<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-06-202506C105202400820-00-TRA-DOC-MT-ARRET-C-0082-24-202505461-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="5/08/2025 14:58:22" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="UX3CHrb/zi0JnvwUIgEaZad9I28OBbDp2EoaE8RiNfL/i0GojAqib0Lj/mupCvPfK8QIbyvZmDf0MkFqgipBFe9e5tx6dvDYj2lHVVWPvrxO/SMVwHUC50BbX5LtDY2s8xjcAyUTgrJvKIV9DJLgHQLXuj7TV7zUUwd8yFb6CFs=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="cassaje" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="cc593ccb-2429-477b-8fd4-1a0ff0bc7f0f" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0082" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="cassaje" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 26-05-25 19:51:47" name="Created"/>
    <meta content="" name="Canevas3_Vademecum"/>
    <meta content="2025-06-18T12:23:06Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="45c4dc75c7074f71a1ab5651a68006ca" name="DocumentIdentifier"/>
    <meta content="0082" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑5.6.2025 – Kawża C‑82/24</div>
      <div id="rId21" style="default">Veolia Water Technologies et</div>
    </div>
    <p class="C19Centre" id="para-1" title="page-1">
      SENTENZA TAL‑QORTI TAL‑ĠUSTIZZJA (L‑Ewwel Awla)
    </p>
    <p class="C19Centre" id="para-2" title="page-1">
      5 ta’ Ġunju 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Kuntratti pubbliċi – Direttivi 2004/17/KE u 2004/18/KE – Prinċipju ta’ ugwaljanza fit-trattament – Obbligu ta’ trasparenza – Kuntratt pubbliku għal xogħlijiet – Applikabbiltà b’analoġija għal kuntratt pubbliku għal xogħlijiet, skont interpretazzjoni ġurisprudenzjali, ta’ regoli dwar il-garanzija fil-qasam ta’ kuntratti ta’ bejgħ”
    </p>
    <p class="C02AlineaAltA" id="para-4" title="page-1">
      Fil-Kawża C‑82/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mis-Sąd Okręgowy w Warszawie (il-Qorti Reġjonali ta’ Varsavja, Il-Polonja), permezz ta’ deċiżjoni tal‑21 ta’ Diċembru 2023, li waslet fil-Qorti tal-Ġustizzja fil‑1 ta’ Frar 2024, fil-proċedura
    </p>
    <p class="C02AlineaAltA" id="para-6" title="page-1">
      Miejskie Przedsiębiorstwo Wodociągów i Kanalizacji w m.st. Warszawie S.A.
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Veolia Water Technologies sp. z o.o.,
    </p>
    <p class="C02AlineaAltA" id="para-9" title="page-1">
      Krüger A/S,
    </p>
    <p class="C02AlineaAltA" id="para-10" title="page-1">
      OTV France,
    </p>
    <p class="C02AlineaAltA" id="para-11" title="page-1">
      Haarslev Industries GmbH,
    </p>
    <p class="C02AlineaAltA" id="para-12" title="page-1">
      Warbud S.A.,
    </p>
    <p class="C19Centre" id="para-13" title="page-1">
      Il-Qorti tal-Ġustizzja (L-Ewwel Awla)
    </p>
    <p class="C02AlineaAltA" id="para-14" title="page-1">
      komposta minn F. Biltgen, President tal-Awla, T. von Danwitz, Viċi President tal-Qorti tal-Ġustizzja, li qiegħed jaġixxi bħala Mħallef tal-Ewwel Awla, A. Kumin, I. Ziemele u S. Gervasoni (Relatur), Imħallfin,
    </p>
    <p class="C02AlineaAltA" id="para-15" title="page-1">
      Avukat Ġenerali: M. Campos Sánchez-Bordona,
    </p>
    <p class="C02AlineaAltA" id="para-16" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-17" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-18" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Miejskie Przedsiębiorstwo Wodociągów i Kanalizacji w m.st. Warszawie S.A., minn P. Celiński u Ł. Matyjas, adwokaci,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">pour Veolia Water Technologies sp. z o.o., Krüger A/S, OTV France, Haarslev Industries GmbH u Warbud S.A., minn A. Bolecki, radca prawny, u S. Drozd, adwokat,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Pollakk, minn B. Majczyna u D. Lutostańska, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn L. Malferrari, M. Owsiany-Hornung u G. Wils, bħala aġenti,</p>
</td>
</tr>
</table>
    <p class="C02AlineaAltA" id="para-23" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tas‑6 ta’ Frar 2025,
    </p>
    <p class="C02AlineaAltA" id="para-24" title="page-1">
      tagħti l-preżenti
    </p>
    <p class="C75Debutdesmotifs" id="para-25" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 2 tad-Direttiva 2004/18/KE tal-Parlament Ewropew u tal-Kunsill tal‑31 ta’ Marzu 2004 fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi (ĠU Edizzjoni Speċjali bil-Malti, Kapitolu 6, Vol. 7, p. 132).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba ġiet ippreżentata fil-kuntest ta’ kawża mressqa minn Miejskie Przedsiębiorstwo Wodociągów i Kanalizacji w m.st. Warszawie S.A (iktar ’il quddiem l-“entità kontraenti”) kontra Veolia Water Technologies sp. z o.o. (iktar ’il quddiem “Veolia”), Krüger A/S, OTV France, Haarslev Industries GmbH u Warbud S.A (iktar ’il quddiem, meħudin flimkien, il-“konsorzju ta’ kumpanniji”) fir-rigward ta’ ħlas ta’ penalitajiet kuntrattwali u ta’ ħlas ta’ kumpens minħabba twettiq difettuż ta’ kuntratt pubbliku għal xogħlijiet tal-immodernizzazzjoni u tal-espansjoni ta’ impjant ta’ purifikazzjoni ta’ Czajka (il-Polonja).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2004/17/KE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont l-Artikolu 4 tad-Direttiva 2004/17/KE tal-Parlament Ewropew u tal-Kunsill tal‑31 ta’ Marzu 2004 li tikkoordina l-proċeduri ta’ akkwisti ta’ entitajiet li joperaw fis-setturi tas-servizzi ta’ l-ilma, l-enerġija, t-trasport u postali (ĠU Edizzjoni Speċjali bil-Malti, Kapitolu 6, Vol. 7, p. 19), intitolat “Ilma”:</p>
</td>
</tr>
</table>
    <p class="C02AlineaAltA" id="para-32" title="page-2">
      “1. Din id-Direttiva għandha tapplika għall-attivitajiet li ġejjin:
    </p>
    <p class="C09Marge0avecretrait" id="para-33" title="page-2">
      (a) il-provvediment jew operat ta’ xbieki fissati maħsuba biex jipprovdu servizz lill-pubbliku f’konnessjoni mal-produzzjoni, it-trasport jew id-distribuzzjoni ta’ l-ilma tax-xorb; jew
    </p>
    <p class="C09Marge0avecretrait" id="para-34" title="page-2">
      (b) il-provvista ta’ l-ilma tax-xorb lil dawn ix-xbieki.
    </p>
    <p class="C02AlineaAltA" id="para-35" title="page-2">
      2. Din id-Direttiva għandha tapplika wkoll għal kuntratti jew kuntesti ta’ disinn mogħtija jew organizzati minn entitajiet li jsegwu attività riferita fil-paragrafu 1 u li:
    </p>
    <p class="C09Marge0avecretrait" id="para-36" title="page-2">
      (a) huma konnessi ma’ proġetti ta’ inġinerija idrawlika, irrigazzjoni jew dranaġġ ta’ l-art (land drainage), basta iżda li l-volum ta’ ilma li jrid jintuża għall-provvista ta’ l-ilma tax-xorb jirrappreżenta aktar minn 20 % mill-volum totali ta’ l-ilma magħmul disponibbli minn dawn il-proġetti jew irrigazzjoni jew stallazzjonijiet ta’ dranaġġ, jew
    </p>
    <p class="C09Marge0avecretrait" id="para-37" title="page-2">
      (b) huma konnessi mar-rimi/qerda jew it-trattament tal-ħmieġ tad-dranaġġ.
    </p>
    <p class="C02AlineaAltA" id="para-38" title="page-2">
      3. Il-provvista ta’ l-ilma tax-xorb lil xbieki li jipprovdu servizz lill-pubbliku minn entità kontraenti oħra għajr awtorita kontraenti m’għandhiex titqies bħala attività rilevanti fit-tifsira ta’ paragrafu 1 fejn:
    </p>
    <p class="C09Marge0avecretrait" id="para-39" title="page-2">
      (a) il-produzzjoni ta’ l-ilma tax-xorb mill-entità konċernata sseħħ minħabba li l-konsum tiegħu huwa meħtieġa għat-twettieq ta’ attività oħra għajr dawk riferiti f’L-Artikoli 3 sa 7; u
    </p>
    <p class="C09Marge0avecretrait" id="para-40" title="page-2">
      b) provvista lix-xibka pubblika tiddependi biss fuq il-konsum ta’ l-entità stess u ma qabżitx it‑30 % tal-produzzjoni totali ta’ l-ilma tax-xorb mill-entità, wara li tiġi kunsidrata l-medja għat-tliet snin preċedenti, inkluż is-sena korrenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 10 ta’ din id-direttiva, intitolat (“Prinċipji ta’ għoti ta’ kuntratti”), jipprevedi:</p>
</td>
</tr>
</table>
    <p class="C02AlineaAltA" id="para-42" title="page-2">
      “Entitajiet kontraenti għandhom jittrattaw lil operaturi ekonomiċi ugwalment (indaqs) u mhux b’mod diskriminatorju u għandhom jaġixxu b’mod trasparenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 38 tal-imsemmija direttiva, intitolat “Kondizzjonijiet għat-twettieq ta’ kuntratti”, huwa fformulat kif ġej:</p>
</td>
</tr>
</table>
    <p class="C02AlineaAltA" id="para-44" title="page-3">
      “Entitajiet kontraenti jistgħu jippreskrivu kondizzjonijiet speċjali li għandhom x’jaqsmu mat-twettieq ta’ kuntratt, basta li dawn huma kompatibbli mal-liġi Komunitarja u huma ndikati fl-avviż użat bħala mezz ta’ sejħa għall-kompetizzjoni jew fl-ispeċifikazzjonijiet. Il-kondizzjonijiet li jirregolaw it-twettieq ta’ kuntratt jistgħu, partikolarment, jirrigwardjaw konsiderazzjonijiet soċjali u ambjentali”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2004/18</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Skont l-Artikolu 2 tad-Direttiva 2004/18, intitolat “Prinċipji ta’ assenjar ta’ kuntratti”:</p>
</td>
</tr>
</table>
    <p class="C02AlineaAltA" id="para-47" title="page-3">
      “L-awtoritajiet kuntrattwali se jistmaw l-operaturi ekonomiċi ugwali u bla diskriminazzjoni u se jaġixxu b’mod trasparenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 12 ta’ din id-direttiva, intitolat “Kuntratti ta’ servizzi fis-setturi ta’ l-ilma, enerġija, trasport u posta”, jipprovdi:</p>
</td>
</tr>
</table>
    <p class="C02AlineaAltA" id="para-49" title="page-3">
      “Din id-Direttiva m’għandhiex tapplika għal kuntratti pubbliċi li, taħt id-Direttiva [2004/17], huma mogħtija minn awtoritajiet kontrattwanti li jkunu qed jeżerċitaw xi attività jew aktar li sar riferiment għalihom fl-Artikoli 3 sa 7 ta’ dik id-Direttiva u huma mogħtija għas-segwiment ta’ dawk l-attivitajiet, jew għal kuntratti pubbliċi esklużi mill-iskop ta’ dik id-Direttiva taħt l-Artikolu 5(2) u l-Artikoli 19, 26 u 30 tagħha.
    </p>
    <p class="C02AlineaAltA" id="para-50" title="page-3">
      Madankollu, din id-Direttiva għandha tkompli tapplika għal kuntratti pubbliċi mogħtija minn awtoritajiet kontrattwanti li jkunu qegħdin iwettqu attività jew aktar li sar riferiment għalihom fl-Artikolu 6 tad- Direttiva [2004/17] u mogħtija għal dawk l-attivitajiet, safejn l-Istat Membru konċernat jieħu vantaġġ mill-għażla li sar riferiment għaliha fit-tieni s-sub-paragrafu ta’ l-Artikolu 71 tagħha biex tiddiferixxi l-applikazzjoni tiegħu.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 26 tad-Direttiva 2004/18, intitolat “Kondizzjonijiet għal twettiq ta’ kuntratti” huwa fformulat kif ġej:</p>
</td>
</tr>
</table>
    <p class="C02AlineaAltA" id="para-52" title="page-3">
      “Awtoritajiet kontrattwanti jistgħu jniżżlu kondizzjonijiet speċjali relatati mat-twettiq ta’ xi kuntratt, basta dawn ikunu kompatibbli mal-liġi tal-Komunità u huma indikati fl-avviż tal-kuntratt jew fl-ispeċifikazzjonijiet. Il-kondizzjonijiet li jikkontrollaw it-twettiq ta’ xi kuntratt jistgħu, partikolarment, jikkonċernaw kunsiderazzjonijiet soċjali u ambjentali”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Pollakk</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Kodiċi Ċivili</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 353 1 tal-ustawa – Kodeks cywilny (il-Liġi li Tistabbilixxi l-Kodiċi Ċivili), tat‑23 ta’ April 1964 (Dz. U. Nru 16, pożizzjoni 93), fil-verżjoni tagħha applikabbli għall-kawża prinċipali (iktar ’il quddiem il-“Kodiċi Ċivili”), jipprovdi:</p>
</td>
</tr>
</table>
    <p class="C02AlineaAltA" id="para-56" title="page-4">
      “Il-partijiet fil-kuntratt jistgħu jiddeterminaw liberament il-kontenut tar-relazzjoni ġuridika, sakemm l-għan jew l-iskop tagħha ma jkunux kuntrarji għall-karatteristiċi essenzjali (in-natura) ta’ tali relazzjoni, għal-liġi jew għar-regoli tal-ħajja fis-soċjetà.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 581 tal-Kodiċi Ċivili, li jinsab fit-titolu ta’ dan tal-aħħar iddedikat għall-kuntratti ta’ bejgħ, jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-58" title="page-4">
      “Jekk, fit-twettiq tal-obbligi tiegħu, il-garanti jkun ikkonsenja lill-benefiċjarju tal-garanzija, minflok oġġett difettuż, oġġett li ma jkunx difettuż, jew ikun wettaq tiswijiet rilevanti għall-oġġett kopert mill-garanzija, it-terminu tal-garanzija jerġa’ jibda jiddekorri mill-mument tal-kunsinna tal-oġġett li ma jkunx difettuż jew ir-ritorn tal-oġġett imsewwi. Fejn il-garanti jkun biddel parti mill-oġġett, din id-dispożizzjoni għandha tapplika mutatis mutandis għal parti mibdula.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Liġi dwar il-Kuntratti Pubbliċi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Skont l-Artikolu 29(1) tal-ustawa Prawo zamówień publicznych (il-Liġi dwar il-Kuntratti Pubbliċi), tad‑29 ta’ Jannar 2004 (Dz. U. tal‑2007, Nru 223, pożizzjoni 1655), fil-verżjoni tagħha applikabbli għall-kawża prinċipali:</p>
</td>
</tr>
</table>
    <p class="C02AlineaAltA" id="para-61" title="page-4">
      “Is-suġġett tal-kuntratt għandu jiġi deskritt b’mod inekwivoku u eżawrjenti f’termini preċiżi u li jinftiehmu biżżejjed, filwaqt li jitqiesu r-rekwiżiti u ċ-ċirkostanzi kollha li jistgħu jinfluwenzaw it-tħejjija tal-offerta.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Il-punt 16 tal-Artikolu 36(1) ta’ din il-liġi, fil-verżjoni tagħha applikabbli għall-kawża prinċipali, jipprovdi:</p>
</td>
</tr>
</table>
    <p class="C02AlineaAltA" id="para-63" title="page-4">
      “L-ispeċifikazzjonijiet għandu jkun fihom, mill-inqas:
    </p>
    <p class="C02AlineaAltA" id="para-64" title="page-4">
      […]
    </p>
    <p class="C09Marge0avecretrait" id="para-65" title="page-4">
      (16) il-klawżoli essenzjali għall-partijiet li ser jiġu introdotti fil-kuntratt pubbliku li għandu jiġi konkluż, il-kundizzjonijiet ġenerali tal-kuntratt jew il-mudell ta’ kuntratt, jekk l-awtorità kontraenti teżiġi li l-parti kontraenti tikkonkludi kuntratt pubbliku magħha taħt dawn il-kundizzjonijiet”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fl‑1 ta’ Awwissu 2008, wara proċedura ta’ kuntratt pubbliku mogħtija permezz ta’ sejħa għal offerti miftuħa, l-entità kontraenti kkonkludiet ma’ konsorzju ta’ impriżi stabbiliti fi Stati Membri differenti, li l-kumpanija ewlenija tiegħu kienet Veolia, stabbilita f’Varsavja (il-Polonja), kuntratt dwar il-modernizzazzjoni u l-estensjoni tal-impjant ta’ purifikazzjoni ta’ Czajka. Il-kuntratt kien jipprevedi b’mod partikolari l-bini ta’ impjant ta’ trattament termali tal-ħama tad-drenaġġ li kien jinkludi żewġ rekuperaturi, fuq żewġ linji indipendenti ta’ inċinerazzjoni tal-iskart. Id-data tat-tlestija tax-xogħlijiet, inizjalment iffissata għat‑30 ta’ Ottubru 2010, ġiet sussegwentement posposta għat‑30 ta’ Novembru 2012.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-imsemmi kuntratt kien jinkludi dokument intitolat “Garanzija tal-Kwalità” (iktar’ il quddiem il-“Karta ta’ Garanzija”), li kien jindika li l-perijodu ta’ garanzija kien jibda jiddekorri mid-data tal-ħruġ taċ-ċertifikat ta’ eżekuzzjoni tajba tax-xogħlijiet, għal perijodu ta’ 36 xahar, u kellu jiskadi sa mhux iktar tard mit‑30 ta’ April 2015, sakemm ma kienx possibbli li jitwettqu t-testijiet finali u r-riċezzjoni minħabba ċirkustanzi imputabbli lill-parti kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 6.1 tal-Karta ta’ Garanzija kien jipprevedi li “[I]d-dispożizzjonijiet rilevanti tad-dritt Pollakk, b’mod partikolari tal-Kodiċi Ċivili, japplikaw mutatis mutandis għal kwistjonijiet li ma humiex irregolati minn din il-Karta ta’ Garanzija”. Ma saret l-ebda preċiżazzjoni dwar jekk dan ir-riferiment għad-dritt Pollakk kienx jestendi għad-dispożizzjonijiet tal-Kodiċi Ċivili dwar il-garanzija fil-qasam tal-kuntratti ta’ bejgħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Iċ-ċertifikat ta’ eżekuzzjoni tajba tax-xogħlijiet inħareġ fil‑21 ta’ Marzu 2013.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fis‑26 ta’ Settembru 2014, l-entità kontraenti nnotifikat lill-konsorzju ta’ impriżi bi ħsara li tikkonċerna wieħed miż-żewġ rekuperaturi inkwistjoni. Dan l-irkupru ġie ssostitwit skont il-Karta ta’ Garanzija u t-tagħmir il-ġdid beda jintuża fit‑22 ta’ Frar 2016.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fit‑3 ta’ Marzu 2015, din l-entità nnotifikat it-tieni ħsara lil dan il-konsorzju ta’ impriżi, li kienet tikkonċerna r-rekuperatur l-ieħor. Dan ir-rekuperatur ġie ssostitwit ukoll skont il-Karta ta’ Garanzija u t-tagħmir il-ġdid beda jintuża fit‑28 ta’ April 2016.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fis‑27 ta’ Novembru 2018, l-imsemmija entità nnotifikat ħsara ġdida lill-imsemmi konsorzju ta’ impriżi, liema ħsara din id-darba kienet tikkonċerna ż-żewġ rekuperaturi. Dan tal-aħħar irrifjuta li jsewwi jew jissostitwixxi dan it-tagħmir minħabba li, fil-fehma tiegħu, il-perijodu ta’ garanzija kien skada.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Din it-tilwima tat lok għal kawża quddiem is-Sąd Okręgowy w Warszawie (il-Qorti Reġjonali ta’ Varsavja, il-Polonja), li hija l-qorti tar-rinviju, li tirrigwarda, b’mod partikolari, il-ħlas ta’ penalitajiet kuntrattwali u ta’ kumpens min-naħa tal-konsorzju ta’ impriżi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Skont dik il-qorti, ir-relazzjonijiet bejn il-partijiet huma rregolati, b’analoġija, mill-Artikolu 581(1) tal-Kodiċi Ċivili, dwar il-garanzija fil-qasam tal-kuntratti ta’ bejgħ, li jipprevedi li t-terminu ta’ garanzija jerġa’ jibda jiddekorri mill-ġdid mill-kunsinna ta’ oġġett mingħajr difett jew mir-restituzzjoni tal-oġġett imsewwi, b’tali mod li, fis‑27 ta’ Novembru 2018, ir-rekuperaturi kienu għadhom koperti mill-garanzija, fejn it-terminu tagħhom kien reġa’ beda jiddekorri fit‑22 ta’ Frar u fit‑28 ta’ April 2016 rispettivament. Madankollu, din il-kwistjoni hija diskussa kemm fil-ġurisprudenza tal-qrati Pollakki kif ukoll fid-duttrina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">L-imsemmija qorti tindika wkoll li l-konsorzju ta’ impriżi jikkontesta l-applikazzjoni tal-Artikolu 581(1) tal-Kodiċi Ċivili minħabba li din id-dispożizzjoni tikkonċerna biss il-kuntratti ta’ bejgħ u li fl-ebda mument ma ġie miftiehem li hija tirregola, b’analoġija, il-garanzija fil-kuntest tal-kuntratt ta’ xogħlijiet inkwistjoni. Skont dan il-konsorzju ta’ impriżi, l-applikazzjoni tal-imsemmija dispożizzjoni tmur kontra l-prinċipji ta’ trasparenza, ta’ ugwaljanza fit-trattament u ta’ kompetizzjoni stabbiliti mid-Direttiva 2004/18 u li issa huma riprodotti fid-Direttiva 2014/24/UE tal-Parlament Ewropew u tal-Kunsill tas‑26 ta’ Frar 2014 dwar l-akkwist pubbliku u li tħassar id-Direttiva 2004/18/KE (ĠU 2014, L 94, p. 65, rettifika fil‑ĠU L, 2025/90115, fil-ĠU L, 2023/90063 u fil‑ĠU 2015, L 275, p. 68), sa fejn din twassal sabiex jiġi invokat fil-konfront tiegħu rekwiżiti li ma jirriżultawx b’mod ċar mill-fajl tas-sejħa għal offerti jew mil-leġiżlazzjoni Pollakka fis-seħħ, iżda biss minn interpretazzjoni, kontroversjali, tal-Kodiċi Ċivili.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Il-qorti tar-rinviju tistaqsi dwar il-portata, f’dan il-kuntest, tal-prinċipji ta’ ugwaljanza fit-trattament u ta’ nondiskriminazzjoni fil-ġurisprudenza tal-Qorti tal-Ġustizzja, u b’mod iktar partikolari dwar jekk l-evalwazzjonijiet magħmula fis-sentenza tat‑2 ta’ Ġunju 2016, Pizzo (C‑27/15, EU:C:2016:404) għandhomx jiġu trasposti għall-garanziji applikabbli fil-kuntest tal-kuntratt għal xogħlijiet inkwistjoni fil-kawża prinċipali. Hija tirrileva b’mod partikolari li l-għarfien tad-dritt nazzjonali jikkundizzjona l-possibbiltà, għall-operaturi kkonċernati, li jiffissaw il-prezzijiet tagħhom fuq livell ġust, u tenfasizza li l-applikazzjoni b’analoġija tad-dispożizzjonijiet tal-Kodiċi Ċivili li jirregolaw il-garanzija fil-qasam tal-kuntratti ta’ bejgħ tista’ tqiegħed fi żvantaġġ lill-operaturi ekonomiċi ta’ Stati Membri oħra meta mqabbla mal-operaturi ekonomiċi nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">F’dawn iċ-ċirkustanzi, is-Sąd Okręgowy w Warszawie (il-Qorti Reġjonali ta’ Varsavja) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-79" title="page-7">
      “Il-prinċipji ta’ trasparenza, ta’ ugwaljanza fit-trattament u ta’ kompetizzjoni leali, imsemmija fl-Artikolu 2 tad-Direttiva [2004/18] (attwalment l-Artikolu 18(1) tad-Direttiva [2014/24]), għandhom jiġu interpretati fis-sens li jipprekludu interpretazzjoni tad-dritt nazzjonali li tippermetti li jiġi stabbilit il-kontenut ta’ kuntratt pubbliku konkluż ma’ konsorzju kompost minn entitajiet ta’ Stati Membri differenti tal-Unjoni Ewropea billi jittieħed inkunsiderazzjoni, f’dan il-kuntratt, obbligu li jista’ jaffettwa indirettament id-determinazzjoni tal-prezz fl-offerta magħmula minn din il-parti kontraenti, fejn dan l-obbligu la huwa espressament previst [fl-imsemmi] kuntratt u lanqas fid-dokumentazzjoni ta’ sejħa għal offerti iżda jirriżulta minn dispożizzjoni tad-dritt nazzjonali mhux direttament applikabbli għal dan [l-istess] kuntratt, li madankollu hija suġġetta għal applikazzjoni b’analoġija?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Preliminarjament, għandu jiġi rrilevat, bħalma għamlet il-Kummissjoni Ewropea li, fid-dawl tal-għan tal-kuntratt għal xogħlijiet inkwistjoni fil-kawża prinċipali, li jirrigwarda l-kostruzzjoni ta’ impjant ta’ trattament termali tal-ħama tad-dranaġġ, huwa permess dubju dwar jekk it-tilwima fil-kawża prinċipali taqax fil-kamp ta’ applikazzjoni tad-Direttiva 2004/18, li għalih tirreferi t-talba għal deċiżjoni preliminari, jew taħt dak tad-Direttiva 2004/17.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Issa, l-Artikolu 12 tad-Direttiva 2004/18 jipprevedi li hija ma tapplikax “għal kuntratti pubbliċi li, taħt id-Direttiva [2004/17], huma mogħtija minn awtoritajiet kontrattwanti li jkunu qed jeżerċitaw xi attività jew aktar li sar riferiment għalihom fl-Artikoli 3 sa 7 ta’ [din l-aħħar] Direttiva u huma mogħtija għas-segwiment ta’ dawk l-attivitajiet”. Min-naħa tiegħu, l-Artikolu 4 tad-Direttiva 2004/17 jipprevedi, b’mod partikolari, li din id-direttiva tapplika għall-kuntratti li jikkonċernaw il-provvista jew it-tħaddim ta’ networks fissi intiżi sabiex jipprovdu servizz lill-pubbliku fil-qasam tal-produzzjoni, tat-trasport jew tad-distribuzzjoni tal-ilma tax-xorb.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Għalkemm, fid-dawl tas-suġġett tal-kuntratt għal xogħlijiet inkwistjoni, il-kawża prinċipali tidher li taqa’ taħt il-kamp ta’ applikazzjoni tad-Direttiva 2004/17, pjuttost milli taħt dak tad-Direttiva 2004/18, hija madankollu l-qorti tar-rinviju li għandha tiżgura ruħha fid-dawl tal-karatteristiċi kollha tal-kuntratt inkwistjoni fil-kawża prinċipali u billi tieħu inkunsiderazzjoni l-attività eżerċitata mill-entità kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dawn iċ-ċirkustanzi, sabiex tingħata risposta utli lill-qorti tar-rinviju, għandu jiġi kkunsidrat li d-domanda magħmula tirrigwarda l-interpretazzjoni tal-Artikolu 10 tad-Direttiva 2004/17, li l-formulazzjoni tiegħu hija identika għal dik tal-Artikolu 2 tad-Direttiva 2004/18.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jitqies li, permezz tad-domanda tagħha, il-qorti tar-rinviju tistaqsi, essenzjalment, jekk il-prinċipju ta’ ugwaljanza fit-trattament u l-obbligu ta’ trasparenza kif imsemmija fl-Artikolu 10 tad-Direttiva 2004/17 għandhom jiġu interpretati fis-sens li jipprekludu l-applikazzjoni b’analoġija għal kuntratt ta’ xogħlijiet, skont interpretazzjoni ġurisprudenzjali, ta’ dispożizzjonijiet tad-dritt nazzjonali li jirregolaw il-garanzija fil-qasam ta’ kuntratti ta’ bejgħ li l-kontenut tagħhom la ġie espressament ippreċiżat fid-dokumenti tas-sejħa għal offerti, u lanqas f’dan il-kuntratt ta’ xogħlijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Qabel kollox, għandu jitfakkar li l-prinċipju ta’ ugwaljanza fit-trattament, li jagħmel parti mill-prinċipji fundamentali tad-dritt tal-Unjoni, jeħtieġ li sitwazzjonijiet komparabbli ma jiġux ittrattati b’mod differenti u li sitwazzjonijiet differenti ma jiġux ittrattati b’mod ugwali, sakemm tali trattament ma jkunx oġġettivament iġġustifikat (sentenza tas‑6 ta’ Ottubru 2021, Conacee, C‑598/19, EU:C:2021:810, punt 36 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">B’mod partikolari, fil-qasam tad-dritt tal-Unjoni dwar il-kuntratti pubbliċi, il-prinċipju ta’ ugwaljanza fit-trattament, li jikkostitwixxi l-bażi tar-regoli tal-Unjoni dwar il-proċeduri ta’ għoti ta’ kuntratti pubbliċi, ifisser, b’mod partikolari, li l-offerenti għandhom ikunu f’pożizzjoni ta’ ugwaljanza fil-mument meta jippreparaw l-offerti tagħhom u għandu l-għan li jiffavorixxi l-iżvilupp ta’ kompetizzjoni b’saħħitha u effettiva bejn l-impriżi li jipparteċipaw fi proċedura ta’ għoti ta’ kuntratt pubbliku (sentenza tas‑6 ta’ Ottubru 2021, Conacee, C‑598/19, EU:C:2021:810, punt 37 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Għalhekk, dan il-prinċipju jimponi li l-offerenti jkollhom l-istess opportunitajiet fil-formulazzjoni tat-termini tal-offerti tagħhom u għalhekk jimplika li dawn l-offerti jkunu suġġetti għall-istess kundizzjonijiet għall-offerenti kollha (sentenzi tad‑29 ta’ April 2004, Il-Kummissjoni vs CAS Succhi di Frutta, C‑496/99 P, EU:C:2004:236, punt 110, u tat‑2 ta’ Ġunju 2016, Pizzo, C‑27/15, EU:C:2016:404, punt 36 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Skont ġurisprudenza stabbilita, l-imsemmi prinċipju għandu bħala korollarju l-obbligu ta’ trasparenza, li, min-naħa tiegħu, għandu l-għan li jiggarantixxi l-assenza ta’ riskju ta’ favoritiżmu u ta’ arbitrarjetà minn naħa tal-awtorità kontraenti. Dan l-obbligu jimplika li l-kundizzjonijiet u l-modalitajiet tal-proċedura tal-għoti ta’ kuntratt kollha jiġu fformulati b’mod ċar, preċiż u univoku, fl-avviż ta’ kuntratt jew fl-ispeċifikazzjonijiet, b’tali mod li, l-ewwel nett, jippermetti lill-offerenti raġonevolment informati u normalment diliġenti kollha li jifhmu l-portata eżatta u jinterpretawhom bl-istess mod u, it-tieni nett, li tqiegħed lill-awtorità kontraenti f’pożizzjoni li tivverifika effettivament jekk l-offerti tal-offerenti jikkorrispondux għall-kriterji li jirregolaw il-kuntratt inkwistjoni (ara, f’dan is-sens, is-sentenzi tad‑29 ta’ April 2004, Il-Kummissjoni vs CAS Succhi di Frutta, C‑496/99 P, EU:C:2004:236, punt 111; tat‑2 ta’ Ġunju 2016, Pizzo, C‑27/15, EU:C:2016:404, punt 36, u tal‑4 ta’ April 2019, Allianz Vorsorgekasse, C‑699/17, EU:C:2019:290, punt 62 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">F’dan il-kuntest, għandu jiġi enfasizzat li l-Qorti tal-Ġustizzja ddeċidiet ukoll li l-prinċipji ta’ ugwaljanza fit-trattament u l-obbligu ta’ trasparenza, li jirregolaw il-proċeduri kollha ta’ għoti ta’ kuntratti pubbliċi, jeżiġu li l-kundizzjonijiet sostantivi u proċedurali dwar il-parteċipazzjoni f’kuntratt ikunu ddefiniti b’mod ċar minn qabel u magħmula pubbliċi, b’mod partikolari l-obbligi tal-offerenti, sabiex dawn ikunu jafu eżattament ir-restrizzjonijiet tal-proċedura u jkunu żguri mill-fatt li l-istess rekwiżiti japplikaw għall-kompetituri kollha (sentenza tat‑2 ta’ Ġunju 2016, Pizzo, C‑27/15, EU:C:2016:404, punt 37 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">L-Artikolu 10 tad-Direttiva 2004/17 jistabbilixxi dawn ir-rekwiżiti billi jipprevedi b’mod espliċitu li l-entitatjiet kontraenti għandhom jittrattaw lill-operaturi ekonomiċi b’mod ugwali, b’mod mhux diskriminatorju u jaġixxu b’trasparenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għalkemm, kif jirriżulta mill-kliem stess ta’ dan l-artikolu, il-prinċipju ta’ ugwaljanza fit-trattament u l-obbligu ta’ trasparenza jirregolaw il-proċedura ta’ għoti ta’ kuntratti pubbliċi, sabiex jiġi żgurat l-effett utli tagħhom kif ukoll it-twettiq tal-għanijiet li huma jfittxu, dan il-prinċipju u dan l-obbligu għandhom ukoll jiġu osservati mill-awtorità kontraenti matul il-fażi ta’ eżekuzzjoni tal-kuntratt ikkonċernat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">B’hekk, il-Qorti tal-Ġustizzja diġà ddeċidiet li l-awtorità kontraenti hija obbligata tosserva b’mod strett il-kriterji li hija stess stabbilixxiet mhux biss matul il-proċedura ta’ għoti bħala tali, iżda, b’mod iktar ġenerali, sat-tmiem tal-fażi ta’ eżekuzzjoni tal-kuntratt inkwistjoni. Għaldaqstant, ma hijiex awtorizzata tibdel l-istruttura ġenerali ta’ aġġudikazzjoni billi temenda unilateralment, wara dan l-għoti, waħda mill-kundizzjonijiet essenzjali ta’ din l-aġġudikazzjoni, b’mod partikolari stipulazzjoni li, li kieku kienet inkluża fl-avviż ta’ kuntratt, kienet twassal lill-offerenti kkonċernati sabiex jissottomettu offerta sostanzjalment differenti (ara, f’dan is-sens, is-sentenza tad‑29 ta’ April 2004, Il-Kummissjoni vs CAS Succhi di Frutta, C‑496/99 P, EU:C:2004:236, punti 115 u 116).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fil-fatt, jekk l-awtorità kontraenti setgħet temenda, kif jidhrilha, matul il-fażi ta’ eżekuzzjoni ta’ kuntratt, il-kundizzjonijiet stess tal-għoti, fl-assenza ta’ awtorizzazzjoni espressa f’dan is-sens, it-termini li jirregolaw l-għoti ta’ dan il-kuntratt, kif miftiehma inizjalment, jiġu żnaturati (ara, f’dan is-sens, is-sentenza tad‑29 ta’ April 2004, Il-Kummissjoni vs CAS Succhi di Frutta, C‑496/99 P, EU:C:2004:236, punt 120).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Prattika bħal din twassal għal ksur tal-obbligu ta’ trasparenza u tal-prinċipju ta’ ugwaljanza fit-trattament tal-offerenti, billi l-applikazzjoni uniformi tal-kundizzjonijiet ta’ għoti u l-oġġettività tal-proċedura ma jibqgħux iktar iggarantiti (ara, f’dan is-sens, is-sentenza tad‑29 ta’ April 2004, Il-Kummissjoni vs CAS Succhi di Frutta, C‑496/99 P, EU:C:2004:236, punt 121).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fir-rigward, b’mod partikolari, tat-tul tal-garanzija u tal-kundizzjonijiet essenzjali għall-implimentazzjoni tagħha, mill-punti 32 sa 39 ta’ din is-sentenza jirriżulta li, fid-dawl tal-importanza tagħhom għad-determinazzjoni tal-kundizzjonijiet finanzjarji tal-offerti ppreżentati mill-offerenti kkonċernati, hemm lok li jiġi kkunsidrat li dawn l-elementi jagħmlu parti minn dawk li għandhom jiġu ddefiniti b’mod ċar minn qabel u jsiru pubbliċi, sabiex dawn l-offerenti jkunu jistgħu jifhmu eżattament il-kundizzjonijiet legali u ekonomiċi li għalihom huma suġġetti l-għoti tal-kuntratt inkwistjoni u l-modalitajiet tal-eżekuzzjoni tiegħu, u li jkunu żgurati li l-istess rekwiżiti japplikaw għall-kompetituri kollha. Dan japplika b’mod partikolari fil-qasam tal-kuntratti għal xogħlijiet, li fihom l-implimentazzjoni tal-garanzija, kif jirriżulta mill-fatti tal-kawża prinċipali, tista’ tippreżenta riskju finanzjarju sinjifikattiv għall-operatur li jingħata kuntratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">B’hekk, offerent raġonevolment informat u normalment diliġenti għandu jkun f’pożizzjoni li jidentifika, sa mill-fażi tal-għoti tal-kuntratt, l-avvenimenti li jistgħu, jekk ikun il-każ, jestendu t-terminu ta’ garanzija kif ukoll il-portata tal-obbligi li jistgħu jkunu imposti fuqu fil-kuntest tal-eżekuzzjoni tal-kuntratt inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Għandu jiġi rrilevat ukoll li l-applikazzjoni ta’ terminu jew ta’ modalitajiet essenzjali għall-implimentazzjoni ta’ garanzija li ma jirriżultawx espressament mid-dokumenti relatati mal-proċedura ta’ għoti tal-kuntratt inkwistjoni jew mill-kuntratt għal xogħlijiet ikkonċernati, iżda jirriżultaw minn dispożizzjonijiet mhux direttament applikabbli għal dan il-kuntratt, li l-kontenut tagħhom huwa applikabbli biss b’analoġija, bis-saħħa ta’ interpretazzjoni tad-dritt nazzjonali jew ta’ prassi tal-awtoritajiet nazzjonali, tkun partikolarment ta’ preġudizzju għall-offerenti stabbiliti fi Stat Membru ieħor. Fil-fatt, il-livell ta’ għarfien, minn dawn l-offerenti, tad-dritt nazzjonali u tal-interpretazzjoni tiegħu, kif ukoll tal-prassi tal-awtoritajiet nazzjonali, ma jistax jiġi preżunt identiku għal dak tal-offerenti nazzjonali (ara, f’dan is-sens, is-sentenza tat‑2 ta’ Ġunju 2016, Pizzo, C‑27/15, EU:C:2016:404, punt 46).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’dan il-każ, mit-talba għal deċiżjoni preliminari jirriżulta li l-Karta ta’ Garanzija li tinsab fil-kuntratt ta’ xogħlijiet inkwistjoni u li torbot lill-partijiet kontraenti fil-kawża prinċipali kienet tipprevedi espressament garanzija ta’ tul ta’ 36 xahar, li għandha bħala punt ta’ tluq id-data tal-ħruġ taċ-ċertifikat ta’ eżekuzzjoni tajba tax-xogħlijiet, u kienet tirreferi għall-applikazzjoni, mutatis mutandis, tad-dispożizzjonijiet rilevanti tad-dritt Pollakk, b’mod partikolari tal-Kodiċi Ċivili, għall-kwistjonijiet mhux irregolati minn din il-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Skont il-qorti tar-rinviju, tali riferiment jagħmel applikabbli għall-kuntratt ta’ xogħlijiet inkwistjoni fil-kawża prinċipali l-Artikolu 581(1) tal-Kodiċi Ċivili, dwar il-garanzija fil-qasam tal-kuntratti ta’ bejgħ, li bis-saħħa tiegħu, meta l-garanzija tkun ġiet implimentata fit-terminu inizjalment previst, “it-terminu tal-garanzija jerġa’ jibda jiddekorri mill-mument tal-kunsinna tal-oġġett li ma jkunx difettuż jew ir-ritorn tal-oġġett imsewwi”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Dwar il-konsegwenzi li għandhom jinsiltu minn dawn l-elementi fit-tilwima fil-kawża prinċipali, għandu jitfakkar li, għalkemm, fil-kuntest tal-proċedura stabbilita fl-Artikolu 267 TFUE, ibbażata fuq separazzjoni ċara tal-funzjonijiet bejn il-qrati nazzjonali u l-Qorti tal-Ġustizzja, il-qorti nazzjonali biss għandha ġurisdizzjoni biex tikkonstata u tevalwa l-fatti tat-tilwima fil-kawża prinċipali kif ukoll biex tinterpreta u tapplika d-dritt nazzjonali, hija min-naħa l-oħra l-Qorti tal-Ġustizzja li għandha tipprovdi lill-qorti nazzjonali bl-interpretazzjoni tad-dritt tal-Unjoni li tista’ tkun meħtieġa għas-soluzzjoni tat-tilwima fil-kawża prinċipali, filwaqt li titqies l-informazzjoni li tinsab fid-deċiżjoni tar-rinviju fir-rigward tad-dritt nazzjonali applikabbli għall-imsemmija tilwima u għall-fatti li jikkaratterizzaw lil din tal-aħħar (ara, f’dan is-sens, is-sentenza tal‑21 ta’ Diċembru 2021, Euro Box Promotion et, C‑357/19, C‑379/19, C‑547/19, C‑811/19 u C‑840/19, EU:C:2021:1034, punt 134 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">F’din il-perspettiva, għandu jiġi rrilevat li, skont it-talba għal deċiżjoni preliminari, l-Artikolu 581(1) tal-Kodiċi Ċivili jinsab f’parti minn dan il-kodiċi dwar il-kuntratti ta’ bejgħ u li mill-formulazzjoni ta’ din id-dispożizzjoni ma jirriżultax li l-kamp ta’ applikazzjoni tiegħu jestendi għall-kuntratti ta’ xogħlijiet, bħal dak inkwistjoni fil-kawża prinċipali. Skont din it-talba, l-applikazzjoni, b’analoġija, tal-imsemmija dispożizzjoni għal kuntratti ta’ xogħlijiet tagħti interpretazzjoni ġurisprudenzjali u hija s-suġġett ta’ diverġenzi bejn il-qrati nazzjonali kif ukoll ta’ dibattiti dottrinali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Għandu jitfakkar li l-Qorti tal-Ġustizzja ppreċiżat li d-Direttiva 2004/18 ma tipprekludix, bħala prinċipju, riferiment fl-avviż ta’ kuntratt jew fl-ispeċifikazzjonijiet, għal dispożizzjonijiet leġiżlattivi jew regolamentari għal ċerti speċifikazzjonijiet tekniċi meta tali riferiment huwa, fil-prattika, inevitabbli, sakemm li dan tal-aħħar ikun akkumpanjat mill-indikazzjonijiet addizzjonali kollha eventwalment meħtieġa minn din id-direttiva (ara, f’dan is-sens, is-sentenza tal‑10 ta’ Mejju 2012, Il‑Kummissjoni vs Il-Pajjiżi l-Baxxi, C‑368/10, EU:C:2012:284, punti 68 u l-ġurisprudenza ċċitata). F’dan ir-rigward, kif irrileva, essenzjalment, l-Avukat Ġenerali fil-punt 73 tal-konklużjonijiet tiegħu, hija l-prevedibbiltà marbuta mal-għarfien tad-dritt nazzjonali u mal-livell ta’ ċertezza legali li dan id-dritt għandu jiggarantixxi lill-operaturi ekonomiċi fil-kuntest tal-kuntratti pubbliċi li hija determinanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Issa, fid-dawl tal-elementi msemmija fil-punt 46 ta’ din is-sentenza, riferiment għad-dritt nazzjonali bħal dak magħmul mill-Karta ta’ Garanzija ma jidhirx li huwa ta’ natura li jippermetti lil offerent raġonevolment informat u normalment diliġenti li jidentifika b’mod suffiċjentement ċar, fl-istadju tal-għoti, li l-implimentazzjoni tal-garanzija fit-terminu inizjali previst mill-kuntratt ikkonċernat tista’ twassal sabiex jibda jiddekorri terminu ġdid ta’ garanzija, u lanqas ma jippermettilu, a fortiori, li jidentifika l-obbligi li jistgħu jaqgħu fuqu fil-kuntest tal-eżekuzzjoni ta’ dan il-kuntratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Madankollu, hija l-qorti tar-rinviju li għandha tiżgura ruħha billi tieħu inkunsiderazzjoni ċ-ċirkustanzi rilevanti kollha tal-kawża prinċipali, u b’mod partikolari l-punt dwar jekk l-applikabbiltà tal-Artikolu 581(1) tal-Kodiċi Ċivili għall-kuntratt inkwistjoni fil-kawża prinċipali kinitx suffiċjentement ċara u prevedibbli għall-konsorzju ta’ impriżi, fid-dawl tal-istabbiliment ta’ Veolia, kumpannija ewlenija ta’ dan il-konsorzju, fil-Polonja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Minn dak kollu li ntqal hawn fuq jirriżulta li r-risposta li għandha tingħata lid-domanda mressqa hi li l-prinċipju ta’ ugwaljanza fit-trattament u l-obbligu ta’ trasparenza kif imsemmija fl-Artikolu 10 tad-Direttiva 2004/17 għandhom jiġu interpretati fis-sens li jipprekludu l-applikazzjoni b’analoġija għal kuntratt ta’ xogħlijiet, skont interpretazzjoni ġurisprudenzjali, ta’ dispożizzjonijiet tad-dritt nazzjonali li jirregolaw il-garanzija fil-qasam ta’ kuntratti ta’ bejgħ li l-kontenut tagħhom la ġie espressament ippreċiżat fid-dokumenti tas-sejħa għal offerti u lanqas f’dan il-kuntratt ta’ xogħlijiet, meta l-applikabbiltà ta’ tali dispożizzjonijiet ma hijiex suffiċjentement ċara u prevedibbli għal offerent raġonevolment informat u normalment diliġenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-109" title="page-12">
      Għal dawn il-motivi, Il-Qorti tal-Ġustizzja (L-Ewwel Awla) taqta’ u tiddeċiedi:
    </p>
    <p class="C30Dispositifalinea" id="para-110" title="page-12">
      Il-prinċipju ta’ ugwaljanza fit-trattament u l-obbligu ta’ trasparenza kif imsemmija fl-Artikolu 10 tad-Direttiva 2004/17/KE tal-Parlament Ewropew u tal-Kunsill tal‑31 ta’ Marzu 2004 li tikkoordina l-proċeduri ta’ akkwisti ta’ entitajiet li joperaw fis-setturi tas-servizzi ta’ l-ilma, l-enerġija, t-trasport u postali,
    </p>
    <p class="C30Dispositifalinea" id="para-111" title="page-12">
      għandhom jiġu interpretati fis-sens li:
    </p>
    <p class="C30Dispositifalinea" id="para-112" title="page-12">
      jipprekludu l-applikazzjoni b’analoġija għal kuntratt ta’ xogħlijiet, skont interpretazzjoni ġurisprudenzjali, ta’ dispożizzjonijiet tad-dritt nazzjonali li jirregolaw il-garanzija fil-qasam ta’ kuntratti ta’ bejgħ li l-kontenut tagħhom la ġie espressament ippreċiżat fid-dokumenti tas-sejħa għal offerti u lanqas f’dan il-kuntratt ta’ xogħlijiet, meta l-applikabbiltà ta’ tali dispożizzjonijiet ma hijiex suffiċjentement ċara u prevedibbli għal offerent raġonevolment informat u normalment diliġenti.
    </p>
    <div class="signatures">
<p class="C77Signatures" id="para-113" title="page-12">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Pollakk.</p>
</body>
</html>
