9.10.2018   

MT

Il-Ġurnal Uffiċjali tal-Unjoni Ewropea

C 365/4


Notifika minn qabel ta’ konċentrazzjoni

(Il-Każ M.9117 — Saudi Aramco/Arlanxeo)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 365/06)

1.   

Fit-2 ta’ Ottubru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Aramco Overseas Holdings Coöperatief U.A. (in-Netherlands) (“AOHC”), sussidjarja li hija propjetà kollha kemm hi ta’ Saudi Arabian Oil Company (ir-Renju tal-Arabja Sawdija) (“Saudi Aramco”), u

—

ARLANXEO Holding B.V. (in-Netherlands) (“Arlanxeo”).

Saudi Aramco, permezz tas-sussidjarja AOHC li hija proprjetà kollha kemm hi tagħha, takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Arlanxeo kollha kemm hi. Arlanxeo bħalissa hija kkontrollata b’mod konġunt minn Saudi Aramco u Lanxess Deutschland GmbH.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—

Saudi Aramco hija impenjata fl-esplorazzjoni, il-produzzjoni u l-kummerċjalizzazzjoni taż-żejt mhux maħdum u tal-prodott u l-kummerċjalizzazzjoni ta’ prodotti raffinati.

—

Arlanxeo hija kumpanija tal-kimiċi ta’ speċjalità li tipproduċi u toffri firxa wiesgħa ta’ prodotti tal-lastiku sintetiku.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9117 — Saudi Aramco/Arlanxeo

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.