an Aontais Eorpaigh |
CA 160/1 |
FÓGRA FOLÚNTAIS PE/288/S
STIÚRTHÓIR
(grúpa feidhme AD, grád 14)
An Ard-Stiúrthóireacht um Chomhpháirtíochtaí an Daonlathais Pharlaimintigh — an Stiúrthóireacht um an gCaidreamh leis na Parlaimintí Náisúnta
(2023/C 160 A/01)
1. Folúntas
Tá cinneadh déanta ag Uachtarán Pharlaimint na hEorpa an nós imeachta a oscailt maidir le post Stiúrthóra (AD, grád 14) a líonadh in Ard-Stiúrthóireacht um Chomhpháirtíochtaí Daonlathais Pharlaimintigh, an Stiúrthóireacht um an gCaidreamh le Parlaimintí Náisiúnta ar bhonn Airteagal 29(2) de Rialacháin Foirne Oifigigh an Aontais Eorpaigh (1) (dá ngairtear na “Rialacháin Foirne” anseo feasta).
Seolfar an nós imeachta roghnúcháin seo, a bhfuil sé d’aidhm aige an rogha is leithne d’iarrthóirí a thabhairt don Údarás Ceapacháin, ag an am céanna leis na nósanna imeachta inmheánacha agus idirinstitiúideacha chun poist a líonadh.
Déanfar an earcaíocht ar ghrád AD 14 (2). Is é EUR 16,292,34 in aghaidh na míosa an buntuarastal. I dteannta an bhuntuarastail, atá faoi réir cáin réir cáin a théann chun sochair don Aontas Eorpach agus atá díolmhaithe ó cháin náisiúnta, tá liúntais áirithe a d’fhéadfaí a íoc leis an té a cheapfar, de réir mar a leagtar amach sna Rialacháin Foirne.
Cuirtear in iúl do na hiarrthóirí go bhfuil an post seo faoi réir na rialacha maidir leis an mbeartas soghluaisteachta arna nglacadh ag Biúró Pharlaimint na hEorpa an 15 Eanáir 2018.
Éilítear solúbthacht leis an bpost seo agus go ndéanfar teagmháil go rialta le daoine laistigh den Pharlaimint agus lasmuigh di, go háirithe leis na Feisirí de Pharlaimint na hEorpa. Beidh ar an Stiúrthóir turais ghnó a dhéanamh go minic idir áiteanna oibre na Parlaiminte agus go dtí áiteanna eile lasmuigh díobh.
2. Ionad Fostaíochta
An Bhruiséil. D’fhéadfaí an post seo a aistriú go dtí ceann d’ionaid eile oibre Pharlaimint na hEorpa.
3. Comhionannas Deiseanna
Is fostóir comhionannais deiseanna í Parlaimint na hEorpa agus glacann sí le hiarratais gan idirdhealú a dhéanamh ar fhorais ar bith amhail inscne, cine, dath, bunadh eitneach nó sóisialta, tréithe géiniteacha, teanga, reiligiún nó creideamh, tuairimí polaitiúla nó aon tuairim eile, a bheith ar dhuine de mhionlach náisiúnta, maoin, breith, míchumas, aois, gnéaschlaonadh, stádas pósta nó stádas teaghlaigh.
4. Cúraimí an phoist
Mar oifigeach sinsearach, beidh an Stiúrthóir freagrach as na dualgais seo a leanas, de réir na dtreoirlínte agus na gcinntí arna leagan síos ag an údarás parlaiminteach agus ag an Ard-Stiúrthóir (3):
|
— |
freagracht a ghlacadh as dea-fheidhmiú roinne móire den Ardrúnaíocht ina bhfuil aonaid éagsúla a chumhdaíonn réimsí freagrachta na Stiúrthóireachta, i gcomhréir le beartais na hinstitiúide; |
|
— |
foirne d’oifigigh a bhainistiú, a mhaoirsiú, a spreagadh agus a chomhordú; an úsáid is fearr a bhaint as acmhainní na roinne agus caighdeán cáilíochta na seirbhíse (eagrú, bainistiú acmhainní daonna agus buiséid, nuálaíocht etc.) a áirithiú sna réimsí gníomhaíochta; |
|
— |
gníomhaíochtaí na stiúrthóireachta (cuspóirí agus straitéisí a leagan amach) a phleanáil, na cinntí is gá a dhéanamh chun na cuspóirí a bheidh leagtha síos a ghnóthú; measúnú a dhéanamh ar na seirbhísí atá ar fáil chun cáilíocht na seirbhísí sin a ráthú; |
|
— |
comhairle a chur ar an Ard-Stiúrthóir, ar an Ard-Rúnaí agus ar Fheisirí de Pharlaimint na hEorpa sna réimsí gníomhaíochta, |
|
— |
comhoibriú leis na stiúrthóireachtaí éagsúla san Ardrúnaíocht, ionadaíocht a dhéanamh ar an institiúid agus conarthaí nó comhaontuithe a chaibidliú ina réimsí gníomhaíochta; |
|
— |
tionscadail shonracha a bhféadfadh freagrachtaí airgeadais a bheith ag gabháil leo a bhainistiú agus a thabhairt chun críche; |
|
— |
feidhmeanna oifigigh údaraithe trí fhotharmligean a fheidhmiú. |
5. Incháilitheacht
Tá an nós imeachta roghnúcháin seo oscailte d’iarrthóirí a chomhlíonann na coinníollacha seo a leanas faoin dáta deiridh chun iarratas a chur isteach:
|
a) |
Coinníollacha ginearálta I gcomhréir le hAirteagal 28 de na Rialacháin Foirne, ní mór duit:
|
|
b) |
Coinníollacha sonracha
|
6. Trialacha
Chun cabhrú leis an Údarás Ceapacháin a rogha a dhéanamh, déanfaidh an Coiste Comhairleach um Oifigigh Shinsearacha a Cheapadh liosta iarrthóirí a dhréachtú agus molfaidh sé do Bhiúró Pharlaimint na hEorpa cé hiad na daoine a nglaofar orthu chun agallaimh. Glacfaidh an Biúró an liosta, agus seolfaidh an Coiste na hagallaimh agus cuirfidh sé a thuarascáil chríochnaitheach faoi bhráid an Bhiúró le haghaidh cinneadh. Ag an gcéim sin, féadfaidh an Biúró na hiarrthóirí a chur faoi agallamh.
Beidh na hagallaimh bunaithe ar an gcur síos ar chúraimí an phoist, mar a shonraítear faoi phointe 4 den fhógra seo iad, agus ar na hinniúlachtaí seo a leanas:
|
— |
bua na straitéise; |
|
— |
cumas ceannaireachta; |
|
— |
cumas pleanála chun cinn; |
|
— |
cumas freagairt d’athruithe; |
|
— |
críochnúlacht; |
|
— |
cumas cumarsáide. |
7. Iarratais a chur isteach
Is é an dáta deiridh chun iarratas a chur isteach ná
Dé hAoine, 26 Bealtaine 2023, ar 12:00 (meán lae, am na Bruiséile).
Iarrtar ar na hiarrthóirí litir inspreagtha, i bhformáid pdf agus í dírithe chuig Monsieur le Secrétaire général du Parlement européen, avis de recrutement numéro PE/288/S, mar aon le curriculum vitae i bhformáid Europass (8), a sheoladh trí ríomhphost, agus ar an modh sin amháin, agus tagairt don fhógra seo (PE/288/S) i líne an ábhair, chuig an seoladh ríomhphoist seo a leanas:
PERS-EPSeniorManagement@ep.europa.eu
agus is é dáta agus am seolta an ríomhphoist a bheidh mar fhianú air.
Is faoi na hiarrthóirí a bheidh sé a dheimhniú go mbeidh gach doiciméad scanta inléite.
Ní mór do na hiarrthóirí a gheobhaidh glao chun agallaimh, faoi dháta an agallaimh, na doiciméid tacaíochta a bhaineann lena staidéir, lena dtaithí ghairmiúil agus lena bhfreagrachtaí reatha a thabhairt ar aird, agus na doiciméid sin a bheith i bhfoirm cóipeanna nó fótachóipeanna amháin (9) . Ní thabharfar na doiciméid sin ar ais do na hiarrthóirí.
Déanfar na sonraí pearsanta a chuirfidh na hiarrthóirí in iúl faoin nós imeachta roghnúcháin seo a phróiseáil i gcomhréir le Rialachán (CE) 2018/1725 ó Pharlaimint na hEorpa agus ón gComhairle (10), go sonrach a mhéid a bhaineann le rúndacht agus slándáil na sonraí sin.
(1) Féach Rialachán (CEE, Euratom, CEGC) Uimh. 259/68 ón gComhairle (IO L 56, 4.3.1968, lch. 1), arna leasú le Rialachán (CE, Euratom) Uimh. 723/2004 (IO L 124, 27.4.2004, lch. 1) agus arna leasú go deireanach le Rialachán (AE, Euratom) Uimh. 1023/2013 ó Pharlaimint na hEorpa agus ón gComhairle an 22 Deireadh Fómhair 2013 lena leasaítear Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh (IO L 287, 29.10.2013, lch. 15).
(2) Earcófar an t-oifigeach sa chéim is iomchuí i gcomhréir le hAirteagal 32 de na Rialacháin Foirne.
(3) Féach an Iarscríbhinn le haghaidh na bpríomhdhualgas.
(4) Is iad seo a leanas Ballstáit an Aontais Eorpaigh: An Bheilg, an Bhulgáir, an Chipir, an Chróit, an Danmhairg, an Eastóin, Éire, an Fhionlainn, an Fhrainc, an Ghearmáin, an Ghréig, an Iodáil, an Ísiltír, an Laitvia, an Liotuáin, Lucsamburg, Málta, an Ostair, an Pholainn, an Phortaingéil, an Rómáin, an tSeicea, an tSlóivéin, an tSlóvaic, an Spáinn, an tSualainn, an Ungáir.
(5) Ní chuirfear an bhliain sin de thaithí san áireamh agus measúnú á dhéanamh ar an taithí ghairmiúil a éilítear sa chéad fhleasc eile den mhír seo.
(6) Glactar le cáilíochtaí/céimeanna na Ríochta Aontaithe a fuarthas go dtí an 31 Nollaig 2020 gan aitheantas eile a bheith leo. I gcás céimeanna a fuarthas tar éis an dáta sin, tá aitheantas NARIC ag teastáil. I gcleachtas, ciallaíonn sé sin nach mór coibhéis arna heisiúint ag údarás inniúil de chuid Ballstáit den Aontas a bheith ag gabháil le céimeanna na Ríochta Aontaithe arna n-eisiúint ón 1 Eanáir 2021 ar aghaidh.
(7) Is iad teangacha oifigiúla an Aontais Eorpaigh: an Ghearmáinis, an Béarla, an Bhulgáiris, an Chróitis, an Danmhairgis, an Spáinnis, an Eastóinis, an Fhionlainnis, an Fhraincis, an Ghréigis, an Ungáiris, an Ghaeilge, an Iodáilis, an Laitvis, an Liotuáinis, an Mháltais, an Ollainnis, an Pholainnis, an Phortaingéilis, an Rómáinis, an tSlóvaicis, an tSlóivéinis, an tSualainnis agus an tSeicis.
(8) https://europa.eu/europass/
(9) Ní bhaineann sé seo le hiarrthóirí atá ag obair do Pharlaimint na hEorpa ar an dáta deiridh le haghaidh iarratais. Is faoi na hiarrthóirí atá sé a áirithiú go mbeidh an comhad iomlán a chomhfhreagraíonn dá n-iarratas ag seirbhísí na Parlaiminte (i gcás doiciméid ábhartha gan bheith ar fáil ar an tairseach HRM (Streamline)).
(10) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).
IARSCRÍBHINN
An ard-stiúrthóireacht um chomhpháirtíochtaí an daonlathais pharlaimintigh — An stiúrthóireacht um an gcaidreamh leis na parlaimintí náisúnta
Príomhchúraimí
(Líon foirne iomlán de 22 gníomhaire: 20 n-oifigeach agus 2 ghníomhaire shealadacha
18.4.2023
|
— |
Príomhghníomhaíochtaí na Stiúrthóireachta a chomhordú, lena n-áirítear teagmháil agus obair leantach leis na comhlachtaí polaitiúla agus riaracháin i bParlaimint na hEorpa (Cabinets, Leas-Uachtaráin, Grúpaí Polaitiúla, Ard-Stiúrthóireachtaí, etc.); |
|
— |
Nótaí agus anailísí a ullmhú do na Feisirí; |
|
— |
Freagracht a ghlacadh as an gcaidreamh le hionadaithe na bparlaimintí náisiúnta sa Bhruiséil agus i bpríomhchathracha na hEorpa; |
|
— |
Páirt a ghlacadh i ngníomhaíochtaí líonra an Lárionaid Eorpaigh um Thaighde agus Doiciméadú Parlaiminteach (CERDP) agus an ardáin idirpharlaimintigh do mhalartú faisnéise AE (IPEX) (Comhstiúrthóireacht CERDP – comhalta de Chomhairle IPEX); |
|
— |
Obair leantach a dhéanamh ar chomhaid éagsúla: cuspóirí, tuarascálacha ar ghníomhaíochtaí, tionscadail na Punainne Tionscadal Parlaiminteach (PPP), comhaid foirne, etc.; |
|
— |
Feidhmeanna oifigigh údaraithe trí fhotharmligean a fheidhmiú. |
AN tAONAD UM CHOMHAR INSTITIÚIDEACH
|
— |
Cúnamh a thabhairt do thoscaireacht na Parlaiminte chuig an gComhdháil de na Coistí um Ghnóthaí Eorpacha (COSAC) maidir le cruinnithe a ullmhú, nótaí a dhréachtú, obair leantach a dhéanamh, etc. agus páirt a ghlacadh in obair rúnaíocht COSAC; |
|
— |
Cuairteanna déthaobhacha ó Fheisirí agus oifigigh na bparlaimintí náisiúnta a eagrú, caidreamh a eagrú agus a fhorbairt le hionadaithe na bparlaimintí náisiúnta chuig Parlaimint na hEorpa; Clár Tacaíochta Pharlaimint na hEorpa (PPSP) a eagrú; |
|
— |
Cúnamh a thabhairt don Uachtarán, do na Leas-Uachtaráin agus do chomhlachtaí polaitiúla Pharlaimint na hEorpa ina gcaidreamh leis na parlaimintí náisiúnta, lena n-áirítear Comhdháil Spéicéirí na bParlaimintí (EUSC), cruinnithe na nArdrúnaithe agus eile; |
|
— |
Freagracht a ghlacadh as an gComhrúnaíocht agus faireachán a dhéanamh ar ghníomhaíochtaí ECPRD, lena n-áirítear an foilseachán “Spotlight on Parliaments in Europe”. Comhar le AS EPRS; |
|
— |
Freagracht a ghlacadh Rannpháirtíocht Pharlaimint na hEorpa san ardán IPEX |
|
— |
Comhar le AS EXPO, go háirithe comhordú agus imeachtaí le parlaimintí náisiúnta i réimse na tacaíochta don daonlathas, cumas institiúideach a neartú, breathnóireacht toghcháin agus cúnamh réamhaontachais faoin bPunann Tionscadal Parlaiminteach (PPP); |
|
— |
Freagracht a ghlacadh as bainistiú buiséadach na leithreasuithe a chuirtear ar fáil don Stiúrthóireacht. |
AN tAONAD UM IDIRPHLÉ REACHTACH
|
— |
Idirphlé reachtach agus grinnscrúdú parlaiminteach: cruinnithe coiste idirpharlaiminteacha (ICManna) i gcomhar le rúnaíochtaí na gcoistí, lena n-áirítear comhdhálacha speisialaithe idirpharlaiminteacha amhail Comhdháil Airt. 13 TSCG, an Seimeastar Eorpach (EPW), Grúpa um Ghrinnscrúdú Parlaiminteach Comhpháirteach (JPSG) EUROPOL agus tacaíocht do Chomhdháil CBES/CBSC a eagrú; cuairteanna déthaobhacha ó Fheisirí agus ó oifigigh na bparlaimintí náisiúnta ar Pharlaimint na hEorpa a eagrú; |
|
— |
Tástáil coimhdeachta: déileáil le doiciméid na bparlaimintí náisiúnta, an bunachar sonraí “CONNECT” a bhainistiú agus nóta míosúil a ullmhú do Chomhdháil Chathaoirligh na gCoistí agus do na Feisirí maidir le doiciméid arna seoladh ag parlaimintí náisiúnta de réir bhrí Phrótacal 1 agus 2 (tuairimí réasúnaithe agus ionchuir); nuashonrú (i gcomhar le hIonadaithe na bParlaimintí Náisiúnta) Ríomheolaire na gCoistí comhfhreagracha PE/Parlaimintí Náisiúnta (CORCOM); |
|
— |
Gníomhaíochtaí idirpharlaiminteacha a chomhordú: féilire sé mhí ghníomhaíochtaí idirpharlaiminteacha PE/na bParlaimint Náisiúnta a tharraingt suas lena chur faoi bhráid Chomhdháil na nUachtarán agus freagracht a ghlacadh as tarchur inmheánach agus seachtrach na ngníomhaíochtaí sin; an “Weekly Agenda” [Clár Oibre Seachtainiúil] a scaipeadh laistigh de Pharlaimint na hEorpa maidir le gníomhaíochtaí arna n-eagrú leis na parlaimintí náisiúnta; |
|
— |
Cruinnithe idirpharlaiminteacha ardleibhéil a eagrú idir Uachtarán Pharlaimint na hEorpa agus Uachtaráin na bparlaimintí náisiúnta; |
|
— |
Tacaíocht do chomhlachtaí parlaiminteacha: cúnamh a thabhairt do chomhlachtaí agus do riarachán PE trí shaineolas a chur ar fáil i réimse an chomhair idirpharlaimintigh, go háirithe trí nótaí faisnéise téamacha agus nótaí a chur ar fáil maidir le staid pholaitiúil agus shocheacnamaíoch tíre do chuairteanna déthaobhacha agus do thoscaireachtaí coistí; |
|
— |
Tacaíocht do rapóirtéirí: cúnamh a thabhairt do na Feisirí, go háirithe rapóirtéirí, maidir le dréachtaí reachtacha de chuid an Aontais a mheall líon suntasach tuairimí réasúnaithe agus ionchur ó pharlaimintí náisiúnta (nótaí do rapóirtéirí, cruinnithe ad hoc idir rapóirtéirí agus parlaimintí náisiúnta, etc.); |
|
— |
Comhar idirpharlaiminteach ar an leibhéal riaracháin: cruinnithe a eagrú, i gcomhar leis na hArd-Stiúrthóireachtaí éagsúla, i bhfoirm seimineár nó meithleacha idir riaracháin na bparlaimintí náisiúnta agus rúnaíocht Pharlaimint na hEorpa ar shaincheisteanna téamacha. |