(1)

De bhun Airteagal 6(1) de Ghníomhaíocht Chomhpháirteach 2008/851/CBES, thug an Chomhairle údarú don Choiste Polaitiúil agus Slándála na cinntí ábhartha a dhéanamh maidir le ceapachán Cheannasaí Fórsa an Aontais Eorpaigh d’oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta) (“Ceannasaí Fórsa an Aontais Eorpaigh”).

(2)

An 15 Iúil 2021, ghlac an Coiste Polaitiúil agus Slándála Cinneadh (CBES) 2021/1184 (2) lena gceaptar an Seachaimiréal Alejandro CUERDA LORENZO mar Cheannasaí Fórsa an Aontais Eorpaigh. Bhí an Seachaimiréal Alejandro CUERDA LORENZO i gceannas go dtí an 14 Nollaig 2021.

(3)

Bhí Ceannasaí Oibríochta an Aontais Eorpaigh, an Leas-Aimiréal José M. NÚŇEZ TORRENTE, i gceannas agus é mar Cheannasaí Fórsa an Aontais Eorpaigh ar bhonn eatramhach ón 14 Nollaig 2021 i leith.

(4)

Mhol Ceannasaí Oibríochta an Aontais Eorpaigh go ndéanfaí an Captaen João Paulo SILVA PEREIRA a cheapadh mar Cheannasaí nua Fórsa an Aontais Eorpaigh amhail ón 12 Eanáir 2022. Tá sé curtha in iúl ag údaráis na Portaingéile go dtabharfar ardú céime don Chaptaen João Paulo SILVA PEREIRA go Ceannasóir nuair a cheapfar é mar Cheannasaí Fórsa an Aontais Eorpaigh.

(5)

An 17 Samhain 2021, d’aontaigh Coiste Míleata an Aontais Eorpaigh leis an moladh ó Cheannasaí Fórsa an Aontais Eorpaigh.

(6)

Ba cheart, dá bhrí sin, Cinneadh (CBES) 2021/1184 a aisghairm.

(7)

I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí acu in ábhair chosanta,